مسلسل زواج بالإكراه (العنيده والمغرور) الحلقة 14و15و16
الحلقة 14
سهيله بصدمه شديده: مرااااااتك!!
عز باستغراب: ايوه مراتى يا سهيله ف ايه
سهيله بحزن ظهر علي وجهها: انت اتجوزت ياعز
عز: ايوه ودى انجيلينا مراتى..ويوجه كلامه لانجيلينا..دى سهيله بنت خالتى يا انجيلينا اخت العريس
انجيلينا: اهلا وا سهلا..اذيك سهيله
سهيله بحزن: كويسه..نورتى مصر
انجيلينا: ميرسي
عز: طيب يا سهيله بقي بعد اذنك هنروح نقعد نرتاح لاننا يدوب جينا من المطار علي هنا علي طول
سهيله: اوك…اتفضلو..وذهب حبييب العمر
صديقه سهيله(رنا):سهيله
سهيله: نعم يا رنا
رنا: مالك يا حبيبتى
سهيله وتنظر لها بحزن شديد: مش عارفه مالي يا رنا
رنا: انا حاسه بيكى يا حبيبتى والله…وعشان كدا عاوزاكى تنسيه خااااالص
سهيله: ازاى بس يارنا ازاى
رنا: هو اهو ياسهيله شاف حياته واتجوز وانتى ولا انتى ف باله خالص يبقي نشوف حياتنا بقي ومانفكرش فيه
سهيله بدموع: تفتكرى هقدر انساه بالسهوله دى يا رنا دا حب العمر كله ازااى هقدر انسي عز دا عز يارنا عارفه يعنى ايه عز
رنا: عارفه ياسهيله عشان كدا بقولك انسيييه دا واحد اتجوز وخلاص هتقعدى تحبي ف واحد متجوز يا سهيله
سهيله ببكاء: اكيد لا بس اعمل ايه غصب عنى يارنا غصب عنى..عمرى ما اتوقعت انه هيتجوز وينزل بيها مصر كمان
رنا: خلاص اهدى يا حبيبتى وامسحى دموعك دى مروان اخد باله وشاورلي..عشان خاطرى كفايه بقي
سهيله وهى تجفف دموعها: خلاص يارنا..يلا تعالي نروح نشوف مروان وحوريه
رنا: يلا يا حبيبتى
عند ياسين وهو يداعب ريناد
ياسين وهو يمسك خدودها بطريقه طفوليه: ايه الحلاوه دى ياناس حبيبي حلو اووى يا ناس هموت عليه والله ياناس
رنا بضحك: يا ياسين كفايه بقي الناس بدات تبص علينا وتضحك
ياسين: طز فيهم مايهمنيش الناس انا اللي يهمنى واحد بس هو اللي ف الحته الشمال ومستربع كمان
ريناد: بجد يا ياسو
ياسين: الله يرضي عليكى بلاش ياسو دى بتفكرنى بجينا
ريناد: جينا مين..لا خلاص بلاها ياسو..خلينا ف سينو احسن
ياسين: ايوه بقي هو دا الكلام
ريناد: ماشي يا سينو
ياسين: بقولك ايه ياروح سينو
ريناد: نعم ياحبيبي
ياسين: انا ريقي جرى انتى ماجراش
ريناد بضحك: ههههه هو ايه اللي جرى وماجراش يا سينو انا مش فاهمه حاجه
ياسين: مش هتاخديلي معاد بقي مع الحاج والحاجه عاوزين نبل الشربات يا ناااس
ريناد بفرح: بجد يا ياسين خلاص عاوز تيجى تقابل بابا
ياسين: اومال هقابل الجيران مثلا..طبعا هقابل بابا وماما ولو عاوزه هقابل تيته وجدو وعمو وجوز بنت اخت عمه خالتو..اقابل العيله كلها ..ويغمز لها..المهم ادبس فيك يا جميل
ريناد: هههههههه انت فظيع ياسينو…بس بموت فيك والله
ياسين: مش قدى والله..قوليلي بقي هتاخديه امته
ريناد: استنى هقول لبابا واخليه يحددلك معاد وهقولك عليه
ياسين: وانا ف انتظاره علي احر من الجمر
ريناد برومانسيه: بحبك
ياسين: وانا بعشق امك
ريناد: ههههههه مجنون
******************
اما عند يوسف وبسنت كانت بسنت تتحدث ف الهاتف خارج القاعه وكان يوسف يبحث عنها ولم يجدها وما ان لمحها ذهب لها وكانت هى تنهى هذه المحادثه
يوسف: بسنت بتعملي ايه هنا
بسنت: لا ابدا..كنت بتكلم ف الفون وكنت داخله علي طول
يوسف: اصل دورت عليكى كتير ومالقتكيش فا قلقت عليكى
بسنت بابتسامه: دورت عليا وكمان قلقت عليا
يوسف: ها..لا اه يعنى مش لاقيكى فاقولت ياترى راحت فين لحد ما لمحتك……وجتلك
بسنت:هههههه طب كويس انى ماتوهتش ولقتنى علي طول…طب لو ماكنتش لقتنى خالص كنت هتعمل ايه
يوسف بابتسامه حب: كنت هتجنن
بسنت باستغراب: تتجنن!! يوسف هو ف ايه
يوسف: فيه انى بحبك يابسنت
بسنت باندهاش وفرحه تخفيها: معجب بيا يعنى..
يوسف: تؤ تؤ بحبك…عندك ماانع
بسنت: انا..انا اتفاجئت
يوسف: اتفاجئتى!! امممم مع انى شاكك ف اتفاجئتى دى بس هعديها..ممكن بقي اسال سؤال
بسنت: اكيد اتفضل
يوسف: مشاعرى من نحيتك متبادله بينا ولا هى من نحيتى بس
بسنت: …………
يوسف: ماردتيش يابسنت
بسنت: يوسف انا..انا..
يوسف: خلاص خلاص ردك وصلنى يابسنت..انا اسف انى ازعجتك وياريت تنسي كل اللي قولتهولك وتنسي انك عرفتى حد اسمه يوسف خاالص ولو شوفتينى ف اى مكان صدفه ولا كأنك شوفتينى واعتبري ان مروان مالوش ابن عم اسمه يوسف اقولك انا هرجع لبنان تانى خلاص واستقر هناك اقولك كمان وهتجوز من هناك زى عز اه ماهو بنات لبنان يجننو برضو والاقي واحده تبادلنى نفس شعورى نحيتها مش تقولي انا انا..خلاص يابسنت انا ماااشي بعد اذنك
بسنت مذهوله ممايحدث: يوووووووووووسف
يوسف: نعم
بسنت: يخربيييييتك يايوسف ف ايه انت ماصدقت
يوسف بتمثيل: ردك وصلنى يابسنت وانا عندى كراامه وكله الا كراامتى
بسنت: ردى ايه يابنى انت انا لسه مافتحتش بوئي اصلا
يوسف: اوماال ايه انا انا دى انا عارف اللي كنتى هتقوليه..انا انا اسفه يايوسف انت مافيش فيك عيب واى بنت تتمناك بس انا قلبي مش ملكى وفيه ف حياتى حد تانى ربنا يسعدك مع واحده غيري مش كدا
بسنت: ايه ده يايوسف انت بتتفرج علي افلام كتيير اووى
يوسف: الصراحه اه…ويقول بخبث..طب انتى كنتى هتقوليلي ايه
بسنت بكسوف: كنت هقولك ان انا ..انا انا كمان بقي وكدا
يوسف: وضحى لو سمحتى
بسنت: يايوسف بقي..بص انا كمان بحبك
يوسف: ماتقولي كدا من الصبح ياشيخه..وعالعموم انا كنت عارف انك هتقولي كدا بس حبيت اعمل عليكى الفيلم ده
بسنت: كدا اخص عليك يايوسف
يوسف: مانتى عماله تقولي من الصبح انا انا ومابتقوليش حاجه يابسنت
بسنت: مكسوفه يا يوسف
يوسف: ياخرابي عليه لما بيتكسف ياناس بتبقي حلوه اووى
بسنت: ميرسي
يوسف: يخربيت ميرسي بتاعتك دى هتجننى
بسنت: هههههه بص بقي ياجو
يوسف: نعم يا حياتى
بسنت: من النهارده انت بتاعى انا ومش بتاع اى حد تانى يعنى تبص كدا ولا كدا هطلع عينك ياقلبي مفهوووووم
يوسف: مالك يابسبس قلبتى كدا ليه ما احنا كنا حلوين
بسنت: هااااا
يوسف: ماهو انا اللي جبته لنفسي..ماشي يابسبس
بسنت بابتسامه: ماشي ..يلا ندخل جوه بقي
يوسف: يلا بينا
*********************
ونعود لمروان وحوريه وهما ف الكوشه صامتان لا يتكلمان
حوريه: مش يلا بقي انا زهقت
مروان: يلا ايه احنا ماكملناش ساعتين
حوريه: انا مش واخده علي الدوشه وكمان انا بحب انام بدرى
حوريه: مش واخده علي الدوشه وبتحبي تنامى بدرى!! مش ملاحظه ان ده فرحك ولا انا بتهيألي
حوريه: وايه يعنى فرحى ..هو فرحى هيبوظلي نظامى ولا ايه
مروان: لا سمح الله اكيد طبعا لا…بصي لينا بيت نتكلم فيه اما نروح
حوريه: ومين قالك انى هروح معاك انا هروح علي بيتنا احنا
مروان بغضب: نعم…تروحى علي فين ياماما سمعينى تانى كدا انتى قولتى ايه
حوريه وبدأت تخاف: ايه..بقول هروح علي بيتنا اصل مش بعرف انام ف مكان غير ف اوضتى وسريري
مروان: معلش تعالي علي نفسك شويه وانتى هتاخدى علي المكان الجديد
حوريه بغضب: طيب
ويأتى عليه ياسين ويوسف ووجههم لا يبشران بالخير
ياسين: ثوانى يامروان كدا عاوزينك ف كلمتين
مروان: خير يا ياسين ف حاجه
يوسف: ثوانى يامروان وارجع تانى
مروان: مااشي..وذهب معهم
ياسين ويعطيه ورقه: اتفضل يامروان
مروان: ايه ده
يوسف: واحد جاب الورقه دى واداها لعامل هنا وقاله يوصلهالي وادهالك
مروان:طيب وماعرفتوش مين اللي جاب الجواب ده
ياسين: للاسف لا
مروان: طب ورينى..ويفتح الورقه ويجد بداخلها جمله واحده فقط (اللعب هيبتدى ياكبييرافرح واتبسط وعاوزك ترفع راسنا النهارده عشان اللي جاى هيبقي تقيل هههههه)
امضاء…المجهوول.
مروان وهو يغلق الورقه: ودا معناه ايه بقي
يوسف: مش عارف
ياسين: انا شاكك يامروان ان اللي بعت الجواب ده صاحب الشركه اللي خلتنى اسأل عليها ماهو انت مالكش اعداء غيره
مروان: قصدك عبدالله المنشاوى؟
ياسين: تؤ..الراس الكبيره
مروان: معقول!!
ياسين: ليه لا
يوسف: وليه ماتكونش تاليا وهى اللي عامله الفيلم ده عشان تنتقم
مروان بحيره: جايز برضو
ياسين: بقولك ايه سيبك من كل الهرى ده وركز ف فرحك وارجع لعروستك احنا حبينا بس نعرفك باللي بيحصل عشان يكون عندك خلفيه
مروان: مااشي..بقولكو ايه لمو الليله بقي انا صدعت وعاوز اروح
ياسين ويغمز له: صدعت برضو يا لئييييم
مروان: دا انت دماغك ف التراوه ومابتفكرش غير ف الحاجات الشمال ياياسين
ياسين: اومال هفكر ف ايه ياميرو ف الحاجات اليمين مثلا ههههههه
مروان: يوسف خده من هنا..هتشل
يوسف: ههههه حاضر روح انت يلا لحوريه واحنا هننهى الليله..وبالفعل ذهب مروان لحوريه وبلغها بأنهم علي وشك الخروج من القاعه..وانهى ياسين ويوسف الليله..وخرج العرسان واستقلو سيارتهم وذهبو الي فيلا العوامى وباقي السيارات ورائهم مع كلكسات السيارات المعتاده ف ليالي الزفاف..وتقف جميع السيارات امام الفيلا ويهبط منها الجميع ويذهبو لمروان وحوريه ليسلمو عليهم
سمير: مروان خلي بالك من حوريه حطها ف عنيك
لينظر لها مروان: اطمن ياعمى..دى ف عنياااا
ناديه: خلي بالك من نفسك يا حوريه وخلي بالك من مروان هو بقي جوزك دلوقتى يا حبيبتى حطيه ف عنيكى وعيشي حياتك بقي يابنتى
حوريه: ان شاء الله يا ماما
ويذهب بسنت ويوسف لهم
بسنت: رورو يا رورو هتوحشينى اهئ اهئ
حوريه: وانتى كمان يابسبس هتوحشينى اووى
بسنت: خلي بالك من نفسك ياحبيبتى ومن مروان هههههه
حوريه: غورى يابسنت من وشي دلوقتى
بسنت بضحك: هههه حاضر
يوسف: مبروك ياعريييس عاوزك ترفع راسنا بقي
مروان: اتلم يااض
يوسف: وانا قولت حاجه ياعمونا
اما ياسين وريناد
ريناد: مبرك يا استاذ مروان مبروك يادكتوره حوريه
حوريه: الله يبارك فيكى
مروان: الله يبارك فيكى ياريناد..بس بقولك ايه بلاش استاذ مروان بره الشغل انتى هتبقي مرات اخويا يعنى ماينفعشي بصي خليها مروان وجوا الشغل مشيها استاذ عادى..اوك
ريناد بابتسامه: اوك
ياسين: ياسلااام هو ف كدا احبيبي امروان
مروان: عقبالك ياسينو
ياسين: يسمع من بوئك ياميروو
وينتهى الجميع من السلامات والمباركات ويذهب كل منهم ف طريقه ياسين مع ريناد ويوسف مع بسنت وسمير مع ناديه..ويصعد العرسان مع مجدى وهويدا وسهيله
مجدى: الف مبروك ياولاد
مروان وحوريه: الله يبارك فيك
هويدا: نورتى بيتنا ياحوريه
حوريه: بنورك ياطنط
سهيله بوجه عابس: مبروك ياحوريه مبروك يامروان ..بعد اذنكو انا طالعه اوضتى..فتتركهم وتذهب من امامهم وينظرو جميعهم لبعض ويفهمو ماتعانيه سهيله ماعدا حوريه فكانت لم تفهم شئ
مروان: طيب يا بابا بعد اذنك بقي احنا هنطلع لاننا هنموت من التعب
مجدى: اطلعو يا حبايبي يلا ارتاحو
مروان: ماشي يابابا…بعد اذنكو….يلا ياحوريه
حوريه: اوك..بعد اذنكو
مجدى وهويدا: اتفضلو
فيصعد مروان وحوريه الي غرفتهم ويقفو امام الغرفه ويفتحها مروان ويدخل اما حوريه فتظل واقفه مكانها بلا حراك
مروان باستغراب: مالك واقفه كدا ليه ماتدخلي
حوريه خائفه: ها لا مش عاوزه ادخل
مروان: اومال هتفضلي واقفه كدا ..هتنامى عالواقف يعنى
حوريه: ها اكيد لا
مروان: طيب ادخلي
حوريه مغلوبه علي امرها: طيب….وتدخل الغرفه وتنبهر منها لانها بالفعل كانت جميله وكانت اول مره تراها فتناست خوفها من مروان وسرحت ف جمال الغرفه وروعه تصميمها
حوريه: الله..الاوضه شكلها حلو اووى..هو مين اللي كان واقف مع مهندس الديكور
مروان: ياسين..بس تصدقي الواد ده طلع بيفهم بجد
حوريه: اه فعلا…وبعدها تنتفض من مكانها….ايييييه ده انت بتعمل ايه
مروان: اييه هغير هدومى
حوريه: لالالالالالالالالالالالالالالالالالالالا
مروان: ايييه ف ايييييييه انتى علقتى
حوريه وتضع يدها علي عينيها: لالالالالالالا مش قدااااامى
مروان: اومال هغير فين يعنى
حوريه: ادخل الحمام وغير فيه
مروان: مع انى ما بحبش البس هدومى ف الحمام بس امرى لله حاضر..واخذ ملابسه ودخل المرحاض واخذ دشا باردا وارتدى ملابسه وخرج ليجدها
جالسه علي طرف السرير ويدها تحت وجنتيها وهى بفستان الزفاف
مروان: مالك ياحوريه..مالك قاعده حاطه ايدك تحت خدك كدا وعامله زى المطلقين
فتلتفت حوريه له لتوبخه لتندهش من ملابسه فلاول مره تراه بملابس المنزل كان يرتدى برموده سوداء وعليها تيشرت ابيض بنصف كم كان جميلا فيهما فاستحت ان تنظر له ثانية
مروان: مالك متنحالي كدا ليه….اه عشان اول مره تشوفينى بلبس البيت يعنى
حوريه بكسوف: يعنى
مروان: طب تعالي بقي
حوريه باندهاش وخوف: هااا اجى فيييين
مروان: تعالي اما اساعدك واقلعك الطرحه
حوريه: لالالالالا شكرا هقلعها انا
مروان: طب والفستاان
حوريه بخوف: مااااااااااااله
مروان: هتعرفي تقلعيه لوحدك برضو
حوريه: اااه ااه هعرف
مروان: طاااااااايب…ويتجه ناحيه الفراش ليستريح عليه
حوريه: ايه ده انت رايح فين
مروان: ايه هريح شويه عما تخلصي
حوريه: طيب اتفضل اخرج بره عشان عاوزه اغير هدومى
مروان بعند: لا ادخلي الحمام وغيري
حوريه: مش هعرف
مروان لاغاظتها: لا اعرفي زى مانا عرفت
حوريه: اووف طيب…وتتجه ناحيه الخزانه لتخرج ملابس ترتديها فتجد كل ماهو قصير وعريان..فتقول لنفسها..يانهار اسود ايه الهدووم دى الا مافي حاجه محترمه الواحد يلبسها اعمل ايه ياربي.. وكادت ان تبكى وظلت تبحث حتى وجدت ملابس محتشمه نوعا ما
(بيجامه ستان ثلاث قطع لونها اوف وايت)فتأخذهم وتدخل المرحاض وتأخذ وقتا طويلا حتى تخلع فستانها وطرحتها وبعدها تأخذ حماما باردا وترتدى البيجامه وتترك شعرها متناثر علي وجهها وظهرها..فتخرج من المرحاض وهى محرجه للغايه فلاول مره تظهر امام مروان هكذا..فينظر لها مروان وهو مندهش فاهو الاخر لاول مره يراها بملابس المنزل وبشعرها حيث انها كانت جميله ورقيقه حقا
فتخرج وتجلس علي الاريكه المقابله للسرير وتنظر لاسفل
مروان: حوريه
فترفع حوريه وجهها له: نعم
مروان: انتى قاعده عندك بتعملي ايه ماتيجى هنا
حوريه بزعر: لالالالالا
مروان: ف اييييييه مالك هو السرير بيكهرب ولا ايه
حوريه: لا مش بيكهرب بس انا هاجى عليه اما انت تقوم من عليه
مروان: طب انا مش قايم من عليه النهارده بقي
حوريه: خلاص يبقي انا هفضل عالكنبه كدا
فيقوم مروان من مكانه ويتجه ناحيتها فتخاف حوريه منه وتقف وترجع للوراء وهو يقترب منها
حوريه بخوف: هو ف ايه انت عاوز منى ايه
مروان: هكون عاوز ايه يعنى هى النهارده مش دخلتنا ولا ايه
حوريه: يعنى اييه
مروان: اظن انك دكتوره وواحده كبيره وناضجه وعارفه ايه اللي بيحصل ف الليله دى بالظبط
حوريه: لا يا مروان انسي اللي انت بتفكر فيه ده خااالص
مروان: ليييييه
حوريه: عشان جوازه الغصب ماينفعش تكون غير عالورق وبسسس
مروان: انتى بتتكلمى جد
حوريه: اومال بهزر
مروان: يعنى احنا هنعيش مع بعض كدا
حوريه: ايوون اخواااات
مروان: لحد امته
حوريه: لحد الاخرر
مروان: نعم ياااختى
حوريه ببرود: هوو ده
مروان بغضب: انتى باارده ومستفززه و…ويرن بعدها هاتفه لينظر فيه ليجده رقما غريبا فيرد عليه: الوو…ايوه……….انتى!!!!!!
******************
الحلقة 15
مروان: الوو..ايوه……….انتى!!..وينظر لحوريه ليجدها ترفع احد حاجبيها له فيكمل كلامه..اه اذيك يا تاليا..عامله ايه
تاليا: ها يا عريس اخبارك ايه كله تمام
مروان: لا خلاص ماحصلش حاجه واعتذارك مقبول يا تاليا
تاليا: والله..هى العروسه جمبك ولا ايه..طب ماتنساش تقولها ان دى مش اول جوازه لييك ياميروو
مروان: خلاص شكرا ياتاليا علي مكالمتك دى..مع السلامه..لتغلق تاليا الهاتف…مااشي يا مروان..انت لازم اللعب معاك يبتدى فعلا
عند مروان فيغلق الخط وينظر لحوريه
مروان: دى تاليا اخت صاحبي اللي قابلناها قبل كدا واحنا بنجيب فستان الخطوبه بتعتذر انها ماقدرتش تيجى الفرح وكدا
حوريه واضعه يدها ف وسطها: وانا ماسألتكش علي فكره
مروان: انا عارف بس حبيت اعرفك بس لاتفهمى غلط ولا حاجه
حوريه: لا ماتخافش………..ويلا لو سمحت بقي عشان عاوزه انام
مروان: طب والدخله؟
حوريه: قولتلك انسي يامروان
مروان بغضب من ردها: طب ماتتخمدى هو انا ماسكك
حوريه ببرود: لا مش ماسكنى بس نايم علي السرير
مروان: اومال هنام فين يعنى
حوريه: نام ف اى حته وانا مالي بس الاا السرير
مروان: انا مش هنام غير علي السرير
حوريه: خلاص براحتك انا بقي هروح انام ف الليفينج
مروان: وافردى حد شافك يامجنونه
حوريه: عادى هقولهم ابنكو قالي انه متجوزنى غصب عنه وطردنى من الاوضه وجيت نمت هنا ف الليفينج
مروان ويمسكها من ذراعيها بشده: لا انتى كدا تبقي اتجننتى رسمى
حوريه: سيب ايدى يامرواان واياك تمد ايدك عليا تااانى
مروان بهدوء: ماشي..خلاص نامى عالسرير
حوريه ببرود: وانتى هتنام ف الليفينج صح
مروان: لا مش صح انا هنام هنا عالكنبه عشان الفضااايح
حوريه بابتسامه لتعانده: اوك ..الكنبه حلوه برضو مش وحشه..وتذهب للفراش وتجلس عليه
مروان: انتى مستفززه
حوريه ببرود: ميرسي….وتجذب الغطاء عليها
مروان: انتى هتتغطى ف الحر ده
حوريه: اااااااه عندك مانع
مروان: لا ماعندييش وانا مالي…وينظر للاريكه وكاد ان يبكى….امرى لله..ويريح جسده عليها ويظل مستيقظ..وهى كذلك كانت مستريحه علي الفراش ولازالت مستيقظه
مروان وهو نائم علي الاريكه: حوريه
حوريه: يانعم
مروان: ياريت بكره لو حد سألك يعنى تقولي انه كله تمام ماشي
حوريه: امممم هفكر
مروان: الحاجات دى مافيهاش تفكير انتى تنفذي اللي اقولك عليه وانتى ساكته مفهوووووووم
حوريه: انا ما بحبش حد يتشرط عليا لو سمحت…بدل مااغير رأيي واللي يسألنى هقوله عالحقيقه
مروان: مش مشكلتى مش انتى اللي عاوزه كدا
حوريه: لا مانا مش هجبها فيا انا بقي..وتضع يدها لتكتم ضحكاتها
مروان بغضب ويقوم من مكانه ويتجه ناحيتها: طب ماتيجى نقطع عرق ونسيح دم ونخلص الليله دى بقي بدل مانقعد نقول انا السبب وانت السبب..ويخلع التيشيرت لتقف حوريه علي الفراش وهى مزهوله وخائفه منه: مروان انت اتهبلت انت بتعمل ايه والله ان مابعدت عنى لاصوت والم عليك الناس انت فااهم
مروان: ايه مالك ياحوريه خايفه كدا ليه
حوريه: والله يامروان هصوت
مروان: ولو جم علي صوتك هتقوليلهم ايه جوزى بيقلع التيشيرت بتاعه عشان حران ومش عارف ينام..ويتجه ناحيه الاريكه وينام عليها وهو يقول لها..هيقولو عليكى مجنونه
حوريه وتضع يدها علي قلبها بارتياح: ايه ده هو ف ايه انت هتفضل تعيشنى ف الرعب ده كل شويه
مروان: انتى اللي معيشه نفسك انا عمرى ماهاجى جمبك والمسك غصب عنك مش مروان العوامى اللي ياخد واحده غصب…ويغلق عينيه..نامى بقي تصبحى علي خيير
حوريه بعد ان اطمئنت: وانت من اهله…فتجلس علي الفراش وتظل تحدق به خوفا منه وبعد ان تأكدت انه ذهب ف نوم عميق..فسحبت هى الغطاء عليها وذهب هى الاخرى ف ثبات عميق
******************
ف نفس الوقت عند تاليا كانت تستشاط غضبا من مروان فا اجرت اتصالا بحمدى
تاليا: الوو…ايوه ياحمدى
حمدى: ايوه يامدام تاليا خير ف اييه
تاليا: حمدى انا عاوزه اعرف مين اللي وراك انا مش هفضل اتعامل معاك كدا ومااعرفش مين اللي بيشغلنى
حمدى: يامدام تاليا انا قولتلك 100 مره انتى مالكيش دعوه بالريس بتاعنا انتى ليكى انك تتعاملي معايا انا بس
تاليا: انا لو ماعرفتش هو مين انسو الحاجه اللي عندى وانى اجبلكو اخبار عن مروان
حمدى: طيب اقفلي دلوقتى وهكلمك بعدين
تاليا: وانا مستنيه..سلاام
حمدى: سلاام
وتغلق معه الخط: ماهو انا لازم اعرف مين اللي انا بشتغل معاه مش هفضل كدا اتعامل مع حمدى ده ..ماشي يامروان والله لا تشوف منى وش عمرك ماشوفته وكل الحب اللي حبتهوللك اتقلب لكرره
اما عند حمدى كان يجرى اتصاله بالريس ليقول له علي تاليا وماذا تريد
المجهول: ايه يا حمدى انت مش عارف التعليمات ولا ايه
حمدى: والله ياباشا قولتلها كدا بس هى قالت انها ولا هتدلنا الحاجه اللي عندها ولا هتشتغل معانا ان ماعرفتش مين الراس الكبيره اللي مشغلاها
المجهول: امممم طيب اقفل دلوقتى وابعتلي رقمها ف رساله
حمدى: اوامرك ياباشا
فيغلق الخط ويرسل له رقم الهاتف الخاص بتاليا فيمسك بالهاتف وما ان يضغط ازراره لتقول له من كانت بجانبه: ايه يا باشا انت مش معايا االنهارده خاالص
المجهول: ها لا ياجميل معاك طبعا..ثوانى بس هعمل مكالمه واجيلك…فيذهب للخارج ويتصل بها فترد عليه
تاليا: الوو
المجهول: هاا..كنتى عاوزه تعرفي انا مين ادينى بكلمك بنفسي اهو ياتاليا
تاليا بخوف من نبره صوته: هو..هو حضرتك الريس
المجهول: اه انا الريس..ها ياتاليا سمعت انك غيرتى رأيك ومش عاوزه تشتغلي معانا الكلام ده مظبوط؟؟
تاليا وهى مرعوبه منه: انا لا ابدا يا باشا انا بس كنت حابه اعرف انا بشتغل مع مين
المجهول: هاا وعرفتى
تاليا: يا باشا انا مااعرفش حتى اسمك ايه..كل اللي اعرفك انك الريس وبس
المجهول: وانتى مالكيش تعرفي اكتر من كدا..مفهووم
تاليا بخوف شديد: تمام ياباشا انا كفايه عندى انى سمعت صوتك
المجهول: قولتيلي بقي ايه هى الحاجه اللي عندك ياتاليا اللي هتخرب بيت مروان
تاليا: فيديو..فيديو متصورله ياباشا
المجهول: متصور وهو بيعمل ايه يعنى
تاليا: يعنى ..وهو يعنى معايا..وطبعا لو السي دى دا راح لبيته ووقع ف ايد امه وابوه او وقع بقي ف ايد مراته يبقي كدا نضمن ان البيت اتخرب رسمى
المجهول: الله ع الدماغ ياتاليا احبك وانتى مشغلاها معانا.. نظرتى فيك عمرها متكون غلط ابدا…طيب السي دى دا هتديه لحمدى وهو هيديكى 100 الف جنيه..ماشي
تاليا: مش قليل ياباشا علي فيديو زى ده
المجهول: ياتاليا ماتنسيش انك واخده مليون جنيه عشان تشتغلي معانا
تاليا: اديك قولتها بنفسك يا باشا المليون جنيه عشان اشتغل معاكو..يعنى اى حاجه اجبهالكو عن مروان ليها حساب تانى
المجهول: ماشي يا تاليا هنخليهم 150 دا عشان خاطر عيونك بس
تاليا: تسلملي ياباشا كدا تمام..طيب انا مش هشوف حضرتك بقي
المجهول: احنا لسه كنا بنقول اييييه الزن الكتير ده هيبقي خطر علي حياتك يا تاليا
تاليا: لا خلاص خلاص ياباشا…انا بس بطلب منك ان اى مكالمات او اتفاقات هتبقي بينى وبينك ويدوب حمدى يبقي الوسيط فانه يوصلك الحاجه ويجبلي الفلوس
المجهول: خلاص وانا موافق..ها هتجهزى الحاجه علي امته
تاليا: الاسبوع الجاى يا باشا
المجهول: مع انه بعيد بس مااشي..وياريت تشدى حيلك كمان شويه معانا وعاوزين معلومات عن شغله مفهووم
تاليا: مفهووم..مفهووم ياريس
*************
تانى يوم وبعد ان يستيقظ جميع من ف فيلا العوامى
مجدى: ها ياهويدا العرايس صحيو ولا لسه
هويدا: لسه يامجدى
مجدى: يااه طولو اووى دى الساعه داخله علي 11
هويدا: يامجدى سيبهم براحتهم مش عرايس ان شاالله يصحو علي العصر
مجدى: ياستى وانا قولت حاجه..ربنا يهنيهم ويسعدهم يارب
هويدا: يارب يامجدى انا والله مامصدقه ان خلاص مروان اتجوز واستقر..حاسه انى بحلم
مجدى: مش بتحلمى ياهويدا دى حقيقه الحمدلله ان ربناه هداه وكمان اتجوز بنت سكره مافيش منها
هويدا: اه والله حوريه دى حبيبه قلبي والله حبتها زى سهيله بالظبط
مجدى: اهى سهيله نزلت علي السيره اهى..صباح الخير ياحبيبتى
سهيله بوجه لا يختلف عن ليله امس كثيرا: صباح الخير يابابا..صباح الخير يا ماما
هويدا:صباح النور يا حبيبتى..مالك ياسهيله
سهيله: ها..ولا حاجه انا بس دماغي مصدع من امبارح ..هما مروان وحوريه لسه ماصحيوش
مجدى: لا ياحبيبتى لسه ماصحيوش..عرايس بقي
هويدا: عقبالك يا حبيبتى
سهيله بسخريه: ما افتكرش ياماما..بعد اذنكو انا هتمشي ف الجنينه شويه
هويدا بحزن: اتفضلي يابنتى…وتذهب سهيله من امامهم
مجدى: شوفتى حاله بنتك وصلت لايه ياهويدا بعد ماعرفت ان عز ابن اختك اتجوز
هويدا: انا مش عارفه ازاى عز عمل كدا
مجدى: اومال انتى عاوزاه يعمل ايه واحد سافر وعاش ف المانيا سنيين مش عاوزاه يتجوز..العييب علي بنتك اللي فضلت تحبه من غير ماتقوله..عز ماغلطش لما اتجوز..وهو مايعرفش ان بنتك بتحبه
هويدا: خلاص يامجدى قفل عالسيره دى انا قلبي بيوجعنى اووى علي بنتى
مجدى: ماشي ياهويدا
*****************
عند سمير وناديه
ناديه: ها ياسمير هنروح لحوريه امته
سمير:يعنى علي الظهر كدا
ناديه: طيب اما اتصل ببسنت واعرفها عشان نفوت عليها بالعربيه
سمير: مااشي
***************
استيقظت من نومها لتجده نائم علي الاريكه ف موضع غير مريح له بالمره فتقول لنفسها وهى فرحه فيه: ياحرااااااام تصدق صعبان عليا اووى..تستاهل يامروان انت لسه شوفت حاجه..وتشاور بيدها..استنى علياا علي رأيك عمك تامر دا اللي جااى احلي ههههه
فتقوم من فراشها وتفتح خزانتها وتخرج ملابسها وتدخل المرحاض تستحم وتخرج ترتدى اسدال الصلاه لتصلي فرضها
فيستيقظ هو ويجدها تصلي فيبتسم ويقول لنفسه: شكلك حلو اووى وانتى بتصلي..ويتذكر شيئا ما ويقول..عمرى ماشوفتك وانتى بتصلي يا تاليا
فتنهى صلاتها فيقول لها: تقبل الله
حوريه: منا ومنكم…انت صحيت
مروان: سؤال ذكى..لا بكلمك من الحلم
حوريه: اووف مخدتش بالي ماتقفليش علي الواحده كدا
مروان ويضحك بتريقه: هيهيه دا انتى اخر واحده تقولي كدا دا انتى مافيش كلمه اقولها غير لما تقفيلي عليها
حوريه: خلاص خلاص هو انا فتحتك
مروان:عجيبين انتم ايها النساء….تفتحى الموضوع وترجعى تقولي هو انا فتحتك
حوريه: خلاص خلاص…طيب انا نازله دلوقتى
مروان: لا مش هتنزلي غير معايا
حوريه: وفيها ايه لما انزل لوحدى
فيقوم مروان ويقف امامها: لو سألتى حد كبير هيقولك ماينفعش تنزلي يوم صباحيتك غير وانتى مع جوزك
فتلوى حوريه شفتيها
مروان: بالظبط كدا…ثوانى بقي اخد شاور وانزل معاكى
حوريه: اوك…فيدخل مروان وتنتظره حوريه
*******************
وف الاسفل يوجد مجدى وهويدا وسهيله
وكانت هويدا تقف علي ايدى العاملين بالمنزل لتحضير سفره الغداء ليأتى عليهم يوسف وياسين وعز وانجيلينا ويدخل ياسين وهو يهلل: ياا اهل الدااار ف غدا ولا نرووح
هويدا: يخربعقلك يا ياسين انت جاى تبارك ولا تاكل
ياسين: الاتنين يادودو
يوسف: همك علي بطنك دايما كدا ياسينو
ياسين: حبيبي الاكل اهم شئ ف الحياااه
عز: هههههه مش هتتغير يا ياسين..هما العرسان لسه ناموسيتهم كحلي ولا ايه
مجدى: باين كدا ياعز
هويدا:اييه يوم صباحيتك ناموسيتك ماكانتش كحلي ولا ايه
فحست بغصه ف حلقها من هذه الكلمه فهى تحبه..تحبه بشده
عز: هههههههه لا طبعا ياخالتو هناك غير هنا خالص دا احنا صحينا الساعه 6 الصبح ونزلنا عملنا رياضه
هويدا: يانهار ابيض يوم الصباحيه
عز: اه شوفتى بقي
فقررت تخرج من صمتها وتقول: بس ياعز مراتك بتتكلم عربي كويس اووى اى نعم هو مكسر شويه بس مفهووم
عز: ايوه طبعا انا بقيت اكتر الاوقات بتكلم معاها بالعربي عشان تعرفه وتتعلمه عشان لما يجى يوم زى امبارح كدا مثلا وننزل تعرف تتعامل مع الناس اللي هنا
سهيله: اممم ااه
عز: وانتى اخبارك ايه ف سنه كام دلوقتى
فينظر الجميع لبعضهم ماعدا سهيله وعز
سهيله بابتسامه بارده: 4جامعه ..ادعيلي
عز: ماشاء الله كبرتى ياسهيله..ربنا يوفقك يارب
سهيله: ميرسي ياعز
يوسف: هو عمى سمير هيجى امته ياعمى
مجدى: قالو ياحبيبي انهم هيجو علي الظهر كدا
يوسف: ريحت قلبي ياعمى اصله واحشنى اووى من امباارح ياعمى
مجدى: هو مين ده ياوااد
يوسف: عمى سمير طبعا
ليميل عليه ياسين: عمى سمير برضو اللي واحشك ياحنيين
يوسف ببراءه: اومال يعنى مين اللي هيكون واحشنى ياسينو
ياسين: عليا ياوااد..لينظر ليجد مروان وحوريه يهبطون للاسفل..اخييييرا العريس وصل ياجدعاان اهوو
مروان: ياصبااحك ياسينو ايه اللي جابك عالصبح كدا
ياسين: صبح ايه ياعم والظهر خلاص قرب انت اللي ناموسيتك كحلي..وبعدين انا جاى اكل
مروان: يخربيتك ياياسين
مجدى وهويدا: صباحيه مباركه ياولاد
..ويقفو ويسلمو عليهم وايضا عز وانجيلينا وسهيله ويوسف وياسين
مجدى: ايه ياسي مروان كل ده نوم
مروان: والله يابابا يادوب لسه صاحين دلوقتى اليوم امبارح كان متعب اوى
ياسين بلؤم: طبعا انت هتقولي
مروان: اخرس يا ياسين
يوسف: بتحطو نفسكو ف مواقف بااااااايخه ههههههه
ياسين: ماشي يامروان علشان تخلي كلب زى ده يشمت فيا
مروان: هههههههه انت تستاهل الصراحه
حوريه: طنط هما بابا وماما لسه ماجوش
هويدا: زمانهم جايين ياحبيبتى…ولم تكمل جملتها لتجدهم قد وصلو..اهم وصلو اهو…لتذهب وتفتح لهم ليسلمو علي الجميع
ناديه: يا حبيبتى ياحوريه والله البيت وحش اووى من غيرك
حوريه: انتى وحشتينى اووى ياماما
سمير: اييه لحقتى دا يدوب مسافه الليل
مجدى: برضو ياسمير مش مامتها وبتوحشها
بسنت: هتيجى الشغل امته يارورو
حوريه: يعنى اسبوع كدا يابسبس ان شاء الله
مجدى: اسبوع ازااى طب وشهر العسل
حوريه: لا ياعمى شهر ايه انا مااقدرش اتأخر شهر بحاله علي شغلي انا يدوب خدت اسبوعين بالعافيه اسبوع قبل الفرح واسبوع بعده
مروان: وانا كمان يابابا عندى شغل كتير وكنت مأجله لبعد الفرح ومش هينفع يستنى اكتر من كدا
هويدا: طب وشهر العسل
حوريه: متعوضه ياطنط
مروان: بالظبط كدا..وينظرون لبعض بتحدى
سمير: علي فكره ياحوريه دكتور معتز هيجى يباركلك
حوريه: بجد دا واحشنى اووى…لينظر لها مروان وهو متعجب
سمير: معتز دا يامروان مدير حوريه ف الشغل وبيعتبرها زى بنته بالظبط
مروان: ااه اه ياعمى
هويدا: طب يلا قومو بقي عشان الغدا جاهز
مجدى: يلا ياجماعه اتفضلو..ليذهب الجميع للسفره ويجلس كل من..سمير بجانب ناديه..ومجدى بجانب هويدا..ومروان بجانب حوريه..وعز بجانب انجيلينا..وتجلس بسنت ويجلس بجانبها ياسين..ليذهب له يوسف وبصوت منخفض: قوم بالذوق كدا بدل ما انفخك قدام الناس دى كلها
ياسين: ارجوك يايوسف سبنى اقعد هنا
يوسف: قووم يا ياسين بالذوق احسنلك
ياسين برجاء وكاد ان يبكى: مش هقدر يايوسف مش هقدر
يوسف: ليه ف ايه
ياسين: ابووس ايدك الديك الرومى هنا قدامى مش هقدر اقوم واسيبه
يوسف: يخربيتك ياياسين..طب قووم وانا هجبهولك قدامك
ياسين: بجد
يوسف: عيب عليك
ياسين: ماشي ياعم…ويقوم ياسين من مكانه ويبدله مع يوسف
هويدا: الله..قومت من مكانك ليه ياياسين
يوسف بضحك: اصله مابيحبش الديك الرومى يادودو فانا بدلت معاه
لينظر له ياسين بغل: يا ابن ال…..
هويدا: ياسين مش معقوول
مروان: لا تتحسد ياسينو
ياسين وكاد ان يبكى: معلش ياجماعه اصل عامل دايت اهئ اهئ
لتنظر بسنت ليوسف: حرام عليك يايوسف اللي عملته ف ياسين ده
يوسف: اسكتى يستاهل هههه
مروان: الله اومال فين سهيله
سهيله: انا جيت اهو كنت بجيب الشوربه بتاعتى ماانت عارف انا ليا شوربه مخصوص
عز بابتسامه: ما اتغيرتيش ياسهيله لسه بتشربي الشوربه المخصوص بتاعتك
سهيله: بس ف حاجات كتير اتغيرت فيا يا عز
عز: اكيد محدش بيفضل علي حاله
مروان: اه طبعا انت هتقولي.. اقعدى بقي
ياسوسو
سهيله: اوك
ولسوء حظها المكان الفارغ الذي ستجلس فيه كان بجانب انجيلينا وعندما كانت تضع سهيله الشوربه علي السفره تفلت من يدها ويقع بضع قطرات منها علي يد انجيلينا زوجه عز
فتنتفض انجيلينا من مكانها وتقول:
o my gad you are stupid
فتنظر لها سهيله وهى مصدومه والجميع ايضا
البارت(16)
فتنتفض انجيلينا من مكانها وتقول:
o my gad you are stupid
فتنظر لها سهيله وهى مصدومه والجميع ايضا
سهيله: i’m sorry انجيلينا انا بجد ماخدتش بالي
انجيلينا: انتى واهد غبي ايه اعمى هالص مش بتشوفي
عز بغضب: خلاص يا انجيلينا سهيله اعتزرتلك ومحصلش حاجه يعنى
مجدى: خلاص يا انجيلينا يابنتى احنا اسفين علي اللي حصل..اتفضلي ادخلي الحمام عشان تبردى ايدك
انجيلينا: از..أنا أوز امشي دلوقتى هالا..مش أوز اقعد ف المكان ده لهظه واهد
عز: انجيليناا
انجيلينا: هلاص هليك انت قاعد انا بقي ماشي مش اقعد هنا ثانيه واهده
وقامت انجيلينا ولملمت حاجاتها وخرجت من الفيلا
مروان: قوم ياعز لمراتك ماينفعش تسبها تروح لوحدها
عز: انا اسف ياسهيله علي اللي حصل
مجدى: مش وقته ياعز اجرى الحق مراتك يابنى
عز: حاضر ياعمى..بعد اذنكو
الجميع: اتفضل..وذهب عز ورائها……انجيلينا استنى…ولحق بها قبل ان تنطلق بالسياره وفتح الباب الامامى وجلس بجانبها…ايه اللي انتى عملتيه ده تشتمى سهيله وتحرجيها قدام الكل كدا
انجيلينا: أشان دى واهد غبي از وقع أليا شوربه وهى very hoot
عز: غصب عنها انجيلينا يعنى هى كانت تقصد
انجيلينا: از لو زألان أليها اووى كدا روهلها وسبنى امشي انا
عز: انجيلينا انتى مراتى وتهمينى بس سهيله اعتزرتلك وكمان مافيش اى اصابات او حروق حصلتلك يعنى ماكانش فيه داعى تشتميها خالص
انجيلينا: هلاص از لو سمهت اقفل موضوع دا هالص ممكن
عز:خلاص براحتك يا انجيلينا
انجيلينا: اوك از…وانطلقو بالسياره
**************
اما ف الداخل بعد ان ذهب عز وراء انجيلينا
مروان: سهيله ياحبيبتى معلش
مجدى: اقعدى كملي اكلك يابنتى وماتدايقيش نفسك
سهيله والدموع ف عينيها: شكرا يا بابا انا طالعه اوضتى..بعد اذنكو…وتركتهم وصعدت لغرفتها
هويدا: يا حبيبتى يابنتى…البت اللي عز متجوزها دى لسانها طويل اووى
مجدى: ماهى بنتك اللي غلطانه ياهويدا هى اللي دلقت الشوربه علي ايديها
مروان: وهى يابابا سهيله كانت تقصد وبعدين دى اعتزرتلها وانت اعتزرتلها كمان وقولتلها تقوم تدخل التواليت بس هى بقي اللي خدت ف وشها ومشيت
حوريه: طب انا ممكن اطلع لسهيله شويه
هويدا: ياريت يا حوريه ياحبيبتى تطلعى تتكلمى معاها..اصل سهيله حسااسه بزياده اووى
حوريه: حاضر ياطنط ماتقلقيش
ناديه: حوريه ماتتاخريش ياحبيبتى عاوزه اتكلم معاكى شويه
حوريه: حاضر ياماما..بعد اذنكو
الجميع: اتفضلى..
كان مروان من داخله فرح وسعيد من تصرف حوريه هذا
فصعدت حوريه لها ودقت علي الباب ليأتيها الرد من الداخل بالايجاب فتدخل لتجد سهيله جالسه علي فراشها وتضم ركبتيها لها وتبكى ف صمت
سهيله بدموع: حوريه!!
حوريه بابتسامه عذبه: ممكن اتكلم معاكى شويه يا سهيله
سهيله:ايوه طبعا يا حوريه..اتفضلي
فتدخل حوريه وتجلس بجانبها
حوريه: مالك ياست سهيله ف ايه بقي
سهيله ببكاء: مافيييش
حوريه: يعنى كل الدموع دى كلها وتقولي مافييش علي ماما يا سوسو
فتبتسم سهيله رغما عنها: يعنى انتى ماشوفتيش اللي حصل تحت ياحوريه
حوريه: يعنى العياط ده كله عشان انجيلينا شتمتك
سهيله متعجبه: ايوه طبعاااا..هو ده مش كفايه ولا ايه
حوريه: ايوه طبعا كفايه بس مش عارفه انا ليه حاسه انك بتعيطى علشان حاجه تانيه وجايبه دى ف دى
فارتبكت سهيله: ها حاجه ايه بس لا..انا اصلي بعيط من اقل حاجه..انا لو بابا او مروان صوتهم علا عليا شويه وهما بيكلمونى بدخل اوضتى واعيط ما بالك بقي واحده اجنبيه تشتمنى وقدام الناس اللي قاعده دى كلها
حوريه: اديكى قولتيها بنفسك اهو…اجنبيه..يعنى مابتفهمش ف الاصول زي المصريين ماتعرفش ان هى باللي عملته ده احرجتك قدامنا كلنا وماتعرفش كمان ان انتى كيوت وحساسه حبتين
سهيله: يعنى ماليش حق ازعل
حوريه: انا ماقولتش ملكيش حق تزعلي بس انتى مكبره الموضوع شويتين كدا..وبعدين مافيش حد غريب كان قاعد كلنا عيلتك ولا انتى محرجه عشان بابا وماما وسهيله كانو قاعدين
سهيله: لالا خالص والله انا بحب طنط وعمو جدا وكمان بسنت بنوته عسل خالص انا حبتها جدا ومعتبراهم بقو من العيله خلاص
حوريه: يبقي خلاص ياستى امسحى دموعك دى وروقي كدا وياستى اهو عز اخدلك حقك وزعقلها كمان قدامنا يعنى اللي حصلك حصلها بالظبط ههههه
سهيله: ههههه
حوريه: ايوه كدا اضحكى وشك بينور لما بتضحكى…ممكن بقي اسالك سؤال تطفلي كدا ياسوسو
سهيله: اسالي يارورو
حوريه: ههههه مااشي ياستى..
امبارح حصلت حاجه ف الفرح زعلتك
سهيله: ها
حوريه: مش عاوزاكى تجاوبينى دلوقتى خااالص بس اعرف..فيه حاجه حصلت زعلتك صح
فتخفض سهيله بصرها ف الارض
فتفهم حوريه بان تخمينها صحيح بالفعل
حوريه: ماشي ياسهيله انا هنزل دلوقتى لماما لانها مستنيانى..لكن احنا لسه ماخلصناش كلامنا ولازم لينا قاعده تانيه مع بعض وقريب كمان..مااشي ياسوسو
سهيله بابتسامه: ماشي ياحبيبتى
فتقوم حوريه من مكانها وتتجه ناحيه باب الغرفه فتنادى عليها سهيله: حوريه
فتلتفت لها حوريه: ايوه ياحبيبتى
فتذهب لها سهيله وتحتضنها بشده: انا بحبك اووى ربنا يخليكى ليا ياارب
حوريه بابتسامه: وانا كمان بحبك ياسهيله ونفسي تاخدينى صديقه ليكى
سهيله: صديقه ايه لا طبعا..من النهارده انتى اختى…اختى ياحوريه ..انا ماليش اخوات وربنا رزقنى بيكى
حوريه: ياحبيبتى ياسهيله..ربنا يديمك نعمه ف حياتى ياارب
سهيله: ويديمك ليا انا كمان ياحبيبتى..فيحتضنو بعض مره اخرى وبعدها تهبط حوريه للاسفل
هويدا: خير يا حوريه سهيله كويسه
حوريه: الحمدلله ياطنط انا سايباها كويسه جدا
هويدا: الحمدلله ياحبيبتى..يلا بقي خدى ماما وبسنت واطلعى اوضتك اكيد وحشتيهم وعاوزين يقعدو معاكى
ناديه: اه والله ياهويدا دى سابت فراغ كبير اووى ف البيت ..البيت بقي ساكت كدا كانت عملاله بهجه
هويدا: سنه الحياه ياناديه واهو ياستى ماروحناش بعيد وقت ماتكون وحشاكى تعاليلها او هى تجيلك علي طول
ناديه: تسلمى ياهويدا..عقبال ماتفرحى بسهيله يارب
هويدا بحزن: ياارب يا ناديه ياارب
وبعدها تصعد حوريه مع ناديه وبسنت
ويدخل سمير ومجدى غرفه المكتب
ويجلس يوسف وياسين ومروان امام البلايستيشن
اما هويدا فتدخل المطبخ مع العاملين لتشرف علي الحلوى
*************
نذهب لحوريه وناديه وبسنت اولا
ناديه: وحشتينا ياحوريه عامله ايه ياحبيبتى
حوريه: وانتى كمان وحشتينى اووى ياماما..انا كويسه الحمدلله
بسنت: رورو انتى وحشتينى انا كمان
حوريه: وانتى يابسنت ماوحشتنيش خاالص ههههههه
بسنت: رخمه
حوريه: رخمه ايه بس دا انتى كنتى لازقه فيا امبارح طول اليوم كنت عامله زى خيالي لحد مازهقتينى دا كفيل انك ماتوحشنيش لمده سنه قدام يابسبس هههههه
بسنت: بقي دى اخرتها…شوفتى بنتك ياطنط مابيتمرش فيها حاجه ازااى
ناديه: بس بقي انتى وهى انتو دايما كدا عاملين زى القط والفار
بسنت: لو ماعملناش كدا ياطنط مانبقاش حوريه وبسنت هههههههه
ناديه: انتى هتقوليلي….المهم ياحوريه
حوريه: اااه جينا للمهم…خير ياماما
ناديه: بس يابنت..قوليلي ايه الاخبار
حوريه بغباء: اخبار ايه ياحبيبتى
بسنت: انت غبيه اووى يا حوريه
حوريه: اهو انتى يابسنت…بسنت تعرفي تخرسي خااالص
بسنت: مااقدرش ياحبيبتى انا كائن مصري لو اتخرست ..اتحرق هههههه
حوريه: هههههههه
ناديه: بس بقي انتى وهى
..وانتى ياحوريه صحصحى معايا كدا وبلاش غباوه..اخبارك انتى ومروان يابنتى طمنينى هاا كله تمام
حوريه: ااااااااه اخباااارى اناا ومروااان…اه ياماما الحمدلله
ناديه بسعاده: بجد ياحبيبتى
..يا الف نهار ابيض لولولولولولي
حوريه:ايه ياماما اللي بتعمليه ده بس
ناديه: سبينى يابنتى افرح..الف مبروك ياحوريه
*********
عند هويدا وهى داخل المطبخ عندما سمعت صوت الزغاريط ابتسمت وقالت لنفسها : الحمدلله
وهكذا عند مجدى وسمير عندما سمعوها ابتسم مجدى وسمير لبعضهم
مجدى: الف مبروك ياسمير
سمير: الله يبارك فيك يامجدى
اما عند مروان وياسين ويوسف
ياسين: ايه الزغاريط دى ياعم مروان هو ف حد عندكو بيتجوز تانى ولا ايه
مروان: لا دا تقريبا طنط ناديه هى اللي بتزغرط
يوسف بغباء: طب وهى بتزغرط ليه
مروان: وانا اش عرفنى ماتبقو تسالوها ويقول لنفسه: وعدتى ووفيتى ياحوريه
ياسين: المهم خلينا ف الاهم
مروان: خير يا سي ياسين
يوسف: ها يامعلم رفعت راسنا ولا وكستنا
مروان: عاوزين الحق
يوسف: اووووعى شكلك وكستنا يابوب
مروان: مش انا يابابا…لكن انا ما لمستهاش اصلا
ياسين: ايه ده بجد
مروان: اهه والله..هى طلبت كدا وانا عمرى ما هاخدها غصب انتو عارفنى يعنى
يوسف: طب معنى ان طنط ناديه تزغرط ان كدا حوريه قالتلها انه….
مروان: ايوه لان انا اللي طالب منها كدا ان اهلي واهلها مايعرفوش حاجه عن الموضوع ده
وياريت الكلام ده مايطلعش
ياسين: عيب عليك يابنى…وانا اللي هموت واتجوز بس هتجوز برضو
مروان: ههههه مابلاش
ياسين: لا يمكن لازم ولابد……ايه ده انا جوعت هى فين الحلوياات
يوسف: ايه ده انا زهقت هى فين بسبس
لتدخل عليهم هويدا: ادى الحلويات ياسي ياسين..وتنظر ليوسف وتغمز له..اما بسبس لسه قدامها شويه ياجو
يوسف: هاا..لا يادودو ماتاخديش ف بالك
هويدا: مانا عامله مش واخده ياحبيبي هههههه
وذهبت من امامهم
يوسف: امك بتحفل عليا يامروان
مروان: ههههه تستاهل دايما فاضح نفسك
ياسين: اممممم البسبوسه دى تحفه..كل يا يوسف بسبوسه مافرقتش كتير عن بسبس هههههههه
************
فتهبط ناديه وحدها وتترك بسنت جالسه مع حوريه وحدهم
بسنت: مش مصدقاكى يا رورو…انتى بتكدبي يا دكتوره صح
حوريه: اومال عاوزانى اقولها ايه يابسنت اه ما حصلش
بسنت: وهو فعلا ماحصلش
حوريه: ايوه طبعا انتى اتهبلتى ولا ايه
بسنت: ليه بس ياحوريه
حوريه: ليه بس ايه..انتى اكتر واحده عارفه اننا متجوزين غصب يبقي ازاى عاوزاه يحصل
بسنت: طب وانتى قولتى لطنط كدا ليه
حوريه وتنظر امامها: عشان انا وعدت مروان انى هقول كدا لاى حد..وتنظر لبسنت..بس انتى طبعا مش اى حد يابسبس وكل اسراري معاكى
بسنت: ماشي ياستى وبدام كل اسرارك معايا انا كمان هقولك علي سرر
حوريه: هاا قولي
بسنت بسعاده: يوسف يارورو امبارح ف فرحكم اتكلم معايا واعترفلي بحبه..طلع بيحبنى ياحوريه
حوريه بفرحه: بجد يابسبس يوسف قالك كدا
حوريه: ايوه
حوريه: وانتى قولتيله اييه
بسنت: قولتله ان انا كمان بحبه
حوريه: ماتتصوريش انا فرحانه ليكو اد ايه..ربنا يجمعكم ف حلاله ياحبيبتى عاجلا وليس اجلا
بسنت: يارب ياحوريه يااارب
*******************
ويمر الوقت بسرعه ويستأذن الجميع للمغادره
مجدى: ايه ياسمير ده مانتو قاعدين لسه بدرى
سمير: لا كفايه كدا بقي يا مجدى..عشان نسيب العرايس يرتاحو
مجدى: خلاص علي كيفك ياسمير
هويدا: نورتينا يا ناديه والله
ناديه: بنورك ياحبيبتى..مش عاوزه اوصيكى علي حوريه ياهويدا
هويدا: اخص عليكى يا ناديه حوريه خلاص بقت زى سهيله بالظبط يعلم ربنا انا بحبها اد ايه
ناديه: عارفه والله ياحبيبتى ربنا يخليكى ليها ياارب
بسنت: يلا ياحوريه بقي انا همشي معاهم وخلينا علي رنات بقي
حوريه: اكيد وماتخافيش ياختى هو اسبوع وهتلاقينى لزقت فيكى من تانى
بسنت: قدرى بقي مش هعرف اخلص منك انا عارفه
حوريه: عقبال ما اخلص منك انتى كمان يا بسبس
بسنت: يارب يارورو
مروان: مانتو قاعدين يا رجاله
يوسف: لا ياعم انا مااشي بقي كفايه كدا
مروان: وانت ياسينو ما تبيت معانا النهارده يارااجل
ياسين: والله يامروان لو ضغطت عليا شويه كمان ياحبيبي انا مش هزعلك
مروان: لا ياحبيبي وانا ما بحبش اضغط علي حد يلا يامعلم سكه السلامه
ياسين: شوفت انا منك انت ياما..واطى انت يامان
مروان: بييس ياسينوو
ويأتى لياسين اتصال من ريناد فيرد عليها: الو..ايوه ياحبيبي..وانتى كمان وحشتينى اووى..ايييه..لا بتهزرى…اخيرا يانونو…فرحان بس دا انا هطيير من الفرحه..دا احلي خبر سمعته ف حيااتى..لا جاى ان شاء الله ف المعاد..مع السلامه يا احلي حب ف حيااتى..ويغلق الخط…….باركووولي يارجاااله
مروان: خيير..وايه ماسوره الحب اللي اتفتحت علينا واحنا واقفين دى
ياسين: رينااد
يوسف: مالها
ياسين: خدتلي معاد من باباها بعد يومين عشان اروح اتقدم لها
يوسف: بجد..مبرووك ياسينو..عقبالي يارب
ياسين: الله يبارك فيك يا جوو
مروان: يابنى راجع نفسك قبل ماتعمل الجريمه دى
ياسين: لا ياعم رجعت نفسي كتيير واكتشفت انى مااقدرش اعيش من غير ريناد
مروان: مدام مصمم…يلا يابنى شد حيلك..مبرووك ياسينوو
ياسين: اعباال ولادك امرواان
مروان: اعبال..طيب
ويغادر الجميع المنزل ويتبقي مجدى وهويدا وحوريه ومروان
مجدى: وانتو ياولاد لو عاوزين تطلعو ترتاحو شويه اطلعو يلا
حوريه: انا هطلع ارتاح شويه.. بعد اذنكو
الجميع: اتفضلي
هويدا: وانت يامروان مش هتطلع
مروان: هاا..لا ياماما انا قاعد معاكو شويه
هويدا: مااشي يابنى براحتك
*****************
وبعد يومين يذهب ياسين وحده لمنزل ريناد ومعه علبه شوكولاه وبوكيه ورد
وف مكان ف حى متوسط تسكن ريناد مع والدها ووالدتها واشقائها التوأم امير واميره ..ويصعد ياسين المنزل ويدق جرسه فيفتح له امير ف المرحله الابتدائيه
ياسين: اذيك يا حبيبي اكيد انت امير مش كدا
امير: اه انا امير انت بقي العريس
ياسين: اه انا العريس..فين بابا بقي ياسي امير..ويأتى والد ريناد..عبد الحميد(موظف بسيط ف هيئه حكوميه)
عبد الحميد: اوعى يا امير من الطريق عيب كدا..اتفضل يابنى نورتنا
ياسين: بنورك ياعمى..ويدخل ياسين مع عبد الحميد غرفه الصالون..وبعدها تدخل والدتها(نجوى) لتسلم عليه
نجوى: اهلا اهلا يا استاذ ياسين شرفتنا يابنى
ليقف ياسين ويسلم عليها: الشرف ليا ياطنط
نجوى: اتفضل يابنى اقعد اتفضل
ياسين: متشكر ياطنط
عبد الحميد: خير يابنى..ريناد قالتلي انك عاوز تقابلنى
ياسين: ايوه ياعمى..ف الحقيقه ومن غير لف ودوران ومن غير مقدمات انا بحب ريناد ونفسي انها تكمل معايا بقيه حياتى
عبد الحميد: انا ريناد بنتى لمحتلي بالكلام ده..طيب يا استاذ ياسين مش الاصول برضو انك وانت بتتقدم لواحده تجيب اهلك معاك
ياسين بحزن: عمى انا ماليش حد مقطوع من شجره زى مابيقولو وحتى قرايبي كلهم مسافرين بره وابويا وامى متوفيين وماليش اخوات
عبد الحميد: لا حول ولا قوه الا بالله
ياسين بلهفه: بس ياعمى لو حضرتك قبلت طلبي ده واتفقنا علي كل حاجه يوم تلبيس الدبل ان شاء الله هجيب ابو واحد صاحبي يعتبر زى ابويا بالظبط وليا اصحابي زى اخواتى هيكونو معايا..بس انا فضلت اجى النهارده لوحدى عشان نكون علي راحتنا اكتر
عبد الحميد: طب هو من المفروض اننا نسأل عليك او حتى تسأل علينا يابنى
ياسين: حضرتك اسال عليا زى ماانت عاوز انما انتم انا عارف انا جاى لمين وبعدين ريناد بنت حضرتك معروفه باخلاقها وطباعها الهاديه وتشرف اى حد انها تكون زوجته وتشيل اسمه وتبقي ام ولاده ..وانا نفسي انول الشرف ده ياعمى
فابتسم عبد الحميد من داخله لانه اعجب بشخصيه ياسين من اول وهله وانه يعرف انه شاب اخلاق وطموح وانه بالفعل سأل عليه عندما ابلغته ريناد بانه يريد ان يتقدم لخطبتها
عبد الحميد: طيب ننادى العروسه بقي ونسالها ماهو مش انا اللي هتجوز
ياسين: اكيد ياعمى..اتفضل
عبد الحميد: ريناد..ياريناد..لتاتى لهم ريناد وهى مكسوفه ووجهها ف الارض ومن خجلها كانت تحمر وجنتيها بشده فهى فتاه مثل كل فتاه يكسوها الخجل ف مثل هذه المواقف
ريناد: نعم يابابا
عبد الحميد: تعالي سلمى علي ياسين
فتسلم عليه: اذيك يا ياسين
ياسين: الحمدلله..اذيك انتى ياريناد
ريناد: الحمدلله كويسه
عبد الحميد: اقعدى ياريناد..فتجلس هى..ياسين طالب ايدك..انتى رايك ايه
ريناد بكسوف: اللي تشوفه يابابا
فيبتسم ياسين
عبد الحميد: لا مش اللي انا اشوفه اللي انتى تشوفيه ماهو مش انا اللي هتجوز..ها موافقه ولا
فترفع بصرها وتنظر لياسين بحب: موافقه يابابا..موافقه
ياسين بفرح وهو يهلل: الله اكبر..الله اكبر
عبد الحميد: ايه يابنى اللي جرالك ماانت كنت هادى من شويه
ياسين: اسف ياعمى..من فرحتى..اندمجت شويه
عبد الحميد: مااشي..قومى ياحاجه خدى ريناد وادخلي جوه عشان هنتكلم كلام رجااله
نجوى: حاضر ياحاج..ويذهبو..ويتركو ياسين مع عبد الحميد
ياسين: طلباتك ياعمى
عبد الحميد: اكيد ليا طلبات بس مش الطلبات اللي كل الناس بتطلبها ف الاوقات دى..يعنى شبكه بنتى هتبقي بكام والمهر والعفش والمؤخر والكلام ده وانا الحاجات دى ماتفرقش عندى حاجه
ياسين: اوماال حضرتك تقصد طلبات ايه
عبد الحميد: ريناد يا ياسين اقصد رينااد
ياسين: فهمتك ياعمى..ماتخافش ريناد هتكون ف عينيا انا مش هيبقالي حد ف الدنيا غيرها
عبد الحميد: منى عينى اشوف ريناد ف بيتها مع جوزها اللي تحبه ويحبها واطمن عليها قبل مااموت
ياسين بتأثر: بعد الشر عليك ياعمى ربنا يخليك لينا ..انا ياعمى بحب ريناد اووى والله بحبها اوووى وعمرى ما هزعلها ف يوم من الايام انا دلوقتى ماليش حد لا اب ولا ام ولا اخ ولا حتى اخت..ماليش غير صحابي وريناد من النهارده هتكون ابويا وامى واخواتى وكل حاجه..ماتخافش عليها ياعمى وممكن دلوقت تاخد معايا عهد بكدا..وانا بوعدك دلوقتى وعد..ان ريناد هتكون ف عينيا وهراعى ربنا فيها وانك ماغلطش وادتهانى ف يوم من الايام واوعدك انك عمرك ماهتندم انك هتدى بنتك لرااجل عارف هيحافظ عليها ازااى
عبد الحميد: انا دلوقتى مش خايف علي ريناد لانى واثق انك هتكون راجل وقد الوعد اللي ادتهونى يا خطيب بنتى
ياسين: افهم من كدا ياعمى انك…
عبد الحميد: انى موافق ومستعد اقرا معاك الفاتحه دلوقتى كمان
ياسين بسعاده: انا..انا مش عارف اقولك ايه ياعمى
عبد الحميد: ماتقولش حاجه كل اللي انا عاوزك تقوله انت قولته..وبعدين فرحتك دى دلوقتى مطمنانى اكتر
ياسين: اوعدك ياعمى انى عمرى ماهخذلك ف يوم من الايام
عبد الحميد: وانا واثق من كدا ياياسين
ياسين: طيب نقرا الفاتحه ياعمى
عبد الحميد: وهو كذلك..استنى بقي اما ننادى العروسه وام العروسه يقراؤها معانا
ياسين: ياريت ياعمى
وينادى عليهم ويبلغهم بانه وافق علي خطبه ياسين من ريناد ويقراؤ الفاتحه..وتطلق ام ريناد الزغاريط وتاتى لهم بالشربات ليجدو اميره شقيقه ريناد الصغري واقفه عند الباب بوجه عابس
عبد الحميد: مالك يا اميره واقفه كدا ليه
اميره: اشمعنى ريناد عندها عريس وانا ماعنديش
ليضحك الجميع عليها
نجوى: يوه جتك ايه يا اميره..انتى عاوزه عريس
اميره: اه اشمعنى ريناد
ريناد: طيب اكبري الاول يا ميرا وانا هجبلك عريس احسن من ياسين كمان
اميره: لا انا عاوزاه زى ياسين اصله حلو اووى
فيضحك الجميع علي كلام اميره الطفولي وتعم السعاده والفرح منزل ريناد لاول مره
وف الاسفل
يقف بالقرب من منزلها وهو يسال الماره ف الشارع: خد ياض يا مرسي تعالي اما اقولك
مرسي: خير يا اشرف
اشرف: هى ايه الزغاريط اللي جايه من بيت المزه دى
مرسي: اااه هو انت ماتعرفش عقبال عندك يااشرف دى المزه بتتخطب
اشرف بغضب: اييييييييييييييييييه
******************
———–———-———————-————
ونكمل في الحلقات القادمة ماتنسوش تعلقوا علي الحلقة في صفحة مدام طاسة والست حلة
الى اللقاء في الحلقات القادمة
بقلم الكاتبة:سارة مجاهد
