مسلسل اللقاء المنتظر الحلقة السابعة والثامنة

الحلقة السابعة

تاني يوم :
ليليان ترن جرس بيت ريم :
ذهب امير ليفتح الباب وكان خارجا من الحمام والمنشفة علي رقبته وشعره غير مرتب ويتساقط منه بعض الماء : ايووة دقيقة واحدة
فتح امير الباب ليفاجئ بليليان امامه
ليليان بضحكة وتحاول كتمها : احم..صباح الخير
امير باحراج وهو يضع يده علي راسه: آآآ..صباح الجمال ، آآ..اتفضلي
ليليان : لا ميرسي استعجل بس ريم علشان نروح الكلية
امير : سيبك من ريم دلوقتي
ليليان وقد احمر وجهها ونظرت الي الارض
امير : هو فيه كده ، عالعموم احب اقولك ان ريم لسه نايمة
ليليان : نعم ؟ لسه نايمة ؟؟
مروة : مين يا امير
امير : دي ليليان يا ماما
مروة : اهلا اهلا بالناس اللي مش بتسأل ولا بقت تيجي
ليليان : ازيك يا طنط وحشاني كتيير حقك عليا
مروة : هههه بتضحكي عليا بكلمتين حلوين
ليليان : اناا ؟ هو انا اقدر اضحك عليكي بردو
مروة : هههههه
ليليان : هى ريم لسه نايمة فعلا
مروة : اة والله انا خلاااص تعبت منها
ليليان : اممم واضح انها عاوزة تتروق عندك تلج يا طنط
مروة : ههههه تانى
ليليان : اة تانى مهو انا مش هسيبها غير لما اظبطلها مواعيدها دى
استغرب امير كثيرا من عفويتها مع ريم ووالدته مروة ولكن تعامله بحدود شديدة فعندما كانوا صغار كانوا يضحكون ويلعبون ولكن ماذا حدث ؟ اامعقول اانني مازلت احبها ! ولكن هي ؟ لم يجد امير اي من اجابات لكل اسئلته ، ولكن الشئ الذي علمه جيدا انه لن يترك حب عمره يضيع بهذه السهولة ، حتي وان طالت المسافات بينهما
ثم افاق من شروده علي صوت مروة قائلة : وسع كده يا امييير خلي لي لي تدخل تصحيها بطريقتها
امير : هاه اه طبعا اتفضلي
مروة : اتفضلي يا بنتي
ليليان : طيب انا هدخلها الاوضة
مروة : البيت بيتك وانتي عارفة كده كويس ولا ايه
ليليان : ربنا يخليكي يا طنط عن اذنكم
مروة : اتفضلي
مروة : جري ايه يا امير بقي ده منظر تقف بيه قدام حد
امير وهو ينظر علي نفسه : يالهووي انا كنت واقف كده ازاي
مروة : انا كنت عماله اغمزلك من غير ما تاخد بالها بس انت ولا كنت هنا كنت سرحان في ايه ؟؟
امير : اناا ؟ ولا حاجة انا داخل اوضتي
مروة : ربنا يهديك انت واختك
في غرفة ريم :
ليليان : وبعدين بقي في الدلع ده انتي اتعودتي اجي اصحيكي كل شوية ولا ايه ، قومي يا بنتي هنتأخر والله ، لو مش هتقومي انتي عارفة كويس ممكن اعمل ايه صح هتقومي ولا ….
قاطعتها ريم : ايييييه بغبان ، اهدي شوية انتي مش مدياني فرصة اتكلم
ليليان : صباح الخير يا عروسة
ريم : وبعدييين بقييي
ليليان : هههه خلاص بجد والله مش هتقومي ولا ايه
ريم وبعد ان جلست علي السرير بجانب ليليان : لا مش هروح 3 او 4 ايام كده
ليليان : ليه بقي ان شاء الله ؟
ريم : علشان اعرف افكر شوية في موضوع كريم
ليليان : اهون عليكي تسيبيني اروح لوحدي
ريم : مهو انا لو شوفته ممكن مش هعرف افكر كويس
ليليان : حسبي الله ونعم الوكيل
ريمم : انتي بتحسبني علي مين
ليليان : ولا حد يا قلبي
ريم : اااه بحسب
ليليان : طب طنط عرفت ولا لسه
ريم : لا لسه هقولها واحنا بنفطر دلوقتي
ليليان : ممم طيب ربنا معاكي ، امشي انا بقي
ريم : نعم ؟؟؟ تمشي فين انتي هتقعدي تفطري معانا
ليليان : افطر ؟ لالا انا هفطر في الجامعة وبعدين لازم تكونوا عيلة مع بعضيكوا
ريم : انا زعلانة منك بجد ، ايه الكلام اللي بتقوليه ده وبعدين مين هيدافع عني
ليليان : مهو مش هينفع
ريم : لا هينفع ولو علشان امير ممكن ندخله الاكل في اوضته مع انى شايفها حاجة عادية
ليليان : شوفتي بقي هو ده اللي انا مش عوزاه
ريم : طب ثواني
ليليان : رايحة فين
ريم بصوت عالي : يا مااااماااا يا ماااماااا
ليليان : بتعملي ايه يا مجنونة
ريم : اسكتي انتي
مروة وكانت تقبل علي غرفة ريم : فيه ايه يا ريم مالك
ريم : اصل ليليان عايزة تنزل من غير ما تفطر
مروة : اييه
ليليان : لالا يا طنط هفطر معاكوا
ريم تبتسم وهي تنظر لليليان
مروة : ريم انتي لسه مش لبستي ليه
ريم : هاه اصل انا مش هروح
مروة : ليه ان شاء الله
ريم : اصل آآآ اصل..
ليليان: اصل يا طنط كان فيه موضوع كده ريم هتكلم فيه حضرتك عالفطار يخص نزولها الجامعة وكده
مروة : ماشي اغسلي وشك وفوقي كده وتعالوا يلا نفطر سوا
ريم : حاضر يا ماما ، قال ايه كنتي عاوزة تمشي كنت هتصرف ازاي انا بقي دلوقتي
ليليان : هههههه عدي الجمايل
ليليان : استني يا طنط هاجي احضر معاكي الفطار
مروة : لالا انا خلصت خلاص مش عاوزة اتعبك
ليليان: لا طبعا يا طنط مافيش تعب ولا حاجة ، بسرعة بقي يا ريمو
علي مائدة الفطار :
مروة : ها يا ريم خير كنتي عوزاني في ايه
ريم : آآآ..ماتتكلم يا امير
امير : اتكلم اقول ايه
ريم : تكلم ماما علي الموضوع اللي قولتلك عليه
امير : بس ده موضوع يخصك انتي
ريم : مهو انت بردو اخويا ومسؤل عني
مروة : انتوا هتقعدوا تتعازموا ما تتكلمي يا ريم
ريم : اصل بصراحة كده يا ماما انا جايلي عريس
مروة بفرحة : ايه ؟ بتقولي عريس بجد ؟
ريم : اة يا ماما بجد
مروة : لولولولولي
امير : استني يا ماما هو انا وافقت اصلا
ريم : انت مالك بيا مش كان من شوية الموضوع موضوعك اخرج انت منها
امير : خلاص انا مش موافق من اولها
مروة : اسكت انت ، الف مبروك يا حبيبتي وهي تحتضنها
امير وهو يضع يده عي راسه : ايه الاحراج ده
مما اضحك ليليان كثيرا
مروة : المهم احكيلي عنه
ريم : بصي يا ماما هو اسمه كريم و معايا في الجامعة هومحترم جدا وبيطلع كل سنة الاول عالدفعة ، بس المهم دلوقتي انا مش عاوزة اروح 3 او 4 ايام كده الجامعة علشان اعرف افكر براحتي
مروة : عندك حق بس بردو انا مش هعدي الموضوع كده بالساهل لينا قاعدة تانية
امير وهو يهمس لريم : ههههه استلمي بقي
مروة : بتقول حاجة يا امير
امير : بقول ربنا يخليكي لينا يا ست الكل
ليليان : يرضيكي كده يا طنط اروح انا مع مين الجامعة دلوقتي
مروة : معلش يا حبيبتي عقبالك
امير : اة يا ليليان عقبالك قريب ان شاء الله
ليليان : ش..شكرا
احرجت كثيرا ليليان من كلمات امير وقد لاحظ الجميع ذلك ، فحاول تغيير الموضوع
امير: طب ينفع اروح انا الجامعة بدل ريم معاكي
ريم : لا يا حبيبي الجامعة دي للاعلاميين المستقبليين الي زينا مش ليك
امير : لا والله
ريم : اه والله
ليليان : طيب انا هسيبكوا بقي واروح الجامعة تسلم ايدك يا طنط
مروة : خليكي يا بنتي معانا شوية
ليليان : لا انا كده هتأخر
ريم : هكلمك بليل يا لي لي
ليليان : اوك يلا بااي
الجميع : مع السلامه
في الجامعة :
كريم : ليليان ، ليليان
ليليان : كريم ، صباح الخير
كريم : صباح النورمعلش عاوزاسألك سؤال كده
ليليان : اه طبعا اتفضل
كريم : احم هي يعني ريم مش جت انهارده الجامعة
ليليان : اه
كريم : اتمني اكون مش انا السبب
ليليان : ازاي يعني انت السبب طبعا
كريم : انا ؟؟ هي اتضايقت من كلامي ؟ انا والله ماكنتش اقصد اضايقها خالص بس كنت عاوز اقولها انى …
قاطعته ليليان : ههههه براحة شوية انت اتخضيت كده ليه
كريم : مش فاهم
ليليان : اصل هي مش جت علشان هتفكر في الموضوع اللي قولتلها عليه وهتفاتح اخوها ووالدتها وكده
كريم : خضيتيني حرام عليكي
ليليان : لا ماتقلقش كله تمام
كريم : انا متشكر اووي ومعلش عطلتك وابقي احم يعني سلميلي عليها وكده
ليليان بابتسامه : اكييد هوصلها السلام
كريم : مع السلامه
ليليان : باي
نرجع تاني لبيت ريم :
في المساء :
بعد حديث طويل مع مروة وامير عن كريم :
مروة : شوقتيني اشوفه يا بنتي من كتر كلامك عليه وعلي اخلاقه
ريم : يعني انتي موافقة يا ماما
مروة : الرأي رأيك وفي الاخر انتي اللي هتقرري بس طبعا لازم نسأل عليه الاول
امير : انا شايف ان ريم معجبة بيه ورايي ان احنا نقابله الاول ولو حصل تفاهم نبقي نسأل عليه
مروة : كلامك مظبوط يابني وربنا يقدم اللي فيه الخير
امير : اللهم امين
مروة : انا هقوم انام بقي عشان انا صاحية من بدري
امير وريم : تصبحي علي خير ياماما
مروة : وانتوا من اهله
وبعد ان دخت مروة رن تليفون ريم وكانت ليليان المتصلة
ريم : الو
ليليان : الو يا ريموو عاملة ايه
ريم : تمام ، ايه الاخبار عندك
ليليان : عندي ليكي خبر حلو
ريم : خيير
ليليان : كريم سأل عليكي انهارده
ريم : ايه ؟ آآ..بجد ؟ طب ليه ؟
نظرامير لريم باستغراب فأرادت ريم ان تتهرب منه لكي لا يظهر توترها عند سماعها اسم كريم
ريم : احم امير انا هدخل الاوضة بتاعتي ومشيت سريعا قبل ان تسمع رده
ريم بعد ان دخلت غرفتها : الو يا لي لي اصل امير كان قاعد بره معايا وماكنتش هعرف اتكلم
ليليان : اهاا المهم انتي في اوضتك دلوقتي
ريم : اه ، احكيلي بسرعة ايه اللي حصل
ليليان حكت لريم الحوار الذي دار بينها وبين كريم
ليليان : لو كنتي شوفتيه انهارده كان باين عليه قلقان انه كان زعلك او جرحك
ريم : انا متلغبطة جامد
ليليان : فكري براحتك وعلي مهلك
ريم : ربنا يسهل
ليليان : يارب
ريم : المهم انتي ايه اخبار موضوع الاوبرا ده معاكي
ليليان : مهو انا بكلمك علشان كده بردو ، استاذ وليد كلمني انهارده وقاللي انه عاوزني بكرة ضروري
ريم : ليه
ليليان : مش عارفة قاللي الموضوع مش هينفع تليفون ، فهضطر اني اروحله بكرة كدة كدة مافيش بكرة محاضرات
ريم : اها
ليليان : ما تيجي معايا
ريم : ممم مش عارفة امير هيوافق ولا لا
ليليان : ليه بس ابقي تعالي معايا انا ما اتعودتش اروح مكان من غيرك
ريم : خلاص بصي هقفل معاكي واروح اقوله واكلمك بكرة اقولك هو وافق ولا لا
ليليان: اوك ، انا هنام بقي لاني جاية تعبانة
ريم : اوك تصبحي علي خير
ليليان : وانتي من اهله يا روحي
ريم تذهب لغرفة امير وتطرق عالباب :
امير : ادخل
ريم : مساء النور
امير : ادخلي يا ريم
ريم : انا كنت عاوزة اكلمك في موضوع كده
امير : خير
ريم : هو ينفع بكرة اروح الاوبرا مع ليليان
امير : اوبرا ؟؟ وليليان ؟؟
ريم : اة عادي
امير : ايه العلاقة يعني مش فاهم
ريم : احكيلك يا سيدي …

الحلقة الثامنة
ريم : احكيلك يا سيدي ، فيه مسابقة في الاوبرا عن الغناء والعزف علي اي آلة وفيه ناس كتير هتشترك وتقريبا كده اول اتنين هيخدوا مركز هيسافروا يحضروا حفلات في فرنسا ولى لى قدمت فى المسابقة دى فهي اتصلت بيا وقالتلي اني اروح معاها علشان المدرب اللي بيدربها عالمسابقة عاوزها في موضوع ضروري بكرة بس كده
امير : فرنسا بجد !!
ريم : اه بجد ، دي حلم حياتها انها تروح باريس
امير : اشمعني باريس ؟
ريم :لالا ده موضوع كده خاص بيها ، المهم موافق ولا لا
امير : بس بشرط
ريم : شرط ايه
امير : احكيلي موضوع حلم حياتها ده الاول
ريم : مهو يا امير مش هينفع هي ممكن تزعل
امير : ومين اللي هيقولها بس
ريم : مش عارفة بس بلاش
امير : ريم انا عاوز اقولك علي حاجة مهمة
ريم : ايه
امير : انا لسه بحب ليليان يا ريم ، وكل ما اجي اكلمها او اقرب منها بتبعد ومش عارف هي بتعمل كده ليه ، ونفسي اقربها ليا تاني وانا مستعد اعملها اي حاجة تسعدها فأرجوكى ساعدينى انا مش عارف اعملها ايه
ريم : امير انت بتتكلم بجد
امير : اة والله
ريم : خلاص انا هساعدك تقرب منها وهحكيلك بس توعدني انك مهما حصل اوعي تزعلها او تعملها حاجة تضايقها
امير : اوعدك ، وبعدين عمر حد ما بيزعل اللى بيحبه دا بيتمنى يشوف الابتسامة عليه ومش تفارقة طول الوقت
ريم : سيدي يا سيدي عالكلام الحلو يا روميو
امير : روميو تانى !! ما علينا احكي بقا
ريم : بص يا سيدي ليليان طول عمرها تحلم بحلم معين ونفسها جدا يتحقق ، هي بتحلم انها بتكون لابسه فستان احمر وتحت برج ايفل في باريس وفيه واحد بيقدملها ورد لونه احمر بس الراجل ده هي مش بتشوف ملامحه كويس بس وهي بتحكيلي كانت بتقولي انها بتحس معاه بسعادة واطمئنان ونفسها تحقق حلمها ده ويكون مع واحد يستاهلها بجد
امير : ورد احمر ! فستان احمر !
ريم : اصلها بتعشق الورد بتحبه جدا جدا ولونها المفضل هو اللون الاحمر فممكن يكون علشان كده
امير وهو يسند راسه علي السرير : تفتكري يا ريم ان ليليان ترجع تحبني زي الاول واقدر احقق لها حلمها ده
ريم : انت وشطارتك بقي ، بس افتكر كويس ان انا حذرتك كله الا ليليان
امير : وانا عمري ما بأذي حد بحبه ابدا ، وخليكي متأكده من ده
ريم : المهم موافق اني اروح معاها ولا ايه
امير : ابقي روحي معاها
ريم : ميرسي يا روميو
امير بهزار : اطلعي يا بت من هنا
ريم : ايه هو ده ، خيرتعمل شر تلقي
امير : ااااه صحيح هي ليليان كلمتك علشان موضوعها بس ولا حاجة تانية…
ريم : ااا اصل هي كلمتني في موضوعها وبعدين … ااا
امير : خلاص براحتك
ريم : هو انا مش هعرف اخبي عليك حاجة ابدا دايما كده فاهمني
امير : ههههه اعترفي
ريم : اصل انهارده وليليان في الجامعة كريم سأل عليا وكان فاكرني اتضايقت من كلامه فهي بتقولي يعني
امير : ااه ده شكله واقع
ريم : مالكش دعوة
امير بغمزة : والله في ناس تانية باين عليها هي كمان انها ماصدقت
ريم : يووووه هي القاعدة هتتقلب عليا ولا ايه انا هروح انام احسن
امير : لا استني انا كنت عاوزك اصلا بخصوص الموضوع ده
ريم : كنت عاوز ايه
امير : بصي بقي انا اجازتي مش هتطول وانا عاوز اطمن عليكي فروحي الجامعة بعد بكرة كده واتفقي معاه انه يجي يقابلني وبعدين لما نشوفه وتقعدي معاه ابقي فكري براحتك
ريم : اوووك
امير : ربنا يكتبلك الخير يا حبيبتي
ريم : ويكتبلك انت كمان
امير : ياارب
ريم : اة صحيح ينفع كده تحرج ليليان انهاردة عالفطار وتقولها عقبالك دا احنا كلنا خدنا بالنا
امير : هعمل ايه يعني انا لاقيت نفسي عاوز اقولها كده
ريم : طيب اسيبك بقي علشان تنام ، تصبح علي خير
امير : وانتي من اهله يا حبيبتي
ريم وهي تتجه نحو باب الغرفة وخرجت ولكن قبل ان تغلق الباب : علي فكرة يا امير مش انا بس اللي طلعت واقعة طبعا فاهمني هههههه ثم غلقت الباب بسرعة وذهبت لكي تنام
امير : والله عندك حق يا بت ياريم ، وظل امير يفكر بها حتي جاءت له في احلامه ، فكانت ترتدي فستان احمر في غاية الجمال فكأنها كالأميرة وهو كان بجانبها يعطيها باقة من الورود الحمراء وكانت سعيدة به جدا وقضوا اوقات رائعة سوياً
نعم انه نفس حلم ليليان الذي ظلت تحلم به طوال حياتها ولكن من دون ان تعرف من هو الشخص الذي بجانبها ، اما الان فقد اصبح الشخص الذي لا تعرفه ليليان بحلمها هو امير وهو الوحيد علي اتم الاستعداد لتحقيق حلمها بجانبها ولكنها لا تعلم حتي الان ، فسبحان القدر الذي يعطينا شئ جزء منه مفقود بل ويجعلنا نتمسك به ونسعي اليه بكل ما اوتينا من طاقة ، وفي نفس الوقت يعطي نفس الشئ ولكن مكتمل لمن يشغل عقله وتفكيره بنا
وعندما استيقظ امير من حلمه الذي اراد ان يحققه : يااااااه ، هو ليه كان حلم ، هو انا ممكن احققه ، بس انا مش عارف هي بتبعد عنى ليه ، يبقي لازم اقرب منها اكتر، يا سلام لو الواحد كده حلم بيها كل يوم
وكاد ان ينتهي من كلماته حتي رأي امامه ريم
ريم : هي مين دي اللي نفسك تحلم بيها كل يوم
امير : بسم الله الرحمن الرحيم
ريم : ايه شوفت عفريت
امير : حد يدخل علي حد من غير ما يستأذن
ريم : انا فكراك نايم وماما قالتلي روحي صحيه علشان تفطر معاها ، وماتغيرش الموضوع واعترف
امير : قوليلها حاضر هو صحي خلاص وهفطر معاها
ريم : طيب بما انك مش عاوز تحكي انا عرفت انت حلمت بمين
امير : ماشاء الله بقيتي تنجمي ، ولا بتشمى على ظهر ايدك
ريم : لا ياخويا نظرات عينك هي اللي فضحاك
امير : نظرات عيني ! ربنا يستر
ريم : هيستر ان شاء الله ، ايه ده استني كده
ليليان تتصل بريم :
امير : فيه ايه ، مين بيكلمك عالصبح كده وهو يغمز لها
ريم : الو يا لي لي وحشانى مووت ، وهى تغيظ امير
ليليان : الو ازيك يا ريمو وانتي كمان وحشاني
ريم بصوت به دلع : يا سلام لو الواحد يصحي كل يوم علي صوتك كده
ليليان : هااااه مالك يا ريم انتي تعبانه ولا ايه
ريم : ثواني خليكي معاايا كده
ليليان : اوك
ريم : كفايا عليك كده انهارده يا روميو زمانك اما اروح بقا اكمل مكالمتي في اوضتي حبيبتي ولوحدي
امير وهو يحاول امساك اعصابة : امشي ياريم من قدامي حالا
ريم : باي باي بقا يا امييير
وبعد انا خرجت ريم من غرفة امير : هههههه الو يا لي لي انا معاكي
ليليان : ايه يا بنتي مالك ، دا انتي اتجننتي عالآخر ، هو الحب بيعمل كده
ريم : ههههه لا ولا تخدي في بالك
ليليان : ها طمنيني امير وافق
ريم : اهااا وافق
ليليان : هييييه
ريم : عيب عليكي دا انا مسيطرة بردو
ليليان : يا جامد انت يا مسيطر
ريم : ههههههه يلا انا هروح افطر واجهز علاطول
ليليان : اوك وانا كمان
ريم : مش تتأخري عليا بقا
ليليان : اوك بااااي
ريم : باي باي
:في الاوبرا
ليليان : ازي حضرتك يا مستر وليد
وليد : اهلا وسهلا اتفضلوا
ليليان : خير حضرتك كنت عاوزني
وليد : مالك مستعجلة كده ليه ، تحبوا تشربوا ايه
ريم : ميرسي ، انا بس عوزاك تطمن ليليان علشان هي مش نامت طول الليل وكانت خايفة من موضوع المسابقة
وليد : بصي هو الموضوع فعلا ليه علاقة بالمسابقة بس خبر حلو
ليليان : خير
وليد : بصي لما المسؤولين عن الموضوع ده لقوا العدد اللي مقدم قليل فقالوا يأجلوها شهرين كده ويزودوا الاعلانات والدعايا علشان الناس تزيد وطبعا فترة الدعايا دي ممكن تاخدلها اسبوعين عالاقل فهيبقي قدامنا فترة حلوة نتدرب فيها
ليليان : طب الحمدلله حتي تكون فترة الامتحانات عدت
وليد : شوفتي بقي قلقك ما لوش لازمة
ليليان : الحمدلله ، شكرا لحضرتك
وليد : علي ايه
ليليان : اه صح طب ليه حضرتك مش قولتلي في التليفون واصريت اني اجي هنا
وليد : كلمتك علشان هما عملوا استمارة جديدة علشان زودوا شوية معلومات فكان لازم تيجي علشان تروحي تمليها
ليليان : اها اوك ، كده فيه حاجة تانية لازم تتعمل
وليد : لا امليها وكده خلاص واستني بقي مكالمتي تاني عاشان اقولك علي الاوقات اللي تقدري تدربي فيها
ليليان : اوك شكرا لحضرتك
وليد : نورتوا ، مع السلامه
ليليان : سلام
بعد ان ذهبت ليليان واملت الاستمارة وهم عائدين في السيارة :
ريم : لي لي انا هروح معاكي الكلية بكرة ان شاء الله
ليليان : هييييه
ريم : انا هروح علشان اكلم كريم يجي يتقدملي
ليليان بزعل طفولي : ايه ده يعني مش جاية عشاني
ريم : واكيد طبعا علشانك يا قطتي
ليليان : ههههه ربنا يسعدك دايما
ريم : يارب
ريم : هو اللي هيفوز في المسابقة بيبقي فيه جزء من الجائزة للي كان بيدربك
ليليان : اكيد يا ريمو
ريم : ااااه علشان كده وليد ده مهتم اووي بيكي ، وانا عماله اقول ايه سرالاهتمام الزيادة ده
ليليان : بصي هو اصلا اللي هيفوز بالمسابقة هياخد تذكرة رحلة لباريس ويحضر عروض وحفلات موسيقية زي ما قولتلك وهيبقي فيه جزء نقدي للي كان بيشرف علي موهبتك وكده
ريم : هههههه حلوة جزء نقدي دي ، ماكنش امير يشرف عليكي دا كان هيبقي مبسوط اوي وكنت خدت انا الجزء النقدى ههههه
ليليان : آآآ..امير؟ امير يشرف عليا ازااى مش فاهمه ؟
ريم : افهمك…..