مسلسل جراح الحب الحلقة التاسعة والعشرون والثلاثون

الحلقة 29

ساميه : الكلام دة صح
نيرة : اه يا ماما بس متفهمنيش غلط بليز
خالد : مين دة بقا يا ست نيرة
نيرة : دة والد يوسف
خالد : يوسف زميل عمر خطيب اختك مش كدة
نيرة : بالظبط
ساميه : وايه اللى خلاكى تركبى عربيتة
نيرة : اسمعة اللى حصل …. انا كنت بتمشى فى الشارع وجة اتنين بيعكسونى ….. هو كان معدى وشاف اللى حصل وجة دافع عنى …. وهو واقف بيتكلم معايا اتهجموا عليه تانى وضربو وعوروة بالمطوة فى جنبة اليمين
خالد : ماشى معرفتش بردو ايه اللى ركبك مع باباه
نيرة : ماانا خدتة وفى ناس سعدووونى وودناه المستشفى عمل عملية واتصلت بوالدة جة وشافة واطمن عليه وقالى لازم اوصلك لبيتك عشان الدنيا ليلت
ساميه : والله كتر خرهم يا بنتى ربنا يجازية خير …. عشان كدة كنتى بتعيطى
نيرة : ااااا … اه يا ماما
قالتها بتوتر واضح
ساميه : الحمدلله انا هروح احضرلكو العشا واصحى اختك بقالها يومين مش بتتكلم نهائى
نيرة : ماشى وانا هدخل اشوف مالها
بعد ان ذهبت والدتهما
خالد : فكرينى بكرة نروحله المستشفى ونطمن عليه ونشكرة
نيرة وقد تذكرت حديث والدة
نيرة : لا لا خلاص مش لازم هو كويس
خالد : يبقى محصلش كل الفيلم دة وانتى كدابه
نيرة : لا والله حصل
خالد : خلاص اثبتيلى كلامك ونروحله بكرة
قالها بشك واضح وقد ما فهمت مايدور فى عقله
نيرة : اوكيه
دخلت وهى بعينيها بكاء تريد ان تفجرة فى هذا العالم
دخلت الغرفة وجلست بجوار اختها
نيرة : انتى صاحيه
نورهان : اه
نيرة : مالك
نورهان : مفيش
نيرة : سمعت انك مش بتاكلى ولا بتشربى ولا تتكلمى
نورهان : اممممم
نيرة : الواد عمر مزعلك
نورهان : بقالو يومين مش بيكلمنى ولا بيسال بالموبايل
نيرة : امممم مش يمكن مشغول
نوهان : ولو كان بيكلمنى قبل الشغل وبعدة وقبل ما ينام واول ما يصحى من النوم
نيرة : ورينى موبايلك
اعطتها الهاتف
نيرة : ايه دة
نورهان : فى ايه
نيرة : موبايلك مقفول يا حجة
نورهان : بجدددد
نيرة : ايوة فاصل شحن انا هحطة ع الشاحن وافتحة ولو كان اتصل اليومين دة وهو مقفول هيبان
نورهان : حطية ع الشاحن بسرعة
وضعتة ع الشاحن وفتحتة وظلت منتظرة رساله واو مكالمة منة طوال اليومين ولكن لم يظهر اى شئ
نورهان : اتصل فى اليومين دول
قالتها بلهفة وفرحة تنتظر كلمة اه
نيرة : لا …. ااا…. اه اتصل ياخرابى اتصل 20 مرة و فيه رسائل اهو
نورهان : بجد
نيرة : اه اهو
قالتها لكى ترفة عن اختها ولا تكسر فرحتها ولهفتها
نيرة : يلا بقا خلى الموب يشحن وتعالى ناكل
نورهان : مااااشى
………..
عمر : خلاص بقا يا ماما وهاتى الموبايل
يسرى : مش هديك حاجة عايزو دور عليه
عمر : يا ماما انا مش عيل صغير عشان تخبى الموبايل يومين وبعدين انا مش حافظ الارقام اللى عليه
يسرى : احسسسن كويس
عمر : ماما انتى مش وافقتى عليها سيبيها ف حالها البنت مش بتعملك غير كل خير
يسرى : اصدك انى شرانية عليها وهى غلبانة صح
عمر : مقصدش كدة يا امى والله ابدا … هاتى الموبايل بقا
يسرى : لو مش عجبك اشترى واحد جديد
عمر : امممم طيب بصى انا مش هتخانق ولا هتحايل ولا هتعصب ولا هزعق كل االلى هعمله هلم شنطة هدومى وهمشى ومش هتعرفيلى مكان
يسرى : انت بتهددنى
عمر : معرفش والله
يسرى : اتفضل موبايلك اهو كلمها براحتك
—————–
وفى اليوم التانى

عمر : الو
نيرة : ازيك يا عمر
عمر : تمام …. نورهان حصلها حاجة
نيرة : لا متقلقش هى تمام
عمر : الحمدلله
نيرة : بقولك نورهان بقالها يومين ولا بتاكل ولا بتشرب وعلى طول قاعدة لوحدها ومش بتتكلم مع حد
عمر : ليه كل دة
نيرة : عشان انت بقالك يومين مسألتش عليها
عمر : والله موبايلى كان ضايع والشغل واخد وقتى كله
نيرة : تمام اسمعنى كويس انا دلوقتى بتكلم من وراهم …. انا لقيت موبايلها مقفول فى اليومين دول جبتها خحجة عشان متزعلش منك وقولتلها انك اتصلت بيها 20 مرة وبعتلها رساله فى اليومين دول
عمر : كويس والله مش عارف اقولك ايه شكرا بجد
نيرة : الشكرلله ….
عمر : اممم عايزة تقولى حاجة صح
نيرة : بصراحة اه
عمر : لو هتسألينى عن يوسف والله بقاالو يومين مختفى معرفش عنة اى حاجة
نيرة : عمر انت متعرفش
عمر : معرفش ايه
نيرة : يوسف قى المستشفى من امبارح بليل
عمر : هاااار اسوح ليه
نيرة : اتنين ضربوة بالمطوة فى جمبة
عمر : يااالهوى وهو مالو بيهم لازم يتخانق
نيرة : اصل هو كان بيدافع عنى
عمر : اااااه وهو عامل ايه دلوقتى
نيرة : معرفش عنة حاجة
عمر : لييه اتخانقتوا
نيرة : لا باباه قالى …
عمر : ها سكتى ليه
نيرة : بقولك ايه ياعمر …. هو يوسف خاطب
عمر : خاطب ؟! لا ليه
نيرة : اصل باباه قالى ابعدى عنة وهو خاطب ومش قايلى
عمر : هههه لا ياستى كل الحكايه ان باباه عايز يتحكم فيه وهو اللى ياخدلوة قراراتة ويتجوز دى ودى لا اشتغل معايا فى الشركة وسيب المحاماة كل الموضوع قصادة كلمة حاضر بس
نيرة : ماشى شكرا جدا يا عمر
عمر : المفروض انا اللى اشكرك
نيرة : لا شكر ع واجب …. متطرة اقفل ناو سلام
عمر : سلام
خالد : بتكلمى مين يا نيرة
نيرة : اوووف خضتنى يا اخى
خالد : يبقى بتعملى حاجة غلط
نيرة : خالد انت بقالك يومين بتكلمنى بطريقة وحشة فى ايه
خالد : انتى ايه حكايتك مرة تكلمى عمر ومرة يوسف حرام عليكى دة خطيب اختك
نيرة : انت عبيط يا خالد… عمر اتصل بيا عشان يطمن ع اختك
خالد : طب ومتصلش بيها ليه
نيرة : عشان موبايلها بقالو يومين مقفول
خالد : امممم طيب يلا البسى عشان نروح ليوسف
نيرة : ما بلاش دلوقتى … اقصد خليها وقت تانى
خالد : لا دلوقتى عشان مش فاضى عليا دروس ومذاكرة
نيرة : اوووف… اوك داخله البس
……..
فى المستشفى
يوسف : وحشتنى يااه
عمر : وانت كمان … الف سلامة عليك
يوسف : عرفت منين
عمر : العصفورة بتاعتك قالتلى
يوسف : تقصد العصفورة دى تبقى نيرة
عمر : اه بالظبط كدة
يوسف : امممم بقولك ايه هى خطبتك عيد ميلادها امتى
عمر : بتسال ليه
يوسف : عشان عايز اجيب لنيرة هدية وهم مولودين فى يوم واحد
عمر : 8/22
يوسف : يعنى بكرة
عمر : اه
يوسف : لا انة لازم اطلع من المستشفى انهاردة
عمر : يابنى خليك انت تعبان
يوسف : لا انا تمام … بقولك ايه تعملى خدمة كدة
عمر : سدادة
يوسف : اسمع ………………….
عمر : اوكية نص ساعة يكون كلة تمام بس قبل اى حاجة قولى اجبلها ايه معنديش خبرة
يوسف : يعنى انا اللى عندى خبرة
عمر : انت هتقولى
يوسف : المهم اعمل اللى قولتلك عليه وفى اسرع وقت ممكن
…….
فى محل الزهور
خالد : يابنتى اسمعى الكلام اركزى ع حل
نيرة : امممم خلاص هات اللون الاحمر والبينك والبنفسجى وحط 2 ابيض فى النص ووزود بقا الاحمر كتير ولفهم حلو
البائع : تؤمرى بحاجة تانى
نيرة : لا ميرسى
خالد : اووف حرام عليكى بقالنا نص ساعة واقفين عشان حضرتك تختارى الالوان
نيرة : الله يعنى اجيب اى حاجة وخلاص
البائع : اتفضلى يا برنسس
نيرة : ميرسى
اخدت منة الزهور واعطتة النقود وذهبه
فى الشارع
وجد زميلتة المحببة والمقربة اليه امامة فنظر ارضا وقال
يوسف : احم احم
نيرة : مالك يابنى
اوقفتة الفتاه واقبلت بهم
نيرة : ايه ياخالد مش تعرفنا
خالد : نيرة لارا زميلتى المقربة لارا نيرة اختى الكبيرة
لارا : اهلا وسهلا
نيرة : اهلا بيكى … تشرفانا
لارا : الشرف ليا انا …. ايه يا يوسف مجتش الدرس ليه امبارح
خالد : كح كح كح كح … كح كح كح
لارا : الف سلامة عليك انت تعبان
قالتها بخضة واضحة
خالد : لا انا كويس
نيرة : ماترد عليها يا خالد
خالد : ايييه انتى كنتى بتقولى حاجة
لارا : لا لا مكنتش….. هتيجى الدرس انهاردة
خالد : شور ان شاء الله
لارا : اوك ان شاء الله
اخذت تتابع حديثهم وتتذكر ايام طفولتها عندما قابلت حبيبها وصديقها المراهق الذى كان بجانبة فتاه بذيئة بمعنى الكلمة
الذى كرهتة منذ عرفتة عن حقيقتة انسان خادع وكذاب ووقح الذى فضل الفتاه عنها لكثرة مالها …. حتى الان يريد الحديث معها ودائما تبتعد حتى لا يراها ابدا
تفيق ع صوت اخاها خالد
خالد : ايه يابنتى روحتى فين
نيرة : هاا … لا ابدا مروحتش ولا حاجة
خالد : طيب يلا نلحق نوصل
نيرة : يلا…. الا قولى يا خالد
خالد : نعم
نيرة : مين البنت دى
خالد : ماانا قولتلك زميلتى لارا معايا فى الدروس ودايما انا وهى بنافس بعض
نيرة : ايوة مانا عارفة انها زملتك وكل حاجة بس هى بالنسبالك ايه
خالد : زميلتى اكيد
نيرة : بس
خالد : اصدك ايه يعنى
نيرة : ع فكرة مش عيب لو كنت بتحبها الحب مش حرام ولا غلط ولا عيب الغلط انك تستخدم الحب فى حاجات غلط باسم انك بتحب
خالد : وانا مالى بالكلام دة
نيرة : متحورش وقول الحقيقة … انت بتحبها
خالد : ايه اللى انتى بتقوليه دة
قالها بتوتر وخوف
نيرة : انا متأكدة انك بتحبها … شكلك وانت بتكلمها باين ونظراتك ليها قول واعترف
خالد : ايوة .. ايوة بحبها
نيرة : انا لما اقول حاجة لازم تطلع صح هههه
خالد : احنا وصلنا يلا ادخلى
دخلوا المشفى ووصلو الى السكرتيرة
خالد : سلام عليكم
السكرتيرة : وعليكم السلام اؤمرى حضرتك
خالد : ااا جايين زيارة ليوسف اسامة ممكن اعرف الاوضة رقم كام
السكرتيرة : ثانية واحدة
خالد : خدى وقتك
نظرت الى الكشف واخذت تبحث عن اسمة ولم يوجد اسمة هذا
السكرتيرة : انا اسفة جدا مفيش حد بالاسم دة هنا عندنا فى المستشفى
خالد : نعم

الحلقة 30

فى المستشفى
خالد : نعم
نيرة : ازاى
السكرتيرة : ممكن حضرتكو تكونوا غلطتوا فى الاسم
نيرة : لا انا متاكدة … طيب ممكن تدورى تانى بليز
السكرتيرة : اوكيه
بحث عن اسمة مرة اخررى ولم يوجد
السكرتيرة : للاسف مش هقدر افيد حضرتك
نيرة : انا جيت بية امبارح هنا فى المستشفى دى بس انا مكنتش شايفة قدامى فنسيت اوضة رقم كام
السكرتيرة : انا اسفة جدا بس وقفتكوا دى ممكن تسببلى مشاكل عن اذنكم اتفضلوا
خالد : خلاص يا نيرة يلا نمشى
نيرة : لا يا خالد انا متاكدة انا مش مجنونة .. لو سمحت اخر مرة دورى ع اسمة تانى او شوفى حد اسمة متشابه بية
السكرتيرة : طيب قوليلى هو بقالو هنا من امتى
نيرة : امبارح بليل ع الساعة 8 او 9 فالحدود دى بالظبط
السكرتيرة : اه فى واحد اسمة حمزة اسامة وهو دة الاسم المشابة واوضتة رقم 102 مش هقدر افيدك اكتر من كدة
نيرة : حمزة اسامة … طيب شكرا
خالد : هنعمل ايه
نيرة : مفيش حل غير اننا نطلع ونشوف
خالد : ماشى … سلم ولا اسانسير
نيرة : هههه اسانسير
ركبوا الاسانسير واتجة نحو الغرفة رقم 102 ودخلو الغرفة وكانت المفأجاه
انو هو
نيرة : ايه دة
خالد : لا حول ولا قوة الا بالله
يوسف : نيرة وخالد يا اهلا
نيرة : احم ازيك يا يوسف
يوسف : اه .. الحمدلله عن الاول…. ازيك ياخالد منور والله
خالد : الحمدلله والف سلامة عليك
يوسف : الله يسلمك … الله الورد دة ليا
نيرة : اه … اتفضل
يوسف : ربنا يخليكى
خالد : انت قاعد هنا لوحدك فين اهلك
يوسف : لا انا صممت انهم يروحوا مش بحب حد يعاملتى اكنى طفل
نيرة : المهم كلت ولا لسه
يوسف : لا لسه
نيرة : تؤ تؤ معقوله ثوانى واجبلك الاكل
ذهبت وخرجت
خالد : الا قولى يا يوسف .. انت اسمك الحقيقى يوسف ولا حمزة
يوسف : لا حمزة عرفت ازاى
خالد : ………….. (حكى له عما حدث)
يوسف : هههههه اه ضحكتنى يا خالد والله شكل الجرح اتفتح
دخلت وهى تحمل صنية اطعمة
نيرة : بتضحكو على ايه ضحكونى معاكو
خالد : تصورى يا نيرة طلع اسمة الحقيقى حمزة
نيرة : بجد والله
يوسف : اه والله حمزة احلى صح
نيرة : اه… امال ايه يوسف يوسف
يوسف : دة الدلع
نيرة : اممممم طيب … الاكل اهو
يوسف : شكرا
حاول ان يمسك الملعقة و يأكل ولكن دون جدوى
نظرت لاخيها ثم له وقالت
نيرة : خلاص متتعبش نفسك انا هأكلك
نظر لها بأستغراب وبفرحة
جلست امامة واخذت تطعمة بالملعقة وهو ينظر لها ويبتسم وهى تتحاشى نظراتة ولكن قلبها فرح جدا
ظل ع هذا الحال
حتى رجع الى بيتة

اخذت الاختان والام والاخ يستعدون لتجهيز مظهر البيت ويعلقون البلالين والزينة
حتى رن جرس الباب فتحت نيرة ولم تجد احد سوى هدية جميله ملفوفة اخذتها ودخلت بها واعطتها لاختها لانها اعتقد انها اتية لنورهان من حبيبها
نيرة : ايوة بقا اعم جالك هدية من عمر
نورهان : بجد جاب ايه
قالتها بفرحة وبعين دامعة ??
نيرة : استنى افتحها
فتحتها ووجدتها حاسوب محمول ( لاب توب )
نيرة : الللللله لاب توب
نورهان : ايه دة لاب توب اعمل بية ايه
نيرة : يا بت دة تحفة استنى انا هشغله
نورهان : كان نفسى يجيب هدية احلى من كدة … هدية تكون رخيصة وحلوة وبسيطة
نيرة : اتصلى بية واشكرية انتى لو تعرفى دة بكام هتصوتى
نورهان : مهما كان السعر … بس اكيد لازم اشكرة
هاتفت حبيبها
اخذت الاب توب ودخلت بة الغرفة
وفتحتة وما ان فتحتة حتى رات صورتها وهى فى حفله لتوزيع هدايا للمتفوقين فى الثانوية العامة عندما رات صورتها ضحكت كتير وادركت ان هذة الهدية لديها
…….
عمر : حببتى كل سنة وانت طيبة
نورهان : وانت طيب يا حبيبى … شكرا ع الهدية بجد بس دة غالى اوى
عمر : هدية ايه انا لسه ماضى ع توصيلها
نورهان : نعم يعنى ايه
عمر : حببتى هديتك فى الطريق لسه موصلتش ….. والهدية اللى جت دى مش بتاعتى
نورهان : امممم جبتلى ايه
عمر : بصى هى هدية صغيرة هى مش هدية واحدة بس كذا هدية بس طبعا دى حاجة صغيرة عشان اعبر عن حبى ليكى ياقلبى
نورهان : ماشى هتيجى العيد ميلاد اكيد
عمر : ان شاء الله
نورهان : هستناك
عمر : وانا هاجى … مع السلامة
……..
يوسف : كله تمام
الرجل : ايوة طبعا واستخبيت ع جنب كدة وهى طلعت وخدت الهدية
يوسف : اوصفلى شكلها
الرجل : هى بيضة ورفيعة وطولها متوسط وشعرها بنى
يوسف : هى بالظبط اشطا شكرا ياسطى
الرجل : الشكر لله
……….
وعدت ساعات حتى جاءو جميعا ليحتفولون بعيد الميلاد
جلسوا جميعا
عمر : عجبتك الهدية
نورهان : ايه كل دة…. شكولاتة وورد ودبدوب وسلسه وخاتم وماج عليه اسمى
عمر : حببتى مفيش حاجة تغلى عليكى
نورهان : ربنا يخليك ليا
عمر : عارفة نظرت عنيكى بتنسينى الهم والتعب …. ولو عنيا هتبص لحد غيرك …عمرى ماهفتحها … ولو حد حط نفس برفانك …انا هعرفها
واى كلمة مش منك … مش هسمعها
نورهان : ايه الشعر دة
عمر : عايزك تلبسى السلسة والخاتم ودى وصيتى واوعى تقلعيها فى يوم مهما زعلنا من بعض
نورهان : ربنا مايجيب زعل
خالد : بخخخخخ
نورهان : بسم الله
خالد : هههههه اتخضيتوا صح
عمر : لا ياعم ماتخضناش
خالد : معلش هقطع اللحظة الرومانسية دى …. اتفضلى هدية بسيطة جدا
نورهان : ربنا يخليك يا حبيبى
خالد : انتى عارفة زميلتى لارا انا عزمتها عشان تحتفل معانا هى زمانها جاية
نورهان : طبعا وانا مستنيها
…….
نيرة : شكرا ع الهدية
يوسف : ايه رايك
نيرة : بس مكنش ينفع تتعب نفسك
يوسف : تعبك راحة
نيرة : عامل ايه دلوقتى بتاخد الدوا
يوسف : خلاص خفيت وبقيت تمام
خالد : عووووو
يوسف : يااامة عفريت
خالد : معلش هقطع عليكم اللحظة الرومانسية دى …. خدى دى هدية بسيطة منى ليكى يا حببتى وكل سنة وانت طيبة
نيرة : وانت طيب يا حبيبى بس جبت ازاى الموبايل دة غالى اوى
خالد : مفيش حاجة تغلى عليكى يا حببتى
نيرة : جبت فلوسة منين يا خالد
خالد : حببتى بعدين دلوقتى احنا فى العيد ميلاد
يوسف : مش ملاحظ حببتى كترت اوى يا خالد
خالد : دى اختى ياااعم
يوسف : يلا امشى من هنا
رن جرس الباب ذهب خالد ليفتح ويجد لارا
دخلت لارا واخذت تتحدث قليلا معة وسلمت عليهم جميعا واعطتهم الهدايا
سامية : يلا يا جمااااعة هنولع الشمع
كلهم : هاااابى بار زى تو يو …. هابى بار زى تو يو …. هابى بار زى تو يو نورهان ونيرة هابى بار زى تو يو …. سنة حلوة يا جميل …. سنة حلوة يا جميل …. سنة حلوة يا نور ونيرة …. سنة حلو يا جميل
يلا حالم بالم يحيا ابو الفساط هيه … هيكون عيد ميلادة الليلة اسعد الاعياد هيه …. ابو يحيا الفساط هييييييه
كلهم : كل سنة وانتو طيبين
ساميه : خدى يا حلوة انتى صاحبة نيرة ولا نورهان
لارا : لا انا زميله خالد فى الدرس وهو عازمنى
ساميه : ماشى يا حببتى …. الواد دة عامل ايه فى الدرس معاكو بيجى فى ميعادة
لارا نظرت اليه ثم قالت
لارا : اه كويس يا طنط ربنا يخليهولك
…..
خالد : انا متشكر اوى ع فكرة
لارا : انا معملتش حاجة تشكرنى عليها بس اتمنى تكون فى الايام اللى مش بتيجى فيها تكون بتعمل حاجات صح مش اللى بيحصل الايام دى
خالد : لا طبعا صدقينى انا مبعملش حاجة غلط واسالى يحيى
لارا : طيب متختفى بتروح فين
خالد : فينا من يكتم السر
لارا : متخفش سرك فى بير
خالد : اابير الناس كلها بتشرب منة
لارا : ههههه بتكلم بجد مش هقول والله
خالد : زى ماانتى شايفة كدة بالظبط احنا ناس ع قد حالنا ومحدش بيصرف علينا ماما بتشتغل يوم وعشرة لا ونيرة ونورهان فى الجامعة ومستحيل طبعا هيشتغلو احنا اسرة بسيطة وعشنا ايام مايعلم بيها الا ربنا عشان كدة انا قررت اشتغل واجيب فلوس اصرف ع دروسى والباقى احوشة عشان نجمع فلوس نعمل بيها عمليه نورهان
لارا وقد تاثرت من كلامة : انت طيب اوووى بس كنتو بتصرفو منين طول الوقت دة
خالد : بابا الله يرحمة كان سايبلنا مبلغ فى الوصية كل واحد بأسمة بس انا فلوسى خلصت ومش قايل لحد
لارا : اممم ان شاء الله ربنا هيفرجها بس عايزاك توعدنى انك متهملش فى دراستك احنا عايزين طب ع طول فاهمنى
خالد : حاضر اوعدك وان شاء الله نحقق اللى نفسنا فيه …سوا
……..
عمر : معلش بقا يا طنط انا هخرج البنتين دول معايا شوية
ساميه : الوقت اتاخر يا عمر مينفعش
عمر : ليه يا طنط والله متخافى دول ياكلو بلد
نورهان : نععععععم ؟!
ساميه : طيب الساعة تيجى 10 تيجوا 10 و5 مفيش دخول البيت
كلهم : هههههههههههههه
خرجوا سويا فاريحين
عمر : اى خدمة عملت اللى قولت عليه عد الجمايل
يوسف : ربنا يخليك ليا حببيبى وربنا
نورهان : ايه دة فى ايه
عمر : ولا حاجة … بص يا جو احنا هنقعد هنا عند البحر وانت وهى هتقعدوا فى نفس المكان بس ع ديسك جمبنا فاهمنى مفيش مرواح هنا ولا هنا سامعنى يا جو
يوسف : وحفظت والله
اخذها وجلسوا ع ديسك امام البحر
ثم جلست كلا من نيرة ويوسف ع ديسك اخر بجانب ديسك الحبيبين الاخرين
………
عمر : قوليلى يا ستى نفسك فى ايه
نورهان : نفسى فى حاجات كتير اوى
عمر : اهمها ايه
نورهان : اعمل العمليه عشان اشوفك
عمر : ان شاء الله تعمليها يا حببتى وربنا يقدرنى واعملك اللى تطلبية
نورهان : ياااااارب يا عمر
عمر : بالمناسبة نفسك فتى احلامك اللى هو انا طبعا يبقى شكله ايه
نورهان : ابيضانى وشعرة اصفر وعينة خضرا وعندة غمازات زيى انت كدة صح
عمر : واضح انك حلمتى بحسين فهمى ههههه
نورهان : ههههه ع فكرة انا حلمت بيك
عمر : حلمتى بأية
نورهان : حلمت نفس الحلم دة انا وانت قاعدين ع ديسك قدام البحر وانت ماسك ايدى زى كدة بالظبط بس الفرق انى كنت شايفة
عمر : امممم طيب جتلك فى الحلم شكلى ايه
نورهان : شفتك امحاوى وعينك خضرة وشعرك ناعم وعندك غمازات وطويل
عمر : سبحان الله انت تعرفى انى كدة فعلا
نورهان : بجد يعنى انا شوفتك
عمر : ايوة يا حببتى
……..
يوسف : احلى عيد ميلاد فى الدنيا
نيرة : شكراا
يوسف : بحبك
نيرة : بلاش الكلام دة يا يوسف انا مش متعودة ع كدة
يوسف : هو احنا مش هنتجوز بقا
نيرة : امممم بقولك ايه ايه موضوع حمزة دة احكيلى
يوسف : هو انا ليه كل مااجبلك سيرة الجواز او اجى اتقدملك بتهربى من الكلام ليه
نيرة : وانا ههرب ليه يا يوسف ماحنا بنتكلم اهو
يوسف : فى حد تانى
نيرة : فى واحد بس …. جوا قلبى وشاغلنى طويل الليل مبعرفش انام …. ومبيجيش يوم ويعدى غير لما احلم بية من ساعة ما عرفتة
يوسف : مين دة بقا
قالها بخوف وغيرة واضحة وقد زادت ضربات قلبة لدرجة انها سمعتة
نيرة : الشخص اللى شاغلنى دة يبقى انت يا يوسف
نظر فى عينها حتى قلقة اختفى وهدائت ضربات قلبه ثم ظفرت دمعة من عينية
ازالت دمعتة وهى تبتسم وتضع يديها ع وجهه
كادت ان تغير الحديث فقالت
نيرة : تحب اقولك ايه يوسف ولا حمزة
يوسف : متقوليش غير حبيبى
نيرة : هااا
يوسف : ايه هى صعبة
نيرة : لا مش صعبة بس
يوسف : نتفق اتفاق انا اقولك حببتى وانت قوليلى حبيبى اشطا
نيرة : موافقة …. احكيلى ايه موضوع حمزة دة
يوسف : عايزة تعرفى ايه
نيرة : قولى ليه بيقولولك يوسف وانت اسمك الحقيقى حمزة مع ان حمزة احلى بكتير من يوسف
يوسف : بصى يا حببتى الحوار بيبدا لما ماما قاالت لبابا هنسمى البيبى ايه جاات اختى حبيبة ثم اخذ نفس طويل وتابع جات حبيبة الله يرحمها قالت نسمية حمزة وبابا يقول يوسف وحبيبة تقول حمزة وبابا يقول يوسف وبعدين جت يوم ولادتى وبابا كان مسافر شغل برة بعد مااتولدت جة عمى وليد قال لماما هروح اعمل شهادة الميلاد وخد حبيبة معااه ونسى يسال ماما هيسمة البيبى ايه راحت حبيبة قالتله بابا وماما اتفقوا ع اسم حمزة بس وعمى صدقها وكتب اسمى حمزة هههههه
نيرة : ههههههههه يااااه يا حبيبة الله يرحمك
يوسف : يارب يرحمك يارب
وانتهى هذا اليوم ع ذلك
وفى اليوم التانى

نيرة : خالد انت جبت الهدية منين
خالد : من محل فى وسط البلد
نيرة : مبهزرش انا بقولك جبت فلوسها منين
خالد : من فلوسى
نيرة : انت معاك فلوس اصلا
خالد : اه محوش فلوس
نيرة : كداااب
دخلت ساميه وقالت
ساميه : فى ايه يا نيرة
نيرة : جبت فلوس الهدية منين يا خالد
خالد : ……………………
ساميه : مترد ع اختك يا خالد
خالد : بقولكم ايه انا مش صغير ع المحكمة دى غيرو الحوار
نيرة : ماشى يا خالد متجيش تقولى يا نيرة وتكلمنى وانا مش هكلمك غير لما تقول جبت الفلوس منين
ظهرت نورهان فى الكلمة الاخيرة وقالت
نورهان : يا جماعة براحة عليه خالد حوش من فلوس الدرس بتاعة معايا وقالى خدهم منك يوم مااطلب
تفأجى خالد من الحديث
نيرة : ماشى بس كونوا عارفين انا مش مصدقة الحوار دة
ثم ذهبت نيرة وساميه
وجلست نورهان ع الاريكة وجلس جمبها خالد
خالد : ليه قولتى كدة
نورهان : عشان اخلصك من كلامهم حسيت انك مدايق
خالد : انا متشكر
نورهان : عيب انا اختك بس مش هتقولى جبت الفلوس منين
خالد : هقولك بس متقوليش لحد
نورهان : قول
خالد : انا بشتغل
نورهان : فين بقا
خالد : والله انا قولت هتزعقى
نورهان : حبيبى انت راجل ومش هينفع نقعدك جمبنا كدة
خالد : ربنا يخليكى انتى الوحيدة اللى رافعة معنوياتى
نورهان :هههههه
وظل هو الحوار حتى بدا الترم الثانى
———————–
اول يوم فى الترم الثانى

فى الجامعة

نيرة ونورهان واقفين تحت شجرة كبيرة وماسكين كوباية عصير فراوله
نييررة : نهااار اسوووح
نورهاان : ايه اللى حصل
نيرة : العصير اتدلق عليا
نورهان : مش تخلى بالك
نيرة : حصل خير بصى انا هدخل الحمام امسح العصير دة لحسن حد يفتكر دة دم
نورهان : تمام متتأخريش والنبى
نيرة : متقلقيش وكمان عقبال ما اروح زمان عمر وحمزة جايين
نورهان : اوك
ذهبت الى الحمام وتركت نورهان وحدها تحت شجرة كبيرة
نورهان : الله حمزة مين دة اللى جااى يمكن انا سمعت غلط
الشااب : ايه يا جميل واقف لوحدك ليه
نورهان : ……………..
الشاب : وكمان تقيل ومش بترد ياااا بس قمر وحيات القمر
نورهان : عااارف لو قربت زيادة اقسم بالله لصوت والم الناس عليك
الشاب : ايه دة وكمان صووتك حلو الله
وظل يقترب منها
ضربتة ضربة بحقيبتها ع قلبة جعلتة يبكى بشدة من شدة الضربة
واخذت تمشى بسرعة بخوف ولا تعلم الى اين ستذهب تفاجت بشخص يحتضنها ويقول لها
ايه يا حببتى ماشية لوحدك ليه
لم تعلم من هذا الشخص لكن عرفتة من صوتة
نورهان : لا يا عمر مفيش بس نيرة راحت الحمام وانا قولت اتمشى كدة
عمر : لا فى حد دايقك
نورهان : لا لا مفيش بس انت اتأخرت ليه
عمر : متأخرتش يا حببتى بس انتى الى مستعجله عليا شوية
نورهان : طيب تعال نقعد عشان تعبت
يوسف : اييووة بالظبط كدة تعبت وربنا من الوقفة وانتو عمالين مشاهد رومانسية
نورهان : ههههههه يوسف اهلا معرفش انك واقف
عمر : خلاص يا خويا نقعد فين
نورهان : لا طب نيرة متعرفش احنا فين
يوسف : لا متقلقيش انا هروحلها
وذهبوا وجلسوا فى الكافتيريا
وذهب يوسف الى امام حمام الفتيات