ترفيهمسلسل تالين

مسلسل تالين الحلقة 1و2و3 للكاتبة:سلمى الزهيري

المقدمة
يقال ان الحب تضحية …في عالمي الحب امنية اذا احببت احد تتمناه وبشدة ويصبح امنيتك من الحياة لكن… ماذا لو امنيتك تتمني غيرك وغيرك هذا قريب منك…هل ستضحي بها لاجل اسعادها ام ستتمسك بها ؟!

الحلقة1
رن تليفون(توته ):الو مين؟!
(توته هي فتاه في بدايةعقدها الثاني تتميز بالشعرالاسود الناعم الطويل لكنها تتعمد ان تجعله مصفف في شكل الكيرلي عيونها سوداء وبشرتها قمحاوية ومتوسطةالطول لكنها كانت تتمني ان تصبح اطول )عودة
انتي لسةهتقوليلي مين قومي بسرعة وقت المحاضرة اتغير ..انتفضت توته من السرير
توته:ايه؟!حرام عليكي يافيروز هي دي صباح الخير
(فيروز هي فتاه من نفس عمرتوته شعرها بني فاتح مائل للذهبي دائما ما تجعله كحكة وعيناها عسلية متوسطة الطول هي وتوته طالبات في السنة الثانيةفي كلية العلوم) عودة
قامت توته بسرعة توضأت وادت فرضها و لم تنتبه انها تصدر ضوضاء و هي تجمع اشيائها فأيقظت امها دخلت غرفتها وجددتها جاهزة للخروج وتجمع اوراق كثيرة وتحاول ان تدخلها في حقيبتها
امها(بروج):ايه صحاكي بدري؟!
توته :المحاضرة معادها اتغير منهم لله انا صحيتك؟
بروج:لاعادي احضرلك فطار ؟
توته :لامافيش وقت لازم انزل
بروج بعصبية خفيفة:وهو ينفع تنزلي منغير فطار
لالالالا مش ممكن ازاي تتقطعي ملاقتيش غير انهاردة حرام عليكي مضطرة امسك الورق ده كلو في ايدي اه يارب هكذا قالت توته واكملت :ماما حبيبتي انا لازم انزل احسن هتأخر
بروج:ابقي طمنيني عليكي مع السلامة
توته :حاضر سلام ياعسل
في الشارع…
نزلت توته وهي بتحاول علي قد ماتقدر تمسك الورق الي ان تصل لسيارتها وتتفاجئ ب(نور) …
(نور هو شاب في منتصف عقده الثاني يتميز بالشعر الاسود اللامع والعيون الرمادية ليس بشديد البياض في البشرة بالاضافة الي جسده الرياضي)عودة
يصطدم بها لانه كان ينظر بالخلف وسقطت اوراقها ..
توته بعدم تصديق:لالالا مش ممكن يقع وبسرعة فائقة لمت الاوراق ..
نور:مش تاخدي بالك وانتي ماشية
توته بنظرة غاضبة:اه معلش اصلي كنت باصة ورايا واناباخده واكملت بحدة وسع من طريقي انامش فايقةاتخانق ع الصبح يااستاذولم تمهله اي فرصةللرد ورحلت لسيارتها تاركاه لغضبه من سليطة اللسان تلك
وصلت للجامعه اخذت فيروز وانطلقو للمحاضرة حين وصلت كانت هناك عيون تراقبها في اعجاب طويل كانت عيون (وسام)اوبالاحرى المعيد وسام
(وسام هو شاب في منتصف عقده الثاني يتميز بالشعر البني الداكن وعيونه بني فاتح مع بشرة بيضاء وجسد رياضي)عودة
كان يراقبها فهي لم تغب عن عقله من اول يوم لها بالجامعة فقد اعجب بها وبأخلاقها وحين ذهبت ذهب هو الاخر لينهي اعماله ..كان توته تشعر بالغيظ من فيروز لعدم قدوم سراج وهو دكتورها التي لا تفهم الا منه واعتقدت انها خدعة من فيروز لكن حين دخل معيد المادة واوضح انه اعتذر لحدوث ظرف ما وبدء يشرح و هو وسام الذي تفاجئ بتدريسه لصفها لكنها لم تنتبه له بعد الانتهاء ..وضعت توته اوراقها ف السيارة ووقفت
فيروزببراءة:شوفتي علطول ظلماني
توته بغضب خفيف:اسكتي بقي احسنلك ..
فيروز :كدا طب انا همشي وحدي ..
توته:بالسلامة اشوفك بكرة رفعت نظارتها الشمسية
واخذت تفكر في احداث اليوم ونور وحين احست بضيق نظرت في ساعتها وجدتها الرابعة عصرا اخذت قرار انزلت نظارتها وانطلقت ..
في مكان اخر …
انور يا انور يا انور التفت انور الي المنادي واندهش كثيرا مين توفيق مش معقول واحشني ياصاحبي
توفيق: وانت اكتر انت بتشتغل هنا ولا مرة شوفتك
انور:اه انا المدير المالي للفرع وانت
توفيق:مدير المخزن عشان كدا مش بنتقابل كتير
وبينما هم يتحدثو اقبلت توته بسيارتها
توته:احم استاذ توفيق تسمحلي اوصلك انهارة
توفيق بتعجب:انتي ايه جابك يابنت مانا بروح بالاتوبيس انور توته بنتي..
توته وقد نزلت من سيارتها..
توته:كدايابوتوته مكنش العشم يخلصك كدا ياعمو
انور بضحك:لاطبعاميصحش كداياتوفيق حد يعامل البنات كدا !يابختك كان نفسي في بنت والله
توته بنبرة طفولية:احنافيهامخصماك يابوتوته وهصاحب صاحبك…
توته:وهوموافق صح ياعمو
انور بأبتسامة:احنانطول ياجميل
توته بمزاح:لابلاش الطول ياعمو بحس بأهانة..ضربهاتوفيق ضربة خفيفةمش هتعقلي ابدا
توته:وخدناايه من العقل صح ياعمو
انور:صح ياعسل ..طيب اشوفك بكرةبقي سلام
توته:سلام فين ياصاحبي لازم اوصلك مع ابويااحسن يشك اننامش صحاب..انور:بس
توته:مبسش قوله يابابا
توفيق:تعالاياانورمش هتسيبك
توته:اتفضلويابهوات نورتو عربيتي المتواضعة
انور:منورةبصاحبتها الحلوة
توفيق:احكيلي اخبارك معاك عيال؟
انور:عندي ولدين ..توفيق:ربنايخلي
توته:قدايه ياعموياجميل؟
انور:واحد متخرج وبيشتغل مهندس والتاني معيد في الجامعة
توته:ياسلام اوعدنايارب بس ياخسارةكبار
انور باستغراب:ليه خسارة
توته بضحك: لوكانوصغيرين كنت ارتبطت بيهم الاتنين
ضحك انور:بنتك دي مشكلةبس هناياعسل
توته:نورتني ياعموابقي كررها
انوربضحك:ماشي سلام اشوفك ع قهوة___
توته:اكيدهاجي
ضحك انور : مستنيكي ورحل
توته:ايه استاذهتفضل قاعدوراكدا
توفيق:جايلك يالمضةهانم ايه جابك صحيح؟
توته بنصف عين:ابدااصلك وحشتني قولت امااجي اشوفك
توفيق بعدم تصديق:لاياشيخةطب هاتي الي عندك
توته:ايه الاحراج ده!بص اصلوانهاردةوروت له عما فعلته مع نور
توفيق بضحك:انتي متأكدةانك معجبةبيه
توته بغيظ شديد:هوانابحكيلك عشان تضحك عليا!
توفيق:اصلك بهدلتيه خالص
توته بضيق خفيف:اهوالي حصل بقي ماهوالي مش بيشوف..
وصلو البيت وتناولوالغداء وتوته كانت جائعةلانها لاتأكل الا من البيت وجلست مع ابويها قليلاودخلت غرفتهالتذاكروتنظرلحقيبتها
توته:انتي السبب الي ان انتهت وخلدت للنوم..

الحلقة 2

في اليوم التالي …
استيقظت وقررت شراء حقيبة جديدة بعد الجامعة خرجت في الصباح وهي تحمل الاوراق وسقط منها بعضهم وكان نور مار بجانبها ذاهب الي المتجر التي اعتادت ان تراه فيه غضبت وقالت وهي تلمم الاوراق بصوت عالي نسبيا:منه ل الله الي كان السبب (تقصد حقيبتها) ولم تلحظ مروره بجانبها اما هو قال يحادث نفسه:البنت دي مجنونة مرت بجانب المتجر ورأته كانت سعيدة جدا وقالت تحادث نفسها:واللهي واد حليوة ونضيف ازاي يقف في محل كدا ويشتغل الشغل ده !بس مش بيقف كتير …وذهبت للجامعة وقابلت فيروز وانتهو من محاضراتهم وذهبو ليبتاعو الحقيبة
اما في المتجر …
دخل اخوه فوجده وقلق بشدة قال له:انت ايه جابك هنا مش احنا موقفين واحد بابا هيزعل منك يا نور
نور بضيق:وانت مالك ياخي مانت جيت
رد اخوه:فرق يا نور انا جاي عشان اجيب حاجات لعماد ماننت عارف ظروفه
نور ببرود:طيب زي الشاطر خلص حاجتك وامشي
اخوه:بس يا نور بابا..
قاطعة نور في صرامة قائل:بقولك ايه انا جاي اشوف امور الشغل والحسابات متعمليش موضوع اقولك انا ماشي بلا وجع دماغ ورحل
تنهد اخوه :عمرك ما كنت كدا منهالله الي كانت السبب …
في الجامعة…
وصل وسام متأخر وعلم انها رحلت فحزن فقد كان يتمني ان يراها واكمل عمله …اما توته اوصلت فيروز وذهبت الي بيتها تذاكر دروسها …
تقابل توفيق مع انور علي القهوة وجلسو يتسامرون الي ان رأهم صديقهم (مجدي)وهو موظف حكومي ودار بينهم الحوار التالي بعد السلام
مجدي:انا مبسوط اني شوفتك يا توفيق انا كنت محتاج اقابلك اصلا
توفيق:وانا كمان خير يا مجدي في حاجة
مجدي بتعلثم :بص اصلو هو مش بأيدي يعني
توفيق بقلق :قول يا مجدي قلقتني
مجدي بأسف :بيتك لازم يتهد في قرار صدر بكدا
توفيق بصدمة : ايه طب ليه لازم يكون في حل
انور:اهدي يا توفيق

مجدي: انا اسف بجد يا توفيق بس مفيش فايدة مش هتقدر تعمل حاجة ابن صاحب البيت واصل اوي والقرار نزل بلا نقاش قدامك اسبوع
توفيق بصدمة: حسبي الله ونعم الوكيل فيه
مجدي:انا لازم امشي عندي معاد ربنا معاك يا صاحبي ورحل
جلس توفيق واضعا وجهه في يداه يفكر في حزن كبير ..
قاطع انور تفكيره:هتفرج ان شاء الله قول يارب بس
توفيق بحزن: يارب بس ازاي انا مش معايا فلوس للايجار ولسة المعاش باقي له سنة وتوته لما تعرف يارب انا طمعان في رحمتك انا همشي يا انور
انور :استني اوصلك
توفيق:لامافيش داعي
انور:ابقي طمني عليك
رحل توفيق وكانت الارض تدور به من كثرة التفكير حين وصل خلد للنوم فورا اما انور ذهب وقص علي زوجته ماحدث كما انه اخبرها بفكرة ما تشغل تفكيره …
انور:فاكرة بيتنا والي حصله زمان
زوجته:اكيد ودي حاجة تتنسي
انور :طيب اسمعيني كويس اوي —–
في اليوم التالي لم يخبر توفيق اهل بيته بشئ وكان يحاول ان يبدو طبيعي الا انه لم ينجح في محاولته واستشعرت زوجته تغيره وهو خارج من عمله لحقه انور وظل يهتف طالب ايقافه ولكنه كان غارق في افكاره واستطاع انور لحاقه
انور يلهث : ايه يا توفيق بنادي عليك بقالي كتير
توفيق:معلش اصل تعبان شوية عاوز حاجة
انور :سلامتك تعالا نقعد في مكان عاوزك في موضوع ..وافق توفيق وجلسو في اقرب مكان
انور:عملت ايه في مشكلة البيت
توفيق بحزن:معملتش حاجة يا انور دماغي هتتشل من كتر التفكير ومش لاقي حل
انور:طيب اسمع انا عندي حل كويس
توفيق :قول بسرعة
انور:فاكر بيتي حصله ايه؟!
توفيق وقد تذكر :ايوا فاكر
انور بجدية :انت هتيجي تقعد عندي قاطعه
توفيق: لاطبعا مينفعش انسي ده مش حقي ده كان زمان وحاجة بسيطة متتحسبش بلاش جنان
انور بأصرار:لا حقك العقد بيقول كدا اسمع هي سنة واحدة عقبال المعاش

توفيق:لا يا انور ده كلام ع ورق انت عارف انو مش حقي مش هيحصل
انور:عارف دماغك طيب نعمل صفقة
توفيق بغضب:صفقة ايه وهباب ايه بس
انور انا عاوز بيتي يكون بتاعي كلو وانت شريك فيه
قاطعه توفيق :رجعت تهزر تاني انا معملتش حاجة وممكن اتنازل فورا
انور:لا عملت بيتي كان هيضيع وانت ساعدتني
توفيق:وبعدين يا انور عاوز بيتك بينا عالشهر العقاري اتنازلك عن نصيبي انا مقدرش اظلمك انور:اسمع بس انت هتيجي تقعد عندي سنة لحد المعاش مقابل انك تتنازل وكدا ابقي مرتاح اني ساعدتك
قاطعة توفيق :انامش عاوزمساعدةمن حد
انور:ده الحل الافضل والا انت عارفني هعمل اشهار ع البيت وشوف هيحصل ايه
توفيق:انت مجنون عاوز تضيع بيتك عشاني
انور:انت تستاهل اساعدك ياتوفيق وخصوصا اني حبيت توته اوي وكان نفسي يكون عندي بنت زيها متوافق بقي يا اخي مافيهاش حاجة والله
توفيق وقد بدأ يقتنع :بس انت عندك ولدين ازاي هنعيش معاكو ؟!
انور ضحك بأستياء:لا متخفش اولا البيت واسع وثانيا الولاد مش بيقعدو في البيت واحد علطول برة والتاني اسير اوضته وابحاثه
توفيق:طيب سيبني افكر يا انور
انوربصرامة :اسمع مجدي قال اسبوع وفات يومين انا مش هسيبك وهسيب بنتي تتبهدل مافيش وقت اكمل بأبتسام هستني تليفونك الليلة عشان اجهز البيت
توفيق:هقولهم واشوف
وذهب الي منزله واخبر زوجته وابنته بأمر البيت
صدموا بشدة
بروج بحزن:عشان كدا متغير بقالك يومين
اخبرهم توفيق باقتراح انور وانه انسب شي وقد رفضو ولكن بأختصار وافقو مقتنعين بأنه حقهم لكن بداخلهم رافضين هذا الحق وخصوصا توته التي فكرت في ابناء ومعرفتهم بأن منزلهم ليس ملكهم ..حادث توفيق انور واخبرهم بأن الغد سيكون بداية نقلهم اما بطلتنا حزنت علي زكرياتها وعلي الوضع ولكن تذكرت انها لابد ان تبقي قوية لاجل ابويها …

الحلقة 3

قامو بنقل العفش وتبقي اشياء بسيطةوذهبت توته للمنزل لتجلبهم وهي عائدة في الشارع كانت ممسكة ببعض الاكياس وهاتفها في ايدها واليد الاخري عصير مانجو وبينما هي ذاهبة الي سيارتها اصطدمت بنور الذي كان يحمل ايس كريم في يده وقد التصق نصفه في ملابسها كانت تعلم انه خطأها لعدم انتباهها له وصمتت اما هو كان مغتاظ منها من اخر مرة اكملت توته سيرها وبينما هي ذاهبة قالت:واحد حيوان وغبي قلة ادب قد سمعها نور واستشاط غضبا منها وذهب خلفها واوقفها قائلا:كنت فاكرك شجاعة وهتعملي زي المرة الي فاتت بس طلع لسانك اطول من ماكنت فاكربس مش عليا انا مش اي حد وده عشانه وقام بلصق نصف الايس كريم الاخربملابسهاوكان ذاهب ولكن اوقفه صياحيها بوجه احمر لونه من غضبها قائلة:راجل هاه استني هنا وذهبت لتقف امامه وقامت بأرجاع شعرها خلف اذنها لتظهر سماعة البلوتوث واكملت : ايوا يا فيروز كلمي ابوكي خليه ينزل للحيوان الي كان بيعاكسك يلا سلام وكانت تنظر له بأعين مشتعلة اما هو كان مذهول فقد تسرع وقامت بسكب عصيرها علي التيشرت الاسود الذي كان يرتديه قائلة :وده عشان غبائك ورحلت تاركاه في ذهوله استقلت سيارتها الي خالتها لتقل امها ومن ثم ابوها وانور لكي يذهبو الي المنزل
وتبدأ صفحة جديدة في حياتها….

في بيت انور لم يخبر ابناءه بشأنهم عقابا لانشغالهم الدائم ولكن ابنه الاصغر كان علي علم بقدوم ضيوف لا اكثر قامت (بسنت)زوجة انور بترتيب المنزل والغرف وانتهت وقررت الذهاب للتحدث مع ابنها ذهبت اليه في غرفته فهو اسيرها وطرقت الباب اتاه صوته بعد فترة بالدخول ودخلت اليه ودار بينهم الحوار الاتي
بسنت:عارف لو مكنش مذاكرة وابحاث كنت عملت معاك زي اخوك التاني نظر لها وترك كتابه وقال :وانا اقدر ع زعلك ياست الكل ده انتي البركة
قالت بأبتسامة:ايوا يا واد اضحك عليا بكلمتين..حبيبي انا قولتلك ع الضيوف وعشان خاطري تيجي ترحب بيهم معانا ونتغدي سوا.. حك رأسه بيده ونظر لمكتبه ولأمه وضحك
وقال:مولاتي اوامرك سيف علي رقبتي..
فرحت بشدة وقالت :ربنا يخليك ليا ويهدي اخوك متتأخرش هاه
فقال مداعب لها:هظبط نفسي مش انتي قولتي معاهم مزة
نظرت له بصدمة وبصرامة قالت: ولد عيب دي هتبقي اختك احترم نفسك ايه مزة دي!
نظر لها بأستغراب قال:بصراحة كنت فاكرك هتدبسيني وعروسة وكدا..
ابتسمت وقالت:من كلام ابوك عليها البنت خسارة اجوزها واحد بدل مايقعد معاها يقعد مع الكتب ..
ضحك بشدة علي امه وقال:بس معيد يامو وسام وقريبا دكتور هي تطول ..
ابتسمت ابتسامة عذبة وقالت:ربنا يعلي مراتبك كمان وكمان
قال: امين يلا يا بوسي عشان اجهز معطلاني انتي
هاتف انور بسنت واخبرها بأقترابهم واخبرت وسام..
بسنت:يلاياوسام وصلو …خرج وكان يرتدي بنطال اسود وتيشرت ابيض خلاص جهزت قالها
دخل انور ومعه توفيق وبروج رحبت بهم بسنت بحرارة فجميعم كانو زملاء في الدراسة
انور وقد تذكر شي :اخ ..توته وسام اجري شيل عنها …
وسام مستفهم:توته مين ؟!
توفيق :توته بنتي يا ابني.. ذهب علي مضض وكمان هشتغل شيال شكلكم ضيوف غلسة
اما عند توته..
توته تحاول حمل الاكياس الي ان غطت وجهها
توته:ماشي يابني ادمين انا ينسوني بس انا كفائة
سمعها وسام :هاتي عنك
توته:مين ؟!
وسام: انا وسام
توته:اه ابن عمو انور..وقد اخذ منها بعض الاكياس الي ان ظهر وجهها فصدم وسام واسقط مابيده..
(يالهي ماهذا الحظ اهي فتاة احلامي ام انا بأحد احلامي !هل هذه هي امنيتي !وضيفة لدينا!)
توته:ايه ده !مش تحاسب
وسام بدهشة:انتي مين؟! وهو يجمع الاكياس
توته بأستغراب :اناتوته بنت توفيق الي جوا عندكم
اسقط وسام الاكياس مرة اخري
توته بأنفعال خفيف:مش تقول انك مش بتعرف تشيل..
وسام:انا اسف جدا
توته بأبتسامة اثرته: حصل خير وجمع الاكياس مرة اخري وكان به كم من السعادة لايوصف امنيته لم يحلم حتي بالحديث معهاوهاهي ضيفتهم
ودخلو للمنزل ..وظلت هي واقفة عند الباب اما وسام اكمل سيره شاردا ولم يلحظ توقفها تنحنحت توته فأفقته ونظر بجانبه لم يجدها وجدها خلفه قال:انتي واقفةليه ؟!
توته بأحراج :اصلو مش بيتي ..فأعجب بأدبها وقال مشاورا لاحدي الغرف:دي الليفنج هتلاقيهم فيها تعالي ورايا ودخلو وجدتهم توته
انور:توته معلش نسيتك بس بعتلك وسام
توته:ولايهمك يا عمو اومال فين امي
توفيق:في المطبخ مع ام وسام
توته :طيب انا ممكن اروح لهم اساعدهم
انور :طبعا البيت بيتكم ذهبت الي خارج الغرفة وجدت الطبخ ولكنها لم تجد المدخل ..
قال وسام:الحاجات دي فين؟
انور : في اوضة الضيوف اخذهم وذهب وجدهاواقفة فأبتسم واقترب منها
وقال :انتي واقفة ليه كدا لتاني مرة !
توته:لا تختلف المرةدي لقيت المطبخ بس الباب لا
ضحك وسام: طيب امشي ورايا شكرته ودخلت للمطبخ وجدتهم يجهزون الغداء فصاحت:خياااااااانة
مما افزع بسنت وذهبت بروج لهاوجذبتها من اذنها
قالت:انتي مش هتعقلي ابدا احنا مش في بيتنا
توته بتألم:اي سيبي ودني يا ريري ماهو انتو الي خونتوني واشتغلتو في الاكل منغيري سيبي بقي
ضحكت بسنت:بنتك دي مشكلة دمها خفيف
توته بأسف :اسفة يا طنط مقصدش افزع حضرتك
بسنت:ولايهمك ياحبيبتي انا طنط بسنت
توته:اه مرات عمو انور
بسنت:ايوا وابقي صاحبة ماما من ايام الدراسة
توته:بجد وصاحبتي انا كمان
بروج:وبعدين معاكي يا توته
بسنت:سيبيها يا ريري انا حبتها اوي
توته:حلو اوي يا بوسي.. اتاها صوت يقول:لابوسي دي بتاعتي لوسمحتي شوفي غيرها كان صوت وسام الذي استمع لمحادثتهم
بسنت :توته قابلتي وسام ؟
ابتسمت توته:ايوا قابلته بس بوسي حلوة بس انا مش بحب اقلد …
وسام:كدا حلو

زر الذهاب إلى الأعلى