مسلسل جراح الحب الحلقة الخامسة والسادسة

الحلقة 5

وصل عمر الى بيتة
طرق الباب لتفتح والدتة
يسرى : حبيبى ى ى
عمر : ازيك يا مصر
يسرى : هههههه بتتريق على امك
عمر : تؤتؤ هو انا اقدر … بابا مقلش هيجى امتى انهاردة ؟
يسرى : لا ودة من امتى ؟
عمر : ايه يا ماما بدردش عاتى
يسرى : فى حاجة حصلت انهاردة ؟
عمر : ليه يتقولى كدة ؟
يسرى : فيك حاجة غريبة
عمر : زى ايه ؟
يسرى : مش عارفة بس طالما بتسأل كدة يبقى حاجة فعلا
عمر : اه هو فى حاجة بس انتى وشطرتك قوليلى حاجة حلوة ولا وحشة ؟
يسرى : لا ربنا مايجيب حاجة وحشة ابدا بس هو ف حاجة وحاجة مفرحاك كمان
ثم اكملت بفرحة اوعى تقولى انك لقيت بنت الحلال
عمر : هههههههههه هو الكلام مكتوب ع وشى
يسرى : يبقى ف عروسة فعلا
عمر بضحكة : اه
يسرى : لولولوولووووولووووى
عمر : هششششش اسكتى يا ماما
يسرى : فرحنالك يا حبيبى
عمر : هو احنا لسه اتقدمنالها
يسرى : نروح يا حبيبى نروح
ثم طرق الباب
لتفتح يسرى لتجد والدة
احمد : ايه صوت الزغاريد دى يا يسرى وانا طالع الاقى الجيران يقولولى مبروك
يسرى : اصل انت متعرفش حاجة
عمر : ادخل يا بابا الاول
ثم يدخل الاب
احمد : فهمونى في ايه ؟
يسرى : ابنك هيخطب
احمد : لا ليكى حق تزغرطى
عمر : ههههه محسسنى انى عيل صغير
احمد : وانت تقدر تكبر علينا ياد
عمر : لا تبعا يا بابا وانا اقتر
يسرى : ههههه قولى بقا شوفتها فين وعرفتها منين ومعاك ف الكليه ولا ف الشغل وووو…
عمر مقاطعا : ايه يا ماما اهدى شوية
احمد : براحة ع الواد يا يسرى
يسرى : سكت اهو اتفضل قول
عمر : ولا حاجة انا شوفتها طالعة البيت وسألت عليها بواب عمارتهم وقالى
فلاااااااش باااااااك
وهما راجعين من الكليه
عمر : اقف هنا يا يوسف
يوسف : ليه ياعم
عمر : اقف اخلص
وقف يوسف السيارة
ونزل عمر ويوسف
يوسف : خد هنا ياد رايح فين ؟
عمر : اسكت ….. سلامو عليكو
بواب العمارة : وعليكو السلام ورحمة الله وبركاتة اؤمر يا باشا
عمر : الامر لله وحدة
البواب : ونعمة بالله فى شئ حاجة يا بية
عمر : انا مش بيه قولى يا عمر
البواب : عاشت الاسامى يا بية
عمر : ربنا يخليك بيه تانى …. المهم انا كنت جاى اسال على بنت ف العمارة هنا ف الدور التالت
البواب : مين الانسه نيرة بنت ابراهيم باشا
عمر بابتسامة : هى اسمها نيرة
البواب : ايوى يا بيه عملت شى حاجة لحضرتك
عمر : لا لا انا كنت عايز اتقدملها كنت بسال عليها ايه رايك
البواب : والله يا بيه دول ناس محترمة جوى جوى ملهمش دعوة باى حد والانسه نيرة بنت طيبة جوى جوى عارف شايف ابنى الصغير اللى هناك دة
عمر ويوسف ينظرون اللى المكان
عمر : اه ربنا يخليلهولك
البواب : الله يخليك يا بيه كانت تطلع من هنا ولو شافت الولد ابنى تديلة فلوس هى والانسه نورهان
عمر بابتسامة : يعنى اجى اخطبها ع ضمانتك
البواب : ايوى يا بيه
عمر : ربنا يخليك
ثم يبحث فى جيوب البنطلون وياخد عدة نقود ويعطيها للبواب
عمر : اتفضل وشكرا جدا
البواب : الشكر لله يا بية ملهوش لازمة والله يا بية
عمر : خليهم معاك يمكن تحتجهم
البواب : مستورة والحمدلله
عمر : خلاص اديهم لابنك سلام عليكو
البواب : وعليكو السلام يا بيه ربنا ينولهالك يا بية وتبجى من نصيبك
بااااااااك
عمر : بس كدة
يسرى : لولولولوى
احمد وعمر : ههههههه ههههههه

الحلقة 6
عند نورهان
نيرة تدخل لاختها
نيرة : مال الجميل
نورهان : ماما مالها يا نيرة
نيرة : ولا حاجة هتقعد من الشغل
نورهان بفرحة : بجد والله
نيرة : اه والله ايه الفرحة دى كلها
نورهان : اخيرا ماما مش هتتعب ف بيوت الناس تانى وتخلى عمو ابراهيم هو اللى يصرف ع البيت
نيرة : هههه والله انتى غلبانة اوى انتى فاكرة يعنى عمو ابراهيم هيشتغل
نورهان : شوفيلى اى شغلانة ينفع اشتغلها ف البيت
نيرة : ليه يا حببتى انتى ناقصك حاجة
نورهان : لا
نيرة : طيب نفسك ف حاجة عايزة تجبيها
نورهان مبتسمة : هو انتو بتخلونى محتاجة حاجة
نيرة : خلاص اديكى قولتيها مش عايزة اسمع الكلمة دى تانى ويلا عشان نغير ونذاكر
نورهان : ماشى
——–
عند عمر
الباب يطرق عدة مرات
تفتح يسرى لتجد هبه
هبه : بنت رقيقة جدا تبلغ من العمر 22 عام امحاويه واعيونها جذابه بشدة ولكنها عاشقة لعمر
هبه : طنط بتزغرطى ليه انا سامعة من اول الشارع
احمد : هههههه عمال اقولها اسكتى
يسرى : تعالى ادخلى يا بنتى
لتدخل هبه وتسلم ع احمد
هبه : ازيك يا عمو
احمد : الحمدلله يا بنتى
هبه : دايما …. ازيك يا عمر
عمر : تمام ازيك انتى
هبه : انا تمام طول مانت / اصدى طول ماانتو تمام
احمد : هتكلم اهلها امتى
هبه : اهل مين يا عمو بردو معرفتش كنتى بتزغرطى ليه
يسرى : اصل عقبالك كدة يابنتى عمر واخيرا هيخطب
لتسقط هذة الجمله كالصاعقة عليها وتتحول ملامحها الرقيقة الى الشريرة ثم تقول
هبه : مبروك متنسوش تعزمونى ع الخطوبه
احمد : لا واحنا نقدر يا بنتى
هبه : انا هنزل سلام
يسرى : استنى يا حببتى انتى لحقتى
هبه : معلش يا طنط اصلى مقولتش لماما
يسرى : طيب حتى اقعدى الشاى ع النار
هبه بدموع : مرة تانيه ياطنط مع السلامة
يسرى : الله يسلمك
لتغلق هبه الباب بعنف وتمشى خطوتان
وتجلس ع درجة سلم من سلالم العمارة
ثم تبكى بصمت بحرقة
———
عند نورهان
الباب يطرق عدة مرات
لتفتح ساميه وتجد البواب
البواب : سلامو عليكو
ساميه : وعليكم السلام ف حاجة يا ناجى
ناجى البواب : اه يا هانم
ساميه : اتفضل
ناجى : ف اتنين بشوات عدو عليه من شويه واحد منهم اسمة عمر وكان بيسال ع الانسه نيرة بنت حضرتك
ساميه بخضة : ليه هى عملت ايه
ناجى : انا بردة اتخضيت زيك كدة ف الجول بس هو كان جاى يسال عليها عشان جاى يتجدملها
ساميه بفرحة : عريس لنيرة
ناجى : ايوى يا هانم
ساميه : وانت قولتله ايه
ناجى : جولت اللى لازم اجولو يا هانم جولت الحجيجة
ساميه : ايوة اللى هى ايه
ناجى : انتو ناس محترمة جوى وملكوش دعوة بحد يا هانم
ساميه : متشكرة يا عم ناجى استنى ثوانى
لتدخل الام غرفتها وتاخد من شنتطها نقودا وتخرج وتعطيها لناجى البواب
ةفى هذة اللحظة تخرج نيرة وتقول
نيرة ‘ ف حاجة يا ماما
ساميه بابتسامة : لا يا حببتى
ناجى : مبروك يا انسه نيرة والله فرحت جوى جوى
نيرة : الله يبارك فيك بس ع ايه
ساميه : اتفضل انت يا عم ناجى
ناجى : حاضر يا هانم تؤمرينى بحاجة
ساميه : لا شكرا
ناجى : مع السلامة.
ناجى : ايوى صوح هو خد منى رقم ابراهيم بيه وجال هيتصل
سامية : ماشى يا عم ناجى
ناجى : اقفلى انتى يا هانم
ساميه : عن اذنك
ثم اغلقت الباب
وفى هذة اللحظة ظهر ابراهيم لا تنسون كان نائما ف غرفتة ثم قال
ابراهيم : في حاجة
ظلت ساميه واقفة تبتسم وصامتة
نيرة : فى ايه يا ماما
ساميه : موبااااااايلك فين موبايلك يا براهيم
ابراهيم : جوة ليه يعنى
ساميه : سايبة جوة ليه ينفع يعنى الشبكة
ثم تدخل ساميه وتاخد الهاتف وتخرج به
ابراهيم : عايزة ايه منة مفيهوش رصيد
ساميه تكلم ذاتها
ساميه : احطو فييييييين احطو فين يا ساميه ؟
نيرة : يا ماما متقولى فى ايه ؟
ساميه بفرحة : ببساطة كدة جيلك عرييييييييييييس
نيرة تبتسم وتفكر فى يوسف الذى غرقتة بالعصير والسندوتشات ثم اعتقدت انة هو
ابراهيم : اه مبروك ومال ام الموبايل دة ؟
ساميه : العريس هيتصل هنا وانا عايزة احطة ف حتة فيها شبكة … احطو فين فين يا ربى
نيرة : انا هدخل جوة
ثم تدخل نيرة غرفتها
ساميه : اه احطو فوق التليفزيون عشان لما يجى يرن يذبذب قبلها ونعرف انه هيتصل
ابراهيم : شكلك اتهبلتى يا سامية اما صدقتى تخلصى من بنتك
ساميه : امانة عليك يا براهيم لما يتصل كلمة براحة خااااااالص وبهدوووووووء وبصوت ناعم
ابراهيم : استغفر الله العظيم يارب
———
عند يوسف
يجلس يوسف محترا ويظل يفكر بنيرة كثيرا ويبتسم عندما يتذكر ما حدث لها اول مرة ف الجامعة ويتذكر ثانيه مرة ثم يضحك اكتر وتدخل عليه والدته
خلود : بتضحك على ايه يا يوسف
يوسف : ها ولا حاجة تعالى يا ماما
خلود : طيب بقالى ساعة بنادى عليك انا وابوك
يوسف : ها معلش يا امى مسمعتش والله
ثم ينزلو كلا من خلود ويوسف ليتناولو الطعام جميعا
——–
احمد : ها مش بيرد
عمر : مفيش شبكة باين
يسرى : لا حاول يابنى الله يرضى عليك
عمر : هههههههههههه حاسس انك انتى اللى هتتجوزى
احمد : هات اجرب انا
عمر : اتفضل يا بابا
اعطى عمر والدة الهاتف
ليعيد الاتصال مرة اخرى ثم يعطى جرس
احمد : هششش جرس جرس
يسرى : بجد طلعت نحس يا عمر
عمر : ههههههههههه
احمد : اسكتو خلونى اعرف اتكلم