أخبار وفيديوهات
أخر الأخبار

أول رد لـ آيه بعد خروجها من معهد السموم

رد آيه بعد خروجها من معهد السموم

رد آيه بعد خروجها من أ
[quads id=3]
Aya Ahmed
لله الحمد انا كويسة وخرجت من معهد السموم للاسف من كام ساعة !
علشان انهي بس الجدال اللي حاصل من امبارح ده ! لأني وحياة ربنا انا واحدة نزلت الكلام ده وهي بين الحياه والموت لا في دماغي تريند ولا شهرة ولا اي كلام من العبط ده!
اللي هيبعت لإسراء اختي كلمة تضايقها انا مش هسامحه! انا قولت جملة اتقالت منها وقت ستريس وانا علشان حزينة اثرت فيا وبزيادة! انما هي اختي اللي بحبها و ماقدرش استغنى عنها واستحالة احطها في موقف ان حد يقولها كلمة مش حلوة!
ولاد محمد طليقي دول ولاده من طليقته المصرية كان متجوزها من 22 سنة وطلقها من 15 سنة ! يعني ماخطفتوش من مراته وولاده تمام!
مرات محمد الفرنسية دي متجوزها وعلى حسب كلامه انه عايش معاها بس علشان الجنسية الفرنسية او ع الاقل ياخد كارت الإقامة بعشر سنين! يعني انا واحدة مسلمة اتجوزت زواج شرعي إسلامي عادي جدا لا يشوبه شيء!
ماكنتش اعرف انه عايش تحت ضلها وفلوسها ولا حاجة ده كان في نظري حاجة كبيرة اوي شايل مسؤولية بيته وبيتي وبيوت ناس تانية كتير للخير! انما الموضوع مااتكشفش ع حقيقته غير لما مراته عرفت انه متجوزني وطردته من الشقة وأمرته إنه يطلقني وقالها سمعا وطاعة! هنا بقا وضحت الامور واحدة واحدة وبدأت اشوف كل اللي كنت معمية عنه!
بالنسبة للهجص بتاع اني بيعت أهلي فطبيعي اني اتباع منهم! الكلام ده جه منين بقا!!
كل اللي قولته ان اهلي كانوا رافضينه وانا وقفت قصادهم وحاربت الدنيا علشانه وعشان بحبه!!! انما بعد ما الموضوع اتوفق اهلي كلهم كانوا فرحانينلي وابويا اهو وكيلي في الصورة وماخسرتوش ولا اي حاجة!?
فياريت نبطل اي كلام باطل مالوش اساس م الصحة! وانا عايشة مع اهلي من ساعة مااتجوزني وسافر ولحد دلوقتي لأنهم اهلي ولا انا بيعتهم ولا هما باعوني! انا خصيمة اي حد قال عليا كلمة وحشة قدام ربنا يوم القيامة!
اني اتنازلت عن حقوقي بقا دي اكبر غلطة انا غلطتها في حياتي! ده شخص قاللي انا نازل اجازتي بفلوس كذا! قولتله ولا يهمك ياحبيبي انا شارياك بمصحف وسبحة! لا شبكة ولا مهر ولا قايمة انت عندي بالدنيا ومدام ارتضيت دينك اي حاجة تانية مالهاش لازمة! *آه ارتضيت دينه لأنه ده كان الظاهر ليا وللكل* اللي حصل بعد كدا ماكانش غير انه صدمات ليا متتالية مش اكتر! وكان عقابها ليا اني ماليش حقوق بعد الطلاق وكل اللي طلبته منه المبلغ اللي استلفه مني ورفض يرجعه الا لما اتنازل عن اي حق ليا علشان يضمن اني ماارفعش عليه قضايا!
آخر حاجة حابة اوضحها بقا علشان انهي الحوار ده هي اني ولا عاوزة لقاء مع القناة دي ولا الجريدة دي ولا الموقع ده! وياريت ماحدش يحاول مع حد من اهلي واصحابي!
انا بس نزلت بوست في وقت الدنيا اسودت في وشي *ولا زالت سودا للاسف* كآخر حاجة الشخص اللي حبيته لما يدخل عندي في يوم يشوفها ويعرف حقيقة نفسه وحقيقة اللي عمله فيا!
دعواتكم..
منقول من حسابها الشخصي من هنا
زر الذهاب إلى الأعلى