ترفيهمسلسل زواج بالإكراه

مسلسل زواج بالإكراه (العنيده والمغرور) الحلقة 12و13

الحلقة 12

عند حوريه ف منزلها كانت تجلس ف غرفتها وتشقل الكاسيت علي اغنيه رومانسيه وتستمع لها وهى تمسك احد الروايات وتقرأها لتصعد لها والدتها لتبلغها بان مروان ف الاسفل وينتظرها

حوريه: ايييه تحت..مش يتصل قبل ما يجى ويعرفنى انه جاى ايه قله الذوق دى

ناديه: يابنتى ماهو بيقول انه اتصل بيكى علي موبايلك لقاه مقفول

حوريه: اه هو كان مقفول وحطيته عالشاحن بس برضو لقاه مقفول يتصل علي تليفون البيت مش يجى كدا فجأه

ناديه: فجأه ازاى واحنا كدا كدا عارفين انه جاى النهارده عشان تشوفو الفستان والاوتيل اللي هتعملو فيه الفرح يلا ياحوريه قومى البسي وخلصي ماتتعبيش قلبي الله يرضي عليكى

حوريه وبدات دموعها بالنزول: ماما انا مابحبوش مش عارفه هتجوزه ازاى بس

ناديه: الكلام معاتش منه فايده يابنتى مروان بقي جوزك وانتى بقيتى مراته وفرحكم بعد 4 ايام والناس كلها عارفه يعنى اللي بتعمليه ده مافيش منه فايده

حوريه ببكاء: ابويا ظلمنى اووى يا امى..ظلمنى طول حياتى ظلمنى لما دخلنى كليه مش بحبها وظلمنى لما فرق بينى وبين احمد وماخلناش نتجوز ودلوقتى بيظلمنى لما جوزنى مروان برضو غصب عنى..ابويا طول عمره ظالمنى

ناديه: خلاص ياحوريه ماتوجعيش قلبي عليكى يا بنتى كل ده كان من سنين فاتت ياحوريه ولسه فاكراها واحمد خلاص اتجوز وخلف وشاف حياته شوفي حياتك انتى كمان يا بنتى

حوريه: اشوفها مع واحد انا اللي اختاره بنفسي مش مفروض عليا

ناديه لتنهى حديثها هذا مع ابنتها: طيب قومى اغسلي وشك ياحوريه وانزلي لجوزك يابنتى دا قاعد بقاله كتير تحت مايصحش كدا

حوريه وهى تجفف دموعها: خلاص انزلي وانا جايه وراكى علي طول

ناديه: ماتتاخريش ياحوريه دقيقتين والاقيكى تحت يا حبيبتى

حوريه: اوك يا ياماما

وتهبط ناديه للاسفل وبعد مرور ساعتين تهبط لهم حوريه وتجد ناديه علي وشك الانفجار وتذهب لها وبصوت منخفض: اخس عليكى يا حوريه ساعتين عما تنزلي هما دول الدقيقتين اللي متفقه معاكى عليهم دا مروان كان عاوز يمشي بس انا اللي مسكت فيه

حوريه ببرود: وما مشاش ليه كنتى سبيه

ناديه: بطلي يا حوريه ويلا روحيله عشان اتاخرتو

حوريه: طيب….وتذهب له….السلام عليكم

مروان: وعليكم السلام…ما لسه بدرى كنت خليكى كمان شويه والنبي

حوريه: لو سمحت مش عاوزه تريقه…انت اللي جيت من غير ماتعرف حد

مروان: مانا كلمتك كزا مره علي موبايلك كان مقفول

حوريه: كنت اتصل علي تليفون البيت

مروان: ماجاش ف بالي وبعدين ف ايه انتى هتفتحيلي تحقيق

حوريه: ولا هفتحلك ولا حاجه…يلا بينا عشان اتاخرنا

مروان: اتفضلي

ويستقلو السياره ويذهبو بها الي اتيليه ف مكان راقي ومشهور جدا..ويقف بالسياره امامه…داخل السياره

حوريه: اشمعنى الاتيليه ده يعنى اللي جبتنا ليه

مروان: ببساطه عشان الاتيليه ده من اشهر واحسن الاتيليهات ف البلد والعيله بتتعامل معاه وانا كلمت صاحبته من فتره وقولتلها انى عاوز فستان فرح بس مايكونش اى فستان وهى ادتنى معاد النهارده اجى فيه عما تجهز طلبي ف حاجه تانى عاوزه تسالي عنها

حوريه: خلاص مافيش

مروان: اتفضلي انزلي يلا

ويهبطو من السياره ويدخلو الاتيليه لتستقبلهم صاحبته احسن استقبال

مدام يسرا: اهلا اهلا مروان بيه الاتيليه نور بيك

مروان: اهلا مدام يسرا..انا جيت ف المعاد اهو

يسرا: تمام حضرتك طول عمرك مظبوط ف مواعيدك مروان بيه….وتنظر لحوريه..هى دى العروسه

مروان: ايوه هى…الدكتوره حوريه

يسرا: بسم الله ماشاء الله هو ف جمال كدا تبارك الخلاق زوقك حلو اوووى يامروان بيه

حوريه: والله يامدام يسرا هو مش زوقه هو تقدرى تقولي كدا القسمه والنصيب

يسرا: عندك حق يا حبيبتى بس نصيبه زى القمر..ربنا يهنيكو ببعض

مروان: ربنا يخليكى…ها قوليلي اخبار الفستان ايه

يسرا: كله تمام وطلبك موجود عندى حاجه كدا اول مره تنزل مصر دا جاى من فرنسا مخصوص ليك يا مروان بيه

مروان: طب ممكن نشوفه

يسرا: اكيد طبعا وعشان دكتوره حوريه تقيسه كمان عشان لو عاوز اى تظبيط نظبطه قبل ما تمشي…هااتى يا نيفين الفستان لحوريه تقيسه

نيفين: حاضر يا مدام….وتذهب لتاتى بالفستان وتعرضه امامهم

يسرا: ها ايه رايك يا مروان بيه

مروان:بصراحه مافيش احلي من كدا

يسرا: ايه رايك يا عروسه ف الفستان

الفعل اجبت حوريه بالفستان لان جماله يخطف الانظار كان بسيط للغايه ويحمل اللون الابيض ومرصع بالالماظ علي الصدر ومنفوش من الاسفل

حوريه: حلو اووى تسلم ايدك

يسرا: طيب اتفضلي قيسيه جوه عشان نشوف لو محتاج تظبيط

حوريه: اوك…ودخلت حوريه تقيس الفستان لتخرج به بعدها لينبهر من شكلها جميع الموجودين كانت مثل الملاك بفستانها الابيض هذا

يسرا: ماشاء الله الفستان هياكل منك حته وكمان مش محتاج اى تظبيط دا كأنه متفصل عليكى…ايه رأيك يا مروان بيه

مروان: فعلا جميل اووى

حوريه: ميرسي…انا هدخل اغيره بقي اصله تقيل اووى

يسرا: هههه لازم يكون تقيل اصل الشغل اللي فيه مش قليل وبعدين انتى ماكملتيش 5 دقايق وبتقولي تقيل اومال هتعملي ايه لما تلبسيه كام ساعه ف الفرح

حوريه: ربنا يعينى بقي…بعد اذنكو

يسرا ومروان: اتفضلي…وتدخل حوريه لتبدله بملابسها

مروان: خلاص يا مدام يسرا اتفضلي دا شيك بتمن الفستان اهو

يسرا: مستعجل ليه يا مروان بيه

مروان: ولا مستعجل ولا حاجه بس ياريت تودوه علي العنوان ده فيلا سمير بيه الشهاوى

يسرا: اوامرك يا مروان بيه

وبعدها تخرج حوريه ومروان ويذهبو ويستقلو السياره ويذهبو الي اكبر اوتيل ف القاهره ويقفو امامه

حوريه: هتقولي برضو انت مكلم صاحب الاوتيل يظبطلنا الامور وهو عارف اننا جايين دلوقتى

مروان: ماانتى شاطره اهو وبتفهميها علي طول..ايوه ياستى مكلمه وقايله

حوريه: وواخدنى معاك ليه بقي بدام مخلص ومظبط كل حاجه كدا

مروان: يعنى كنتى عاوزانى ابعتلك الفستان عميانى كدا من غير ماتشوفيه ولا تقيسيه مثلا

حوريه:…………….

مروان: ولا عاوزانى احجز القاعه من غير ماتشوفيها نفرض انها ماعجبتكيش او عجبتك بس عاوزه تغيري فيها شويه حاجات زى شكل الكوشه الوان الفرش تختارى الاغانى والبروجرام كله…ايه كل ده مش مهم

حوريه: …………

مروان: ايه سكتى يعنى ماتتكلمى

حوريه: اصلا مايهمنيش كل الحاجات دى لان الفرح نفسه مش فارق معايا اصلا

مروان بضيق: طب يلا انزلي

ويهبطو من السياره ويدلفو للاوتيل ويستقبلهم مديره لانه كان علي علم بمجيئهم وياخذهم ويذهبو لقاعات الفندق لتنبهر حوريه منهم فتختار قاعه احبتها اول ما راتها واضافت بعض التعديلات عليها وبعد ان انتهو من ذلك خرجو واستقلو السياره وسار مروان ف طريق عكس طريق المنزل

حوريه: انت رايح فين

مروان: رايح اى كافيه نريح فيه شويه ونشرب حاجه بعد اللف ده كله

حوريه: بس انا كن….

مروان: ماتقوليش عاوزه اروح لانى تعبانه وعاوزه انام والكلام ده انا مش واخدك هخطفك انا بقولك هنشرب حاجه بسيطه واروحك علي طول

حوريه: اوك……وبعد لحظات سكون…هو احنا ليه ما روحناش البيوتى سنتر نتفق معاه ونحجز علي يوم الفرح

مروان: لانه ببساطه انا كلمتهم وقولتلهم يبعتو فريق تجميل ليكى علي يوم الفرح

حوريه: واشمعنى فريق يعنى؟

مروان: عشان كل واحد متخصص ف حاجه واحده هتعملك شعرك وواحده هتعمل بشرتك وواحده هتحطلك الميكب والتانيه هتلفلك الطرحه..لازم مرات مروان العوامى تكون اجمل واحده ف الكون يوم فرحها

حوريه وتلوى شفتيها: امممم اه..طيب ادتهم عنوان الفيلا

مروان: لا هيروحولك علي الاوتيل

حوريه: ازاى؟

مروان: مانا حجزتلك سويت ف الاوتيل طول اليوم بتاع الفرح تقعدى فيه وتنزلي منها عالفرح علي طول

حوريه: اممم ماشي اوك

مروان بابتسامه: طيب يلا انزلي بقي عشان وصلنا وما تقوليليش اشمعنى الكافيه ده عشان ده اللي لقيته والله دلوقتى يعنى مش متفق مع صاحبه ولا حاجه

كادت ان تبتسم فمنعت نفسها بشده: اوك
*******************
اما عند تاليا ف المنزل كانت ف توتر دائم طوال اليوم من ذاك الرجل الذي يعرف عنها كل شئ ويعرف ماكان بينها وبين مروان وهى غارقه ف افكارها تجد من يتصل بها فترد علي الفور

تاليا: الو الو ماترد انت مين وعاوز منى ايه

حمدى: اذيك يا مدام تاليا يارب تكونى بخير

تاليا: انت مين وعاوز منى ايه

حمدى: تؤ تؤ بالراحه مش علي طول كدا..هتعرفي كل حاجه بس مش هينفع ف التليفون لازم نتقابل

تاليا: نتقابل…..وانا موافقه قولي اقابلك فين

حمدى: حلو اوووى كدا قابلينى ف كافيه………كمان نص ساعه اوك

تاليا: اوك

حمدى: سلام يااا يامزه هععهعهههه ويغلق الخط

تاليا بتفكير: ياترى انت مين وعاوز منى ايه…ياخبر دلوقتى بفلوس وبعد نص ساعه يبقي ببلاش..فتلقي الهاتف بلامبالاه وتقوم لترتدى ملابسها وتذهب له وتقف امام الكافيه لتركن سيارتها وف نفس الوقت يخرج مروان وحوريه ليستقلو سيارتهم ويذهبو بها وتلاحظهم تاليا: بقي كدا ياسي مروان بتفسحها وتخرجها وقال متجوزها غصب عنك قال ماشي يامرواان والله لانتقم منك وافضحك وهتشوف تاليا اللي انت رمتها دى هتعمل فيك ايه يا ابن العوامى….فتهبط من سيارتها وتدخل الكافيه وتبحث بعينيها عن ذاك الرجل لتجد شخص يجلس علي طاوله بمفرده ويرتدى نضاره شمس سوداء مع حلته الرسميه فكان الشك ف هذا الرجل وبالفعل اشار لها اشاره بان تذهب له

تاليا: انت حمدى

حمدى: ايوه يامدام اتفضلي اقعدى

تاليا: ميرسي…وبعد ان جلست..مش هتقولي بقي انت مين وعاوز منى ايه

حمدى: ماقولنا بالراحه مش كدا انتى داخله سخنه علينا كدا ليه تشربي ايه الاول

تاليا: مش عاوزه اشرب حاجه…وقولي بقي انت مييين

حمدى: شوفتى البيه خارج مع المزه بتاعته ازااى من شويه وقال يقولك دا متجوزها غصب عنه حجه عشان يرميكى ويروح لها

تاليا باندهاش: انت..انت عارف الحاجات دى منين وانت…انت كمان شوفتهم دلوقتى

حمدى: اوماال داانا اول مادخلو الكافيه كلمتك وقولتلك تقابلينى هنا عشان تيجى وتشوفيه بنفسك

تاليا باصرار: انت ميييين وعاااوز منى ايييه

حمدى: عاوزك معانا

تاليا: معاكو!! انت..انتو مين

حمدى: ملكيش دعوه احنا مين…احنا عاوزينك معانا مش برضو عاوزه تنتقمى من مروان علي اللي عمله فيكى

تاليا: وانتو عاوزين تنتقمو من مروان انتو كمان؟

حمدى: مش بالظبط كدا

تاليا: اومال ايه

حمدى: انا ماليش اقولك اكتر من انه بيضرنا ف شغلنا وكنا عاوزين نقرص ودنه حبتين وطبعا كنا عاوزين مساعده حد قريب منه وعارف عنه كل حاجه وطبعا بعد اللي عمله معاكى مش هنلاقي انسب منك وكمان حتى نساعدك تنتقمى منه انتى كمان

تاليا: وايه المطلوب منى

حمدى: تعرفينا كل حاجه عنه وبالاخص عن شغله وسيبي الباقي علينا احنا

تاليا واعجبت بالفكره: طيب واللي يقولك علي حاجه هتجيب مروان الارض او بالاخص هتبوظله حياته الجديده اللي بيرتبلها دلوقتى

حمدى بلهفه: ايه هى الحاجه دى

تاليا: تؤ افكر هكون معاكو ولا

حمدى: نص مليون جنيه ..هااا

تاليا: تؤ برضو هفكر

حمدى: مليون جنيه وتشتغلي معانا

تاليا: هو دا الكلام..طب انا عاوزه اعرف مين اللي وراك

حمدى: لا لا ياقطه ملكيش دعوه بحاجات الكبار انتى ليكى انك تشتغلي وتاخدى الفلوس اكتر من كدا ما يخصكيش والتعامل هيبقي معايا انا مااشي يامزه

تاليا بتوعد: ماااشي يا حمدى
*****************
وتقف السياره امام منزلها فتهبط منها وتذهب ناحيه المنزل لتسمع صوته من داخل السياره وهو يقول: مافيش حتى اتفضل ادخل ارتاح شويه من السكه ولا اى حاجه

لتنظر له: مانا كل مره بقول كدا والرد بيكون تعبان وعاوز اروح انام مش كدا
..طيب اتفضل اطلع ارتاح من المشوار

مروان: لا انا فعلا تعبان وعاوز انام ومش هقدر اطلع يلا سلام …وينطلق بالسياره مسرعا..فتقف مكانها مندهشه من تصرفه وكادت ان تبكى مثل الاطفال وترفص الارض بقدميها: هئ هئ رخم

لتخرج والدتها ف نفس اللحظه: هو مين دا اللي رخم يا حوريه ومخليكى ترفصي ف الارض زى العيال كدا

حوريه وهى تدخل المنزل: هيكون مين سي مروان هو ف غيره رخم ورزل كمان

لتسمع صوت والدها وهو ياتى عليها: ف واحده محترمه وبنت ناس تقول علي جوزها رخم ورزل كمان

لتنتفض حوريه من مكانها وعلامات الخوف علي وجهها: هاا بابا هو حضرتك هنا

سمير: اه هنا..تلاقيكى فكرانى لسه بره عشان كدا داخله تشتمى ف جوزك ولا حد همك

حوريه وتبتلع ريقها: لا يا بابا مش بشتمه ولا حاجه دا انا انا بهزر بس مش اكتر

سمير: طيب…اطلعى اوضتك فوق يلا هتلاقي فستانك اللي جوزك الرخم دافع فيه الشئ الفلانى

حوريه: طيب يابابا ..بعد اذنك

سمير:اتفضلي..وتصعد لغرفتها…بنتك دى مش هتجبها لبر ابدا ياناديه

ناديه: بنتك دى مافيش اغلب منها والله يا سميركفايه انها وافقت تتجوز واحد مش عاوزاه ولا بتحبه ف زمن مافيش واحده بتتغصب علي الجواز فيه

سمير: مالك يا ناديه انتى كمان اتعديتى منها ولا ايه

ناديه: ولا اتعديت ولا حاجه يا سمير..انا طالعه اوضتى

سمير: اتفضلي…….
*****************
عند مروان

هويدا: ها يا حبيبي عملت ايه

مروان بتعب: ااه يا ماما تعبت اووى بس الحمدلله خلصت كل حاجه
الفستان والاوتيل والبيوتى سنتر

هويدا: طب واستوديو التصوير يا حبيبي

مروان: لا دا من تخصص ياسين بقي انا تعبت

هويدا: طب وبدلتك ياميرو لسه ماجتش

مروان: ماتخافيش الواد يوسف كان عامل حسابه وجبهالي وهو جاى من لبنان وقالي دى للفرح

هويدا: بجد يا حبيبي يا يوسف..ربنا يفرحنى بيه هو وياسين ياارب

مروان: ياارب…انا طالع ارتاح بقي ياماما..بعد اذنك

هويدا: اتفضل ياحبيبي
************************
ليصعد هو غرفته ويبدل ملابسه ويتسطح علي السرير ويقول لنفسه: ااااه يا مروان وهتدخل القفص برجليك بس المره دى رسمى نظمى فهمى يامعلم وقدام اهلك وقدام النااس كلهاا..بس كان نفسي اكون بتجوز واحده بحبها مش واحده مجبور عليها ومجبوره عليا ياترى حياتى هتبقي عامله معاكى ازااى يا ست حوريه..ويتنهد بعدها..اما نشووف..ويذهب ف ثبات عميق
*****************

 

الحلقة 13

ويأتى اليوم الموعود للجميع ماعدا مروان وحوريه وتذهب بسنت لها منذ الصباح الباكر لتكون معها باقي اليوم

بسنت: رورو يارورو

حوريه: ياصباحك يابسبس مالك مبدره كدا ليه

بسنت:مبدره ايه يابنتى دى الساعه 10 دا احنا كمان متأخرين..المهم كلمتى مروان ولا لسه

حوريه باستنكار: وانا اكلمه ليه بقي ان شاء الله ما يكلمنى هو

بسنت: يابنتى مانتى لازم تكلميه عشان يجى يودينا الاوتيل ويكلم البيوتى سنتر يبعتلنا الفريق ده بلاش رخامه بقي ياحوريه

حوريه: اووف بقي يابسنت ..اقولك خدى كلميه انتى

بسنت: وانا اكلمه بتاع ايه بس هو جوزى ولا جوزك انتى

حوريه باصرار: انا مش هكلم حد..ها وادى قاعده اهى

بسنت مغلوبه علي امرها: امرى لله..هاتى ياتعبانى

حوريه: ايوه كدا يابسبس..خدى يا حبيبتى

وتمسك بسنت بهاتف حوريه وتضغط ازراره وتتصل بمروان..ليرن هاتفه بجانبه علي الفراش وهو ذاهب ف ثبات عميق ..ليدخل عليه يوسف وهو يهلل: ايه ياعريييس ناموسيتك كحلي ولا ايه..انت ياعم

مروان بنعاس: امممم سيبنى يا يوسف دلوقتى

يوسف: اسيبك ايه بس النهارده فرحك يابنى وقووم رد علي تليفونك ده مابطلش رن من بدرى

مروان بنوم: رد انت رد

يوسف: ارد ايه بس..دى حوريه مراتك يابنى..مرواان..انت يابنى….يخربيتك دا انت مش نايم دا انت ميت..اما ارد وامرى لله..الوو..حوريه

بسنت وتبعد الهاتف عن فمها وتقول لحوريه بصوت منخفض: حوريه الحقيينى دا يوسف اللي رد مش مروان

حوريه: يوسف..جتلك ع الطبطاب الله يسهله ردى ياختى ردى..وتغمز لها

بسنت بابتسامه: رخمه…وتضع الهاتف علي اذنيها وترد باستحياء ورقه: احم..الو..ايوه يايوسف انا مش حوريه انا بسنت

يوسف وتهللت اساريره: بسنت..اذيك يابسنت عامله ايه

بسنت: انا كويسه اذيك انت

يوسف: انا تمام…سورى يابسنت انا فكرتك حوريه

حوريه: لا حوريه ف التواليت وقالتلي اتصل بمروان عشان يجيلنا دلوقتى عشان نروح الاوتيل….طب هو ليه ماردش وادالك ترد انت

يوسف: مروان مين ..دا مروان مقتول بصحى فيه من الصبح والله..للاسف لسه نايم

بسنت: نايم!! لا يا يوسف مش هينفع صحيه لان ورانا حاجات كتير اووى لازم نعملها واليوم كدا هيضيع..بلييز يا يوسف صحيه دلوقتى بليييييز

يوسف بهيمان: يخربييت بلييز بتاعتك دى يا شيخه

بسنت بابتسامه: ها بتقول حاجه يا يوسف

يوسف: ها لا يابسبس اااا اقصد يااا يااا

بسنت بضحك: هههه ايه يا يوسف نسيت اسمى ولا ايه

يوسف بصوت منخفض: انتى اللي يكلمك ينسي نفسه يابسنت مش اسمك بس

بسنت بابتسامه: بتقول حاجه تااانى يا يوسف

يوسف: هاا لا لا مابقولش..خلاص يابسنت انا هصحى مروان دلوقتى يعنى ساعه بالظبط وهنكون عندكو

بسنت: هتكونو…هو..هو انت جاى مع مروان ولا ايه

يوسف: طبعااا مروان حبيبي ما اقدرش اسيبه ف اليوم ده ابدا ولا دقيقه

بسنت بابتسامه: مااشي مستنيااك اااا اقصد يعنى مستنينكم ما تتاخروش

يوسف بابتسامه: اوك…سلام

بسنت بهيمان: سلاام

حوريه وتشاورلها امام عينيها بيدها: هييييه ..ايه يا ست بسنت

بسنت وتفوق من سرحانها: هاا..بتقولي حاجه يا رورو

حوريه: لا بقول حاجات ياختى ..ايه وصله النحنحه اللي حصلت من شويه دى..بقي انا اقولك كلميه خليه يتنيل يجى تقومى تقعدى تتنحنحى وتتسهوكى ف الفون كدا

بسنت ببراءه: دا يوسف يا رورو

حوريه: مانا عارفه انه يوسف ياروح رورو..ايه يابسبس احنا طبينا ووقعنا ولا ايه النظام

بسنت: ايه طبيت ووقعت ايه بس..دا دا..دا يوووسف

حوريه: ييييييه يخربيتك يا يوسف خليت البت تعلق

بسنت: ههههههههه
*******************
اما عند مروان فكان يوسف يوقظه وهو لا يستجيب

يوسف: حراام عليك يابنى فرهدتنى قووم بقي

مروان: امممم

يوسف: امممممم لا انا هتشل فينك يا ياسين تنجدنى من اللي انا فيه ده

ياسين وهو ياتى عليه: مين بيستنجد بيا ..ياسين دايما جااهز

يوسف: ابن حلااال تعالي صاحبك مش راضي يقوم ومراته اتصلت بيه عشان يروح يوديها الاوتيل

ياسين: يا نهار ابيض هو لسه ماصحاش دى الساعه داخله علي 11

يوسف: شوفت بقي

ياسين: خلاص اوعى انت وسيبلي الطالعه دى بقي

يوسف: هتعمل ايه هترمى عليه مايه ولا هتفتح الشوبااك

ياسين: لالالا كل دى حاجات قديمه..استنى انت بس…ويخرج ياسين من الغرفه ويغلق الباب وفجأه يفتح الباب بسرعه جدا..مما ادى ذلك الي ان يوسف نفسه تفاجئ

ياسين بصوت عالي ويجرى ناحيه مروان وهو شبه باكى حيث انه كان ممثل بارع جدا: مرواان مرواان الحق يامرواان..وكان يوسف ف ذهول مما يحدث

مروان بذعر: اييه اييه ف اييه يا ياسين

ياسين ببكاء: الحق يا مروان عمو مجدى تعب تحت جدا وجبناله الاسعاف

مروان بخضه: اييييه بااااباااا..وينتفض من سريره بسرعه شديده جدا ويهبط للاسفل

يوسف: يا ابن اللعيبه ان اقسملك يا ياسين ان صدقت وكنت هنزل اجرى انا كمان علي عمو مجدى

ياسين: هههههه يا راااجل

يوسف: دا انت داهيه يا ياسين بجد

ياسين بغرور: عشان تعرف بس انى مش سهل

يوسف: ياشيخ اتنيل دا انت هتتنفخ من مروان لما يعرق بس استنى عليه

ياسين بخوف: اااااه اهو ده اللي ماعملتش حساابه
******************
عند مروان وهو يهبط الدرج بسرعه شديده وينهج ويبحث عن والده بعينيه

هويدا: مروان يا حبيبي اخيييرا صحيت

مروان بانفاس متقطعه: ماما..بابا ماله ياماما ف ايه

هويدا باستغراب: ماله بابا يامروان بابا زى الفل وجوه ف اوضه المكتب

مروان: ازاى!! دا ياسين قالي انه تعب وجبتوله الاسعاف

هويدا: ههههههه يخربعقلك يا ياسين هو عملها فيك تلاقيه كان عاوز يصحيك ومالقاش غير الطريقه دى اللي يصحيك بيها

مروان وينظر امامه بشر: بقي كدا يا ياسين الكلب طب والله لاتشوف…ويصعد له بسرعه شديده جدا وهو يزفر ويدخل غرفته ليجد يوسف بمفرده

مروان: هو فييين

يوسف باستعباط: هو ميين

مروان: انت هتستعبط انت كمان فين سي ياسين

يوسف: اااااااه ياسين..مااعرفش

مروان: ماتعرفش مااشي يا يوسف انا هدور عليه بنفسي..واخذ يبحث عنه ف انحاء الغرفه وف المرحاض واسفل الفراش لا يوجد له اى اثر..هرب الكلب

يوسف: هههههه خاف لا تنفخه

مروان: هنفخه بس دا انا هطلع عينه

يوسف: يا عم انت اللي طلعت عنينا كلنا..حرام عليك يامروان احنا اتاخرنا اووى ومراتك زمانها هى كمان مستنياك وانت اتاخرت عليها

مروان: وانت عرفت منين انها مستنيانى

يوسف:دا انت مش هنا خالص ..ماهى اتصلت يابنى الصبح وانت نايم وانت قولتلي رد عليها فارديت ولحسن حظى طلعت بسنت

مروان: اه يعنى حتى لو كنت رديت انا كنت هكلم بسنت..كمان مش طايقه تكلمنى..ماشي ياست حوريه انتى كمان لازم يطلع عينك

يوسف: يارااااااجل

مروان: اوماااااااال

يوسف: طيب قوم البس بقي عشان نروحلهم

مروان: نروحلهم!! هو سيادتك جاى معايا ولا حاجه

يوسف: طالما بسنت جايه انا كدا راشق ف اى حاجه معاك

مروان: يا رااااااجل

يوسف: اومااااااال

مروان: طااااايب…ويدخل المرحاض يغتسل ويتجه ناحيه دولابه لياخذ ملابسه وما ان فتحه حتى وجد ياسين بداخله ويبتسم له ابتسامه واسعه

ياسين: حبييييبي فينك بدور عليك مش لاقيك

مروان: اهلااا اهلااا اذيك يا ياسين بتدور عليا ف الدولاب يا ياسين…بتعمل ايه هنا يا ياسين

ياسين: انا عارف انى لو حلفتلك دلوقت انى مستنيك تلاقينى مش هتصدقنى

مروان: لا لا يا حبيبي وانا اكدبك برضو….دا انت ليلتك سوووده يا ياسين

ياسين بخوف: يامااااا

يوسف بضحك: خلاص بقي يامروان عشان خاطرى معلش

مروان: يا يوسف انا قطعت الخلف بسببه يايوسف

ياسين ويغمز له: يعنى مش هتشرفنا النهارده ولا ايه ياميروو

مروان: دا انت فشرت يااض انت ناسي انى كنت متجوز قبل كدا ياض ولا ايه

ياسين: لا ياعم مانستش ..وانجز بقي اليوم كله هيروح بسببك

مروان: قولنا طااااااايب
*****************
وبعد وقت كبير من ذلك الوقت الذي وعد فيه يوسف بسنت بأن سيذهبو لهم خلال ساعه واحده فقط

حوريه: شوفتى يابسنت شوفتى

بسنت: شوفت ياختى شوفت

حوريه: طوول عمره قليل الذوق

بسنت: اخص عليك يا يوسف

حوريه: قال ساعه واحده..ونلبس ونستنى ويمر 3 ساعات ومحدش يجى

بسنت: لا اخص عليك يا يوسف بجد

حوريه: انتى كل اللى هامك يوسف هو مين اللي هيتجوز فيهم العيب علي التانى يوسف مالوش دعوه

بسنت: بجد طب خلاص…مش اخص عليك يا يوسف بجد

حوريه بغل: يااااااااااارب انت عارفهم

اما بسنت فكانت تكتم ضحكاتها بشده

حوريه: اضحكى ياختى هتموتى مكتومه

بسنت: ههههههههههههههه

لتصعد ناديه لهم

ناديه: يارب كملها بالخير يارب صوت ضحككم وصلنا تحت..ايوه كدا ربنا يهديكى ياحوريه ياحبيبتى وتضحكى علي طوول

حوريه: ماما بسنت اللي كانت بتضحك مش انا

ناديه: يووه يا حوريه دايما بتفصلينى كدا اهو

بسنت: ههههههههههههه والله يا طنط انتى اللي دايما بتفصلينى من الضحك

ناديه: طيب ياختى انتى وهى قومو بقي وانزلو يلا مروان ويوسف ابن عمه تحت مستنينكم

وتقف بسنت وبفرحه: ايه يووسف جه تحت

وتنظرلها حوريه بطرف عنيها وهى جالسه مكانها ولم تتحرك: اهدى يامعلم اهدى شويه مش كدا

ناديه: والنبي ف دكتوره تقول معلم والكلام اللوكال ده

بسنت: بنتك يا طنط من يوم ما اتخطبت لمروان غصب عنها وهى برج من عقلها طار

حوريه: اه والله يا بنتى

ناديه: طب يلا بقي بلاش دلع انزلو الناس مستنينكو تحت

بسنت: طيب انزلي واحنا جايين وراكى علي طول هتلاقينا ف ديلك عدل

ناديه: ف ديلي!! عوض عليا عوض الصابرين يارب البت وصحبتها ضربو باين

حوريه وبسنت: ههههههههه

وينزلو بعدها ليجدو مروان ويوسف ف انتظارهم

بسنت: ايه يايوسف كل ده ساعه

يوسف: معلش يابسنت عما البيه صحى بقي

حوريه: وانت كنت كمل نوم وبلاها جوازه الهم دى وخلاص بدل ماتسبنا ملطوعين كل ده

مروان: بقولك ايه انا مش ناقص والله ويلا بينا وخلي اليوم يعدى علي خير ممكن

حوريه: اووف يلااا

وذهبو جميعا واستقلو السياره حوريه بجانب مروان ف الامام وكل منهم ف وادى ويوسف بجانب بسنت ف الخلف وكانو يتحدثون سويا ويضحكون……..واخيرا وصلو الاوتيل وصعدت العروس لغرفتها مع صديقتها وجاء العامل بفستان الزفاف وبعدها ياتى لها فريق التجميل وبعد ساعات وساعات تخرج حوريه من تحت ايديهم ملكه متوجه فلا اجد كلام يصف مدى جمالها وبرائتها فكانت ملكه حقا بتاجها الذي يزين حجابها الابيض ..اما بسنت فكانت ترتدى فستان رقيق للغايه وكان باللون البينك وحجابها بتاجها الذي يجعلها هى الاخرى جميله

بسنت: حوريه

حوريه: ايه يابسنت ف اييه

بسنت: حوريه والله لولا انى بنت لا كنت انا اللي اتجوزتك

حوريه: هههههههه مش للدرجه دى يا بسبس

بسنت: لا للدرجه دى ونص..انتى تحففه يا حوريه بجد

حوريه بكسوف: ميرسي يابسبس…رنى بقي عالبيه خليه يجى

بسنت: مامعاييش رقم مروان لكن هرن علي يوسف

حوريه: يوسف!! اممم وده اخدتى نمرته امته ده

بسنت: ها لا ابدا يارورو دا واحنا ف العربيه بدلنا ارقامنا عشان يعنى ابقي اتصل بيه لما نخلص

فتبتسم حوريه وتمسك بوجه بسنت: تعرفي يا بسبس انا فرحانه ليكى اووى حاسه انك بتميلي ليوسف وهو كمان واكيد مع الايام كل ده هيتحول لحب واكيد نهايته الجواز وكل اللي هاممنى من كل ده انكو لو اتجوزتو هتكونو متجوزين عن حب ومبصوتين مع بعض ..وتنظر امامها بتأثر..ومش مغصوبين علي الجواز من بعض

بسنت: ربنا يخليكى يا حوريه…بس ياريت ماتعكريش علي نفسك يوم فرحك يا حبيبتى وانسي اللي بتفكرى فيه ده وافرحى

حوريه بسخريه: افرح!! ..حاضر هفرح اهو..اتصلي بس انتى بيوسف يلا..الفستان تقيل اووى

بسنت: اوك…وتتصل بيوسف ويرد عليها: الوو…ايوه يا بسنت..لا خلاص خلصنا..لا كلهم راحو الاوتيل لسه بس انا وياسين ومروان هنخرج دلوقتى ..اوك ..باى

ياسين: ايه العروسه مستعجله ولا ايه هههههه

مروان وهو يضبط البيبيون: ولااا اتلم

ياسين: من عينى يا برنجى..بس انجز انت بس

مروان: خلاص خلصت…ايه رايكو ياولاد انفع عريس

يوسف: تنفع..دا انت تنفع ونص..بس يلا خلصنا

مروان: خلاص يلا بينا

ويخرجو ويستقلو سيارتهم ويذهبو للاوتيل ويصعدو لغرفه حوريه وما ان رأها الجميع حتى شهق من جمالها

بسنت: اتاخرتو ليه

يوسف: معلش بقي الدنيا كانت زحمه

حوريه: وما خرجتوش بدرى ليه شويه بدل مانا مستنيه من بدرى بالفستان التقيل ده

مروان: الخلقه دى مش لايقه علي اللغه دى ابدا ياربي

حوريه: بتقول حاجه يا مرواااان

مروان: لا ابدا…اتفضلي حطى ايدك

حوريه: احطها فيييين؟

مروان: هتحطيها فين يعنى..حطيها ف ايدى عشان ننزل

حوريه: اووف طيب

يوسف لبسنت: ماتيجى انا وانتى تحطى ايدك ف ايدى عشان ننزل بقي وكدزه

بسنت بكسوف: ها..هو هو ياسين صاحبكو ده فين

يوسف: اممممم..بنهرب يعنى مااشي ..ياسين راح لريناد اول ما شافها استندل وسابنا وراحلها

بسنت: بيحبها

يوسف: بيموووت فيها زى ناس اعرفها

بسنت بكسوف: احم..حوريه استنى ياحبيبتى جياااالك

يوسف بضحك: وراك ورااك لحد الشلالات هتروحى منى فين يعنى

ويهبطو الجميع وحوريه تتأبط ذراعى عريسها وهما ف قمه الرقه والجمال ويدخلون القاعه علي صوت سامى يوسف (اللهم صلي علي سيدنا محمد وعلي اله وصحبه وسلم)

وكان الجميع فرح لهم للغايه ويذهبو ويجلسو ف الكوشه ويأتى الجميع ليسلم عليهم وتأتى ميعاد رقصه الاوسلو وكانت علي انغام رامى جمال وهو يقول

اوعدينى
لو زعلتى مره منى تعرفينى لو جرحتك غصب عنى تحسسينى ماتشيليش جواكى حاجه احكى ليا كل حاجه لما هفهمها هبقي احسن صدقينى
اوعدينى
لو نسيت ياحبيبتى نفسي تفوقينى لو خدتنى الدنيا منى ترجعينى لو ف لحظه زاد غرورى اشتكى لومى وثورى بس اوعى ف يوم تروحى وتسبينى
انتى قلبي وانتى روحى وانتى عينى حد عايز اعيش معاه لاخر سنينى انتى بالنسبالي مش حب ف حياتى انتى كل حياتى فعلا افهمينى
اوعدينى
لو ف يوم الخوف ملكنى تطمنينى لو ذكائي ف مره خانى تفهمينى لما اقسي ف يوم تحنى واما اغلط غصب عنى قبل ما اغلط غلطه تانيه تلحقينى
اوعدينى
لو يبيعنى الكون بحاله تشترينى تبقي اقرب منى ليا تكملينى تبقي اختى تبقي امى تجرى فيا جوه دمى لما اكون تعبان تضمى وتداوينى
انتى قلبي وانتى روحى وانتى عينى حد عايز اعيش معاه لاخر سنينى انتى بالنسبالي مش حب ف حياتى انتى كل حياتى فعلا افهمينى

وكانو ينظرون لبعضهم من حين لاخر لان كلمات الاغنيه لا تتطابق معهم بالمره .. حتى انتهت الرقصه وذهبو يجلسو ف الكوشه حتى دخل عليه اخر شخص يتوقعه: مبرووك ياعرييييييييس

وينظر له مروان وهو مندهش: لااااااااا مش معقووول …..عز!!!!!!

عز ابن خالة مروان: ايوه عز ..يعنى يبقي فرح ابن خالتى واخويا وانا مااكونش موجود

ويقوم مروان من مكانه ويحتضنه بشده: حبيبي يا عز واحشنى والله

عز: انت اكتر يا مروان والله….وينظر لحوريه: مبرووك يا عروسه

حوريه: الله يبارك فيك

عز: بس مش تعرفنا يا عز

عز وهو يشاور علي فتاه بجانبه: اه دى انجيلينا……….مرااتى

مروان: مرااتك!!..انت اتجوزت ياعز!

عز: يعنى عاوزنى طول السنين اللي فاتت دى ابقي عايش ف المانيا وما اتجوزش..لا عيب عليك يا رااجل

مروان بوجه متجهم: ودى بتتكلم عربي زينا كدا ولا ايه

عز: يعنى مكسر شويه..باركيلهم علي جوزاهم يا انجيلينا

انجيلينا: مبروك يا أريس …مبروك يا أروسه

مروان: الله يبارك فيكى

حوريه: الله يبارك فيكى

عز: يلا ياعم اما اروح اسلم علي خالتى وحشتنى ماشوفتهاش من سنين..دا انا جاى من المطارعلي هنا علي طوول

مروان: ماشي ياعز

ويذهب عز من امامه وبعدها يمتقع وجه مروان فتلاحظه حوريه وتود ان تسأله ولكن كبريائها يمنعها ولكن ايضا سوف ينتصر الفضول علي الكبرياء ف النهايه وتسأله: ماالك..اول مامشي ابن خالتك بوزت ليه

مروان: مافيييييييش

حوريه: امممم ماشي..اما بداخلها فكانت ستنفجر وتود ان تعرف مااذا حل به

وذهب عز وانجيلينا وسلمو علي هويدا ومجدى ويوسف وياسين وجميعهم امتقع وجههم حين رأو انجيلينا مع عز

وجاءت اللحظه الحاسمه حينما رأى عز سهيله مع صديقتها فذهب لها هو وانجيلينا

عز بابتسامه واسعه: سهيله

سهيله باندهاش وصدمه: ايه ده..عز!!!

عز: وحشتيينى ياسهيله

فقفز قلبها من مكانه حين رؤيته فانه الحبيب الاول والاخير وحب العمر كله ولهذا السبب امتقع وجه الجميع حينما علمو بزواج عز لانهم علي معرفه بحب سهيله له منذ الصغر

سهيله: مش مصدقه انك هنا..طب ازاى وامته

عز: بالراحه ياسوسو…انا هقولك انا لما عرفت ان مروان هيتجوز حاولت احجز واجى بدرى عن كدا لكن للاسف مالحقتش كانت كل الطيارات كومبليت بس ومالقتش غير طياره ف الوقت ده قولت مش مشكله المهم الحق الفرح وخلاص

سهيله:كويس انك عملتها..انت وحشتنى اووى ياعز اوووى

عز: وانتى كمان ياسهيله

سهيله باستغراب: بس هى مين دى صحيح يا عز

عز: اه دى انجيلينا

سهيله: اه اهلا وسهلا..انجيلينا مين بقي

عز: مراااتى ياسهيله
*********************

———–———-———————-————

ونكمل في الحلقات القادمة ماتنسوش تعلقوا علي الحلقة في صفحة مدام طاسة والست حلة

 الى اللقاء في الحلقات القادمة

بقلم الكاتبة:سارة مجاهد

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى