طريقة عمل أرز الريزو بالصور
أرز الريزو
نجيب معلقة زبدة ومعلقتين سكر نحطهم ع النار لغاية ما السكر يكرمل
بس اوعو يتحرق وتكونو مجهزين البصل متقطع وجاهز وفى ايديكو عشان السكر بيتحرق بسرعه اول ما السكر يبقى دهبى ننزل بالبصل ع طوووووول
نشوح البصل وننزل عليه بالشوربة كوبايتين شوربة فراخ فيها قطع صدور فراح ونحط بقا توابلنا اللى هى ملح فلفل نص معلقة كارى معلقة بهارات حارة
وبعدين ننزل بالرز ونخلى النار زى الشمعة هاديه خاااااااالص
ونقفل ونسيبه ونروح نجهز الصوص اللى بيكون فوق الريزو ودا سهل خالص وطعمه احلى من كنتاكى كمان
هنجيب صويا صوص حلوة ( حلوة مش صويا صوص عادية ) كاتشب هوت صوص
هنحط نص الكميه صويا حلوة وربعها كاتشب والربع هوت صوص يعنى 4 معالق صويا حلوة و معلقتين كاتشب ومعلقتين هوت صوص
هنجيب الامورة دى بتاعت الكاتشب اصلى معرفش اسمها هههههههههه
هنحط فيها الكمية اللى حضرناها ونرجها كويس
كدا بقى الرز استوى وبقى مفلفل وجميل
نغرفه بقى ونحط عليه الصوص من فوق وادى الشكل النهائى
طريقة أخرى
طريقه عمل ارز ريزو بخلطه الصوص السريه
المكونات:
ملعقه سكر و بصله مبشوره ناعم
صدور فراخ بانيه جاهزه
كوب ارز و ده طبعا حسب الرغبه كل مقدار ارز بياخد معيار كوب ماء
البهارات ( ملعقه صغيره قرفه ناعمه، ملح حسب الرغبه)
مقادير الصوص ( اشترى من السوبر ماركت زجاجه صوص باربيكو
فى البيت حضرى صوص الطماطم الحار احضرى فلفل احمر شطه و افرميه و حطيها فى الفريزر )
طريقه عمل ارز الريزو:
1- نحضر الحله و نضع فيها ملعقه زيت و نضع البصل مع السكر و نضعها على النار و نتركها الى ان تتتحمر البصله و السكر يتكرمل 2- نضع مقدار الرز الكميه حسب الرغبه طبعا و نتركه يغلى و نخفض النار على الهادى و نتركه يستوى.
3- بتجيبى صدور الفراخ و تعمليها فى البيض و اللبن الرايب و بعد كده فى الدقيق و البقسماط و تقليها فى الزيت او ممكن انك تشترى من السوبر ماركت شرائح ستربس الدجاج جاهزه حسب رغبتك.
4- بعد ما نقلى الفراخ نقطها مكعبات
طريقه تحضير الصوص:
نحضر طاسه صغيره ثم نضع بها ملعقه زيت صغيره ثم نضع فيها معلقه كبيره من صوص الباربكيو و معلقه من الفلفل الاحمر المفروم و ملعقه صغيره شطه و نصف كوب ماء و نصف ملعقه صغيره قرفه ناعمه و نتركه على النار يتقل شويه
بعد كده احضرى طبق و نقوم بتطبيق المقادير على بعض الاول الارز ثم قطع الدجاج ثم الصوص
منقووووووووووووووول
