ترفيهمسلسل خلف هذه الجدران

مسلسل خلف هذه الجدران الحلقة الحادية العشرون (الجزء الثاني)

” الحلقــــ(21) ــــة ” من مسلسل “خلف هذه الجدران ” (الجزء الثاني )

**********
**********

كنتِ فين يا لييييييييييييينة , انتي بتروحي مني فين كل شوووووووووووووية

يا مامي بزهق من قعدة الاوضة , بخرج اتمشى في الادوار بتاعة السفينة , هروح فين يعني يا مامي

ايوة حبيبتي بس برضو تقولي , مش ابص حوالية مالاقكيش يا لينة

هههه سوري مامي , مش تزغلي مني , انتِ كنتِ بتصلي وكمان بتفضلي تصلي كتير وانا كنت عايزة اخرج , مش قدرت استنى

اااه منك يا لينة , انا عارفة طبعك مش هيتغير , ما بتعرفيش تقعدي في مكان خمس دقايق على بعض , حتى مذاكرتك بتأديها وانتِ رايحة جاية في البيت من اوضة لاوضة

هههههههه بمل من القعدة مامي , تعرفي ان تيتة ليز وحشتني خااااااالص

ههههه ادينا قربنا نروحلها يا حبيبتي

مممممممم مامي هو كل الرجالة العرب ما عندهومش مشاعر وقاسيين زي بابي ؟

بابي ! ايه اللي فكرك بيه حبيبتي ؟

واحد فظ وغليظ , حاسة اني شايفة ملامح بابي فيه , حاسة اني عايزة اضايقه واستفزه بأي طريقة واثير غضبه

مممممم لينة , انا اللي مريحني انك عمر ما كان لك علاقة بأي شاب , دي حاجة بتطمني عليكِ , لكن كلامك قلقني

هههه مامي مش تخافي , دي مش علاقة هههه دا واحد من طاقم السفينة اللي هنسيبها للأبد وعمرنا ما هنتقابل تاني

مممممم ما تتكلميش معاه يا لينة , دا امررررررررررر

امر !!!!!!!! مممممم تصبحي على خير مامي

وانتِ من اهل الخير حبيبة مامي اموووووووه , ربنا يهديكِ يا لينة يا بنتي

****************************************************************************

ممممممممم صباح الخيرررررررررررررررر

انتي برضووووووووووووووو

ايوة انااااااااااااااااا , هاااااا صليت ولا لسسسسسسسسة , اوعى تكون مش صليت والا هزعل منك واخاصمك ههههههه

توووووووووووووووووء , مالك انتِ ومال صلااااااااااااااااااتي , خليكِ في حالك

ههههه لا خليني في حالك انت هههههه بقالك كتير بتصلي , انا مراقباك

وانتي مالك وماااااااااااااالي

اصل بحب صلاة المسلمين بس مش بحب طباعهم الجافة

انتِ ديانتك اييييييييه انطقيييييييييييي

هههههه قولتلك كل الدياناااااااااااااااااات مش ديانة محددددددددة , بس مامي زيك كدة

زيي كدة يعني ايه !!!!!!!

هههههه مسلمة زيك ولابسة حجاب وبتفضل تصلي كتير كتيررررر وخصوصا بالليل وتقعد تبكي تبكي تبكي لحد ما بتصعب عليا , تفتكر هي بتبكي ليه ؟؟؟؟؟؟؟؟؟

معقوووووووول ! مامتك مسلمة ومتدينة ومحجبة كماااااااااااان ! وازاي سايباكِ كدة ! انا مش مصدقك , لو بتتكلمي بجد , قوليلي هي فين مامتك دي

هههههههههه مش هقووووووووووولك , مش هخليك تعرف مين هي مامتي ع المركب ده هههههههه باااااااااااااااي

استني هنا يا بنتتتتتتتتتت استني توووووووووء اختفففففففففت اختفت , زي ما تكون جنية , غريبة غريييييييييييييييبة اغرب انسانة شوفتها في حيااااااااااتي , الفضول هيقتلني اعرف حكايتها , وازاي امها المتدينة دي ان صح كلامها وكان ليها ام من اصله تسيبها بالشكل ده , البنت دي مجنوووووووووونة اكيد مجنونة وتفكيري فيها هيجنني انا كمااااااااااااان , وقت الراحة بتاعي خلص , انزل كابينة القيادة

********************************************************************************

ترررررررررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررن

دادة اعتمااااااااااااد , ردي ع التليفون الله يخليكِ عشان بكوي هدوم الخروج بتاعتييييييييييييي

حاضر حاضر يا ست ضحى , الوو

السلام عليكم ورحمة الله , ازيك يا اعتماد انا كريمة

اهلاااااا وعليكم السلام ورحمة الله وبركاته يا ست كريمة هههه وحشانا والله , ازيك وازي البنات

هههه ما تشوفيش وحش يا اعتماد , انا كويسة والبنات كويسين الحمدلله , اديني سميرة اختي

هههه الست سميرة مش هنا

مش هنا ؟ راحت مشوار ولا ايه ؟

هههههه عقبال عندك راحت تشوف عروسة الاستاذ امير

اييييييييييه !!!!!!!!!!! عروسة امير

يييييييييي , ايه يا دادة اللي قولتيه ده بسسسسس توووووووء هاتي التليفون

هو انا غلطت في ايه !!!! خدي التليفون اهو يا ست ضحى

هههه السلام عليكم , ازيك يا خالتو

وعليكم السلام يا ضحى , صحيح اللي اني سمعته ده ؟ امك لقت عروسة لامير وراحت تشوفها وكمان ما قالتليش !!!!!!!!!

مممممم أأأ والله يا خالتو اصل امير قال لماما تشوفله عروسة وبابا قال لماما على بنت واحد من معارفه فراحت تشوفها

مممممم امير هو اللي قالها تشوفله عروسة ؟؟؟؟؟؟؟

ايوة والله يا خالتو

ممممم للدرجة دي مش شايفين حد مناسب سواء في عيلة امك او حتى عيلة ابوكِ ؟؟؟؟؟؟؟؟

ازاي بس يا خالتو ! البنات سواء في عيلة بابا او عيلة ماما كويسين جدا وعلى خلق ودين , لكن امير ما بيحبش جواز القرايب

مممم امير برضو اللي ما بيحبش جواز القرايب !!!!!!! طيب يا ضحى , سلمي على ماما لما تيجي وقوليلها مبروك مقدما , السلام عليكم

وعليكم السلام يا خالتو , توووووووووء , خالتو زعلانة اوي وما قدرتش تخبي انفعالها , لا حول ولا قوة الا بالله , دادة اعتمااااااااااد يا ست داااااااااادة

هههههه نعمين يا ست البناااااااااااات

كدة برضو يا دادة ! كدة برضو تقولي لخالتو ان ماما راحت تشوف عروسة لامير ؟؟؟؟؟؟؟

الله ! هو في حاجة هتستخبى ! ما هي العروسة لو عجبت الحاجة سميرة يبقى خلاص الموضوع هيمشي رسمي والكل هيعرف , الحبايب وحبايب الحبايب وعقبالك يا جمييييييييييل ههههههه

يا دادة والله انتِ اتسرعتِ , كان المفروض ماما هي اللي تقول , هي ادرى مننا بالتعامل مع خالتو كريمة , لكن اني واضح اني عكيت الدنيا بردي عليها وزعلتها من ماما وامير

وهي ايه اللي يزعلها يا ست ضحى !!!!!! عشان يعني عندها الست فاتن لسة ما اتخطبتش ! ربنا يرزقها بللي يستاهلها , ماشاء الله عليها زي القمر هههههه حقيقي كل بنات عيلة مامتك حلوين , لكن البنات في عيلة باباكِ مش قد كدة يعني ههههه

ههه والله يا دادة انتِ رايقة , اما نشوفوا ماما لما تيجي هتعمل ايه

ترررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررن

اهي جت اهييييييييه ههههههه هروح افتحلها

ايه ده ! هي ماما لحقققققققققققت !!!!!!!

حمدالله ع السلامة يا ست سميررررررررة ههههه

ااااااااااه يا رجلي , الله يسلمك يا اعتماد اااااااااااه

اهلا يا ماما هههههه عملتي ايه عند العروسة

يا شيخة ما نابني الا وجع رجلي من المشواااااااااااار , هاتيلي كوباية مية يا اعتماااااااااد

حاضر يا ست سميرررررررررة

ايه يا ماما ! هي العروسة ما عجبتكيش ولا ايه

يا بنتي اصبري خليني اخد نفسي واشرب كوباية مية وبعدين احكيلك اااااااه يا رجلي

يا ماما الدكتور قالك تخسي شوية عشان وجع رجلك ده

اخس ! هو اني بناكلوا يا ضحى ! اني نفسي مسدوة على طول

هههه يا سلام يا ست ماماااااا , اومال مين اللي كل طبقين المحشي اللي غرقان سمنة بلدي

انتِ بتعدي عليا الأكل يا بت يا ضحى ؟؟؟؟؟؟؟

ههه يا ماما خايفة عليكِ والله

المية يا حاجة

هاتي يا اعتماد , بسم الله الرحمن الرحيم …………….. الحمدلله , خدي يا اعتماد الكوباية

هاتي يا حاجة

ايه يا ماما اللي حصل , شكلك كدة ما عجبتكيش العروسة ههههه

لازم وحشة يا ست ضحى , الحاجة عايزة عروسة زي القمر تليق بالكابتن اميرررررررر

لا يا اعتماد , من الناحية الحلاوة حلوة , بس اخلاقها ما عجبتنيشششششششش , البت باين عليها قوية ومستقوية ومربية الرعب لامها

هههههههههههه ايه يا ماما , هو حصل ايه

البت يختي دخلت قعدت قدامي وحطت رجل على رجل , شوفي قلة الادب !!!! ابصلها بضيق مش نااااااافع امها تخبطلها على رجلها عشان تنزلها وتغمز لها عشان تخلي عندها دم ودي ابدااااااااااا وتبرق لامها وتقولها ايه يا مامااااااااااا في ايه يا ماماااااااااااااا وامها بقت قاعدة في نص هدومهااااااااااا , وانا اقول في سري دي بت قليلة ادددددددب , بقى اني ضحى بنتي تستجري ترد عليا كدة ولا تحط رجل على رجل قداااااااااااامي

ممممم وعشان كدة اخدتي منها موقف يا ماما

يا حبيبتي الحاجات الصغيرة دي بتبين الواحدة على حقيقتها , طريقة كلامها مع امها طريقة قعدتها , وكمان البت هي اللي كانت بتتكلم وبتسألني على امير اخوكِ , شوفتي الخيبة يا ضحى ؟؟؟؟؟؟؟؟؟

ههههه معقول ! سألت عليه قالت ايه يعني ؟

بتقولي هو مسافر فين وهيجي امتى وشقته فييييين وكام اووووووضة ومعاكِ صورة ليه ولا لالالالالالالالاء ؟ وقاعدة تهزلي في راسها وتجيب شعرها ورا مرة وقدام مرة وفرحان بروحها اوي

معقووووووول !!!!! اني نتكسفوا نقولوا كدة يا ماما , المفروض كانت خلت مامتها هي اللي تتكلم في الحاجات دي , المفروض هي تقعد ساكتة بكامل حيائها

والله يا ضحى اني بقيت قاعدة نبصولها ومستعجبة وهاين عليا نقوموا من القعدة من غير سلام ولا كلام , بس قعدت عشان خاطر امها وقولت نكملوا كوباية العصير ونقوموااااااا , احنا يا بنتي ما اتربناش على كدة , اني فاكرة يوم ما حماتي جت تشوفني وكنت قاعدة مكسوفة وكل ما تبصلي وشي يحمر وما كملتش دقيقتين وقومت وما اتكلمتش ولا كلمة , ايه البجاحة اللي حلت على البنات ددددي ! الحمدلله بنات عيلتنا مش كدة , الشكر لله وحده

يعني من الآخر خلاص لغيتِ الموضوع هههههه

طبعا يا ضحى , بقى دي عروسة نجوزوها لامير دي !!!!! اجيبله واحدة تكلمه بالعين والحااااااجب , دا امير لو شافها حاطة رجل على رجل في وشي كان قام قتلهاااااااااااا , امير دمه حامي وما يعجبوش الحال الماااااااايل

طيب يا ماما , خيرها في غيرها ان شاء الله

ااااااااخ ياني , يا ريته كان هو اللي اختار وما رماش علية الحمل التقيل ده يا ضحى , يلا , ربنا يعترني في واحدة بنت حلال

يا رب يا ماماااااا ممممم على فكرة خالتو كريمة اتصلت وعرفت انك روحتي تشوفي عروسة لامير

اييييييييه !!!!!!! وبتقوليلها ليه يا ضحىىىىىىىىى ؟؟؟؟؟؟؟؟؟

والله يا ماما دادة اعتماد قالتلها من غير قصد واني حاولت نصلحوا الموقف وقولتيلها امير هو اللي عايز ماما تشوفله عروسة ومش عايز من القرايب

مممممم وهي قالت ايه ؟

ما قالتش يا ماما , بس حسيت انها زعلت

اووووووووف , طيب نقوموا نغيروا هدومي ونرتاحوا شوية وبعدين نكلموها

********************************************************************

ترررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررن

ردي ع التليفون يا فااااااااااااتن

حاضر يا مامااااااااا

السلام عليكم

وعليكم السلام ورحمة الله , انتِ مين في الاختين الحلوين ؟ هههه

ههههههه فاتن يا خالتو

ههههه ازيك يا فاتن يا حبيبتي

الحمدلله يا خالتو

ماشية كويس في الكلية ؟

الحمدلله , الواحد مهدود حيله بين المحاضرات والمذاكرة هههه دعواتك بقى

ربنا معاكِ يا حبيبتي انتي واللي زيك , ماما فين ؟

حاضر يا خالتو , مامااااااااااااااااااااااااااا خالتو سميرة يا ماماااااااااا

والله ! هنقومولها اهو , هاتي السماعة يا فاتن , الو , ازيك يا ام العريس

هههه ازيك يا كريمة

زي الفل الحمدلله , ازي العروسة واهل العروسة ؟

عروسة ايه ! هههه يختي دي كانت واحدة ابوها من معارف حامد وقالي روحي شوفيها لامير وروحت وما عجبتنيش وخلاص خلصنا

مممممم معلش , اصل العرايس قليلين , ربنا يعترك في بنت الحلال اللي تستاهل ابنك

هههه دعواتك يا حبيبتي , وربنا يفرح قلبك يارب بفاتن حبيبة قلبي ويتم لرحاب على خيررررررر اللهم آمين يارب

آمين يا سميرة يختي , كله قسمة ونصيب , ماحدش بياخد اكتر من نصيبه

مش هنشوفوكي ولا ايه يا كريمة ؟ ما تجيبي البنات يختي وتيجوا تتغدوا معانا بكرة

والله يا سميرة بكرة صفوت عازم واحد صاحبه ومراته ومش هنبقى فاضيين , خليها بعد بكرة ان شاء الله

خلاص يا حبيبتي واني وضحى هنستنوكوا , اني هنوصي اعتماد تعملك صنية مكرونة بالبشاميل من اللي بتحبيها وجنبها دكرين بط محترمين عشان انتِ تعزي البط زي الولا امير ابني هههههه

هههههه تعيشي يختي , واني مش هنتأخروا عليكِ اني والبنات , السلام عليكم

وعليكم السلام يا حبيبتي

**********
**********

بسيووووووووووووووووووووني

نعم يا يوسف باشا

خد الظرف ده ووديه للعنوان اللي مكتوب عليه , سلمه لواحدة اسمها امل سعد المنزلاوي , بالييييييد , ما تديهوش لحد غيرهاااااااااااااا

حاضر يا باشاااااااا

على العموم في الوقت ده جوزها في الشغل وولادها في الجامعة , بس برضو اتأكد انها هي يا بسيوني
من عنيا يا باشا , ما تقلقش

*************************************************************

ترررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررررررررررررررررررررررررن

افندم , مين حضرتك ؟؟؟؟؟؟؟؟

حضرتك مدام امل سعد المنزلاوي

ايوة انا , مين حضرتك

اتفضلي , الظرف ده مخصوص عشانك

ظرف عشاني انا ! من مين الظرف ده

ههه افتحيه وانتي تشوفي , عن اذنك

استنى استنىىىىىىىىى , ايه ده ! ايه اللي بيحصل ده ؟؟؟؟؟؟؟؟ اما اقفل الباب واشوف الظرف في ايه

ايه ددددددددددددددده !!!!!!!! يا خبر اسووووووووووووووووود , دي صوري لكن لكن , انا ما اعرفش الراجل اللي معايا ده !!!!!!! يا دي المصيبة , ايه الصور دددددددددددددي !!!!!!!!!!!!!!! اعمل ايه ياربي ! دي مصيبة مصييييييبة

**

ترررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررررررررررررررررررررن

الوووووووووووووووووو

ههههه ازيك يا امووووووووووول

مين معايااااااااااااااااا

هههههههه مش عارفة صوت يوسف ابن عمك ؟؟؟؟؟؟؟؟؟

يوووووووووووووسف !!!!!!!!! عايز ايه مني ؟؟؟؟؟؟؟؟؟؟؟

هههههههه وصلك الظرف يا حلوة ؟؟؟؟؟؟؟؟؟

الظررررررررررف !!!!!!! اه يا سافل يا حقيررررررررررررر , انت اللي مفبرك الصور القذرة ددددددددددددي ؟؟؟؟؟؟؟؟؟؟؟

هههههههه ربنا يسامحك , شوفتي انتي بتشتميني لكن انا قلبي ابيض وبقول ربنا يسامحك

انت عملت كدة لييييييييه ! عايز مني ايه يا يووووووووووووووسف

ههههههه حاجة بسيطة اوي يا قمر , تروحي بكرة اقل من ال ………. هههههه ولا بلاش , تروحي تسحبي البلاغ اللي قدمتيه ضدي في القسممممممممممم وتتهمي ريييييييم عشان بصاماتها ع السكييييينة , كان حد قالها تتنيل تدخل !!!!!! تشرب بقى القضية بالهنا والشفا ههههه الساعة عشرة الصبح تكوني في القسم وإلا الساعة عشرة ونص الصور دي الي عملت منها خمسين نسخة هتكون على مكتب جوزك واصحاب جوزك عشان تبقى الفضيحة بالجملة يعني هههههههه شوفي بقى منظرك هيبقى ايه قدام ابنك الحيلة اللي دخل كلية الهندسة السنة دي ولا بنتك اللي في كلية الطب واللي بيفتخروا بأمهم المحترمة هههههههه الصور ده هتخلي راسهم في الطين ومش بعيد يسيبوا كلياتهم ويهجوا من البلد عشان فضايح امهم ههههههههه

اااااااااااااه يا ساااااااااااااااافل اهئ اهئئئئئئئئ حسبي الله ونعم الوكيل فييييييييييك انا بريئة من الاتهام الباطل دددددددده الصور دي متفبرككككككككككككككة

ههههههه ما انا عارف يا امول , الشهادة لله انتي سمعتك زي الفل وماحدش يقدر يقول تلت التلاتة كام فيكِ , لكن انتِ بقى يا بنت عمي اللي فتحتي على نفسك طاقة جهنمممممممممممممممممممممممم

اهئ اهئئئئئئئئئئئئئ عايز مني ايه يا يوووووووووسف

زي ما قولتلك يا حلوة , تروحي تسحبي البلااااااااااغ , ومالكيش دعوة بالموضوع خااااااااااااااالص

يبقى كدة يبقى كدة فعلا انت اللي ورا قتل اختي اهئ اهئئئئئئئئئئئئئئئئ

ههههههه ايوة انا ههههههه سيبك انتِ اهي ارتااااااااااااحت , وعشان تعرفي اني مش ندل هديكي جزء من الميراث

اهئ اهئئئئئئئ مش عايزة منك حاااااااااجة اهئ اهئ مش عايز فلوس فيها ريحة دم اختي المسكينة اهئ اهئئئئئئئئئئئئئئئئ حسبي الله ونعم الوكيل فيك يا يووووووووسف

هههههه ماشي يا قمر , بكرة هبعت مندوب من عندي يقف قدام القسم ويشوفك هتروحي ولا لأ عشان وشرف الغاليين عندك لو ما روحتي لتكون فضيحتك بجلاجل ههههه وسلميلي على شرفك بقى يا ام الحلوين بتوع كليات القمة ههههههههه

اهئ اهئئئئئئئئئ حسبي الله ونعم الوكيل , لكن كدة التهمة هتلبس ريم المسكينة اهئ اهئئئئئئئئئ

مالكيش دعوة بقىىىىىىىىىىىىى , انتِ مالك انتتتتتتتتتتتتتتتتتتتتتتِ عشان ننجى لازم نقدم ضحية

اهئ اهئئئئئئئئ لا حول ولا قوة الا بالله , مافيش بإيدي حاجة غير كدة اهئ اهئئئئئئئئئ اعمل ايه اهئ اهئئئئئئئئئئئ

******************************************************

هاني بيه , جناب المأمور عايزززززززززززززززك

جناب المأمور , اووووووووووووووف ربنا يستر بقى اكيد هيديني كلمتين توبيخ عشان الجريمة الي مش عايزة تتلم دددددددددددي

**********************

تن تن تن

ادخل يا هااااااااااااااني

السلام عليكم جلال باشا

وعليكم السلام يا سيدي , خير يا هاني بيه , فين القااااااااااااااااتل

يا فندم والله بنعمل تحريات مكثثثثثثفة , انا باعت مخبرين في كل حتة , لكن للأسف مش قادرين نوصل لاي حااااااااااجة , عملت تحريات عن كل المشتبه فيهم وحققت مع كل المحيطين بيها , لكن للأسف لسة ما مسكتش خيوط الجريمة في ايدي اللي هتوصلني للقاتل

لا ده هزار بقىىىىىىىىىىىى , احنا بنلعب , عندنا وقت فراغ بنضيعه , عملت تحريات عن كل المحيطين بالقتيلة ؟ اهلها ؟ قرايبها ؟ كل اللي بيتعاملوا معاهاااااااااا

والله يا فندم ما خليت حدددددددددد , اعمل ايه تاني بسسسسسسسسسس

روح القهوة العب طااااااااااااااااولة , ظابط من رجالتي اللي بقول عليهم اكفأ ظباط في الداخلية بيقولي مش عارف اعمل اييييييييييييه , قدامك يومين بالعدد يا هاني لو ما كنتش تقدم القاتل للعدالة يبقى خد اجازة شهر واقعد جنب المدااااااااااااااااام

حاضر يا فندم حااااااااااضر , عن اذنك جلال باشا

اتفضل يا سيدي , هيخيب سي هاااااااااااني , والله عااااااااااال

*****************************************************************

هاني بيييييييييييييه

نعمممممممممم نعمممممممممم عايز ايه يا مصيلحي

مالك بس متعصب يا باشا

قول عايز ايه وخلصني

مدام امل اخت القتيلة برا وعايزة حضرتك ضروري

مدام امل ! يارب يكون عندها معلوماااااااااات دخلها بسرررررررررررررررعة

اهلا مدام امل , خير يا مدام امل خيررررررررررر

أأأأأ انا ممممممم انا أأأأأ انا جاية اسحب البلاغ اللي قدمته ضد يوسف ابن عمي وووو جاية أأأأ جاية اتهم ريم انها أأأأأ انها أأاكيد هي اللي ورا قتل اختي بدليل بصماتها اللي ع السكينة اهئ اهئ اهئئئئئئئئئئئئئئئ

اييييييييييييييييييييه !!!!!!!!!!!!!! ريييييييييييييييييييييييم !!!!!!!!!!!!!!!!!!!!!!!!!!!

ايوة ريم , ريم هي اللي قتلت اختي

ودليلك ؟

غير ان بصماتها موجودة ع السكينة , اختي شمس اشتكتلي كتير اوي من ريم وووو أأأأأأ وانها كانت دايما تطلب منها فلوس وتقولها ما تقوليش لماما , واختي شمس ما كانتش بتحب تعملها مشاكل مع مامتها وكانت بتديها كل ما بتطلب بس الموضوع زاد عن حده وشمس بقت تقولها مش كل شوية تطلبي ياريم , ما ينفعش كدة , واكيد عشان احتياجها للمال ارتكبت الجريمة وسرقت المجوهرات

ممممممم والكلام ده ظهر فجأة كدة يا مدام امل ؟؟؟؟؟؟؟؟؟؟؟

أأأأأأأأ مششش ممممش فاهمة حضرتك تقصد ايه يا هاني بيه ؟

اقصد ان ده ما كانش كلامك عن ريم يا مدام امل , بالعكس كنتِ بتشكري في اخلاق البنت جدا

يا فندممممم يا فندم انا ما كنتش عايزة اجيب سيرة البنت بحاجة وحشة لانها زي بنتي مهما كان , وقولت ممكن الكلام ده لا يقدم ولا يأخر في القضية , لكن انا ضميري بيعذبني , حاسة اني خونت اختي وضحيت بدمها واتسترت ع القاتلة

القاتلة !!!!!!! ممممم يعني حضرتك بتشكي ان ريم هي القاتلة

أأأأ ايوة ايوة هي اهئ اهئئئئئئ هي , ارجوك خليني امشي

مش قبل ما تواجهيها

لالالالالا مواجهة لا اهئ اهئ الله يخليك مواجهة لأ اهئ اهئئئئئئئئ انا قولت اللي عندي وخلصت ضميري اهئ اهئ

ضميرك ! يعني بعد الاتهام المباشر لريم بقتل اختك ضميرك ارتاح ؟ هتقدري تنامي من غير تأنيب ضمير ؟؟؟؟؟؟؟؟؟؟

اهئ اهئئئئئ ارجوك يا هاني بيه , انا ما عنديش كلام تاني اقوله , من فضلك خليني امشي , ولادي زمانهم راجعين من كلياتهم

……………………………………………………………………

حضرتك بتبصلي كدة ليه يا هاني بيه ؟ اهئ اهئئئئئ

مدام امل , ايه اللي حصل من ساعة اخر مرة كنتي فيها هنا ؟ ايه اللي جد وخلاكي تغيري اقوالك , جاوبي بمنتهى الصراااااااحة

اهئ اهئئئئئ يا فندم قولت لحضرتك ان دي الحقيقة وانا مش هتستر على القاتلة اهئ اهئ لازم ريم تاخد جزاء قتل اختي اهئ اهئئئئئئئئ ارجوك خليني امشي انا تعبااااااااااانة تعباااااااااااااانة اهئ اهئئئئئئئئئئئئئئئئئئئ

اتفضلي امضي واتفضلي امشي الحقي ولادك اللي راجعين من كلياتهم , وافتكري ان في بنت مسكينة محبوسة ومحرومة من حضن امها و من حريتها ومن انها تروح الجامعة وتشوف دراستها

اهئ اهئئئئئئ اهئئئئئئئئئ القاتل لازم ياخد جزائه اهئ اهئئئئئئئئئئئ السلام عليكم

وعليكم السلام , اللهم لا حول ولا قوة الا بالله , مافياااااااااا مافيا ورا جريمة القتل دي , ايه التهديد اللي اتعرضتله مدام امل عشان تيجي تسحب بلاغها ضد يوسف وتتهم ريمممممم ,؟ سرقة المجوهرات شيء مصطنع لاضفاء سبب وهمي لارتكاب الجريمة وعشان يبان ان القتل بدافع السرقة , الموضوع اكبر من ريم , اكبر من ريم بكتيرررررررررر , لكن للأسف ما فيش بإيدي أي دلييييييييل , فين الاوراق اللي قالت عليها ريييييم ؟ ياترى عند مين ؟ يوسف ؟ سليمان المغازي ؟ اكيد الورق اختفى في سابع ارررررررض , ظهور الورق هو اللي هيدين كل المجرمين الفاسدين وهينجي ريم من حبل المشنقة , بس اعمل ايه اعمل اييييييييه انا تعبتتتتتتتتت تعبتتتتتتتتتتتتتتت

تن تن تن هاني بيييييييييه

ايوة يا مصيلحي

صحفي الحوادث جه كذا مرة وعايز يقابل حضرتك وياخد صور للقاتلة عشان ينشرهااااااا

لالالالالالالالالا مافيش صور هتتنشررررررررر مش هقابل حددددددددد

ايوة يا هاني بيه , بس الموضوع اتنشر في الجرااااااااااااايد واسم المتهمة كمان اتنشر في الجراااايد , يبقى ما فيهاش حاجة لما صورها تتنشر مع الموضوع

يا ناس الرحمممممممممممممة الرحمة بقىىىىىىىىىىىى , كل واحد همه مصلحتتتتتتتتتتتتتته , اكتر الصحفيين اهم حاجة عندهم نشر فضايح الناس ومش مهم مظلومين ولا مش مظلوميييييييييين اهم حاجة يحققوا اسم وشهرة حتى لو كان على حساب سمعة الابريااااااااااااااء

هو حضرتك ليه بتدافع عن البنت دي كدة ! ليه ما تكونش فعلا هي القاتلة يا هاني بيه

لا مش هي لا يا مصيلحي مش هيييييييييييي , انا حاسس اني تعبان اوي , انا مروح البيت يا مصيلحي

سلامتك يا هاني بيه

—————————————————–

ونكمل في الحلقة الثانية والعشرون .. إلى اللقاء في الحلقة الثانية والعشرون (الجزء الثاني)

بقلم الكاتبة: هبة نور

 

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى