ترفيهقصص قصيرة

شمس الفارس .. قصة قصيرة لـ أمل ع .. الجزء الأول

 

<< شمس الفارس >>
ربما تقود الانسان صدفه..
تفتح له الف باب..باب الحب..
باب العشق..باب الفراق..
ولكن تذكر دائما ان الحب صدفه..
ورب صدفه خير من الف ميعاد..
امل.ع

الجزء الاول

“الصيعد”
كانوا يجلسون فى بهو واسع ببيت كبير بالصعيد
يتحدثون بشأن شئ ما.
-يا ماما والله متأكده..قالتها الفتاه لوالدتها.
-عارفه يا بت انتى لو مطلعتش متربيه زى ما انتى بتقولى هعمل فيكى ايه..هكسرلك رقبتك..قالتها لأبنتها بتحذير.
-والله يا ماما متربيه وانا هكدب ليه..قالتها الفتاه بصدق.
-جرا ايه يا بنت احلام احنا بنتأكد احسن ما تكون قليله الربايه..قالتها امرأه عجوز بلكنتها الصعيديه لهذه الفتاه برزانه وتأكيد او بمعنى ادق تحذير.
-دلوقتى بقيت بنت احلام ما انا من الصبح بنت جمال..قالتها بخفوت..وتابعت..ياجدتى متأكده طبعا.
لتنظر لها امها وجدتها بطرف عيناهم.
-لتحدث اختها الجالسه بجانبها بخفوت..ده هاين عليهم يموتونى.
-ههههه بطلى انتى لماضه ومفيش حاجه هتحصل..احسن يبقى عزاء بدل الفرح.
-فال الله ولا فالك..لا انشاء الله فرح..ايوه فرح..قالتها بفزع لتجل اختها الكبيره تبتسم على تصرفها.
-بت يا نيره كلميها ولا انتى مش ناويه..قالتها والدتها احلام برفعه حاجب لأبنتها الصغيره.
-حاضـ..حاضر هبقى اكلمها بعدين بقى.
-لأ قدامنا دلوقتى وخليها تيجى بكرا هنا.
-بكرا…ازاى..ازاى يعنى هو مش الفرح كمان عشر ايام ولا انتو غيرتوا ميعاد فرحى من غير ما اعرف….قالتها وهى فاتحه عيناها بدهشه.
-لا يا حبيبتى متأجلش بس احنا ولاد اصول لازم تيجى هنا عشان الاحتفالات اللى قبل فرحك ولا عايزه صاحبتك تاكل وشنا وتقول ان احنا مش ولاد اصول ولا بيت كرم..قالتها احلام بهدوء وخبث.
-عندك حق يا ام فارس….دى حتى تبقى عيبه فى حجنا..قالتها وكأنها تعوم على عوم زوجه ابنها.
-كانت تريد ان تتكلم ولكن قاطتعتها جدتها بلهجه آمر..يلا يابنت احلام.
-اسمعى كلام جدتك يا بنت بطنى..كلميها قدامنا وافتحى البتاع اللى بيسمع ده.
نظرت الى علا اختها لتسنجد بها..ولكنها رفعت رأسها الى الاعلى وكأنها لم تراها…نظرت اليها نيره بغل شديد وكأنها تريد ان تقطع رأسها.
-طيب وايه لزمته الأسبيكر بس.
-الأيه يا ختى اتكلمى عدل.
-هههه البتاع اللى بيسمع…قالتها علا بضحكه.
-ااااه..لا ياختى انا عايزه اسمع..كادت نيره ان تتحدث ولكن قاطعتها احلام قائله…..وخليكى فى حالك عشان انا مش بحب الاسئله الكتيره بتتعبنى يا بنت بطنى..قالتها امها بتحذير لتبتر لسانها.
*************
ارادت ان تعرف كيف تكون طريقتها فالتحدث هكذا هى طريقه احلام فى تحديد شخصيه الانسان تتبع مقولة :
<<اعرف ادب الانسان من طريقه كلامه>>
*************
كانت تتمسك هاتفها وكتبت ارقام تعرفها جيدا وما هى الا دقائق لتسمع صوت ما.
-لتقول :السلام عليكم.
-ليظر لها صوت رخيم تعرفه :وعليكم السلام.
يتعجبون من نبره صوتها الثقيله كيف لأنسه مثلها وفى سنها تحمل هذا الصوت الخشن.
-انا نيره هى فين شمس؟تسالت نيره بهدوء على غير عاداتها جعلتهم يفتحون اعينهم على مصراعيها من هذا الادب الذى اصبحت عليه.
-صباح الخير انسه نيره…شمس هانم بتزور انغام هانم..قالتها نفس المرأه بصوتها الرخيم.
-اوكى لما ترجع ياريت بعد اذنك تبلغيها ان انا..اتصلت بيها.
-ده اكيد انسه نيره.
-تمام..ميرسى لزوقك…قالتهانيره بأدب شديد.
-العفو ده واجبى.
****************
وعندما اغلقت نيره الخط…ربنا ينشف دمك زى ما بتنشفهولى يا بعيده.
-مين الكائن ده؟…تسالت علا بإهتمام.
-دى مديره البيت بس ايه اعوذ بالله تحسى انها هولاكو ولا دراكولا…قالتها نيره بغل شديد.
-الحمد لله انها مش امها كانت ليلتك هتبقى سوده زى شعرك…قالتها ام فارس بصدق.
*****************
بعد عشر دقائق رن هاتف نيره لتجيب بسرعه وتفتح الاسبيكر خوفاً من امها وجدتها.
-نيرو وحشتينى جدا…اخبارك؟قالتها شمس بصوت ناعم وانوثى يختلف مائه درجه عن الصوت السابق.
بدايه مبشره….حدثت احلام نفسها.
-وانتِ كمان شيرى..انا تمام..اخبارك انتى؟قالتها نيره بحب.
-الحمد لله تمام..سورى نيره كنت عند مامى ولسه راجعه حالاً.
-تمام تمام بس وحياه خالتك يا شيخه يارت حد تانى يرد عليا بخاف..قالتها نيره بعفويه.
-هههههه..ضحكت شمس بخفه،وتابعت..ليه كل ده بجد مدام حنان طيبه اوى.
-حنان..ده جنان والله بتخوف اكتر من افلام الرعب..بصى انسى بقولك.
-ايه خير.
-خير ان شاء الله بصى يا شموسه يا حبيبتى مش انا فرحى كمان عشر ايام.
-اهاا..مبروك نيرو..قالتها متمنيه لها الخير.
-الله يبارك فيكى..ممم بصى يا شمس هو انتِ مش هتيجى فرحى بقى.
-نيرو حبيبتى انتِ عارف الفرح عندك اكيد لو كان هنا كنت هحضره..اسفه يا نيرو..قالتها بأسف واضح.
-طيب ما تيجى هنا..قالتها بحماس.
-يا روحى هاجى ازاى بس ثم ان انا مش عارفه حد عندك خالص آجى ازاى بقى؟؟.
-طيب انتِ هتيجى تقعدى عندنا فالبيت.
-وهاجى ازاى؟ومع مين؟هو انتى عزمتى حد من الجامعه؟.
-يا بنتى عمى هيعرف يتصرف بس انتِ قوليلو..انا لا مش عازمه حد غيرك انتِ عارفه انا مش بحب اسلوبهم وكمان انتِ صاحبتى الوحيده.
-مم..انا كده مش هعرف اقنعه وخصوصاً انى هروح لوحدى.
-لا ابوس ايدك اتصرفى….قالتها بإندفاع.
-فى ايه مالك؟ههه..طيب بابى مسافر وهيرجع القاهره كمان ثلاث ايام..اوعدك اول ما اشوفه هتكلم معاه فالموضوع ده.
-لا انتى بكره لازم تكونى هنا…قالتها نيره باندفاع ثانياً.
-ممم..هو مش الفرح كمان عشر ايام!!..قالتها بإندهاش.
-ايوه بس هنا قبل الفرح بيبقى فى يعنى احتفالات هنا وكده.
-احتفالات! احتفالات ايه قبل الفرح بعشر ايام!….قالتها شمس بإندهاش واضح.
-ما انتى هتعرفى بكره اول ما توصلى هحكيلك بقى..وتابعت دون ان تعطى لها فرصه..بصى بقى الساع اربعه العصر اول م تكلمى عمى قوليلوا..واتصلى بيا او ابعتيلى مسج ميعاد وصول كعشان نبعت حد يوصلك هنا..تمام يا شموسه..تنفست صاعداً عندما انتهت من كلامه او ثرثرتها.
-اندهشت شمس من اصرارها..هـ..بصى..مم هو فيه ايه ؟؟
-ايه يا شموسه انتى صاحبتى وعايزاكى تبقى معايا..قالتها ببرآة.
-ده بجد مفيش حاجه؟.
-اكيد لا.
-اوكى…هشوف بابى و هبعتلك مسچ…..نيرو اوعى..قالتها بقلق خفيف
عيب عليكى يابنتى مفيش قلق لان ببساطه مفيش حاجه كل اللى انا بطلبه ان صاحبتى تكون معايا..عيب يا متر.
-هههه لا مفيش عيب…اوكى.
*****************
“القاهره”
داخل فيلا كبيره اشبه بالقصور ملاك لا انها..شمس
تهبط الى الاسفل عبر درج كبير وتظل تبحث بعيناها لتجد ما كانت تريده…لتتسع ابتسامتها قائله
-نانا وحشتينى..قالتها برقه طبيعيه.
-تدور جدتها وتنظر لها لتجد حفيدتها التى تعشقها لتتسع ابتسامتها وتفتح لها زراعيها لتذهب لها حبيبتها وتحتضنها برقه..اه يا حبيبتى كم تشبهى امك فى كل شئ..ابتعدت عنها بهدوء
-اخبارك شمس؟قالتها جدتها برقه مثلها وكأنها صفه متوراثه.
-تمام يا نانا اخبار صحتك ايه؟اسفه يا حبيبتى نزلت الصبح من غير ما اقول لك..شفتك نايمه قلت بلاش اصحيكى.
-ولا يهمك شمس..انا بخير يا حبيبتى الحمدلله..مالك؟فى حاجه مش كده؟.
-تنهدت شمس..وامائت براسها..وحدثت جدتها بما اخبرتها نيره.
-تمام..اناهكلم عزت فالموضوع ده.
-لبتسم جميله وتقبل جدتها..احلى نانا فالدنيا كلها..انا هروح اشوف اذا كانت حاجه مش معايا..وكأنها بصمت بموافقه والدها.
ذهبت اتجاه الدرج..لتنظر اليها جدتها..وتذكرت ابنتها..رحمك الله يا انغام..وتمسح دمعه حاره هبطت من عيناها.
*******************
“الصعيد”
اغلقت الهاتف مع شمس لتجد اختها علا تسألها
-هى محاميه هاا محاميه.
-انتِ شايفه ايه؟
-بت يا نيره اول ما تقولك هتيجى امتى ابقى قوليلى..بس ايه ده ؟ابوها سايبها كده تقعد لوحدها ياختى من غير ما يخاف عليها.
-يا ماما جدتها قاعده معاهم .
-نظرت لها والدتها ولم تتحدث.
كادت ان تتكلم نيره ولكن قاطعها دخول اخيها الاكبر والصغير..فنظرت لها جدتها لتمنعها من الكلام،
جلس اخويها عندما بعدما اطلقوا سلامهم.
-ها كنتوا بتتكلموا فى ايه؟..قالها خالد اخيهم الاصغر بحماس.
-واحنا هنتكلم فى ايه بس هو يعنى فى حاجه نتكلم فيها..قالتها ام فارس بقله حيله.( قلب امك يا اميره ).
-يا سلام لا شوف يا اخى قال وانا اللى كنت ظالمهم..ده انا مفترى اوى..عيب يا احلام مش كده ده انا ابنك بردوا.
-اسمها احلام..يا قليل التربيه..قالتها جدته .
-قليل التربيه…قالها بخفوت..وتابع..طبعاً ما لو كان غيرى قالها كانت هتبقى زى الفل والعسل.
-لينظر له اخيه بتحذير ويقول له: مش
تقوم تذاكر كلمتين ينفعوك..قالها هو يغلق عيناه بخفه اوصلت فى اطرافه الرعب.
-اكيد انا هقوم حالاً..تؤمرنى بحاجه؟
-لا..تسلم.
-اى حاجه طيب انت كلمتك ماشيه عليا وعلى اللى يتشددلى.
لأأ..قالها وهو ينظر لعيناه.
-ابيه فارس..قالتها نيره بأدب شديد.
-يا اميره يا حوونينه..قالها خالد بخفوت..سمعه فارس ليبتسم بخفه شديده لقول اخيه.
-خير..قالها بهدوء.
-فى واحده صاحبتى احتمال تيجى بكره ينفع اى حد يجيبها من المطار ويوصلها هنا معايا.
-احلفى..قالها خالد بإبتسامه تكاد تصل لأذنيه.
-والله.
-مين دى ها؟؟..تسأل بحماس.
-قلتى لأبوكى؟.
-ايوه يا فارس انا قلتله الصبح..قالتها احلام لتتفادى تسرع ابنتها..انا لم اخبرها ان تتحدث مع فارس الان كان من المفترض ان تحدث والدها اولاً..اه يا لكى من غبيه ومتسرعه.
-تمام..هشوف حد يبقى معاكى.
-مين دى؟نيره حبيبتى مين دى ؟طيب بلاش..حلو؟..طيب اى حاجه مش كده..ده انا اخوكى.
-قليل التربيه..قالتها جدتهم…ليبتسموا.
****************
كانت تجلس فى المطار منتظره النداء للتوجه الى الطائره..تذكرت انها ظلت تقنع والدها هى وجدتها لتسافر لمده ساعتين..حتى وافق واقتنع..اه والدها..اباها الذى يعد من اشهر محامين مصر..الذى رباها وراعاها كان لها بمثابه الأب والأم..لم يشعرها بنقص..عادت بذاكرتها للخلف عندما كان يقص عليها كيف قابل والدتها..او كما يقول زوجتى العزيز
” كنت فى اسكندريه على البحر انا وعيلتى..بس كنت بفكر فى قضيه شاغله تفكيرى..كانت قضيه قتل..هههه متخافيش مش هحكى حاجه عن القضيه,كنت بتمشى على البحر لقيت انغام صدفــه….ممم كانت واقفه على الشط وكان فستانها ابيض اوى..وقتها كنت مش عارف الفستان اللى منور ولا هى اللى منوره..ههه كان شعرها طاير كان طويل ونفس لون شعرك كده..كانت قمر لا كانت..شمس زيك كده لدرجه انها كانت ملفته..ابتسمت بس لان ابوكى راجل تقيل ولا بصيت ناحيتها..وبس ياشمس لقينى فجأه مطلع ورقه من معايا وبرسمها..وبعد ما رسمتها روحت وريتها الرسمه…انغام بصت على الورقه وبعدين بصتلى وهى بتضحك..قالتلى..دى انا..قلتلها..اايه رأيك؟..ضحكت وقالتلى بجد حلوه لا دى جميله اوى ميرسى..قعت انا وهى نتكلم..بعد ساعه الا ربع واحده قالتها تروح تكلم جدتك خدت الرسمه وشكرتنى ومشت..وشفتها تانى يوم وبردوا كلمتها..ثالث يوم جدتك شافتنا وانغام عرفتى عليها كانت شبه جدتك..كانوا نازلين مصر اجازه وبعد كده هيرجعوا اليونان عشان كانوا عايشين هناك عشان جدتك من اصول يونانيه..انا عرفت ان هما هيسافروا كمان يومين بسرعه روحت لجدك وقلت انا عايز اتجوز فرح اوى بس لما عرف انها كانت عايشه هناك رفض بس انا قلتلوا انها متربيه ومصريه هى عاشت هناك بس عشان والدها مات شغل جدتك هناك..رفض لحد ما خليتوا يتكلم مع انغام بس من غير ما تعرف ان انا عايز اتجوزها عشان كانت خجوله اوى..وافق عليها ورحب كمان بيها وقالى اروح افاتح جدتك..ولما فاتحتها رفضت وقالت لا يعنى لا..انغام عرفت ان انا عايز اتجوزها بس زعلت من جدتك عشان رفضت..جدتك قالت انها مش مستعده تسافر وتسيب بنتها الوحيده وقررت انهم هيسافروا اليونان بسرعه بس انغام زعلت من جدتك اوى وجدتك وافقت عشان مش عايزه تزعل بنتها الوحيده بس انا اخدت المقابل جدتك كانت مش بطيق سيرتى بس انا بردوا فضلت مع انغام…اتجوزتها وجدتك بردوا فضلت كده معايا لحد ما عرفت ان انا مش بزعلها وبحب افرحها من انغام…جدتك حبيتنى وبقت بتعاملنى كويس..عدت سنين و اتولدتى..وانا سميتك شمس عارفه سميتك شمس ليه ؟اول مره اتقابلنا كان فيه شمس قلت لأنغام تقعد فالظل عشان الشمس..قالتلى: انا بحب الشمس..،قررت اول ما شفتك اسميكى شمس..عشان تنورى حياتى..
عارفه فى حاجات فى حياه الانسان بتجمعه مع الناس صدفه..ضرورى تجمعه صدفه..هتتقابلوا صدفه..هتقرروا تعيشوا مع بعض وتكملوا بعض بسبب صدفه..وضرورى بيجى القدر يفرقكوا صدفه..ويا تقرروا تكملوا حياتكم على آمل انكم تقابلوا حد تانى صدفه..او تقرروا تكملوا حياتكم بس لحد ساعه القدر عشان يجمعكم رب كريم وترجعوا تانى لبعض تحت مسمى كلمه صدفــه..
لازم نفتكر اننا جاين الدنيا صدفــه..
وهنمشى منها صدفــه..
عشان حياتنا صدفه “.
فاقت على النداء الاخير للتوجه للطائره ..فقامت وتوجت..وعند الاقلاع تسألت..كيف لأنسان ان يحب انسان لم يتعامل معه قط ولم يراه؟..يمكن ان يكون بسبب غريزه الامومه..نعم فكل انسان ولد به غريزه الحب تجاه امه بل والديه..اشتاق لكى امى..رحمك لله يا عزيزتى.
-يا انسه حمدلله على السلامه الطائره وصلت..قالتها المضيفه ببشاشه.
-هاا..ميرسى..قالتها شمس بإبتسامه.
****************
ظلت تنتظرها بصاله الانتظار..لتراها قادمه لتذهب اتجاهها..وتحتضنها وترحب بها.
-حمدلله على سلامتك يا شموسه..ايه يابت اللى انتى لبساه ده؟.
-مالوا مهو واسع اهو.
-وشعرك ده!
-ده اعمل فى ايه بقى؟
-تعالى يا قدرى.
اخذتها الى الحمام..واعتطها عباءه وطرحه لترتديهم..واخذتها وذهبوا متجهين الى بيت عائله “رسلان”
كنت خجله بشده بداخلها.
-اهدى يا شموسه وبعدين مالك مكسوفه كده.
-لا عادى.
-يا بت انا نيره بردوا.
-تفتكرى كان ايه اللى هيحصل لو كنت جيت يوم الفرح.
-يا بت بقولك انتى اختى عيب كده وبعدين الصعايده اهل كرم بردوا.
وصلوا الى المنزل كان كبير ولا يقل حجماً عن بيتها..اتجهوا ناحيه الباب ودخلوا..

كانوا بداخل المنزل منتظرين دخولها..وكأنهم منتظرين تصويب هدف من تصفيات نهائى كاس العالم..
حتى سمعوا صوت نيره..فتغلغل الحماس بداخلهم..
رافقتها نيره داخل احدى غرف الجلوس الموجوده داخل البيت.
دخلت بطلتها الرقيقه الفاتنه..وجدت ثلاث نساء واحده بعمر جدتها او اكبر منها بقليل..الثانيه بعمر اخت اباها تقريباً..اما الثالثه شابه فى ريعان شبابها تمتلك شبه كبير بينها وبين نيره فى شعرها الاسود وعيناهم البنيه.
-ااااه مين القمر دى يخربيتك..حدثت علا نفسها.
-ما شاء الله ولا قوه الا بالله..حدثت نفسها ام فارس وكذلك جدتهم والذى تعتبر سيده هذا البيت.
-شمس دى جدتى ودى ماما اما الصغيوره دى علا اختى اكبر منى..قالتها نيره بعفويه..وتابعت..دى بقى شمس..وغمزت لوالدتها وجدتها دون ملاحظه شمس.
-حمدلله على السلامه يا حبيبتى نورتينا..قالتها ام فارس ببشاشه..جعلت شمس يقل خوفها.
-ميرسى انطى ربنا يخليكى..قالتها برقه وهدوء لا يوجد بهم اى اصتناع.
-حمدلله على سلامتك يا بنتى..قالتها سيده البيت بهدوء وبشاشه.
-قالت شمس بإبتسامه: ميرسى.
-لا بجد خط الصعيد كله نور بشمسك يا قمر..ايه الجمال ده؟…قالتها علا بصدق وعفويه.
-ميرسى علا ده من ذوقك.
-لا بجد بسم الله ما شاء الله انتى زى قمر.
-انتى اللى عينيكى حلوه ميرسى.
رحبوا بها ودعوها تجلس وقدموا لها ما لذ وطاب.
-كانت ام فارس وام جمال ينظرون لها ولخصلات شعرها الناعمه المتناثره خارج هذه الحجاب.
-ما تشيلى الطرحه دى يا حبيبتى مفيش حد غريب وكمان مفيش حد هيدخل هنا..ولا انتى مكسوفه مننا.
-يا خرااابى ده انتِ ياماااا عليكى حاجات..حدثت نيره نفسها.
-خلاص يا ماما سبيها براحتها شكلها مكسوفه..قالتها علا بحكمه.
-لا خالص مفيش مشكله عادى انا مش مكسوفه.
نزعت طرحتها برقه ليسترسل شعرها الحريرى على
ظهرها ليقف عند نهايته بلونه الكستنائى الخلاب كان فائق النعومه..ما هذا الجمال..عيناها واسعه ذات اللون الأزرق لون البحر الصافى..اهدابها الطويله والكثيفه..شفتيها وخديهاالذى يكسيهم اللون الاحمر ..بشرتها البيضاء المورده..جسدها الممشوق..كانت شابه اكثر من فاتنه..سبحان من صور.
-ما شاء الله..ما شاء الله الله اكبر..قالتها ام فارس.
-ربنا يحميكى يا بنتى..قالتها ام جمال.
اصبحت بشرتها اكثر تورداً من شده خجلها.
-يا جماعه شموسه بتتكسف بلاش تحرجوها..قالتها نيره.
جلسوا يسترسلون الاحاديث..وبعد فتره،
-نيره..طلعى شمس فوق عشان ترتاح..قالتها ام فارس..وتابعت..يلا يا نيره بلاش رغى بقى ارحمى نفسك.
– ههه يا ماما بلاش احراج قدام الاجانب مش كده..قالتها نيره بضحك.
-اجانب ايه..شمس مش غريبه..يلا بقى عشان ترتاح.
اخذتها وارتها غرفتها..وتركتها ترتاح.
*********************
هبطت الى الاسفل متجه الى مجلسهم مره اخرى.
-ها ياماما طلعت بفهم ولا لا…قالتها بغرور مصطنع.
-لا اول مره تطلعى بتفهمى يا نيره..ما شاء الله..قالتها ام فارس ببهجه.
-لا بجد دى قمر قمر ازاى ده..قالتها علا غير مستوعبه.
-قولى ما شاء الله يا علا يابنتى..قالتها ام جمال بحكمه.
-ايه رأيك فيها يا ام جمال؟..سألتها ام فارس منتظره رأيها.
-هه..تنهدت ام جمال..وتابعت..ما شاء الله ادب واخلاق وجمال.
-عشان تعرفى يا جدتى..انا نيره بردوا.
-لا عندك حق يا بنتى..اول مره تفلحى فى حاجه.
-هههههههههه..ضحكت علا بشده على حديث جدتها.
-يا خراابى..هو انا مش بنت ابنك زيهم بردوا ولا انتو بتكدبوا عليا.
-ههه..والله انتى وزوقك يا بنت ابنى..قالتها ام جمال بهدوء لتخيفها قليلاً..امرأه عجوز بعقل ناضج رغم مرور الزمن.
-ايه يا حاجه هو انا مش بنتك ولا ايه؟ماما..يا ام فارس.
-يابت اعقلى بقى ده انتى كبرتى..قالتها ام فارس متعجبه من ابنتها.
*********************
غابت شمس النهار لتأتى شمس الليل…القمر
دخلت الى غرفتها بعدما طرقت على الباب..لتجدها مستيقظه.
-انتِ صحيتى من امتى؟تسألت نيره.
-يعنى تقريباً ساعتين.
-طيب مش بتناديلى ليه..؟
-عادى.
-يابنتى انتِ مكسوفه ليه عادى يعنى اعتبرى نفسك فى بيتك ولا انتى مش مرتاحه معانا.
-لا خالص والله اهلك طيبين و مُريحين جداً..
-طيب يلا تعالى معايا بقى عشان العشاء جاهز.
-بصى بجد مش جعانه خالص..قالتها بصدق.
-لا عيب والله مش هينفع ولا انتى عايزه جدتك تآكل وشنا.
-ههههه ايه لا اطمنى مش هتاكل وشك..اه بتقولك مبروك.
-الله يبارك فيها..يلا ننزل بقى.
-بصـ..قاطعتها نيره.
-يلا عشان بجد هزعل،بس استنى هروح اجيب طرحه.
ذهبت نيره لتأتى بطرحه سألتها والدتها.
-بتدورى على ايه؟
-على طرحه عشان شموسه.
-هى صاحبتك وصلت؟سألها خالد بحماس يكاد يصل للسماء.
-خليك فى حالك يا خالد..قالتها ام فارس بتحذير.
-يبقى وصلت..ماما هى حلوه؟؟هااا يا حاجه..طيب وحياه…قاطعته ام فارس.
-متحلفنيش بحياه حد عشان مش هقولك..ويلا بقى عشان ليلتك دى تعدى على خير.
-ماما سربى الأخ ده عشان شمس نازله معايا.
-سربى!هو انا كلب..ما علينا ماما هى اسمها شمس.
-غبى..قوم اطلع بره ومتقربش هنا..قالتها ام فارس بقله حيله.
****************
خرج من الغرفه يكلم نفسه ليوقفه فارس.
-انت اتجننت ولا ايه؟
-امك هى السبب.
-ليه؟..سأل فارس.
روى له فارس ما دار بينه وبين اخته وامه.
-بس يا سيدى هو ده اللى حصل.
-عندها حق انت مال اهلك اساسا..حدثه فارس ببرود.
-الله مش المفروض اعين ولا ايه.
-تعين!! روح ذاكرلك كلمتين يا بتاع ثانوى يا فاشل..قال ذلك وتركه مكملاً طريقه
**********************
مر اربعة ايام على وجودها بذلك المكان..كانت ايام هادئه استعداداً لأيام اكثر صخوبه..
فى ذلك اليوم استيقظت وانهت روتينها اليومى للصباح واتصلت بجدتها ووالدها الذى افتقدها بشده..
-اوكى يا حبيبى..لا ان شاء الله مش هتأخر..انتَ اللى بجد وحشتنى..اوكى ياحبيبى..لا اله الا الله.
كانو ذاهبين اتجاه غرفتها وطرقوا ولكن لم يجدوا ردا فدخلوا للاطمئنان عليها وسمعوا آخر ما قالته..ليفتحوا عيناهم بدهشه.
التفت شمس لتجدهم وتبتسم لهم.
-صباح الخير.
-هه..اه صباح النور…قالتها نيره خائفه من رده فعل والدتها..هاااار اسود..حدثت نفسها.
-نيرو بابى بيسلم عليكى وبيقولك مبروك.
-هه..هو انتى كلمتيه امتى؟.
-ايه يا نيره لسه مكلماه حالا قدامك!!.
-هو انتى كنت بتكلمى باباكى..قالتها ببلاهه.
-ايوه لسه قافله معاه حالاً وانتو داخلين..مالك؟!.
ارتاحت ام فارس بداخلها.
-لا ده انا احضنك بقى..حدثت نيره شمس..ريحتينى الهى ربنا يريح قلبك..واحتضنتها تحت دهشه شمس.
-ريحتك فى ايه؟.
-ريحى بالك يا بنتى انتى عارفه نيره عيار دماغها فالت..قالتها ام فارس بقله حيله.
-ههه..تمام.
عند الساعه الرابعه عصراً جائت علا مع شابه..
كانو جالسين فى احدى غرف الجلوس..ليدخلن الغرفه
-ماما وحشتينى..قالتها الابنه الثانيه لجمال رسلان..قبلت يد امها، وجدتها،وقبلت نيره الصغرى وسلمت عليهم..وتنظر الى شمس مبتسمه وقالت.
-شمس مش كده؟
-ممم..شمس..قالتها بإبتسامه.
-ازيك يا قمر..انا شروق اخت علا ونيره الصغيره.
-لا متقوليش كده انتى بنتى..اختى ايه ده بنت 15سنه ..قالتها نيره لتسفزها.
-ايه العسل والخفه دى كلها هما اللى بيتجوزوا بيبقوا عسل كده.
-والله انا المفروض اعرف منك.
-تركتها شروق ولم تتحدث..وذهبت لترحب بجميله..وبعد فتره سألتها شروق.
-انتِ ما شاء الله قمر يا شمس..شبه مين؟
-ماما..قالتها بإبتسامه رقيقه.
-ربنا يخليها ليكى.
-ربنا يرحمها ويرحمنا جميعاً..قالتها ام فارس بهدوء وهى تنظر الى ابنتها.
-شمس..انا اسفه بجد مش عارفه.
-لا عادى صدقينى عارفه انك مش قصدك..حصل خير مفيش حاجه بلاش تكبرى الموضوع..قالتها شمس بإبتسامه.
فرحت ام فارس برده فعلها هى وام جمال فقط لأدبها وهدوءها.
*******************
كانت الساعه الواحده بعد منتصف الليل..لا تعلم لماذا لا تريد النوم فى هذا الميعاد..نهضت من فراشها وذهبت الى شباك زجاجى كان بغرفتها بالأضافه الى الشرفه..رفعت ستار الموضوع على الشباك ليمنع مرور الضوء لغرفتها لتجد..ساحه كبيره بها اشجار واعشاب خضراء جميله..ظنت انها الحديقه ولكنها قالت ان الشرفه الكبيره هى التى تطل على الحديقه..وان هذا مكان والثانى مكان آخر..ولكن ماهذا؟؟؟!!
رجل ذات طول فارع.. ذات جسد رياضى..قوى البنيه..لم يتبين ملامحه لها..كان يقف بجوار خيل اسود قاتم قوى..كان يضع يده القويه على شعر الجواد..ليخرج صهيل خفيفاً كانت تسمع هذا الصوت يومياً ولكن هذه اول مره تنظر خارج هذا الشباك..ابتسمت بخفه ونظرت للقمر..لا تعرف من هو؟؟!..كل ما تعرفه انه
فارس من زمن آخر..
ظلت تنظر براحه وابتسامه لوقت طال بها..كم تمنت ان تعرف من هذا
الفارس؟؟
*********************
خرج عند منتصف الليل اتجاه ساحه كبيره يوجد بها اسطبل كبير للخيل..يوجد بها انواع كثيره من الخيول..ذهب الى جواد معين..كان جواد اسود قاتم يزين جبهته ختم ابيض اسفل شعره الاسود ليدل على اصالته العربيه..اخرجه من هذا الاسطبل لساحه بها اعشاب خضراء..اشجار كبيره..ابتسم بخفه لجواده
ورتب على ظهره..ليخرج صهيله وكانه فرح لرؤيه
صديقه هكذا..
***********************
فى صباح اليوم الثانى كانت مع علا وشروق كان معهم طفل كان ابن شروق كان يشبها الى حد كبير كانت عيناه بنيه مائله للون العسلى وشعره اسود
-ماما مين الموزه دى؟
-ههههه..اطلقوها جميعهم.
-هههه عيب يا هادى.
-ازيك انا هادى..قالها هادى بفرح طفولى.
-هاى انا شمس.
-انتى حلوه اوى يا شمس وموزه و…
-كفايه عليك كده ياهادى انت لو كملت مش هنخلص من قله الادب..قالتها شروق.
-نظر لها هادى ولم يتحدث معها..وتابع..بصى تتجوزينى؟.
-ممم افكر..
-تفكرى فى ايه انا عندى عندى بيت هطرد بابا وماما ونعيش فيه فى اسكندريه..قالها بحزن طفولى.
-انا عايشه فى القاهره.
-خلاص اطردى باباكى والماما بتعاتك ونعيش عندك..
-ممممم بس انت اصغر منى..قالتها بقله حيله.
-لا ده انا قدك..بس انا اللى قصير.
-بجد!
-ايوه..يلا وافقى بقى..قالها بزن
-طيب هسأل بابا.
-لا انا هخلى بابا بتاعى يسأله.
-ممممم ماشى.
-ذهب لوالدته..هاتى الخاتم ده اخطب شمس بيه.
-ههههه..لا ده بتاعى.
-ماما هاتى الخاتم ده..قالها وهو يضرب بقدمه الارض .
-لا لا لا.
-ذهب ناحيه الباب وهو غاضب من والدته.
*****************
وجده كان يضرب بقدمه الارض..
-هادى مالك؟
-ذهب لخاله..واخبره انا والدته لم تعطى له الخاتم ليتزوج شمس.
-شمس..شمس مين؟؟
-شمس دى واحده موزه حلوه اوى صاحبه خالتو نيره.
-هههه موزه..يا راجل؟!
-خالو فارس هات خاتم عشان شمس.
-امك مش موافقه يا هادى.
-لا هتوافق هما بيخافوا منك انت ابقى قولها ان انا عايز اتجوزها.
-لا انت عيل يا هادى..وذهب تاركاً اياه..ليجرى وراء هادى وهو يلح عليه.
*********************
مر يومان آخرين..وهى كانت دائماً تنظر لهاذا الفارس وكانت لا تنام فقط….لتراه وهو مع هذا الجواد.
كانت جالسه بغرفتها شارده من التفكير فى هذا الانسان من هو كانت ليست فضوليه ولكن كانت هذه اول مره تشعر انها فضوليه الى..هذا الحد.
-ايه يا شموسه مالك مش بتردى ليه خضتينى عليكى.
-مفيش حبيبتى مفيش قلق انا الحمد لله تمام..مم..نيره
بصراحه فى سؤال عندى ينفع اسأل؟
-اكيد..خير؟
-فى دايماً شخص بيقف تحت هنا واشارت الى الشباك..وبيبقى معاه خيل اسود بيبقى موجود نص الليل بالثانيه مين ده؟
-هههههه..ده ابيه فارس اخويا الكبير اكبر واحد فينا.
-هو انتِ عندك اخ اسمه فارس!!.
-ايه يا شموسه انا كلمتك عنه قبل كده..
-بجد !!
-ايوه يا بنتى اول ما اتعرفنا على بعض..
-ااااه يا ده من اربع سنين .
-مممم بس ايه رأيك؟
-فى ايه؟؟!
-الله فى الخيل..قالتها بخبث.
-انت قليله الادب..وضربتها بخفه على رأسها.
-هههه ماشى يا فارس..قصدى شمس.
-ههه يا رخمه.
******************
جاءت ليله الحناء..وتوافد الى بيت رسلان الكثير من الناس..كانت النساء فرحين وينشدون الاغانى..كان هذه اول مره كانت تحضر بها شمس ليله الحناء بهذا المنظر..كانت الليالى التى تحضرها هى حفله تأتى لهم امراءه ترسم لهم الحناء ايضاً ولكن تشعر ان هذه الحفله اجمل بكثير بها ناس تجد فيهم فرحه حقيقه ليست فرحه مصتنعه.
-ايه شموسه الجو مش عاجبك..قالتها علا.
-بالعكس ده حلو اوى.
-طيب مش بترقصى معاهم ليه؟.
-يعنى مكسوفه شويه..انتِ ليه مش بترقصى علا؟
-يعنى عشان الحمل وكده..قالتها وهى تضع يدها على بطنها بسعاده.
-ما شاء الله مبروك علا..قالتها بفرحه لها.
-الله يبارك فيكى يا شموسه..عقبال ما تتجوزى وان شاء الله تبقى حامل..شمس ليه مش مخطوبه انا عرفت من نيره ان ما شاء الله بتقدملك ناس كتير وليهم مقام.
-يعنى لسه مش شايفه نصيبى..مش شايفه اللى احبه صدفه.
-ربنا يوعدك بيه..قالتها وهى متمنيه حدوث شى ما.
حضر اقارب نيره من الام والاب..كانت زوجه عم نيره تراقب شمس بإهتمام..كانت شمس تلاحظ من بدايه الحفل من جميع السيدات والفتايات لشده فتنتها..كثيراً من سأل على شمس ومن اين ذلك العروس الاكثر من فاتنه؟؟..كانت ترتدى عباءه مغربيه مخمليه اللون مطرزه بأناقه وعنايه شديده..تركت شعرها الحريرى مسترسل.. كانت فتاه انوثيه ذات محط اعجاب من نظرات الآخرين.
-مين القمر دى يا ام جمال؟سألتها نعمات زوجه ابنها الصغير عادل التى لا تحبها فهى جعلت ابنها يترك هذا اباه ليتزوج هذه الحرباء كما اطلقت ام جمال عليها..وجعلته يخرج عن طاعه اباه..
-ليه؟؟
-ابداً بصراحه البت قمر وزى البدر وعاوزاها لهيثم ابنى…
-نظرت لها نظره جعلت بناتها وزوجات ابناؤها يترحمون عليها..
-اسمعى يا نعمات..واسمعى من ليها اللى فكرت فيكو تأخدها لأبنها تشيل الفكره دى من دماغها دى..من نصيب فارس ولد چمال ان شاء الله..يعنى هتبقى عروسه قولوا ان شاء الله..قالتها بتحذير جعلتهم يخافون وجعلتهم يمحون تلك الفكره التى غزت رأسهم جميعاً..
-يازين ما اختارتى يا ام جمال فارس زينه شباب البلد..مبارك يا ام جمال..مبارك يا ام فارس..
كانت نعمات تغلى بداخلها وتحقد على احلام و ابناؤها كان دائماً فارس معروف بخط الصعيد انه من زينه شبابها واعنفهم واذكاهم وكان يحترمونه جميعاً ويقدرونه..على عكس ابنها..وحتى بنات احلام
كانوا اكثر الفتايات احتراماً وخلقاً وجمالاً بين فتيات البلد كم تمنت ان بناتها يتزوجون زيجات مثل زيجاتهم..كانت تتمنى لهم رجال اثرياء فقط ولكن ليس على خلق فقط ليخرجون من هذه البلد..ويذهبون للحضر.
……………………..…………

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى