مسلسل العروس الهاربة

الحلقه الخامسه والعشرون من مسلسل العروس الهاربة للكاتبة سما عمر

الحلقه الخامسه والعشرون من مسلسل العروس الهاربة للكاتبة سما عمر
يدفعه عماد الى خارج القصر بقوه ليهدأ من روعه وانفعاله الشديد تجاه ياسمينا

ايه يا يوسف مش نهدى كده ولا ايه

انت يعنى ما شوفتهاش بتكلمنى ازاى

ياابنى براحه ووطى صوتك وما تزعلش منى انت زوتها اوى معاها

ازاى يعنى كنت عاوزنى اسكت والمحامى ده شغاله كلام وتلقيح وعاوزها تاخد الفلوس بالعافيه

ياعم احنا مالنا هى وهما احرار مهو ابوها كان قاعد ما اتحمقش كده ليه زى حضرتك

مش عارف بقى

طيب اهدى الله يباركلك

وبداخل القصر كان لا يزال المحامى جالس معهم … يعطى احدى اوراق الملكيه الخاصه بتركه سليم الرفاعى اليها لتتطلع اليها … بينما كاميليا وجهت له بعض الاسف الشديد لما فعله ابن اخاها يوسف منذ قليل

ودلوقتى يا مدام معاكى اوراق كل حاجه كان بيملكها سليم بيه وليكى حق الاطلاع عليها فى اى وقت

مش فاهمه يعنى ايه اطلع عليها

يعنى لو تحبى تروحى دبى وتشوفى كل حاجه على الطبيعه مفيش مشكله

تروح فين لا طبعا الكلام ده مش هيحصل

يقولها اباها بنبره حاده ولكنها هاديه : ثوانى بعد اذنك يا بابا

لاتسترد وتتحدث الى المحامى : ومفيش حل تانى عشان اشوف املاكى دى غير انى اسافر

والله مفيش بس لو حضرتك مش عاوزه تسافرى عادى جدا دى فلاشه عليها فيديوهات بكل حاجه كانت ملك سليم بيه الله يرحمه من الشركه لحد الفيلا بتاعته هناك

وهنا تبتلع ريقها واتذكرت ليله عروسها الذى كان بهذه الفيلا التى يقول عليها…

ها يا مدام هتشوفيها

هه اه اه سيبها وهبقى اشوفها بعدين

خلاص بكده معاكى كل حاجه من اوراق الملكيه للفلاشه

لو ممكن بس تدينى فونك عشان يعنى لو احتجت افهم حاجه اتصل بيك

اه اوى اوى … ويعطى لها كارت من كروته : ده الكارت بتاعى ممكن تتصل بيا فى اى وقت

ان شاء الله … حضرتك هتفضل هنا اقصد يعنى فى اسكندريه ولا هترجع تانى دبى

حضرتك انا شغلى قايم بين هنا وهناك انا كنت المستشار القانونى لكل شركات سليم بيه بدبى وفى القاهره

يعنى حضرتك هتسافر القاهره

ايوه كده خلاص مبقاش ليا شغل فى دبى تانى بعد وفاه سليم بيه … بس لو حضرتك تؤمرى هكون تحت امرك وهكون مستشارك فى كل حاجه تمتلكيها

اوكيه هفكر وهرد على حضرتك فى اقرب فرصه

وانا فى انتظار تليفون من حضرتك … استتأذن انا بقى

وداد

نعم يا ستنا

وصلى الاستاذ لبوابه الفيلا

حاضر … اتفضل حضرتك

وبعد ما تركهم وغادر .. التفت ياسمينا الى ولدها وقبلته بوجنتيه لكنها همست له بشىء فى أذنه وبعد ذلك الهمس وجدنا ابتسامه على شفتاه

ابراهيم : امال فين الدكتور كنت عاوزه فى كلمتين

نبيله تاتى اليهم بعد ما رأت المحامى غادر الفيلا

ايه الاخبار يا سمسمه كنت سمعه صوتكم انتى ويوسف عالى

كاميليا : نبيله خدى عمك ابراهيم ووديه عند يوسف فى الجنينه بره

حاضر يا عمتو … سمسمه عاوزاكى ما تنسيش

حاضر

كاميليا : ها مش عاوزه تقولى حاجه

ياسمينا تتجه نحو كاميليا وتجلس بجوارها : الاول بتاسف على اسلوبى وصوتى العالى

الاول انا قلتلك قبل كده المفروض تعتذريله هو مش انا

ما تنسيش يا عمتو انه هو اللى ابتدأ الاول

حصل خير ها وثانيا

وثانيا … انا مكنتش هقبل بالتركه دى بس لما لقيته عند معايا وبيتكلم بصوت عالى مش عارفه ليه عندت انا كمان وقبلتها عشان اغيظه

هههههههه قصدك تتحديه

مش عارفه ليه معاه هو بذات بحاول اكون هاديه بس مش بعرف بلاقى نفسى مندفعه كده على طول

حصل خير يا سيمو … قوليلى بقى ايه الموضوع اللى كنتى عاوزانى فيه

محمود ابن خالتى

اللى جه هنا فى فرح نبيله وكريم

ايوه هو حضرته

ماله

طلبنى للجواز

جلس بجواره على احدى الطاولات بداخل الحديقه

يوسف : انا بتأسف لحضرتك مكنش المفروض اندفع كده

ولا يهمك ياابنى انا حاسس بيك وبمشاعرك والله

انا اتخليت ولو للحظه انها تخصنى زيها زى اخواتى البنات

يربت على كتفيه بحنان : عارف ده كويس اللى قلته ياسمينا عنك وعن شهمتك معاها قليل على اللى حسيته فيك اول ما شوفتك

ينظر اليه بفضول : هى قالتلك ايه عليا

يبتسم ثم يقول : كل خير ياابنى كل خير

المهم دلوقتى هى فعلا هتوافق تاخد الميراث

والله العلم عند الله

ونعم بالله

يوسف لعماد : عماد روح خلى وداد تعملنا حاجه نشربها

لالالا مفيش داعى بصراحه من ساعه ما فطرت عندكم وانا حاسس انى مش هاكل لمده شهر كامل

ههههههه بالهنا على قلب حضرتك يارب

تسلم ياابنى وتعيش

عماد شعر بان يوسف يريد ان يتكلم مع والد ياسمينا بمفردهم فــ أستأذنهم وتركهم لرغبه يوسف

ع فين يا استاذ عماد

هروح اشوف نيللى وجاى

ابقى هاتها معاك ما تعرفش انا بحب الاطفال اد ايه وخصوصا البنات ليهم معزه خاصه بقلبى

بس كده هروح اجبهالك

تسلم ياابنى ويحفظهالك وتشوفها عروسه جميله
ويقول كلمته الاخيره وينظر الى يوسف …
شكلك عاوز تقول حاجه وعشان كده قريبك فهمك وقام

ههههههه ماشاء الله عليك يا عمى ربنا يديك الصحه

ويديهالك ياابنى خير

سليم الرفاعى

اه كنت حاسس ان موتو مش طبيعيه حد قتله

الله اعلى واعلم بس اللى كنت عاوز اقوله لحضرتك انه مات وهو عارى الجسد بعد تناوله جرعه زياده من المخدرات

اعوذ بالله … اللهم انكعفو كريم تحب العفو فاعف عنا فى الدنيا والاخره

انا كنت مخبى المعلومه دى بس لازم حضرتك تعرفها بنفسك … عشان تعرف ان اصل المال ده كله من ايه

لا حول ولا قوة الا بالله … كان قلبى حاسس انه مال حرام لانه كمان كان بيتاجر في السموم دى

بيتاجر فيها ؟؟

ايوه ياابنى ياسمينا قالتلى انها سمعته يوم زفافها عليه كان بيكلم واحد على جنب وبيتفق على الحاجات دى ربنا يعفى عنا ويغفرلنا ويرحمنا

هى يعنى كانت تعرف انه بيتاجر فيها

اه عرفت امال هربت منه ليه ليلتها

هى قالت لحضرتك كده

اه قالتلى كده وقالتلى حاجات تانى بس اعفينى ياابنى من ذكرها

لالالا بعفيك يا عمى وللاسف عارف انا بيها

ينظر اليه ابراهيم ثم يربت على كتفيه : خلاص اللى راح راح وانتو ولاد انهارده وربنا يجزاى كل واحد على عمله يوم القيامه

ان شاء الله

هى الساعه بقت كام دلوقتى

الساعه 8 ونص

يااااه اتاخرنا جدا …

لسه بدرى يا عم ابراهيم

بدرى من عمرك ياابنى انا كان زمانى نايم فى فرشتى دلوقتى اصلى بقوم قبل الفجر عشان افتح المسجد وادن للصلاة

ربنا يتقبل منك

ومنك ياابنى لو ممكن بس تقول لياسمينا يلا

اه اوى اوى

وقبل ما يتركه كان عماد متجه اليهم ومعه ابنته نيللى

وادى نيللى يا عم ابراهيم … سلمى على جدو ابراهيم يا حبيبتى

ابراهيم : اهلا اهلا بالعسل والشربات كله ماشاء الله وتبارك الخالق تشبهك كتير يا استاذ عماد

يجلس بجواره : بقى انا حلو كده زى بنتى

هههههههه ما انكرش انى جاملتك بنتك الاحلى طبعا

هههههههههههههه

اما يوسف فذهب الى القصر من الداخل لكى يقول لياسمينا بان والدها يريد العوده للمنصوره

فوجدها جالسه بتضحك ومعها نبيله وهدى وعمته كاميليا …. تنحنح قائلا

والد حضرتك عاوزك بره

لم تنظر اليه تعمدا لكنها اكملت حديثها مع نبيله

اتجه نحوهم وبنبره اعلى : انتى مش سمعانى باباكى عاوزك

اطلقت زافره قويه : تمام هروحله دلوقتى حاجه تانيه

ضرب كــف على كــف : لا اله الا الله … وكاد ان يتركهم الى ان نبيله اوقفته

صحيح يا جو ما تعرفش دار للايتام قريبه من هنا

اه اعرف ليه

اصل ياسمينا كانت بتسالنى وقلتلها انك الوحيد اللى عارف

ينظر الى ياسمينا التى كان تنغز نبيله بغضب لانها اوقفته وقالت له امامها

فيه كذا دار هنا لو تحبى تروحيها قوليلى وانا هوديكى بنفسى … بعد اذنكم

ليه كده يا نبيله الله

فيه اايه هو انا غلطت انتى كنتى عاوزه تعرفى واديكى عرفتى

بس مكنتيش قلتيلو وانا موجوده

ياختى اهو الى حصل حصل وكده او كده هيعرف … المهم انتى بجد ناويه تتبرعى بيهم كلهم

ان شاء الله انا قلت لعمتى كاميليا دلوقتى كنت بقرأ كتاب الاحاديث الشريفه اللى ادتهانى انتى من فتره وقفت عند حديث الرسول صل الله عليه وسلم

الكل : عليه افضل الصلاة والسلام

بيقول فيه أنا وكافل اليتيم في الجنة كهاتين وأشار بالسبابة والوسطى … ففكرت بالكلام ده وقلت انفذه … سالت بابا عن دار فى المنصوره قالى فيه واحده هو يعرفها وقلت كمان اشوف هنا

يعنى ناويه تتبرعى بيها كلها

اه وناويت كمان ابيع كل شركاته ومصانعه اللى فى القاهره وفى دبى وبرده اتبرع بيهم

بس دول كتير اوى

مفيش حاجه كتيره على ربنا مدام كله فى عمل الخير

جزاكى الله خيرا يا ياسمينا يا بنتى

واياكى يا عمتى يارب … انا هقوم بقى عشان نمشى شكل بابا عاوزنى عشان كده

ولو اننا ليسه ما شبعناش منك بس براحتك

مره تانيه بقى ان شاء الله

نبيله : بتفكرى فى ايه يا هدى

هه ابدا ولا حاجه

ياسمينا : طيب يا جماعه اشوف وشكم بخير ان شاء الله

كاميليا : ما تغبيش بقى علينا

ان شاء الله

وتودعهم بالقبلات والاعناق … لكن هدى اوقفتها قبل ما تغادر القصر

انا بتاسفلك يا ياسمينا على معاملتى اللى فاتت معاكى … بس عاوزاكى تعرفى انها مش من فراغ يوسف مش مجرد اخ وبس لا هو كل حياتنا وساندنا فى الحياه

عارفه يا مدام هدى ومقدره ده كويس والحمدلله ربنا قدر ولطف

يعنى خلاص صافى يا لبن

ههههه حليب يا اشطه

هتوحشينا اوى

وانتو كمان والله يا مدام هدى

لالالا مدام ايه احنا اخوات قوليلى هدى او يا دودو

حاضر يا دودو

ايوه كده وعاوزه اقولك حاجه لو احتاجتى اى شىء هتلاقينى معاكى دايما

ان شاء الله ربنا ما يحرمنى منكم يارب

تسلمى يا حبيبتى

ما شبعتوش رغى كل ده

يقولها يوسف وهو كان متجه اليهم وعلى وجه ابتسامه بسيطه

ياعم جو الحريم دايما رغاين واسالنى انا
ويقولها كريم

هدى : والله رغاين ماشى هروح اقول للرغايه التالته بقى ونشوف هيعجبها الكلام ولا لا

عارفه سكتها ولا اجاى اعرفهالك

انت مش همك بقى

ايوه بقى ياختى

طيب لما نشوف … وتتجه نحجو نبيله وكاميليا … بينما كريم يركض خلفها مسرعا ليامنعها
استنى بس يا دودو انا كنت بهزر معاكى

يوسف لياسمينا : هتفضلى واقفه كتير اتفضلى روحى عند باباكى

حاضر هروح

بجد عاوزه تتبرعى بالفلوس لدار ايتام

تلتف اليه وتقول له : ده لو معندكش مانع يعنى

بسخريه : وانا مالى ومال حاجه زى كده مش كل واحد حر فى تصرفاته

على فكره انت اللى ابتديت هه

والله انا اللى ابتديت وقلت على نفسى انى راجعى ومتخلف ومغرور وقلبى اسود ها مفيش كلام تانى ناويه ترميه بوشى وتخافى وتجرى زى المره اللى فاتت

انا ما خوفتش منك على فكره

لا مهو باين انك ما بتخافيش … اتفضلى يلا عشان تروحى لباباكى

نعم يا بابا

مش يلا بقى يا سيمو الوقت اتاخر علينا

ماشى انا جاهزه يلا بينا … وقبل ما تتجه مع والدها انحنت وقبلت ابنه عماد
هتوحشينى يا لولو اوى

يوسف : العربيه جاهزه اتفضلوا

ياابنى والله ما كان فيه التعب ده

تعبكم راحه يا عم ابراهيم اتفضلوا

تنظر الي يوسف ثم تمسك باحدى ذراعيه والدها وتتجه بها الى السياره
يفتح لها باب السياره الامامى
اتفضل ياعم ابراهيم

شكرا ياابنى ويارب يسعدك

اللهم امين
يقولها وهو ينظر اليها … ثم يفتح لها باباها الخلفى
اتفضلى حضرتك

شكرا

عفوا

الحق يا دكتور

فيه ايه يا نهله

المريضه اللى فى اوضه 65 صحيت وبتصرخ

ينهض ويتجه مسرعا الى الحجره ويجدها بالغل تعلو بالصريخ يحاول ان يهدأ من روعها لكن دون جدوى

ها يا دكتور

شكلها كده والله اعلم فيه حاجه فى عقلها

والعمل يا دكتور

اتصلى بدكتور ناجى وخليه يجى يكشف عليها ولو قال اللى انا قلته يبقى مفيش غير اننا ننقلها مستشفى الامراض العصبيه

وبعد عده ساعات وجدنا محمود وهو يقف امام منزل الحاج ابراهيم وكان يطرق بابه … لكن لم يجب عليه احد … فتفاجىء بسياره تقف امام المنزل ويرتجل منها الحاج ابراهيم ومعه يوسف

ابراهيم : محمود فى حاجه ياابنى

محمود : كنت بخبط عليكم عشان اطمن عملتو ايه فى اسكندريه

اه احنا لسه واصلين اهو دكتور يوسف ربنا يجبر بخاطره ويسعد وصلنا

ما تقلش كده يا عم ابراهيم دى حاجه بسيطه

تسلم ياابنى يلا تعالى اتفضل ريح شويه من تعب السواقه

معلش اسمحلى الوقت مش متاح ان شاء الله هبقى اجيلك فى وقت تانى

والله ابدا انت كده هتحرجنى بقى حتى على الاقل ارتاح شويه وبعدين ياسيدى ابقى امشى … مش هنمسك فيك للبيات

محمود : ما تسيبه يا عم ابراهيم يمكن يكون مستعجل

ما تيجيش ابدا وربنا يلا يا دكتور اتفضل

ياسمينا تتجه نحوه
بابا هات المفتاح

خدى اهو … مستني ايه يا دكتور اتفضل يا اهلا وسهلا … تعالى يا محمود ياابنى انت كمان

اكيد يا عمى هاجاى

يدخلا بداخل المنزل وتقوم ياسمينا بوضع صنيه بها فناجين شاى بلبن دافىء

اتفضلوا اتفضل يا دكتور دى بقى قهوتنا احنا
شاى بلبن مفيده احسن بكتير من القهوه وانت دكتور بقى وعارف اكيد

اكيد طبعا يا عمى

اتفضل يا محمود ياابنى اشرب

حاضر يا عم ابراهيم ولاونى مش محتاج عزومه لانى مش ضيف

لا يا محمود ده لازم اكرام الضيف ده حتى ربنا ذكره فى حديث شريف له بان اكرام الضيف واجب على كل مسلم

ونعم بالله

يضع الكوب على الصنينه بعد ما انهى رشفها : استأذن انا بقى

برده مصمم

ان شاء الله

طيب ياابنى نورت وشرفت ومتشكرين جدا ولاونى مش عارف اشكرك على ايه ولا ايه

ما تقولش كده ياعم حضرتك زى والدى

وده العشم ياابنى مع الف سلامه ويارب يستر طريقك يارب

يارب السلام عليكم

وعليكم السلام ورحمه الله وبركاته اتشرفت بمعرفتك

تركض مسرعا الى شرفه حجرتها لتلقى نظره اخيره عليه قبل ما يتحرك بسيارته … لكنه هو الاخر القى نظره على المنزل وتفاجىء بها فى الشرفه رسم على شفتاه ابتسامه ثم انطلق بسيارته

انما ياسمينا ظلت تنظر الى طيف سيارته الى ان اختفت عن نظرها … وظلت تتذكر حديثها معه وطريقته بالجوار وطريق عنادها … الى ان افاقها كلمه اباها

اللى واخد عقلك وبيضحكك يا سيمو

تغلق شرفه حجرتها ثم تتجه الى والدها

ابدا يابابا احم انت كويس

يجلس على اريكه بداخل الحجره : الحمدلله احسن بكتير من الاول

تتجه لتجلس بجواره : يارب دايما يا بابا … هو محمود مشى

اه مشى بعد ما يوسف مشى بالعربيه ايه ما خدتيش بالك منه

احم لا ماخدتش بالى

اه تلاقيكى كنتى ساعتها سرحانه

احم حضرتك مش هتنام

اه هدخل انام دلوقتى بس الاول هصلى ركعتين

ربنا يتقبل منك يارب

يضمها الى صدره : مش عاوزك تقلقى خالص من اى حاجه طول منا على وش الدنيا

تقصد ايه يا بابا

يابت انتى بنتى وانا بفهمك من عيونك

تزيد احمرار وجنتيها

يرها هذا الاحمرار نتيجه خجلها : مش بقولك … ها مش عاوزه تحكيلى على حاجه

ايوه عاوزه بس الاول عاوزه اقولك حاجه

حاجه ايه دى

انا مش موافقه على طلب محمود

طب منا عارف

عارف

ايوه يابت بقولك انا فهمك الاول كنت شاكك لكن انهارده وبعد اللى شوفته اتاكدت جدا واطمنت كمان عليكى

اتاكدت من ايه يا بابا

اتاكدت من شعورك تجاه يوسف ومن شعوره هو كمان انتو الاتنين اغبيا وما بتعرفوش تخبوا اللى جواكو

ايه
تقولها وهى تبعد عن احضانه

لالالا يا بابا اصل

يضمها الى احضانه مره اخرى : ياسيمو انا مش يهمنى فى الدنيا دى غير سعادتك دى اهم حاجه انا عاوزها …

بس يا بابا

يقاطعها : ما بسش قلتلك طريقتك وكرمك ونظره عيونك فضحتك انهارده ومش انتى وبس لا كمان هو

هو

اه هو يعنى كل ده وما حستيش

ما حستش بايه

بان يوسف بيحبك يا ياسمينا

تضم ذراعيه اباها بحب وتهمس لنفسها ياااااااااريت

بتقولى ايه يا عمتى

بقولك محمود ابن خالتها طلبها للجواز كنت هقولك امبارح بس انت رجعت متاخر وانا كنت نمت

اه والهانم ايه رايها بقى

يا يوسف هى مش بيديها حاجه تعملها

يعنى ايه هتوافق

مهى لو لقت منك كلمه ولا ريق حلو يا يوسف مش هتوافق

والله !! انا قلت امتى اخلص من سليم ده يطلعلى سى محمود ده كمان

والله الموضوع كله فى ايدك دلوقتى

وانا اقول امبارح كان بيبصلى كده ليه الباشا غيران بقى ع الهانم

انت شوفته امبارح

ايوه اتزفت

طيب اهدى ممكن

وهى قالتلك انها هتوافق عليه

طب اهدى الاول واقعد

وبعد ما جلس بجوارها استردت وقالت له : اتقدملها يا يوسف اتقدملها يا حبيبى

لما اعرف شعورها ايه

شعورها انت هتكدب عليا يا وله يعنى انت مش عارف شعورها تجاهك ده عيل صغير اد كده يفهم من كلامها معاك امبارح ونظرتها انها بتحبك

بس ما قلتش يا عمتى ودى تفرق

عارفه بس صعب برده تيجلك كده مره واحده وتقولك بحبك ولا ايه ياابن اخويا

طيب يعنى هى قالتلك انها بتفكر فى محمود ده ولا قالتلك ايه بالظبط

تانى يا يوسف

عشان خاطرى ردى عليا يا عمتى

قالتلى انها مش عاوزاه مش قبلاه دمه تقيل لعى قلبها … ها ارتحت

لا مش كفايه

يعنى ايه

هتعرفى بعدين بعد أذنك دلوقتى

رايح فين

هخرج شويه معلش محتاج اقعد مع نفسى شويه
طيب ما تتاخرش

حاضر السلام عليكم

وعليكم السلام ورحمه الله وبركاته … ربنا يهديك يا يوسف ياابنى يارب

ماله يوسف يا عمتو
تقولها نبيله بعد ما جلست بجوار عمتها

فيه ايه يا نبيله انتى ودانك معانا ليه دايما
ابدا والله يا ظلمانى كده دايما انتو اللى كان صوتكو عالى

طيب بقولك ايه ودينى اوضتى عاوزه ارتاح شويه جالى صداع

بعد الشر عليكى يا عمتو هوديكى بس تحكيلى على كل حاجه وبالتفصيل هه

يارب عوض عليا عوض الصابرين

اللهم امين اميييييييين يارب يا عمتو ها احكى بقى

زى ما بقول لحضرتك كده يا استاذ

يعنى افهم من كده انك عاوزه تبيعى كل العقارات والشركات بتاعته

ايوه كلها

ممكن اعرف السبب ايه

من غير سبب حضرتك اظن انها الحاجه دى دلوقتى بقت ملكى وانا حره فى تصرفتها ابيعا احرقها اخدها محدش ليه عليا كلام تانى ولا ايه

ما قلتش كده بس كنت بقول يعنى

ولا تقول ولا تعيد حضرتك انا مش محتاجه للشركات دى لو ممكن تتصرفلى فيها يكون افضل وكمان كنت عاوزه اسال سؤال

سؤال ايه اتفضلى

دلوقتى ممكن اصرف من فلوسه اللى فى البنك ولا لسه

لا حضرتك ممكن اعدى عليكى فى اى وقت ونروح البنك ونحول كل الفلوس اللى هناك على هنا ببطاقه حضرتك وقيسمه الجواز

بس انا مش معايا قسيمه الجواز دى

مهى المفروض يكون معاكى نسخه منها

اه شكلها مع … وتصمت

مع مين يا فندم

ابدا .. بص انت مش كنت موجود لما سليم جاب مأذون من هنا بطيارته الخاصه
ايوه يا مدام كنت موجود ساعتها

يبقى اكيد تعرف على الاقل عنوانه

مش بالتاكيد بس سهل عليا اعرفه

خلاص يبقى نروحله واكيد هيكون عنده بيانات العقد ده

اكيد

خلاص يبقى محلوله

تمام اوى … فيه حاجه

حاجه ايه حضرتك

لو تحبى ومحتاجه فلوس انا ممكن احولك اى مبلغ بالتوكيل اللى معايا

يعنى ينفع

ايوه طبعا انا عندى جميع الصلاحيات بكده

طيب ياريت

محتاجه فى حدود كام كده

ممكن الاول ابدا بمليون جنيه

كامن حضرتك

ايه ما سمعتش عاوزه مليون جنيه

لا طبعا سمعت حضرتك بس ما اتخيلتش انك هتطلبى المبلغ ده

ليه مش انا عندى ف البنك اكتر من كده

اه طبعا حضرتك دلوقتى تملكى اكتر من مليار جنيه غير العقارات

طيب يبقى اكيد المبلغ ده حاجه تافهه جدا من رصيدى

اكيد يا فندم بس ممكن سؤال

اكيد اتفضل

هتعملى ايه بيهم

ممكن احتفظ بالرد

اكيد يا فندم وبتاسف لفضولى

مفيش حاجه ها المبلغ هيكون عندى امتى

انهارده يوم الحد يا مدام المبلغ كله واى مبلغ تانى تحتاجيه هيكون تحت امرك

تمام ميرسى جدا بيباااى

كنتى بتكلمى مين يا ياسمينا

ده المحامى يا بابا

ها وطلبتى المبلغ زى ما قلتيلى امبارح

ايوه بس فى اجرءات هيعملها الاول عشان يكون ليا التصرف فى جميع املاكه

اجرءات زى ايه يعنى

بيقولى على قسيمه الجواز وكام حاجه تانيه كده

وهى القسيمه مش معاكى

لا مش معايا انا مع ….

مع مين تقصد امك

تدفع نفسها الى احضانه وبنبرات باكيه : مش عارفه ليه مش بقدر اقولها وانطقها تانى الكلمه دى

اكيد صعب عليكى من بعد اللى عملته معاكى يا ياسمينا بس ما تنسيش انها فى الاخر امك يا بنتى

بس ما تستحقش انى اقوهلها لان نفيش ام تعمل كده فى بنتها

يلا ربنا يهديها ويغفرلها … ها ناويه على ايه ان شاء الله دلوقتى

الاول هبدأ بدار الايتام اللى موجوده هنا

تمام

وبعدين فيه معهد للصم والبكم اكيد محتاجين لفلوس يعملوا بيها مبانى

والله اللى انتى عاوزاه اعمليه

هكلم نبيله واشوف عملت ايه فى موضوع دار البنات الكفيفات اللى قالتلى عليه امبارح

طيب وانا هروح اقرا قران فى اوضتى لو احتجتينى هتلاقينى

حاضر يا بابا

ايوه يا وحشه لساكى فكره تتصلى بيا

والله على بالى يا فيفى دايما حتى دلوقتى كنت هكلم نبيله لقتنى جبت رقمك وبرن عليكى

ياسلالالالام ايوه بقى من لقى احبابه يا ست ياسو

ههههههههه والله ابدا انتى كمان حبيبتى يا فيفى

طيب ياختى لو كنتيش كلمتينى كنت بنفسى هكلمك

ليه ياترى

بعد بكره خطوبتى يا ياسو

بجد الف مليون مبروك يا فيفى

تسلمى يا قطتى وطبعا من غير عزومه حخضرتك لازم تيجى من اول اليوم

اكيد طبعا انتى بتقولى ايه هاجاى يا قلبى

هستناكى اوعى ما تجيش

وانا برده اقدر ان شاء الله هجيلك

تنور وجيبى معاكى عمو كمان

حاضر هقوله وهنجيلك يا حبيبتى والف الف مبروك

تسلمى يلا بقى روحى كلمك حبيبتك نامبر 2 عشان اكلم باقى اصحابى واقولهم

ماشى يا حبى والف مبروك سلام

بيباااااااااااااى ياسو

نبيله بتعملى ايه عندك

بقرأ كتاب عامل ايه

يجلس بجوارها على معقد : الحمدلله عمتك فين اومال

دخلت ترتاح شويه فى اوضتها

طيب وهدى ونيللى
فوق بتذاكرلها

ماشى وكريم فى المكتب مع عماد

اه يا حبيبى اروح اعملك قهوتك

لالا مليش نفس هروح ارتاح شويه انا كمان فوق ولما تعملوا الاكل ابقو صحونى

حاضر

وقبل ما يتركها كان رن هاتفها المحمول : دى سمسمه

عاود الجلوس مره اخرى ونظر اليها …بينما نبيله رفعت الاتصال

ومعانا اتصال تليفونى من سمسم حبيبتى اللى وحشتنى ونقول اااااااااالوووووووووز

هههههههههههههه مش هتبطلى شغل الاطفال ده

تؤ تؤ مش هبطله دلوقتى عامله ايه يا سمسم

الحمدلله يا حبيبتى انتو ايه اخباركم

الحمدلله يا روحى مال صوتك حساكى فرحانه كده

ينظر اليها يوسف بترقب

بصراحه اه فرحانه اوى اوى اوى

فرحينى معاكى طيب … اه خطوبه ؟؟!! خطوبه مين

يوسف بتسرع : مين اللى هتتخطب يا نبيله

نبيبله : اه لا ده يوسف بيسالنى

يخربيت اليوم اللى جيتى فيه

بتقول ايه يا جو مالك

ماله يا نبيله فيه ايه

ما اعرفش المهم الخطوبه امتى … كويس اوى عشان هاجاى معاكى أؤمرى يا حبى … اه اه اه تمام تمام اه طيب لا خلاص اول ما هعرف هتصل بيكى واكلمك لا تمام اوى الكلام ده ماشى خلاص مش هنسى ماشى يا حبيبتى يوصل ان شاء الله يلا سلام

ليه بتقولها انى متنيل موجود

ودى فيها ايه يعنى مهو فعلا انت موجود

بس برده مكنتيش قلتى

ليه يعنى هو ايه اللى حصل

مفيش زفت قوليلى خطوبه مين دى اللى كنتو بتتكلموا عليها

تنظر اليه بوضوح : صحبتها فيفيان خطوبتها يوم الحد الجاى

ااااااااه وهى يعنى هتيجى

اه وانا قلتلها انى هروح معاها

طيب وايه تانى اتكلمتوا فيه

تنظر اليه باندهاش

مالك برقتى كده ليه كانت بتقول ايه تانى

ومالك مهتم اوى كده بالكلام اللى بينى وبينها

ياابنتى ردى عليا

كانت بتسالنى على اى دار ايتام ام المعاهد بتاعه الصم والبكم دى لو اعرف حد منهم اروح معاها عشان موضوع التبرع

يعنى صرفت نظر عن انها مش هتاخد الفلوس

لا هتاخدهم بس هتتبرع بيهم للخير

كويس وفيه ايه تانى

وقالتلى انها طلبت من المحامى انه يبيع كل شركات سليم ده ويحطلها الفلوس فى البنك مع رصيدها

تمام

ها عاوزه تعرف حاجه كمان

لا مش عاوز خلاص

تعادو النظر الى كتابها لكن فضولها يشوقها بانها تريد تعرف لماذا يريد اخاها ان يعرف بكل تفاصيل مكالمتها بياسمينا … لكنها سمعت صوت اختها هدى يعلو من حجرتها فى الطابق العلوى

ده صوت هدى تلاقيها بتضرب نيللى انا هطلع ليهم

طيب

انت مش هتطلع تنام

شويه كده

وبعد ما تركته لاحظ هاتفها على الطاوله التقطته واخرج رقم ياسمينا وسجله لديه … وقام واتجه نحو غرفته بالاعلى

بعد ما بدل ثيابه اتجه نحو فراشهخ وتناول هاتفه واخرج رقم ياسمينا وظل ينظر اليه بتفكير

اما هى فكانت فى المطبخ تعد وجبه الغذاء وكانت بتتذوق معلقه ارز لترى اذ كانت نضجت ام لا

فسمعت رنين هاتفها ولاحظت بانه رقم غريب فرفعت الاتصال

الو

مش المفروض برضه انك ما ترديش على رقم غريب

مين اللى بيتكلم

والله !!! وحضرتك بقى كنتى مستنيه حد يكلمك ولا ايه

شعرت بانه هو من دقاته قلبها المتزايده وبنبره هادئه : يوســـــــــــــــف

زر الذهاب إلى الأعلى