مسلسل تضحية ثم حب الحلقة 15و16و17و18

الحلقة 15

ايمان:عايزة اقابل البشمهندس مراد
السكرتيرة:في معاد مسبق
ايمان:لا..انتي قوليله ايمان وهو هيعرفني
السكرتيرة:انا اسفه يا استاذة بس هو مش بيقابل اى حد غير بعماد مسبق
ايمان بصوت مرتفع:انتي غبيه..دى شركه جوز خالتي دا انا ارفدك فيها انتي متعرفيش انا ممكن اعمل ايه
خرج مراد علي شجار في الخارج وكان معه سيف
مراد:ايه اللي بيحصل هنا يامدام ليلي السكيرتيرة
ليلي:عايزة تدخل وبقولها في معاد مسبق بتقولي لا وبتقول انا ممكن ارفدك
مراد برود:وحضرتك هترفديها ازاى..لو عايزة تقبليني تاخدى معاد زيك زى اى حد
ايمان بصدمه:انا زى اى حد
سيف بقرف:وهو فيكي ايه مختلف عنهم
ايمان:في ان انا بنت خالتك ومن حقي اجى هنا في اى وقت
سيف:دا لما يكون ليكي حق في الشركه بس انتي ملكيش اى حاجه ولو سمحتي يلا اتفضلي من هنا عندنا شغل
اقتربت ايمان من مراد وهمست في اذنه:هوصلك لو حصل ايه..ولا ياسمين هتبعدني عنك ولا حتي جوزى انت كنت ليا وهتفضل كده
مراد بصدمه:انتي مجنونه..سيف نادى علي الامن يطلعوها برة بلا قرف
دخل مراد الي غرفه مكتبه واغلق الباب خلفه بعنف وطلب سيف من الامن ان يخرجوا ايمان الي خارج الشركه وان لا يسمحوا لها بالدخول مرة اخرى وطلب من السكرتيرة ان لا تدخل اى شخص لمراد الان وان تبعته له هو
———–
علي جانب اخر في كافيه
ياسمين:ودا كل اللي حصل ومش عارفه اوافق علي طلب جوازه ويبقي اتسرعنا ولا استني شويه
ريم:ياسوسو اللي انا فهمته من كلامك ان مراد بيعمل اى حاجه علشان يحميكي حتي لو علي حساب حياته هو
ياسمين بشرود:اه هو بيعمل اى حاجه ومش عايز اى حد يقرب مني حتي انه بيتخانق مع سيف لما يرخم عليا..ولما شافني واقفة مع احمد امبارح اتعصب جدا ومكلمنيش لحد دلوقتي
ريم:انتي كنتي واقفه مع احمد فين
فلاش باك
بعدما عرض عليها مراد الزواج وركضت الي غرفتها قابلت احمد وهو خارج من غرفته
ياسمين:ازيك يا احمد
احمد بابتسامه: تمام وانتي
ياسمين:زالفل..ليه مش باين كده
احمد:شغل بقا والشقه
اكملت ياسمين:وحاجه اخر تعب..ربنا يعينك
احمد:اميين..بس ايه حاجه اخر تعب دى
ياسمين:تريقه وانفجر احمد في الضحك وهى ايضا كانت تضحك معه الي ان وقعت عيانها علي مراد الذى يتابعهم واصبح وجهه مصبوغ باللون الاحمر ونظر لها نظرة ارعبتها ثم دخل الي غرفته لاحظ احمد التوتر الذى حدث بسببه
احمد:انا اسف..يبدو انه فهم غلط
ياسمين:ولا يهمك ..عن اذنك
بااااك
ريم:وانتي وقفتي تتكلمي مع احمد ليه
ياسمين:احمد من وقت ما مراد خطبني وهو مبقاش يتعامل معايا كان انا بقيت وحده غريبه ومتنسيش ان هو كان بيبقي معايا اكتر من سيف..بس انا ادايقت اوى لما شوفت نظرة الشك في عيون مراد
ريم:انتي بتحبيه صح
ياسمين بصدمه:احبه…لا لا لا انا بس عجباني شخصيته وتصرفاته بيحسسني ان انا مسئوله منه انا هروح الشركه واقوله ان انا مش موافقة علي الجواز دلوقتي يلا قومي
وذهبوا الي الشركه وقبل ان ينزلوا من السيارة رات ريم ايمان وهى تخرج
ريم:مش دى ايمان…يانهار اسود ايه اللي لبساه دا
ياسمين:مامتها مدلعاها اوى يلا بينا
ودخلوا الي الشركه وطلبت من السكرتيرة ان تدخل الي مراد ولكنها قالت لها ان سيف طلب اى ياتي اى شخص يريد مراد له لانه حدثت مشكله قبل قليل ذهبوا الي غرفه سيف
ياسمين:هو ايه اللي حصل
سيف:ولا حاجه..ازيك يا ريم
ريم:تماام
ياسمين:ايه حصل بقا وايمان كانت هنا ليه
اخبرها سيف بكل شئ حدث :بس هي قالتله حاجه عصبته جدا انا معرفش قالتله ايه لانها كانت قريبه منه اوى وقتها
ياسمين وتذكرت عندما اخبرها والدها في مرة ان ايمان كانت تحب مراد وعند تذكر ذلك الشي غضبت كثيرا
ياسمين:انا هروحله
وذهبت وتركتهم بمفردهم وطرقت باب مراد ولكنها لم تسمع اى صوت لذلك فتحت الباب ودخلت واغلقته خلفها ووجدت مراد مسترخي ع الاريكه فظنت انه متعب وقامت بوضع يدها علي جبينه ففتح عينه ظل ينظرون لعيون بعضهم لفترة الي ان اعتدل مراد
مراد:في حاجه حصلت ولا ايه
ياسمين باستغراب:انت ليه بتتكلم بجديه كدا
مراد:والمفروض اتكلم ازاى..لازم انوعلك انا اتكلم بجديه علشان الاستاذ التاني تهزرى معاه
ياسمين بغضب:انت عارف بتقول ايه..احمد مش اكتر من اخر ليا هو حاجه وانت حاجه تاني
شدها مراد من يدها فارتمت بحضنه ثن همس لها:وانا ايه بقا بالنسبالك
توترت ياسمين وغيرت الموضوع:ايمان كانت هنا ليه
ابعدها مراد عنه:عاادى جات ومشيت
ياسمين:ياسلام ببساطه كده..يعني هي مش عايزة تسترجع حاجه قديمه
مراد بقلق:حاجه ايه
سكتت ياسمين لدقائق ثم قالت له وهي تنظر لعينه:انا موافقة ان احنا نعمل الفرح
الحلقة “16”

سكتت ياسمين لدقائق ثم قالت له وهي تنظر لعينه:انا موافقة ان احنا نعمل الفرح
مراد بصدمه:انتي قولتي ايه
ياسمين:قولت نعمل الفرح
ظل مراد ينظر لها وهو لا يعرف هل هي تتحدث تجد ام تمزح معه استغربت ياسمين من صدمته لذلك ارادت ان تلعب عليه
ياسمين:خلاص انا سحبت فكرتي
مراد واقترب منها:سحبتي ايه ياختي..هو دخول الحمام زى خروجه
ياسمين: انا اصلا كنت بهزر مش بتكلم جد
مراد:بصي في عيني وقولي انك كنتي بتهزى
ياسمين بتوتر:ااانا انا..
مراد:انتي ايه
ياسمين:ريم وسيف لوحدهم عن اذنك وقبل ان تذهب مسك مراد يدها ثم همس:اظن احنا مش محتاجين لاسبوع تفكير هتفق مع مامتك الفرح يوم الخميس…ومن غير نقاش اظن انا استنيت كتير اوى
ياسمين:انت مجنون وتركته
————
فى غرفه سيف بعد ان خرجت ياسمين
ريم بتوتر:ياسمين مشيت هطلع استناها برا وكانت علي وشك ان تفتح الباب ولكن حاصرها سيف بيديه
سيف بهمس:وحشتيني
ريم:بجد كده مينفعش لو سمحت ابعد عني
سيف واقترب اكثر:لا مش هبعد غير لما اسمع موافقت علي جوزانا وتقبلي حبي ليكي
ريم:انت مجنون..انا مش موافقة
سيف واقترب اكثر:موافقة ولا لا
ريم بتوتر وقلق:ل ل لا
سيف واقترب منها اكثر اواصبح لا يفصله عنهاا سوى سنتيمترات:موافقة ولا لا
ريم:ل..موافقة
ابتسم سيف وبعد عنها:انا عرفت الطريقه اللى تخليكي توافقى علي اى حاجه..ماما هتكلم مامتكم ومش عايز اسمع غير الموافقة لان صوتك مسجل فستعمله علشان اثبتلهم انك وافقتى
ريم بغضب:انت حيوان وقليل الادب
فتحت ياسمين فى ذلك الوقت الباب:هو مين اللى قليل الادب
سيف:دا واحد بيتصل علي ريم وزاعجها وغمز لريم
ياسمين ببراءة:اعمليله بلوك
سيف بضحك:ما هى عملت
ريم:ياسمين يلا نمشي لان لازم اكون رجعت دلوقتى
———
في المساء قال مراد لفريدة انه يريد الفرح يوم الخميس
ايمان:ايييه..لا طبعا
الجميع نظر لها بصدمه ولكنها قالت بارتباك:انا ق قصدى ان كده انتو هتستعجلوا
ياسمين:استعجال ايه بس دا مراد قال انه مستنيني من 20 سنه
ايمان بحقد:وقتها كان طفل ومكنش يعرف حاجه
مراد:بس الحاجه اللى كنت عايزة وقتها لسه عايزها لحد دلوقتى ولا ايه
ايمان بكره فى نفسها:مستحيل اسبهولك يا ياسمين..انا من وقت ما عرفت الحب ومشوفتش غير مراد وبس

 
الحلقة”17″

ايمان بكره فى نفسها:مستحيل اسبهولك يا ياسمين..انا من وقت ما عرفت الحب ومشوفتش غير مراد وبس
مراد:ايه ياطنط حضرتك موافقة
فريدة:لو انتو متفقين يبقا انا اكيد موافقة
مراد:تمام يبقا يوم الخميس
فريدة:هتلحقوا تجهزوا حاجتكم
مراد:اصلا مفيش حاجه ياطنط هو الفستان والبدله والقاعة
ياسمين:يا سلام بس كده..والبيوتي سنتر..وهخرج مع ريم كمان
سيف بابتسامه:انتي بتهددى ولا بتقولي بالظبط
ياسمين:بهدد..وانا هطلع اكلم ريم عند اذنكم
صعدت ياسمين الي غرفتها وقالت احلام:انا مش عارفة انت ازاى ساكت علي كل الدل دا يامراد
مراد وهو ينظر الي ايمان:طيب هى لو مدلعتش عليا هتدلع علي مين..ثم اكمل بقصد:كل واحدة ملها شالا جوزها فالاحسن تحافظ عليه..عن اذنكم انا طالع..سيف انت وطالع عدى عليا
سيف:حاضر
———–
في غرفة ياسمين كانت تتحدث مع ريم واخبرتها بكل شي
ريم:طيب انتي ليه وافقتي علي الفرح بالسرعه دى مع انك قولتيلي انك مش موافقة
ياسمين بشرود:كنت خايفة..كنت حاسة ان ايمان هتاخده مني
ريم:تاخده ازاى وهى متجوزة وعندها بنت
ياسمين بقوة:لا تاخده يا ريم..متنسيش لبسها عامل ازاى يخلي اى راجل يضعف قدامها ومش بعيد تحط كاميرا وبعدين تذله بالفيديو وتخليه يتجوزها وتتطلق من جوزها والبنت اصلا مش فارقة معاها كانها مش بنتها ولا موجودة في حياتها
ريم:انتي عايزة اية بالظبط..عايزة مراد ولا عايزة تنقذى مراد من ايمان
ياسمين:عايزة انقذه
ريم بضحك:ههههههههه كنت متاكده انته تقولي كده..ياسمين كفاية عند بقا واعترفي لنفسك انك بتحبيه
ياسمين:لا لا انا مش بحبه انا عجباني شخصيته وتصرفاته ثم اكملت بشرود:بحب طريقته لما يكون عايز يقنعي بحاجه
ريم وقد تذكرت ما فعله سيف ليقنعها بالزواج فقالت بخبث:وبيقنعك ازاى
ياسمين:علي فكرة انتي قليله الادب
ريم:انا هو انا عملتلك ايه يا مجنونه
ياسمين:لا مش انتي انا اسفه بس انا كان قصدى….
قاطعها مراد:قصدك انا صح
اتخضت ياسمين من صوته ووقفت من علي السرير ووقع هاتفها علي الارض
ياسمين:علي فكرة عمله الباب علشان نخبط
مراد وهو يقترب منها:دا لما تكوني قفلاه بس حضرتك سيباه مفتوح ودى مش مشكلتي انا سمعتك بتتكلمي عليا
ياسمين وهي ترجع للخلف:انت سمعت ايه
مراد:سمعت كل حااجه
ياسمين بتوتر وهي مازالت ترجع:انا وريم كنا بنهزر يعني دا مش حقيقة و….
ياسمين وهي ترجع للخلف داست علي جيبتها وكانت علي وشك الوقوع اراد مراد ان يمسكها ولكن لم يستطع ووقعت هي علي السرير وهو فوقها
مراد بهمس امام وجهها:انتي قولتي انك معجبة والاعجاب بيكون بعده حب يا مراتي
لم تعرف ياسمين ماذا تقول فهو سمع كل شي وراته وهو يقرب وجهه منها فعلمت ماذا سيفعل واغلقت عينها علي الفور..اقترب منها مراد وكان علي وشك تقبيلها ولكنها فتحت عيناها فورا
ياسمين بصدمه:يانهااار اسود
مراد بخضة:ايه فيه
ياسمين:ابعد ابعد بسرعه
ابتعدت عنها مراد وقفت ياسمين
ياسمين وقد امسكت بالموبايل:الحمدلله مفهوش اى اصابات
مراد بصدمه:انتي بعدتيني علشان الموبايل
ياسمين:طبعا دا ايفون يا ابني
مراد بصوت منخفض:ابو فصلانك يا شيخه
سمعته ياسمين وابتسمت:يلا علشان عايزة انام وبكرة عندى شغل كتير
مراد:شغل!!لا اكيد سيف طلعلي دلوقتي
وخرج من غرفة ياسمين ووجد سيف يخرج من غرفته
سيف:ايه يابني كنت فين
مراد:مفييش..يلا تعالي لان عندنا اجتماع مهم بكرة
ودخل الى غرفته ووراه سيف ولكن راته ايمان وهو يخرج من غرفه ياسمين
ايمان:انا اسفة يا مراد بس انا دلوقتي لازم ابعت الصور لياسمين..ووقتها هي تقرر اذا كانت عايزة تكمل الجواز ولا تسيبك

 

الحلقة “18”

ايمان:انا اسفة يا مراد بس انا دلوقتي لازم ابعت الصور لياسمين..ووقتها هي تقرر اذا كانت عايزة تكمل الجواز ولا تسيبك
——–
فى غرفه ياسمين:بعد ان خرج مراد اخذت شاور وجلست علي السرير وهى تفكر فى كلام ريم وفى تصرفات مراد
ياسمين:معقولة اكون بحبك انا بكون مبسوطه جدا وانا معاك بس دايما بكون خايفة..خايفة انك تسبني او تعمل حاجه تخليني اكرهك وقتها مش هعرف تصرفي هيكون اية بس اللى انا حاسة بيه دلوقتي انى مبسوووطه اووووى ونامت علي السرير وامسكت هاتفها وظلت تقلب فى صور الخطوبة وكتبت الكتاب وهي تبتسم الى ان نامت
———
اتفق مراد مع سيف علي كل شي واخبره انه يريده هو ان يقوم بهذه الصفقة
سيف:انت بتهزر صح دى صفقة كبيرة جدا ازاى انا اللى هتكلم فيها واحدد كل حاجة
مراد بجدية:لانك لازم تتعود علي كده..لازم تثبت نفسك وتعمل كل حاجه لوحدك بدون خوف او توتر
سيف:تمام بس دى صفقة كبيرة اوى يا مراد انت ليه عايز تجازف كدا
مراد:دى مش مجازفة انا قولت اللى عند وحضرتك هتنفذ
سيف:انا مش موافق
مراد:وعد مني لو الصفقة دى تمت خطوبتك هتكون مع فرحي
سيف:انت قد كلامك دا
مراد:طبعا قده ووقتها هتكون قد المسئوليه فى نظر بباها
سيف بحماس:تمام وانا جاهز بس عندي طلب بسيط
مراد:اتفضل
سيف:انك تكون موجود فى الاجتماع بس تتابع اللى هيحصل علشان لو حصلت مني اى غلطه تفهمالى بعد كده
مراد بابتسامه:وانا موافق
حضن سيف مراد وذهب الى غرفته ونام علي الفور لانه يريد ان يثبت انه قد مسئوليه زواجه من ريم ومسئوليه الشركه
اما مراد فكان يتذكر كلام ياسمين فى هاتفها وهو يبتسم ونام بعدها
———
فى الصباح ذهب مراد وسيف الى الشركه وكان باقي القليل علي الاجتماع وكان يتحدث معه مراد ويشجعه
وفي غرفه الاجتماعات بدء الاجتماع وقام سيف بشرح كل شئ وكان مراد يتابعه وهو مبتسم فهو يثق به ويعرف انه قد المسئوليه ولكنه اراد ان يثبت ذلك الشئ لسيف وانتهي الاجتماع وتمت الصفقة
سيف:انا انهيت الصفقة ودلوقتي لازم انت تثبت انك قد كلمتك
مراد وهو يفتح باب الغرفة:موافقتها هتوصلك بليل
اتصل مراد علي ياسمين ولكنها لم ترد فرن مرة اخرة
ياسمين بنوم:الوووو
مراد بابتسامه:حتي وانتي لسه صايحة صوتك حلو
ياسمين:ما تحترم نفسك يا جدع انت
مراد بصدمه:جدع
ياسمين:مرااد
مراد:نعم
ياسمين:عايز ايه علي الصبح كدا
مراد:عايز ايه!!!طلب صغير
ياسمين:امممممممم
مراد:ان ريم توافق علي خطوبة سيف وتكون معانا فى فرحنا
ياسمين:اشطاا سلام بقا واغلقت دون ان تنتظر رده
مراد وهو ينظر للهاتفه:شكلي هتعب اووى
اتصلت ياسمين ب ريم وردت علي الفور
ريم بخضة:فى حاجه لية صاحية بدرى كدا حد حصله حاجه
ياسمين:بس ايه علي الصبح كدا اهدى مفيش حاجه انا عيزاكي فى موضوع مهم
ريم:موضوع ايه
ياسمين:سيف
ريم بخضة:ماله سيف
ياسمين:عايز موافقة الخطوبه النهاردة
ريم:انا موافقة خليه يكلم بابا بقا
ياسمين بصدمه:موافقة كدا على طول انا كنت مجهزة نفسي لخناقات وولكنها سمعت صوت والده ريم وهي تنادى عليها
ياسمين:خلاص روحي شوفي مامتك ونتقابل بكرة
ريم:تمام …سلام
ظلت ياسمين تفكر كيف وافقت ريم بهذه السهوله ولكنها لم تعرف فقامت بتغير ملابسها وجلست مع عائلتها
وفي المساء اتي سيف ومراد واحمد ملك وكانوا يتناولون العشاء عندما تحدث سيف:مراد لحد دلوقتي مسمعتش الموافقة
غمزت ياسمين لمراد ففهم:ايه دا هو انا مقلوتلكش انها وافقة
سيف:انت بتتكلم جد
فريدة:مين اللى وافق
سيف:ماما عايزين نروح بكرة نطلب ريم علشان تكون الخطوبه مع فرح مراد وياسمين
فريدة:الف مبرووك يا حبيبي طبعا هنروح
تركت ملك الطعام وذهبت الى غرفتها وذهب لها احمد
ايمان:انت ازاى تعمل كدا مش قولنالك انك هتتجوز ملك
كان سيف علي وشك التحدث ولكن تكلم مراد:علي فكرة هو راجل يختار بنفسه اللى عايزها مش احنا اللى نحددله هو عايز ايه
ايمان بخبث:طيب ما انت راجل ومخترتش ياسمين
نظرت لها ياسمين وفريدة بصدمه ولكن تحدث مراد
مراد:لا انتي غلطانه لان انا كلمت عمي وطلبت منه ياسمين وقالي هي الاول تخلص دراستها يعني جوازى منها بارادتي عن اذنكم
ياسمين:انتي واحدة مريضه والي انتي عيزاه مستحيل يحصل يا ايمان وقامت هى ووالدتها ولكن فريدة قبل ان تذهب قالت:اظن ان انتو هنا ضيوف مش اكتر
ايمان:هي بتطردنا بس بالذوق صح
احلام بغضب:انتي فقرية من وقت ما جيتي وكل حاجه يمشي عكس ما انا عيزاها وتركتها وذهبت
ايمان:كله بسببك يا ياسيمن الاول اخدتي مني مراد ودلوقتي صحبتك اخدت سيف من ملك لازم انفذ
———
في غرفة ملك كانت تبكي ودخل احمد لها
احمد:ممكن تهدى شويه ونتكلم جد
ملك وهي تمسح دموعها:اتكلم
احمد:ملك انتي لسه بتدرسي يعني لسة صغيرة حياتك مش هتوقف علي حد لازم تقاومى وتثبتي نفسك وتحققي حلمك واصلا سيف من الاول مكنش ليكي هو من وقت ما كان في الكلية وهو عايز ريم
ملك:اشمعنا هي
احمد بحزن:مفيش حاجه اسمها اشمعنا احنا مش بنختار الحب القلب هو اللي بيختار
ملك:لسة بتحبها صح
احمد بجدية:هى خلاص بقت علي ذمه واحد تاني وبصراحه هو يستاهلها هو بيعمل المستحيل علشان تفضل معاه وبعدين الحب انك تشوفي سعاده الشخص اللي بتحبيه فين وتعمليها هي سعادتها مع مراد وسيف سعادته مع ريم
ملك بابتسامه:انت عندك حق ربنا يوفقهم في حياتهم ويوفقنا
احمد:امين يلا هسيبك بقا
وفي صباح اليوم التالي ذهبت ريم مع ياسمين لاختيار الفستان وحجز مراد القاعه ومعه سيف وذهبوا واشترو البدل وتقابلوا في مطعم لتناول الغداء
ياسمين:انا بفكر اقفل الموبايل خالص
ريم:هيكون احسن بدل ما انتي 24 ساعه قاعدة علي النت
ياسمين:24 ساعه ازاى..طيب انا بنام وباكل امتي
سيف:حتي وانتي بتاكلي بيكون الفون جمبك..بجد يا مراد ربنا يعينك
ياسمين:ويعينك
سيف:لا ما هو اكيد هيعيني
مراد:طيب انتو رايحين مكان تاني ولا ايه
ياسمين:ا هانا لسة مش لاقيه فستان
سيف:كل اللي شوفتيه واللف دا ومش لاقية
ياسمين:ملكش فيه وقامت باغلاق هاتفها كده احسن
وعادو الي المنزل في المساء
فريدة:جبتي الفستتان يا ياسمين
ياسمين بتعت:اه يا ماما جبت انا هطلع اخد شاور وانام علي طول تصبحوا علي خير
ايمان في نفسها:دى هتكون اخر ليله ليكي مع مراد لانك من بكرة هتطلبي الغاء الفرح وقامت بارسال الصور لياسمين
——–
فى الصباح كانت ياسمين تتحدث مع مراد وسيف وهم يضحكون نظرت لها ايمان بحقد
ايمان:بعد ما بعتلك الصور بردو لسه مسبتهوش وجاء فى ذلك الوقت الفستان وطلبت ايمان ان تراه ولكن ياسمين رفضت وقالت:ابقي شوفيه يوم الفرح ملك ممكن تساعديني اطلع الحاج هدى اوضتي
ملك:اكييد
فى غرفه ياسمين……ياسمين:عايزة تشوفي الفستان
ملك:مش انتي قولتي يوم الفرح للي عايز يشوفه
ياسمين:بصراحه الكلام دا لاختك بس تشوفيه
ملك بحماس:اكيييد..وانا اصلا عارفة ان ززوقك حلو
وعندما رات الفستان:وااااااو دا جميل اوى يا ياسمين الف مبروك وربنا يتمملك بخير
ياسمين:الله يبارك فيكي
كان الفستان اوف وايت وضيق من فوق وينزل علي وااسع ومنفوش ويوجد بيه فيونكه من الخلف ينزل منها ديل طويل وطرحه الفستان والشوز
ياسمين:بس متقوليش لحد بقا لان مش هخلي مراد يشوفه
ملك:تمااام..انا هروح اذاكر بقا لان الايام الجاية هنكون مششغولين جدا
ومرت الايام دون احداث تذكر الا ان اتي يوم الفرح وخطوبه سيف
ارتدي مراد بدلته ورش عطره المفضل وكذلك فعل سيف واتصل سيف علي ريم واخبرته انها انتهت ولكن ياسمين بقي لها القليل وطلب منها ان تخبر ياسمين ان تفتح هاتفها لان مراد يريد ان يتحدث معها واغلقت معه
ريم:ياسمين:افتحي الموبايل لان مراد عايز يعرف هتخلصي امتي
العاملة:انتي كده خلصتي يا انسه
ياسمين:انا هتصل عليه وفتحت الفون ورات الكثير من الرسايل ولكنها تجاهلتها وقامت بالاتصال علي مراد
مراد:وحشتيني
ياسمين:شكرا
مراد:شكرا بس..
ياسمين:انا خلصت
مراد:تمام احنا جايين
واغلقت معه وقالت لريم:هما هيجو بس تعرفى عندى كميه رسايل علي الموبايل مش عارفة ليه دا كله
ريم:طيب شوفيها
فتحت ياسمين الرسايل وكانت معظمها صور من رقم غريب ويوجد بها صور ومكتوب اخر رساله فاعل خير فتحت الصور وانصدمت…