ترفيهمسلسل جراح الحب

مسلسل جراح الحب الحلقة الثالثة والرابعة والعشرون

الحلقة 23


يوسف : بس والله مش هيهدالى بال غير وانا مموتة فى ايدى
نيرة : خلاص بقا يا يوسف انت ضربتة الاول وهو بعتلك ناس ضربوك …. يعنى انتو خالصين
عمر : انتى فاكراها سهله والله ماهنسكت غير وهو متكسر
نورهان : كفايه بقا مشاكل لغاية كدة .. وبعدين انتو ناس بتوع قانون وكلها السنادى وهتبقو محامين بلاش اللى بتعمله دة
خالد : سيبك منها يا عمر دى غلبانة وع نيتها … وانا معاكو ع فكرة مش كفايه دراعى ورجلى متعورين
نورهان : حتى انت يا خالد يا عاقل
خالد : بصى يا نورهان …. انا عشت سنة عند صاحبى … يعتبر كنت لوحدى …. اى حد كان بيكلمنى كنت بسكت وعامل زى الاهبل …. وكنت بشيل فى قلبى واسكت …..لغايه ما جيت فى يوم ومسكت كل واحد من اللى هانونى وضربتهم… تعالى شوفيهم دلوقتى بيعملولى الف مليون حساب
نيرة : خلاص بقا فكو من الموضوع دة …. عمر هو هيخرج امتى
عمر : وانا نازل عشان ادفع الحساب كلمتة وقالى لو بقا كويس عادى يروح انهاردة
نيرة : كويس
يوسف : طب يلا بقا يا خالد خد اخواتك وروحهم … بس وانت فى الطريق هات لختك طقم
خالد : حاضر من غير ماتقول
يوسف : بتعرف تسوق ياض
خالد : يعنى كلابى كدة
يوسف : كلابى ايه هو انا سالت بتعرف تعوم … بتعرف ولا لاء
خالد : مبعرفش يا عم
يوسف : خد يا عمر معلش مفاتيح عربيتى ووصلهم البت دى مينفعش تطلع برة فى الشارع كدة
نيرة : بت … بت مين ياض
عمر : هههه خلاص هات المفاتيح وانا هتصرف متخفش اجى القيك لابس عشان اوصلك تروح بيتك
يوسف : ماشى صح انا مش لاقى المفاتيح
عمر : اه صح معايا خلاص اشطا… يلا سلام
يوسف : سلام
اخذ عمر حبيبتة نورهان واخذ خالد ونيرة وركبوا السيارة وتوقفت عند محل ملابس ثم نزل خالد وعمر
الى المحل
خالد : طيب ايه الغباء دة هتلبس فين فى العربية مثلا
عمر : تصدق مفكرتش فى الموضوع دة خالص
خالد : هنعمل ايه
عمر : مفيش غير حلين مع العبدلله اللى واقف قدامك دة
خالد : قول يا سيدى
عمر : بص يا خالود مفيش غير اننا نجبلها اللبس ونروح عندى البيت تدخل تغير وانا هظبط امى وابويا واشوف حجة تنزلهم من البيت ودة شكله مستحيل اصلا ….. اما الحل التانى نروح المستشفى تانى وتغير هناك هنعمل ايه بقا
خالد : ماشى ياعم نروح المستشفى تانى هو كدة كدة اليوم ضاع ومفيش نذاكرة انهاردة …. يلا ايه رايك فى دة
عمر : ايه ياعم القرف دة … وربنا لو اختك شافتو لتروح وهى كدة عندها احسن من القرف دة هههه
خالد : طيب دة
عمر : اهو دة معقول شويه … لا لا ياعم بص دة اووبا تحفة
خالد : يا عم اى حاجة وخلاص
عمر : لا لا دة حلو اوى … لوسمحت بكام دة
صاحبة المحل : ب….
عمر : اشطة …. تعرف مقاس اختك ايه
خالد : مانت شايفها اهى رفيعة اى طقم ليه اصغر مقاس هاتو وهيجى عليها
عمر : ماشى لو سمحت هاتى اقل مقاس عندك من الطقم دة بس هاتى اتنين
صاحبه المحل : امرك يا فندم
خالد : اتنين ليه ياعم
عمر : لختى ياعم
خالد : انت عندك اخت
عمر : اه
خالد : بس ايه ياعم زوقك حلو مع انك راجل يعنى
عمر : كنت بنزل مع اختى وهى بتشترى الهدوم واختار معاها
خالد بخبث : امممم اختك عندها كام سنة
عمر : لا يا حبيبى دى متجوزة وعايشة برة بس هتيجى الاسبوع اللى جاى
خالد : احم ماشى
واخذة الملابس وخرجو وركبو السيارة واعطاها الطقم واتجة نحو المستشفى
ثم دخلت نيرة الى الحمام وبدلت ملابسها وخرجت واوصلهما عمر الى البيت
تحت بيتهم فى العربية
عمر : معرفناش نتكلم مع بعض انهاردة كله من يوسف
نورهان : مش مشكله متستعجلش كلها اسبوعين بتوع الامتحانات وبعدين هنتخطب وهنخرج ونتكلم كتير
عمر : يارب يا قمرى
ونزلو جميعا
واوصل عمر صديقة يوسف الى الفيلا
وضرب الباب حتى ان فتحت خلود والدة يوسف
خلود : يالهوى ابنى انا كان قلبى حاسس والله مين اللى ضربك كدة
عمر : متخفيش يا طنط اسنديه معايا نوصلة الاوضة وبعدين نتكلم
خلود : حاضر
اسندتة خلود وعمر وصعدو بيه الى غرفتو
خلود : مالك يا حبيبى
يوسف : مفيش يا ماما عملت حادثة بس
خلود : لا دى مش حادثة دة حد ضربك وشك وارم اهو
عمر : متخفيش يا طنط هو عمل حادثة بسيطة مش اكتر
نظرت خلود الى عمر
خلود : يالهوى يا عمر وانت كمان مضروب زيه ومتعور
عمر : انا متعور
خلود : ايوة وشك اهو بص فى المرايا
عمر : ايوة صح ماانا كنت معاه فى نفس الحادثة
خلود : مش مطمنة خالص
عمر : لا اطمنى يا طنط … انا لازم امشى الساعة بقت 11 والوقت اتاخر
يوسف : عايزك بكرة
عمر : ماانا هجيلك
يوسف : هستناك
عمر : اوك كل ونام ….سلام
يوسف : حاضر ….سلام
ذهب عمر ووصل الى بيتة
يسرى : كنت فين يا خويا
عمر : ابوس ايدك يا ماما انا تعبان مش قادر
يسرى : اه قومتك عليه الهانم
عمر : ماما مليش مزاج اتخانق انا تعبان جدا ابوس ايدك سبينى مستريح بدل ماالم هدومى وامشى
يسرى : انت بتهددنى
ذهب عمر وبكل عصبية وامسك شنطة سفر ووضع ملابسه فى الشنطة واخذها وذهب
—————-

نزل عمر من الشقة
ونزل ع الدرج
فتحت هبه الباب وقالت
هبه : عمر فى ايه
عمر : مفيش حاجة يا هبه
هبه : ايه دة انت مسافر
عمر : لا مش مسافر
هبه : اومال ايه الشنطة دى
عمر بعصبية : ملكيش دعوة عايزة منى ايه
خافت هبه كثيرا
هبه : خلاص انا انا انا اسفة
عمر : معلش يا هبه انا مخنوق دلوقتى سامحينى
هبه : انا مسمحاك يا عمر وعمرى مزعل منك ابدا
عمر : شكرا يا هبه ربنا يرزقك بالشخص اللى يريح بالك وتحبية
هبه : هو موجود بس عامل نفسة مش فاهم
عمر : خلاص قوليلو انتى يمكن ميعرفش وانتى ظلماه
هبه : بجد يعنى اقوله عادى
عمر : اكيد … عن اذنك
وكاد عمر ان ينزل ولكن لحقت به هبه
هبه : عمر انا بحبك
تصمر مكانة ولم يستطيع التحرك
هبه : انت قولتلى اقوله وانا قولتله
عمر : هبه انا انا بحب خطبتى
هبه : متقولش بحبها وبعدين انتو لسه متخطبتوش
عمر : هبه انا بحبك زى اختى
هبه : لا متقولش اختك انا بحبك يا عمر
عمر : ادخلى يا هبه اللى بتعمليه دة غلط
هبه : مش انت اللى قولتلى اقوله
وضع عمر يدة ع راسه وقال
عمر : اااااه
هبه : عمر عمر انت تعبان تعالى ادخل هتقع من ع السلم
عمر : اه مش قادر
هبه بخضة : يالهوى…. يا طنط طنط يسرى يا ماما تعااى الحقى
جرت يسرى ووالدة هبه ع الصوت
يسرى : ف ايه يا هبه…. يالهوى عمر عمر مالك
والدة هبه : تعالى دخليه يا يسرى هيقع من السلم
ادخلتة والدة هبه وهبه يسرى
واجلسوة ع المقعد
اتصلت هبه بالطبيب
وجاء الطبيب وفحصة
وعندما كان يفحصة كان عمر يقول كلام غير مفهوم الا كلمة واحدة فقط كانت مسموعة هى نورهان
غضبت كثيرا هبه عندما سمعتة ينادى باسمها
وبعد ان فحصه الطبيب
هبه : عندو ايه يا دكتور
الطبيب : شويه ارهاق وبعدين وشة وارم اوى هو كان ببتخانق
يسرى : لا مش عارفة
الطبيب : هو بس محتاج ياكل كويس ويبعد عن اى حاجة بتدايقو وياربت تيجبو اللى بينادى باسمها اكيد هيخف ع ايديها
والدة هبه : شكرا يا دكتور
وذهب الطبيب
يسرى : هو بيقول ايه مش فاهمة حاجة
والدة هبه : بيقول نورهان وبعدين يضحك
يسرى : انا مش عارفة عملاله عمل دى ولا ايه
هبه : اه والله يا طنط هتجنن ابنك
وبينما كانو يتحدثوا رن هاتف عمر
اخذتة يسرى وردت
يسرى : الووو
يوسف : الو يا طنط
يسرى : ازيك يا حبيبى
يوسف : الحمدلله … هو عمر نام
يسرى : اه تعب شويه وجبنالو دكتور
يوسف : ليه كان كويس
يسرى : عندة ارهاق بقولك ايه عمر وشة وارم انتو اتخانقتو ولا ايه
يوسف : لا احنا عملنا حادثة وانا اتجبست
يسرى : يالهوى حادثة
يوسف : ايوة حادثة بالعربية بس الحمدلله ربنا كتبلنا عمر جديد
يسرى : يا حبيبى يابنى ومقليش حاجة وانا فضلت اتخانق معاه
يوسف : يا طنط عمر بيحب نورهان وهى كمان بتحبة …. حضرتك انا عارفة انك مش طايقاها وهى حست بكل دة … وقالتله كذا مرة نبعد … وابنك اللى بيتعب ويرجع تانى …. عشان خاطرى يا طنط …سبية براحتة يتجوزو وهو يتحمل نتيجة غلطة
يسرى تأثرت بكلامة
يسرى : حاضر يابنى وانا موافقة
وبعد اسبوعين
بعد انتهاء امتحانات الترم الاول
لقد انتهى امتحانات الترم الاول بنجاح
اليوم هو يوم خطبة نورهان وعمر
نورهان طلبت من عمر ميعملوش فرح فى نادى او قاعة
هيعملو فرح فى شقتهم ومش هيعزموا غير القريبين اوى
فى شقة عمر
دينا اخت عمر رجعت من سافرها هى واولادها الاثنين ( جاسر ، جاسمن )
وزوجها حامد
جاسر : مامى مامى فين خالو
دينا : زمانو جاى يا حبيبى
جاسمن : مامى هى العلوسة هتلبث فثتان
دينا : اه يا حببتى
جاسمن : طب انا عايزة البس فثتان زى العلوسة وزيت
دينا : ماشى انا جبتلك فستان من انجلترا فى الشنطة جوة
جاسمن : هيييييه
جاسر : وانا يا مامى عايز البس بدله زى خالو
دينا : يا حبيبى انا جبتلك بدله جميله اوووى
جاسر : هييييه انا هبقى عليس وانتى علوسه
دق الباب جرى جاسر ليفتح الباب
جاسر : خاااالو وو
عمر : حبيبى هات بوسه اموووواه
جاسر : خالو انا هلبث بدله زيت
عمر : الله طب يلا اجرى البس بسرعة عشان تشوف العروسة
جاسر : ماثى
جاءت مسرعة جاسمن اليه
جاسمن : خالو خالو انا لبثت علوسة
عمر : علوسة وست العلايس كمان ايه القمر دة
جاسمن : عيب يا خالو عيب
عمر : ههههه هاتى بوسة
جاسمن : هالوح اثلح شعرى واكى
عمر : ماشى

الحلقة 24
دخل عمر وجلس ع الكرسى
دينا : عمر مالك
عمر : لا يا حببتى مفيش خايف بس لماما تعمل حاجة فى الفرح
دينا : ليه بتقول كدة
عمر : عشان ماما مش موافقة ع العروسة ووافقت بالعافية
دينا : ومش موافقة ليه هى وحشة
عمر : بالعكس دى قمورة اوى
دينا : امال ايه
وفى اثناء حديثهم دخلت يسرى وقالت
يسرى : اصلها عاميه
نظر عمر ليسرى بغضب
دينا : اييييه ايه الكلام دة
عمر : الموضوع دة شكله مش هيمشى ابدا طول اللى بتعمليه دة ياماما
دينا : هى مش بتشوف يا عمر
عمر بزعل : اه بس بحبها
دينا : ازاى يا عمر يعنى اللى بتقوله دة
عمر : ايه قصتى مختلفة يعنى مسمعتيش عن ناس كتير اتجوزو وهم مش بيشوفوا
دينا : ايوة سمعت بس يا عمر دى مسؤوليه كبيرة اوى عليك
عمر : يا سلام يعنى افرض هى كانت بتشوف واتجوزنا وبعد الجواز عملت حادثة وبقت مش بتشوف ساعتها هقول مسؤوليه واطلقها
دينا : بس دة حاجة واللى بتقوله حاجة تانية خالص
عمر : لا بالعكس وبعدين خلاص الموضوع انتهى وانا هتجوزها ان شاء الله وبعدين انا جاى مش عشان اتكلم انا جاى عشان اخدكم للناس وانتو لسه ملبستوش اخلصوا بقا ولما تخلصو رنى عليه وانا رايح ليوسف عشان العربية سلام
ذهب عمر لصديقة
يسرى : شايفة عمايل اخوكى يا دينا
دينا : سبية يا ماما هو عندة حق ربنا يستر
البسو جميعا
وذهبوا لبيت نورهان
وبالفعل وصلوا سريعا
فى بيت نورهان
نورهان : بقولك ايه يا نونو شكلى حلو
نيرة : قمر
نورهان : بقولك هى مامتة جت
نيرة : كلهم جم
نورهان : انا خايفة اوى من مامتة
نيرة : بطلى عبط دى طيبة اوى وبعدين يعنى هى عفريت
نورهان : مش عارفة حاسة كدة
نيرة : حاسة انها عفريت ههههه
نورهان : لا حاسة انى مش عجباها
نيرة : لالا بقولك ايه احنا انهاردة فى فرح مش عايزين عياط ويلا هاتى ايدك عشان نخرجلهم
خرجو الاختان سويا واعطت لعمر حبيبتة ورحبت بهم جميعا
يوسف : وحشتينى
نيرة : احم دراعك عامل ايه
يوسف : بيوحشك
نيرة : والله طب اهو
ضربتة ع دراعة المكسور
يوسف : ااااه اااه يا بنت ال
نيرة : احسن تستاهل
ساميه : نيررة
نيرة : ايووة يا ماما …. هروح اشوف ماما
يوسف بابتسامة : اوك
ذهبت نيرة لوالدتها
نيرة : نعم يا ماما
ساميه : نعم الله عليكى ياختى واقفة مع الواد دة ليه
نيرة : عادى يعنى ياماما دة زميل عمرو وانا عارفاه
ساميه : وعشان عارفاه تقفى معاه وتهزرى كدة
نيرة : يا ماما فيها ايه يعنى
ساميه : بطلى مسخرة وقله ادب واياكى توقفى معاه تانى
ذهبت ساميه الى والدة عمر
ساميه : مبروك يا يسرى
يسرى : الله يبارك فيكى
ساميه : مالك قاعدة كدة ليه
يسرى : اعمل ايه يعنى
ساميه : سقفى ارقصى اعملى اى حاجة دة فرح ابنك بردو
يسرى : اه ان شاء الله
غضبت ساميه من اسلوبها فذهبت نحو العروسين
واعطت الشبكه لعمر والبس عمر خطيبتة الشبكة وجلسوا يضحكون ويرقصون ويمزحون عدا يسرى الذى كانت جالسة تتحسر ع ابناها
بعد نهاية الخطوبه
دينا : مبروك يا عروسة
نورهان : الله يبارك فيكى … انتى اخت عمر صح
دينا : اها اختة … عرفت تختار يا عمر
عمر : طبعا
سلمو جميعا ع بعضهم
وذهبوا اهل عمر وعمر فى اتجاة بيتهم بسيارة يوسف الذى كان مشغول طول الفرح بنيرة الذى لم تتحدث معة مرة ثانية
—————–
فى العربية
حامد : مبروك يا برنس
عمر : الله يخليك يا حامد مش عارف ازاى بقالك 4 سنين عايش برة وبتتكلم عربى
حامد : يابنى انا مصرى وابن مصرى الله عليه هو فى احلى من لغة مصر
عمر : الله عليك هههه
دينا : بس ماشاء الله العروسة قمر
عمر : ربنا يخليكى يا دينا
يسرى : ياختى … الحلو ميكملش
احمد : مبروك يا حبيبى الف الف مبروك
عمر : الله يبارك فيك يابابا
يوسف : عقبال الفرحة الكبيرة ان شاء الله
عمر : يارب وعقبالك بقا يا جووو
يوسف : لا انا خلاص حجزت عروسة وهى موافقة مش كدة يا جاسمن
جاسمن : لا انت لخم
يوسف : هههه ليه كدة فى حد يشتم عريسو
جاسمن : ايوة عثان انت عمال تسد الفثتان بتاعى وكل شويه تبوثنى
شهقت دينا بمرح
دينا : يالهوى بيبوسك
جاسمن بخوف : مامى انا قولتله لا والله وهو لخم
يوسف وعمر واحمد وحامد : هههههههه
ههههه ههههه هههههه
يوسف : كدابه يا دينا هى الى بستنى ومن بوقى كمان
حامد : كمان يالهوى لما نروح البيت وانت انزلى من العربية دة انا هموتو
جاسمن : يالهوى خلاث يا بابى حلام
جميعم : ههههههه هههههه
جاسمن : انت اللى تداب
يوسف : اههههههههه البت دى بتقلب يا حامد خلاص شعايزها
حامد : وانت تطول
ظلوا يمزحون حتى ان وصلوا البيت
نزلوا جميعم من السيارة وصعدوا الدرج
عمر : مش عارف اشكرك ازاى يا جووو بجد انت صديق مخلص اوى
يوسف : عيب ياعم اللى بتقولو دة وبعدين لو عايز العربية خدها
عمر : ربنا يخليك ليا يا جووو واشوفك مع مراتك وعيالك فى بيتكم مبسوطين يارب
يوسف : يااارب بدعى كل يوم والله
عمر : هى نيرة لسه مقلتش حاجة
يوسف : تؤ تؤ وانهاردة كانت مطنشانى خالص
عمر : معلش شويه وهتحن بس انت بطل شوية واتقل
يوسف : ان شاء الله
عمر : يلا انت روح انا مش عارف بتسوق ازاى بايد واحدة.
يوسف : متعود ع كدة وبعدين كلها بكرة وهفكة يلا اطلع انت لاهلك سلام
عمر : سلام
——————
وفى اليوم التالى
هاتف صديقة يوسف
عمر : يوسف انا عارف انى بتقل عليك بس انت صاحبى ومليش غيرك
يوسف : فى ايه يا بنى عايز فلوس
عمر : لا لا مش حكايه فلوس
يوسف : امال حكاية ايه
عمر : اصل انا هخرج مع نورهان وعايز العربية بتاعتك
يوسف : ياعم وقعت قلبى … تعالى خد المفاتيح واخرج وعيش
عمر : ربنا يخليك يا يوسف طيب انت مش خارج انهاردة بيها
يوسف : لا انهاردة هقديها فيس وواتس وكدة
عمر : انت لسه بتدور ع ايميلها
يوسف : اه ومش لقية خالص
عمر : انا هحاول اجبهولك انهاردة
يوسف : منين يا فالح
عمر : سبها عليه وربك لما يريد
ذهب عمر لياخد السيارة من يوسف ث ذهب لنورهان ليخرجون سويا

———–———-———————-————

ونكمل في الحلقات القادمة ماتنسوش تعلقوا علي الحلقة في صفحة مدام طاسة والست حلة

 الى اللقاء في الحلقات القادمة

بقلم الكاتبة: إيمان ضانا

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى