ترفيهمسلسل خلف هذه الجدران

مسلسل خلف هذه الجدران الحلقة السابعة والثلاثون (الجزء الرابع)

 

الحلقــــ(37) ــــة ” من مسلسل “خلف هذه الجدران ” (الجزء الرابع)

**********
**********

ترررررررررررررررررررررررررررررررن تررررررررررررررررررررررررررررررررررررررررررررررررررررررررررررررررن

السلام عليكم

عليكم السلام ورحمة الله وبركاته يا حاااااجة ههههه انا بهيرة

بهيرة هههه ازيك يا بنتي

الحمدلله يا حاجة ,وحشاني والله ووحشتني قعدتك الحلوة , انزلي يا حاجة بالله عليكِ اقعدي معايا انا واشجااااان

ههه معلش يا حبيبتي , خليها مرة تانية

والله ابدااااااا بالله عليكِ انزلي اشربي معانا الشاي وخلينا نتونس بيكِ دانتِ وحشانا يا حااااااجة , هقوم احط الشاي ع النار اهو على ما تنزلي

ههههه وبعدين معاكِ يا بهيرة ! حاضر يا ستي , عشان خاطرك وخاطر اشجان هنزل

ربنا ما يحرمناش منك يا حاجة يااااااارب هههههه

*
*
*

شوفي الشاي كدة يا حاجة يكون ناقص سكر ولا حاجة ؟

شكرا يا بهيرة , الشاي مظبوط تسلم ايدك هههه

نورتينا والله يا حاجة ام عصام هههه

ههه شكرا يا بهيرة , ازيك يا اشجان وازي رحمة ههه

الحمدلله يا حاجة , مجنناني وربناااااا ما بتسمعش الكلام ولا عارفة ناخدوا معاها حق ولا باااااطل وابوها مشجعها , ما بيقولهاش على حاجة لا ابداااااا

لالالا ما ينفعش طبعا , مش كل حاجة الطفل يعوزها نورفرهاله وإلا كدة يبقى بنفسد تربيته

تقولي لمين يا حاجة ! اني غُلُبت مع عااااااادل وفي الآخر قولتله انت حر في بنتككككك

ههه لالالالا ما ينفعش تكوني سلبية يا اشجان , حاولي من ناحيتك تكسبي البنت وتصاحبيها عشان تسمع الكلام

ربنا يهديها يا حاجة

آمين يارب

وانت ازيك يا حاجة وازي حضرة الظابط ودكتور عصام والاستاذ هاني وولادهم ؟

كويسين يا بهيرة , اخت منال مرات ماجد في المستشفى وروحت زورتها من كام يوم

ليه بعد الشر مالهاااااااا ؟

اصل البنت مريضة بالقلب وكان عندها شوية مشاكل

لا حول ولا قوة الا بالله , وهي عاملة ايه دلوقتي يا حاجة

احسن كتير يا بهيرة بفضل الله , الدكتور كتبلها على خروج بكرة

ربنا يشفيها ويعافيها

الله يشفيها يا حاجة , داني بنحبوا مدام منال اوي وربنا , واكيد اختها سكرة زيها كدة

ههه ربنا يكرمك يارب يا اشجان , فعلا رانيا طيبة كمان

بصراحة يا حاجة ما تزعليش مني , مدام منال احسن واحدة في ستات ولادك

هههه ده حقيقي يا بهيرة , منال دي بنتي زيكو بالظبط

انا يا حاجة كنت عايزاكِ تشدي اشجان من ودنها وتقوليلها عيييييييب

ههههه ليه بس كدة ! عملتي ايه يا اشجان

هههه واني هنعملوا ايه بس يا حاجة ! داني غلبانة وربنا

اصلها يا حاجة مش مقتنعة ان الأغاني حرام , مش عايزة تبطل تسمع اغاني ابداااااا

الله المستعان , طيب يا اشجان انا هحكيلك على حاجة , لما كنت صغيرة كانت ماما بتسمع اغاني ومش محرماها , رغم ان ماما كانت بتصلي ومحافظة على الصلاة , وفي مرة من المرات كان والدي مسافر فأخدنا ودانا عند جدتي انا وماما واختي الصغيرة , وكانت جدتي بالليل قبل ما تنام متعودة تشغل سورة من القرآن وتسمعها وبعدها تنام , اليوم ده روحت العب في اوضة جدتي ,لقيتها قاعدة على الكرسي ومغمضة عنيها وبتستمع لآيات القرآن الكريم في سكينة وعلى وشها علامات الإرتياح والهدوء النفسي ,وقتها سمعت الآية الكريمة دي

اعوذ بالله من الشيطان الرجيم

بسم الله الرحمن الرحيم

يَا أَيُّهَا الَّذِينَ آمَنُواْ إِنَّمَا الْخَمْرُ وَالْمَيْسِرُ وَالأَنصَابُ وَالأَزْلاَمُ رِجْسٌ مِّنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ
إِنَّمَا يُرِيدُ الشَّيْطَانُ أَن يُوقِعَ بَيْنَكُمُ الْعَدَاوَةَ وَالْبَغْضَاء فِي الْخَمْرِ وَالْمَيْسِرِ وَيَصُدَّكُمْ عَن ذِكْرِ اللّهِ وَعَنِ الصَّلاَةِ فَهَلْ أَنتُم مُّنتَهُونَ
وَأَطِيعُواْ اللّهَ وَأَطِيعُواْ الرَّسُولَ وَاحْذَرُواْ فَإِن تَوَلَّيْتُمْ فَاعْلَمُواْ أَنَّمَا عَلَى رَسُولِنَا الْبَلاَغُ الْمُبِينُ

بعد شوية خرجت من اوضة جدتي وهي ما حستش بدخولي او بخروجي لانها كانت في عالم روحاني جميل

روحت لماما في اوضتها لقيتها بتسمع اغنية لمطربة قديمة وقاعدة جنب الفونغراف منسجمة اوي وبتهز رجليها هزات خفيفة مع انغام الاغنية ومبتسمة , كانت كلمات الاغنية بتقول

ليالي الأنس في فيينا نسيمها من هوا الجنّة
نغم في الجوّ له رنّة سمعها الطير بكى وغنّى
ما بين رنين الكاس ورنّة الألحان
أدي القوام ميّاس تعاطف الأغصان

تمّ النعيم للروح والعين ما تخلّي قلبك يتهنّى
آدي الحبايب عالجنبين إيهِ اللي فاضل ع الجنّة

متّع شبابك في فيينا دي فيينا روضة من الجنّة
نغم في الجوّ له رنّة سمعها الطير بكى وغنّى

ساعة هنا لو تفضالك تنسى معاها الكون كلّه
إيه اللي رايح يبقالك من النعيم ده غير ظلّه
خيال ساري مع الأوهام وطيف جاري مع الأحلام
وليه تصبر على الأيام تفوت من غير ما تتكلّم

دي ليلة الأنس في فيينا نسيمها من هوا الجنّة
نغم في الجوّ له رنّة سمعها الطير بكى وغنّى

امرح واطرب
افرح واشرب
ابعث قلبك يسبح ويطير
في الدنيا ديي يلقي له سمير
تهنا بقربه، وتسعد بهواه
واتهنّي شبابك والقلب معاه
دي فيينا روضة من الجنة يسعد لياليكي يا فيينا
نغم في الجوّ له رنّة سمع لها الطير بكى وغنّى

*

حسيت ان الكلمات فظيعة اوي وكلها كفر وحبيت اتأكد من بعض معانيها , حطيت ايدي على كتف ماما عشان الفت انتباها وقولتيلها يعني ايه رنين الكاس يا ماما ؟

سكتت شوية وكأنها اندهشت من سؤالي او استشعرت الحرج , لكن جاوبتني وقالتلي يعني كاس الخمر وشرب الخمر يا أمينة , وادرات وشها عني ورجعت تسمع في انسجام , انا خرجت وقعدت في الهول لوحدي , استرجعت الآية العظيمة اللي سمعتها في اوضة جدتي , ولقيت ان الآية بتنهى عن شرب الخمور , يعني ده أمر الهي من رب السموات والأرض الخالق الأعظم للكون واللي له الحق وحده في أمرنا بكل طاعة ونهينا عن كل معصية

واكتشفت ان المطربة بتدعوا من خلال اغنيتها للفسق والفجور بشكل صريح , بتقول اسهر واشرب , معنى كلامها اعصي ربك يا أيها المأمور بالطاعة , أأتي كل ما حرم وهتشعر انك في الجنة , اعوذ بالله ! عن أي جنة تتحدث هذه المطربة ! دي بتدعوا للهاوية والخلود في النار , هل حد فينا له طاقة على تحمل عذاب الله !!!!!

عايزاكو تتأملوا الآية وتتدبروها هتلاقوا ان المولى عز وجل بيحذرنا من الوقوع في حبائل الشيطان , فالله سبحانه وتعالى يذكرنا ان الشيطان يضلنا عن طريق الخمر والميسر وكل الموبقات ويريد ان يصدنا عن ذكر الله والصلاة , (فهل انتم منتهون ) ؟؟؟ ياااااااااااااه شوفوا قد ايه ربنا رحيم ويريد ان يأخذ بإيدي من آمن به إليه ويشفق عليهم من اتباع الشيطان والبعد عن الذكر والصلاة , اللهم خذ بأيدينا أخذ الكرام عليك يا أرحم الراحمين

تعالوا نضع ايدينا على كل مواطن الدعوة للفجور وكأن الفجور والفسق وشرب الخمور وحالة السعادة المزيفة هي دي الفوز العظيم عند اهل الفسق واللي عايزين يدعوا الناس لطريقهم المظلم ويزينوا هذه الأمور بكلمات منمقة ليصدوا الناس عن الطريق المستقيم والطاعة , جزئية في الغنوة بتقول ( تم النعيم للروح والعين )

والعياذ بالله !! أي نعيم الذي يتحدثون عن تمامه !!!!!!!!! أعندما تذهب الخمر بالعقول ويطرب الإنسان من كلام ماجن من افواه ماجنة وتتحرك كل غرائزه للشهوة المحرمة والزنا , بل والوقوع فيه وإتيانه , هكذا يكون قد تم النعيم للروح ! تبا لدعواكم النجسة , انما الروح لا يتم نعيمها إلا بإتيان كل ما يرضي الله ومن ثم يكون جزائها جنة عرضها السماوات والأرض بها النعيم يتم للروح وتقر العين

فالخمر يذهب عقل السيد الفطن

يغدو بين المجالس اخرق القوم

والشهوة إن وضعت بغير حِلٍ

غدا صاحبها للأنعام ينتسب

ومن يطربه عزف شيطان

اغلق قلبه عن لذة الذكر

أنعم برحمن لم يأمر الخلقِ إلا بعليانٍ

ولم ينههم إلا عن كل عيبٍ ومنقصة

أرقصٌ وهذيان وطربٌ وقينات وبعدها نارٌ مسعرة

ام إيتاء حليلة وحياة طاعات تتبعها جنة الخلد

يا ذوي الألباب انتبهوا وأعيروني بعض مسامعكم

انها ساعات معدودة فلا تقضوها في العطن

ولا تتركوا نعيم الخلد وقصورا مشيدة

سعيا وراء نعيم لحظات مزيفة وبيوتِ مآلها إلى الهدد

*

انتو نمتوا ولا ايه ؟ هههه

ابدا يا حاجة ,مستمتعين بكلامك اوي ومش عايزين نقاطعك , باين اشجان هي اللي نامت

ههه لالالالا اني بنسمع من الحاجة , يعني كل الاغاني بتدعوا للكفر والعصيان يا حاجة ؟

ما قولتش ان كلها بتدعوا دعوات صريحة للكفر , في بعض الاغاني فيها تجاوز , زي مثلا اغنية قدرٌ احمق الخطى , هل يجوز وصف قدر الله بحمق الخطى ؟؟؟؟؟؟؟؟؟

اعوذ بالله يا حاجة , هو مين اللي بيكتب الكلام الوحش ده وليه كددددددة

مهما كانت كلمات الاغاني يا بهيرة فهي كلها تصد عن ذكر الله , وعمر ذكر الله ما يجتمع في قلب واحد مع الغناء , لا يجتمع النقيضين في مكان واحد , عشان كدة تلاحظوا ان اللي يحب القرآن يتأذى من سماع الأغاني واللي يحب الآغاني لا يحتمل حلاوة كلمات القرآن لان شيطانه مسيطر عليه وقافل قلبه عن سماعها

ايوة يا حاجة , ما هو قلبه مليان اغاني وسهر وعد نجوم ليل

ربنا يهدي الجميع يا بنتي , تأملوا كل الأغاني التي تتحدث عن الحب ونظرات العين ولمس اليدين , كلها دعوة لإيتاء ما حرم الله , لان الله سبحانه أمر بغض البصر حتى لا يتعلق القلب بالشهوات ويزل الإنسان في المعاصي , يعني كثير من الأغاني تدعوا إلى ما حرم الله , ولو كان لابد من الغناء , ففي شروط عشان يكون حلال

شروط ايه يا حاجة ؟

هقولك يا اشجان هه , اولا لازم يكون الكلام مافيهوش معاصي , ثانيا من غير معازف, ثالثا لا تغني المرأة أمام الرجال فيفتنون بها حتى وإن كانت تغني غناءا لا يشوب كلماته عيب , لان صوتها لوحده قادر انه يفتن الرجال وتتعلق ابصارهم وقلوبهم بها

وكمان الرجال لا يغنون أمام النساء حتى لا تحدث الفتن

هي فتن بعقل يا حاااااااجة !ما احنا بنشوف البنات لما بيسمعوا المطربين الرجالة بيغنوا بيحصلهم ايه وبيعملوا اييييه

ربنا يهديهم يا بهيرة يا بنتي , امي بعد ما راجعت نفسها عرفت ان سماع الاغاني ما هو الا لهو وضياع وقت في معصية للخالق , حتى لو كان الكلام ما فيهوش دعوة للفجور بشكل صريح , فيكفي انه خالي من ذكر الله وهو الحبيب الأعظم , يا من تقضي الليل متغزلا في حبيب يهلك ويفنى , فخص الله بحبك لتحظى بحبه ونعيم يتدخر لك في الآخرة ولا يفنى , ياااااااااااااااااا الله , ما اجمل الرجوع اليك والسجود بين يديك , وسلاما على دنيا فنحن الراحلون عنها فلنملأ رحالنا بذكر الله وصالح الأعمال والتقوى

*
*

يا سلام قاعدة الحاجة ام عصام ما بتشَبَعش منها يا بهيرة

المهم تكوني اتعظتي يا اختي , شوفتي لما بتقولك ان احنا هنرحل عن الدنيا ومش عايزين في رحالنا إلا ذكر الله والصلاة والتقوى ! إملي انتي ابقي الرحال بتاعك اغاني وزبالة وشيلي على كتفك يا اشجاااااااان

هههه لالالا ان شاء الله مش هنسمعوها تاااااااااااني

يارب يا اشجان ياااااااارب , الدنيا قصيرة اوي يا اختي , مش معقول نيجي نقعد فيها كام سنة نبهدل الدنيا وما نخليش بلوى الا لما نعملها وفي الآخر كل ده متسجل علينا وما حدش هيشسيل عننا بلاوينا يا اشجااااااااان

طب ونعملوا ايه في المعاصي اللي فاتت

اتوبي واستغفري يا اشجان

استغفر الله العظيم من كل ذنب عظيم

يا حبيبتي انتِ لسة هتقعدي تستغفري عندي ! قومي استغفري في شقتك واشوفك بكرة بقى يا اختي

هههه ماشي يا بهيرة , هنبعتولك عياااااااالك

اخص عليكِ يا اشجان , انتي هتطردي عياااااااالي ؟

ايّوووووه ما انتِ لسة طارداني يا بهيرررة !

اوعي تكوني زعلتي يا اختي هههه

انا ما نزعلوش منك يا بهيرة , اني كنت هنقوم وربنا عشان نشوفوا اللي ورايا

ايوة كدة انتي اختي وانا اختك وما فيش بينا زعل يا اختي

ربنا يديم المعروف يا بهيرة يا حبيبتي , ما نشوفوش وشك بكرة , إياك تيجي عندددددي

اخص عليكِ يا اشجاااااااااان , كدة برضو ؟

ههههه احنا مش قولنا ما نزعلش من بعض ! هههه بس اني ما نقصدش وربنا , بكرة عادل جاي ان شاء الله ,

هههه ايوة ايوة , بكرة الخميس بكرة , سلام يا اختي واشوفك يوم السبت لما عريسك يمشي

هههه ان شاء الله , سلام يا حبيبتي

الله يسلمك يا اختي

*
*
*
*

تررررررررررررررررررررررررررررررررن تررررررررررررررررررررررررررررررررررررررررررررررررررررررررررررن

افتحي الباب يا بت يا بدوررررررر

حاضر , ايّووووووه , الواحد مش هنطبخوا ولا نشوفوا اللي ورانا بقىىىىىى , ايوة يللي ع الباااااااب

ايه ده ! عسكرررررري ! خيرررررر

دي شقة سامي مرشدي ؟

ايوة هي , هو سي سامي عمل ايه ؟؟؟؟؟؟؟

هو موجوووووود ؟؟؟؟؟؟

ايوة نااااااااايم

صحيه خليه يجي يكلمنيييييييي

حاضر , لحظة واحدة , استر يارب

*

مين يا بت يا بدور ؟

ده عسكري عايز سي سااااااااااامي

ايه ! عسكري عايز سامي !!!!!!! طب اني هنروح نصحيه , ادخلي انتِ شوفي الطبيخ اللي وراكِ

طبيخ ايه بس ! مش نشوفوا العسكري عايز ايه !

*

ساااااااااامي اصحي يا ساااااااااااااامي , اصحىىىىىىىىىىىىىىىىىىىىىىىىى

ايه يا اوساااااااااا , ايّوووووووووووووه ما نعرفوش نناموا في البيت ده شووووووووية

هو انت وراك شغلانة من ساعة ما قعدت في البيت إلا النوم ليل ونهاااااااار !

انتِ بتعايريني اكمني عواطلي يا اوسااااااااا ! بكرة اصطلح مع ابويا ونرجعوا الشغل ونترحموا من كلامك اللي يسد النفسسسسسسس

طب قوم شوف مين اللي عايززززززك

هيكون مين يختي , المحافظ ولا مدير الأمن !

لا , واحد عسكري

عسكرررررررررري ! ليييييييييييييه ؟ اني عملت اييييييييه

واني مالي انييييي , قوم شووووووووفه

هو قالك عايز سامي ؟؟؟؟؟؟؟؟

ايوة قااااااااال , قال عايز سامي مرشدي

وكمان عارف اسم ابويااااااااا ! يبقى جاي وقاصدني اني بقى

اومال يعني قاصد الجيران ! قوم يا سامي العسكري بقاله يامَا مستنيككككككك

*
*

ايوة يا جناب العسكري باشاااااااااا

انت سامي مرشدي

ايوة , أي خدمة يا حكومة

سعادة البيه الظابط عايزك

عايزنيييييييييي , عايزني ليييييييييه ! اني ما عملتش حاااااااااااجة , اني من القهوة للبيت ومن البيت للقهووووووووة , راجل عواطلي وعايش في حااااااااااااالي

مش الشقة بتاعتكو دي اتسرقت من فترة

ايووووووووة , بقالنا يامَا مسروقيييييييين , مَسَكتوا الحرااااااااامي ؟

ايوة , البيه الظابط عايزك تيجي عشان كدة , هو مستنيك كمان ساعة في القسم , اوعى تتأخررررررر

هههههههههه من عنيا يا حكوووووووومة , زغرتي يا اوساااااااااا مسكوا الحرامي يا اوساااااااااااااا هههههههه

صحيح يا ساااااااااااااااامي ؟؟؟؟؟؟؟؟ ههههههههه

أيّووووووه هههههه ايوة لسة جناب العسكري باشا قايلي ههههههههههه

بت يا بدوررررررر زغرتي يا بتتتتتتتتتتت

ههههه في ايه يا ست اوسااااااااا

ههههههه مَسَكوا الحرامي يا بتتتتتتت مَسَكوا الحرااااااااااامي , صيغتي حبيبتي هترجعلي ياااااااااابت

ايّووووووووووووووووه هههههههه لولولييييييييييييييييييييييييييييي الف مبروك يا ست اوساااااااااا , فرحتلك وربناااااااااا

هههههه تعيشي يا بت , والله لنجيبولك حاجة حلوة , اللي انتي تطلبيه هنجيبوهولكككككككك

هههه اني مش عايزة حاجة يا ست اوسا , الف مبروك على رجوع الصيغة ههههههه

هههههههههههه الله يبارك فيكِ , يلا يا سامي عشان نروحوا نجيبوا صيغتي وفلوووووووووسي , الشنطة السمسونيت وحشتنييييييييي هههههههههه

ههههههههههه ربنا يعترنا فيها يا اوساااااااااااااااااا , يا سلاااااااااااااااااام , على رأي المثل اللي بيتقال لما الواحد يلاقي حاجة ضايعة منه , ما محبة إلا بعد عداوة يا اوسا

ما محبة إلا بعد عداوة ايه ! هو احنا كنا متعاركين واصطلحنا !!!!!! اسمها المال الحلال ما يضيعش

ههههههههههه وانتِ مالك حلال في حلال يا اوسا يا بنت الحلااااااااااال

ههههههه حلوة يا ولا , يلا يا سامي نلبس , اني ما صدقت نسمعوا الخبر الحلو ددددددده ههههههه جيالك يا شنطة يا سمسونيت يللي مليانة خيررررررررر ههههههههههههههههههههههههههه

*
*

يا حضرة الظابط , الاستاذ سامي والمدام بتاعته واقفين برا

خليهم يتفضلوا

اتفضلواااااااااا

ههههه يزيد فضلك يا أمير الأمرااااااا , خشي برجلك اليمين يا اوسا , صباح الفل يا باشاااااااا

صباح النور , انت السيد سامي مرشدي

ايوة , ودي السيدة اوسا حرمي

اوسا مين ! اللي اعرفه ان اللي اتسرقت اسمها اسماء عادل سليم

هي يا باشاااااااا هي وربنا , بس ولامؤاخذة بندلعوها نقولولها يا اوساااااااااا

دلعها في بيتكو يا خوياااااااااااااا , هنا مافيش دلععععععععععع

اني اسف يا باشاااااااااا , اتفضلي يا سيدة اسماء يا بنت السيد عادل سليم يا حرمنا المصون

انتِ السيدة اسماء عادل سليم

ايوة يا فندم , صحيح مَسَكتوا الحراااااااااامي ؟؟؟؟؟؟

ايوة , هي دي شنطتك ؟

ايوة يا فندمممممممممم هي ههههههههه

طب اتفضلي خديها

هههههه ربنا يخليك هههههه , ممكن نفتحوها ؟

اتفضلي افتحيها

متشكرة اوووووووي ههههههه ايّووووووووووه اني مش مصدقة روووووووحي , ايّووووووووه فلوسي رجعتل……….. ايه دددددددددده ! دي الشنطة فااااااااااااااضية !

ايوة , للأسف قبضنا على الحرامي بعد ما صرف الفلوس

اييييييييييييييييه ! صرف الفلوس كلهاااااااااااااااااااااااا!!!!!!! الحق يا ساااااااااامي

ألحق اعمل ايه ! انتِ اللي وشك فقري

طب والصيغة يا فندممممممممممم ؟؟؟؟؟؟

الحرامي باع كل المصوغات وحط تمنها على الخمسين الف جنيي ودفعهم في اثار متهربة وتم القبض عليه من قبل شرطة الاثار

ايييييييييييييييه ! يعني فلوسي وصيغتي راحوا عليا خاااااااااااااالص !

ايوة , للأسف , حظك الوحش انهم اتحطوا في صفقة مشبوهة وتم القبض على اكل افراد العصابة

اهئ اهئئئئئئئئئئئئئئ افراد عصابة ايه بس ! اني ذنبي اييييييييييه

ما تزعليش نفسك يا اوسااااااااا , المهم ان الشنطة السمسونيت رجعتتتتتتتتتتتتتت

 


**********
**********

حمدالله ع السلامة يا سي سامي , اهلا يا ست اوسااااا هههه مبروك عليكِ الشنطة اللي رَجَعت
اهئ اهئئئئئئ رجعت ! يا ريتها ما كانت رَجَعت ولا اتفجعت الفجعة ددددددي , اوعي من وشييييييييي

اااااه حاسبي يا ست اوسا خلعتي كتفي , هو ايه اللي حصل يا سي سامي , هي لَقَت الفلوس ناقصصصصصة ؟

لا , ما لقتهاش خاااااااالص , شوفتي الحرامي الندددددددل , يقضي على خمسين الف جنيي غير الصيغغغغغغغة ! ايه ددددددده ! وربنا اني لو قاضي نعدموه تلات مراااااااااااااات

ايّوووووووووووه هو صرف الفلوس دي كلهااااااا !

ايوة يختي

بس دي فلوس يامَا اووووي , هو اشترى بيهم اييييييه ؟

اشترى بيهم اثارات متهربة والحكومة مَسَكته

ايّووووووه ع البخت , ليها حق تزعل وتتقهر الست اوسا

بكرة ابوها يعوضها يختي

مممم صحيح , على قولك , عيني ع اللي مالوش حد في الدنيا يعوضه

هههه اني كلي ليك يا جمييييييييييل

ساااااااااااااااااااااااامي

يا امّااا !!!!!! وربنا الحرمة دي صوتها بيفجعني , ايوة يا اوسااااااا جايلك يا غزال الفلاااااااا

اجري يا خويا اجري , عيني على بختي , استغفر الله العظيم يارب

*
*

بتتصلي بمين يا اوسا ؟

بنتصلوا بماما عشان نقولولها ع الخيبة اللي اني فيهااااااا

خليها تقول لابووووووكِ , مش معقول ابوكِ يسكت ويعمل ما يعرفنااااااااش , اومال بيقولوا الدم ما يبقاش مية اززززززاي , واحد غير ابوكِ وعلى قلبه الفلوس دي كلها كان واجب عليه يعوض بنته وجوز بنته عن الفلوس اللي اتسرقت ددددددي , كلمي ابوكِ وما يهمكيش يا اوساااااا , طالبي بحقوقك يا ماي هاااااارت

يا خويا اتشطر على ابوك انت اللي طردك من المحل ومش عايز يعبررررررك

ايوة صحيح يا اوسا , اني مش عارف اني وانتِ حظنا وحش مع ابهاتنا ليييييه ! مع اننا طيبين ونتحطوا ع الجرح يولّع هههههههه الشيّ يا بدوررررر

حاضر يا سي سااااااااامي

*
*
*
*
*

رانيااااااااا هههههه بنتي حبيبتييييييييييي

باباااااااااااااااا ههههههه وحشتني يا حبيبي امووووووه امووووووووووه

الحمدلله يا بنتي اني شوفتك قدامي بخير الحمدلله ههههههه

هههه الحمدلله يا بابا

اظن بقيتي كويسة بقى يا مغلبانا انتِ وتسيبني ارجع شغلي في الغردقة ههههه ولادي ومراتي وحشوووووووني

ههههههه ربنا ما يحرمنيش منك يا عمر يا اخويا يا حبيبي , اسفة اني اخدتك من زينب والولاد

لالالا ما تقوليش كدة يا رانيا , انتِ عارفة اني بهزر معاكِ يا حبيبتي امووووووه حمدالله ع السلامة , نورتي البيت يا قمر

ههه ربنا يخليك يا عمر , ابلة منولة حبيبتي ههه متشكرة اوي

متشكرة على ايه يا بنت !

كل اللي عملتيه عشاني ده وبتقوليلي متشكرة على ايه ! سيبتي بيتك وولادك وقعدتي معايا في المستسفى اكتر من عشر ايام يا ابلة امووووووه عمري ما حسيت اني فقدت ماما بوجودك جنبي يا ابلة منولة

ههه يا بكاشة انتِ يا بتاعة الكلام الحلو امووووووه حمدالله ع السلامة يا حبيبتي

ههه الله يسلمك يا أبلة , حقيقي انتو اجمل اخوات في الدنيا , ربنا ما يحرمنيش منكو يااااااارب

ههه امين يا حبيبتي , روحي ارتاحي بقى عشان ادخل اعمل الغدا

حاضر يا ابلة , بابا حبيبي اموووووه ههههه وحشتنييييييييي

ههههه يا حبيبتي يا رانيا , ألف حمدالله ع السلامة يا حبيبتي

*
*
*

مساء الخير يا سعاد

مساء النور يا عادل , مش لقوا الحرامي اللي سرق شقة اوسا

صحيح ! ولقوا الفلوس والصيغة ؟؟؟؟؟

لا فلوس ولا صيغغغغغغة , كلهم راحوا , اتاريه طَلَع تاجر اثار وحطهم في اثار مسروقة والحكومة مَسَكته والفلوس راحت ع البت

لا حول ولا قوة إلا بالله , معلش , ربنا يعوض عليها

يعوض عليها منين اذا كان ابوها مش عايز يديها العوض

ايّوووووووووووه بصي يا سعاد اني مش مقصر مع بنتي , لكن كلام في صيغة وفلوس لااااااا , لما نموتوا ابقي وزعي فلوسي على عيالك قبل ما تدفنيني يا سعااااااااااااد

ايّووووه بعد الشر عليك يا عاااااااادل , انت هتشيل في نفسك مني عشان خاطر اوساااااا !

انتِ اللي فتحتي السيرة , اني جاي من برا عايز نرتاااااااح , مش اول ما تشوفي وشي تقولي البت وعوض البت

خلاص , بلا بت بلا ولا , ههه اتعشيت ؟

ههههه لا

هههههههه نجيبولك تتعشا ؟

هتاكلي معايا ؟

هههه مع اني شبعانة لكن مااااااشي , هنتعشوا معاك , شوقية مَشَت , هننزلوا نحضروا العشا اني

هههه ماشي يا سعاد , الله يهديكِ عليا

هههه ويهديك يا ابن زبيدة

*
*
*

مساء الخير يا وردتي ههههه

سا الفل يا سي براهيم هههه نورت بيتك ومطرحك

تعيشي يا وردة يا ام لسان بينقط عسل

ههه يخليك لييي

تررررررررررررررررررررررررررررررررن تررررررررررررررررررررررررررررررررررررن

استنى اما نردوا ع التليفون

الووووووو

……………………..……………………..….

الووووووووووووووووووووووووو

……………………..……………………..…….

رد يا حيوااااااااااااااااان

تيت تيت تييييييييييييييييييت

اووووووووووف قفل السكككككككككككككككة

برضو معاكسة يا سي براهيم ؟؟؟؟؟؟؟؟

ايوة يا وردة , مش عارف ايه حكاية الناس اللي بيتصلوا وما يردوش دوووووووول

عالم فاضيي , تعالى كلك لقمة اصلب طوووووولك

ماشي يا وردة , هندخلوا نغيروا هدومي ونجولك

*
*

اقعد يا خويي كل بالهنا والشفيي

تسلمي يا وردة , هي البت مهجة نامت برضو ! هو اني مافيش مرة نيجي نلاقوها صاحية البت دي ؟؟؟؟؟؟

ههههه اصلها طول النهار متشعلقة فيي وورايا منين ما اروووووح , يجي عليها العشيي تبقى زي الفرخة الدايخيي والنوم يكيس عليهيي

هههه البت متعلقة بيكِ يامَا , اول لما تقومي بالسلامة واخوها يشرف هتعمل ايه البت دي !!!!!

هههههه هتغير منه وكله يجي على دماااااااااغي

فين المية يا وردة

يا خبتي ! هو اني نسيت اجيبهي ! هروح اجيب المية واجي يا سي براهيم

ماشي يا وردة

ترررررررررررررررررررررررررررررررررررررررن تررررررررررررررررررررررررررررررررررن

ايّوووووووووووه تليفون تاااااااااااني

خليك قاعد , والله ما انت قايم ولا سايب اللقمة اللي في ايدككككككك , اني هرد , الووو

هههههه ازيك يا قمر

اييييييه , انت مييييييييين

اني واحد بيحبك من قلبه يا ست الحسن , دانتِ حلوة اوووووي اوي

يا حومتي , اما اقفل السكيي

مين يا وردة

هااااا , طب أقول ايه ! أأأأأ ولا حاجي , مافيش حد يا سي هيمي

بس اني شوفتك بتتكلمييييييييي

إيوا إيوا , النمرة غلط يا خويي , كل , كل يا سي هيمي

هي ايه الحكاية !!!!! مش غريبة دي يا وردة ان اني لما نرد السكة تتقفل في وشي ولما انتِ تردي تلاقي اللي يرد عليكِ !!!!!

لا غريبة ولا حااااااااجي , قولتلك عالم فاضيي , ربنا يكفينا شرهم يارب , كل يا خويي , دوق الحمام المحشي فريك دي , عمايل ايديي يا سي هيمي ههه

ممممم هاتي

هو بيبصلي كدة ليه ! توووء اني ما رضيتش اقوله ان اللي رد عليا راجل قليل رباييي عشان مايشيلش الهم وياخد على خاطره لما يعرف ان حد بيهتك ستر بيته ويعاكس مراته تووووء مش عارفة اني غلطت ولا ايه ! تووووووء , ربنا يستر بقى

 


**********
**********

لك يا سامي سرحان في ايه ؟؟؟؟؟

سرحان في المحل يا اوسااااااا , عايز نعرف ايه اللي بيحصل هناااااك

تلاقي السرقة والنهب شغال عيني عينككككك , وتلاقي اخواتك العقارب الشمتانين فينا عمالين يهبشوا ويملوا جيوبهمممممم

ما هو ده اللي اني خايف منه يا اوساااااا , عايز نعرف ايه اللي بيحصل من وراياااااااا , هنموتواااااااااا

طب ما تتصل بالولا حمو يقولك

نتصلوا بيه ازاااااااي , كل اللي في المحل عارفين صوتي واني عايز الولا في الخباثة من غير حد ما يدرى

طب ما تتصل بيه في البيت

ما عندوش تليفون في البيتتتتتتتتتت , عالم تخنق يا شيخخخخخخة

طب خلاص اني هنتصل نقولوا عايزة حمو وبعدين ندهولك في الخباثة برضو

يا سلاااااااام ! دول هناك حافظين صوتك اكتر ما هم حافظين صوت مدفع رمضاااااان , , هي البت بدور بتعمل ايه ؟؟؟؟؟؟؟

بتحضر الغدا جوا

طب اديها صوت خليها تيجي

وانت عايزها ليه ؟؟؟؟؟

هيكون ليه يعني , هنخلوها تتصل هي وتقول عايزة حمو , ماحدش يعرف صوتها

طب استنى , بت يا بدوووووووووور , انتِ يا بتتتتتتتتتت

ايوة يا ست اوسا بنعملوا السلاااااااااااااااطة

سيبي السلاطة يا بت وتعااااااااااااالي

ايّووووه حاضر يا ستي , حااااااااضر

نعمين

شوفي سامي عايزك ليه , قولها يا سامي

اتصلي بالمحل يا بت

محل ايه يا سي سامي

هيكون محل ايه يا بت !!!!! عندي عشرين محل ! هو احنا حيلتنا غير المحل الفقري اللي ابويا طردني منننننننه !

طب ما تتبطرش ع النعمة لتزول يا سي ساااامي , واني هنتصلوا بالمحل نقولوا ايه ؟

قولي عايزة الولا حمووووووو

طب نقولهم اني مين يعني ؟؟؟؟

قولي اني اخته , اني امه , اني جوز عمته , قولي اللي تقولييييييييييه

حاضر يا سي سامي , ما تعصبش روحك , هنتصلوا

ترررررررررررررررررررررررن ترررررررررررررررررررررررن

ايوة هنا محل الحاج مرشدي , أي خدمة ؟؟؟؟؟؟؟؟؟

ايوة يا خويا الله يسترك اديني حمو

انتِ مين ؟

اني ! اني اخته

طب لحظة واحدة , ولا يا حمووووووو , يا حموووووووووو

ايوة يا سعيددددددد

تليفووووووووون

تليفون !!!!!!! مين يا سعيددددددد

اختك

اختي ! الله يخرب بيتك يا رززززززقة , تلاقيها اتعاركت مع مراتي وبتسبق وتشتكي هي , ايّووووووووووه نخنقوها ولا نعملوا ايييييييييييه

يا حمو اخلص تعالى رد ع التليفون ولخص عشان عندنا شغغغغغغغغل

ماشي يا جناب الكوماندا الكبيررررررررر الووووووو وبعدهللك يا رزززززززززقة ما تلمي نفسك وتشيلي مراتي من نفوخكككككككككككككككك

رزقة مين يا ولاااااااااا , اني سااااااااااااااامي

الاستاذ سامي ! هي رزقة عندك ؟؟؟؟؟؟؟

وايه اللي هيجيب البلاوي دي عنددددددي ! اللي اتكلمت بدارة

طب وتكدب ليه وتقول اني اختتتتتتتته

تمويه يا ولاااااااا تمويه عشان العصابة ما يفقسوناااااش , عايز نقابلك برا يا ولااااااااا

ليه يا استاذ رزقة

اني رزقة يا ولاااااا

معلش يا استاذ سامي , اصل رمضان كان معدي من جنبي , امسحها فيا

طب حاول تستأذن كدة ساعة ولا اتنين عشان نقابلوك بعيد عن اللَبَش ده ونتكلموا براحتنا

ماشي يا استاذ سامي , نقابلوك فين ؟؟؟؟؟؟؟؟؟؟؟

في القهوة اللي في شارع خالد ابن الوليد في مياااااااامي

حاضر يا استاذ سامي , نص ساعة وتلاقيني هنااااااك

ماشي يا ولا

*
*
*

عربية الاستاذ سامي وصلت اهيه ههههه استاذ سااااااااامي اني اهوووووووو

هههههه جدع يا ولا , كنت خايف نيجي ما نلاقوكش ونقعدوا نستنوك

اني برضو نعملوها فيك !!!! هههه اني اللي نستنوك يا استاذ سامي عشان الناس مقامااااااات

يسلم فومك يا ولاااااااا , اني بنحبوك يا ولا يا حمو عشان طول عمرك عارف مقامي

الناس كلها عارفة مقامك يا كبير

معادا ابويااااااااا

معلش , سحابة صيف وتعدي

دي نوة يا ولاااااااااا نوة وخدت في وشها كل حاااااااجة

لا نوة ولا حاجة , بكرة الجو يحلو يا استاذ سامي , شيشة للأستاذ سامي يا جدع انت ومعاه اتنين شيّ

ماشي طلبات الزبوووووووووون

قولي يا ولا اخبار المحل اييييييه الدنيا ماشية ازاااااااي

المحل كويس ما تقلقش , ابوك بيجي كل يوم اخر النهار يراجع الحسابات ويمشي

ممممم ومين اللي ماسك الحسابات يا ولااااااااا

هيكون مين غير سعيددددددد

تلاقيه نازل نهب وسلب كأنه مال يهووووووووود

لالالالا سعيد بيصلي ويعرف ربنا

يعني احنا كفااااااااار !!!!!!

هو حد جاب سيرتك يا استاذ سامي ! اني بندافع عن سعيد , الظلم حرام , والله سعيد بيتعب وشايل المحل على دماغه

كسر دماااااااااااغه , خليه يخربها ويقعد على تلّهااااااااا

اتفضلوا الشيشة والشيّ يا محترمين

حطهم واتكل ع اللي خلقك , قولي يا ولا يا حمو , اجواز اخواتي ما بيجوش ؟؟؟؟؟؟

هيجوا يعملوا ايه ! بس الست احلام جت وكان معاها ابنها الصغير

جت لييييييييه

واني ايش عرفني

ابويا اداها فلوس يا ولاااااااااا ؟

باين كدة اداها , كنت شايفه بيغمزها بحاجة وهي فتحت الشنطة وضحكت وقالتله ربنا ما يحرمنيش منك يا بابا

بَو اما ياكلهااااااااااا , ما كانتش بتتجرأ تيجي في وجوووووودي , خلاص دلوقتي بقت تيجي على كيف كيفها وتنهب الي تقدر عليييييييه , تلاقيهم شمتانين فياااااااا بس هيروحوا مني فييييييييييين ! مسيري نرجع المحل ونقفلهم زي العضمة في الزوررررررر

هدي خُلقك يا استاذ سامي , دول برضو اخواتك والدم عمره ما يبقى مية

بلا مية بلا زيت انت كمااااااان , ايه ده !!!!!! مش ابراهيم هلال اللي نَزَل من العربية ده يا ولاا ؟

وريني كدة , ايوة هوووووو ههههههه

ايّوووووووووووه هو اني كل ما نروحوا حتة في اسكندرية نلاقوه في وشيييييييييي

ما انت عارف انه متجوز اربع حريم وكل حرمة في منطقة , اني سَمَعت انه واخد لحرمة من حريمه شقة في خالد ابن الوليد

ايّوووووووووووووه الواحد كَرَه شوارع اسكندرية عشان خاطرررررررره

يا استاذ سامي هو ذنبه ايه !!!!!احنا اللي جايين الشارع بتاعه مش هو اللي جاي الشارع بتاعنا

يلا نقوم ونسيبهوله يشبع بييييييييييه , عالم متنعمة ومتمرمغة في النعمة من فلوس لنسوان لعربيات لمحلاااااااااات واني حتة محل ننطرد منه ونتشرررررررررررد , طيب يا ابراهيم يا هلاااااااااال داهية تاخدك انت وعربياتك ونسوانك في ساعة وااااااااااااحدة , خد الحساب يا ولااااااااا , يلا يا حمووووووووووو

يلا يا استاذ سامي , مساء الفل يا استاذ ابراهيمممممممم

ههه اهلا يا حمووووووو اتفضل يا ساااااااااامي

متشكرين يا خويا , فوتناك بعافية يا ابن المحظوظة , العربية اللي راكبها جامدة اوي يا ولاااااااا , دي يجيلها بربع مليون جنيييييييييييييييي

طب ما انت عندك عربية يا استاذ ساااااامي , اومال اللي بيركبوا الترام زي حالاتي يعملوا ايييييييييه

اعوذ بالله من عنيكككككككككككك , انت بتحسدني يا ولاااااااااااا ؟

العفو يا استاذ سامي , اني بنؤر عليك بس

*
*
*

منور يا بابا وربنا ههههه اشرب الشيّ

من ايد ما نعدموهاش يا كاميليا يا بنتي , اومال العيال فين مش شايفهم ؟

اللي نايم واللي عنده درس , واهو كل واحد في سوقه ههه

ربنا ينجحهم يا بنتي , وفؤاد عامل ايه ؟

كويس الحمدلله , على فكرة احلام اختي جاية كمان شوية , لما عَرَفت انك هنا قالت هنخطفوا رجلي طياري كدة ونيجوا نسلموا على بابا

هه فيها الخير

تررررررررررررررررررررررررررررررررررن ترررررررررررررررررررررررررررررررررررررررررررررن

جبنا في سيرة القط جه ينط ههههه هنقوموا نفتحولها , عن اذنك يا بابا

اتفضلي يا كاميليا

*

ههههه اختي احلام حبيبتي اموووووووه

هههه ازيك يا كاميليا امووووووه

ازيك انتِ يا اختي , اتفضلي

بابا جه ؟

ايوة , بنقولولك ايه عايزين نكلمه في الموضوع اللي اتفقنا عليه

ايوة بس يمكن ما يوافقش ويهب في وشناااااا

ما اني بقى عايزاكِ تزني من ناحية واني نزنوا من ناحية واهو الزن ع الودان أمر من السحر هههه

خلاص , اني مش هنسيبوه إلا لما يوافققققققق

ايوة يا اختي , لازم يوافقققققق , اومال اني جايباكِ ليه ! مش عشان نأثروا عليه سوا !

طيب يلا يا كاميليا

*

هههه ازيك يا باباااااااا

اهلا يا احلام يا حبيبتي ههه ازيك وازي ولادك ؟

بخير يا بابا الحمدلله ههه عايزين نعزموك عندي عشان العيال نفسهم يشوفوك وربناااااا , كل شوية يقولوا عايزين جدو مرشدي , عايزين جدو مرشدييييييي , اصل عيالي بيحبوك اوي يا باباااااا

ههه صادقة يا بنتي , واني كمان بنحبوهم ونحبوا عيال كاميليا ونورهان بنت سااااااامي

مممممم بابا , اني وكاميليا اختي عايزين نكلموك في موضوع مهم

هههههه خير يا بنات كُوكببببببببب ؟؟؟؟؟؟ استر يااااااااارب


**********
**********

هههه ازيك يا باباااااااا

اهلا يا احلام يا حبيبتي ههه ازيك وازي ولادك ؟

بخير يا بابا الحمدلله ههه عايزين نعزموك عندي عشان العيال نفسهم يشوفوك وربناااااا , كل شوية يقولوا عايزين جدو مرشدي , عايزين جدو مرشدييييييي , اصل عيالي بيحبوك اوي يا باباااااا

ههه صادقة يا بنتي , واني كمان بنحبوهم ونحبوا عيال كاميليا ونورهان بنت سااااااامي

مممممم بابا , اني وكاميليا اختي عايزين نكلموك في موضوع مهم

هههههه خير يا بنات كُوكببببببببب ؟؟؟؟؟؟ استر يااااااااارب

ههههه خير يا بابا إن شاء الله , اني واحلام يعني كنا عايزين نقولولك مش كفاية كدة بقى وتصطلح مع سامي اخويا وترجعه الشغل ؟

سامي ! هو وسطكو في الصلح انتِ واختك ولا ايه ؟

لا ابدا والله , اني واحلام بقالنا يامَا ما شوفناهوش

يا بابا خلاص بقى , اكيد هو عَرَف غلطته , ما ينفعش يفضل قاعد في البيت كدة لا شغلة ولا مشغلة وهو عنده محل طويل عريض , حتى عشان خاطر بنته نورهان يا بابا

ههههههههه

ايّووووه اني قولت حاجة تضحك اني وكاميليا !

هههه نقولوا ايه , طول عمركو طيبين زي امكو ومش بتوع قرش ولا مال يا أحلام

ما حدش بيكره المال يا بابا , وزي ما نحبوا المال نحبوا اخونا ونحبوا مصلحته , اهو في الأول وفي الآخر بيدير مالنا كلنا

اسمعي يا احلام انتِ وكاميليا , سامي مش هنرجعوه المحل إلا لما يتربىىىىىىىى , وفروا كلامكو وما تتعبوش نفسكو , اني مش هنمشي غير اللي في دمااااااااغي

تووووء , على راحتك يا بابا , اني بكرة هناخدوا احلام ونروحوا نزوروه ونعملوا معاهم الواجب , مع ان كان نفسي نروحوا نبشروه بالصلح , لكن يلا بقى , ربنا يصلح ما بينكو

ههه ويديكو عل قد نيتكو يا بنات

*
*
*

هي دي الشقة يا كامليا ؟

باين هي , البواب قال الشقة اللي في وش الاسانسير , تعالي اما نرنوا الجرس

ترررررررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررن

روحي افتحي الباب يا بدوررررر

رايحة اهوووووووو

نعمين

ههه مش دي شقة سامي مرشدي ؟

ايوة , انتو مين وعايزين ايه ؟

احنا اخواته , اني كاميليا ودي اختي احلام

هههههه يا اهلا وسهلاااااااا , يا ألف مرحب يا ست كاميليا امووووووووه امووووووه , ازيك يا ست احلام اموووووووه اموووووووووه

ههههه باستك العافية يا حبيبتي

واحنا هنبوسوا اغلى منكو ! دانتو اخوات الغااااااالي , اتفضلوا في الصالون اهلا وسهلا , اهلا يا ست كاميليا , ادخلي يا ست احلام شرفتينااااااا

متشكرين ههه

ازي اجوازكو وعيالكوووووو هههه

كويسييييييين الحمدلله

هههه اتفضلوا في الصالون دي الست اوسا هتفرح اووووووي , دانتو نورتونا وربنااااااا

هههه نورك يا حبيبتي , ايّووووه البت الشغالة دي مقابلتها حلوة اوي يا احلام

أي والله يا كاميليا , وحلوة وزي القمر , شكلها ما يديش شغالة ابداااااا

تلاقيها يا عيني ما عندهاش حد يعولها وظروفها وحشة يا احلام

يامَا الدنيا مليانة مآسي يا كامليا , ربنا يكفينا شر بلاوي الدنيا آمين يا رب

*
*

ست اوساااااااااااا هههههه قولي مين جه عندنا في الصالوووووون

مين يا بت

ناس مهمين اوووووووي

مين يختي ! سفرا ولا وزراااااا !

ههههه اهم بكتير , الست احلام والست كامليا اخوات سي ساااااااااامي

مييييييين !!!!!! ايه اللي جاب الاشكال دي هنااااااا

ايّووووه ! جايين يزوروكوا

قصدك جايين يشمتوا فينااااااا , اني خارجالهممممم

الله يهديكِ يا ست اوسا

*

ميييين ! ههههه يا اهلا يا اهلا , كاميليا واحلام مرة واحدة كدة ! يا مرحب

ههههه اهلا بيكِ يا اوسا يا مرات اخويا , اني واحلام جايين نطمنوا عليكو , سَمَعنا ان الشقة اتسرقت والحرامي ضيع الفلوس

مممممم لسة فاكرين تسألوا يا كاميليا !!!!

والله يا حبيبتي اسألي احلام كدة , احنا اللي اخرنا اننا كنا عايزين نتوسطوا في الصلح بين بابا وسامي

لا يا شيخة ! هههههه ده ايه الحنية دي كلهاااااا

ايّووووووووه مش اخونا ولازم نهتموا بيه !!!!! ولا ليكِ كلام تاني يا اوسا !

لا تاني ولا تالت , نورتي يا كاملياااااا , يا مرحب يا احلامممممممم , بت يا بدوررررررررررر

نعم يا ست اوساااااا

شوفي هوانم الانفوشي يشربوا ايييييييييه ؟ هيهيهي

هي بتتريأ علينا دي ولا ايه يا كامليا ؟

سيبك منها , احنا جايين نعملوا الواجب مع سامي , انتِ عارفة اوسا طول عمرها ما بتطيقناش

ههههه تشربي ايه يا ست احلام

أي حاجة

أي حاجة ازاي ! عندنا الساقع وعندنا السخن , اختاري يا قمر هههه

هه خلاص , هاتيلي حاجة ساقعة يا …….

بدوررر هههه اني بدور وبيدلعوني يقولولي يا بدااااااارة

ههههه وربنا انتِ عسل

هههههه وانتِ عسلين يا ست احلاااااااام

جرا ايه يا بت يا بدوررررررر !!!!! ما تشوفيهم هيشربوا ايه وتغوررررري

حاضر يا ست اوسااااااا , بنرحبوا بالضيوف , نجيبولك ايه يا ست احلام ؟

هاتي حاجة ساقعة ليا ولكاميليا

هههه عنيا ليكِ وللست كاميليااااا

اومال سامي فين يا اوسا ؟

سامي نَزَل

والبت فين عشان نشوفوهاااااا

البت نايمممممممممة , منورينننننننن

مممممم نورك يا حبيبتي , احلام , هاتي ودنك

ايوة يا كاميليا

نديها الألف جنيي اللي في الظرف ولا نستنى ندوهم لسامي ؟

اديهوملها هي وخلاص وقوليلها دول امانة واديهم لسامي

ماشي يا احلام

هما مالهم بيوشوشوا بعض كدة ! تلاقيهم بيتفقوا عليناااااا , ماهم قلوبهم سودة وضميرهم اسووووود

ههههه خدي يا اوسا الظرف ده , فيها الف جنيي , 500 مني و500 من احلام , هدية صغيرة كدة عشان نورهان

ههههههههه هاتي يا حبيبتي , فيكو الخير وربنااااااا

دول تديهم لسامي , قوليله اخواتك البنات فاكرينك ومش بينسوك ابدااااا

ههههه طبعا طبعا , هندهومله اومال ايييييه , عن اذنكو نستعجلوا بدور

روحي يا حبيبتي , كان نفسي نشوفوا البت نورهان يا كامليا , وحشتني وربنا , البت كَبَرت وما شوفنهاااااش

نعملوا ايه لأوسا يعني !!!! نقولولها صحي البت بالعافية ! هي كان اصول تصحي البت عشان عماتها يشوفوهاااا

*
*
بت يا بدوررر بتعملي ايه ؟

بنصبوا الحاجة الساقعة ,

وايه اللي انتِ مطلعاه من التلاجة دددددددده , جاتوووووووه ! هتأكليهم جاتوووووووه !!!!!!

ايّووووووه ! وفيها ايه يا ست اوساااااا ! هو احنا هيجيلنا اعز منهمممم !

شيلي يا بت الجاتوه ده في التلاااااااجة , وربنا ما يستاهلوااااااااا , كفاية المحل اللي ناهبينه وضاحكيين ع الراجل الكبير وواكلين عقله , وال ايه , اخر المتمة جايين يهزوا طولهم وجايببن الف جنيي في ظرررررف , فاكرين لما يرمولنا الفتافيت هنفرحوا ونسيبولهم المحل يبلعوووووووووه

ايّووووووه ! ليه كدة بس يا ست اوسا ! طب وربنا دول لو وحشين ما كانوا جم ولا ادوكِ جنيي واحد , دول طيبين والله وبيحبوا اخوهم وجايين يعملوا الوااااااجب

بس بس يا بت , انتِ هتعرفيهم اكتر مني ! يا بت ده شغل يهوووووود , عايزين ينيمونا في العسل , يحسسونا انهم بيحبونا وجايين يقفوا جنبنا ويرمولنا قرشيين عشان نسكتوا ع الالافات اللي بينهبوها من ورا الراجل الكبيررر و بس ده بُعدهممممممم , سامي هيرجع المحل يعني هيرجع وتبقى واحدة فيهم تطول مننا قرش واحد بعد كددددددددة , امتى ابوهم يموت ونرتاحوا من اشكالهم بقىىىىىىىىىى

……………………..……………………..….

بتبصيلي كدة ليه يا بتتتتتتتت !!!!!!

اني ! اني ما بصيتش , اني رايحة نودوا الحاجة الساقعة , ايّوووووه ده ايه الدماغ السم دي !!!! اعوذ بالله , صحيح ابو قلب اسود يشوف الدنيا كلها سووووووودة

*
*

ههههههه يا اهلا وسهلا , اتفضلوا الحاجة الساقعة , اتفضلي يا ست احلاااااام

ههه تعيشي يا حبيبتي

اتفضلي يا ست كاميليااااا

ههه متشكرة يا بدور , انتِ متجوزة يا بت ؟

هاااااا

هههه اتفجعتي كدة ليه !

هه لا ابدا , هنتفجعوا ليه ! ادعيلي ربنا ييسرلي الحال يا ست كاميليا

ربنا يرزقك بابن الحلال يا بت ويتوب عليكِ من الخدمة في البيوت , خدي يا بت العشرين جنيي دول عشانك

لالالا , مش عايزة وربنا

ايّوووووه , ما تزعلنيش منك , خدي ما تتكَسَفيش

هههه من ايد ما نعدموهاش يا ست كامليا , وربنا انتِ طيبة اوي انتِ والست احلام

من اصلك يا بدور , البت لسة ما صَحَتش ؟ هنموتوا ونشوفوها وربنا

طب وربنا لنصحوهالك ونغسلولها وشها ونلبسوها هدوم جديدة عشان خاطرك وخاطر الست احلاااااام هههه عن اذنكو

ههههه اتفضلي يا بدور , اهي اوسا جاية اهيه

ههه يا مرحب , انستوناااااا

هه متشكرين يا مرات اخويا , اشربي يا احلام

بنشربوا يا كامليا , هو رقم سامي كام يا اوسا عشان نطلبوه نقولوله اننا هنا عشان يجي

ههه مامعكيش رقم اخوكِ !!!!!!!

نعملوا ايه ! اخويا لا بيسأل ولا بيتصل , اني اخر مرة شوفته كان في المحل , بقالي يامَا ما شوفتوش

ههههه ما تشوفيش وحش يا احلام

*
*

تررررررررررررررررررررررررررررررررررررررررن ترررررررررررررررررررررررررررررررررررررررررررن

تلاقيه سامي اللي بيرن جرس الباب ده , افتحي يا بدوررررر

حاضر يا ست اوسااااااااا , تعالي يا نورهان نفتحوا الباب لبابا وبعدين تروحي تسلمي على عمااااااتك

اماتك ؟

ههه عماتك انتِ يا بت مش عماتي اني هههههههههه ال اماتك ال ههههه عسل يا نورهان وربنااااا

*

اهلا يا سي سااااااامي ههههه

ههه اهلا يا بت يا بدارة وحشتيننننننني يا حبيبتيييييي

بت بتارة وحستينيييييي بيبتيييييييييي

هههه يا خبر مش فايت , البت هتودينا في داهية يا سامي , كويس ان امها ما بتقعدش معاها , ما تقوليش يا حبيبتي قدامها , البت بقت تتكلم اسم الله عليها

هههههه ايه يا بت يا نورهااااان , هو انتِ اول ما تنطقي هتتسببي في طلاقي من امك !!!!! اموووووووه انتي حبيبتييييييييييييي

انتِ بيبتيييييييي

انا حبيبتك !!!!! يا بت اني رااااااااجل , تقولي انت حبيبي يا بابااااااا , مش تقوليلي يا حبيبتي !!!!!! انتو عندكو ضيوف ولا ايه ؟

ههههه ايوة اخواااااااتك

ايّووووووووووووووه , احلام وكاميلياااااااااا ! ايه اللي جابهم دووووووول !

لا اله الا الله , وربنا اني بنزعل من كلامك دددددده , يا اخي حن عليهم دول ولاياااااااا , دي الواحدة بتتمنى يبقى لها اخ تتسند علييييييييه , ده ايه الدنيا الوحشة دددددي

ههههه ايه يا بت ماااااالك !!!!! خلاص ما تزعليش , هندخلوا ناخدوهم بالحضن , بس ابقي هاتيلي مرهم الهرش عشان دول جربانين هههههههههههه

والله عيب عليك , الهزار مش في كدة , عندك اختين ب100 راجل وربناااااااا

هههههههه اني برضو كنت بنقول ان دول مش من صنف الحريممممم ههههههههههه اني نروحوا نسلموا على اخويا احلام واخويا كاملياااااااا ههههههههههههههههههههههههههههههههههه

يلا يا نورهان تعالي معايا عشان تسلمي على عمتك كاميليا وعمتك احلام عشان دول حبايبك ههههه

هههههه يا اهلا يا اهلا , ايه النور ددددددده , ازيك يا كاملياااااا

هههه ازيك يا ساااااامي , ليك وحشة وربنااااااااا

وانتِ كمان يا نن عين اخوكِ من برا , ازيك يا احلااااااااام

ههههه ازيك انت يا خوياااااا وحشتنييييييييي

وانتِ كمان يا نوّة حيااااااااتي , ازيكو , زلزلتوا الشقة بخطوتكو العشرة ريختار , يا الف اهلا وسهلا , تعالي يا نورااااااااا , تعالي سلمي على تيتة كاميليا وتيتة احلاااااااام

هههههه يو جاتك ايه يا سامي , بقى اني تيتة كامليا ! اني عمتوا يا بت اموووووه , الله اكبر عليكِ هههه قمر بسم الله ماشاء الله , اموووووه ده عروسة الولا مصطفىىىىىىىى

هههههه اوعي يختي اوعي , داني اللي هناخدوها لمحمد اموووه , ازيك يا حبيبتي , اني عمتوا احلاام يا حلوة انتِ اموووووووه ماشاء الله لا قوة الا بالله , البت زي البدر في ليلة تمامه , طالعة لمين دي يا اوسا

طالعة لمين يعني ايه ! مش شايافاها شبهيي وكأنها نسخة مني !

ههههه لالالا انتِ صحيح حلوة يا اوسا ما قولناش حاجة , انما البت نورهان حاجة تانية اسم الله عليها , بياض بجمال بحلاوة وتقاطيع تهبل الله اكبر هههههه امووووه ايه الحلاوة دي يا بت اخوياااااااا

على العموم بابا بيقول انها شبه جدتي زبيدة , يعني ما طَلَعتش بعيد

ايّوووووووه ايوة صحيح اني نسمع من ابويا عن جدتك زبيدة دي , حتى بيقولوا مرات ابوكِ طالعالهااااااااا

طلعت روحها البعيددددة , لا فيها ريحة الحلاوة لا هي ولا بنتها اللي اسمها رحمممممممة , اشكال تسد النفسسسسسس

هههههههه الغيرة مرة يا مرات اخويا , على العموم انتو عيلة في بعضيكو والداخل بينكو خارج , اموووه عسل يا نورهان

خدي البت دخليها جوا يا بدور خليني نقعدوا مع اخواتي عشان واحشيني هههه

ههه ماشي يا استاذ سامي , نعملولك دور شيّ يا ست كاميليا ؟

لا يا حبيبتي احنا يا دوب نمشي عشان العيال , البت الشغالة دي طيبة وغلبانة اوي يا سامي وتتحط ع الجرح يطيب , ما تشوفلها عريس ينوبك ثواب

عريسسسسسسس ! لااااااااا , اني ما عنديش شغالة تتجوزززززززز

هههههه ليه ! هو انت فاتح دير يا مقدس ؟

هههههه حلوة يا كامليا يختي , انت هترهبن الشغالة ولا ايه

ايّوووووووووووه اني ما نحبوش حد يدخل في خصوصيات بيتي يا احلاااااااام

انت حر , مع ان اني كان قدامي عريس كويس اوي ليها

وفريه يختي لحد محتاااااجه

بتقولي على مين يا كاميليا يا اختي ؟

بنقولوا على سعيد اللي شغال عند بابا في المحل , ايه رأيك يا سامي ؟

سعيد ! سعيد تااااااااااني ! يعني نروحوا نولعوا فيه عشان نريحوه من الغرام المشعلل في قلببببببببه !!!!!!!

*
*
*

ايّووووووووه اني ما صدقت ان اخواتك مَشُوا , ده ايه دددده ! زي ما يكونوا كابوسين وقاعدين على قلبي

اهم مَشُوا وريحوناااااااا , هما ماجبوش معاهم حاجة ولا ايه ؟؟؟؟؟؟؟

هاااا ! أأأأ لا , هما دول اشكال تجيب حااااااجة !!!!! داخلين ايد ورا وإيد قداااااام

ايه النتانة دي !!!!! اومال فالحين يشربوا حاجة ساقعة ويقعدوا يتضايفوا !

مش بقولك دول ما وراهومش منفعة يا سامي , دول جايين عشان يشمتوا فيناااااااا

يشمتوا فينا ليه ! جعانين ولا عريانين !!!!! ربنا يخليلنا ابوووووكِ , هو ما بعتش فلوس تاني ؟

لا تاني وتالت , بابا ما بيبعتش غير مرة اول كل شهر مع الطلبات , اما نشوفوا الست ماما اللي وعدتني تجيبلي طقم دهب هتجيبوه ولا ايه هي كمااااااااان

امهات اخر زمن يا اوساااااااا , الدنيا بقت وحشة اوي يا حبيبتي , مافيش حد طيب إلا اني وانتِ

طيبيتنا دي اللي مطعمة الناس فينا وربنا يا ساااااااااامي

طب عن اذنك هنروحوا الحمام ونجولك

ماشي يا سامي , ناولني رموت التليفزيون

خدي اهو

*
*

ساااااامي

ههه ايوة يا بدارة يا ست البِيِض الأماااااارة

هههه مش وقت غزل يا جدع انت , اني سَمَعت اوسا بتقولك ان اخواتك ما جابوش حاجة

ايوة حصل

لا ما حصلششششش , اخوتك ادوها الف جنيي في ظرف , خطفته من ايدهم وجريت على اوضتها تخبيه

اخصصصصصص ! هو احنا فينا من الندالة يا اوساااااااا ! طب وربنا لنروحوا نهزئوهاااااااا

استنى بس استنىىىىىى , هتوديني في داهييييييية , هتقولك عَرَفت منييييييين , ولو عَرَفت ان اني اللي قولتلك هتطين عيشتيييييي , خلاص بقى يا ساااااااامي , ما انت يامَا بتاخد منهاااااا

بتديني بالسلف يا بداااااارة , عمرها ما قالتلي خد يا جوزي يا حبيبي الفلوس دي هدية مننننننني , دي كل ما تديني فلوس بتروح تكتبها في الدفتر

هههههه عملالك دفتر مديونية !!!!

ايوة يختي , كاتبة عليه دفتر سامي , عمرك شوفتي حرمة اندل من اللي اني متجوزها ددددددي !!!!!!

هههههه على العموم الحق ما يزعلش يا سامي , الست بتحفظ حقوقهاااااا

اومال بتسرقني ليييييييييييه ! هي مش شايفة الأمور ملطّشة معايا ازااااااااي !!!!!

اني ماليش دعوة بالكلام ده , اني بس صَعَب عليا اخواتك انهم يقوموا بالواجب وفي الآخر اوسا تنكر خيرهمممممم

الخير خير ابويا يا بت , يعني هما بيجيبوا منين !!!!

اووووووووف انت دماغك زي دماغ اوسا بالظبططططط زي الحجرررررر

ههههه بس قلبي زي قلبك , دايب من الحب دوووووب ههههه

خلينا دايبين يا خويا , يا فرحتي بحبككككككككككككككككككك

هههههههه تعيشي , ربنا يزيدنا حب وتبقى حياتنا حب في حب

يا ساااااااااااااااامي

اني جاي يا اوسااااااااا

 

 

—————————————————–

ونكمل في الحلقة الثامنة والثلاثون متنسوش تعلقوا علي الحلقة في صفحة مدام طاسة والست حلة

إلى اللقاء في الحلقة الثامنة والثلاثون (الجزء الرابع)

بقلم الكاتبة: هبة نور

 

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى