مسلسل العروس الهاربة

الحلقه الرابعه والعشرون من مسلسل العروس الهاربة للكاتبة سما عمر

الحلقه الرابعه والعشرون من مسلسل العروس الهاربة للكاتبة سما عمر

بتقول ايه يا بابا

بقولك محمود طلب ايدك منى

مش مصدقه بجد

ايه يا سيمو انا هكدب عليكى مثلا فى موضوع زى ده

مش قصدى يا بابا انا اسفه بس مش مصدقه انه طلبنى للجواز … وهو ما يعرفش انى على ذمه واحد تانى

لا عارف طبعا وعارف كمان انك ناويه ترفعى قضيه خلع وان شاء الله هتكسبيها ايه المانع بقى

يعنى انت موافق يا بابا

بصى يا ياسمينا يا بنتى انا يهمنى ساعدتك وفرحتك انتى محمود ما يتعيبش واهو اموت وانا مطمن عليكى انك هتكونى فى عنايه خالتك وابن خالتك

تدفن راسها فى احضان والدها : بعد الشر عليك يا بابا ما تقولش كده

الموت يا ياسمينا مش شر ده علينا حق

ربنا يخليك ليا يا بابا وما يحرمنيش منك ابدا

ها اقوله ايه

لسه يا بابا مش دلوقتى لما اشوف موضوع القضيه دى وبعدين ابقى افكر

طيب ماشى فكرى على مهلك ومهما كان قرارك اعرفى كويس انى هكون معاكى فيه ومؤيدك كمان

تحتضن اباها اكثر خوفا من القادم

ايه مات !!

ايوه يا دكتور يوسف سليم الرفاعى مات ومش هتصدق مات ازاى

ينظر اليه بتعجب واضح : ازاى … اتقتل يعنى

لسه مش عارفين بس الطب الشرعى اكد بعد ما اخذه عينه من دمه انه مات نتيجه تعاطيه المخدارت بكثره وده تبين ايضا من بقايا المخدرات التى وجدوها بجانب سريره

ان لله وان اليه راجعون

وكمان كان عارى الجسد

ايه عريان كمان

اه موته شنيعه مين يصدق ان سليم الرفاعى رجل الاعمال الشهير يموت موته زى دى

لا اله الا انت سبحانك انى كنت من الظالمين … طيب والقضيه

اظن خلاص كده اتقفلت بعد عملنا بوفاه صاحب الدعوه

يعنى كده خلاص مفيش قضيه

بالتاكيد وكمان بعد شهود البلطجيه اللى خطفوكم ليلتها عرفنا بانه ادعاء كاذب وكان هيتسجن بيه

اللهم لك الحمد كما ينبغى لجلال وجهك وعظيم سلطانك

الحمدلله

ممكن يعنى دلوقتى اروح

اه طبعا مش عليك اى شبهوات خالص ولا حضرتك ولا المدام بتاعته

الحمدلله … الحمدلله

كنت بس عاوز رقم المدام عشان نبلغها بخبر وفاه زوجها

فى الحقيقه ماعيش رقمها … بس ممكن اجبهولك

ياريت يا دكتور عشان نقفل القضيه دى خالص

ان شاء الله .. بعد أذنك ومتشكر جدا لتعب حضرتك

ما تشكرنيش انا اشكر ربنا هو اللى خرجك من القضيه دى مين عالم كان ممكن يحصلك ايه على ايديهم

الحمدلله رب العالمين … بعد اذنك

اتفضل ….

يغادر حجره وكيل النيابه ليجد عماد منتظره بالخارج

ها خير يا يوسف

الراجل مات يا عماد

راجل … رجال مين

سليم … سليم الرفاعى لقوه ميت فى شقته

ايه لا اله الا الله ولا حول ولا قوة الا بالله

طيب وانت زعلان ليه

مش زعلان بس موته وحشه اوى يا عماد مات بجرعه حشيش زياده وكمان لقوه عريان فى اوضه نومه

ياساتر استر … يا لطيف الطف

بقولك ايه بلاش تقول الكلام ده هناك ليهم هنقول انه مات وخلاص

ليه يعنى مهو اكيد الكل هيعرف

سمعت مش عاوزين ناخد ذنوب على واحد بين ايد الله دلوقتى … ادعيلها بالرحمه والمغفره

نعم … يوسف انت فايق ياابنى انت عاوزنا ندعيله كمان بالرحمه

وليه لا ادعيله بالرحجمه عشان تلاقى اللى يدعيلك فى الدنيا والاخره

بصراحه انت ملكش حل

صحيح وياسمينا دلوقتى هيكون ايه الكلام … هنقولها ولا ايه

وكيل النيابه عاوز يقولها هو بنفسه

ليه يعنى مش خلاص كده القضيه انتهت مدام جوزها مات

قصدك اللى كان جوزها يا عماد اللى كان

ايوه بقى ياليله ورد ياليله نور

ايه يا عماد احنا هنغنى ولا ايه يلا اركب العربيه خلينا نمشى من هنا

حاضر يا صاحبى حالا اهو هشد على البيت … صحيح انا ما جبتش سيره للمتر زى ما انت قلتلى

لا برافوا عليك قدرت تمسك لسانك شويه عقبال الباقى

ههههههههههه لالالا ما اوعدكش يا صاحبى لان فى البيت هناك مفتشين كرمبو 1 و 2

طيب يلا بقى من هنا ونكمل كلامنا فى الطريق

توكلنا عليك يارب
يقولها عماد بعد ما تحرك بسيارته عاداً الى القصر

تغادر المصعد وتذهب الى موظف الاستقبال داخل الفندق : من فضلك هو مسعد فينه ما سبش خبر ليا

مسعد بيه عمل تشيك اوت وساب الاوتيل يا فندم

بعدم وعى : تشك اوت يعنى ايه انت بتتكلم على مين

على مسعد يا فندم جوز حضرتك … وسايب لحضرتك الظرف ده

ظرف ايه وساب ايه انا مش فاهمه انت بتتكلم على مين اصلا

اتفضلى اقرى اللى فى الظرف وانتى تعرفى اكيد سايبلك خبر

تفتح المظروف وتخرج منها خطاب منه اليها وتقرأ ما به
زوجتى العزيزه الفت ولا اقول طليقتى احلى واشيك ايه رايك مش حلو بذمتك … انا سافرت ومش هقولك ولا هعرفك روحت فين واظن كفايه اوى لحد كده معاك عايش فى ارف ليل ونهار وجه عليا اليوم اللى اشوف حالى بقى … وبالنسبه للفلوس اكيد ده حقى من الفلوس اللى لفتيها انتى وبنتك السنين اللى فاتت بكده كل واحد رجعله ماله … وانتى بتقرى الجواب هكون انا بقيت فى الجو اصل جرعه المنوم المره دى كانت شديده شويه عن كل يوم هههههه …. مش هوصيكى على حالك بقى بعدى … وعشان تعرفى انى كريم الاصل حاسبت الفندق لمده شهر من انهارده شوفتى كرمى بقى اشوفك امس يا حلو
طليقك مسعد
ملحوظه … دورى عليا مكان ما تحبى مش هتلاقى ليا اى اثر فى مصر كلها سلام يا قطتى

تلاحظ وجود دبلته داخل المظروف ايضا … حاولت ان تصمد وتظل متماسكا لكنها فشلت وكادت ان تقع الى ان لحقتها فتاه وقامت بتوجها الى اريكه واجلستها عليها

حضرتك بخير اجبلك حاجه

تكتفى الفت : شكرا كويسه

تعاود قراءه خطاب طليقها مره اخرى … ثم نهضت واتجهت نحو المصعد الى انها سقطت ارضا فاقده الوعى

ايه يا عماد

زى ما بقولك كده يا خالتى لقوه ميت فى شقته هناك شكله كده والله اعلم كان مدمن واخد جرعه زياده

اللهم استرنا فوق الارض وتحت الارض ويوم العرض عليك

اللهم امين يارب … هى هديى ونيللى فين

طيب ويوسف راح فين

قال هيتمشى شويه وجاى دلوقتى

طيب ربنا يسترعلينا ويرحمنا برحمته الواسعه

اللهم امين … بقولك فين هدى ونيللى

هتلاقيهم فوق فى اوضتهم

طيب انا هطلع ليهم … الواد كريم جه

ايوه جه وخد نبيله وراحو يتغدو بره

طيب انا هطلع اريح شويه لحد ميعاد اللاكل

طيب يا حبيبى … عماد ناولنى الموبايل بتاعى ده

يعطيها هاتفها المحمول : هتكلمى مين

هكلم ياسمينا واعرفها عشان يا قلبى ما تتخضش لما يكلموها

طيب

يقف شارد الذهن على شاطئ البحر … يلاحظ وجود عائله مكونه من اب وام وولد صغير كانوا فى اسعد حاله يمرحون ويركضون فى سعاده … لم يعلم لماذا أتت فى فكره فى هذه اللحظه صوره ياسمينا … فى اول يوم رأئها بها بمطار دبى الدولى الى اخر يوم رأئها بها فى المخفر قبل ما تذهب الى المنصوره … شرد مره اخرى حياته القادمه وهل سيظل وحيد يواجه الحياه بمفرده مثلما كان .. سؤال محتاج لاجابه

كانت داخل حجرتها ترتب بعض ثيابها داخل خزانتها … كانت ايضا تفكر فيه وفى حياتها القادمه كيف ستكون .. الى ان افاقها رنين هاتفها المحمول

السلام عليكم … اهلا اهلا ازيك يا عمتو عامله ايه

ازيك انتى يا ياسمينا بفرح اوى لما بتقوليلى عمتو

مش حضرتك اللى طلبتى كده

اه طبعا ربنا لوحده يعلم انا بحبك اد ايه وانتى بجد فى معزه عيال اخواتى

القلوب عند بعضها والله اخبار صحتك ايه

الحمدلله على كل حال … انتى لوحدك ولا بابا معاكى

لا انا فى اوضتى بابا فى اوضته بيقرا قران فيه حاجه

اه عاوزه اقولك حاجه بس عاوزاكى تتمالكى اعصابك

خير يارب

خير طبعا يا حبيبتى … سليم الرفاعى

بذعر ورهبه شديده : ماله اوعى يكون عمل حاجه تانى ليوسف هو وانتو كلكم بخير

هههههههههه ياسيمو اصبرى هقولك ادينى فرصه

قولى الله يخليكى يا عمتو عمل ايه

لا حول ولا قوة الا بالله … اسمعينى طيب واهدى الاول احنا كلنا بخير وان شاء الله مش هيعمل حاجه تانى معانا ولا معاكى

مش فاهمه ايه اتقبض عليه

لا يا حبيبتى الحمدلله ربنا رحمك منه على طول

مش فاهمه يعنى ايه

يعنى مات لقوه ميت فى شقته بدبى يا ياسمينا

تنفض واقفا : ايه مات بجد يا عمتو

اه والله يا حبيبتى يوسف وكيل النيابه طلبه وقاله انه مات وان القضيه بمجرد موته بكده انتهت يعنى اتقفلت خالص ومفيش حاجه ضدكم

طيب والقضيه بتاعه يوسف

ههههههههه مهى خلاص بقى اتقفلت الناس اللى خطفوكو اعترفوا بان سليم هو اللى حرضهم على الخطف وانه كمان قالهم بانهم هيرحوا معاه ويشهدو ضدكم انتى ويوسف لكن اراده ربنا سبحانه وتعالى رحمكم من ظلمه وتوحشه معاكم

لا اله الا الله … طيب وهو مات ازاى حد قتله

فى دى بقى ما اعرفش العلم عند الله وحده

لا اله الا الله … اشكرك يارب واحمد فضلك

ايوه كده ربنا يرضى عليكى انا حبيت اعرفك بنفسى قبل ما وكيل النيابه يتصل بيكى ويعرفك عشان المفروض هتكونى موجوده وتقفلو المحضر

انا يعنى هاجاى

ايوه يوسف قال كده ان وكيل النيابه عاوزك عشان يقفل القضيه خالص .

اه طيب ويوسف هيكون معايا … اقصد هو كمان طلوب هناك

ههههههههههههه

عمتو انتى بتضحكى

بصراحه مش قادره منكم انتو الاتنين

ليه فى حاجه ولا ايه

لا يا حبيبتى مفيش اه هيروح معاكى عشان هو كمان مطلوب

طيب وامتى هاجاى

لما يجى يوسف اعرف منه واكلمك واقولك

ليه هو فينه

مش عارفه راح فين … اهو جه

يوسف باندهاش : خير يا عمتى فيه حاجه

ياسمينا معايا على الموبايل بتقولك تيجى امتى عشان تروح القسم

المفروض بكره ان شاء الله

سمعتى بكره ان شاء الله تكونى هنا عندنا

عندكم فين اسكندريه يعنى

لا هنا فى الفيلا ايه مش عاوزه تسلمى عليا ولا ايه

لا طبعا اكيد حضرتك وحشانى اوى

تنظر الى يوسف الذى كان منتبه لحديث عمته : وانتى كمان وحشانا اوى اوى يا سيمو يلا اقفلى وحضرى نفسك لبكره

حاضر يا عمتو سلميلى على نبيله وهدى ونيللى كتير

حاضر يوصل ان شاء الله … فى رعايه الله يا حبيبتى

وبعد ما اغلق الخط : هتيجى بكره ان شاء الله هنا عندنا وابقى خدها بقى ورحو سوا القسم

هتيجى لوحدها ولا حد معاها

بنبره مكر : ما قالتليش بس شكلها مش هتيجى لوحدها

والله !! طيب انا طالع اوضتى

مش هتاكل

مليش نفس

بعد ما تركها وذهب : يارب يحققلك كل اللى بتتمناه يارب

داخل غرفه بمشفى بالقاهره نسمع صوت صريخ عالى نسيبا … واحدى الممرضات تحاول ان تهدى من روع هذه السيده التى تدعى الفـــــــــت

ارجوكى اهدى يا مدام عشان اعرف اديكى الحقنه

الفت تبعد الممرضه عنها بالعنف وبالقوه لكى تذهب : ابعدو عنى عاوزه مسعد عاوزه مسعد انت فين يا مسعد

يا مدام اهدى الله يخليكى

لتدخل اليها احدى الممرضات : فيه ايه يا نمهله ومال المدام

مش عارفه بتصرخ وبتنادى على واحد اظاهر ابنها او جوزها بقولك ايه يا عايده تعالى امسكيها معايا عشان اديها حقنه مهدئه

وبعد قليل تخرج الممرضه من الحجره بعد ما اعطت المهدىء لــ ألفت … لكنا التقت بالطبيب المعالج

يا دكتور راشد

ايه يا نهله لسه المدام بتصرخ برده

ايوه يا دكتور وبالعافيه ادتها الحقنه اللى امرتنى اديهلها

هو مين اللى جابها

ناس من فندق …. وقالو انها نازيله هناك

ملهاش حد يعنى

ما اعرفش حضرتك

طيب لو فاقت وفضلت تصرخ تانى نادى عليا

حاضر يا فندم

استيقظت ياسمينا من نومها على زقزقه احدى الطيور … اتجهت نحو شرفتها لترااها وتعلو ابتسامتها الجميله … الى ان يدخل اليها اباها

صباح الخير يا سيمو

صباح النور يا بابا

يلا عشان نلحق نرجع قبل العشا ان شاء الله

حاضر …

وعلى فكره محمود مش هيجى معانا لانه عنده شغل وماعرفش يستأذن

احسن … احلى حاجه عملها

هههههههههه طيب يلا يا حبيبتى صلى الصبح والبسى

كانت ترتب فراشها : حاضر يا بابا

وداد وداد

صباح الخير يا ستنا

صبحك الله بنعيمه يا وداد ها عمله اكل ايه انهارده

زى ما حضرتك طلبتى منى بالظبط

كويس يلا روحى صحى الولاد عشان يفطرو

حاضر يا ستنا … ها والست هدى نازله اهى

صباح الخير يا عمتو

صبحك الله بنعيمه يا حبيبتى فين نيللى

سخنه شويه شكلها خدت برد

طيب ادتيها علاج ولا هتوديها للدكتور

لالالا انا عندى علاج يظهر البرد رد عليها تانى

ربنا يشفيها ان شاء الله

يارب … ها يا داده محتاجه مساعده

لا يا ست هدى كل الاكل جاهز

خلاص يا وداد روحى انتى كملى تحضير الفطار وهدى هتروح تصحى الباقى

والباقى صحى اهو يا عمتى صباح الخير

صباح النور والهنا يا يوسف عامل ايه يا حبيبى

الحمدلله تمام

ليه مالك يا يوسف انت تعبان ولا ايه
وتضع يدها على جبتهه لتحسه

الحمدلله انا مش تعبان ولا حاجه

امال عمتك بتسالك عامل ايه ليه

عادى يا هدى فين عماد جوزك

نازل دلوقتى

كاميليا : وكريم ونبيله مش هيفطرو معانا

مش عارفه هروح اشوفهم

لالالا خليهم لما يصحو براحتهم

ازيحت على الشرفه الستائر لتدخل اشعة الشمس الى الحجرة .. ثم اتجهت نحوه وقامت بمداعبته ليستيقظ

ترفع عنه الغطاء : كيمو … كميو قوم بقى هتتاخر على الشغل

بنره نوم : لسه شويه يا بلبله سيبنى كمان شويه

لا كفايه كده الساعه بقت 8 يلا بقى

يضع عليه الغطاء : طيب سيبنى كمان نص ساعه

ترفعه عنه : تؤ تؤ

يضعه مره اخرى : طيب ربع

ترفعه عنه : تؤتؤ

يضعه مره اخرى : يابت اسكتى بقى

ترفعه عنه : قلتلك تؤتؤ

بقى كده

هو كده

طيــــــــــب …. ويقوم ويجذبها نحوه ويظل يداعبها الى ان ……………………... تسكت سمااااااااااا

بعد مرور الوقت نجد ياسمينا ترتجل من سياره اجره امام القصر وكان معها اباها …

ماشاء الله هو ده البيت

ايوه يا بابا هو

بسم الله ماشاء الله ربنا يرزقنا الجنه

يارب يا بابا … يلا بينا

ياسمينا لعم زيدان حارس البوابه : ازيك يا عم زيدان

ست ياسمينا ازيك يا بنتى عامله ايه

الحمدلله تمام ازى صحتك انت

الحمدلله نحمدو على كل حال

ده بابايا يا عم زيدان

اهى وسهلا يا بيه شرفتنا ونورتنا

الله يكرم اصلك الطيب

اتفضلوا الهانم والاستاذ يوسف فى انتظاركم جوه يا اهلا يااهلا

اتفضل يابابا

وداد تسمع صوت رنين المنزل فتذهب مسرعا

اهلا اهلا بست البنات ازيك يا ياسمينا يا بنتى

تقبلها ياسمينا وتعانقها : الحمدلله يا داده ازيك انتى

الحمدلله يا حبيبتى اتفضلوا اهلا وسهلا

بابا يا داده

اهلا يا حاج نورت وانست

تسلمى يا حاجه الله يكرم اصلك يارب

كاميليا : يوسف ياسمينا وصلت

يوسف يذهب اليهم وهو وعمته لاستقبالهم

كاميليا وتفتح لها ذراعيها : ياسمينا حبيبتى

تنحنى فى مستواها لتعانقها : ازيك يا عمتو وحشانى اوى

انتى كمان يا حبيبتى وحشتينى كتير

يوسف هو الاخر كان بيرحب بــ اباها : اهلا وسهلا يا عمى شرفتنا

تسلم ياابنى يارب انت بقى الدكتور يوسف

ان شاء الله

ماشاء الله ربنا يحميك ويحفظك ويكأفك على كل اللى عملته مع ياسمينا بنتى

ده واجبى يا عمى هى زى اخواتى تمام

وده العشم ياابنى وياريت كل شبابنا يتعاملوا كده

ربنا يهدى يا عمى

يارب ياابنى

كاميليا : اهلا وسهلا يا حاج

بدون النظر اليها : اهلا بحضرتك ومتشكرين جدا على اللى عملتوا مع بنتى

بنتك هى بنتنا وربنا العالم

ربنا يجبر بخاطركم يارب

ايه هنفضل واقفين كده اتفضلوا تعالى يا ياسمينا

اتفضلوا

وداد

ايوه يا ستنا

ايه فين العصير بتاعك الجميل

اه ياريت تعفينى انا منه

ليه يا حاج بس ده عصير فرش برتقال ومفيد كمان

اصل بابا صايم يا عمتو بيصوم اتنين وخميس

مهى عمتى صايمه كمان

كاميليا: ربنا يتقبل ان شاء الله

ابراهيم : منا ومنكم ان شاء الله … انا بقول نروح القسم عشان ننهى الحوار ده بدرى كده ونلحق نرجع قبل العشا

كاميليا : ازاى يعنى هتروحو كده من غير ما تاخدو واجبكم

الواجب وصل يا حاجه كفايه اللى عملتوا مع ياسمينا

برضه ما يصحش انتو دلوقتى تروحو القسم وتخلصوا الموضوع ده وبعدين ترجعوا نفطر كلنا سوا ويوسف يوصلوكم

لالالا اسمحلنا مش هينفع اصلى مرتبط بمواعيد هناك

ما جتش من كام ساعه يا حج ما تقولى حاجه لبابا يا سيمو

تنظر الى والدها : خلاص بقى يا بابا عشان خاطر عمتو كاميليا ما تزعلش

يبقى نسيبها لتساهيل يلا بس عشان ما نتاخرش

يوسف : اتفضل يا عمى

ياسمينا

تتجه نحوها ياسمينا : نعم يا عمتو

عاوزه اتكلم معاكى

بصراحه وانا كمان محتاجه مشوارتك فى موضوع مهم

خلاص يبقى تروحى وتقنعى باباكى انك ترجعى هنا تانى

حاضر ان شاء الله

ربنا يسهلوا وييسرلكم الامور يا حبيبتى

تقبل وجنتيها بحب : اللهم امين يارب يلا داعوتكم بقى

فى رعايه الله

وبداخل المخفر نجدها تجلس امام وكيل النيابه وامامها يجلس يوسف ويلاحظ ارتباكها وبانها تفرك يدها خوفا … يريد ان يتحدث اليها لكى يهدأ من روعها لكنه شاعر بالاحراج الكبير … اما اباها فكان منتظر بالخارج

وكيل النيابه : محامى المرحوم كلمنا من هناك وقال انه محتاج يقعد معاكى

تنظر الى يوسف ثم تعاود النظر اليه مره اخرى : معايا انا

ايوه معاكى انتى اظاهر كده والله اعلم بخصوص تركته

تركته … تركه مين

زوج حضرتك سليم الرفاعى

يوسف : طيب وهو جاى دلوقتى يعنى

لالالا هو كلمنا وقال انه محتاج عنوانها عشان يتكلم معاها لوحدهم

وده امتى حضرتك

والله احنا منتظرين حضوره فى اى وقت انتو ممكن بعد ما تمضوا على المحضر تسيبى عنوانك عشان يبقى يجيلك عليه

يوسف قبل منها : ماشى مفيش مانع … ويخرج كارت من جيب بنطاله

وده الكارت فيه جميع التليفونات والعنوان كمان

تمام اوى

ها يا يسرى : حضرت الورق عشان يمضوا عليهم

الاوراق جاهزه يا فندم اهى

اتفضلوا امضوا

تغادر الحجره ومعها يوسف ويلاحظوا توجه اباها اليهم : خير يا ولاد عملتوا ايه

كله تمام يا عمى مضينا على قفل المحضر وبكده خلاص مفيش قضيه ولا حاجه

اللهم لك الحمد والشكر

مالك يا ياسمينا فيه حاجه

تبتلع ريقها : المحامى طالب يقعد معايا

محامى مين

تنظر الى يوسف : المحامى بتاع سليم

وده عاوز ايه منك

وكيل النيابه بيقول احتمال انه بخصوص تركته

واحنا مش عاوزين منه حاجه كفايه اوى اللى عملوا معاكى

وبعد مرور الوقت كانوا بداخل القصر ومعهم محامى سليم الرفاعى ومعه بعض اوراق الخاصه بتركته وبجميع امواله بالقاهره وخارج القاهره

انا مش فاهم حضرتك لحد دلوقتى هو كان كاتب يعنى كل ثروته باسمها

يقولها يوسف وكان منفعلا :

مش بالظبط بس مدام ياسمينا هى الوريثه الوحيده له لانه ملوش اى عائله خالص ولا هنا ولا باى مكان … وعشان كده يبقى كل ممتلكاته وثروته بالكامل ملكها من الوقت الحالى

اباها يتكلم : واحنا يا استاذ مش عاوزين منه حاجه

يوسف : وانا معاك يا عمى كفايه اوى اللى حصل منه وهو عايش لها احنا متنازلين عن ماله ده

اباها يهدأ من روع يوسف : استنى بس ياابنى … هو يا استاذ ينفع اننا نتازل عن الورث ده

طبعا من حقكم … بس اعذرونى انا شايف ان الثروه كبيره جدا وخساره ده رصيده بالبنوك اكتر من مليار غير العقارت اللى فى دبى والقاهره كمان والشركات والمصنع اللى عنده ياريت تفكرو قبل اى قرار تتأخذو

هو حضرتك ما بتسمعش ولا ايه باباها بذات نفسه قالك مش عاوزينه متنازلين عن ثروته اللى اعلى من مليار دى

كاميليا تحاول ان تهدأ من روع ابن اخاها : يوسف اهدى مش كده

المحامى : ما سمعتش رأيك يا مدام ايه

مش قلنا ليك الرد ولا احنا مش مالين عينك ولا ايه

يوسف اهدى ياابنى عيب كده الراجل ضيفنا برده

اهدى ياابنى لما نسمع رد ياسمينا

يوجه نطره اليها : اتفضلى قولى رايك وردك يا مدام مستنيه ايه

قولى يا ياسمينا ايه رايك يابنتى

مش عارفه افكر ولا اقول حاجه يابابا

المحامى اليها مره اخرى : ياريت تفكرى كويس يا مدام الثروه مش قليله دى كبيره جدا وهيكون اكبر غلط انك تتنازلى عنها

لا اله الا الله ما تديها طيب فرصه تفكر ولا لازم تفكرها كل شويه بمليارات الباشا بتاعك

ياستاذ ارجوك انا مجرد محامى وفى ايدى مستندات واراق بتركه تخص سليم باشا والوريثه الوحيده هى زوجته

تقصد اللى كانت يا استاذ شكلك نسيت انه اتكل من كام يوم

لا اله الا الله يايوسف اهدى اقولك اخرج بره فى الجنينه شويه يا حبيبى

استنى بس يا عمتى لما نشوف راى المدااااااااااااااام هيكون ايه … ها يا مدام رايك ايه

ممكن توطى صوتك بس الاول

نعم نعم اوطى صوتى اعلى صوتى دى حاجه تخصنى مش تخصك

بنره تحدى : وكمان الورث دى حاجه تحصنى مش تخصك

يعنى ايه

يعنى انى موافقه على الورث ده ومش هتنازل عنه ايه رايك بقى

زر الذهاب إلى الأعلى