مسلسل تالين

الحلقة الخامسة و السادسة والسابعة والثلاثون والاخيرة من مسلسل تالين

الحلقة الخامسة والثلاثون

كانت جروحها سطحية من دفعة نور لها لكن جرح قلبها غائر فتحت عيناها وجدت نفسها في غرفة بالمشفي تذكرت ما حدث وبكت بشدة تحاملت علي الالم وقامت لتبحث عنهم وجدتهم وذهبت اليهم كانو يجلسون في توتر بالغ امام احدي غرف العمليات…كانت بروج تحاول تهدئة بسنت التي هي منهارة كلياً وانور يقرأ القران بحزن ووسام لا ينفك عن الذهاب والاياب امام تلك الغرفة المشؤومة ..رآئها توفيق فذهب اليها
توفيق بحزن وقلق:انتي ايه جابك بس لازم ترتاحي
توته بحزن و بدموع:بابا بقاله قد ايه جوي؟!
اجابت بسنت بنحيب:اربع ساعات ومنعرفش حاجة
في هذه الاسثناء خرج الطبيب من الغرفة متوتر
وسام بقلق:طمني يادكتور ايه حصل لاخويا؟!
الدكتور:احنا عملنا له عملية ونجحت بس محتاج نقل دم لانه فقد كتير في الحادثة والعملية وللاسف فصيلته o وانت عارف ده نادر
قالت تالين:انا دمي o …امام معارضة الجميع لانها ليست بحالة جيدة قامت بنقل الدم الذي انهكها كثيراً ولكنها لم تظهر ذالك امامهم
الدكتور:لازم ترتاحي كويس جدا عشان متتعبيش وتشربي سوائل كتير انا اصلاً معرفش ازاي اقنعتيني اخد منك وحدك الكمية دي
تالين بأعياء:مانا قولتلك هو الي انقذني وكان زماني مكانه بس هو هيبقي كويس صح؟
الدكتور:العملية نجحت ولو ال48 ساعة الجايين عدو علي خير ومحصلش تأخر هيبقي مافيش خطر خلاص
تالين بدموع:ان شاء الله ميحصلش حاجة انا ممكن اروح البيت صح
الدكتور:اه ممكن بس بلاش مجهود..
ظلت حبيسة غرفتها لاتحدث اي احد طيلة اليومين لايفارقها شعور الذنب بكونها السبب بماحدث
افاق نور ولكن مع شرخ في قدمه
نور هامساً لوسام من بين الجميع:بقالي كتير بسأل عليها ياوسام هي كويسة صح!
وسام بحيرة:مش عارف هي مش بتطلع من اوضتها ومحدش بيشوفها

زفر بضيق وانتابه القلق عليها وكان يعد الايام لرؤيتها وكان لايمل من سؤاله عنها لأخيه..
في احد الليالي..عادت الي المنزل ودقات قلبها تتزايد وذهبت لغرفتها حتي لايراها احد جلست علي فراشها ونامت من كثرة البكاء..
في صباح اليوم التالي …في المشفي
تململ نور في فراشه وفتح عيناه وابتسم
ياله من حلم رائع لكم اتمني لو يصبح حقيقة وعندما جاء ليعدل وضعية نومه وجد شيئا ما علي ذراعه صدم بشدة ماذا لم يكن حلم اعتصرها في يده وابتسم بفرح شديد ودخل وسام فأخفي نور ما ..وسام:عاوزين يطمنو عليك ومش كلهم هنا هي في البيت كان مبتسم للغاية ولم يعقب مما اثار وسام:مالك فرحان كدا؟!
نور بفرح:اصل حلمت حلم حلو اوي اناعاوز اخف بسرعة ياوسام وامشي من هنا بقي …
في البيت… تأكدت انهم خرجو وقلبت البيت رأساً علي عقب دون فائدة واعادت كل شئ كما كان ودخلت غرفتها تبكي بحرقة علي مااضاعته
كانت الايام تمر ونور يتحسن بشكل ملحوظ وتالين كما هي..الي ان أتي يوم ما
وسام:ايوا جاي يالي علي الباب فصلتني ياخي ماصدقت اقعد اذاك.. وبترجملته حين فتح الباب ورآها واقفة مخفضة رأسها
يإلهي هل هذه هي حقاً امام عيني!
فيروز بحرج:السلام عليكم اسفة علي الازعاج بس مش تالين ساكنة هنابردو
وسام بدهشة:ايوا انتي مين؟!
هذا الصوت انا اعرفه جيداً! رفعت رأسها تدريجياً
انا ابقي صاحبتها وتجمد وجهها حين رأته
ددكتور ووسام!
ابتسم وقال:صدفة حلوة انتي صاحبة توته ونا معرفش
فيروز بأحراج:احم اه صدفة سعيدة بعتذر علي الازعاج
وسام بأبتسامة:لامافيش ازعاج بس انا سايبك في لندن هربتي منهم ولا رحلوكي
ابتسمت ممااظهر غمازات وجههاابتسامة لعبت علي اوتارقلبه لحناًرائعاً لكم اشتاق اليها
فيروز:لا معاداجازتي
وسام:اه اسف علي الغباءاتفضلي كل ده علي الباب
فيروز بقلق:هي توته هناصح ؟
وسام:ايواهنااتفضلي
فيروز:لاممكن تخليها تيجي تكلمني بعداذنك
احس وسام بها فقال:لامش ممكن للاسف وتناول مفتاحه من جانب الباب وقال وهويغلق الباب خلفه وسعي كداوانتي قافلة المكان فتعجبت هي من فعلته
ابتسم وقال:انا عارف انك خايفةتدخلي بس لازم افهمك حاجة
قالت بأضطراب:لامش كدااصلو ميصحش طيب حاجةايه
وسام:فاهم ..انتي صاحبة توته صح قريبةمنها اصلها..قاطعته قائلةبخوف:مالهاتوته اناعارفة ورا اختفائهاده حاجةمش بتكلمني وتليفونها مقفول حتي يوسف اتصل بيا كلمني سألني عليها
كان هادئ وفرح لاهتمامهالصديقتهاولكن حين انهت كلامها دبت الغيرةفي عقله قال بسرعة ويكلمك انتي ليه؟!في بينكم حاجة؟
اه من لساني هذا!
فيروز:لا اصل ليلي كانت عاوزةتوته
وسام بتعجب:ليلي مين
فيروز:مرات يوسف
يالي من احمق متسرع ..اعلنت فيروزعن غضبها وقالت:دكتوروسام اظن اناجاوبت علي كل اسئلتك الي هي ملهاش لازمةودلوقتي ممكن تتكرم وتقولي فين صاحبتي وفيهاايه؟!
قال بأسف:انا اسف جداعلي اسئلتي اصل انامش مركزهحكيلك الي حصل—-
وسام بعدانتهائه:وبس كداياانسةفيروزمش انسةبردو؟!
فيروزبقلق:ايوا وبعدين
ابتسم وقال:ومش راضيةتخرج ولابتكلم حدممكن تحاولي معاهااناامي وطنط جوا
فيروز:طيب اناهحاول ودخلت
=======================
الحلقة السادسة والثلاثون 

لفت فيروز الي الداخل واجلسها في الصالون واخبر الامهات وبعد الترحيب
بروج بضيق:شوفتي صاحبتك وعمايلها يا فيروز
بسنت بحزن:مش كفايا نور والي حصله
فيروز:متقلقيش يا طنط ان شاء الله اكلمها انا وهحاول معاها هي بس اعصابها تعبانة
عاد وسام وقال:مش بترد بردو
بروج:طيب خلي فيروز تروح لها وريها السكة يأبني ممكن ترد عليها..اوصل وسام فيروز الي غرفتها ورحل طرقت فيروز الباب فلم ترد
فقالت بحزن وقلق:توته انا فيروز افتحي الباب انا زعلانة منك عشان نستيني ونسيتي معاد اجازتي افتحي بس طمنيني عليكي فلم ترد لكن فيروز سمعت صوت بكائها فأكملت طيب مامتك هتموت من القلق عليكي افتحي بقي اقولك بلاش انا ولا مامتك يوسف قلقان عليكي جدا حتي كلمني وسئلني عليكي …فسمعت صوت فتح الباب دخلت فيروز بحرص وجدتها واقفة كانت كالزهرة التي لم تري الشمس ولم تذق الماء منذ ايام ذابلة بالطبع منكوشة الشعر وعيناها منتفخة من كثرة البكاء ارتمت بحضن فيروز واخذت تبكي فما كان لفيروز الا ان تمسح علي شعرها وتقرأ لها بعض ايات القران الكريم وبعد فترة هدأت قليلا ورفعت فيروز وجهها الذابل وكفكفت بعض دموعها التي كانت تحت عيناها المنتفخة وقالت دكتور وسام حكالي كل حاجة
توته بحزن:كان هيموت بسببي يا فيروز انا زعلانة من نفسي اوي
فيروز مهدئة لها:ياحبيبتي ده قضاء الله هو ده قدره انه يحصله كدا ماهو اصل انتي مفترية مكنتيش هتسامحيه الا لما يحصل كدا تنكري!
توته بحزن:لامنكرش بس انا مستهلش حبه
فيروز:ده قرار هو بس الي من حقه يقرره لانه حبه هو وبعدين ايه الحب ده كلو اومال بتعاندي ليه ياهانم؟
توته بضيق:يافيروز افهمي انالازم ابعد عنه

فيروز بلوم:غلط ياتوته تبقي بتظلميه وبتظلمي نفسك لتاني مرة حرام عليكي سبيه مرة يقرر وبطلي تخافي يخربيته عشان كدا رعبتينا كلنا عليكي حتي يوسف كلمني حين ذكرت اسمه حتي حضنتها بشدة واخذت تبكي فكانت فيروز في العجب من صديقتها فقالت بحيرة:ايه الي حصل ياحبيبتي تاني؟!
توته بنحيب:السلسلة ضاعت مني يا فيروز ومش لاقياها يوسف هيزعل مش كدا!
زفرت فيروز بضجر من صديقتها الحساسة اكتر من ما ينبغي وقال بغيظ شديد:يوسف وسلسلة لا ازاي هيزعل طبعا علشان سلسلة ومش هيزعل اسبوع بيكلمك ومش بتردي وخلعتي قلبه عليكي عشان سلسلة لا هيزعل عليها ومش هيزعل علي شكلك ده الي بقي شبه الموميا اقولك و مش هيزعل علي الشميز بتاعي لما اوريهوله الي غرقتيه دموع عشان سلسلة يا مجنونة يامو برج طاير في كدا …لم تتمالك تالين حالها وضحكت بشدة علي حديث فيروز واحتضنتها وقالت وحشتيني يا فراولة
تصنعت الزعل وقالت:اوعي كدا فراولة زعلانة منك عشان خلعتي قلبها عليكي ونستيها
توته:انا عمري مانساكي انا اسفة بس اعصابي كانت تعبانة جدا وقالت كي تمازحها بس ايه الحلاوة دي هي لندن بتحلي كدا
فيروز بغرور مصطنع:بنت انا طول عمري حلوة قطع حديثهم طرق الباب فسمحت توته بالدخول
كان وسام دخل وقال:انا لما ملقتكيش مصدقتش معقوله فتحتلك ونظر لتالين وقال ايه ده هي توته اتحولت ولا ايه ؟!
توته:غلس طول عمرك

وسام:لا هي المنكوشة امو لسان جميل واكمل ناظرا لا والله ده انا عسل خالص
مالت تالين عليه وقالت:خف مش عشان انتا محروم من البت بتاعتك تطلعه علي صحبتي
قال بريبة:اسكتي خالص انتي مش فاهمة حاجة
توته بثقة:دلوقتي افهم ياحلو
فقال لفيروز:اهي فاقت وعليا كمان بس شغل ممتاز يا انسة فيروز..لاتعلم ربما اصابها العدوة من مزاح تالين فقالت:هتعطيني عليه درجات اه معلش انا مش بعمل حاجة ببلاش ..فضحك هو اما تالين قالت بتعجب:انتو تعرفو بعض ولا ايه؟
قال وسام بقلق:علي فكرة انا متدرب مش دكتور اساسي عندكم هناك في لندن هاه وكان ينظر لتوته عساها ان تفهم اما هي فهمت ان فيروز هي التي كان يتحدث عنها ذات العيون العسلية فصاحت في دهشة:بتهزر هاه
قال بتوتروانفعال خفيف:لاماهو مش وقت هبل وهزار احنا مش لوحدنا فضحكت تالين اما وسام كان يهز راسه يمينا ويسار في عدم رضا وقال بهمهة انا الي جبته لنفسب
قالت فيروز:انااا مش فاهمة حاجة
وسام:بلاش سيبك بس طلعتي بتهزري انا فاكر كله احراج او شتيمة ..فعاد لها حرجها فهذا طبعها فقالت:انا همشي بقي ياتوته ابقي افتحي فونك ورحلت في سرعة البرق..
وسام:قلقتينا عليكي ينفع كدا نقصاكي هي
توته وهي تغمز له:بس جيه بفايدة عليك
وسام:اه ماهو انا مش هخلص منك انهاردة
توته بجدية:لا طبعا يا حلو ودي اعز صحباتي يعني غير مسموح باللعب معاها فاهم!
وسام بجدية:لا مش لعب والله انا عاوزها رسمي بس الامور تهدي
قالت بفرح:مبروك
قال بعبوس:اتوكسي مش لما اعرف في قبول ولا مافيش
توته:كنت هقولك بس بعد اتوكسي اطلع برة
وسام بتوسل:لا خلاص سحبتها اسفين
توته:طيب انا اعتقد انه في
وسام بشم:عرفتي ازاي اوعك تكوني قولتلها
توته:ده اسميه غباء الحب!اذا كنت لسة عارفة انها هي لما دخلت
وسام:اه صح اومال عرفتي منين منجمة وانا معرفش
توته: لا بس دي صحبتي من زمان وبفهمها من نظرة عيونها
وسام بهيام:وياتري بحر العسل بتاعها بيقول ايه
توته بضحك:بيقول اني عاوزة اعمل حاجات كتير وانت معطلني
وسام بغيظ:ابو فصلانك ياشيخة انا ماشي ورحل
جلست هي تذاكر بعد ان هاتفت اخيها وكانت تلهي عقلها عن نور بالمذاكرة لاخر اختبار ..
عاد نور للمنزل وكان يطوق لرؤيتها والتوجه لغرفتها ولكن قدمه لم تساعده بعد..
في اخر يوم ل اختباراتها عادت للمنزل سعيدة للغاية ودخلت غرفتها مروراً بغرفته كان يعلم انها هي العائدة هعزم علي الذهاب اليها لم يعد يحتمل ..كانت واقفة ممسكة بكتاب وناسية الباب
تالين :عارف انت عذبتني قد ايه في مذاكرتك لو اطول اقطعك اخيرا خلصت اخر مادة قاطعها صوت نور قالاً:انا قولت انك مجنونة محدش صدقني …تفاجئت والتفت خلفها
وجدته في الغرفة فقالت : انت…
ياتري تالين هتعمل ايه مع نور هتستلم ولا …
وياتري نور راح عندها ليه؟!
انتظروني مع اخر حلقة من روايتي غدا

******************************* 
السابعة والثلاثون والاخيرة

نظر لعينها مباشرة وقال:وحشتيني
اضطربت بشدة وقالت:عملو الباب عشان الاستأذان علي فكرة
قال نور بغيظ:ده لما يكون مقفول علي فكرة
اسمعي انا عاوز اتكلم معاكي ..فكرت لبرهة لابد من هذه المواجهة سواء الان ام لاحقاً فوافقت فجلس نور علي سريرها
قالت تالين بأضطراب:مينفعش نقعد في اوضتي انا اه وافقت بس نقعد في مكان تاني
نور بأبتسامة:متقلقيش انا عرفت حدودي كويس جدا ومحدش بيغلط الغلط مرتين
تالين بتوتر:لامش قصدي علي كدا قصدي انه ميصحش فعلاً نقعد في اوضتي لوحدنا
نور:انا عارف بس للاسف رجلي وجعتني الشوية الي اتحركتهم
توته بأهتمام:وجعتك! طيب اكلم الدكتور
ابتسم وقال:لا مش للدرجاتي هو بس عشان جيت عندك
قالت بغيظ:ولما انت تعبان بتيجي ليه هاه
نور:الظاهر عاوزة تسمعيها تاني
توته بتعجب:هي ايه؟!
نوربحب:عشان وحشتيني وكنت هتجن عشان اشوفك
قالت بأحراج شديد محاولة تغير الموضوع:طيب انت بتاخد دواك في معاده
بينما قال نور بغيظ شديد:ايوا بتنيل باخده ممكن تقوليلي هتبطلي عمايلك دي امتي ؟
توته بتوتر:نور انت ليه مش عاوز تنسي الموضوع ده مش شايف تعبنا قد ايه انا اااانتهي بالنننسبالي
نور بعدم تصديق:عن نفسي ده احلي تعب ممكن اتعبه في حياتي ثم قرر المواجهة واكمل بثبات وثقة قولتيلي نستيه عشان كدا كنتي قلقانة عليا
توته بقلق:عادي يعني..
قال:وعشان عادي بردو انك اتبرتعتيلي بدمك كادت تتحدث لكنه اكمل بهيام معندكيش فكرة انا فرحان قد ايه انه بيجري في عروقي لقلبي الي بيعشقك ..احرجت بشدة من كلامه وقفت عند مكتبها تبحث عن زجاجتها بالطبع
قال:ما تردي عادي بردو ؟!
قالت بتوتر:ااه عادي مانتا انقذتني فأنا انقذتك ماهو لو انا كنت مكانك كنت هتعمل كدا صح

نوربغيظ:عادي اه صح بس لو كنتي جيتي تسأليني كنت هعترف انقذتك ليه لكن انتي مش عاوزة تعترفي غاوية تتعبيني وخلاص
ادارت ظهرها له وقالت:انا مش هعترف بحاجة تحقيق هو
نور بثقة وخبث:بس انتي اعترفتي اصلاً
كانت تشرب المياه ولم تفهم معني كلامه وجدتع قريب منها يهمس في اذنها
ارفعي شعرك ياحبيبتي المنكوشه عشان ارجعلك الي وقع منك ..كالمنومة مغناطيسيا رفعت شعرها وجدته يلبسها سلسلاتها انزلت شعرها في صدمة ونظرت له ولللسلسة في عدم تصديق كان قريب منها قال ناظراً لعيناها:مافيش داعي للشكر لانه ممنوع بين الاحبة انا صلحت القفل
قالت بصوت متحشرج:اااانتاااا جببتهااا منييين
قال بأبتسامته الجذابة:من حلم كنت بحلم في المستشفي وصحيت الصبح لقتها علي ايدي اكدتلي انه مش حلم وانه كان اكتر حاجة انا كان نفسي تحصل فاكرة ولا افكرك..
*فلاش باك..
خرجت ليلاً دون ان يعرف احد وصلت المشفي دخلت غلسة جلست بجانبه تبكي امسكت يده وقالت بدموع:وحشتني اوي وحشتني غلاستك وكلامك الحلو اانت اصصلاً مجنون مافيش حديعمل الي عملته كنت هتموت يا غبي ..للدرجاتي بتحبني! انا كمان بحبك اووي يا نور من اول مرة شوفتك في شارعنا وانا بحبك واكملت بنحيب لازم تخف بسرعة وتبقي احسن من الاول وابتسمت ماهو مش انا الي يتصفي دمي علي الفاضي انا زعلانه اووي ان الي انت فيه بسببي ثم سمعت صوت الممرضة قامت لتختبئ بسرعة اطمئنت الممرضة علي النبض وخرجت ثم خرجت بعدها تالين ولم تلحظ ان سلسلاتها وقعت علي يداه واستيقظ نور صباحاً ووجدها علي يده
*باك…
ظلت ترمش بعيناها يالي من غبية لقد سمعني ووقعت ولديه دليل افاقت وهي تقول:
ايوا فاكرة فاكرة الي عملته ..ولكنها لم تجده امامها كان متجه للخارج
توته:نور انت رايح فين ؟!
التفت وقال:رايح لعمو توفيق اطلبك منه 

احمرت وجنتاها خجلاً وجمعت الحروف وقالت
طيب مش انت تعبان لما تخف
نوربغيظ:انتي ليه مصرة تحسسيني اني سوسن مش نور ومع ذالك لا ياستي مش تعبان قولت كدا عشان اقعد معاكي وترضي نتكلم وبعدين خير البر عاجله وكفايا بقي كدا احسن انا كنت هتهور من شوية وكاد يرحل
قالت هي بحشرجة:نور انا عندي شرط عشان اوافق
التفت لها وقال بحماس:شوفي انا ممكن اعمل اي حاجة عشان ترحميني وتوافقي وافقي الله يخليكي عشان حالتي الصحية
ابتسمت وقالت:انه—— وما ان انهت حديثها حتي صاح بها:نعم ياختي علي جثتي الكلام ده يحصل
قالت بأضطراب وذعر من غضبه:بص هو ده الي عندي انا عارفة نفسي كويس لو بتحبني استحمل وقال:موافق بس مش عشان انا بحبك لا عشان انا بعشقك مش بحبك وكله سلف ودين يا جميل بس بردو اهل البيت لازم يعرفو ورحل…
***********بعد مرور عام***********
في قاعة مخصصة للافراح ليس فرح نور بل انه وسام وفيروزته الذي اكتشف حبها له عن طرقه الخاصه كانت فيروز حقاً كالملاك هذا اليوم كان الاثنان في غاية السعادة…ولكن علي النقيض ابطالنا الذي لا يفارقهم الشجار..
نور بغضب وحنق:بالذمة ده كلام اخويا يتجوز وانا اخطب وكمان خطوبة لمدة سنة كل ده عشان حضرتك ياهانم ومافيش سبب مقنع ده كلام ياعالم انا مش عارف وافقت ازاي علي الشرط المهبب ده
نظرت له نظرة نارية وقالت بغضب:انت تسكت خالص عشان هقع بسببك هقولك ازاي وافقت زي مانا اتهببت وافقت اني البس فستان منفوش في مناسبة محدش المفروض يكون منفوش فيها الا فيروز هي الي هتتجوز مش انا استغفر الله العظيم يارب..كان نور اجبر تالين ان تردي هذا الفستان مقابل الشرط التي وضعته ولشيئ اخر فارتدته وبالطبع قامت بفرد شعرها الذي اصبح ساحراً مع بعض الزينة واصبحت ملكة..

قال نور:ياواد يا مؤمن احبك لما تتعصب بس زوق جامد في كل حاجة
قالت بعصبية:متعصبنيش يا نور احسن لك
قال وسام:كابتن وحيات ابوك صدعت عايز اكمل اليوم مع عروستي سليم روحو اتعاركو بعيد
قال نور بضحك: بس ياض يابن المحظوظة انت تسكت ومسمعلكش صوت
قال وسام:ماهو قرك ده الي هيجبنا ورا قريب
اكمل نور لتوته :ما تروقي بقي ما قولتلك عاملك مفاجئة
توته بعصبية:قولت لك اني بكرهه المفاجئات
قال بريبة:اه مانا عارف ربنا يستر واعرف اظبطها ورحل الي مكان الدي جي
مالت توته علي وسام
وقالت بشك:اخوك هيعمل ايه؟
وضع وسام يده علي وجهه وهز رأسه يمينا ويساراً
وقال في عدم رضي:ابداً هيخربلي فرحي بس
ونظر لفيروز ونطقو سويا وهم ينظرو لتوته التي تترقب نور (ربنا يستر)
اخذ نور الميك وقال:احم انا اسمي نور اخو وسام العريس اولاً احب ابارك لاخويا واتمني له السعادة من كل قلبي وثانياً وده الاهم احب اقولكم انهاردة المفروض خطوبتي علي حبيبتي بس انا ناوي بعد ما اخدت الاذن طبعاً ونظر لتوفيق وبروج الذي كانو يبتسمو وفي قمة سعادتهم اني اعمله كتب كتاب مش خطوبه ..صدمت هي بشدة واحتقن وجهها غضباً كان اتفاقهم انه لن يكون هناك رسميات بينهم سوي خطوبه مدتها عام وهو العام الاخير لها بالجامعة ولم تعطيه اسباب ولكن نور اضاف لمسته الخاصة مما جعلها تغضب بشدة منه
نظر وسام لفيروز:يانهار ابيض صحبتك هتنفجر
فيروز:اخوك هيودينا في داهية.. لم تعقب علي حديثهم وانما اتجهت الي نور في خطوات تنم علي ما تحمله من غضب وكان هو اسرع في الحديث التي لم تسمعه وقال:كتب كتاب عشان لما نسافر لندن سوى تبقي حلالي واخذ يسرع عشان انا بحبها اوي ودلوقتي معاد الرقصة السلو وترك المسرح وذهب ليتلقي بركانها

اخذ نور يداها الموجهه له في يده وحاوط بيده الاخري خصرها النحيف واخذ يراقصها كان هذا كفيل بتشتيت غضبها
وقالت بأضطراب:ايه الي انت عملته ده سبني
نوربأصرار:لا اسمعيني للاخر وانا اسيبك اسمعي وانتي حلوة كدا
توته بعصبية:نور بلاش كدا الاسلوب مش هينفع معايا
نور:انا عملت كدا عشان لما نسافر لندن سوى تكوني حلالي مراتي اشمعني وسام عمل كدا وكمان انا كان نفسي اوي فرحي يبقي مع وسام مش خطوبتي
قالت بأنفعال:ده هبل وانا ايه يسفرني لندن ؟
نور:تكملي السنة الباقية برة في البعثة الي جاتلك
توته بصدمة:انت عرفت منين الموضوع ده ؟!
نور وهو ينظر لفيروز:مرات اخويا قالتلي
نظرت لفيروز الذي يراقصها وسام والتي ارسلت لها قبلة في الهواء فأبتسمت توته ببلاهة
وسام بضجر:انتي يابنتي خليكي معايا انا كان لازم اقتلهم من زمان
ضحكت وقالت:طيب مانا معاك للابد
قال وسام:لا متضحكيش كدا تاني
فيروز بتعجب :ليه مش عاوزني اضحك ؟!
وسام بنظرة ذات مغزي:احسن انهي الفرح واتهور
فأحمرت وجنتاها خجلاً من حديثه وانزلت رأسها للاسفل
رفع وسام رأسها وقال وهو ينظر لعيناها:تعبتيني معاكي يا فيروزتي طلعتي عيني عشان اعرف شعورك ومع ذالك مقولتليش لحد دلوقتي الكلمة الي نفسي اسمعها مش هتقوليلي بقي
ابتسمت فيروز وقالت بمرح: تديني الامان؟!
نظر لها بنصف عين وقال:اديكي الامان!! لا انتي تبطلي تقعدي مع المنكوشه خالص ياحبيبتي
كتمت ضحكتها وقالت:ليه بس كدا
وسام:اتعديتي من هزارها ياروحي انتي مش كدا خالص
فيروز:لا احنا الشقاوة فينا بس ربنا هدينا
وسام بصدمة:يا نهار ابيض ايه ده هو انتي يا تسكتي خالص يا تتكلمي وتقولي بلاوي
فيروز بغضب طفولي:الله بقي ياوسام انا غلطانة اني بتكلم معاك اصلاً

ضحك وقال:لا ياحبيبتي اتكلمي براحتك بس وحيات ابوكي الي قاعد هناك هيقتلني كمان شوية قوليلي بحبك
ابتسم هي وخجلت بشدة
بينما قال وسام :قولي وليكي الامان هاه قولي
اخفضت رأسها فرفعها وسام
فقالت بعد ان ابتلعت ريقها:بحبك
ابتسم هو واحتضنها بشدة وهمس في اذنها ده مؤقتاً لحد مانروح فذابت هي من الخجل
لنترك الحبيبان المسالمان في حالهم وعودة للمتشاجران …
قالت توته:طيب ازاي هتسافر معايا انت مش ليك شغلك؟
ابتسم وقال:ماهو عشان انا مهندس شاطر منصور هيبعتني اخلص شغل في فرعهم الي في لندن فهسافر معاكي وعلي فكرة انا واخد اذن عمو وطنط… نظرت هي لابويها
وقالت:بس انا مقدرش اسيبهم علطول يا نور
نور:ومين قال علطول انا شغلي يخلص في سنة تكوني حضرتك خلصتي جامعتك وتأخدي شهادتك وننزل مصر زي البرنسيس تشتغلي معيدة في الجامعة زي ماسمعت انك حابة كدا
توته وقد لمعت عيناها:نور انت موافق اكمل دراسات واشتغل كمان
ابتسم وقال:اكيد انتي ازاي فاكرة اني ممكن اكون سبب في تعطيلك عن دراستك وشغلك ومقامك …نظرت له بنصف عين
وقالت:علي فكرة مرات اخوك لسانها عاوز قطعه
ضحك بشدة وقال:متخفيش اخويا هيقوم بالمهمة دي علي اكمل وجه
فضحكت وقالت:ايوا ربنا يعينها
قال نور بجدية:توته انا لايمكن اعمل حاجة دون موافقتك..موافقة تكوني شريكة عمري من دلوقتي لو رفضتي هحترم رغبتك
ابتسمت وقالت بحب:موافقة
قال بفرح وعدم تصديق:ايه؟! قولتي موافقة
قالت تالين:انا موافقة ابقي حرم الباشمهندس نور
قال نور بحب:بحبك اوي يا تالين
**************النهاية*************

زر الذهاب إلى الأعلى