مسلسل رحلة الحب الحلقة 7و8و9و10
الحلقة السابعة
البارت السابع”رحله الحب”
رجعوا البنات لمكان الحفل لقي ان رامز بيقول:تعالوا هنلعب لعبه الصراحه او الجرأه
اميرة:فرصه حلوه يا بنات اني اعتذرله
البنات:عندك حق فعلا يلا بينا
الكل:موافقين يلا
و بدأت الاسئله
كان يوسف قاعد قدام اميرة و حمزة قدام هبه و مصطفي قدام هاجر و رامز قدام ميار و مراد قدام يارا و مروان قدام هدير و مالك قدام بسمه
لفوا الازازه جت عند هاجر و مصطفي
هاجر:ايه اكتر حاجه بتحبها في حياتك
مصطفي: امي و ابويا و اختي الي ليا في الدنيا
ابتسمت هاجر بخفه :مكنتش متوقعه اجابه زي ده
مصطفي:ليه
هاجر:بصراحه بلقيك خفيف يعني بتهزر و تضحك و كدا متوقعتش منك ان العائله هي الي ليها النصيب الاكبر عندك
هبه:طب تمام كدا احنا محتاجين كرسين بلاستك
اميرة:كوبيتين شاي و شمسيه
ميار:و تقعدوا في مكان رومانسي قدام اللجنه
الكل ضحك و هاجر و هي بتضحك:انتوا رخمين اوي و غلسين
بسمه:السؤال واحد مش عده اسأله مش هنتعرف علي بعض من اول و جديد سؤال واحد يادي النيله
لفوا الازازه و جت عند مراد و يارا
مراد:انتي ممكن ترتبطي و انتي في ثانوي
كل الشباب صفروا علي السؤال
البنات تنحوا و بصوا ليارا
يارا:لا طبعا اهم حاجه عندي اني ادخل الكليه الي نفسي فيها
مراد:و الي هيه
يوسف:سؤال واحد يا مراد
مراد:ماشي يا جو
لفوا الازازه جت عند ميار و رامز
رامز:هو انتي طيبه مع كل الناس كدا و لا دا هيبقي حظي الحلو انك بقيتي طيبه معايا انا بس
ميار:مع الكل مش لوحدك
رامز:بردو من حسن حظي اني اقابل واحده طيبه و حنينه زيك
هدير:في حد هينضم لهاجر و مصطفي يا جماعه
بسمه:بس كده احنا هنعوز كوبيتين لمون بالنعناع لتهدئه الموقف
رامز:يا ريت اصل الجو هنا دمه يلطش
الكل فضل يضحك
لفوا الازازه و جت عند مروان و هدير
هدير:عندك اخوات بنات و لو عندك عايزة اعرف معاملتك ليهم ايه
مروان:و ايه لزمته السؤال دا
اميرة:طالما اتسألت تجاوب دا شرط اللعبه مهما كان السؤال
يوسف:جاوب عندها حق الي يتسل سؤال لازم يجاوب عليه
و بعد كدا بص لاميرة بخبث فاميرة بصت للارض و خافت
مروان:ماشي يا ستي اه عندي اختين و بخافف عليهم جدا لدرجه انهم بيتخنقوا مني بس و الله كل دا عشان مصلحتهم بس ممكن انا كمان اسال
هبه:لما تيجي الازازه نحيتك
لفوا الازازه جت عند اميرة و يوسف
الشباب بصوا لبعض بصه طويله و يوسف ضحك بمكر
يوسف:ها يا حلوه قوليلي بقي النفخه الي انتي فيها ده علي كدا باباكي بيشتغل في حاجه جامده اوي هو شغال ايه
FLASH BACK
حمزة:و الخطه التالته يا باشا بما ان باباك اغني واحد في مصر فمش معقوله ان باباها يوصل لمستوي باباك ابدا
يوسف:ايه بقي فيها ايه يعني
حمزة:غبي انتي هتبهدلها بي باباها افهم دايما الاب في سن البنت دا هو كل حياتها و امانها و كدا فاهم اني لو اتكلمت عن باباها اكنك بتقطع فيها من جوه و تاخد حقك انك تمرمطها قدام الناس كلها ما انت ابن البيه
يوسف:يا بان اللذينه دا انت دماغك جهنميه
حمزة:هنفذ من بكرا
يوسف:بس التالته ده مش وقتها دلوقتي هيجي وقتها بعدين
مروان:طب ليه دا حتي لما تكون في الاول احلي
يوسف:مش فاهم انت الي في دماغي
مراد:بس يا يوسف انت مزودها
حمزة:لا يستاهلوا
باقي الشباب:لا مينفعش بلاش الاهل دا موضوع حساس
يوسف:محدش ليه دعوه انا مش هعرف امسك عليها حاجه غير دا هي نازله بهدله و طول لسان انا بكدا هقطعلها لسانها خالص
END
سكتت كل البنات
يوسف:طالما اتسألت تجاوب دا شرط اللعبه مهما كان السؤال مش دا كلامك جاوبي
اميرة بصتله و قالت: كان شغال مدرس
يوسف:ها ها ها كل الهيبه ده و كان شغال مدرس امال دلوقتي بقي ايه ساب للتدريس عشان اتشغل في دروسه و كدا عشان كدا معرفش يربي بنته كويس يا حرام دا انتوا ناس غلابه اوي
اميرة كانت بتحاول تمسك دموعها جامد بس نزلت غصب عنها و قالتله:بابايا مربيني احسن من تربيتك و اخرس خالص
يوسف:ايه يا شاطرة اتحرجتي ليه يا حلوه و تعالي هنا طالما كان شغال مدرس دلوقتي ايه
اميرة قامت و سابته
هبه:عايز تعرف شغال ايه دلوقتي يا بني ادم يالي معندكش دم و لا تعرف حاجه عن الذوق
جريت بسمه و يارا و ميار راحوا ورا اميرة
حمزة:ايه يا جماعه دا سؤال و جواب ايه الزعل في كدا
هبه:اخرس خالص ما انت من نفس الفصيله الزباله تحبوا تعرفوا شغال ايه والدها متوفي و كان هو كل حياتها
هدير:برافو يا يوسف عرفت تاخد حقك يا يوسف كويس اوي عرفت تجرحها و تقطعها من جواها
هاجر:اهنيك شاطر اوي يا يوسف بس ابقي اعرف نام بقي من تأنيب ضميرك دا لو عندك ضمير اساسا
سابوهم بعد كدا و مشي
الشباب بصوا لبعضهم
جه رامز يتكلم
يوسف زعق في وش الكل:مش عايز اسمع نفس منكوا
و قام و راح ناحيه البحر
مصطفي:احنا طلعنا زباله اوي مش تخيلنا ان الموقف هيبقي كدا
عند البنات
اميرة منهارة من العياط و كانت بتفتكر كل لحظه عشتها مع باباها و ازاي مش قدرت ترد علي يوسف رد مناسب و ان الي هي قالته دا مش مناسب للموقف و بتعيط اكتر
بسمه:اميرة اهدي يا حبيبتي
اميرة مكنتش بتتكلم اكن صوتها ضاع منها و عماله تعيط
هبه:خلاص بقي يا اميرة متوجعيش قلبنا دا واحد حيوان
اميرة:موجعش قلبكوا انا اتقطعت يا هبه
و وقعت اغمي عليها
البنات في صوت واحد:اميره
الكل جري عليهم بما فيهم المدرب و المشرفه و الشباب
المشرفه:في ايه ايه الي حصلها
هاجر:المهم نفوقها الاول يا ميس
فضلوا يفوقوها بصعوبه شديده لحد ما فاقت
المشرفه:ايه يا حبيبتي مالك حد عملك حاجه حد ضايقك
اميرة:انا عايزة ماما
المشرفه:اهدي يا اميرة مالك يا ماما حصلك ايه
البنات:طب نروحها يا ميس دلوقتي عشان ترتاح
المشرفه:طيب يا بنات يلا بينا لو الشباب عايزين يفضلوا براحتهم
الشباب:لا جايين معاكوا
هاجر بصتلهم و ضحكت بسخريه
سند البنات اميرة الكل طلع الباص و الكل حزين و اليوم الي اميرة قالت انه هيبقي اجمل يوم في حياتها بقي اسوأ يوم في حياتها
الشباب و هما طالعين الباص بصين للارض مش قدرين يحطوا عنيهم في عين البنات
يوسف طلع اخر واحد و رفع عنيه بيبص لاميرة لقاها منهاره فبص في الارض علي طول و دخل الباص و هو بيلعن اليوم دا
وصلوا الفندق و البنات ساندين اميرة كانت لسه هتقع جه رامز يساعدهم زعقوا كلهم فيه بس هو تفهم الموقف
ميار:معلش يا رامز لو سمحت ابعدوا عننا دلوقتي
طلعوا الجناح و نيموا اميرة علي السرير و كانوا بيعتنوا بيها لحد ما نامت
بعد كدا الكل نام من التعب
لكن اميرة مش نامت هي عملت نفسها نايمه عشان باقي البنات يناموا لانهم تعبوا معاها اوي خدت موبيلها و خرجت للبلكونه و اتصلت علي مامتها
اميرة بصوت مبحوح:ماما انا صحيتك
مامه اميرة:دا احنا بنعمل مفاجأه ليطكي يا اميرة احنا جاينلك بكرا حرقتي المفاجأه يا شيخه
اميرة:طب انا اسفه
مامه اميرة:مال صوتك يا اميرة فيكي ايه
اميرة لما افتكرت فضلت تعيط
مامه اميرة:ايه ليه دا كله في ايه حصلك حاجه
اميره:انا عايزة اروح
مامه اميرة:اتخضت جامد و قالت بصوت عالي:ايه الي حصل قولي
اميرة:اتخنقت يا ماما و انتي وحشتيني اوي
مامه اميرة:استحاله اكيد في حاجه
اميرة:قالتلها علي الي حصل مش طايقه نفسي و لا المكان الي انا فيه
مامه اميرة:دا حيوان و ازاي مش تقولي للمشرفه
اميرة:مينفعش يا ماما اتكلم فيه عشان بتجرح اوي لما بفتكروا
مامه اميرة:خلاص يا اميره احنا كنا حاجزين علي طياره عشان نجيلك انا هاجر اخدك و نمشي علي طول اجهزي علي الساعه 5.30 الصبح و انا هاجي الفندق بنفسي اخدك او اكلم المشرفه تجيبك من المطار
اميرة:ماما مش تحكي حاجه للمشرفه لو سمحتي مش عايزة نظرة عطف من حد
مامه اميرة:حاضر يا حبيبتي انا هتصرف
قفلت اميرة مع مامتها كانت الساعه 2 الفجر بدأت تلبس و تلم شنطتها براحه عشان محدش يصحي و اخدت المصحف و دخلت البلكونه و فضلت تقرأ قران و هي بتعيط لحد ما الموبيل بتاعها رن
اميره:ايوه يا ماما
مامه اميرة:انا هركب الطياره فورا و كلمت المشرفه و هتجيبك للمطار انا نص ساعه بالكتير و هكون قدامك الطريق تقريبا هياخد منك نص ساعه بردو اكون وصلت
اميرة:ماشي يا ماما
خدت شنطتها و مشيت براحه لغايه الباب و هي بتبص علي البنات و كان نفسها تودعهم بس مش قدرت
خرجت كانت المشرفه علي باب الاوضه
المشرفه:لو اعرف مالك يا بنتي انتي عارفاني بحبك قد ايه
اميرة: اتخنقت بس و ماما وحشتني معلش يا ميس تتعود ان شاء الله في رحله تانيه
خدتها المشرفه وصلتها للمطار كانت مامه اميرة وصلت سلمت علي المشرفه و خدت اميرة في حضنها مش بطلت هي عيامط و هي في حضن مامتها
مامه اميرة:شكرا يا ميس يلا بينا يا اميرة
طلعوا الطياره
عند الشباب
محدش عرف ينام الكل نام بصعوبه ما عدا يوسف ساب الجناح و نزل فضل قاعد قدام البحر و كان بيكلم نفسه :انا ازاي مخدتش بالي ان ممكن يكون باباها متوفي بس انا كنت هعرف ازاي بس حتي لو مكنتش اعرف ده بنت و مكنش لازم اهجم عليها كدا حتي لو ضايقتي دا مش اسلوبي ابدا ايه الي خلاني اعمل كدا هي اه بتغيظني و انا مكنتش عارف اخد حقي منها بس بردو مش ده الطريقه المناسبه كمان انا بحس اني مبسوط طول ما انا شايفها امبارح لما شوفتها بتعيط كنت بتقطع اهم حاجه اني احاول ارضيها مهما عملت فيا هستحمل انا بكدا استاهل اي حاجه تتعمل فيا
الكلام دا كان الساعه 4 الفجر طلع الجناح و معرفش ينام الساعه 6.30 فضل قدام جناح البنات عشان اول ما يفتحوا الباب يقدر يتكلم معاهم و يكلم اميرة و مهما البنات قالوله من كلام هيستحمل عشان يكلمها
و كانت المفاجأه لما البنات صحيوا مش لقوا اميرة
هدير:راحت فين معقوله نزلت
ميار:لا لا بصوا كدا
هاجر:ده ورقه علي سريرها
بسمه:الورقه بتقول ان اميرة سافرت”انا اسفه يا بنات اني سبتكوا بس معلش استمتعوا انتوا بالرحله رحله سعيده عليكوا و مش تقلقوا عليا”
يارا:ده مشيت
هبه:و احنا ايه الي مقعدنا احنا اتخنقنا من الرحله ده نفهم الموضوع و ايه الي حصل و بالمرة نرجع
اتصلت ميار علي المشرفه و قالتلهم الي حصل و قالتلها انهم عايزين نرجع
المشرفه:انتوا كمان لسه في اسبوع ايه الي حصلكوا
البنات:معلش يا ميس احنا عايزين نمشي
المشرفه:حاضر هشوف الوضع و اقولكوا طب مش تنزلوا نتمشي
هدير:لا مش هننزل
المشرفه:طب انزلوا افطروا
بسمه:مش عندنا نفس يا ميس
المشرفه:يا بنات ممنوع في الفندق الاكل في الغرف انا لو كنت اقدر كنت جبتهولكوا عندكوا
المشرفه:انتوا ليه غلبتوني كدا
هبه:مش عايزين يا ميس متقلقيش علينا احنا كويسين
المشرفه:طب ابعتوا بنت من عندكوا تنزلي بعد ربع ساعه و انا هتصرف و دا امر
البنات:حاضر يا ميس
هبه:انا هنزل
بدأت تلبس و بعد ربع خرجت لقت يوسف في وشها
بصتلوا من فوق لتحت و جيه تمشي
يوسف:هبه لحظه بصي انا هستقبل منك اي كلام هتقولي اني مش بني ادم هقولك ايوه لو قولتي اني عديم الاحساس هقولك عندك حق مش هعترض عن اي حاجه تقوليها عليا بس ارجوكي عايز اكلمها
هبه:”بصتلوا و لاحظت انه بيعيط”هي الدموع ده حقيقيه و لا دموع تماسيح
يوسف:و الله ما عرفت افكر في اي حاجه و لا اعمل اي حاجه عايز اكلمها يا هبه لو سمحتي
هبه:اميرة سافرت يا محترم
يوسف:قصدك ايه
الحلقة الثامنة
البارت الثامن “رحله الحب”
يوسف:هبه لحظه بصي انا هستقبل منك اي كلام هتقولي اني مش بني ادم هقولك ايوه لو قولتي اني عديم الاحساس هقولك عندك حق مش هعترض عن اي حاجه تقوليها عليا بس ارجوكي عايز اكلمها
هبه:”بصتلوا و لاحظت انه بيعيط”هي الدموع ده حقيقيه و لا دموع تماسيح
يوسف:و الله ما عرفت افكر في اي حاجه و لا اعمل اي حاجه عايز اكلمها يا هبه لو سمحتي
هبه:اميرة سافرت يا محترم
يوسف:قصدك ايه
هبه:قصدي انها اتصلت علي مامتها عشان تيجي تاخدها مش قدرت تقعد اكتر من كدا خليتهلها رحله سعيده بجد
يوسف:سافرت
هبه:انت مش بتسمع
مشيت من قدامه و نزلت للمشرفه و يوسف رجع الجناح لقي الشباب صاحيين بصولوا بنظرة حزن عليه
حمزة:و الله ما تقلق كل حاجه هتتصلح انت بس لو مش كنت حساس كنت هتعدي الموضوع عادي
مراد:الموضوع يا حمزة مش فيه حساس و لا زفت يا ريت لما نيجي نهزر او اي حاجه منتكلمش عن الاهل ابدا كان قدامك شخصيتها و كل حاجه لكن انت دخلت في مرحله حساسه بالنسبه للبنت
مروان:يا جماعه الموضوع كله اتلغبط و اخر ما كنا نتخيله انه يوصل لكدا و زي ما يوسف حساس البنت كانت حساسه اكتر لدرجه ان كلنا اتوجعنا عشانها
مالك:انا شوفت من عنيها نظرة عمري ما هنساعا طول العمر
رامز:خلاص يا جماعه كفايه كدا”بيبص ليوسف عشان صعبان عليه و بيشاورلهم يسكتوا”
مصطفي:طول عمرك جامد و بتمسك المواقف يا جو دا زي اي موقف عدا عليك
يوسف:لا انا عمري ما عدا عليا موقف زي دا مش عشان خاطرها هي و بس دا عشان خاطر والدها انسان مش معانا في الدنيا ليه اجيب سيرته بالطريقه ده انا عرفت خوفها دلوقتي تحت الميه بسبب ايه انا افتكرت انها جبانه بس كنت غلطان لان الاب هو حمايه البنت و لو اتفقد البنت هتفضل خايفه طول عمرها حتي لو عامله نفسها قويه مش تتهزم
حمزة:ايه الكلام الكبير دا يا جو الله يحرقوا وجعتوا قلبي اكتر ما هو موجوع
مالك:يااااااااه حمزة عنده قلب
حمزة:و حاسس بالي انا عملته بس زي ما انتوا متوقعتوش انا كمان مش توقعته بس افتكرت انها بنت تافهه و هايفه مش كدا خالص
رامز:يا جدع انا نفسي اعرف انت متفوق من انه ناحيه بتاع بنات و صايع و زباله في الاخلاق بتجيب منين التفوق دا و النمر النهائيه”بيحاول يغير مود الجو”
لكن كل واحد كان في دنيا تانيه
عند البنات
الفطار الي جابته هبه من الميس محدش لمسه و هما ساكتين و كل محاولتهم فشلت انهم يتصلوا علي اميرة
طلعتلهم المشرفه و لقت ان الاكل زي ما هو
المشرفه:علي فكرة مش هينفع كدا حد فيكوا يقولي ايه الي حصل
البنات:و لا حاجه يا ميس احنا بس عايزين نرجع الرحله دمها تقل من غير اميرة
هدير:انتي عارفه يا ميس ان احنا دايما مع بعض مصايب كوارث كدا “بيحاولوا يتوهوا الموضوع عن الميس”
المشرفه:ماشي يا ست هدير بس علي الاقل ناكل لقمه بسيطه عشان نقدر نسافر بكرا
بسمه:بجد يا ميس خلاص هنمشي
المشرفه:يااااااااااه دا انا لو قلتلكوا هنسافر فرنسات مش كنتوا هتفرحوا اوي كدا
هبه:معلش يا ميس المذاكرة وحشتنا
المشرفه:ده مين الي بتقول كدا هبه طب لو حد تاني اصدق
ابتسم البنات
البنات:الساعه كام هنسافر
المرفه:الباص هيتحرك الساعه 6 الصبح
البنات:يدوب نوضب الشنط
المشرفه:طب ننزل نتفرج علي اي حاجه طيب ناخد تذكار من هنا
هاجر:يكفينا تذاكرات للرحله ده يا ميس مش عايزين اكتر من كدا
طلع المشرف للشباب للجناح لانهم مردوش علي الموبيل
المشرف:ايه يا شباب مش بتردوا ليه دا انا بكؤا عملكوا بروجرام يجنن يلا عشان انتوا طلعتوا كويسين معايا من بدري و طلعتوا رجاله بجد و انهرده هنطلع عشان تشتروا شويه حاجات يلا بقي فسحه عشان مش تتغاظوا من البنات و تقولوا اشمعنا
رامز:طب و البنات يا كوتش جيين
المدرب:لا البنات مسافرين
الشباب كلهم وقفوا مرة واحده :ايه مسافرين
المدرب:اها انا قبلت المشرفه بتاعتهم و قالت انهم مصممين انهم يسافروا و مش عايزين يكملوا الرحله عشان امتحانتهم قربت انتوا عارفين
سكتوا كل الشباب مرة واحده و بصوا لبعض
حمزة:و احنا كمان يا كوتش عايزين نسافر
المدرب:ايه
حمزة:ايوة يا كوتش عشان كمان مش اتبقي كتير علي امتحانتها و عايزين نجيب مجاميع عاليه عشان بنتمني كليات قمه فمش عايزين اقل من كدا
المدرب:بقيت الشباب عايزين يسافروا و لا انت بس دا انا بقولكم هنعمل شوبنج و هفرجوا علي شرم حته حته و هعملكوا رحله بالغواصه بكرا هو في ايه في عدوه في المكان
الشباب كلهم بصوت واحد:معلش يا كوتش
مالك:حمزة لسه قايل اننا عايزين نرجع عشان نرجع نذاكر تاني ده ثانويه عامه يا كوتش مش اي حاجه
المدرب:الي انتوا عايزينوا الباص هيبقي الساعه 6 الصبح مش تنسوا
باستغراب منهم نزل الكوتش قابل المشرفه و هو خارج
المدرب:الشباب هيسافروا مع البنات
المشرفه:ايه ليه
المدرب:و الله ما اعرف بيقولوا عشان المذاكره
المشرفه:هو دا عذر موحد و لا ايه
المدرب:الي يريحهم هنعمله
مرت الساعات ده علي البنات و الشباب طويله جدا لدرجه انهم مكنوش عارفين يعملوا ايه و النوم كان رايح من عنيهم عملين يفكروا في الرحله و الي حصل فيها و قد ايه كانوا فرحانين انهم سافروا و هياخدوا اجاتزه من الدراسه و بعد كدا اتغموا بسبب واحد منهم و من كتر التعب و التفكير كل واحد نام في حته صحيوا علي صوت الموبيلات بترن الساعه 5 الفجر كله قام خد شاور و لبسوا و نزلوا
المشرفه رنت عليهم :جاهزين يا بنات
البنات:ايوا يا ميس
المشرفه:انزلوا فورا
نزلوا ركبوا الباص لقوا الشباب قبلهم في الباص
استغربوا جدا
بسمه شاورت لمالك بمعني ايه دا
مالك:هقولك بعدين
الشباب كانوا قاعدين من جوا و سابوا الكراسي للبنات من قدام
هبه:انتوا كدا يعني بقاتوا محترمين بلا نيله
و كان الكل في اشد الحزن فكانت بدايه الرحله بالضحك و الهزار و انتهت بالغم و النكد
“في الباص”
رامز جه ناحبه ميار
رامز:و الله يا ميار ما كنا عارفين ان دا كله هيحصل
ميار:ازاي يا رامز ازاي فكرتوا في كدا
رامز:و الله و الله كمان مرة ما كانت فكرتنا
هدير:امل فكره مين يا يعني يوسف الي كان عايز يكسفها باي طريقه
مروان “من وراها”:حمزة….حمزة هو الي فكر بكدا
مراد “انضم ليهم”:يا بنات انا اقسم ليكوا ان يوسف مكنش بيفكر في كدا اطلاقا
يارا:بس هو نفذ
بسمه:ملوش مبرر لانه لو كان صاحب اخلاق مكنش يعمل كدا و لا يسمع كلام صاحبه
مالك:يا بسمه يوسف مكنش يعرف ان كل دا هيحصل احنا اساسا مكناش متخيلين ان الموضوع هينتهي كدا
هدير:و الله يحصل مكنش يحصل المفروض مكنش يعمل كدا بس ليه دا ابن البهوات المتربي
مالك:يا هدير هو عايز يعتذرلها باي طريقه فانتوا هتساعدونا في كدا و لا لأ
ميار:انا ان كنت هساعد هساعد عشان اميرة مش يوسف يمكن لما تشوفوا بيتأسف تهدي شويه
بسمه و يارا:و احنا كمان
هدير:و لوني مش عيزاه يرتاح و يارب تمرمط بيه الارض
مالك .رامز.مراد.مروان:هاتوا اميلتكوا
البنات:ماشي
عند يوسف كان قاعد في اخر الباص عينه حمرا اوي و بيعيط من غير قصد
حمزة:خلاص يا جو
يوسف”بصوت مبحوح”:مش …عايز حد يكلمني
كانت الشمس ساطعه و ضوئها مريح و دافئ
يوسف”لنفسه”:كان زي اول شوفتها فيه الشمس كانت كدا يوم ما شوفتها اول مرة و ضايقتها لما طلعت الباص حسيت بشعور غريب جدا ناحيتها انا مش عارف اميزه ابدا بس الي اعرفه انه كان شعور حلوه اوي و كنت حاسس اني اعرفها من زمان و لما ضايقتها و خدت منها الفون بتاعها كنت عايز اعرف اي حاجه عنها تربطتنا ببعض حتي لو لوقت قصير عشان كدا عملت علي الفيس اننا مرتبطين كان شكلها حلو اوي و هي متنرفزه علي الرغم اننا كنا تقريبا هنضرب بعض بس كنت فرحان اوي من جوايا و مبسوط “ابتسم بطريقه لا اراديه”اي نعم هي كانت العقل المدبر لكل المصايب هي و هبه بس كنت بحب مقالبها و ضحكتها و عمري ما انسي شكلها يوم ما جه المدرب و كانوا بيضحكوا علينا ساعتها فعلا كان نفسي اولع فيها بس كان في حاجه من جوايا بتمنعني و لم ركبنا الغواصه اضايقت اوي انها اعجبت بشكل محمد و قولت لنفسي هو يفرق ايه يعني عني و لما نزلنا للغوص و شوفت محمد و هو ماسك ايديها كنت عايز اقوله افندم يعني تعرفها انت عشان تمسك ايديها كدا اضايقت اكتر طب ما انت كنت اقدر احميها و اكتر منه كمان و اكتر من نفسي عشان كدا لما ساب ايديها و راح ناحيه السياح و هي كانت بتلعب مع السمك راقبتها خطوه بخطوه لحد ما حسيت بخوفها و انها مرعوبه روحتلها من غير ما افكر و مسكت ايديها لقيتها مسكتني جامد و اتشبست بيا انا كنت عارف ساعتها انها كانت فكراني محمد بس في للحظه ده جاني شعور غريب حسيت اني مش عايز اسيب ايديها ابدا مفيش حاجه كانت تهمني ساعتها غير اني اكون معاها سندها حتي و لو لدقيقه “ضحك يوسف لما افتكر منظرها لما عرفت ان هو الي كان ماسك ايديها”و لما بصتلها بغرور وضحكت بسخريه عشان مش تحس بضعفي لاني لو كنت بصتلها البصه الي كنت عايز اوصلهلها كانت هتكشفني في ثانيه و انا غروري عماني حتي لما اتسألت ليه عملت كدا قولت اي كلام و في نفس اللحظه كنت بفكر انا اعجبت بيها و لا ايه بس بعد كدا طردت الفكرة من دماغي
في نفس اللحظه حمزة قام قعد جنب هبه
حمزة:عايز اتكلم معاكي من غير تطويل لسان
هبه:مش بتكلم مع اشكالك
حمزة:انا اسف علي الي حصل بس وربنا ما كنت متوقع الي حصل
هبه ساكته مش بتتكلم
حمزة:يوسف مش ليه ذنب في اي حاجه لان انا الي فكرت في كل شئ و هو مجاش علي باله حتي حاجه زي كدا
هبه:يا تري بيه البيه هو الي بعتدك تقول الكلمتين دول ارجع و قوله يا شاطر ان احنا مش بيضحك علينا
حمزة:لا يا هبه انا حبيت بس اتكلم معاكي و عايزك تعرفي ان انا بجد حسيت بالذنب و تأنيب الضمير
هبه:و الله طلع عندك ضمير دا من امتي دا ان شاء الله
حمزة:بصي بقي يا اخت هبه انا اكتر واحد فيهم ليه في الصياعه و المشي مع البنات و اكتر من كدا بس بجد اقسملك بالله لما شوفتها بتعيط حسيتها زي اختي بالظبط و اول مرة اتوجع عشان حد
هبه”و هي مش مصدقاه”:انت لو بتحس مكنتش تفكر في كدا اساسا يمكن مش صدقت من كلامك غير جمله واحده انك صايع و بتاع بنات هستني رده فعل ايه من واحد زيك
حمزة:انتي ليه مش عايزه تصدقيني
هبه:اصدق ايه اصدق ناس مش عندها قلب و لا تعرف حاجه عن القيم و المبادئ و الله كل دا شئ مش يخصني اتفضل ارجع مكانك
كان ساعتها و هو بيبصلها عنيه دمعت
حمزة:للدرجه ده مش حسه بصدق كلامي
هبه:دموع التماسيح ده مش بتأثر فيا يا بابا ابقي اسرح بالكلام دا مع حد غيري
حمزة:انتي ايه يا شيخه انا مش عارف اتكلم معاكي خالص
هبه:انت عارف الاجابه تحب اقولهالك انا مش بتكلم مع الاشكال الي زيك هقولها تاني للتكرار انا مش بتكلم مع اشكالك
حمزة:طب معلش ممكن طلب
هبه:من قبل ما تقوله لأ
حمزة:و لا حتي لما اقولك علشان خاطر اميرة
هبه:عايز ايه
حمزة:انا جي اطلب منك تساعديني عشان نصلح الوضع بين يوسف و اميرة لانه عايز يعتذرلها
هبه:حسب رغبه اميرة الي هي لأ الي انا عارفاها من غير ما اسألها
حمزة”اتنهد تنهيده طويله”:انتي لو غيرتي رأيك الورقه ده فيها الاكونت بتاعي و يارب القيكي بتكلميني عليه
قام حمزة من جنب هبه و رجع ليوسف لقاه علي نفس الوضع و مش بيكلم حد اتنهد و قعد قدامه
بعد عده ساعات
المشرفه:البنات تجهز عشان هتنزل قريب
البنات:حاضر يا ميس
بعد دقائق
المشرفه:يلا يا بنات عشان تنزلوا
هبه:طب ثواني يا ميس
راحت هبه عند يوسف
هبه:تحب بقي ازود تعبك و تأنيب ضميرك اكتر
بصلها يوسف مستنيها تتكلم
هبه:عارف احنا رضينا ليه نلعب لعبه الصراحه
كان مركز في كلامها و بصصلها من غير ما يتكلم
هبه:لان اميرة كانت عايزة تعتذرلك قدام الكل زي ما احرجتك قدام الكل
بصلها يوسف و هو مش مصدق
هبه:اممممم…….شكلك مش مصدقني
لفت للبنات و ندهت عليهم
هبه:يا بنات اميرة كانت عايزة تعمل ايه قبل ما يجري دا كله
هدير:خلاص بقي يا هبه
هبه:قولولوا عشان الباشا يعرف التربيه الي اتريق عليها شكلها ايه
هاجر:كانت هتعتذرله
هبه:و احنا هاجمناها بايه
ميار:انهاغلطت في حقك عشان انت و صحابك دافعتوا عننا
هبه:ايه رأيك يا ابن الناس يا ابن الاغنياء اشرب بقي يا ابن البهوات
نزلوا البنات من الباص لكن الشباب كملوا
يوسف مكنش قادر بالاخص لما عرف الي اميرة كانت عايزة تعتذرله قدام صحابه و صحابها
بعد كدا…..
الحلقة التاسعة
البارت التاسع”رحله الحب”
راحت هبه عند يوسف
هبه:تحب بقي ازود تعبك و تأنيب ضميرك اكتر
بصلها يوسف مستنيها تتكلم
هبه:عارف احنا رضينا ليه نلعب لعبه الصراحه
كان مركز في كلامها و بصصلها من غير ما يتكلم
هبه:لان اميرة كانت عايزة تعتذرلك قدام الكل زي ما احرجتك قدام الكل
بصلها يوسف و هو مش مصدق
هبه:اممممم…….شكلك مش مصدقني
لفت للبنات و ندهت عليهم
هبه:يا بنات اميرة كانت عايزة تعمل ايه قبل ما يجري دا كله
هدير:خلاص بقي يا هبه
هبه:قولولوا عشان الباشا يعرف التربيه الي اتريق عليها شكلها ايه
هاجر:كانت هتعتذرله
هبه:و احنا هاجمناها بايه
ميار:انهاغلطت في حقك عشان انت و صحابك دافعتوا عننا
هبه:ايه رأيك يا ابن الناس يا ابن الاغنياء اشرب بقي يا ابن البهوات
نزلوا البنات من الباص لكن الشباب كملوا
يوسف مكنش قادر بالاخص لما عرف الي اميرة كانت عايزة تعتذرله قدام صحابه و صحابها
بعد كدا
مصطفي:صعبان عليا يوسف اوي
رامز:انا كمان
حمزة:كدا مش هنعرف نوصلهم تاني
مراد:مين قالك
مصطفي:عملت ايه
مروان:خدنا ايميلات صحابها
حمزة:يا ولاد الايه
رامز:عشان خاطر يوسف و نقدر نصحح الموضوع دول مش زي اي بنات يا حمزة
حمزة:و الله عندك حق بس كويس الي انتوا عملتوه دا
راح حمزة عند يوسف الي كان ساند راسه علي ايده
حمزة قرب منه:متقلقش يا جو
يوسف:عادي كل حاجه حلوه بتروح
الشباب:مفيش حاجه راحت يا جو مالك قلبتها دراما ليه كلنا يا سيدي هنساعدك
ابتسم يوسف بسخريه:ازاي مفيش حاجه انتوا واخدين الموضوع ببساطه كدا ليه دلوقتي مفيش حاجه تربطنا ببعض انا بس كنت عايز اعتذرلها و خلاص و هسيبها في حالها و الله ما كنت هزعجها
الشباب ابتسموا كلهم و بصوا لبعض
رامز:فعلا يا جماعه انا صدقت كل حاجه الا مكنش هيزعجها و يسبها في حالها
مروان:علي العموم في طريقه تقدر تزعجها بيها و تناقرها تاني بس ادعلينا نقدر نكملها علي خير
يوسف:انتوا بتتكلموا علي ايه احنا اساسا مفيش حاجه تربطنا بيهم
مالك:لا فيه احنا خلاص بقينا معنا اكونتات البنات و منهم نقدر نطمن عليها و نرجعلك الموضوع تاني
مراد:بس كل دا عشان تتأسفلها يا جو
مروان:فوق كدا و كل حاجه هتبقي زي الفل ان شاء الله
يوسف:يارب
بعد مده نزلوا الشباب و كل واحد راح علي بيته
عند البنات
مامه هبه:عجبتك الرحله
هبه:جدا مقلكيش قد ايه يمكن مطلعش بعديها تاني استكفيت بيها
ضحكت مامه هبه :انتي مش هتتغيري ابدا
هبه:مامتشي مامتشي ممكن طلب
مامه هبه:تاني يا هبه مش كفايه طلب الرحله
هبه:الله يحرق ام ده رحله اسمعيني يا قلبي انت انا عايزة اروح عند اميرة انهرده
مامه هبه:ليه انتي مش لسه كنتي معاها
هبه:لا…قصدي اه بس عايزة اطمن عليها عشان كات تعبانه شويه
مامه هبه:بس انتي لسه جايه و تعبانه و اكيد عايزة تنامي علي العموم زي ما تحبي بس متتأخريش اكتر من ساعه عشان عندك مذاكرة كتيره جدا
هبه:اشطه يا موزتي “باستها علي خدها”
مامه هبه:بنت عيب
اتصلت بعد كدا علي كل البنات عن طريق مكالمه جماعيه
هبه:هتيجوا معايا عند اميرة
البنات:اكيد طبعا
هبه:اشطه نتقابل هناك
البنات:اوكي
بعد ما قفلت كل واحده لبست و نزلت وصلوا كلهم في نفس الوقت تقريبا و طلعوا لبيتها
مامه اميرة:ازيكوا يا بنات
البنات:مساء الخير يا طنط فين اميرة
مامه اميرة:جوه في اوضتها
البنات:طب احنا داخلينلها
مامه اميرة:اتفضلوا يا حبايبي
هدير:عن اذنك يا طنط
لما دخلوا لقوا اميرة نايمه علي السرير نطوا فوقيها علي السرير
اميرة”اتخضت”:الله يخربيتكوا هتكسروا السرير
بسمه:وحشتينا اميرة
اميرة:وربنا و انتوا كمان بس ايه الي جابكوا
ميار:علي الطلبات البت ده واطيه
هدير:عندك حق
يارا:احنا يعني جيين عشان نطمن عليكي تقوليلنا جيين ليه
ضربوها البنات بخفه و هزار
اميرة:يخربيتكوا يا مجانين انا تعبانه
هبه:من ايه ياختي
اميرة:جسمي وجعني اوي
هاجر:ايه يا بت العيون الحمرا ده انتي بتتحولي و لا ايه
اميرة:لا مفيش حاجه
هبه:اوبا بت انتي احنا مش عيال ضعاف كدا ها
ميار:ايوا احنا جامدين اوي
بسمه:اركني علي جنب ابت
مامه اميرة دخلت و معاها العصير
مامه اميرة:يا بنات هي من ساعه ما جت و هي بتعيط عايزه اقولك يا حبيبتي ان احنا اتحملنا كتير و اكتر من كدا اشمعني يعني علي دا عملتي كل دا ده حصلنا اكتر من كدا ايه الي حصلكي انتي دايما الي بتقوينا جت علي حته واحد مش متربي تعملي كل دا
هاجر:عند حق يا طنط وربنا
مامه اميرة خرجت و سابتهم في الاوضه
البنات اتلموا حوليها تاني
اميرة:ايه دا في ايه
البنات:يا جزمه تروحي لوحدك يا واطيه
اميرة:هههههه اهدوا يا حلوين كدا
هدير:انتي عيله زباله مش تصحينا طيب نطمن عليكي
اميرة:اولا مكنتش عايزه ازعجكوا ثانيا مكنتش قادرة استحمل اقعد اكتر من كدا هناك و كنت عيزاكوا تكملوا الرحله و مش انكد عليكوا انتوا ملكوش ذنب
هاجر:انتي اكيد متخلفه احنا لو واحده اتوجعت فينا الباقي كله لازم يقف معاها انتي بتتكلمي في ايه
يارا:يعني تخلينا نقلق اول ما نقوم نقول البت اتخطفت
البنات:هههههههههههههههههه وحياه غلوتنا عندك اوعي تهربي تاني احنا مع بعض نبقي اقوياء دا كدا لو مكناش صاحبك بجد
اميرة:ايه يا عيال قلبتوها دراما ليه كدا اكيد احنا صحاب
ميار:خلاص بقي منسبش الموضوع دا تاني رحله خلاص و راحت لحالها
هبه:الرحله ده احنا مش طلعنا منها غير بحاجه واحده ارجاله
البنات:ايه دعه رحله سودا و دمها تقيل
هبه:مش بتفهموا انتوا نسيتوا محمد الشناوي هيييييييييييييح
البنات:يا لهووووووووووووووي
اميرة:بس بقي يا جماعه عيب كدا …………… استغفر الله مش سلمت عليه قبل ما امشي مش شوفتوه و انتوا مروحين
البنات:لا و الله
الكل ضحك
اميره:احنا هنبتدي المذاكرة من بكرا و لازم نذاكر كويس سامعين
الكل:اها
البنات اتفقوا هيروحوا للدروس ازاي عشان يعوضوا الي فات و ابتدوها جد عشان الامتحانات كانوا عايزين يجيبوا مجاميع عاليه عشان يطلعوا من الاوائل علي المدرسه زي كل سنه
بسه:يا عيال انا هنقل مدرستكوا السنه الجايه
البنات:هيييييييييييييييه هنتجمع
اميرة:هيه شله واطيه انا كنت ناقصه يا ربي
بسمه:يا جزمه
اميرة:بهزر يا ابو صلاح انت مش بتهزر
روحوا روحوا و اتفقوا انهم يروحوا المدرسه من بكرا و هيلتزموا و فعلا بقي يذاكروا حتي في وقت الراحه و كانوا بيساعدوا بعض جدا الي تعرف تقول للي مش يعرف و المعلومات يكملوها من بعض لغايه ما جه وقت الامتحانات
“ليله الامتحان”
البنات كانوا فاتحين شات جماعي مع بعض علي النت
ميار جتلها رساله من رامز
رامز:هاي ميار اخبارك
ميار:ازيك عامل ايه اخبار مذاكرتك ايه
رامز:احنا الي هنطمن عليكوا احنا عارفين ان امتحانتكوا بكرا لحظه اعمل شات جماعي بينا كلنا
ميار:اوكي ماشي
بعد 5 دقايق
مروان:اخبار مذاكرتكوا ايه يا بنات
هدير:تمام اهو شغالين
مراد:ربنا معاكوا يارب
يارا:و انتوا بقي عاملين ايه
رامز:احنا كويسين بس حد يفتح قبل الامتحان بيوم دا لعب
ميار:مش حكايه لعب احنا عاملين شات جماعي بينا كلنا و بنسال بعض اي سؤال
مالك:اها صح هو انتوا كلكوا كويسين
بسمه:اها
رامز:طب و…و اميرة اخبارها ايه
هدير:كويسه بتذاكر
مروان:يعني هديت شويه
يارا:الحمد لله احسن من الاول
مراد:يعني تقدر تقابل يوسف عشان يعتذرلها
محدش رد من البنات
رامز:خلاص يا جماعه وقت تاني المهم انتوا ركزوا كويس بكرا
ميار:اوكي ميرسي لسؤالكم
مالك:انتوا صح مدرستكوا ايه
بسمه:كلهم في قوميه العجوزة لغات و انا هكون عندهم السنه الجايه
مروان:اهممممم
هدير:ليه
مراد:عادي يعني مجرد سؤال
مروان:انتوا بقي هقضوها بره زينا في اخر يوم و لا في البيت
ميار:لا طبعا يا ابني احنا هنخربها
رامز:ليه رايحين فين ها ها
ميار:الحسين طبعا هنقضي اليوم كله هناك هنلطش فيه عشان اول مرة بس يلا بقي رغبه اميرة
مالك:و تلطشوا ليه احنا نعرفكوا حته حته
البنات جم للشات بتاعهم
بسمه:انتي هبله ابت و لا عبيطه
ميار:وربنا زله لسان
هدير:يخربيت ذكائك يا ميار
ميار:خلاص بقي هعيط كدا وربنا
يارا:المصيبه ان احنا مش هنعرف نغير المكان عشان كنا عايزين نفرحها و هي الي اختارتوا و من يوم الرحله كنا عايزين نخفف عنا
بسمه:خير يا جماعه احنا مش هنقول لاميرة و نقولهم محدش يجي
الشباب:روحتوا فين
بسمه:احنا اهو
يارا:انا هقفل بقي عشان انام
البنات:واحنا كمان
مروان:خلاص تصبحوا علي خير و ربنا معاكوا
البنات:يارب
و بدأت الامتحانات و كانت بالنسبه للبنات سهله لانهم خدوها جد و كل يوم راجعين مبسوطين
“اخر يوم”
البنات اتجمعوا و كانوا لبسين لبس خروج و كانوا فرحانين اوي انهم لبسوا لبس خروج”وربنا هبلين”
اميرة:اخيرا خلصنا
هبه:كانت سنه ايه عسسسسسسسسل
هدير:يلا بقي عشان مش نتأخر
بسمه:تيجي نروحها مشي
اميرة:حد يقتل البت ده
البنات شاوروا لتاكس
ركبوا كلهم فيه
السواق:يخربيتكوا انتوا كلكوا هتدخلوا التاكس
البنات:مش تقلق يا عم يلا اطلع
المهم وصلوا البنات الحسين و فضلوا ماشيين و هما بيضحكوا
اميرة:يلا بينا علي خان الخليلي
راحوا هناك و اتفرجوا علي الاكسسوارات و اشتروا عقاد حلوه اوي كتذكار
اميرة:حلو اوي التذكار دا
هبه:مشكله العقد انه تقيل اوي هيوجعلي رقبتي
هدير:و اشترتيه ليه
هبه:شكله حلو اغراني الجزمه
ميار:احنا فين
بسمه:يا لهوي توهنا
يارا:يخربيت الي يسمع كلامك يا اميرة ما احنا كنا هناكل في ماك و بعد كدا هنروح و الحمد لله
اميرة:وربنا انا كنت عارفه المكان روحتلوا و انا كان عندي 5 سنين و توهت بردو بس عرفت ارجع
البنات:يا لهوووووووووي 5 سنين و تقولي فكراه
بسمه:دا انتي كنتي في كيجي 1
اميرة:انا اتبعت حدسي تعالوا ورايا بس
فضلوا ماشيين حسب حدس اميرة
اميرة:اهي اهي
البنات:ايه ده
اميرة:قهوه الفيشاوي الي كنت عندها لما كان عندي 5 سنين تصدقوا انكوا جزم انكوا اترقتوا علي حدسي
هبه:معلش يا اخت عرافه
اميرة:جزمه
هدير:يلا بينا
اميرة:وربنا ما كنت هعرفها الا من اليافطه هي اتغيرت اوي ايه دا
البنات:نحمد ربنا و نشكر فضله يلا نقعد
قعدوا البنات كلهم و كانوا تعبانين من المشي
و فضلوا يهزروا و يضحكوا
شخص من وراهم:مش نوطي صوتنا شويه
البنات لفوا وراهم لقوا مروان و مالك و رامز و مراد
البنات سكتوا عشان عرفوا ان الصوت العالي مش كويس
مالك:ممكن نقعد معاكوا
البنات ساكتين
مراد:بصوا احنا هنا كأخوات يعني نضحك مع بعض و كدا عشان عارفين بعضنا بس اول ما نمشي من هنا كل واحد في حاله
بسمه:لحظه
البنات اتلفوا حولين بعض
هبه:يادي النيله
هاجر:لو اعرف بس جم هنا ازاي
ميار كحت :معرفشي
هدير:انا بقول انهم يقعدوا معانا بس دا طبعا حسب رغبه اميرة
اميرة:اوك ماشي لانهم محترمين
المهم خلصوا نقاش و لفوا للشباب
البنات :موافقين
كل شاب جه قدام اميرة و اعتذرلها و اميرة قبلت اعتذار كل واحد
مراد:عملتوا ايه بقي في اخر امتحان
اميرة:كان تافه
هدير:و احنا كمان كان تافه
مروان:لحظه هو مش موحد
هبه:لا انا و اميرة و يارا و بسمه ادبي و هدير و ميار و هاجر علمي
الشباب:اها
FLASH BACK
بعد ما قفلوا مع البنات
رامز:بصوا يا شباب احنا كدا عرفنا مدرستهم يبقي سهل نوصلهم
مروان:انا عندي اقتراح
الكل:ايه هو
مروان:نروح المدرسه عندهم بس هما مش ياخدوا بالهم لانهم مش زي اي بنات عرفناهم دول محترمين اوي و نفضل ماشيين وراهم لغايه ما يوصلوا مكان محدد نقدر نتكلم معاهم فيه و بالمرة هتبقي اميرة رايقه كدا و نقدر تخليها تتصالح مع يوسف
رامز:لالالالالالا محدش يجيب يوسف او حمزة او مصطفي
مراد:انت اهطل ياض امال احنا هنعمل العمليه التجسسيه ده ليه
رامز:افهم هبه لو شافت حمزة في مجزرة هتحصل و نفس الحوار لو هاجر شافت مصطفي صح و لا ايه
الشباب:يا ابن الذكيه
مروان:امل هنعمل ايه
رامز:نتجمع الاول بعد كدا اقولكوا
اليوم الي بعديه اتجمعوا كلهم في بيت يوسف
يوسف:في ايه ……..ايه الي جابكوا كدا فجأه
حمزة:و الله يا ابني اتصل عليا رامز قالي حاله طارئه نتجمع عند يوسف
مصطفي:نفس الي اتقالي
رامز:اقلكوا بقي الحاله الطارئه احنا هنشوف البنات
يوسف:ايه ازاي
مروان:حكاله الي حصل
يوسف:انتوا بتستعبطوا ولا ايه انتوا كدا هتحرجوهم و نحرج نفسنا
مراد:لا ما هو انتوا مش هتكونوا معانا لا انت و لا مصطفي و لا حمزة بالاخص
حمزة:اشمعني انا بالاخص لا
رامز:لان لو هبه شافتك هتقوم مجزرة و احنا عايزين نصلح الوضع بين اميرة و يوسف مش نبوظه اكتر
يوسف:يعني هتعمل ايه
رامز:هروح انا ومروان و مراد نشوف الوضع و لو تمام و رضيوا نقعد معاهم هتصل علي يوسف يجي الاول و بعد كدا يجي مصطفي و حمزة وراه
END
كانوا بيضحكوا و يهزروا
رامز:اميرة انتي نفسك في كليه ايه
اميرة:و الله يا ابني نفسي في كليتين معنديش فرق بينهم
رامز:ايه هما
اميرة:اعلام انجلش او اثار
مروان:جميل و انتوا يا بنات
بسمه:اعلام
هبه:اعلام بردو
يارا:السن
هدير و هاجر:احنا طب
ميار:صيدله
الشباب:واو كليات قمه
لبنات:و انتوا
رامز:هندسه
مروان:حربيه
مالك:هندسه
مراد:فنون جميله
مصطفي:هندسه
البنات:ربنا معاكوا
مراد:جميل اميرة ممكن اقولك حاجه بس من غير زعل
اميرة “بصت باستغراب”:في ايه
مراد:انتي اكيد فهمتي ان يوسف ندم علي الي هو عمله وان الفكرة مش بتاعته من الاساس
سكتت اميرة و قالت:خلاص يا مراد الموضوع انهي
مالك:لا مش انتهي يا اميرة حقك لازم يرجعلك و الي غلط لازم يعتذرلك
هبه:خلاص يا شباب الموضوع خلص ياريت مش نفكر فيه تاني
مروان:بالعكس لازم نفكر فيه عشان بعد كدا محدش يغلط في حد تاني و يكون عادي بالنسبه ليه
هاجر:قصدكوا ايه بالكلام دا
من وراهم
يوسف:قصدهم اني لازم اقول اني اسف لاميرة و اني عمري ما كنت اتخيل اني اجرح حد بالطريقه ده و كمان ايه واحده رقيقه زيك
جت اميرة تقوم
يوسف:انا اعتذرت و لو مش عيزاني في نفس مكانك انا همشي
سكتت اميرة و لسه كان بيلف هبه بصتلها و قالتلها بصوت واطي:خلاص بقي يا اميرة
هبه:استني يا يوسف مش هتيجي تقعد
قعد قدام اميرة و هي مش كانت عاية تبصله خالص و هو ابتسم ابتسامه صغيره
يوسف”طب تشربوا ايه بقي الحساب كله عليا عشان اميرة رضيت انها تسامحني
البنات طلبوا طلبات كتير و كنت ملفته للنظر انها اكتر من الي هم عايزينوا لدرجه ان اميرة و يوسف مش بطلوا ضحك امسيرو الوحيده الي مش طلبت حاجه و لاحظ يوسف و كل ما يقولها اطلبلك حاجه تقوله لا شكرا
يوسف:معلش يا جماعه 10 دقايق وراجع
لما نزل
البنات:خلاص بقي يا ميرو حتي المشروب مش عايزة تشربيه دا احنا طلعنا عنيه
اميرة:خدوا راحتكوا انتوا بس انا مش عندي نفس
هاجر:اميرة خلاص بقي دول داخلين علي امتحانات و دول متفوقين بقي و كدا يعني خلاص بقي فكيها
رجع يوسف بعد 10 دقايق و كان معاه عقد فيه احجار حمراء و فيروزي
يوسف:دا بقي عربون صلح لا هو حاجه و لا محتاجه عشان انتي مش رضيتي تطلبي حاجه
اميرة:لا
هبه:يادي النيله ايه الي خلاني طفسه كدا و اطلب كل حاجه كان زماني جالي عقد زيه
بسمه:خلاص اخده انا
هاجر:لا انا هخده
هدير:اميرة دا رمز للصلح مش حاجه يعني خلاص بقي
امير خدت العقد و قالتله:ميرسي
يوسف:طب ممكن طلب كمان
اميرة:شوفته شوفته جي علي طمع
يوسف:انا بس عايز الاكونت بتاعك زي ما الشباب خدوا اكونتات البنات
بصت اميرة و هبه و هاجر للبنات
هاجر:اتريهم عرفوا ازاي اننا رايحين هنا
اميرة:انتوا بتتكلموا علي النت
بسمه:ابدا
رامز:و لا اعرفكوا
هدير:الله يخربيتك يا يوسف
المهم ضحكوا كلهم
و بعد كدا اتفاجأ البنات ب…………..
الحلقة العاشرة
البارت العاشر “رحله الحب”
يوسف:طب ممكن طلب كمان
اميرة:شوفته شوفته جي علي طمع
يوسف:انا بس عايز الاكونت بتاعك زي ما الشباب خدوا اكونتات البنات
بصت اميرة و هبه و هاجر للبنات
هاجر:اتريهم عرفوا ازاي اننا رايحين هنا
اميرة:انتوا بتتكلموا علي النت
بسمه:ابدا
رامز:و لا اعرفكوا
هدير:الله يخربيتك يا يوسف
المهم ضحكوا كلهم
و بعد كدا اتفاجأ البنات بحمزة و مصطفي
حمزة:معلش بقي اتأخرنا عليكوا وحشناكوا مش كدا
هبه:محدش قالك تيجي اساسا
حمزة:الحمد لله انا كونت مناعه قويه جدا من طول لسانك
هاجر:اميرة الوقت اتأخر مش عايزين مامتنا تزعل مننا
هبه:مامه اميرة قالت حد اقصي الساعه 5 و الساعه دلوقتي 3
يوسف:طب لسه قدامنا ساعتين
بسمه:احسب ساعه يا باشا عشان المواصلات يبقي قدامنا ساعه واحده
حمزة:يا جماعه انا عايز اقعد تعبت من الوقوف
مصطفي:انا كمان
رامز:حد يا عم حايشك
حمزة:ما انا مش هقعد غير لما اميرة تقولي اقعد
هبه:لا و النبي يا واد محترم اوي
حمزة:يا ربي هو انا مش هفلت من تحت ايديكي ابدا علي العموم قبل ما تكملي طول لسان “قدم ورده لاميرة”اميرة انا اسف علي الي حصل و اوعدك اني مش هعمل كدا مع اي حد تاني ابدا بس اعذريني انا مش كنت اعرف
اميرة:خلاص حصل خير
هبه:ايه دا ايه دا ايه السهوله الي انتي فيها ده دا اساسا اس المصايب كلها
هاجر:يا بت انتي قلبك طيب كدا
مصطفي:خلاص بقي يا هاجر مش تولعيها كفايه علينا هبه مش هتبقي انتي و هي
مصطفي:انا كمان اسف يا اميرة
اميره:”ضحكت علي الي حصل”خلاص احنا كلنا اخوات و اكيد مش هزعل من اخواتي يلا تقبلت اتذارتكوا اقعدوا
حمزة ابتدا ان هو يهزر
حمزة:عارفه يا اميرة القعده ده مش ناقصها غير حاجه وحده
اميرة:ايه هي
حمزة:نقطع لسان هبه
هبه:و في حاجه تانيه نقصاها اننا نكسرلك ايدك ال ورجلك عشان تبقي مكسح خالص و نخلص منك
هاجر:طب سيبيلوا رجل واحده يا هبه عشان ينط عليها
رامز:يا لهوي رجليه و ايديه دول بيحبوك اوي يا حمزة
حمزة:الحب مقطع بعضه يا ابني
الكل ضحك جامد علي الي حصل
اميرة بتبص ناحية يوسف لقيته مكشر
اميرة:مالك يا يوسف
يوسف:و لا حاجه بس انا متهيـألي انك اتأخرتي علي طنط و كفايه عليكي كدا بقي و روحي انا قصدي يعني مش تتأخروا و روحوا كمان عشان مذاكرتنا و كدا ادعولنا بقي “بيحاول يخفف حده الموقف لانه اتحرج لان كل الي موجود بصله و تنحله”
امير:لسه الساعه 3.20 انت مش قولت هنقوم قبلها بساعه
يوسف:لا عقبال ما نوقف تاكس و تركبوه يلا بينا انا هحاسب و تيجوا ورايا
نزل يوسف بعصبيه نزل وراه مالك
مالك:ايه يا جو مالك ما النيا حلوه اهي و هي قبلت اعتذارنا كلنا مالك بقي
يوسف:يا عم مفيش يمكن قلقان عشان الامتحانات قربت و كدا يلا بينا
حاسب يوسف و خرج و وقف تاكس و حاسبه قبل ما البنات تخرج
رن علي مروان
يوسف:قول للبنات ينزلوا دلوقتي عشان انا وقفتلهم تاكس
مروان:ايه الصربعه ده
يوسف:مفيش و خليهم ينزلوا
البنات:في ايه
مروان:يوسف وقف تاكس يلا عشان تنزلوا
كلهم بصوا لبعض و قالوا:ماله دا
المهم نزلت البنات سلموا عليهم اميرة بتبص ليوسف قام بصصلها و هو مضايق جدا
يوسف:خلي بالك من نفسك ……. اقصد يعني تخلوا بالكوا من نفسكوا كلكوا محدش يحاسب علي التاكس
هدير:طب و ليه كدا يا يوسف
يوسف:احنا مش اتفقنا اننا اخوات
رامز:ليه كدا ايوسف وربنا انا الي كنت هحاسب
كل الشباب ضحكوا
يوسف:كلنا واحد يا عم الهيرو
ميار”بعد ما ركبوا”:ايه الواد المجنون دا
اميرة:انا مبقتش فاهمه حاجه
هدير:كله هيبان لا تقلقي
ضحكوا البنات تاني علي الراجل صاحب التاكس و هو بيبصلهم
السواق:يا لهوي اه يا تاكسيا ياني
البنات:ايه يا عم احنا مش تقال كدا انت هتقر علينا
بعد مرور الوقت نزلت كل بنت عند بيتها و اتفقوا انهم هيعملوا شات جماعي اول ما يروحوا عشان عايزين يتكلموا عن كل حاجه بالتفصيل
بعد ما روحت اميرة حكت لمامتها كل الي حصل مامتها كانت مستمعه ليها باهتمام لانها بتقدر صراحتها الي مربياها عليهم
مامه اميرة:و مش اتصلتي عليا ليه اول ما هما جم
اميرة:و الله يا ماما كل حاجه حصلت بسرعه حتي اسالي البنات لو مش مصدقاني
مامه اميرة:لا خلاص انا معوداكي علي الصراحه بس متاكده ان مفيش حاجه تانيه عايزة تقوليها
اميرة:”سكتت شويه”لا يا ماما
اميرة”لتغير الموضوع”:بصي يا ماما الحاجات الي اشتريتها
مامه اميرة:حاجات حلوه اوي
بتبص اكتر لقت العقد”الي جابه يوسف”
مامه اميرة:مين الي جاب العقد دا
اميرة”بارتباك”:دا….دا…دا انا الي جبته
مامه اميرة:ازاي اشتريتيه
اميرة:عادي يا ماما
مامه اميرة:انا قصدي بكام يا حبيبه ماما
اميرة:ب60 جنيه عجبك
مامه اميرة”بعصبيه”:هتستعبطي عليا ده احجار فيروز اصليه محاطه بالفضه
اميرة:ايه فضه…فيروز اصلي”في سرها يا ابن المجنونه”
مامه اميرة:هنكمل الصراحه بقي و لا “انا بكرة جدا الجمله ده”
اميرة”باندهاش”:هقول كل حاجه بالصراحه بس انا مش قولتلك عشان كنت خايفه و انا غلطانه هو يوسف جبهولي بعد ما قبلت اعتذاره و بقينا اخوات
مامه اميرة:يجبلك هديه زي ده و ازاي تقبليها منه مش كفايه انك قبلتي اعتذاره بص بقي يا جميل ممنوع الخروج تاني و ممنوع تروحي لاي مكان من غيري و لا هتفسح مع صحابي يا ماما و لا حاجه ده جزاه الي يخبي باقي الصراحه قومي غيري هدومك و شوفي هتعملي ايه
اميره”بحزن”:حاضر يا ماما و انا اسفه مرة تانيه
خدت شاور و لبست بجامه و فتحت اللاب لقت انهم دخلوها في الشات الجماعي بتاع البنات لقت يوسف بعتلها ادد قبلت الادد الاول و بعد كدا دخلت الشات الجماعي
البنات:اظن كدا بقي طنط مش زعلت
اميرة:انتوا مش تعرفوا الي حصل
هاجر:في ايه
اميره:حكت الي حصل
هدير:انتي غلطانه يا اميرة كان المفروض تقوليلها مش تخبي
بسمه:يا جماعه ما هي لو مكنتش خدته مكنش هيبقي موقف حلو لان هو كان محترم معانا و بيعتذر و يتأسف مكنش ينفع
ميار:عندك حق يا بسمه الوضع مكنش ينفع فيه غير كدا
هاجر:معلش يا ميرو بقي
هدير:خلاص بقي الي حصل حصل
يارا:يا بنات احنا هنحاول نقنع مامه اميرة
هبه:كان غيركوا اشطر محدش بيقدر يقنعها
اميرة:خلاص بقي يا بنات
البنات:يعني مش هتخرجي معانا تاني
اميرة:اتمنعت من الخروج نهائيا لوحدي
البنات:معلش يا اميرة كلها شهرين و لازم نخرج عشان خاطر الدروس
يارا:لا حقيقي ده احسن خروجه
ضحك البنات كلهم عشان يغيروا مود المحادثه
لقوا ان الشباب عملوا جروب جماعي و دخلوا البنات معاهم
بسمه:ها يا رجاله روحتوا
رامز:لا انا بصيع شويه
ميار:غور روح ياض ذاكرلك كلمتين
رامز:وربنا بجيب غدا للعائله وراجع
مروان:كان يوم حلو اوي
يارا:اها جميل
مراد:بجد جميل
اميرة:هبه احنا كدا محتاجين تاني الكرسين البلاستك
هبه:و نسيتي اللجنه الي هنوقفهم فيها
الكل ضحك
حمزة:هو بصراحه اليوم حلو بس لو مكنتش فيه ام لسان طويل
هبه:تصدق انك واطي
حمزة:انتي ليه خدتي الكلام علي نفسك و كمان احترمي نفسك
هبه:لما تحترم نفسك انت الاول
مالك:اهدوا بقي دا انتوا استغفر اله العظيم
بسمه:هدوا نفسكوا يا جماعه مش كدا
مراد:نخلص من اميرة و يوسف يطلعلنا هبه و حمزة
ساعتها كان يوسف فتح ايميله لقي رسايل من الشات الجماعي بس مردش علي حد بس ظهر انه قرأ
الكل لاحظ
مصطفي:ايه يا جو روحت فين اوعي تكون زهقت يا راجل احنا لحقنا
شاف الرساله
يوسف:كفايه كدا و احترموا نفسكوا و كل واحد يقوم يذاكر انتوا ناسيين انكوا من الاوائل يا اساتذه
هاجر:عندك حق يا يوسف يلا بيتك بيتك كل واحد يقفل
مالك:احنا يا جماعه هنقفل الاكونتات عشان نفضل لمذاكرتنا مبقاش فيه وقت اهم حاجه اننا اتصالحنا كلنا
بسمه:عندك حق وربنا معاكوا يارب
اميرة”في نفسها”:ايه دا هناك يقول يلا روحوا و هنا يلا اقفلوا دا طلع غلس اوي
الشباب خرجوا من الشات بعد ما سلماو علي البنات
اميرة لقت رساله عندها
يوسف:روحتي
اميرة:لا لسه في الطريق الطريق اشارات وقف رهيبه
يوسف:يا شيخه طب استرجلي و اشربي بريل و خديها جري للبيت
اميرة:ايه ياض خفه الدم الي تشل ده
يوسف:ههههههههههه طول عمري
اميرة:طب غور ياض من هنا هرش ميه
يوسف:بجد اصل الجو حر و اهي تراوه
اميرة:يخربيت رخامتك
يوسف:ماشي يا ستي شكرا
اميرة:اممممم و انت بقي روحت و لا الطريق سريع
يوسف:اها روحت
اميرة:امممم و هتذاكر
يوسف:معنديش مزاج متعصب شويه بس هي نص ساعه بالظبط و كل حاجه هتبقي تمام اظن
اميرة:و ايه الي يعصبك
يوسف:علي اساس انك مش تعرفي
اميرة:”ببراءه”:ويبنا ابدا ما اعرف حاجه
يوسف:……..
———–———-———————-————
ونكمل في الحلقات القادمة ماتنسوش تعلقوا علي الحلقة في صفحة مدام طاسة والست حلة
الى اللقاء في الحلقات القادمة
بقلم الكاتبة: أميرة عادل
