مسلسل زواج بالإكراه (العنيده والمغرور) الحلقة 20و21
الحلقة 20
ويجرى عليها متلهف: حوريه ..حوريه ردى عليا مالك..ليجرى ناحيه التسريحه ويحضر من عليها زجاجه برفيوم ويرشها علي يده ويقربها من انفها لتبدأ تفيق بعدها
حوريه: امممم انا فين
مروان: انتى معايا ياحبيبتى مالك ف اييه
حوريه: مروان..انت جيت امته
مروان: لسه دلوقتى..مالك ايه اللي جرالك
حوريه: مش عارفه تقريبا ضغطى كان واطى شويه
مروان: طب وكان واطى من ايه
حوريه: يمكن عشان ماكلتش من الصبح
مروان: كدا ياحوريه انتى لسه عيله صغيره عشان اقولك كلي كل شويه وبعدين انتى دكتوره ازاى مش خايفه علي صحتك كدا
حوريه: خلاص يامروان.. ساعدنى بس اطلع علي السرير
مروان: طيب تعالي
حوريه: ايه ده هتعمل ايه
مروان: هشتاالك الله.. ويقوم بحملها ويضعها علي الفراش
حوريه بكسوف: ميرسي
مروان: لا ميرسي علي واجب يااوختشي
حوريه: هههههه ايه ده اتعلمتها فين دى
مروان: هههه سمعت ياسين بيقولها لريناد النهارده
حوريه بضحك: ياسين ده مشكله..بس قلبه طيب والله
مروان: مش اطيب من قلبك انت ياجميل..يلا بقي انا نازل وهطلعلك بصنيه الغدا عشان اكل معاكى انا كمان
حوريه: طب خليك ارتاح انت وانا هنزل اجيبه انا
مروان: راحتك من راحتى انا..ويبتسم لها..هنزل وهاجى علي طول
حوريه بابتسامه: اوك
وبعد ما يذهب من امامها تقول لنفسها: ياااه يامروان شكلي كنت فهماك غلط لما عرفتك او يمكن عشان اتعرفنا علي بعض ف وقت غلط او جوازتنا اللي جت غصب دى هى اللي كانت بانيه بينى وبينك سور ماكانتش مخليانى عارفه اشوف الحنيه والطيبه اللي ف قلبك..معقول يامروان..معقول اكون كنت فهماك غلط..شكلي كدا وقعت ف حبك يامروان من غير مااخد بالي ..لا داانا شكلي حبيتك بجد ربنا يخليك ليا ومايحرمنيش منك ابدا يا….يا حبيبي
اما مروان فيهبط للاسفل ويدخل المطبخ ليبدأ ف تجهيز وجبه له هو وحوريه
هويدا: بتعمل ايه يامروان
مروان: مافيش ياماما بعمل غدا ليا انا وحوريه
هويدا: وانت اللي بتعمل طب كنت نادينى ياحبيبي
مروان: لا ياماما انا كنت حابب انا اللي اعمل..بقولك ايه سبينى بقي عشان ابدع ممكن ياست الكل
هويدا بابتسامه: ممكن ياحبيبي..وتخرج وتتركه يبدع كما قال ..وهو يحضر الغداء كان يقول لنفسه: يااه ياحوريه ماكنتش اعرف انك غاليه عليا اووى كدا ماكنتش اعرف انى لما اشوفك مرميه قدامى علي الارض كدا انى ممكن اجرى او اتخض عليكى لا داانا قلبي كان هيقف من الخوف عليكى..داانتى لو كان جرالك حاجه كنت هحصلك علي طول مش عارف انتى عملتى فيا ايه ياحوريه حاسس انك خطفتى قلبي منى لما يبقي بعيد عنك ماببقاش مبصوت ولما اجى هنا ببقي عاوز ادخل من باب الفيلا واطلع اجرى عليكى واخدك ف حضنى…اه نفسي اخدك ف حضنى ياحبيبتى واضمك ليا وانام علي كتفك..نفسي ياحوريه اخدك ف حضنى…نفسي
*******************
اما يوسف فيتصل ببسنت ليعرف الميعاد الذي اتخذته لها مع والدها ليطلب يدها
يوسف: الو..ايوه يابسبس
بسنت: ايوه يايويو..حشتنى
يوسف: ههههه وانتى كمان حشتيينى..المهم قوليلي خدتيلي المعاد امته
بسنت: اممممم مش عارفه اقولك ايه يايوسف
يوسف: ف ايه يابسنت
بسنت: عااااااااا بابا مش موافق
يوسف: اييه ده مش موافق طب ليه دا لسه ماشافنيش
بسنت: قالي لا هجوزك ابن عمك اللي جاى من الخليج كمان اسبوع
يوسف: كنتى قوليله مايوسف جاى من لبنان مش هتفرق كتير يعنى
بسنت: قولتله قالي لا برضو
يوسف: خلاص ياحبيبتى اسمعى كلام بابا وبرضو الخليج مش وحشه وابن عمك من لحمك ودمك وهيصونك ياحبيبتى
بسنت متفاجئه: يووسف….انت بتهزر
يوسف:ما انتى اللي بدأتى الهزار ياختى…انجزى المعاد امته
بسنت: ماشي يا يوسف ..المعااد المعاااد المعااااد
يوسف: هاااااااااا
بسنت: بكرااااااا
يوسف: بجد تمام اووى كدا…هاجى بقي اطلب ايدك واخطبك وتبقي بتاعى رسمى قدام الكل
بسنت: احبك
يوسف:وانا اموووت فيكى
****************
وينتهى اليوم وتانى يوم يذهب يوسف ليخطب بسنت فيوافق والدها ويقرأو الفاتحه وتمر الايام وف يوم كانت تجلس سهيله ف المنزل وتشعر بالفراغ فيخطر ببالها ان تذهب للنادى فتستأذن من والدتها وتذهب للنادى وتجلس علي طاوله بمفردها وهى تتفحص هاتفها وبعد حوالي 10 دقائق تجد عز يدخل من بوابه النادى فيلاحظها ويذهب لها
عز: سهيله بتعملي ايه هنا
سهيله: هكون بعمل ايه يعنى لقيت نفسي زهقانه قولت اجى النادى
عز: تصدقي وانا كمان
سهيله: انت كمان ايه
عز: حسيت نفسي زهقان فاقولت اخرج اشم شويه هوا ولقيت رجلي جيبانى علي هنا..ويبتسم..انا بقي عرفت دلوقتى هى ليه جابتنى علي هنا بالذات
اما هى فتبتسم له
عز ويتفحصها وكأنه يراها لاول مره: تعرفي ياسهيله انا كنت غبي اووى
سهيله: ليه
عز: ازااى ماكنتش واخد بالي منك زمان
سهيله: عشان انت ماكنتش بتشوف قدامك اصلا
عز: ههههه لا لا مش للدرجه دى ..ما يمكن عشان كنت عيله صغيره بضفاير
سهيله: ودلوقتى
عز بابتسامه: عروسه جميله قاعده مستنيه فارسها يجى ياخدها علي حصانه الابيض ويطييير
سهيله: وتفتكر الفارس ده بيشوف
عز: اكييد
سهيله: مااظنش انه بيشوف لانه لو بيشوف كان خدنى علي حصانه من زمان
عز: مش فاهم
سهيله بحزن: ولا عمرك هتفهم ياعز…وتقف..انا ماشيه…فيمسكها من يدها…لا مش هتمشي غير لما افهم..اقعدى ياسهيله..فتجلس مكانها..عاوز ايه ياعز
عز: عاوزاعرف كل حاجه
سهيله: يااه انت عاوزنى احكيلك عن سنين فاتت
عز: وانا نفسي اسمعك
سهيله: وانا هحكيليك ياعز
وظلت تحكى عن حبها له منذ سنوات طويله وهو يستمع ف اندهااش وصدمه وبعد وقت كبير
عز: يااااه ياسهيله كل الحب ده حبتهولي وانا كنت اعمى مش شايف قدامى
سهيله بدموع: لما نزلت بانجيلينا اقتنعت وعرفت انك مش ليا وكنت بتعذب لما كنت بشوفكو ولا لما كانت بتبوسك قدامنا كنت بتقطع من جوايا
عز بابتسامه: قصدك كنتى بتغيري
سهيله: سميها زى ماتسميها..بس بجد كنت ببقي بمووت
عز: سامحينى ياسهيله سامحينى عن كل لحظه ضيعتها بعيد عنك وعن كل لحظه عذبتك فيها وعن كل لحظه كنتى بتحبينى فيها وانا مش شايفك
سهيله بابتسامه: مسمحاك ياعز مسمحاك
عز: تيجى نبدأ صفحه جديده ونكتب فيها من اول السطر (عز وسهيله)
سهيله بابتسامه: وانا موافقه
فيمسك يدها وتمسك يده بكل حب لنبدأ معا قصه حب رابعه
وتتم قراءه الفاتحه ويعم الفرح والسرور علي الجميع وبعد ايام تعوض الشركه خسارتها وتكبر وتعلو وبالاخص بعد دخول عز بنسبته الكبيره فيها
وتمر الايام والحب يشتعل بين رباعى ابطال قصتنا( مروان وحوريه..عز وسهيله..يوسف وبسنت..ياسين وريناد)
******************
وف يوم كان يجلس علي الفراش عارى الصدر وهى الاخرى كانت تجلس بجانبه عاريه وتستر جسدها بملايه السرير وتشعل السيجاره ف فمها وتعطيها له: خد يا بشبوشتى
المجهول: تسلمى ياغاليه
تاليا: قولي بقي
المجهول: هااا
تاليا: انت مش ناوى تبعت السي دى بقي لمرات اللي مايتسمى انا سامعه ان الجو ف العيله كلها رايق وحلو والكل بيتخطب لا والشركه كمان وقفت علي رجليها تانى وكبرت عن الاول..عاوزين حاجه تعكر عليهم بقي
المجهول: تؤ تؤ الاستعجال وحش يا تاليا انا عارف بعمل ايه وعارف الوقت المناسب اللي هودي فيه السي دى امته
تاليا: امته
المجهول: مش دلوقت
تاليا: طيب انا ف خبر كدا عاوزه اقولهولك
المجهول: خييير
تاليا بخوف وتبتلع ريقها: انا..انا..انا حامل
المجهول باندهاش: نعععم ياروح امك
تاليا: والله غصب عنى غلطه منى اعمل ايه
المجهول: الحل عندك انتى
تاليا: عندى انا ازااى
المجهول: بسيطه تنزليه
تاليا: بس بس حرام نموت رووح
المجهول: احسنلك موتيه هو بدل مااموتكو انتو الاتنين
تاليا برعب: حاضر حاضر هنزله
المجهول: تعجبينى..ويطفئ السيجاره ويغلق نور الاباجوره ويقول لها..تعالي بقي اما اقولك كلمتين
*******************
ف نهايه اليوم كانو يجلسون سويا ف غرفه النوم يضحكون ويمزحون ويأكلون الفاكهه حتى فاجئته بسؤالها هذا: بس قولي يا مروان هو انت كان ليك علاقات قبل كدا
فتجهم وجهه وابتلع ريقه: علاقات!! علاقات ازاى يعنى
حوريه: علاقات مع بنات وكدا
مروان: علاقات من انهى نوع يعنى
حوريه: علاقات يامروان علاقااا….ااااه انت فهمت ايه لا انا اقصد علاقات حب مش اللي انت فكرت فيه خالص لا طبعا مااقصدش كدا استغفر الله العظيم..انا اقصد يعنى حبيت قبل كدا واتحبيت وكدا
مروان: وايه اللي جه علي بالك تسألي السؤال ده
حوريه: مش عارفه..بس حسيت انى عاوزه اسأله
مروان: اى حد اكيد هيمر بعلاقه اواتنين او اكتر ف حياته قبل مايستقر..وانا اه ياستى كان عندى علاقات قبل كدا
حوريه: كتيير؟
مروان: يعنى مش اووى كان كلهم ايام الجامعه كانت البنات كلها بتحبنى..انتى مش شايفه جوزك حلو ازااى والبنات بقي كانت بتبقي هتموت نفسها عليا
حوريه: امممممم
مروان: وانتى بقي
حوريه: انا ايه ماانا حكيالك كل حاجه قبل كدا
مروان: لا مااقصدش..انتى بقي ماانش الاوان انك تحبينى زى البنات دى
حوريه:…………
مروان: انتى لسه بتكرهينى ياحوريه
حوريه: مروان..انا..انا..انا عاوزه انام
مروان: علي راحتك..تصبحى علي خير
حوريه: ايه ده انت هتنام علي الكنبه
مروان: اه..ف حاجه
حوريه: لا مافيش..تصبح علي خير
مروان: وانتى من اهله
وكان كلا منهم نائم بجسده ولكن جفون عينيه لم تغلق بعد
حوريه لنفسها: ليه كدا ياحوريه ليه كنتى قوليله انك بتحبيه وماتكسريش بقلبه كدا يا حبيبي يامروان..بس..بس صدقنى هقولهالك ف الوقت المناسب
اما مروان كان يقول: ليه كدا ياحوريه ليه دا انا حتى حبيتك بجد ربنا يعلم انتى ايه بالنسبالي دلوقت لما حبيتك عرفت انى عمرى ما حبيت قبل كدا واللي قبلك كان مجرد نزوات مش اكتر انما الحب الحقيقي عرفته معاكى هنا..مش عارف انتى بتحبينى فعلا زى ما بحبك ولا لا..ماشي ياحوريه بكره الايام هتبين اللي ف قلبك وانتى مخبياااه
*******************
كانت تدخل بقدميها وهى ترتعش الي عياده تحت السلم ودكتور غير معروف
تاليا: لو سمحتى
الممرضه واللبانه ف فمها: ايووه
تاليا بصوت منخفض: عاوز..عاوزه..اا انزل البيبي
الممرضه: 3500 جنيه
تاليا: لييه ..مش كتيير شويه
الممرضه بسخريه: كتير علينا 3500 جنيه واحنا هنخلصك من المصيبه اللي انتى جيالنا بيها
تاليا: خلاص خلاص خدى الفلوس اهى
الممرضه: هاتى ياختى ..واخذت تعد النقود الذي اعطتها لها..خلاص اقعدى استنى دورك
تاليا: بس انا..مستعجله
الممرضه: ياختى ما كل دول مستعجلين زيك
تاليا وتعطيها 200 جنيه: طب خدى دول ليكى
الممرضه: ان كان كدا يبقي دورك اللي جاى ده
تاليا: متشكره..وجلست تنتظر دورها القادم..وبعد وقت قليل جاء دورها فدخلت للطبيب
الدكتور: اهلاا..
تاليا: دكتور انا عاوزه انزل البيبي
الدكتور: اممم طب اتفضلي اطلعى علي السرير ..وينادى علي الممرضه لتساعده
الدكتور: ايه ده انتى حامل ف شهرين
تاليا: ايوه
الدكتور: ومتجوزه بقي ولا..
الممرضه: وهى لو متجوزه يادكتور هتيجى هنا عشان تنزله
تاليا وتخترع اى حيله: لا انا كنت متجوزه والله واتطلقت من فتره صغيره واكتشفت انى حامل وانا مش عاوزه حاجه تربطنى بيه فا قررت انزله
الدكتور: ماشي مع انى مش مصدقك بس هعديها..هاتى القرار يافتحيه
تاليا: قرار ايه
الدكتور: قرار هتمضي عليه عشان لو جرالك حاجه احنا مش مسؤلين
تاليا بخوف: هو انا….ممكن اموت
الدكتور: ممكن وخصوصا انك ضعيفه كمان
تاليا بدموع: بس انا مش عاوزه امووت عشان خاطرى يادكتور ارجووك مش عاوزه اموووت
الدكتور: ياستى الموت والحيا ده بايد ربنا ولو مكتوبلك تموتى هتموتى وانتى علي سريرك من غير عمليات..ممكن بقي تمضي عشان ابدأ شغلي
تاليا: اوك…وتمضي بيد مرتعشه وبعدها يبدأ الطبيب باجراء العمليه لها……….. وبعد ان فاقت
الدكتور: حمدلله علي السلامه
تاليا بتعب: اممممم الله يسلمك..هو هو انا لسه عايشه
الدكتور: اه والله لسه عايشه..اتفضلي ارتاحى علي الكرسي ده دقايق عشان ف ناس كتير مستنيه دورها بره
تاليا: اوك
الدكتور: بس سؤال كدا..هو مين مروان ده اللي طول ما انتى ف البنج بتتكلمى عليه
تاليا: ها مروان هو انا قولت ايه
الدكتور: كنتى بتقولي هفضحك يامروان هخربيتك وكلام كتير من ده
تاليا: اه تخاريف بنج بقي..طيب انا همشي بقي ميرسي يادكتور
الدكتور: العفو..اتفضلي
***********************
وتمر الايام بسرعه البرق ويتحدد موعد زفاف الجميع والمفاجأه انهم اجمعو علي انه سيكون ف نفس اليوم سيكون زواج كل من عز وسهيله..ويوسف وبسنت..وياسين وريناد….حيث قال مروان لحوريه: حوريه انا عملك مفاجأه يوم فرح العيال دى
الحلقة 21
ويأتى يوم الزفاف والجميع كان فرح بهم..حيث جاء مروان لحوريه وهو يحمل ف يده شيئا
مروان: حوريه..اتفضلي
حوريه باستغراب: ايه ده يامروان
مروان: افتحى وانتى تعرفي
حوريه: اوك…وتفتح العلبه التى اعطاها لها مروان لتتفاجئ بما فيه
حوريه بسعاده: الله يامروان…الفستان حلو اووى
مروان: دا النهارده فرح الغاليين لازم تلبسي اشيك واحلي فستان
حوريه: بس….
مروان: بس ايه؟
حوريه: اشمعنى لونه ابيض..يعنى شكله شكل فساتين الافراح وكدا
مروان: وايه المشكله..انتى بتبقي ف الابيض شبه الملايكه وبعدين انا جايبه بسيط وسيمبل خالص يعنى مافيش فيه استرسات ولا اى حاجه زى مابتحبي..اه وده الحجاب بتاعه اهو..والشوز كمان والاكسيسوريز
حوريه: كل ده..دا انت ما خلتش حاجه ما جبتهاش
مروان: طبعا لازم يكون شامل كل حاجته..وبالمناسبه دى ازازه برفيوم حريمى نوع نازل جديد بس حلو اوووى قولت لازم اجبهولك وتكونى اول واحده تحطى منه
حوريه بامتنان: مروان..مش عارفه اقولك ايه بجد
مروان: ماتقوليش حاجه انتى مراتى ومسئوله منى..المهم بقي يلا عشان اوديكى البيوتى سنتر عاوزك تبقي قمر النهارده
حوريه: مانا هروح مع العرايس بقي
مروان: هههههه يؤسفنى انى اقولك ان العرايس استندلو معاكى وخلعو هما
حوريه:الله.. لييه النداله دى بقي
مروان: معلش بقي سامحيهم
حوريه: مضطره اسامحهم..عرايس بقي
مروان: طيب يلا بينا
حوريه: يلا…ويهبطو للاسفل ويستقلو السياره وقبل انا ينطلقو..
مروان: ايه ده تصدقي نسيت الفون بتاعى فوق..ثوانى هطلع اجيبه واجى
حوريه: اوك بس ما تتأخرش
فيذهب وبعد وقت كبير يأتى لها
حوريه: ايه يامروان كل ده بتجيب الفون
مروان: معلش اصل ماكنتش لاقيه وكنت بدور عليه
حوريه: اوك..يلا بينا بقي
مروان: من عنيااا…وينطلق بالسياره ويذهبو نحو البيوتى سنتر..وتدخل حوريه وتصعد لهم..لتجد كل واحده تجلس تحت ايدى العاملات
بسنت: رورو حبيبتى..سورى بقي يابيبي انتى اللي اتأخرتى
حوريه: تستنى..هو الصاحب له عند صاحبه اييه
ريناد: كتير ياحوريه..بس معلش بقي سامحيها
حوريه:وانتى كمان نادله ياست ريناد..وتنظر لسهيله وكادت ان تتكلم حتى سبقتها سهيله ف الكلام: وحياتك عندى انا كمان نادله عارفه ياحبيبتى من قبل ماتقولي هههه
حوريه: هههه كويس انك عارفه..وتوجه كلامها لاحدى العاملات: مين فيكو بقي اللي هتعملي الميكب
العامله: انا يافندم اتفضلي
بسنت: بقولك ايه عاوزنها عرووسه النهارده
حوريه: ليه هو انا لسه هتجوز..انا خلاص راحت عليا
ريناد: لا ازااى انتى هتبقي احلي عروسه النهارده
حوريه باستغراب: ازااى مش فاهمه!!
فتضربها سهيله ف ذراعيها
ريناد: ااااه ااا لا ااقصد يعنى شكلك هيبقي عامل زى العرايس وكدا
حوريه: ااه قولتيلي…مااااشي..ابدائي ياستى يلا
****************
ونتركهم ونذهب لمروان ويوسف وياسين وعز
ياسين: اخيييرا الواحد هيتجوز ويستقر بقي ياولاد هييييييييح بقي
يوسف: اه والله يا واد يا ياسين الواحد حاسس انه ف حلم
عز: انا المفروض كنت اتوب عن الجواز بس هعمل ايه طبيت وحبيت
مروان: ياااه ياولاد اخيرا الواحد هيتجوز بقي
ياسين: نعم يا اخويا..واللي حصل من كام شهر ده اسمه ايه
مروان: وحيات امك علي اساس انك مش عارف اللي فيها
ياسين: ااه صحيح معلش يااخويا اصل الزهايمر جالي بدرى بعيد عنك
مروان: المهم نبهتو علي البنات ما يجبولهاش سيره
عز: لا تمام يامعلم كله ف الامان
مروان: تمام كدا..يارب تعدى علي خير بقي
ياسين: ان شاء الله يامروان ماتقلقش..
******************
ويمر الوقت بسرعه ويذهب العرسان ليأخذو العرائس ويذهبو بهم الي القاعه…وتأتى السيارات وهى ف أبهى شكل بزينتها وتقف امام البيوتى سنتر ليدخلو واحد تلو الاخر لهم
ياسين بحلته الرسميه التى تظهر وسامته: ريناااااااد
ريناد بكسوف: ايوه يا ياسين
ياسين: ايه الحلااوه دى ..هو انتى حلوه كدا
ريناد بغضب: هو انا كنت وحشه قبل كدا ياياسين ولا اييييييييييه
ياسين: لا ياريناد كنتى زى القمر يلا ياحبيبتى حطى ايدك ف ايدى وبلاش وصله النكد اللي هتفتحيها عليا دى النهارده فرحنا ياحبيبتى
ونذهب ليوسف
بسنت: يويو حبيبي
يوسف: مابلاش يويو دى بحس ان انا زى اختك..بس ايه القمر ده يابسبس..اخيرا حبيبي هيبقي بتاعى ياولاد
بسنت: بس بقي بتكثف اوله
يوسف: ياروووح الوله
اما عند عز
عز بحب: اول مره احس انى بتجوز بجد
سهيله برومانسيه: وانا مبصوته اووى عشان ربنا بيحبنى واستجاب دعايا وخلي حبيبي يبقي من نصيبي
عز: بحبك ياسهيله
سهيله: وانا بعشقك ياعز
اما مروان وحوريه فكان الحوار بينهم كالاتى
مروان: اقولك علي حاجه وتصدقينى
حوريه: اييه
مروان: انتى النهارده احلي من يوم فرحنا
حوريه بكسوف: ميرسي يا مروان كله من زوقك……وانت برضو
مروان بابتسامه: انا ايييه
حوريه: مش عارفه بس حاسه انك عريس زيك زى ياسين وعز ويوسف بالظبط
مروان وهو يعدل البيبيونه: عادى ماهو انا مش بعيد اتجوز النهارده
حوريه وتنظر بطرف عينيها: والله!! طيب مبروك مقدما يامروان
مروان: الله يبارك فيكى ياحوريه عقبال عيالك احبيبتى
حوريه وتلوى شفتيها وتتركه وتذهب
اما هو فكان يضحك بشده علي ردود فعلها ويقول: برضوهتجووز ياحوريه
ويستقلو جميعا سيارتهم وذهبو الي القاعه ويدخلون علي اسماء الله الحسنى وسط المشاعل والنيران ويدخلون الثلاثه وكل عروس متأبطه ف زراع عريسها وحبيبها وجاء الجميع ليسلمو عليهم وبعدها يأتى المأزون ليكتب الكتاب وبعد وقت كبير اعلن المأزون زواجهم..اما مروان فيذهب الي الدي جى ويطلب منه المايك ليقول كلمته..فيعطيه له ويقربه مروان لفمه ليقول: لو سمحتو ياجماعه
فيصمت الجميع والهدوء يحل المكان والانظار كلها تتعلق به بما فيهم حوريه
مروان: عاوز بس اقول كلمتين ف قلبي من زمان وكنت مخبيهم…ويذهب لحوريه ويأخذ يدها ويقف بها علي البيست..وينظرلها ويقول: حوريه…من اول مره شوفنا بعض فيها واحنا مش طايقين بعض وعلي طول نتخانق ولما ابويا وابوكى غصبو علينا اننا نتجوز كان كل املنا ان الجوازه دى ماتكملش..ويبدأ الجميع يتحدث مع بعضه
مروان: لو سمحتو سبونى اكمل كلامى واتكلمو بعدها براحتكو..وينظر لحوريه مره اخرى..بس لما اتجوزنا وعرفتك بجد وحسيت بطيبه قلبك وحنانك..عرفت ساعتها ان ربنا بيحبنى عشان رزقنى بزوجه زيك…انا حبيبتك ياحوريه…ايوه حبيتك بجد ونفسي اكمل معاكى بقيه حياتى
كانت حوريه تنسدل منها الدموع وهى سعيده بداخلها
مروان: وبقولها قدام الناس كلها..انا بحبك ياحوريه ..بحبك يامراتى ياحبيبتى والنهارده هيكون يوم فرحنا..اليوم اللي هنبدأ فيه من جديد..هنبدأ فيه وانتى مراتى وانا جوزك..ويخرج خاتم من الالماس من جيبه ويجثي علي ركبتيه امامها ويمد يده لها ويقدمه: حبيبتى دى شبكتك…شبكه عروستى اللي انا بحبها ومتأكد كمان انها بتحبنى..حوريه تقبلي تتجوزينى
اما الجميع فكان منتظر ردها بفارغ الصبر وهى كانت سعيده للغايه فأمسكت بيده واوقفته وبعدها اخذته ف حضنها فضمها له بشده وهو يبكى وهى ايضا كانت تبكى وظلو طويلا هكذا اما الجميع فكان يصفق بشده وبعدها امسكت المايك لتقول: مروان انا لما عرفتك ماكنتش بحبك بس لما اتجوزنا وعشنا مع بعض عرفتك بجد عرفت مدى حبك لاهلك واصحابك وخوفك عليهم عرفت انك بتيجى علي نفسك عشان خاطر ناس كتير ولمست فيك الطيبه والحنيه..وحبيتك…اه يامروان حبيتك اووى بس كنت مستنيه الوقت المناسب واقولهالك وبدام انت فاجئتنى دلوقتى يبقي هو ده الوقت المناسب اللي اقولهالك فيه..انا موافقه يامروان..موافقه اكون حبيبتك ومراتك من دلوقت..وتمد يدها له ليلبسها خاتمها وبعد ان البسها اياه ضمها له مره اخرى وعانقها بشده…بحبك ياحوريه…بحبك يامروان
اما العرسان فكانو فرحين ويصفقون لهم بشده
وبعد وقت تبدأ رقصه الاسلو فيهبط الثلاثي للبيست وكان رابعهم مروان وحوريه وتبدأ الاغنيه وكانت كل كلمه فيها كأن مروان يقولها لحوريه…
تعرفي بحلم ايه دلوقتى تعرفي بحلم ايه
بحلم يكونلي انا ابن منك نفضل نحضن فيه
نظره عيونه تنسي الهم يحضن ويفضل فينا يضم…شايفك اطيب ااه واحن يا حبيبتى ياحبيبتى ..ياحبيبتى لما هتبقي ام هتبقي ام
هيبقي شبهى وشبهك هيبقي عمرى وعمرك هيبقي روحى وروحك واتجمعو ف قلب ودم..هيكبر بينى وبينك واشوفه بعينى وعينك واتباهى انه علي ايدك انتى هيبقي احسن منى واهم…هيبقي شبهى وشبهك هيبقي عمرى وعمرك هيبقي رووحى وروحك واتجمعوو ف قلب ودم
وف اثناء الرقصه
مروان: بحبك اووى ياحوريه
حوريه بحب: وانا كمان يامروان بحبك اووى
مروان: وكنتى مخبيه عليا
حوريه: كنت مستنيه الوقت المناسب واقولك فيه
مروان: دوختينى معاكى يابنت الشهاوى
حوريه: بس انا استاهل يا ابن العوامى
اما هو فيبتسم ويضمها له..بعشقك
وبعد وقت كبير ينتهى الزفاف ويخرج الجميع ليستقلو سيارتهم
مروان: يلا ياحبيبتى اركبي
حوريه: احنا هنروح فين يامروان
موان: الله…احنا ملناش نفس نعسل زى حبايبنا دول ولا ايه
حوريه بفرح: مروان احنا هنروح نقضي شهر العسل
مروان: ايوه ياحبيبتى..بس هو اسبوع الصراحه مش شهر عشان انتى عارفه الشغل وكدا
حوريه: ان شالله حتى يوم انا راضيه المهم اكون معاك….بس ف مشكله
مروان: ايه
حوريه: هدومنا.. احنا ماجبناش هدومنا معانا هنعمل ايه
مروان بضحك: هههههه كنت متأكد انك هتقولي كدا..وينادى علي ياسين…ياسين الشنط لو سمحت من شنطه العربيه بتاعه بابا وحطها مع شنطكو
ياسين: حاضر يااخويا ما انا الشيال اللي دادى جبهولك
حوريه: شنط ايه يامروان؟
مروان: اقولك ياستى فاكره لما قولتلك…..
فلاش بااالك
ويهبطو للاسفل ويستقولو السياره وقبل ان ينطلقو
مروان: ايه ده تصدقي نسيت الفون بتاعى فوق..ثوانى هطلع اجيبه واجى
حوريه: اوك بس ما تتأخرش
فيذهب للداخل ويصعد للغرفه ويدخل ويتجه نحو اسفل الفراش ليخرج منه حقيبتين كان مخبأهم اسفله واحده يحمل بداخلها ملابسه والاخرى فارغه فيتوجه ناحيه خزانتها ويخرج منها ملابسها ويضعها ف الحقيبه ويغلقها ويحملهم ويهبط بهم الي الاسفل
هويدا: ايه يا حبيبي خلاص
مروان: ايوه ياماما خلاص..ياريت بقي ووانتو رايحين القاعه خلي بابا ياخدهم ف شنطه العربيه
هويدا: من عنيا ياحبيبي..ربنا يسعدكو يارب
ويخرج لها ويستقل السياره
حوريه: ايه يامروان كل ده بتجيب الفون
مروان: معلش اصل ماكنتش لاقيه وكنت بدور عليه
حوريه: اوك..يلا بينا بقي
مروان: من عنيا..وينطلق بالسياره
بااااااااااك
حوريه: كل ده عملته عشان
مروان: عشان اعوضك عن كل اللي فاتك وفاتنى ياحوريه ووعد منى من دلوقتى هكون زوج صالح ليكى وعمرى ماهزعلك ف يوم ابدا
حوريه: وانا واثقه من كدا يا مرواان
يوسف: يلا يامروان هنطلع عالمطار معاد الطياره قرب
مروان: ماشي يلا بينا
ويذهبو جميعا الي المطار وكان معهم سمير وناديه ومجدى وهويدا…وبعد ان ودعوهم.. صعدو للطائره ووصلو الي شرم الشيخ وذهبو للاوتيل المقصود وكل منهم صعد الي السويت الخاص به مع زوجته
نذهب مع عز وسهيله
عز: مالك ياسهيله
سهيله بكسوف: ماافيش ياعز
عز: امممم شكلك مكسوفه ياسوسو
سهيله: عااادى بقي
عز: لا مش عادى..ماتخافيش ياسهيله منى وماتتكسفيش خالص انا بقيت جوزك..هو ف حد بيتكسف من جوزه
سهيله: هههههه جوزه
عز: هههه اه جوزه
سهيله: طيب خلاص مش هتكسف
عز بخبث: طيب تعالي بقي اما اساعدك تقلعي الطرحه والفستان
سهيله بكسوف وخوف: اييييه لا ياعز..انا هقلعهم لوحدى
عز: هههههه احنا لسه بنقول ايه
سهيله: لا ياعز عشان خاطرى بلييييز
عز: خلاص ماشي ادخلي الحمام وغيري براحتك
سهيله بابتسامه: اوك ياحبيبي
***********
يوسف وبسنت
يوسف: ياااااااه اخيرا انا مش مصدق نفسي ياناااس
بسنت: ولا انا كمان مصدقه نفسي
يوسف: يعنى انا وانتى ف سويت لوحدينا ومحدش معانا لا لا اكيد انا بحلم
بسنت: هو احنا هنقعد نحلم كتيير كدا ولا ايه ياحبيبى
يوسف بخبث: اااه يا لئيييمه دايما تفكرى ف المهم..تعالي بقي اما اقولك كلمه ف بوئك
بسنت: اييه يايوسف الكلام ده انت فهمت غلط خالص انا اقصد ناخد شاور عشان نصلي وناااااكل بقي
يوسف باندهاش: نااااكل!!!!
بسنت: اااه يايوسف انا جعاانه اووى
يوسف وكاد ان يبكى: هو ده كان كل تفكيرك وهى دى كل طموحاتك ف الليله دى.. ناااكل
بسنت: ااه اومال انت كنت بتفكر ف اييه
يوسف: لا ولاحاجه..كنت بفكر بس هقلع البيبيونه ازااى..يابختك المنيل يايوسف
بسنت: ههههههههه
*************
ياسين وريناد
ياسين: ادخلي برجلك اليمين ياشاااااابه
ريناد: بس يا ياسين بقي ماتخوفنيش..اهو ادينى دخلت برجلي اليمين ياسيدى
ياسين: حبيبتى ياريناد اخيرا بقينا لوحدينا انا مش مصدق نفسي اننا اتجوزنا خلاص
ريناد: انا مبصوته اووى ياياسين
ياسين: وانا اكتر ياحبيبتى..ويقول لها بكل رومانسيه..انا ياريناد حاسس..
ريناد متلهفه: ايه ياياسين قول انا سمعاك
ياسين: حاااسس…
ريناد: هااااا
ياسين: حااسس انى جعاااان
ريناد: نعم!!!!!
ياسين: اييييه ماكلتش حلو ف الفرح
ريناد: اااااااه صبرنى يااارب
**********
اما عند مروان وحوريه
حوريه: مروان انا حاسه ان النهارده فرحنا بجد
مروان: ومين قالك انه مش فرحنا بجد…هو فعلا فرحنا واحنا لسه متجوزين النهارده..هو انتى عاوزه تسمى الكام شهر اللي فاتو دول جواز ياحوريه
حوريه: اكيد لااا
مروان: احنا من النهارده هنبتدى من اول وجديد
حوريه: النهارده ده اجمل يوم ف حياتى يامروان
مروان: احنا من النهارده مش هنبعد عن بعض ابدا ياحوريه وايدى عمرها ماهتسيب ايدك..غير ف حاله واحده بس
حوريه: ايه
مروان: المووت..انى اموت واسيبك..بس حتى لو حصل هكون معاكى بروحى
حوريه وتضع يدها علي فمه: بعد الشر عليك يامروان اوعى تقول كدا..انا مااقدرش استغنى عنك ابدا دا انا معاك شوفت الحنيه اللي ماشوفتهاش من ابويا..انت حبيبي يامروان
مروان: الله…كان نفسي اسمعها منك من زمان اووى ياحوريه
حوريه: من النهارده مش هتسمع غير هى
مروان: بحبك ياحوريه
حوريه: وانا بموت فيك يامروان
ويقترب منها ويضع قبله حانيه علي شفتيها
مروان بابتسامه: كان نفسي اعملها من زماان
حوريه: زمان ماكنش ينفع يامروان
مروان: ودلوقت
فتخفض حوريه بصرها للاسفل ف خجل وبعدها يأخذها مروان ف احضانه وتسكت شهرزاد عن الكلام الغير مبااااح
******************
———–———-———————-————
ونكمل في الحلقات القادمة ماتنسوش تعلقوا علي الحلقة في صفحة مدام طاسة والست حلة
الى اللقاء في الحلقات القادمة
بقلم الكاتبة:سارة مجاهد
