ترفيهمسلسل يوميات بنت عنيدة

مسلسل “يوميات بنت عنيدة” الحلقة الثالثة عشر

الحلقه الثالثة عشر

وتانى يوم فالمكتب وليد كان واقف قلقان وكل شويه يبص فساعته واحمد طبعا كان مركز معاه

 

واول مدخلت ملك فرح وليد وجرى عليها وكل ده واحمد هيتجنن

 

وليد : ملك اخيرا جيتى انتى اتاخرتى كده ليه

 

ملك بصت فساعتها: انا متاخرتش انا جايه فميعادى

 

وليد: ماشى ها بقى عملتى ايه

 

ملك : مش هينفع نتكلم هنا

 

وليد: طيب تعالى نقعد فالكافتريا

 

ومشيو هم الاتنين واحمد كان مش طايق نفسه

 

وفالكافتريا

 

وليد : ها بقى يا ملك قولى

 

ملك : وافقت بس بشرط انا هكون معاكو

 

وليد بفرحه: بجد شكرا اوى يا ملك انا مش عارف اقولك ايه

 

ملك :على ايه بس ايمان صاحبتى الوحيده واكتر من اختى وانا بتمنلها كل خير

 

وليد: ربنا يخليكو لبعض ها بقى هنتقابل امتى

 

ملك: ممكن بكره

 

وليد: طيب متخليها انهارده وخلاص

 

ملك وهى بتضحك: يادى الاستعجال بس انا مش فاضيه انهارده

 

وليد: طيب خلاص ماشى بكره مش مشكله

 

ملك :خلاص ماشى بكره ان شاء الله فالنادى

 

وليد: خلاص ماشى اتفقنا

 

ورجعو تانى على المكتب وملك طبعا مكنتشى بتكلم احمد عشان طلع فيها امبارح وهى معملتشى حاجه هى بس كانت بطمن عليه

 

احمد وهو مخنوق: مش ياله بينا يا بشمهندسه

 

ملك:لا اتفضل حضرتك وانا هحصلك انا كده كده هاجى بعربيتى انهارده

 

احمد بعصبيه : ماشى براحتك

 

ومشى احمد وهو مضايق

 

وملك بعد شويه راحت على الموقع وبرده محصلشى مابنهم اى كلام

 

وبعد شويه روحت ملك واحمد رجع تانى على المكتب واول لما دخل المكتب لقى وليد

 

احمد باستغراب: انت لسه هنا انت كده هتتاخر على ميعاد ملك

 

وليد :ميعاد ايه….. ميعادى مع ملك بكره مش انهارده وبعدين انت عرفت ازاى

 

احمد وهو محتار : بكره ايه مش انت هتروحلها البيت انهارده

 

وليد : البيت ايه……… لاء انا ميعادى بكره معاها هى وايمان فالنادى

 

احمد باستغراب : النادى ليه ……. وايمان ايه دخلها

 

انت مش هتتقدم لملك انهارده

 

وليدوهو بيضحك: انا لاء مين فهمك كده

 

احمد: امال ايه اللى بينك وبين ملك

 

وليد : بص يا سيدى وحكاله على كل حاجه

 

احمد بصله وهو متغاظ منه: وانتى بتخبى عليا مش احنا اصحاب برده

 

وليد: معلشى بجد يا ابو حميد بس كنت خايف الموضع يبوظ ومترضاش تقابلنى

 

طبعا احمد كان فرحان جدا عشان مطلعشى بينها وبين وليد حاجه بس ملحقشى يفرح وافتكر موضوع العريس وقعد سرحان وبعدين بصله وليد

 

وليد: اهااااااا عشان كده بقى مكنتش طايقنى انا ولا ملك ايه يا ابو حميد كنت فاكرنى هخطف ملك منك

 

احمد بارتباك: ملك …….تخطفها ….طب وانا مالى

وليد :عيب عليك انت صاحبى من زمان وانا حاسس بيك وعارف انك معجب بملك انت مشوفتش نفسك امبارح وانهارده كنت عامل ازاى

 

احمد: هو باين عليا اوى كده

 

وليد وهو بيضحك: بصراحه اه وباين كمان غيرتك عليها وهى بتكلمنى او بتكلم اى حد

 

احمد: بس ايه الفايده هى جايلها عريس انهارده

 

وليد :عريس مين قالك

 

احمد :هى عشان كده افتكرت انك انت العريس لما كنت بتكلمها

 

وليد وهو بيحاول يطمنه: متقلقشى ده مجرد عريس وانت عارف ملك عنديه ومش هتوافق وهى لو نصيبك يبقى ربنا هيكتبهالك …….طيب انا

عندى فكره

 

احمد: خير

 

وليد: تعالى معايا بكره

 

احمد: فين وازى

 

وليد : وانا بقابل ملك وايمان منها تحاول تاخد ملك شويه عشان اعرف اتكلم مع ايمان ومنها تقعد مع ملك وتحاول تفهم هى هتعمل ايه

 

احمد: لا مش هينفع

 

وليد: بس اسمع كلامى وانت حاول تفكها معاها شويه بلاش الوش اللى بتدهولها كل شويه ده

 

احمد: يعنى انت شايف كده

 

وليد: اه وياله بقى نروح عشان انا جعان

 

ومشو هم الاتنين من المكتب

 

وطبعا ملك قابلة العريس وريحت مامتها وفالاخر قالت لمامتها مش مرتاحه طبعا مامتها معرفتشى تتكلم وخلص اليوم على خير

 

وتانى يوم فالمكتب عدى برده من غير جديد احمد حاول يهدى الجو شويه بينه وبين ملك وكان هيموت ويسالها على العريس بس مكنشى ينفع

 

ووليد كان طول اليوم سرحان وبيفكرهيقابل ايمان ازى وهيقولها ايه

 

واخير جه الميعاد المنتظر فالنادى واحمد ووليد كانو قبل الميعاد بنص ساعه فالنادى

 

وليد : طبعا انت عارف هتعمل ايه شويه كده وتاخد ملك وتمشو

 

احمد: دى عاشر مره تقولى كده والله فهمت اسكت بقى شويه هبلتنى معاك

 

وليد: معلشى بقى يا ابو حميد استحملنى

 

احمد : ماشى يا سيدى لما نشوف اخرتها…..اسكت بقى عشان ملك وايمان هناك اهم

 

وليد بتوتر: بجد…فين….ايمان جات

 

احمد: هههههههههه والله كنت بعقلك اهدى يا بنى هتفضحنا

 

وملك وايمان شافو احمد ووليد من بعيد

 

ملك : ايده هو احمد جى معاه ليه

 

ايمان : انتى متعرفيش انه جاى

 

ملك : لاء وليد مقالشى انه هيجى …….اكيد وليد جابه عشان يسربنى ههههههه

 

ايمان: يا سلام انتى هتقومى وتسبينى لوحدى

 

ملك : متقلقيش انا هبقى جانبكم انا اصلا كنت ناويه على كده من غير ميتذكى ويجيب احمد عشان تعرفو تتكلمو براحتكم وميبقاش مكسوف منى

 

ايمان : طيب اسكتى بقى عشان احنا قربنا منهم

 

ملك : السلام عليكم اهلا يا بشمهندس

 

وليد : اهلا يا ملك

 

وبعدين بص لايمان: ازيك يا انسه ايمان

 

ايمان بكسوف : الحمد لله تمام

 

احمد: ازيك يا بشمهندسه ملك

 

ملك : الحمد لله تمام

 

وقعدو شويه مع بعض وبعدين احمد عاوز يقوم ملك

 

زى متفق مع وليد

 

احمد: ملك متقومى معايا نجيب حاجه من الكافتريا

 

ملك كانت عاوزه ترخم عليهم شويه عشان هى فاهمه هم عاوزين ايه

 

ملك : احنا ممكن ننادى الجارسون يجبلنا اللى احنا عاوزينه

 

احمد وهو بيبصلها : لا عشان نختار اللى احنا عاوزينه

 

ملك : ممكن نسائل الجرسون اصل انا مكسله اقوم

 

احمد بغيظ: اقومى بس معايا

 

ملك : ماشى

 

قامت وكانت هتموت وتضحك

 

وبعد مقامو ايمان بصت لوليد وضحكت

 

ايمان : على فكره ملك عارفه انكم بتوزعهو فقالت ترخم شويه

 

وليد اتكسف :انا برضه استغربت ان عارف ان ملك ذكيه

 

———–———-———————-————

ونكمل في الحلقة الرابعة عشر.. الى اللقاء في الحلقة الرابعة عشر

بقلم الكاتبة :ريم أحمد

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى