ترفيهمسلسل عشق بلا قيود

مسلسل عشق بلا قيود الحلقة السابعة والثامنة

الحلقة السابعة


امير : ودلوقتى لسه بتحبية ؟!
لوجين مستحملتش اكتر من كدة ازاى هى بتحبة وهو مش حاسس بيها وكمان بسألها قامت من مكانها وراحت وقفت عند البحر وبتعيط وريان ادايق وداااس ع سنانة اووى وقام وراها
اسما مشيت وقفت بعيد راح وراها اسلام
امير بيبص لشيماء : هو انا سالت سؤال غريب
شيماء : سيبك منهم يابيبى تعالى نطلع انا عايزة انام
امير : اشطااات
………
ريان : مكنش المفروض تعملى كدة
لوجين : امال كنت عايزنى اعمل ايه
ريان : كان ممكن تحلى المشكله ابسط من كدة
لوجين : كنت عايزنى اعمل ايه هاا افضل ارد ع اسالتة كلها ومبينش حاجة ازاى عايزنى اعمل كدة والشخص اللى بيسألنى هو دة اللى كنت بحبة فى يوم من الايام ازاى مش حاسس
ريان : لو تفتكرى انت غيرتى كلامك كله
لوجين : انا مغيرتش كلامى
ريان بعصبية : لا غيرتى كلامك لو تفتكرى انت قولتيلى انا عايزة انساااه وعايزة اتعامل عادى واعيش حياتى زى بقيت الناس وتحبى وتتحبى
لوجين : ايوةانا فعلا قولت كدة ومغيرتوش
ريان : لا غيرتية كلامك وعياطك وغيرتك عليه الزايدة توضح اكتر من كدة بكتير خليها قووية انا عارف انها صعبة بس خلى عندك ارادة انا معاكى وبساعدك وهفضل جمبك بس اسمعى كلامى
………
اسما : اسلام فى حاجة
اسلام : انت بتحبينى ؟!
اسما بصدمة : ……..
اسلام : ردى عليه بتحبينى
اسما : ان … ااا… انااا
اسلام : انت ايه ؟!
اسما : لا
اسلام : لا ايه
اسما : ………….
اسلام : بتحبيبنى مش كدة
اسما مشيت من قدامة وهى شبة الفراوله
اسلام بيلحقها : وانااا كماان ع فكرة
اسما مش مصدقة بصتله وبصلها وابتسم جريت ع اوضتها وقعدت ع السرير وقلبها بيدق جامددد وشها احمممممرررررر
………
تانى يوم
بتصحى اسما ع صوت خبط الباب بتبص جمبها ملقتش لوجين قامت تفتح الباب لقت اسلام
اسلام : ياالهوووى انت منكوشة كدة ليه
اسما : انت ايه اللى جابك هنا
اسلام : اصل انا عايز انزل اقعد فى المطعم وعايزك تنزلى معايا شوية
اسما : اووكية ادينى عشر دقايق اجهز بس
اسلام : اوكية بس بسرعة
اسما : ماشى 🙂
دخلت اسما تانى فى الاوضة وبتدور على لوجين وبتدور فى الحمام ومش موجودة
اتصصلت بيها ومش بترد لبست ونزلت
………..
فى نفسس الوقت
لوجين : اسلام الحق اسما بتتصل بيا
اسلام : اوعى تردى
لوجين : اكييد
شوية ولقوا ريان داخل بيجرى
رياااان : جت جت جت
اسلام : طفوووا النورررررر واستخبوا
كلوا استخبى وطفوا الانوار ودخلت والدنيا ضلمة
اسما : ايه دة هم لسه مفتحوش المطعم
جاية تخرج النور نور بصت حواليها
لقتهم كلهم جايين واسلام ماسك تورتة فى ايدة وكلهم بيقولوا
هابى بار زى تو يو
مكنتش مصدقة ازاى نسيت عيد ميلادها ومفتكرتوش
راحوا عندها
لوجين : اتمنى امنية واطفى الشمعة
اسما ابتسمت وغمضت عنيها واول امنية جتلها ان اسلام يحبها
فتحت عينها وطفت الشمعة
كلهم صقفوا
اسما : مين اللى عمل كل دة ؟
لوجين : كلنا يا حببتى
اسما : ومين صاحب الفكرة
كانت منتظرة تسمع اسم اسلام لكن ردت لوجين وقالت
لوجين : دى فكرة رياان
اسما : ههههه شكرا ع الفكرة الحلوة دى
ريان مبتسم : الشكر لله ….. عندى اقتراح تانى
كلهم انتبهوا : قووووووووووووووول
ريان : ياريت لو نروح نلعب ماتش كورة والبنات تشجع
اسلام : انا معنديش مانع
امير : وانا كماان
لوجين : يا سلام يعنى انتو تلعبوا واحنا نتفرج عليكوا
امير : انتو بنات تعرفوا تلعبوا كورة
شيماء : ومنعرفش ليه ان شاء الله ؟؟
امير : خلاص اقلبى العبوا ومالووو
ريان : تمام اول ماتش نلعب احنا الــ3 والتانى نلعب كلنا ايه رايكم
البنات : موووافقيين
…………
فى الملعب
امير : ع فكرة مش هينفع نلعب ماتش لو ضربات جزاء وحكم هتبقى احلى
ريان بعد ما ربط الكوتش وظبط التيشيرت والشورت
ريان : تممام والماتش التانى كلنا مع بعضض
امير : اشطاا
اسلام : وانا الحكم
ريان : معنديش مانع يلا هلعب بفريق الاهلى وانت زمالك
امير : لا يا عم انت عايز تاخد اسم االاهلى عشان عارف انو بيكسب ع طول وانا زبالك
ريان : هههه مش حكاية كل الموضوع انى بعشق الاهلى
امير : خلاص هلعب باسم الاسماعيلى
اسلام : اخلصوا بقاااا لاما هتاخدوا انذار ……بسم الله تشجيع يا بنات
طبعا شيماء هتشجع امير
ريان كان فاكر لوجين هتشجع امير واستغرب وفرح اوى لما لاقها بتشجعة
واسما كانت بتتفرج وشوية تشجع امير وشوية تشجع ريان
………….
امير واقف جول
وريان واقف مستنى اسلام يصفر
اسلام بيصفر
ريان شطها دخل جوووووول
ريان : اول جووووووول
لوجين : هيييييييييييه اهلااااااااااااااااااااى اهلااااااااااااااى
اسما : رييييييييييااااااااان هيييييييييييه
شيماء : دور حبيبى وهيدخل
لوجين : لما نشوف ^^
ريان وقف جول
واسلام بيصفر
وامير بيشوطها
بس مدخلتش
رياااااان : اوووووووبااااااا ^^
شيماء : ركز يا بيبى
لوجين : بيبى …….. برافو ريان احيكك
بدلوا مكانهم واسلام بيصفر
اوبا ريان جاب جولين
فضلوا كدة لغاية وماالماتش خلص
على 6 -1
ريااااااان : هييييييييييييييييييييييييييييييه انا اللى كسبت
كلهم وقفوا صقفوا الا شيماء
رياااااان : يااابنات استعدوا
……….
شوية وظهروا البنات وكل واحد فيهم لابس تيشرت فريقة وشورت ابيض وكوتش
بداو الماتش والحكم المرادى بردو اسلام
شيماء وريان واقفين جول وامير واسما ولوجين يلعبوا فى النص
اسما ضم فريق امير ولوجين مع ريان يعنى 2 على ريان واحدة ع شيماء
اسلام صفر وبداء الماتش
جريروا فى الملعب واسما خدت الكورة من رجل لوجين وجريت على ريان وشاطت لكن مدخلتش جول لان ريان مسكها
فضلوا كدة يلعبوا لحد ما لوجين دخلت جولين ضد جولين
يعنى تعادل ايجابى
خلص الشوط الاول
ريان : ركزى يا لوجين الجول دة لو مدخلش اعتبيرنا خسرانين
لوجين : مش هعرف اجيب اكتر من كدة
ريان : لا هتعرفى بصى على الجول فكرى فى شيماء اللى حدت منك حبيبك وهى عارفة انك بتحبية فكرى فى امير اللى مش واخد باله من حبك ليه لغاية دلوقتى فكرى فى اى حاجة متدايق وشوطى بعزم مافيكى
لووجين اتمسكت اكتر واسلام صفر على بداية الشوط التانى جريو ف الملعب
جريت لوجين وهى بتفكر ف كل دة وخدت الكورة وجريت ع جول شيماء وشاطت دخل جول فى اخر دقيقة
من فرحة ريان ولوجين جريوا ع بعض وفضلوا يحضنوا بعضض
واسلام صفر بنهاية الماتش بفوز فريق الاهلى اللى هو فريق ريان ولوجين
انتبهت لوجين وبعدت عنة
………
فى اوضة خلع ملابس الولاد
ريان : هقطعك المرة الجاية
امير : بس طلعت جامد
ريان : الحمدلله على قدى
اسلام : انا حكم المباراة المرة اللى جاية هديك انذار
امير : هتدى لمين ياض ؟
اسلام : هدى لريان
ريان : ماشى يا عم ادينى انذار ادينى رمضان
اسلام : ههههههههههههههه
امير : والله وحشة
ريان : ههههههههه عارف عارف يلا نطلع للبنات
امير واسلام : يلا
………
فى اوضة خلع الملابس
شيماء بتبص للوجين بقرف ومن فوق لتحت
شيماء : نااااااااااس بتكسب بالكوسة
لوجين : تقصدى ع مين ؟؟
اسما : اهدوا يا بنات دة ماتش كورة للعب بس
شيماء : انت فاكرة عشان ريان معاكى كسبتى
لوجين : استغفر الله العظيم شيماء لو سمحت ملكيش دعوة بيا
شيماء : وانا هعوز منك ايه يا زباله انت ؟
اسما : لا انت زودتيها اوى يا شيماء
شيماء : ورينى هتعملى ايه ؟
لوجين : لا يا حببتى احنا مش هنعمل حاجة لان اخلاقنا متسمحش نعمل كدة
شيماء : انا هوريكى اخلاقك دى هتوصلك لفين
طبعا شيماء مسكت لوجين من شعرها وضربتها
………..
الشباب سمعوا صوت زعيق جريوا بسرعة ع اوضة خلع الملابس للبنات وشافوا الخناقة
ريان لحق لوجين من ايد شيماء وخدها وطلع ع البحر
وامير مسك شيماء ومشى
………..
على البحر
ريان سااااكت متكلمش ولا كلمة من ساعة اللى حصل
افتكر ان لوجين مسكت فى شيماء عشان غيرانة ع امير وادايق اوى
لوجين استغربت منة ومحستش بنفسها غير وهى بتعيط وبتشتكيله
لوجين بعياط : شووووفت يا رياان شيماء ضربتى ازاى ؟
ريااان : اممممممم شوفت
لوجين : مالك ؟
ريان : مفيش !!
لوجين : طب مش هتسالنى الخناقة دى من ايه ؟
ريان : اتفضلى احكى
لوجين : قعدت تتريق وتلقح بالكلام عليا عشان كسبنا
ريان فرح ان الخناقة مكنتش ع غيرة لوجين لامير
انتبة اكتر وبداء يسالها
ريان : اها كملى
لوجين : بس انا قولتلها انا محترمة واخلاقى متسمحش ارد عليكى لقتها مسكتنى ضربتى وشدتنى من شعرى
ريان : هى اتجننت ولا ايه ؟ دى غيرانة منك على فكرة
لوجين : بتعيط
رييان : خلاص بقا متعيطيش
لوجين : حااضر
ريان : اضحكى
لوجين : 🙁
رييان : بقولك اضحكى
لوجين : 🙂
ريان : ايوة كدة
……….
فى اوضة امير
امير : انت ازاى تعملى كدة
شيماء : انا معملتش حاجة
امير : يا سلام ولما ادخل الاقيكى بتضربيها
شيماء : هى اللى غيرانة منى ومنك
امير : مستحيل طبعا
شيماء : مستحيل ليهه دى كانت هتموت منى واول مادخلنا الاوضة ضربتنى هى الاول
امير : معقولههههه
شيماء : اه والله
امير : ربنا يهديها
………
عدى الاسبوع ورجعوا القاهرة
تانى يوم من رجعوهم
فى الشركة
ادهم : خلصتى التصاميم
لوجين : عملت 3 تصاميم بس
ادهم : يابنتى السنة قربت تخلص وااحنا عايزين الحاجات دى كلها تتعمل فساتين وملابس خروج على اخر السنة
لوجين : حاضر يا بابا ادينى يومين بس
ادهم : لما نشوف وانا هبعت فاكس لشركة ….. عشان تعمل التصاميم اللى اترسمت عايزين نشهل شوية قبل العرض
لوجين : اوكية يا بابا
……….
عدى اسبوع و
……….

الحلقة الثامنة
عدى الاسبوع ورجعوا القاهرة
تانى يوم من رجعوهم
فى الشركة
ادهم : خلصتى التصاميم
لوجين : عملت 3 تصاميم بس
ادهم : يابنتى السنة قربت تخلص وااحنا عايزين الحاجات دى كلها تتعمل فساتين وملابس خروج على اخر السنة
لوجين : حاضر يا بابا ادينى يومين بس
ادهم : لما نشوف وانا هبعت فاكس لشركة ….. عشان تعمل التصاميم اللى اترسمت عايزين نشهل شوية قبل العرض
لوجين : اوكية يا بابا
……….
عند اسلام
اسلام : تييييييييتة
سميحة : اسلالالالالالالام اخيرا جيت ؟
اسلام وهو بيحضن ستة : وانت كمان يا قلبى
سميحة : تعالى احكيلى الرحله كانت حلوووة
اسلام : جميله جميله جميله
سميحة : احكيلى يلا
اسلام : لعبنا ماتشين معتبرين
سميحة : اكيد انت اللى كسبت صح ؟
اسلام : هههههه لا انا كنت الحكم وكل شوية اطلع انذارر بقا وطرد كن هولع الدنيا
سميحة : ربنا يبسطك يا حبيبى يلا روح خد دوش وغير هدومك عقبال مااحضر الاكل
اسلام : حاضر ياست الكل
…….
عدى اسبوع ومحدش بيشوف بعض خالص
غير طبعا شيماء وامير كل يوم مع بعض
واسلام واسما بيتقابلوا قليل
ولوجين خلصت التصاميم كلها واتمسكت بالشغل اكتر
بس اهملت الجامعة وقررت تروح الجامعةة المرادى
اسما : الو مين معايا
لوجين : انا مين وكمان نسيتى صوتى ورقمى ضاع
اسما : مقدرش يا روحى امال مين يجبلى صداع ههههه
لوجين : انا بجبلك صداع تصدقى انا غلطانة
اسما : لالا خلاص سماح المرادى ….. شوفتى اسلام بيخرجنى كل شوية
لوجين : بجد والله
اسما : اه والله
لوجين : ربنا يقربهولك لو كويس ليكى …… المهم تيجى نروح الجامعة انهاردة
اسما : ياريت والله انا هلبس وجيالك
لوجين : تمام تعالى بقا ع الشركة عشان انا مش فى البيت
اسما : اوكية
……….
فى بيت ريان
ريان نايم وبيصحى ع صوت خبط الباب
قام فتح لقى دايما حببتة القديمة
ديما : حبيبىىىىى
ريااان : اووووووف اصتبحنا
ديما : وحشتنى اوى
وبتحضنة
ريان بيبعدها عنة
ريان : انت ايه اللى جابك هنا وعرفتى عنوانى الجديد ازاى ؟
ديما : اللى يسال ميتهوش وبعدين انا جيت عششان انت وحشتنى
ريان : ديما قولتلك 50 مرة ابعدى عندى وانسينى وشوفى حالك
ديما : حالى معاك يا ريان انت الوحيد اللى وقفت جمبى ف محنتى
ريان : ايوووة انا عايزك تنسى كل حاجة حلوة افتكرى الوحش بس
ديما : بس انت عمرك ماعملتلى حاجة وحشة
ريان : اوعدك من انهاردة هتشوفى ايام سودة
ديما : عمر ايامك ماتبقى سودة
ريان : اطلعى ببببببببررررررررررة
ديما بخووف : ماشى يا ريان انا هطلع بس هسيبك تفكر واجيلك تانى
ريان بيزقها : بالسلامة اتفوووو
……….
وصلت اسما للشركة وقابلت لوجين وركبوا العربية وراحوا الجامعة
اسما : خبطى يلا
لوجين : لا خبطى انت
اسما : يابنتى اخلصى
لوجين : لا لحسن الدكتور تتعصب علياا
اسما : اوووف خلاص هخبط انا
تك تك
الدكتور : اتفضل
اسما : احم ممكن ندخل
الدكتور : يا اهلا يا اهلا اسما ولوجين
لوجين بخوف : ازيك يا دكتور ؟
الدكتور : اهلا يا لوجين هانم محدش بيشوفكوا يعنى
اسما : اصل اصل
الدكتور بزعيق : اصل اييييييه ؟؟
لوجين : يا دكتور حصلت معانا ظروف كتير معرفنااش نيجى محاضرات حضرتك
الدكتور : اممممممممممم ظرووووف … وانت يا اسما كان عندك ظروف برضو
اسما : احم اااه اه يا دكتور
الدكتوور : للاسف يا بنات مش هقدر ادخلكوا المحاضرة
لوجين : ليه يا دكتور والله احنا …..
الدكتور مقاطعه لهم : انتو لسه هتشرحولى لو سمحت اطلعوا برة انا عندى محاضرة وعايزة اخلصها
بداوء الطلاب صوتهم يعلى
الدكتور بتخبط على المكتب
تك تك تك تك
الدكتور : هدوء يا جماععععة من فضلكم
اسما : اخر مرة والله يا دكتور احنا متأسفين جداا
الدكتور : للاسف مقدرش ادخلكوا اطلعوا واقفلوا الباب وراكوا
طلعوا وقفلوا باب السكشن وراهم
لوجييين : اووووووووووف
اسما : مستفزة
لوجين : جدددددااا
اسما : هنعمل ايه ناووو ؟؟
لوجين : تعالى نروح االكافتيريا نشرب حاجة
اسما : اهاا ياريت
راحوا للكافتيريا وطلبوا عصير
لوجين : خدى اشربى
اسما : اييه دة مش دى شيمااء ؟؟
لوجين : اوووف هى ناقصة ….. اميير ؟؟!
اسما : اخويا …. ايه اللى جابة هنا
لوجين : فى ايه كل الناس حواليهم كدة ليه ؟
اسما : تعالى نشوفهم
لوجين بخوف : ما.. ماشى
وهم ماشين اسما خبطت فى واحد
اسما : انا اسفة جداا
الشخص : ولا يهمك
اسما : ميرسى … ممكن اعرف الناس متجمعة كدة ليه ؟
الشخص : واحد بيحب واحدة وعملها حفله فى الجامعة عشان يعترفلها ادام الطلاب كلهم انهم بيحبوا بعض
اسما : امممم متشكرة جددا
الشخص : العفوو عن اذنك
لوجين بدموع : الكلام دة بجد
اسما : اهدى يا لوجى ويلا نروح
لوجين : لالا انا هروحلهم
اسما : يابنتى هتروحى تعملى ايه ؟
لوجين : ……
ومشيت
اسما : استنى بس يا لوجى لوج….
راحتلهم لقت االناس محوطنهم بدايرة وشيماء وامير فى النص وامير ماسك مايك وبيغنلها
لوجين عماله تعيط
اسما : نفسى اتقطع حرام عليكى اوووف
لوجين :………..
اسما : اييييييه دة ؟؟ مستحييل
لوجين جريت بسرعة وخرجت برة الجامعة كلها
اسما مخدتش بالها ان لوجين جريت هى مزهوله من الى بيحصل
اسما بتبص جمبها ملقتش لوجين قلبها وقف وفضلت تدور عليها وهى خايفة
فضلت تتصل بيها ومش بترد خافت اكتر اتصلت بوالد وولدة لوجين وقالولها انها مش مجتش
قررت تروح لامير وتستنجد بيه
راحت لامير وهى بتعيط
اسما : اميييييييير الحق لوجين مش لايقهاا
امير : فى ايه اهدى ؟؟
اسما : لوجين كانت واقفة معايا واختفت فجأة ومش بترد عليه
امير : طيب مش يمكن تكون بتجيب حاجة ؟؟
اسما : لا ماكانت ممكن تقولى مش تجرى انا خايفة ليكون حصلها حاجة يا امييير ؟؟
شيماء بقرف : متخافيش يا حببتى مش هيحصلها حاجة دى يتخاف منها ومش عليها
اسما : اسكتىىى انت فااهمة ؟؟!!
شيماء بتمثيل : ربنا يسامحك (وعملت نفسها مدايقة )
امير : ايييه بقا هى مش ننننااااقصصة دلوقتى خنااق … جربى اتصلى بعمو
اسما : انا اتصلت بيهم وقالولى مجتش
شيماء : هه دلع بنااات
اسما بصتلها من فوق لتحت وبصت لامير تانى
امير : خلاص تعالى ندور عليها
وجرى امير وجريت وراه اسما
شيماء : ربنا يخدك يا لوجين دايما بتضيعى عليه الحظة الحلوة
……….
اسلام قاعد مع ستة وبيتفرج على التليفزيون
سميحة : يا واد بطل تحول من قناه لقناه مترسى على حاجة نتفرج عليها
اسلام : ………
سميحة : اسلام مش بترود ليه ؟
اسلام : هااا كنتى بتقولى حاجة يا تيتة ؟؟
سميحة : كنت سرحاان فى ايه يا واد ؟؟
اسلام : ولا حاجة يا تيتة
سميحة : عليه انا دة انا اللى مربياك ؟؟
اسلام : احم بصى بقاا انا عايز احكيلك على حاجة
سميحة : احكى يا حبيبى
اسلام : انا مش عارف ازاى قولت لاسما كدة
سميحة : بصراحة مش فاهمة حاجة
اسلام : بصى واحنا فى شرم قولت لاسما صاحبة لوجين انى بحبها
سميحة : بجدددددد اخيرا حبيت
اسلام : اسمعينى يا تيتة اانا اصلا مبحبهاش انا لسه بحب لوجين
سميحة : اومال قولت للبت كدة ليه ؟
اسلام : معرفش انا لقتها طلعت منى لوحدى مش عارف بقااا
سميحة : يعنى ينفع تعلق بنت معاك عشان مكنتش تقصد
اسلام : تيتة قوليلى حل انا بقيت بكلمها كل يوم وبخرجها وهى فاكرة انى بحبها زى ماقولتلها
سميحة : وانت اييه اللى يخليك تقولها كدة مادام مش بتحبها ؟؟
اسلام : تقصدى اييه ؟؟
سميحة : اصدى انك بتحبها وانت متعرفش
اسلام : لالالالا بحبها ايه انا لسه بحب لوجين ؟
سميحة : لوجين مش بتحبك غير كأخ وانت عارف كدة كويس وجربت تقولها ردت عليك عادى يعنى هى مش فى دماغها حاجة
اسلام : طيب اعمل ايه ؟
اسلام : قرب من اسما شوية وهتلاقى نفسك حبتها انت اصلا حبتها بس متعرفش
………
امييييير: اااااااااه انا تعبت من اللف
اسماا : ياترى روحتى فين يا لوجين ؟؟
امير : اتصلتى بعمو واسأليه
اسما : لا هيتخضو عليها وبعدين مامتها لسه متصله بيا وسألتنى عليها وقولتلها موبايلها نسيتة ضاع وهى بخير
اميرر: ياا ترررى روحتى فييين ؟
اسما بعد تفكير : رياااااااان
امير : ماله رياان ؟
اسما : اكيد فى عيادة رياان
امير طلع الموبايل واتصل بيه
امير : الووو رياان
ريان : ازيك يا ميروو واحشنى يا اجل
امير: ريان لوجين عندك ؟؟
رياان اتخض : لوججين … لا ليه ؟
امير : بندور عليها ومش موجودة فى اى حتة ومش بتروود ع حد
رياان بعد تفكير : خلاص انا عرفت مكانها
امير : عرفت منين ؟
رياان : هتأكد واقولك
امير : هستنى مكالمة ؟؟
ريان : اوك
قفل ريان مع امير وجرى بسرعة يدور عليها
………
امير بعد ما قفل مع رياان
اسما : ها قالك ايه ؟؟؟
امير : قالى عرفت مكانها وهيتصل بيا لما يلاقيها
اسما : وعرف منين مكانها ؟
امير : معررفش بقا يا اسما يلا نروح نقعد فى حتة عقبال ما يتصل
اسما : ماشى
……….
ريان وقف عربيتة
عند البحر وطلع منها وقعد يدورعليها
……….

———–———-———————-————

ونكمل في الحلقات القادمة ماتنسوش تعلقوا علي الحلقة في صفحة مدام طاسة والست حلة

 الى اللقاء في الحلقات القادمة

بقلم الكاتبة: إيمان ضانا

 

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى