مسلسل مع إيقاف التنفيذ

الحلقة التاسعة والعاشرة من مسلسل مع إيقاف التنفيذ للكاتبة خلود خالد

الحلقة التاسعة والعاشرة من مسلسل مع إيقاف التنفيذ للكاتبة خلود خالد
**** هنجري بالأحداث تاني سنتين لقدام****
النهاردة أخر يوم أمتحان في أخر سنة بالنسبة للبنات أما مصطفي لسه في سنة تالته لأنه عاد سنة
مصطفي و نجوي لسه مرتبطين زي ما هما و تقريبا نص كليتهم بقوا عارفين و أميرة عرفت أن نجوي هي البنت اللي كان مصطفي متراهن عليها بس قررت أنها مش هتحكلها حاجة لأنها قالت أن ممكن مصطفي يكون حبها بجد لأن بقالهم 4 سنين مع بعض و مريم حكت لنجوي علي حمزة و نجوي فرحت عشانهم جدا,,
يوسف و حمزة فتحوا مكتب محاماه و قرروا أنهم هيساعدوا الناس و أن كمان مش هيقبلوا أي قضية إلا إذا كان المتهم مظلوم فعلا و مش هيكون همهم هيكسبوا كام من القضية أهم حاجة أنهم يرضوا ضميرهم,, في خلال السنتين دول,,حمزة و مريم مكنوش بيتكلموا كتير ولا كانوا بيشوفوا بعض غير نادرا حتي لو كان شافها مره صدفة بيسلم من غير ما يقف معاها لأنه مكنش عايز أي حد يتكلم عليها كلمة ملهاش لازمة و كمان كان كلم باباها و طلب منه أن عايز يخطبها بس باباها طلب منه يستني السنتين بتوع الدراسة لأن مش عايز الخطوبة تكون فترة طويلة أما أميرة زي ما هي مفيش تغيير في حياتها بس قررت أن بعد النتيجة هتسافر بره مصر خالص و تبدأ حياتها العملية و مريم حاولت كتير مع نجوي عشان تبعد عن مصطفي و لكن مافيش فايدة,, نجوي بقت متعلقة بمصطفي جدا و مقتنعه أن هما هيتخطبوا و طبعا مصطفي كان عايش حياته علي الأخر شوية مع نجوي و شوية مع غيرها..
*******************
عدت فترة الأمتحانات و أنتهت علي خير و الكل نجح و حمزة كلم والد مريم و أستأذن منه أن يجيب أهله و يجي يوم الخميس و طبعا والد مريم وافق و قاله أنت تشرفنا يابني و قفل معاه و دخل بلغ مريم و هي طبعا كانت موافقة و مر اليومين دول و مريم حاسه إحساس عمرها ما حسته و حاسه أنها مرتاحه جدا..
و جه يوووم الخميس..
حمزة و نجوي و والدته وصلوا
والد مريم: أهلا و سهلا شرفتونا أتفضلوا,, (و دخلوا كلهم الصالون)
والد مريم: شرفتونا يا جماعة و الله.. أزيك يا حمزة عامل إيه و شغلك عامل إيه
حمزة: الحمدلله يا عمي كله تمام
*****و بعد كلام كتيــــر*****
كاميليا”والدة حمزة”: ندخل بقي في الموضوع,, أحنا جايين إنهاردة عشان نخطب مريم لحمزة و نقرأ فاتحة طبعا بعد موافقتكم أنتوا و مريم..
والد مريم: دي حاجة تشرفنا و الله ثواني أنادي مريم
**و في الوقت ده مريم و نجوي كانوا واقفين في المطبخ و مريم عماله تقول لنجوي هو ممكن أنتي اللي تقدمي العصير 
نجوي”بضحك”: لأ ياختي مش ممكن و بعدين مالك يا بت دي هتبقي قراية فاتحة بس إتفاق يعني و الخطوبة الأسبوع الجاي
مريم: أصل أنا مكسوفة أوي
** و مريم سمعت والدها بينادي و خرجت هي و نجوي و مريم بتحاول تركز و هي ماشية عشان من كسوفها حاسه أن هتوقع العصير**
مريم: السلام عليكم
الكل: و عليكم السلام
كاميليا: ها يا جماعة نقرأ الفاتحة بقي
والد مريم: هــا يا مريم إيه رأيك
مريم: اللي تشوفه يا بابا
والد مريم: علي بركة الله
و قرأوا الفاتحة و بعد شوية أستأذنت كاميليا أنهم يمشوا بعد ما أتفقوا أن الخطوبة أول الأسبوع الجاي و عدي اليوم علي الجميع و هما مبسوطين..
*****************************
مصطفي نــايم و موبايله بيرن صحي و رد علي التليفون
مصطفي: ألــو
****: أنا صحيتك
مصطفي: أيوه صحتيني
****: أنا أسفة
مصطفي: مين اللي معايا أصلا
****: إيه ده أنت نسيت صوتي
مصطفي: هتقولي مين ولا أقفل و أكمل نوم
****: أنــا وعد
مصطفي” و هو بيتعدل من علي السرير”: وعـــد!!
وعد: أيوه
مصطفي: و أنتي جبتي رقمي منين أصلا
وعد: من كــريم
مصطفي: امممم و أنتي عايزة إيه
وعد: عــايزة نبقي أصحاب,, أصل أنا حسيت أنك واخد عني فكرة وحشة و أنا قررت أغيرلك الفكرة دي
مصطفي: امممم مــاشي يا ستي لما نشوف
وعد: مــاشي.. أبقي سجل رقمي بقي
مصطفي: أوك.. أنا هروح أكمل نوم بقي و هكلمك لما أصحي
وعد: أوك.. بــاي
و قفل مصطفي مع وعد و نــام أما وعد أول ما قفلت مع مصطفي أتصلت بـ كـريم علي طول
كريم: ألــو
وعد: أيوه يا كيمو
كريم: ها يا حبيبتي عملتي إيه؟؟
وعد: ولا حاجة يا سيدي كلمته و كان نايم و قولتلوا عايزة نبقي أصحاب و طبعا وافق
كريم: بــرافو عليكي.. أنا عايزك بقي تعلميه الأدب
وعد”بضحك”: متخافش يا بيبي ده أنا وعد
كــريم: ههههههه بلاش الثقة الجامدة دي بدل ما الموضوع يتقلب عليكي أنتي
وعد: لا يا كيمو متخافش,, أنا هقفل بقي و أكلمك بعدين
كريم: أوك.. بــاي
**************************
و تمــر الأيام..
وعد و مصطفي بيتكلموا كتير جدا و مصطفي حاسس إتجاه وعد إحساس غريب شوية بس مبيقكرش في إحساسه ده و طبعا بيهمل نجوي..
والنهاردة خطوبة مريم و حمزة,, طبعا الكل صاحي من بدري عشان يجهزوا نفسهم و مريم أتصلت بنجوي و طلبت منها أن هي تنزلها و نجوي قالتلها ماشي هلبس و هاجي و قفلت معها و أتصلت بمصطفي مره و اتنين و تلاته لحد ما ترد
نجوي: ألو
مصطفي”بضيق”: أيوه يا نجوي
نجوي: في إيه يا مصطفي أنت مش بترد عليا ليه
مصطفي: كنت نايم إيه المشكلة يعني
نجوي: أنت بتكلمني كده ليه
مصطفي: معلش يا نجوي مضايق شوية
نجوي: طيب في إيه طيب؟؟
مصطفي: في أن أنتي خلصتي جامعة و أنا لسه قدامي سنة كاملة
نجوي: يا حبيبي ما أنا قولتلك هستناك و السنة دي لو أتقدملي أي حد أنا هرفضه
مصطفي: بجد يا نجوي
نجوي: يا حبيبي أحنا بقالنا أربع سنين مع بعض,, أنا بجد بحبك أوي و مش هتخلي عنك بسهوله
مصطفي: ماشي يا نوجا
نجوي: النهاردة خطوبة مريم و حمزة و لازم تيجي
مصطفي: هيكون في بنات كتير
نجوي: نعم!!
مصطفي”بضحك”: بهزر خلاااص
نجوي: لأ متهزرش تاني
مصطفي: حــاضر يا ستي هتكون الخطوبة فين؟؟
نجوي: في *********
مصطفي: خلاص إن شاء الله هاجي
نجوي: ماشي يا حبيبي أنا هقفل معاك بقي عشان أنزل لنجوي
مصطفي: ماشي.. باي
*****************
مريم و نجوي خارجين من الكوافير و حمزة واقف و معاه يوسف و أصحابهم و ركب حمزة و مريم و يوسف و نجوي عربية واحدة و الكل كان فرحان جدا و وصلوا القاعة
و كانوا بيرقصوا سلو و أثناء الرقصة
حمزة: مبسوطة؟؟
مريم: مبسوطة أوي يا حمزة
حمزة: ربنا يخليكي ليا و يقدرني أسعدك دايما
و بعد شوية وصــل مصطفي و نجوي أول ما شافته سلمت عليه و راحت معاه عند مريم و سلم علي حمزة و مريم و بعد كده رجع قعد مع نجوي و يوسف كان معاهم و عمال يتكلم مع نجوي و طبعا نجوي متجاوبة معاه لأن مينفعش تقول أنا مرتبطة بمصطفي
و خلصت الخطوبة و كله روح علي بيته..
****** و تعدي الأيام و الحال علي ما هو عليه*******
نجوي و مصطفي كانت العلاقة بينهم فيها فتور
و وعد بتقرب من مصطفي و دايما بتشغل وقته و مصطفي بدأ يقتنع أن هو بيحبها و بيغير عليها جدا و خصوصا من كريم
حمزة و مريم بيقربوا من بعض جدا..
***************
فى بيت نجوي
نجوي : ماما كنت عايزاكى فى موضوع
الام : خير يا حبيبتى تعالى اقعدى جنبى
نجوي : انا كنت عايزة انزل اشتغل عشان
وقاطتعتها مامتها : انتى محتاجة حاجة يا نجوي وانا مش بجبهالك ده كفايه أخوكي يعني شغال ليل و نهار
نجوي : ياماما والله ابدا بس انا حابة انزل اتعامل مع الناس اشوف الدنيا واتعلم منها مترفضيش يا ماما عشان خاطرى واوعدك انى هشتغل شغل كويس
الام باستسلام :- ماشى يا نوجا بس توعدينى لو وحش او حاجة هتحصلك فيه بلاش منه
نجوي “بارتياح ان مامتها وافقت” : طبعا طبعا
وقامت باست مامتها و طلبت منها تقول لحمزة و مامتها وافقت و أستأذنت منها أنها تنزل تروح لمريم و يروحوا المول شوية لأن من ساعة ما خلصوا دراسة و هما زهقانين و مامتها وافقت..
و أتصلت بمريم و أتفقوا ينزلوا و ده طبعا بعد ما الأتنين أستأذنوا من حمزة و نزلوا و هما في المول سمعت نجوي صوت بينادي عليها
و هى عارفه الصوت لفت لقت أميرة مكنتش مصدقه نفسها
نجوي: ميروووووو وحشانى اوى
أميرة: انتى اكتر وحشانى موت فينك يا جزمة بقالك مدة مش بشوفك ف النادى حتي من بعد ما خلصنا
نجوي :- انا فعلا بطلت اروح النادى وحصلت حاجات كتير اوى هبقى احكيلك عليها
أميرة: أزيك يا رومااا
مريم: الحمدلله يا حبيبتي
أميرة :- طب اية انتى كنتى مروحة والا اية ؟
نجوي :- اها فعلا كنت مروحه بس طالما جيتى هنقعد معاكى اكيد انتى وحشانى اوى
أميرة :- تعالى معايا بقى انا رايحه النادى وبالمرة نرغي شوية
نجوي :- طيب تمام هكلم ماما اطمنها عليا يلا بينا
مريم: أنا كمان هكلم ماما و نروح
وركبوا كلهم وراحوا النادى..
********************
وصلو النادي و قعدوا يتكلموا شوية
أميرة: أنتي لسه مع مصطفي
نجوي : اها يا ميرو شوفتى و شكلنا كده هنسيب بعض و بعدين انا بدورعلى شغل دلوقتى
أميرة “بعد تفكير”: بصى انا ممكن احللك مشكله الشغل
نجوي” بفرحة” : ازاى
أميرة : مممممممم انا ممكن اخلى بابا يشغلك عنده ف شركة
نجوي : بجد يا ميرو بجد ربنا يخليكى ليا
أميرة:- على اية بس يا حبيبتي
مريم: مبروك يا نوجا.. أن شاء الله تشتغلي و يلا بينا بقي عشان هنتأخر كده
*********************
في بيت أميرة
أميرة : مساء الخير
الاب والام : مساء النور
أميرة : وحشتونى اوى
الام: بس يا بكاشة
أميرة: لا والله ابدا بس انا كنت عايزاك يا بابا فى حوار كدا
الأب : عايزة اية يا ست أميرة ؟
أميرة : عايزاك تشغل واحدة صاحبتى
الأب : ودى خريجة اية؟؟
أميرة : دي دفعتي يا بابا و كانت معايا في الكلية و شاطرة جدا
الأب : طيب خليها تيجى تقابلنى بكرة الساعه 4 فى المكتب
أميرة: اية دا بجد!! ميرسى يا احلى اب فى الدنيا ربنا يخليك ليا يارب
الأب: ويخليكى يا ليا ياحبيبة بابا
**********************
روحت نجوي البيت و قاعدة مع مامتها و بتحكلها علي اللي حصل”موبايلها رن”
نجوي: ألو
أميرة: أيوه يا نوجا
بصى يا ستى هاتى ورقه وقلم واكتبى عنوان الشركة دى عندك وروحى قابلى بابا بكره الساعه 4
نجوي: انتى بتتكلمى جد ولا بتهزرى؟؟
أميرة: لا والله جد هاتى ورقه وقلم بقى بدل ما ارجع فى كلامى ها
نجوي”بفرحة”: لالالالالا ثواني.. خلاص تمام ربنا يخليكي ليا يارب
أميرة: ويخليكى ليا يلا انا هسيبك بقى تبلغى مامتك
قفلت نجوي مع أميرة وقامت تقول لمامتها..

**الحلقة العاشرة**
روحت نجوي البيت و قاعدة مع مامتها و بتحكلها علي اللي حصل”موبايلها رن”
نجوي: ألو
أميرة: أيوه يا نوجا
بصى يا ستى هاتى ورقه وقلم واكتبى عنوان الشركة دى عندك وروحى قابلى بابا بكره الساعه 4
نجوي: انتى بتتكلمى جد ولا بتهزرى؟؟
أميرة: لا والله جد هاتى ورقه وقلم بقى بدل ما ارجع فى كلامى ها
نجوي”بفرحة”: لالالالالا ثواني.. خلاص تمام ربنا يخليكي ليا يارب
أميرة: ويخليكى ليا يلا انا هسيبك بقى تبلغى مامتك
قفلت نجوي مع أميرة وقامت تقول لمامتها..
نجوي: مــاما يا ماما
الأم: في إيه يا بت
نجوي: أميرة جابتلي شغل عند باباها في الشركة و ميعادي معاه بكره الساعة 4
الأم: ألف مبروك يا حبيبتي
نجوي: الله يبارك فيكي يا أمي بس بالله عليكي أقنعي حمزة بقي
الأم: حــاضر
و دخلت نجوي تنام بس من الفرحة و التفكير معرفتش تنام حاولت تكلم مصطفي أكتر من مرة بس مكنش بيرد عليها فسابت الموبايل و حاولت تنام..
***************
مصطفي كان نايم و موبايله عمال يرن بأسم نجوي عمل الموبايل صامت و حاول يكمل نوم بس معرفش قام من علي السرير و أتصل بـ وعد بس كانت إنتظار أستغرب جدا أنها بتكلم حد في وقت متأخر أوي كده فضل يتصل بيها كتير و هي مش بترد عليه و أخر ما زهق رمي الموبايل بعصبيه علي السرير و خرج من غرفته خــالص..
*********************
رجع حمزة بليل من الشغل و سأل علي نجوي و مامته بلغته أنها نايمه و قالتله أنا عايزة أتكلم معاك في حاجة بخصوص نجوي
حمزة: نعم يا ماما
الأم: دلوقتي أختك قالتلي أنها عايزة تشتغل
بيقاطعها حمزة: ليــه يا ماما هي ناقصني
الأم: لا يا حبيبي مش الفكرة في كده ربنا يخليك لينا طبعا بس هي زهقانه من قعدة البيت و بعدين هي مكنتش بتتعلم عشان تفضل جنبي هنا و غير كده لازم تشوف الناس و تتعامل معاهم
حمزة: و هي هتشتغل فين
الأم: هتشتغل مع والد أميرة صاحبتها عندها بكره مقابله معاه الساعة 4
حمزة: و أنتي رأيك إيه يا ماما
الأم: إذا كان عليا فأنا موافقه يا حبيبي بس بردوا لازم رأيك أنت راجل البيت من بعد أبوك الله يرحمه
حمزة”و هو يقبل يدها”: خلاص يا ماما أنا موافق
الأم: ربنــا يكرمك يا حبيبي
******************
و مع بداية يوم جديد..
نجوي قاعدة في غرفتها و صاحيه من الفجر صلت و فضلت تدعي ربنا كتير أن هو يوفقها و أن حمزة يكون وافق علي الشغل و كانت قلقانه جدا من المقابله دي حاولت تهدي نفسها و قامت جابت الموبايل عشان تشوف مصطفي أتصل بيها ولا لأ و طبعا مكنش أتصل قالت يمكن نايم أو مش شايف الموبايل و قررت تتصل بيه تاني..
**أما مصطفي بقي فكان مضايق جدا من موقف وعد معاه و قاعد بيفكر يعمل إيه “موبايله رن” مسك الموبايل بلهفه علي أساس أنها وعد و لكن طلعت نجوي فكر يرد ولا لأ و بعدين قال هخسر إيه لما أرد يعني أهو أحسن من مافيش و رد عليها
مصطفي: ألو
نجوي”بلهفه”: أيوه يا مصطفي أنت كويس
مصطفي”ببرود”: أيوه كويس
نجوي: الحمدلله يا حبيبي طيب مكنتش بترد ليه
مصطفي: كنت نــايم
نجوي: مــاشي
مصطفي: و أنتي عامله إيه؟؟
نجوي: الحمدلله,, أنا كنت بتصل بيك من بليل عشان أقولك أن أنا هشتغل
مصطفي”بلا مبالاه”: اممممم طيب كويس
نجوي: في إيه يا مصطفي هو أنت زعلان مني
مصطفي: لأ عـادي يعني
نجوي: طيب بتكلمني كده ليه؟؟
مصطفي: عايزاني أكلمك إزاي يعني
نجوي: زي ما كنت بتكلمني علي طول
مصطفي: امممم طيب ماشي.. و الشغل ده فين
نجوي: في شركة بابا أميرة صاحبتي و النهارده ميعاد المقابله
مصطفي: اممممم طيب كويس
نجوي: طيب أنا هقفل عشان ماما بتنادي
مصطفي: طيب..سلام
**و خرجت نجوي تكلم مامتها و أمها بلغتها أن هي قالت لحمزة و حمزة وافق علي الشغل و خصوصا أن هو في شركة بابا أميرة فرحت نجوي جدا و دخلت علي غرفتها تجهز لبسها..
**************************
حمزة قاعد مع يوسف في المكتب “موبايل يوسف رن”
مسك يوسف الموبايل و بقي متوتر جدا لدرجة أن حمزة خد باله
حمزة: مالك يا يوسف ما ترد يابني
يوسف:لالا مش مهم
حمزة: ليه يعني مين اللي عمال يتصل
يوسف: ده ده رقم غريب
حمزة”بعدم إقتناع”: مـاشي براحتك
حمزة: أنا همشي بقي ساعتين كده و هرجع تاني
يوسف: رايــح فين
حمزة: أستأذنت من والد مريم أن نخرج النهاردة و وافق
يوسف: أيوووه بقي الله يسهلك
حمزة: كفايه حقد و حياة أبوك
يوسف”بضحك”: ماشي يا عم بس بلاش تتأخر
حمزة: ماشي سلام
نزل حمزة و مسك الموبايل عشان يتصل بـ مريم,, موبايله رن بأسمها فأبتسم و رد
مريم: ألــو
حمزة: أيوه مين معايا
مريم: أنت فين يا حمزة و بلاش رخامة
حمزة: حمزة مين حضرتك
مريم: بس بقي يا حمزة عشان خاطري
حمزة: مادام قولتي عشان خاطري فأنا مقدرش أقولك لأ
مريم: طيب أنت فين بقي
حمزة: أنا في الطريق أهو خلاص قربت
مريم: ماشي أنا جاهزة و مستنياك
حمزة: ماشي يا روما.. سلام
مريم”بسرعة”: حمــزة
حمزة: أيوه يا روما
مريم: خلي بالك من نفسك
حمزة”بضحك”: حــــاضر يا ستي
مريم: ســلام
**********************
مصطفي قفل مع نجوي و رجع يتصل بـ وعد تاني و ردت عليه
وعد: ألــو
مصطفي”بعصبية”: أنتي فين يا وعد من بليل بتنيل أتصل بيكي و حضرتك كنتي بتكلمي حد و مش هاين عليكي تردي عليا
وعد”ببرود”: اممممم معلش معلش.. هو في حاجة ولا إيه؟؟
مصطفي: إيه البرود اللي فيكي ده!!
وعد: في إيه يا مصطفي هو أنت خطيبي و أنا معرفش أحنا مش أكتر من اتنين أصحاب يعني مش من حقك تحاسبني علي حاجة
مصطفي: ماشي يا وعد
وعد: أوك.. سوري هقفل معاك عشان كـريم بيتصل
مصطفي: كــ
وعد: باي و قفلت في وشه
مصطفي قاعد و مضايق جدا,, فمسك موبايله و أتصل بواحده يعرفها و أتفقوا يتقابلوا و قفل معاها و لبس و نزل..
*******************
حمزة و مريم قاعدين في الكافيه و دي أول خروجه ليهم من بعد خطوبتهم
حمزة: يــاه يا مريم أنا مش مصدق نفسي أنا حاسس أن أنا بحلم
مريم”بكسوف”: لأ مش بتحلم
حمزة: بجد مش مصدق أن دبلتي بقت في إيدك خلاص و قريب بإذن الله هتبقي مراتي
مريم”وشها بقي شبه الطمطمايه”: إن شاء الله
حمزة: هههههههه أنتي بقيتي طمطمايه كده ليه
مريم:ـــــــــــــ
حمزة: طيب أقولك سر
مريم: أتفضل
حمزة: أنا بحبك من زمان أووي و مكنتش عايز أقولك غير لما اتأكد أن أنتي بتبادليني نفس المشاعر و غير كده كمان كنت مستني أن أقدر أفتح بيت و أتحمل مسئولية زوجة و أولاد
مريم: احــم.. طيب أقولك أنا سر
حمزة: قولي يا ستي
مريم”بخجل”: أنا كمان بردوا كنت بحبك من زمان و كنت دايما بدعي ربنا أنك تكون نصيبي و كنت فرحانه لما دخلت الجامعه عشان أشوفك كل يوم
حمزة”بفرحــه”: يــاه كل ده
مريم: ربنا يخليك ليا
حمزة: و يخليكي ليا يا روما
***********************
لبست نجوي و جهزت و قالت لمامتها أنها نازله و طول الطريق بتدعي أنها تقبل لحد ما وصلت الشركة و دخلت للسكرتيره و طلبت منها تقابل أستاذ حبيب”والد أميره”
السكرتيره: عندك ميعاد سابق معاه؟؟
نجوي: أيوه
السكرتيره: أوك.. أتفضلي أستريحي و أنا هدخل أبلغه أن حضرتك موجودة
نجوي: أوك
و دخلت السكرتيرة و بلغته أن نجوي مستنياه و قالها خليها تتفضل و خرجت السكرتيرة
السكرتيرة: أتفضلي
نجوي: أوك شكرا
و دخلت نجوي و باين علي وشها القلق و الرهبة و ده اللي حس بيه حبيب
نجوي: السلام عليكم
حبيب: و عليكم السلام.. أزيك يا نجوي
نجوي: الحمدلله
حبيب: أتفضلي يا بنتي أقعدي أنتي واقفه ليه
نجوي: ماشي شكرا
حبيب: هـا قوليلي بقي أشتغلتي قبل كده
نجوي: لأ حضرتك أول مره
حبيب”بضحك”: إيه يا بنتي أعصابك مشدوده كده ليه أهدي
نجوي”بإبتسامة”: حــاضر
حبيب: عموما أنا أميرة بلغتني أنك نفس دفعتها و كمان قالتلي أنك شاطره
نجوي: طيب الحمدلله
حبيب: إن شاء الله هتشتغلي معانا في قسم الحسابات
نجوي”بفرحة”: بجد!!
حبيب”بإبتسامة”: أيوه طبعا بجد
نجوي: طيب أستلم شغلي أمتي؟؟
حبيب: من بكره بإذن الله
نجوي: شكرا جدا و إن شاء الله أكون عند حسن ظن حضرتك
حبيب: إن شاء الله
و أستأذنت نجوي و مشيت و هي في غاية السعادة..
**********************
وعد قاعدة بتكلم كريم و مبسوطة جدا
وعد”قصت له ما حدث”: و بس كده يا كيمو
كريم”بضحك”: الله عليكي يابنتي
وعد”بضحك”: هو لسه شاف حاجة
كريم: أحلي حاجة عجباني فيكي دماغك دي
وعد: ماشي يا كيمو
كريم: مش هتيجي بقي نقعد مع بعض شوية
وعد: لأ يا حبيبي هاجي النهاردة بس بليل كده أما اللي في البيت يناموا أنا هنزل
كريم: هههههه مش بقولك عجباني دماغك
وعد: مــاشي يا كيمو.. سلام دلوقتي
******************
مريم و حمزة خــارجين من الكافيه عشان يروحوا و هما الأتنين في غاية السعادة و هما ماشيين شافت مريم مصطفي و معاه بنت فضلت مركزه معاه و حمزة بيكلمها و هي مش بترد عليه فبيشوف هي بتبص علي إيه و شاف مصطفي و أفتكر أن سلم عليه في الفرح أضايق و كلم مريم
حمزة: مــريم
مريم: نعم يا حمزة
حمزة: أنتي مركزة مع الولد و البنت دول ليه
مريم: إيه!! لالا أبدا
حمزة: مش ده اللي سلم عليا في الفرح
مريم: أيوه مصطفي كان زميلنا في الجامعة
حمزة: مــاشي
و مشيوا و مريم تفكيرها كله في أنها هتقول لنجوي ولا لأ..
*****************
قفلت وعد مع كريم و أستنت شوية و قامت جهزت عشان تنزل و نزلت و راحت لكريم و وصلت الشقه و فضلت قاعدة معاه لوحديهم
كريم: بس قوليلي بقي أنتي ليه بتعملي كده مع مصطفي
وعد: أصل حاسه أن هو مغرور أوي و الصنف ده بيبقي فاكر أن كل البنات هيموتوا عليه و بيفضل يكلم دي و يسييب دي و غير ده كله لما أتصدمت أن هو ابن صاحب بابا عاملني معاملة وحشة أووووي
كريم”و هو يحتضنها”: اممممم و إيه تاني
وعد: فأنا بقي عايزة أعرفه أن هو ولا حاجه
كريم: بحبـــك
وعد: أنا كمان يا كيمو
كريم: أنتي عارفه أنا بكره مصطفي أوي
****************
يوسف قاعد في المكتب “موبايله رن” و كان حمزة و بلغه أن هو وصل مريم وجاي في الطريق و أعتذر عن التأخير و قفل مع يوسف و بعد شوية موبايل يوسف رن شاف الموبايل و قرر يرد قبل ما حمزة يوصل..
يوسف: ألــو
****: أيوه يا يوسف
يوسف: أنتي عــايزة إيه بقي حرام عليكي هتخسريني صاحبي
****: ليــه هو أنا عملت إيه؟؟
يوسف: حمــزة بدأ يشك فيا متتصليش بيا تاني
****: يا يوسف أنــا بحـ
يوسف: سلام و قفل الموبايل..
**********************
وعد: بتكره مصطفي ليه؟؟
كريم: عشان أناني أوي و مش حــاسس بالنعمه اللي معاه و دايما بيحب حاجة غيره
وعد”بضحك”: أنا هعلمه درس صعب ينساه
كريم”و هو بيبعد عنها”: أنا هقوم أجيب حاجة نشربها
وعد: أوك
و فجأه “الجرس رن”
وعد: أنت مستني حد!!
كريم”بقلق”: لا يا حبيبتي مش مستني
و قامت وعد تفتح الباب و شافت قدامها…….
**************
يا تري مين اللي بيكلم يوسف؟؟
و وعد شافت مين؟؟
زر الذهاب إلى الأعلى