مسلسل حكاية روح

الحلقه العاشرة من مسلسل حكاية روح بقلم شهوزان الشريف

الحلقه العاشرة من مسلسل حكاية روح بقلم شهوزان الشريف

الفصل العاشر
حكايه روح
جنى : ها ايه ال جابك بسرعه كده
يوسف : بصى ياجنى انا عاوز اتكلم معاكى ف موضوع ضرورى
جنى :مش عوزاك تقلق من حاجه خالص الفيلا خلاص قربت تتشطب والعفش تحفه ياجو بس الفستان لازم اسافر بس….
يوسف مقاطعا : جنى ….
جنى : ايه يابيبى بتزعق ليه كده
يوسف : جنى انا مخنوق
جنى : كل العرسان بيبقوا كده متقلقش
يوسف : جنى افهمى ارجوكى ..انا مش فرحان
جنى : فيه ايه يايوسف ..انت متغير ليه
ثم امسكت بيده واقتربت بشده وبهمس اضافت : هو انت مش بقيت تحبنى
يوسف اتنفض فجاءه : قلتلك مليون مره مبحبش التصرفات دى ..جنى احنا اتسرعنا ودى حاجه لازم اعترف بيها انا اسف بجد
جنى : هههههههههههههههههه والمطلوب
يوسف : انتى بتضحكى
جنى : طبعا
يوسف : انا مش هكمل ياجنى
جنى : مش بمزاجك ياجو صدقنى …انا هعتبر نفسى مسمعتش حاجه تشااااو
تركته ورحلت وسط صحراء مظلمه لايعلم ولايدرى شئ سور انه تاخر كثيرا باتخاذ هذا القرار
كيف لم يرى هذا الدهاء بداخلها
صدقا من يسيطر عليه وهم الحب يصبح ضرير
لايرى سوى كل مايريد رؤيته ويحجب نظره بارادته عن ما ف الحقيقه
لم يدرى بنفسه سوى ف احد احياء السيده زينب
جميله : هتفضلى ع الحال ده كتير
روح : انا هسيب الشركه
جميله : وترجعى تخدمى ف البيوت تانى صح ياروح
روح : ياجميله
جميله : روح انتى بتحبيه
روح : ده خاطب
جميله : انا سؤالى واضح
ليقطع حديثهم صوت جرس الباب
شمس : ابيه يوسف
يوسف : ازيك ياشمسى وحشتينى
شمس : وانت كمان
يوسف : ياقمر انتى
روح : اهلا يابشمهندس
يوسف : اسف لو جيت الوقتى بس انا ..انا كنت عاوز اتكلم معاكى
جميله : طيب انفضل يابشمهندس ميصحش تقف على الباب
يوسف : شكرا ياجميله معلش مخدتش بالى ازيك
جميله : ولا يهمك…. الحمد لله
حضرتك تشرب ايه
يوسف : قهوه لو ممكن
جميله : حاضر
يوسف : ازيك ياروح
روح : تمام …خير يابشمهندس
يوسف : روح انا محتاجلك اوى
روح : مش فاهمه
يوسف: احم احم ايه ال مش فهماه
روح : انا مش فاهمه حاجه خالص
يوسف : روح هو احنا ينفع نتكلم شويه
روح : اعتقد يعنى حضرتك مش جاى المسافه دى كلها عشان تقعد ساكت
يوسف : بالراحه طيب متزقيش
بوصى انا تعبان بجد
روح بسخريه : فرحك فاضل عليه اقل من شهر وتعبان ..الله يعينك
يوسف : فرحى ..هو فين الفرح ده ..انتى مش بتشوفى ولا انتى بتهربى وخلاص
روح بتوتر : وانا مالى ههرب ليه انت حر ده اختيارك
يوسف : اخترت غلط ياروح ..انا اخترت غلط
روح : وانت جاى تكتشف ده الوقتى
يوسف : مكنتش شايف
روح : طيب هتعمل ايه
يوسف : انا عملت فعلا اتكلمت معاها وقولتلها ان اننا اتسرعنا
روح بفرحه جواها بس مظهرتهاش : ها وبعدين
يوسف : قالتلى ولا كانى سمعت حاجه
روح : بتهظر صح
يوسف : والله ابدا
روح : دى معندهاش كرامه اصلا ..سورى يعنى
يوسف : شفتى بقى ال انا فيه
روح : طيب ماتكلم باباك وكده وقوله السبب
يوسف : وافرضى سالنى ف حد تانى ف حياتك ولا لا ..اعمل ايه
روح بصدمه : هو انت ف حد ف حياتك يايوسف
يوسف بحنيه : يعنى قولتى يوسف ياروحه
كان للصمت حوار وللعيون لغه لم يتفوه احد منهم بكلمه فالاحساس بالسخونه المنبعثه من وجنه روح و سرعه دقات قلب يوسف كافيه لتغلق الشفايف وتتحدث العيون
لترسل باقات من الازهار ودواوين من الشعر ف ذلك البحر العاصف الذى سلب كل مايشعر به دون سابق انظار
يوسف : بحبك
روح : ها
يوسف : ب ح ب ك
اقولها تانى بحبك ياروح والله العظيم بحبك
روح : يوسف اناااا
يوسف : استنى ف حاجات كتير جوايا لازم تعرفيها
روح : ده جنون
يوسف : ده عشق ياروح مش جنون
روح صدقينى انا ممكن اعمل اى حاجه ف الدنيا عشان خاطرك بس تكونى معايا
انتى هتقوينى انا متاكد
روح : انا اضعف مما تتخيل ومحتاجه اصلا ال يقوينى
يوسف : انا جمبك
روح : بصفتك ايه
يوسف : نعم
روح : جمبى بصفتك ايه يايوسف
بصفتك بتحبنى شكرا ع الحب ده
يوسف : روح انتى فكرانى بلعب بيكى صح ..لا يروح مش انتى
انتى هتبقى مراتى باذن الله ..عرفتى بصفتى ايه
روح بدموع : اااه وابن الباشا يتجوز الخدامه صح مش كده
يوسف توجهه مقابلها : ده شرف ليا ولاهلى انك تكونى مراتى ياروحى
روح : انت يابنى غاوى تعب قلب ليه …روح اتجوز جنى دى بقى وسبنى ف حالى
يوسف : بجد والله ..اومال الدموع ال ف عينك دى ايه
روح : خالص انا ..انا مش بعيط اصلا
يوسف : ياجميله ..ياشمس …انتوا يابنات
جميله : ايوا ايوا
روح : انت هتعمل ايه
يوسف : بس يااوذعه لما الطوال يتكلموا القصيرين يسكتوا مفهوم
جميله .شمس : هههههههههههههههههههه
يوسف : بصى ياشمسى وانتى ياجميله
باعتباركوا يعنى حبايب روح
فانا ياشمس يسعدنى ويشرفنى اطلب ايد روح منك ههههههههه ها اوعى تضيعى مستقبلى ياشمس
شمس وقفت وعنيها مليانه دموع وقربت على يوسف ومسكت ايد روح
شمس : هتشليها ف عينك
يوسف : هشلها ف عنيا
شمس : وتخلى فرحانه علطول
يوسف : عمرى ماهزعلها
شمس : بتحبها
يوسف : والله العظيم بحبها
شمس : خلاص خد ايدها اهيه
يوسف : انا هاخدك انتى ههههههههههههههههه
جميله : وانا كمان موافقه
يوسف : وهو انتى كنت تقدرى متوافقيش
جميله وشمس : ههههههههههه
روح : واهلك
يوسف : هتصرف
روح :هتحارب
يوسف : هاكسب
روح : بتحلم
يوسف : بيكى
روح : وبعدين
يوسف : بحبك
لتنتهى الكلمه بسقوط دموع الاربعه فرحا ..كل منهم كان لفرحته شكل وطعم خاص به
طعم يميزه عن اى شئ وكل شئ
طعم الروح كان بداخله طعم الروح
لم تنطقها روح ولم تبوح بها مطلقا سوى بين نفسها فقط ولكنها لم تكن تحتاج لنطق فدموعها نطقت ..وابتسامتها نطقت وخجلها نطق
فكثير من الاشياء تصبح ذات قيمه باحساسها لا بالتصريح عنها
يوسف : خلاص بقى شلالات دموع اتفتحت فرهدتونى
روح : هههههههههه سلامتك
يوسف : سلامتى معاكى ياروح يوسف
جميله : احم احم نحن هنا
يوسف : احم احم ياشويشنا
شمس : ههههههههههههه
يوسف : تدوملى الضحكه ..انا همشى بقى لان الوقت اتاخر فعلا وانا عملتلكوا ازعاج
جميله : يامحلاه ازعاج ياهندسه ولا ايه
روح : اخرسى بقى
يوسف : روح فاضلها شويه وتبقى طماطميه ههههههههههههه
روح : بتتريق حضرتك
يوسف : احلى طماطميه ف الدنيا
روح : احم احم ع فكره كده مينفعش
يوسف : ماشى ماشى انا همشى اهوه عشان مرتكبش جريمه
روح : خد بالك من نفسك
يوسف : خايفه عليا
روح : لا طبعا
يوسف : ياساتر يارب ايه ده بحب عشماوى ياناس
روح : هههههههه طيب امشى
يوسف : اوعى تتاخرى بكره عارفه لو اتاخرتى
روح : ها
يوسف : هاجى اخطفك
روح : ههههههههههه متقلقش
يوسف بابتسامه : مش عاوزه حاجه ياروحى
روح : بطل تقول كده مش عاوزه حاجه
يوسف : ابطل اقول روحى ياروحى طيب يرضيكى ياروحى تبقى روح حد تانى ده انا انسفه
شمس : هههههههه ايه كميه الارواح دى هتحضروا عفريت
يوسف : خشى جوا يالمضه هههههههه
يلا خلوا بالكوا من نفسكوا
روح : حاضر
يوسف : يحضرلك الخير ياابيض ههههههههههه
سلام
روح : سلام
لاول مره منذ فتره طويله يشعر بان للحياه معنى وسبب للعيش
لا يريد التفكير سوى ف شئ واحد انه فرحان …فقط فرحان
…………………………….
جميله : اتمخترى ياحلوه يازينه
شمس : ياورده من جوا جنينه هههههههههههه
روح : هههههههه خلاص زفتونى
جميله : مش قولتلك بيحبك
روح : حاسه انى بحلم
جميله : بحلم بيك انا بحلم بيك
روح : ههههههههههههه بس بقى
…………………………. ………….
ف فيلا شاكر عبد الرحمن
مايا : اهو الباشا شرف اهوه
يوسف : ايه الحفله دى
جنى : ايه رايك مش حلوه
يوسف : ده بقى مجلس تأديب
هايدى : مهو ال انت عملته ده محتاج تأديب فعلا
يوسف بثقه : عملت ايه
شاكر : كنت فين يايوسف الوقتى
يوسف : اشمعنى بقى
جنى : كان ف السيده زينب ياانكل
يوسف : ههههههههه ده انا متراقب بقى
جنى : شوفتوا البرود وقله الزوق
يوسف : متشكرين ع اخلاقك العاليه يابنت الاصول يامتربيه
هايدى : هى عندها حق
فيروز : لا هايدى عيب ده مش صحيح ..يوسف كبير كفايه يعرف يعمل ايه
هايدى : يعنى يرضيكى الكلام ال قاله ليها ده
فيروز :اكيد ده له اسباب
جنى : انا عاوزه اعرف انا عملتله ايه عشان يخونى مع الزباله الخدامه روح
يوسف : اتكلمى عنها باحترام احسن ليكى صدقينى عشان انتى وكل ال زيك كده متجوش فيها اى حاجه تمام
اما بقى بالنسبه لعملتى ايه
فاانتى معملتيش حاجه خااااااااالص
3 سنين انا بعمل وانا ال بدى وانا ال بوجه وانا ال بقول
انا تعبت
جنى : انت بتبعنى عشانها
يوسف : انا مشترتكيش عشان ابيعك ياجنى
شاكر : افهم من الكلام ده ايه
يوسف : انا بحب روح
هايدى : اتجننت
يوسف : لا متجننتش
مايا : اخويا الكبير دكتور الجامعه بيحب الخدامه ده ايه الروايه دى
يوسف : احترمى نفسك
هايدى : زعلان من الحقيقه ليه يابشمهندس مش دى الحقيقه بتحب الخدامه
يوسف : انتوا عارفين روح عملت ايه عشان تحافظ ع نفسها …روح وافقت تشتغل خدامه مع انها كان ممكن تبقى مديره
روح دى كيان ملوش زى
جنى : ماشاء الله وكمان بتكتب شعر
يوسف : اتعلمت بقى
انا اسف بجد بس الدبله دى انا مش هقدر البسها اكتر من كده
عن اذنكوا
جنى : شفت ياانكل عجبك كده
شاكر : اهدى ياجنى انا هعقد معاه واشوف عمل ليه كده
جنى : انا لسه هستنى ..انا هبلغ بابى يتصرف
اوكيه يايوسف
هايدى : الولد ده اتجنن
فيروز : يوسف حبيبى عقل وفاق كتير
هايدى : انتى ازاى عاجبك البنت دى
فيروز : روح بنت حلو كتير ..بس مش المهم يعجب انا المهم يعجب يوسف
هايدى : انت ساكت ليه ياشاكر ماتتكلم
شاكر : هقول ايه
هايدى : انت تتطرد البنت دى من الشركه فورا
فيروز : اوعى تضيع ابنك من ايدك شاكر ..انا يروح ينام
…………………
فيروز : انتى بتعملى ايه ف اوضتى
يوسف : ههههههههههههههه مستنيكى
فيروز : انا بقالى كتير مش يشوفك فرحان كده
يوسف : مبسوط اوى يافيرى ..المحكمه ال برا خلصت
فيروز : انتى اعلنتى حرب يوسف
يوسف : ال بيحب لازم يكون شجاع يافيرى
فيروز : انتى قولتيلها
يوسف : ايوه ..كانت مكسوفه اوى ههههههههههههه
فيروز : حبيبى روح
لسه هيشوف كتير
يوسف : انا مش هسيبها يافيرى
فيروز : اطلبه ليا يوسف
يوسف : دلوقتى
فيروز : ايوه يلا
يوسف : طيب ثوانى
روح : سلام عليكم
يوسف : هو انا اتصلت بالكروان ولا ايه
روح : ياننننعم
يوسف : عشماوى حبيب قلبى الغالى وحشتنى ياراجل
روح : هههههههههه
يوسف : فيروز عاوزه تكلمك
روح :هاتها بسرعه
فيروز : حبيبى روح
روح : ازيك ياانه وحشتينى
فيروز : انت كمان كتير اوى
مبروك حبيبى
روح بخجل : الله يبارك فيكى ياانه
فيروز : خد بالك من يوسف هو يحبك كتير روح
روح : حاضر
فيروز : وخد بالك من نفسك حبيبى ..ال جاى هيكون صعب شويه بس مش تسيبوا بعض روح
روح : حاضر ياحبيبتى
فيروز : ماشى حبيبى اشوفك قريب ان شاء الله
روح : ان شاء الله
يوسف : الو الو
روح : انت جيت ازاى
يوسف : شديت التليفون
روح : امم ماشى
يوسف : هتنامى
روح : ايوه ده انا هموت وانام
يوسف : ياعينى عليا
روح هههههههههههههههه نام انت كمان
يوسف :مهو انا هفضل افكر فيكى ومش هنام
روح : احنا قولنا ده مينفعش تصبح ع خير ياهندسه
يوسف : ماشى ماشى بكره هنفعه
روح : ماشى ههههه …تصبح ع خير
يوسف : اصبح عليكى ياروح
كان كلا منهما يشعر انه بحلم جميل لا يريد الاستيقاظ منه مطلقا
ولكن هل تاتى الريح بما تشتهى السفن
فاليوم التالى
علم كل منهم بطلب شاكر بيه لحضورهم سويا لمكتبه
……………

زر الذهاب إلى الأعلى