ترفيهمسلسل رحلة الحب

مسلسل رحلة الحب الحلقة 29و30و32

الحلقة التاسعة والعشرون

هبه:ماما انا نازله عشان اجيب الشبكه
مامه هبه:الشبكه انتي اتخطبتي امتي اساسا
هبه:يا ماما شبكه بسمه
مامه بسمه:انتوا مش قولتوا عد الدراسه
هبه:نفس الاسطوانه ده هتتقال لكل البنات من مامتهم بس بايني في ظروف عشان كدا هيعملوها دلوقتي اه صح و نسيت الفرح الخميس
مامه هبه:ايه الدربكه ده
هبه:هاتي بس 1000 جنيه كدا عشان محتاجه حاجات كتير اوي و احتمال استلف كمان
مامه هبه:انتوا هتجيبوا شبكه و لا هدوم و لا ايه
هبه:كله
هبه بتفتح الباب و كانت اكبر مفاجأه ليها هي
هبه:بابا ………..مش معقول و جريت تحضنه
و كانت فرحانه جدا هي و مامتها و اخواتها
بابا هبه:كنت رايح فين يا قمر
هبه:اصيع و اجي جري ايه يا حاج انت اول ما تيجي تقفش كدا
بابا هبه:انا مش بحبك تخرجي و انا هنا بحب اشبع من بنتي حبيبتي
هبه:اوعدك يا بابا اني مش هغيب اكتر من ساعه واحده فقط و مش هروح كمان علي بيت العروسه انا هستناهم لحد ما يخلصوا و ينزلوا ارروح معاهم
بابا هبه:عروسه عروسه مين
هبه:بسمه يا بابا خطوبتها يوم الخميس الجي و جميل انك جيت عشان تحضرها
بابا هبه:و بسمه مين يا روح قلب بابا
هبه:اه صح ده عضو جديد للشله بص يا عم انا هحكيلك كل حاجه بالتفصيل
بابا هبه:و انا سامع يا ست الكل
و حكت هبه لباباها عن من ساعه ما عرفوا بسمه لغايه دلوقتي
بابا هبه:اه كويس ولد ممتاز مالك دا وفي بوعده الي بيحب حاجه بيسعي ليها عشان ياخدها
هبه سرحت شويه
بابا هبه:سرحان في ايه يا جميل
هبه:عندك حق يا بابا في كل كلمه قولتها
اتصلت هبه علي اميرة
هبه:اميرة بابا جه
اميرة:حمد لله علي سلامته و حشنا جدا اخ معني كدا انك مش هتيجي معانا
هبه:لا هو سمحلي بساعه واحده هنزلها لما تيجوا انتوا نازلين بالظبط من بيت بسمه
اميرة:خلاص اوك يا حبيبتي
نزلت اميرة هي و البنات راحوا علي بيت بسمه
بسمه:ازيكوا عاملين ايه
هدير:مش وقت ترحيب يلا عشان نقولك تلبسي ايه و تعملي ايه
هاجر:و لسه هنمكيجها كمان
بسمه:صحيحي انا العروسه السربعه ده مش مظبطاني قولوا بقي فستان طويل و لا قصير اعمل ايه
ميار:لا طويل و لا قصير انتي هتلبسي بنطلون جينز و عليه شميز روز جميل كدا الطقم دا بيبقي حلو عليكي اوي
يارا:اه فعلا عندك حق الطقم دا بيليق علي بشرتها
اميرة:هنفضل نرغي كتير يلا
جريوا البنات علي الاوضه ظبطوا بسمه و ميك اب و كله و كان الباب بيخبط
دخل مالك و باباه
بابا مالك:ها يا جماعه جاهزين متزعلش مني يا استاذ محمود لولا حكايه السفر ده مكنش الموضوع بالسربعه ده
بابا بسمه:و لا يهمك يا استاذ عاطف
بابا مالك:ها عروستنا الحلوه جاهزه
ماما بسمه:هي جاهزة و البنات كمان و مستنينكوا
بابا مالك:طب يلا ننزل عشان الشباب تحت و انا مرضتش اطلعهم عشان مش يزحموا الدنيا
مامه بسمه:شباب مين
بابا مالك:دول اكتر من اخواته الي ربنا عوضهم بيه
بابا بسمه:ربنا ما يحرمكوا من بعض ابدا
يلا بينا يا جماعه
نزلوا كلهم
حمزة:اميرة فين هبه
اميرة”جواها بتضحك”:جايز متجيش
حمزة:ليه في ايه حصلها حاجه جرلها حاجه
اميرة:يا حنين طب ما انت بتعرف تتكلم و تسال اهو
حمزة:بت انتي
اميرة:بت اما تبتك انا ميتقليش بت
حمزة:اسف يا ستي لا يا عروسه اخويا
اميرة:ايوا كدا اتعدل و اتحايل عليا شويه
حمزة:ابوس ايدك قوليلي هي فين
كانت في مجيه مراد
مراد:تبوس ايد مين يخربيتك تعالي هنا هتتعلق
حمزة:يا عمي ده استعاره مكنيه بحته
مراد:لا وحياه باباك دا يوسف لا فيه في استعاره و لا تشبيه
اميرة:استني يا مراد سيبه يتحايل عليا شويه الله يكرمك اصله ربيسال علي هبه
مراد:هههههههههههههههههههههههههههه لا دا سيبوس ايدي انا بقي عشان نبقي في الامان
حمزة:تصدقوا انكوا عيال غلسه وربنا ما انا سالكوا علي حاجه
اميرة:طب تعالي تعالي هقولك صعبت عليا
هبه………….باباها جه من السفر و هي اساسا مش بتسيبوا لما بيرجع
حمزة:يعني مش جايه”بزعل”
اميرة:لو بصيت وراك هتلاقيها
حمزة:بطلي هزار مش فارقه
اميرة:و الله ما بهزر انا اتصلت عليها و قالتلي انها جيه بص وراك
حمزة بص وراه لقي هبه في وشه فرح جدا
راح ناحيتها جي تمشي راح مسك ايديها وقالها :وحشتيني
هبه بصتله و شدت ايديها :انا مش بيجي عليا الكلام دا
حمزة:بردو وحشتيني
سبته و مشيت وراحت عند البنات
اميرة مش لاقيه يوسف
اميرة:مراد هو فين يوسف
رامز:هههههههه راح يجيب درش
اميرة:و بتضحك ليه
هاجر:هو مصطفي جي
رامز:اها جي بمصيبه
هاجر:ليه بس ايه الي حصل
حمزة:الحنينه هييييييييييح
اميرة:بس ياض في ايه
رامز:يوسف عمل فيه مقلب اسود عشان يقدر ينزله و يجي يحضر الشبكه و الخطوبه
ميار:مقلب ايه
رامز حكلهم الي حصل ساعتها
البنات فضلوا يضحكوا
بابا مالك:مين يا ولاد هيركب معايا
انا هاخد معايا البنات
كانت في نزله يوسف
يوسف:ايه يا حاج بنات مين الي هتاخدهم معاك ارحمني نقسم عشان الموضوع يكون مظبوط
بابا بسمه:هو مقسم نفسه بنقسه يا حبيبي
البنات تتجمع في عربيتي يا ولاد
ميار:عمو احنا 7 يا عمو
بابا بسمه:هقسمكوا استنوا عشان ماام بسمه معايا هي و اخواتها هاخد بسمه و هب و اميرة
و بابا مالك ياخد بقيت البنات و بقيت الشباب كلهم يحترموا نفسهم و في عربيتهم
مراد:يا نهار ازرق الراجل فقسنا و لا ايه
رامز:احنا للدرجه ده باينين
حمزة:خلاص يا جماعه يلا بينا
كان مصطفي نزل من العربيه
و حضن مالك و باركله
و سلم علي الكل
مصطفي:و حياه امي لوريك يا يوسف
بابا بسمه:يا جماعه يلا احنا عملتنا فرح في الشارع لوحدنا
طلعوا كلهم بالعربيات و هما بيهيصوا دخلوا علي محل المجوهرات الراجل اتخض
بابا مالك:ازيك يا جورج عامل ايه
جورج الجواهرجي:اهلا بالحاج الكبير انتوا رايحين حرب و لا حاجه
بابا مالك:احنا جايين نجيب شبكه ابني
جورج:و كل دول اهل العريس و لا العروسه
رامز:ايه يا حاج انت هتقر من اولها و لا ايه
مصطفي:هههههههههههههه حاج ايه الله يخربيتك بيقولك جورج
رامز:ايهي عني مش حاج بردو
مراد:ملناش دعوه بيه دا الغباء مسيطر عليه اختاروا الشبكه و كانت جميله جدا
يوسف قرب من اميرة
يوسف:عقبالنا يارب”بصوت واطي”
اميرة:ان شاء الله
حمزة:حلو اوي الطقم الي هناك دا
هبه كانت بتبص عليه
هبه:اه فعلا عندك حق رقيق اوي و شكله شيك
حمزة:شبهك اوي
هبه “لاحظت مع مين بتتكلم” بعدت عنه
حمزة راحلها تاني
حمزة:انتي زعلانه مني في حاجه
هبه:و هزعل ليه انت عملت حاجه تزعلني
حمزة:اكيد عملت بس ممكن مكونش واخد بالي
هبه:مش مهم
حمزة:لا مهم و مهم اوي كمان
ممكن طلب
هبه:نعم
حمزة:ممكن بالليل نتكلم علي الفيس
هبه:معلش اليومين دول انا مش فاضيه
حمزة:انا عارف ان باباكي جه بس معلش انهرده وبس
هبه:ان شاء الله
راحت عند البنات و كانوا بيهيصوا لبسمه
و كل واحد من الشباب بيبص للبنت الي نفسه تكون معاه
و هما مروحين اكتشفوا ان عربيه بابا مالك العجله بتاعتها نامت
بابا مالك:”في سره”و الله لوريكوا يا كلاب انا فاهمكوا كويس
خرجوا البنات
هبه:يلا يا جماعه عشان وقتي
اميرة:انا كمان اتاخرت
بابا بسمه:يلا يا بنات عهشان تركبوا
بابا مالك:هتركبوا فين العربيه عجلتها نامت عايزك شويه يا استاذ محمود
اتكلموا مع بعض و ضحكوا جامد
الشباب:يا لهوي بيدبروا حاجه احنا متاكدين
بابا مالك:يوسف خد مفاتيح عربيتي و روح غير العجله و اديني مفاتيح عربيتك عشان اوصل البنات
رامز:يا نهار اسود لا يا عمو عربيه يوسف مش بتشتغل غير بيه بس
بابا مالك:وحياه امك
حمز:يا عمو ما انا و يوسف نقدر نوصل البنات بعربيتنا و انتوا اتصرفوا مع الشباب
يوسف:اه فعلا احنا عارفين مكان بيوتهم اكتر من حضرتك صح و لا ايه يا شباب
الشباب:اه وربنا
بابا مالك:غور يا كلب منك ليه و اعملوا الي قولتلكوا عليه
مراد:يووووه
رامز:يعني الواحد كان يعمل ايه يكسر العربيه بدل عجله انيمها
مصطفي:استغفر الله العظيم يا رب ماشي يا عمو هقابلك في البيت و لينا كلام مع بعض دا انا حتي لسه راجع من سفري يعني
يوسف:اه لسه متيلا بقي
بابا مالك:يوسف هات مفاتيح العربيه
يوسف:”بتذمر”:حاضر
كل البنات كانوا بيضحكوا علي الي حصل
خد بابا مالك مفاتيح عربيه يوسف لانها كانت الاكبر و ركبوا كل البنات فيها
اميرة:باي يا شباب
رامز:غوري يا اختي
يوسف:اسكت يلا
مروان:ما هي قصده تستفزنا
يوسف:هههههههههههههه ملكوش فيه
حمزة:ماشي يا عم الحنين
البنات وصلوا و كانت اخر واحده اميرة
باب مالك:خلي بالك من نفسك
اميرة:شكرا يا عمو
رجعوا كل البنات
“عند هاجر و مصطفي علي الفيس”
مصطفي:انا بعتلك جواب
هاجر:عارفه
مصطفي:قراتيه
هاجر:مفتحتوش
مصطفي:يا نهار ابيض ازاي لحد دلوقتي
هاجر:مش عارفه حسيت انك جي فقولت لو سمعت منك انت هيبقي احسن من اني اقراه
مصطفي:طب مش انا جيت اهو اقطعي الجواب يا هاجر
هاجر:لا طبعا مش هقطعه
مصطفي:و انا قولت اقطعيه يا هاجر
هاجر:مش هقطعه يا مصطفي
مصطفي:يعني مش هتسمعي كلامي
هاجر:لا طبعا هسمعه بس هستأذن درش اني احتفظ بيه و هو هيقولي ماشي لانه طيب
مصطفي:بتعرفي تثبتيني يا بت
هاجر:ههههههههههههههههههه
مصطفي:ماشي يا ستي احتفظي بيه يا مثبتاني
هاجر:بس بقي بتكسف
مصطفي:هههههههههههههه يا خلاثي
قوليلي صحيح لسه بسوليفانك
هاجر:يادي ام السوليفان نفسي افهم يعني ايه
مصطفي:يعني زي ما سبتك لسه زي ما انتي
هاجر:اها مفيش تغيير
مصطفي:خليكي كدا
هاجر:مصطفي انت ليه مكنتش بتنزل انت مش بتشتغل زي يوسف
مصطفي:”فكر شويه”اصل هناك في شويه انشطه و حاجات بحب اشترك فيها و بحب اتفرج علي البلد
هاجر:امممممم طيب
مصطفي:ايه مالك
هاجر:و لا حاجه
“عند رامز و ميار”
رامز:عاجبك انتي الي جرالي
ميار:في ايه
رامز:خدت علقه سخنه من بابا مالك لانه قفش حركتي
ميار:هههههههههههههههههههههههههههههههههههههههههه معلش معلش بس انت الي نيمت العجله
رامز:اها علي امل اننا نقدر نكون معاكوا بس نعمل ايه مع الاخ الي فاهمنا دا
ميار:معلش يا حبيبي
رامز:ايه ؟؟؟ قولتي ايه؟؟؟؟
ميار:معلش
رامز:الي بعدها
ميار:يا
رامز:الي بعدها
ميار:مش فاكره
رامز:حرام عليكي بقي يا ميورة انتي بكدا هتخففي عني
ميار:يا راجل
رامز:وربنا
ميار:حبيبي يعني
رامز:ايوا بقي اخيرا
ميار:طب بطل بقي عشان بتكسف
رامز:هههههههههه طب بحبك
ميار:بقولك بطل
رامز:و بعشقك
ميار:هقفل
رامز:لا خلاص خليكي يا قلبي
“عند مراد و يارا”
مراد:مش هتكلم انك كنتي زي القمر انهرده
يارا:طب مش تتكلم
مراد:ليه
يارا:كدا
مراد:يعني انتي مش عايزاني اقول للقمر يا قمر
يارا:قوله انا مالي
مراد:طب يا قمر
يارا:مراد اسكت
مراد:لا مش هسكت
يارا:طب اتكلم في حاجه تانيه
مراد:طب اتكلم في ايه انتي الي شغله كل تفكيري
يارا:طب انا هقفل يا مراد عشان ورايا حاجات كتير
مراد:ههههههههههههههههههههههه
“عند مالك و بسمه”
مالك:مبروك يا قلبي
بسمه:الله يبارك فيك
مالك:انا عمري ما كنت هتخيل ان في يوم من الايام احب بالشكل دا
بسمه:ايه الكلام الجامد دا
مالك:لا بجد و الله احب و اتحب دا حتي بابا فرحان اكتر مني
بسمه:انا حسه بيه و الله يا مالك
مالك:بسمه انا كنت عايزة اطلب منك طلب من بدري
بسمه:عيون بسمه
مالك:تسلملي عيونك بابا احنا مش عايزين نسيبوا
بسمه:و مين قالك اننا هنسيبه دا انا كنت هقولك تخلي شقتنا جنبيكوا بالظبط
مالك:قراتي افكاري الشقه الي جنبينا معروشه للبيع انا هقول لبابا بكره عشان نلحق ناخدها قبل اي حد ايه رايك
بسمه:طبعا دا خبر جميل جدا علي الاقل نبقي جنب بابا علي طول و لو احتاج اي حاجه نبقي تحت امرة
مالك:بحبك يا اغلي و اجمل ما في حياتي
بسمه:و انا كمان بحبك يا اغلي انسان عندي
مالك:اخيرا سمعتها منك
بسمه:هههههههههه لما اتاكدت من مشارعك بجد ليا
مالك:كنتي شاكه
بسمه:لا بس كنت خايفه
مالك:اياكي تخافي ابدا وانا معاكي عايزك تحسي معايا بالامان دايما
بسمه:طول ما انا معاك مش بخاف من اي حاجه و انت خلاص بقيت اماني
مالك:ربنا يخليكي ليا
بسمه:و يخليكي ليا يارب
“عند هدير”
بتبص للباب و مش عايزة تفتحه و كانت الدموع في عنيها رغم ان مروان كان بيحاول يهتم بيها طول الوقت و قررت فعلا انها مش تفتح
مروان:هي مش عايزة تفتح ليه هي زعلانه بس هي عندها حق بس اول مرة احس انها كانت وحشاني ده احلوت اوي عن الاول طب انا اعمل ايه ما انا كنت كويس حبكت يعني اجي و اسمع كلام جو مش عارف لما ببصلها بتلغبط كدا طب تفتح و اكلمها علي الاقل
“عند حمزة”
حمزة:المجنونه ده الي لسه مش فتحت لغايه دلوقتي”نده بصوت عالي”انتي يا بت
كانت اخته دخلت
ايه:بسم الله عليك يا حبيبي انت اجننت اكتر من الاول بتكلم اللاب
حمزة:غوري وربنا ما وقتك
ايه:امال وقت مين ها ها
حمزة:بت اتلمي و قومي
ايه:مش قايم غير لما اعرف انت بقالك كام يوم مش مظبوط
كانت هبه فتحت ساعتها
هبه:حمزة انت فين
حمزة:”لاخته”:غوري برا الاوضه و خدي الباب في ايديكي
ايه:مش طالعه
حمزة:يبقي من شعرك و علي برا مش كدا
ايه:لا خلاص هطلع
حمزة:جزمه
رجع لهبه
هبه:خلاص شكلك مش فاتح انا هقفل
حمزة:راحه فين علي فين اثبتي مكانك لاولع فيكي
هبه:احنا هنبتديها بقله ادب و طول لسان
حمزة:لا خلاص و الله كنت ظابط نفسي اني اسيطر علي نفسي بس مش عارف ايه الي حصل الكلام بيطلع لوحده كدا بحب اكون طبيبعي معاكي
هبه:انا مش هعرف اطول معاك علي فكرة فقول كنمت عايز تقول ايه عشان الحق اقفل
حمزة:انتي للدرجه ده زهقانه مني
هبه:مش اقصد بس عشان بابا
حمزة:طب انتي زعلانه مني ليه
هبه:و ازعل منك عشان ايه انت حر
حمزة:ما انا اني حر بس بردو انتي زعلانه مني ليه
هبه:علي فكرة انت غلس و انا بقي عايزة انام يعني اتسرب
حمزة:يا بت اتكلمي باحترام الله يخربيتك و لا بلاش بلاش يتخرب
هبه:لا اخربه اخربه هو اتعمل اساسا عشان يتخرب
حمزة:هيتعمل ان شاء الله
هبه:ملكش دعوه انا مش هعمله عندا فيك
حمزة:يخربيت بلطجيتك علي المسا
هبه:خلاص بقي عشان هنام
حمزة:خلاص ابو النوام جالك
بالنسبه للبنات لما كنا في النادي كان لازم اعمل كدا عشان خاطر جو و من غير ما تدي عليا مش يمثلوا اي اهميه هو مفيش غير واحده مهمه في حياتي بس لسه مش متاكد انا مهم عندها زي ما هي مهمه عندي و لا لأ
هبه:”بتضحك في سرها”متسالها
حمزة:لا دا انا اجبها من شعرها احسن ليا
هبه:تصدق انك فصلتني
حمزة:طب و انتي زعلانه ليه خايفه علي شعرها
هبه:يا اخويا و انا مالي اشبع بيها
حمزة:مش عايزة تعرفي انا معجب بمين
هبه:لا مش يخصني
حمزة:لا يخصك بقي و بلطجه ببلطجه يخصك و هفتح دماغك لو مخصكيش
هبه:هههههههههههههه طب تصبح علي خير
حمزة:طب فهمتي و لا مفهمتيش و لا اتغبيتي
هبه:بطل طول لسان انت عمرك ما تكمل حاجه حلوه للاخر
حمزة:عشان مفيش احلي منك
هبه اتلغبطت جدا:اقفل انت قليل الادب يلا
حمزه:يا نهار اسود و منيل دا انتي الي فصلتيني
ضحكوا الاتنين
حمزة:طب ممكن اعرف انا مهم عند الي معجب بيها و لا لأ
هبه:و انا ايش عرفني
حمزة:بت بدل ما وربنا اجي بتكوا دلوقتي قولي
هبه:معلش يا حمزة بابا بينده هنكمل بكرا
حمزة:حرام عليكي طب نكمل بعد ما ترجعي من عنده
هبه:مش هينفع و الله احنا بنفضل نتكلم لغايه ما بنكون مش قادرين علي النوم
حمزة:طب جاوبي قبل ما تمشي
هبه:لا هجاوب بكرا يلا تصبح علي خير
و قفلت هبه
حمزة:”بين نفسه”:اخيرا قولتلها بس اي نعم انا مش قولت كل حاجه بس وصلتلها احساسي
بابا هبه:انا عايزك في موضوع مهم يا جميل”لماما هبه”
ماماه هبه:خير ان شاء الله
بابا هبه:في واحد صاحبي كان من زمان اوي قابلته و انا في العمرة اول ما شوفته مبقتش مصدق نفسي راجل محترم و انسان بجد عمل كذا موقف محترم معايا عمري ما هنسي الراجل دا ابدا
ماما هبه:امتي دا كله قبل ما تنزل
بابا هبه:لا من 4 شهور
ماما هبه:ماله
بابا هبه:كنت قاعد انا و هو و كنا بنتكلم علي الولاد واول ما شاف صورة هبه اعجب ببيها جدا و قالي استحاله هلاقي احسن منها لابني و طالما انت ابوها يبقي مربيها احسن تربيه
مامه هبه:عهو ابنه بيشتغل ايه
بابا هبه:كل حاجه هقولهالك بس المهم الاول اقول لهبه
هبه:جبتوا في سرتي جيت اهو اعترفوا كنتوا بتتكلموا في ايه
بابا هبه حكلها كل حاجه
هبه كشرت
هبه:و المطلوب
بابا هبه:احنا يا بنتي بعد الامتحانات هتتقابلوا انتوا الاتنين
هبه:بابا انا مش بفكر في كدا دلوقتي
بابا هبه:اما صاحبتك جابت شبكتها انهرده انتي مش هتفكري و دا عريس ميتيعبش و كمان رفضتي من قبل ما تشوفيه ليه
هبه:لا يا بابا و الله ما اقصد بس المبدا مش في دماغي
بابا هبه:لا خليه في دماغك بالاخص اليومين دول الراجل دا حد محترم اوي و اكيد مربي ابنه كويس مش هلاقي زيه يا بنتي احنا بندور علي حد يصونك انتي جوهرة غاليه اوي عندنا
هبه:طب انا هستاذن عشان هدخل انام
بابا هبه:انا مش عايز الموضوع دا ياثر علي دراستك بعد الامتحانات نبقي نتكلم
هبه:يحلها ربنا
دخلت هبه اوضتها
عند يوسف
ماماه يوسف:انت ازاي تنزل من غير ما تقولنا ايه مش عندك اهل تقولهم علي الاقل يستقبلوك في المطار
يوسف:يا ماما وحشتوني جيت اشوفكوا وراجع تاني
بابا يوسف:انت محسسني انك ساكن جنبنا مش في المانيا
يوسف:و النبي يا بابا انا ميت من التعب و انتوا من ساعه ما جيت مش مبطلين اساله انهرده كان يوم متعب
ساره:روح يا حبيبي علي اوضتك باين انك تعبان اوي
يوسف:فهماني يا حبيبه اخوكي
قام يوسف بسرعه علي الاوضه و بيدعي ربنا ان اميرة متكونش نامت
فتح االاب
يوسف:ميرو
ميرو
اميرة:كل دا يا يوسف
يوسف:معلش كان في تحقيق هنا
اميرة:ليه
يوسف حكلها كل حاجه
اميرة:ههههههههههه طب قوم نام بقي
يوسف:و انا جاي عشان انام
اميرة:انت مش قعدت ثانيه واحده من ساعه ما جيت
يوسف:المهم ان حبيب قلبي رجعلي و مش هقبل ابدا بعد كدا انه يسبني تاني
اميرة:غريبه هبه بترن
يوسف:طب ردي عليها و انا معاكي
اميرة:الو ايه هبه مالك
هبه:اتي عرفتي حاجه
اميرة:لا بس استغربت انك بتتصلي عليا في وقت زي دا فقولت في حاجه
هبه حكتلها الي حصل
اميرة:يا نهار ابيض انتوا ايه جكايتكوا هو لما اي شاب يكلم بنت يقولها بحبك او يلمح نلاقي العرسان هلو هما ايه كانوا مستنيني
هبه:و النبي مش وقت هزار دلوقتي
اميرة:الله الله الله دا احنا حبينا بجد و لا ايه يا نصه
هبه:و الله ما اعرف انا هنام و اسيبها علي الله و علي راي بابا امتحانتنا قربت و لازم نركز كفايه فرح بسمه علينا
اميرة:عندك حق هتنزلي بكرا و لا يوم تاني
هبه:لا دا يدوب بكرا بس بردو مش هتاخر
اميرة:اوك ماشي
يوسف:في ايه
اميرة:كالعاده يا يوسف مصيبه
يوسف:يادي النيله حمزة عمل ايه المره ده
اميرة:بالعكس المره ده الي كان فيها كويس
يوسف:امال مصيبه ايه و مالها هبه
اميرة :كالعاده عريس باباها جبلها عريس
يوسف:يا نهار ازرق دا انا لسه قايلوا اول ما شوفتوا انت مش هتستني غير لما تطير من ايديك دا ممكن يروح فيها هو فعلا بيحبها بجد بس مش عايز يقول
اميرة:طب و الحل
يوسف:بصي انا خلاص دماغي هتنفجر
اميرة:نام انت دلوقتي و بكرا نبقي نفكر في الحل
يوسف:انتي هتنزلي بكرا الساعه كام عشان تجيبي اللبس
اميرة:كلنا هنتجمع علي الساعه 2 في السنتر بس مش هينفع الاقيك هناك
يوسف:الكلام دا يا ماما تقوليه لحد غيري انا 5 ايام و مسافر و انتي كدا كدا مراتي مراتي يعني الي عجبه عجبه و الي مش عجبه يخبط راسه في الحيط و لا تحبي اجي لمامتك و اتقدملك و نخلص من الموال دا بقي
اميرة:طب خلاص خلاص ادخل نام و هستناك بكرا في السنتر
ضحكوا الاتنين
يوسف:تصبحي علي خير يا قلب يوسف
اميرة:و انت من اهله
جه تاني يوم و حصل

الحلقة الثلاثون
يوسف:انتي هتنزلي بكرا الساعه كام عشان تجيبي اللبس
اميرة:كلنا هنتجمع علي الساعه 2 في السنتر بس مش هينفع الاقيك هناك
يوسف:الكلام دا يا ماما تقوليه لحد غيري انا 5 ايام و مسافر و انتي كدا كدا مراتي مراتي يعني الي عجبه عجبه و الي مش عجبه يخبط راسه في الحيط و لا تحبي اجي لمامتك و اتقدملك و نخلص من الموال دا بقي
اميرة:طب خلاص خلاص ادخل نام و هستناك بكرا في السنتر
ضحكوا الاتنين
يوسف:تصبحي علي خير يا قلب يوسف
اميرة:و انت من اهله
جه تاني يوم و حصل ان البنات كلها اتجمعوا علشان خاطر يبروحوا السنتر يجيبوا الفساتين
يوسف كان بيكلم اميرة
يوسف:انتي فين دلوقتي
اميرة:مع البنات بس بسمه مش معانا عشان بتحضر حاجات تانيه احنا بس الي جينا عشان نجيب حاجاتنا
يوسف:يعني دخلتوا السنتر
اميرة:اها
هدير ويارا راحوا ناحيه الاكسسورات
و هاجر و ميار راحوا ناحيه البرفيوم
اميرة و هبه ناحيه الفساتين علي طول”عارفين طريقهم”
اميرة:هبه انا مش عايزة اتاخر ماما حددتلي معاد عشان كدا اي حاجه حلوه نختارها و مش نتاخر عشان مش يحصل دروب بيني و بين ماما مروحش الفرح بسببها
هبه:انا اكتر منك دا الحاج مستني يقعد معايا بفارغ الصبر
دخلت اميرة لقت مليكان لابس فستان قصير فوق الركبه بحاجه بسيطه و لونه سيموني
اميرة:هبه هبه دا هيبقي تحفه عليا صح
جمبه فستان مجسم طويل كب”من غير حمالات”
هبه:لا ايه رايك في التركواز دا
اميرة:لا انتي بتحبي التركواز سيبيلي انا السيموني يلا بينا نقيسهم
لقت اميرة الي بيجبها من قفاها و بيقولها رايحه فين يا حلوه انتي
اميرة:يوسف خضتني اخس عليك ثم انت ايه الي جابك هنا
يوسف:العصفورة قالتلي
هبه:عصفورة اه عارفاها انا اسمها اميرة صح دا انتي ليلتك سودا
اميرة:ههههه و الله ما افتكرت انه هيجي قولت انه هينام دا بقاله يومين منمش تحسي جنبي دراكولا
يوسف:يا بت اتلمي من طول لسانك دا مفيش فايده فيكي من ساعه ما شوفتك و انتي لسانك اطول منك
اميرة:يا سلام عجبك عجبك معجبكش غصب عنك هيعجبك
يوسف:ما هو لسانك دا هو اول حاجه وقعتني فيكي
هبه:انت يا عم روميو نخلص من ام المسرحيه ده ادخلي قيسي الفستان و انا هدخل اقيس البتاع الي في ايدي دا
يوسف:بما انك هتجوزي سوسن يعني هتلبسك الفستان دا
اميرة:ماله يا يوسف دا حتي اطول من الي كنت لبساه في الكرنفال في شرم
يوسف:ساعه شرم حاجه و دلوقتي حاجه تانيه
هبه:بقولكوا ايه انا داخله خليكي انتي معندكيش راي في فستانك
بتلف لقت حمزة في وشها
هبه:الله يحرقك هتجبلي ساكته قلبيه طب كح اعمل اي ريأكشن
حمزة:طب اميرة و عايزة تتجوز سوسن انتي هتتجوزي مين مرفت
هبه:مش فاهمه
حمزة:عنك ما فهمتي بس الفستان دا مش هيتلبس اساسا
هبه:نعم نعم نعم علي مين الكلام دا اشاء الله
حمزة:عليكي و لو مش عجبك اخبطي دماغك في الحيط
اميرة:علي فكرة كدا مش كويس خالص خالص انكوا تكبتوا حريه راينا نرفع عليكوا قضيه
يوسف:طب تعليلي انتي يا بتاعه القضيه و سيبيهم في حالهم
يوسف خد اميرة و نده علي بنت شغاله في السنتر
يوسف:لو سمحتي انا عايزك تساعديها
اميرة:هتساعدني في ايه ازاي تدخل معايا عيب طبعا
يوسف:مش عايز اسمع صوتك
اميره:اكبت حريتي و قولنا هنعدي لكن صوتي دا انا عصفورة بدندن
يوسف:ماشي يا عصفورتي”للبنت”لو سمحتي الفستان الي اتفقت معاكي عليه ممكن تجبيه
“يوسف جاب فستان لاميرة من باريس من افضل بيوت الازياء الي في باريس و استاذن صاحبه السنتر انه يدخل الفستان عندها و لما عرفت هو مين و ابن مين وافقت بكل ترحيب”
اميرة:علي فكرة انا اقدر البس الفستان لوحدي مش ناقصه رجل و لا ايد يعني
يوسف:ششششششششش مش عايز اسمع صوت دا مش هتعرفي تلبسيه لوحدك في حاجات كتير لازم تساعدك فيها و لا بلاش هي في حد تاني موجود ايه رايك
اميرة:يا قليل الادب يا واطي كنت عارفه بص اقطع علاقتك بيا “و كشرت بجد”
يوسف:هههههههههههههه وربنا هبله دا انا اغطيكي من الدنيا كلها و لا عمري في حياتي هعمل حاجه قبل ما تكوني مراتي فاهمه يا غبيه معلش يا انسه ادخلي معاها من فضلك
“عند حمزة و هبه”
هبه:مش هرجع الفستان هو حلو و هيبقي عليا حلو
حمزة:امممممم لا مش هيتلبس
هبه:و ان شاء الله جالك التاكيد دا منين اني هسمع كلامك
حمزة “قرب من هبه اوي”:هتسمعي و من غير و لا كلمه انا عمري ما هخلي حد يشوفك و انتي لابسه فستان زي دا عارفه ممكن تلبسيه في حاله واحده
هبه:طب ابعد الاول كدا عشان بالصلاه علي النبي كدا هعمل جريمه هنا و ايه هي الحاله ده
حمزة:مش هقولهالك غير في الفرح بس اكيد انتي عارفاها
هبه”تتصنع الغباء”:لا علي فكره معرفش حاجه خالص
حمزة بص ناحيه الفساتين و اختار فستان لونه موف يليق اوي علي بشرة هبه و قالها:هو دا
هبه:بس دا يوووه مقفول اوي
حمزة:و علي فكرة انا مختاره مخصوص عشان هو كدا لان محدش عايزة يشوف ابدا اي حاجه منك
“بصلها بصه حب”
اتكسفت هبه
هبه:لو مكنش عجبني مكونتش هاخده و علي فكره كلامك مش اثر بس كنت حطه عنيا عليه اساسا
حمزة:لا ما انا عارف خشي بقي
هبه:طب امشي
حمزة:ليه
هبه:هقيس الفستان
حمزة:ما تقسيه هو انا ماسكك
هبه:انت واقف قدام البروفا يا حمزة
حمزة:ايه يعني
هبه:لا كدا قله ادب”زقت حمزة بايدها علي صدرة و دخلت جوه”
في الوقت دا خرجت اميرة بفستان اسود مطرز تطريز رقيق جدا لايق اوي مع رقه اميرة الي يشوفه يقول انه معمول فعلا عشانها
يوسف بصلها و راح مصفر هي اتكسفت و بصت في الارض
يوسف:زي ما تخيلته بالظبط زي القمر
اميرة:بس غريبه انا مشوفتش الفستان دا هنا خالص انا اتفرجت علي كاتلوجات كتير اوي بس مشوفتش زيه ابدا جبته منين دا
يوسف:هو دا الي انتي لازم تلبسيه
اميرة:بجد حلو اوي يا يوسف
و اميرة بتتكلم خرجت هبه كانت زي القمر بردو
اميرة:يخربيتك ايه الجمال دا
حمزة:و الله انتوا الاتنين زي القمر
يوسف:حمزة ركز في الي يخوصك يا حمزة
حمزة:اخر واحد ممكن تتخيل انه يبص لاميرة يكون اا يا جو اميرة ده من اخر موقف حصل في شرم و هي اختي و لو انت زعلتها انا الي هتصدالك و لازم تعرف كدا كويس
يوسف:من غير ما تقول يا حمزة انا عارف كويس اوي اميرة عندك ايه و انت عارف غلاوه هبه عندي بجد احلي ما فينا خوفنا علي بعض و علي الي مننا
اميرة:يا جماعه انا ملاحظه حاجه حد واخد باله منها
هبه:ايه هي في ايه
اميرة:انتي مش ملاحظه ان محدش في السنتر غيرنا احنا بس
هبه:تصدقي مخدتش بالي حتي البنات مجوش لغايه دلوقتي
ضحك يوسف و حمزة

الحلقة الحادية والثلاثون
حمزة:و انتوا كنتوا متخيلين ان احنا هنخليكوا تقيسوا فساتين و تروحوا و تيجوا قدام اي حد يدخل و يطلع
يوسف:انا امرت ان المحل يتقفل طول ما احنا جواه و دا طلبته من صاحبه المحل و عشان عارفانا كويس وافقت بترحاب
اميرة بتبص لهبه
اميرة:يعني المكان كله محجوز
يوسف:اها
هبه:يا نهار اسود وربنا مجانين الناس هتقول علينا ايه
حمزة:انتي بتعملي حاجه غلط حاجه تغضب ربنا زي ما بتقولي
هبه:لا طبعا
حمزة:يبقي تظ في الناس و كلام الناس
اميرة:بس يا جماعه مينفعش كدا
يوسف:مش عايز اسمع صوتك
اميرة:ايه كبت حريه الراي دا
هبه:مش عارفه تسيطري خالص يا اميرة و عمللنا فيها رئيسه الشله و نيله دا انتي طلعتي منفوخه علي الفاضي يقولك كدا و تسكتيله لالالالالا سقطتي من نظري
حمزة:اوكسجين اهدي مش ناقصين نبتدي خناقه ابوس ايدك
يوسف:خشوا غيروا و كفايه كدا و يلا عشان نحاسب
اميرة:يوسف انا الي هحاسب مش هاخد حاجه غير لما ادفع تمنها
يوسف:طبعا يا حبيبه قلبي انا اقدر اتكلم
دخلت اميرة و هخبه يغيروا
يوسف:فاكرة معاها سوسن يلا بينا يا ابني
و مشيواناحيه صاحبه المحل
يوسف عارف ان دماغ اميرة ناشفه فكر شويه و قال لصاحبه المحل:ممكن اطلب طلب كمان معلش تقلت عليكي اوي
صاحبه المحل:انت تؤمر يا يوسف بيه
يوسف:خدي من الانسه الي جيبلها الفستان 300 جنيه قوللها دا تمن الفستان
صاحبه المحل:استحاله تصدق طبعا حضرتك دا ماركه عالميه غير كدا دا مش من مصر
يوسف:ال 400جنيه دول هديه للبنات الي ساعدوها
صاحبه المحل:يعني هي هتقتنع
يوسف:انا هتصرف
حمزة:هو الفستان الي كان عليها بكام
صاحبه المحل:3300 جنيه يا فندم
حمزة”طلع الكريدت كارد”:خدي منها ال3000 و خدي من الانسه صاحبته ال 300
صاحبه المحل:حاضر تحت امركوا يا بهوات بس من فضلكوا يا يوسف بيه و حمزة بيه بلغ سلامي للوالد و الوالده
يوسف:مش تقلقي هبلغهم سلامك بس لينا طلب اخير احنا و لا اكننا جينا يعني محدش يعرف بالمجيه ده
صاحبه المحل:تحت امركوا المحل محلكوا
يوسف:انت عملت زي ليه يا حمزة
حمزة:بصراحه انا كان نفسي ادفع ثمنه كله كان نفسي اكون مسؤال عنها و سبب فرحتها بحس يا جو انك بتعامل اميرة زي بنتك و عجبتني اوي المعامله ده
يوسف:اميرة مش زي بنتي يا حمزة هي كدا فعلا انا وعدتها اني اكون كل عيلتها و اولهم باباها
خرجت اميرة و هبه عشان يحاسبوا
صاحبه المحل:عجبتكم الفساتين يا انسات
اميرة:جدا بكام الي معايا
هبه:و الي معايا
صاحبه المحل:دا ب 400 جنيه و دا 300 جنيه
اميرة:هو ايه دا الي ب 400 جنيه
حمزة:البس يا معلم قولتلك انها ذكيه مش هيخيل عليها كدا
يوسف:اميرة ماما ده الي بتتصل
اميرة:يا لهوي ماما طب خدي الفلوس اهي يلا بينا بسرعه يا جماعه انا لسه مش جبت باقي الحاجه يلا يا هبه اخلصي
هبه:انا مش مصدقه الثمن دا انا لسه جايبه واحد في فرح قبل كدا ب1500 جنيه ازاي بالثمن دا
حمزة:باباكي يا هبه مش تنسي هيعقلك لو اتاخرتي
هبه:تصدق معاك حق
ادتها الفلوس و جريوا برا
لقوا البنات في وشهم
البنات:كنتوا فين
هبه:جوا في السنتر مش دخلتوا ليه
هاجر:كان مكتوب مغلق لفينا المول من الناحيه التانيه جبنا برفانات و شويه حاجات كدا
هدير:يلا بينا عشان تختارولنا
اميرة و هبه:طب احنا هنجيب اكسسورات و البرفيوم لينا و انتوا اختاروا و احنا جيين و معاكوا الفون تقولوا انتوا في انه محل ثواني و هنيجي
اميرة:انتوا غلطتوا مش جيتوا معانا ليه من الاول دا المحل دا في فساتين رخيصه جدا
ميار:بجد يعني
اميرة:اها و الماركات تجنن ادخلوا وا حنا جيين علي طول
هبه:اميرة هو يوسف و حمزة راحوا فين زي ما تقولي اتبخروا
اميرة:يمكن وراهم شغل و لا حاجه
جيين لسه هيمشوا عشان يروحوا ناحيه البرفيوم لقوا يوسف و حمزة جيين و معاهم شنطتين
فيها كل حاجه يحتاجوها
يوسف:انتي رفضتي اني ادفعلك ثمن الفستان متهيألي ده حاجه بسيطه
حمزة:الهي يتمر هتخديهم و لا اكسرهم فوق دماغك
اميرة:يوسف كدا كتير
يوسف:مفيش حاجه تكتر عليكي انتي
حمزة:مفبش كدا كتير ميرسي شكرا اي منظر متشوفي صاحبتك
هبه:اتنيل مش لو خدتها منك اساسا
حمزة:هتخديها يا هبه
هبه:مش هخودها يا حمزة
حمزة:شكرا يا هبه”بزعل”
هبه:يادي النيله استني هنا
حمزة:عايزة ايه
هبه:لا و النبي بلاش شغل عبد الحليم حافظ في فيلم شارع الحب
ضحك حمزة :يعني هتاخديها
هبه:هخودها عبو شكلك
يوسف:طب احنا هنمشي بقي و هنسبكوا مع البنات عشان محدش يحس بحاجه محتاجين اي حاجه تانيه
هبه:يا عم هنحتاج ايه اشطه كدا
حمزة:طب يلا بقي علي البيت علي طول احنا هنفضل واقفين برا في العربيه لغايه ما نطمن انكوا ركبتوا
راحوا ناحيه البنات و كانوا خارجين من المحل و دخلوا محل تاني
اميرة:ايه يا بنات في ايه
يارا:هو دا المحل الرخيص يا اميرة منك لله
اميرة:في ايه بس
هاجر:دا نار يا بنتي المحل دا في احلي و ارخص تعالوا هنا انا شوفته اول ما دخلت
هبه:غريبه اوي
اميرة:عندك حق انا بردو مستغربه
كانت ماما اميرة بترن فعلا في اللحظه ده
لطمت اميرة
اميرة:يا لهوي ماما ماما
البنات:ردي ابوس ايدك
اميرة:الو ايوه يا ماما
مامه اميرة:كل دا اتاخرتي
اميرة:علي فكرة انا خلصت كل حاجه و البنات الي معطلني
هدير خدت الفون:يا طنط هي الي جابت حاجاتها بسرعه خليها تستني شويه بس عشان تكون معانا دا احنا حتي مش عارفين هي جابت ايه
مامه اميرة:ماشي يا هدير ساعه كمان مفيش غيرها و تكونوا راكبين و جيين
هاجر:ربنا ما يحرمنا منك يا طنط
دخلوا المحل البنات نقوا الفساتين
يارا فستان زهري قصير عند الركبه
اميرة:دا تحفه عليكي خديه
هاجر :طب انا اخد دا و لا دا
هبه:متهيالي الطويل هيبقي احلي عليكي و تجيبي شال من فوق عشان يداري شويه
اميرة:لا لو بلوروه المطرز هيكون احلي و كمان عشان تعرف تتحرك
لبست هاجر فستان طويل كب روز
طلع فعلا البلوروه هينطق عليه
هبه:اهدير بصي الفستان دا جميل اوي
هديرانهون
هبه|:لا انهين يا اختي
اميرة:علي فكرة قصدها الاحمر الي هناك
هدير:مش جرئ شويه يا بنات
هبه:احنا اساسا جيبينوا عشان هو جرئ انتي بتتكلمي في ايه احنا هنمسح الكل
هدير:انتوا مش ملاحظين انكوا بتختاروا فساتين سواريه و الموضوع خطوبه كدا بسمه هتلبس زينا و احنا مش عارفين هي هتلبس ايه
اميرة:لا يا اختي متقلقيش انا عرفت امبارح ان الحوار في كتب كتاب
هاجر:ايوا بقي ايوا بقي
ميار:معني كدا فستان ابيض هي هتلبسه
هدير:يبقي كدا انا اجيب الاحمر و نلعب مع بعض
هبه:هو فريق كوره انجزي و قسيه
فستان احمر طويل و مفتوح من الجنب لغايه الركبه و بكتف موجود و التاني لا و مطرز من ناحيه الصدر و كان جرئ جدا علي هدير
ميار واقفه بين ااتنين مليكان محتاره بين فستان لونه لبني لون السماء الصافيه و التاني تايجر سهره مطرز
جم من وراها البنات
هدير:عارفين ام التردد دا عشان كدا خلناكي للاخر
هاجر:قيسي الاتنين و احنا هنقولك انهو
اميرة:بس انصحك ابتدي بالتايجر و لوعجبك مش لازم تقيسي التاني
دخلت قاست طلع تحفه عليها مجسم و جميل جدا و لايق اوي علي جسمها
خرجوا البنات و هما بيركبوا التاكس اميرة بصت هي و هبه وراهم لقت عربيه حمزة راح اتصل عليها يوسف
يوسف:خلصتي يا قلب يوسف
اميرة:اها
يوسف:طب يلا بقي علي البيت لاني بموت
اميرة:بعد الشر عنك
يوسف:طب يلا
روحوا البنات
مامه اميرة:جبت ايه يا جميل
اميرة:طلعت الفستان ملامح مامه اميرة اتغيرت
مامه اميرة:انتي جبتي الفستان دا بكام خلصتي الكريدت كارد كلها يخربيتك قولت انزل معاكي انا عرفاكي اصريتي بلا بكام دا يا هانم
اميرة:400 جنيه
مامه اميرة:بت اتكلمي جد متستعبطيش عليا
اميرة:و الله يا ماما بالثمن دا
مامه اميرة:لا احنا نقيم في المحل دا نفسي اعرف ايه المحل الي يبيع فستان تحفه كدا بتمن زي دا
“مامه اميرة مشفتش الماركه”
“عند بسمه”
البنات عملوا مكالمه جماعيه
ميار:لو شوفتي الفساتين تجنن
بسمه:كنت عايزة اجي
اميرةكيا بنتي هننزل امتي عشان فستانك
بسمه:مالك جاب الفستان يا اميرة
اميرة:وربنا لاولع فيه ليه كدا
بسمه:باباه صمم انه يجيبه من احسن مكان و فعلا يا جماعه هيعجبكوا اوي لما تيجوا و تشوفوه هتتجننوا عليه
هاجر:ماشي يا ستي الف مبروك علي فرح الغفله دا
هبه:كلنا كدا ان شاء الله هنروح البيوتي سنتر يوم الاربع عشان لازم تتحضر يوم الخميس
رتبوا البنات كل حاجه عشان يحاولوا يريحوا بسمه
“يوم الخميس”
حمزة راح ليوسف
حمزة:يوسف يوسف بلاش يوسف انت يا منيل”كان بيصحيه”
يوسف:انت منبه نفسي انام مرة و متجيش تقرف اهلي
حمزة:بالزمه بتلاقي حد يقرفك كدا في المانيا
يوسف:درش عامل واجبه
حمزة:كنت عايز اقولك حاجه
يوسف:اشجيني ولوني عارف هتقول ايه بس عايز اعرف منك
حمزة:يعني فاهم
يوسف:اسمع منك يا باشا دا انت ابو الحركات
حمزة:اه بحبها و اعترف لنفسي اني بحبها
يوسف:و الله ووقعت يا حمزة مش جملتك المشهورة ان مفيش اي بنت لسه اتخلقت انها توقعك
حمزة:اهي اتخلقت اهي و مش عايز كلام كتير و قوم البس
يوسف:فاكر بقي جملتي انا
حمزة:قصدك ايه
يوسف:فاكر لما قولتلك مش هتحس بيها غير لما تتاخد منك
حمزة:انت بتقول ايه”بزعيق”مين دا الي يقدر ياخدها مني
يوسف:انا مرضتش اقولك غير لما تعترف لنفسك عشان متقولش اني بزقك عليها هي مش تستاهل ان حد يزقها عليه هبه يتمناها اي واحد في الدنيا
حمزة:يوسف”بزعيق”اخلص انا مش فاهم
يوسف:انت عارف بابا هبه نزل ليه
حمزة:ليه
يوسف:عشان جايب عريس لهبه و عجبه جدا و مصمم ان هبه تشوفه و العريس دا يشوفها بعد الامتحانات
حمزة:دا علي جثتي
يوسف:اهدي بس يا عم الحمش كدا
حمزة:بطل برود يا يوسف
يوسف:يا ابني انت ناسي ان حته لسه مش قولتلها انت يعني طالما قولت ليا يعني هي عيزاك بردو مش لازم نعرف وجهه نظرها
حمزة:هي تطول
يوسف:اه تطول و انت عارف كويس كدا يا حمزة انت لو لفيت الدنيا هتلاقي زي هبه او زي اي بنت من السبعه احنا لو ربنا مكنش بيحبنا مكنش وقعنا فيهم
حمزة:طب ايه العمل دلوقتي
يوسف:لازم تتاكد انت بنفسك منها و تصارحها بماشعرك
حمزة:و دا هيحصل ازاي و امتي
يوسف:انهرده في الفرح
حمزة:بس دا انا سامع ان اهاليهم جيين
يوسف:كلهم عارفين ان الفرح هيبدا تسعه و انا رتبت كل حاجه ان الفرح يبدا 8
حمزة:يا ابن الجنيه يعني الفرح كله هيبقي احنا بس يخربيتك
يوسف:يا غبي دا لاهالي البنات بس الدعاوي بتاعتهم انا عاملها مخصوص يعني انت يرضيك يا حمزة يا حبيبي اني مش ارقص مع مراتي المستقبليه دا انا لو طولت اعمل المستحيل نفسه هعمله عشانها
حمزة:عندك حق في حاجه كدا من جوا الواحد بتتحرك كدا غريبه اوي مش عارف هي ايه حاجه كدا غريبه مش حسيتها قبل كدا فاهم قصدي
يوسف:يا ابني دا محدش هيفهمك قدي كل الي انت حاسس بيه دلوقتي دا انا حسيب بيه قبلك و فاعهم قصدك ايه
حمزة:عارف ليه اخترت هبه يا يوسف
يوسف:مع اني عارف بس بحب اسمع الاول منك
حمزة:علي فكرة انت غلس انت عارف كل حاجه بس مدكن
يوسف:لانك كنت مصمم ان الموضوع مجرد اعجاب و انا كنت متاكد انه اكتر من كدا بس كنت بتقاوم لان مكونتش متخيل ان واحده تقدر توقعك
حمزة:بجد يا يوسف من النوع الي واحد ياتمنها علي بيته و علي قلبه و عياله تحس كدا ان التربيه ده فريده من نوعها اكنها تربيه مامتك و باباك مش تربيه اليومين دول بنت عايزة تمشي و تهزر و يتصرف عليها و خلاص لا ده عزيه نفس بنت عارفه مقامها كويس و عارفه حدودها بجد يا يوسف انا مش مصدق اني……….
يوسف:انك ايه
حمزة:بطل غلاسه و قوم البس
يوسف:ماشي هنسيب اخر كلمه لصاحبه الشخصيه
كان مرزان بيخبط
مروان:جو
يوسف:اهلا بيك انت راخر ما انتوا لما بتهلوا بتهلوا مره واحده تعلالي
يوسف:انتوا محسسني اني ابوكوا وربنا دا هو اسبوع يتيم الي خدته اجازة و فاضل فيه يومين منكوا لله وربنا سيبوني ارتاح
مروان:يوسف الساعه لسه 3 انت عايز تلبس من دلوقتي
يوسف:انا حر انتوا زعلانين ليه عايز اشوفها منكوا لله
مروان:لا هتستني بقي عايزك في حوار كدا
حمزة بص ليوسف انا هنزل اجيب حاجه سقعه و جي و اجيب باقي الشله تعترف و جي
يوسف:غور يا جزمه انت كمان
بعد ما مشي حمزة
مروان:يوسف
يوسف:يا نعم اشجيني انت كمان
مروان:بكلم جد يا يوسف
يوسف:و حد قالك اني بهزر مالك في ايه
مروان:هدير مش عايزة تكلمني خالص و مش بتفتح فيس خالص
يوسف:و قبل كدا كانت هي الي بتفتح تستني حضرتك و انت مكونتش بتعبرها عارف ليه يا مروان لانك كنت عامل اكونت تاني بتكلم فيه البنات الي فرحانين بالبدله بتاعتك و نسيت انضف حاجه قبلتها اشرب بقي قولتلك متجيش تعيطلي في الاخر
مروان:انا افتكرتها لما تشوفني و تشوف البدله,,,,,
يوسف قطع كلامه:و هي هدير اول ما قبلتك شافتك بالبدله و اول ما ابتديتوا تتكلموا مع بعض كنت بالبدله بتضحك علي نفسك لسه طب قوم و اتكل علي الله عشان بجد اتخنقت منك
مروان:و الله ابدا بس انا كنت فاكر ان اي بنت بتفرح بحاجه زي كدا
يوسف:يا ابني انا هفمكوا لغايه امتي ان ال 7 بنات دول غير اي بنت عرفناها قبل كدا عارفنهم بقالكوا 3 سنين و لسه مش لاحظتوا ايه الغباء دا
مروان:طب انا اضايقت ليه ما انا عندي 100 بنت اضايقت ليه يعني
يوسف:انت عند فعلا 100 بنت لكن هدير بمليون بنت من الي انت عارفهم
مروان:طب اعمل ايه
يوسف:الي لازم يتعمل
مروان:الي هو
يوسف:تحاول ترجعها ليك تاني بس هيكون صعب اوي لان هدير من النوعيه الي مش هتنسالك الي انت عملتوا
مروان:يعني هعمل دا لوحدي
يوسف:زي ما بعدت لوحدك لازم انت تتحمل المسؤليه و اهي فرصه ان الفرح هيجمعنا كلنا
مروان:ادعيلي يا جو
يوسف:ربنا معاكوا كلكوا يا ريتكوا كنتوا عرفتوا طريقكوا من الاول زي ما عرفت طريقي لكن انتوا كل واحد فضل ورا عقله و انا عارف انكوا في الاخر هتعملوا ايه
حمزة طلع بالحاجه السقعه
حمزة:انا جيت خلصتوا
كان في ظهرة رامز
رامز:انا جييييييييت
كانت الحاجه السقعه اتقلبت من ايد حمزة علي الارض
مصطفي:مش عارف تمسك كوبيتين حاجه سقعه
مراد:ايه دا انت ايدك بتترعش و لا ايه شكلك متوتر و ده اول مرة في حياتك اعترف ياض امتي و ازاي و فين
مالك:قول ياض قتلتها امتي
حمزة:يخربيتكوا هتلبسوني جريمه
مالك:لو سمحت ملكش دعوه ببيتي لما يتعمل يحلها ربونا
ضحكوا الشباب و جهزوا و كانوا بيجهزوا في العريس
وراحوا عشان يجيبوا العروسه
خرجت بسمه زي القمر و البنات حوليها
و الكل كان مبسوط جدا
يوسف:اهوانهرده بقي هفتح باب العربيه و اقعدك فيها و محدش هيقدر يتكلم
ضحكت اميرة :هاجر و هدير و ميار و يارا و هبه اه هبه هنسيب هبه
يوسف:هههههههههههههههههههههههه
الشباب من ورا اميرة
الشباب:كلنا جيبين عربيات يا اميرة ده زفه مالك مش اي حد
كل واحد خد البنت الي بيحبها و كانوا فرحانين جدا بمالك و بسمه وصلوا الفندق
اميرة جيه تفتح الباب عشان تنزل
يوسف:اهدي و اصبري انا الي لازم افتحه مش انتي
اميرة:انت قلبت هندي و لا ايه
يوسف:مش قولتلك قبل كدا ششششششش و لا كلمه
نزل يوسف و فتح الباب و مد اتيديه و مسك ايديها و نزلها و كانت زي القمر بالفستان
كا واحد من الشباب عمل زيه
وبدا الفرح البنات ملفوفين حولين بسمه و كانوا بيسقفوا و الشباب ملفوفين حولين البنات لانهم كانوا خايفن عليهم لغايه ما دخلوا القاعه و بدات رقصه السلو العريس و العروسه البنات و الشباب كانوا بيصفروا
الشاب بتاع الدي جي:كل المرتبطين يطلعوا عشان يرقصوا
الكل قام
رامز خد ميار
مراد خد يارا
مصطفي خد هاجر
مروان بيمد ايده لهدير رفضت و ادته ضهرها و مشيت ناحيه ابن خاله بسمه
هدير:تيجي نرقص
“هب يتاعمله زي اخوها لانه اصغر منها بسنه بس مروان ميعرفش”
ادم:اشطه ماشي و انتي حلوه كدا بالفستان الاحمر دا
ضحكت هدير بصوت عالي و مروان كان محروق دمه
جه حمزة بيبمد ايده لهبه
هبه:ايه
حمزة:معلش انا غلطت
خد ايدها غصب عنها و طلع علي الاستيدج و رقص معاها و كانت مكسوفه اوي ووشها احمر
يوسف من غير ما يتكلم مد ايديه اميرة حطت ايديها في ايديه و قامت و هما الاتنين بصين لبعض و كانوا بيرقصوا و كان مفي حد جنبهم و دا كان حال الشباب و البنات لغايه ان الاغنيه عادوها 3 مرات
كانت مامه اميرة وصلت و جدتها بترفع عنيها لقت اميرة علي الاستيدج بصتلها و سكتت اميرة اتلخمت و نزلت بس الي اميرة مخدتش بالها منه ان جدتها دارت عليها مخلتش ممتها تشوف انها كانت بترقص مع يوسف
اميرة نازله بتجري و كانت هتقع من كتر الخوف و الرعب
اميرة:ماما انا هفهمك كل حاجه
جده اميرة:هتفهميها ايه كنتي بترقصي مع العروسه مش كنتي تيجي تمسكي ايدي انا تعبانه ي بنتي يلا بينا تعالي قعدينا
جده اميرة قربت منها براحه:متخافيش مشفتكيش انا خبيتك عملت نفسي اني كنت هقع بس لمي نفسك انتي و هو لاني مش هعرف اعمل حاجه تاني انا عارفه ان يوسف بيحبك و عايزك بس اتلمي لان امك عنيده
اميرة ضحكت و فرحت اوي و مسكت الفون بتاعها
مامه اميرة:رايحه فين
اميرة:هظبط شعري و جيه
اميرة خارجه من القاعه و يوسف وراها
و هي ماسكه الفون مش واخده بالها خبطت في حد
الشخص:ايه يا بنتي مش تبصي كويس و انتي بتعدي
اميرة”بارتباك”:انا مخدتش بالي منك
الشخص:دا بدل ما تقولي انا اسفه
اميرة:انا معملتش حاجه غلط عشان اعتذر
كان يوسف قرب
يوسف:ماما
اميرة بصت و تنحت
اميرة:سوري يا طنط
مامه يوسف:سوري ايه و زفت ايه انتي خليتي فيها سوري
يوسف:ماما لو سمحتي متكلمهاش كدا و اتفضلي حضرتك ادخل الفرح دلوقتي و هكلم معاكي بالليل
كان بابا يوسف جه
بابا يوسف:في ايهي ا جماعه
يوسف:و لا حاجه يا بابا خد ماما و ادخل الفرح و انا جي حالا
جري يوسف ورا اميرة
اميرة:هي ده مامتك
يوسف:اه يا حبيبتي
اميرة:يا نهار ابيض بقي اول مقابله يحصل كدا
يوسف:و لا يهمك كل حاجه انا هعالجها انا عارف قلبك الطيب الابيض هي مش تعرفه
اميرة:انا مش فاهمه حاجه قصدك ايه
يوسف:هفهمك بس لما تروحي دلوقتي تفرحي و تتبسطي مع صاحبتك و انسي اي حاجه اا عايزك تستمتعي لكن رقص مع حد لا مياصه و ماعه مش عايز ضحك بصوت عالي ممنوع
ضحكوا الاتنين
يوسف:ادخلي انتي و انا هدخل بعديكي بشويه
اميرة:اوكي سلام
اهالي البنات جم الشباب مكنوش عارفين يكلموهم
حمزة راح ناحيه رامز
حمزة:يا عم انت مش ما كان عم يوسف دا ياخرهم ساعه يكونوا 3 او 4 ساعات
مراد:ليه ان شاء الله هنبيت العريس و العروسه عشان حضرتك تقعد
مروان كان واقف ساكت و باصص ناحيه هدير
مروان:رامز هو مين الاخ الي بيرقص مع هدير دا
يوسف كان وصلهم
يوسف:اه انا عارف الواد دا كان في كليه ايه افتكر افتكر”كان يوسف عارف انه في 3 ثانوي بس كان عايز يغيظ مروان”
يوسف:افتكرت اقتصاد و علوم سياسيه سنه 3 تقريبا ابوه بيشتغل في السلك الدبلوماسي
رامز:السلك العريان
حمزة:بس يا قليل الادب
مراد:الله يحرقوا هنتفضح في الفرح
مصطفي:عيب يا بنات كدا محدش يتكلم ووصوا حسكوا
رامز:كنت ميت فين يا ابني
مصطفي:بجد بجد انا مش هخرج من الفرح دا غير لم اتجوز البت ده
حمزة:و لا انا
رامز:يعني انا الي هسيبكوا
مراد:و نا الي وقعت من قعر القفه
مروان:يا جماعه لو سمحتوا ثاوني انا عايز اصالح هدير بس مش عارف اعمل ايه
الشباب:انت عكيتها اوي يا مروان بقالك سنتين محدش يعرف عنك حاجه و هي كانت بتسال عليك كتير جدا
مروان:بس انا محروق دمي و انتوا مش يرضيكوا كدا
رامز:انا يرضيني عادي جدا
مراد:و هي لما كانت بيتحرق دمها لما كلنا كنا بنتقابل لما كنت مش موجود علي فكره يا يوسف مش انت لوحدك الي شوفت الدمعه الي نزله من عنيها
حمزة:كلنا شوفناها بس محبناش نكسفها
مروان:يعني هي كانت بتحبني فعلا
رامز:علي فكرة انت معندكش دم لان كان لازم تحس من الاول بس البدله ساعات بتغير الناس
مروان:يا جماعه انا عايز حل انا غلطان و الله بس جيبولي حل اعمل ايه دلوقتي
يوسف:انا قولتلك يا مروان انت الي لازم تعمل مش احنا
صوت من وراهم:انتوا قاعدين هنا بتعملوا ايه
يوسف:مين………………………

———–———-———————-————

ونكمل في الحلقات القادمة ماتنسوش تعلقوا علي الحلقة في صفحة مدام طاسة والست حلة

 الى اللقاء في الحلقات القادمة

بقلم الكاتبة: أميرة عادل

 

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى