ترفيهمسلسل جراح الحب

مسلسل جراح الحب الحلقة الخامسة والسادسة عشر

الحلقة 15

عند يوسف وعمر
فى الشارع
عمر : الله الله دة احنا طلعنا بنحب ونقول كلام جامد وانا معرفش
يوسف : بس الله يخليك معرفش قولتها ازاى ؟
عمر : لا بس كلامك جامد
يوسف : دة مش كلام دة اللى حاسس بية
عمر : الله مخلاص ياعم عبد الحليم عرفنا انك بتحب
يوسف : فصلتنى انا هروح بقا مش عايز مكالمة منك متصدعنيش
عمر : كدة انا غلطان يا زباله امشى
يوسف : هتروح
عمر : اه وانت
يوسف : تعالى فى عربيتى اوصلك
عمر :اوك يلا
————————————————————————————————————–
فى شقة عمر
دخل عمر شقتهم
قابل والدة فى الصاله
احمد : اخيرا جيت تعالى عايزك
عمر : خير يا بابا
احمد : خير خير …. عملت ايه فى موضوعك
عمر : كل خير ان شاء الله
احمد : انا لسه قافل مع والدها دلوقتى
عمر : ليه يابابا مش احنا متفقين بلاش تتصل هيفتكرو عايزنها
احمد : يا حبيبى افهم انا كنت بتصل اقفل الموضوع واقول احنا اتقدمنا غلط بالاسم
عمر : المهم قالك ايه ؟
احمد : اتصلت امبارح بيه واول ماتكلمت افتكرنى بستعجل ع الرد وقالى هرد عليك انهاردة
عمر : وبعدين
احمد : بصراحة اتكسفت اتكلم وقفلت معاه وجيت انهاردة وقالى رفضت
عمر : اه ماانا عارف انها هترفض المهم وبعدين
احمد : وانت عرفت منين
عمر : بص يا ابى اللى حصل روحت كلمتها وفهمتها انى اتقدمتلها باسم وطلع غلط وكدة وهى تقبلت ووافقت وساعدتنى
احمد : والله جدعة
عمر : فعلا جدعة جدا
احمد : اقولك مفاجاة
عمر : جول
احمد : بص يا صعيدى باشا اتصلت بوالدها وجالى رفضت وخدت منهم ميعاد انهاردة نقعد معاهم بس مجولتش ليه
عمر : يا ابوى واحنا هنروح نعمل ايه ؟
احمد : هنروح نتجدم لنورهان
عمر : اشطة عليك يا والدى
احمد : احترم نفسك ياض
عمر : اسف يا ابى هنروح امتى
احمد : دلوقتى امك بتلبس جوة
عمر : احلف
ظهرت يسرى وقالت : اه والله اوانا كمان خلصت اهو
عمر : الله عليكو شكلها هتحلو وهتبقا فله
يسرى : ان شاء الله مع ان عاجبانى نيرة بس يلا اكيد اختها زيها
عمر : واحلى يا ماما والله
يسرى : اما نشوف
احمد : يلا بقا
يسرى : استنو
عمر : ف ايه رايحة فين ياماما؟
احمد : تكنش هتجيب ملح تانى
عمر : لالالالالالالالالا اجرى يا والدى
احمد : هههههه
نزل احمد وعمر سريعاع الدرج ووصلو للشارع
خرجت يسرى من المطبخ وهى تقول : متخفش المرادى مش هيدخل ف عينك ملح
…. ايه دة راحو فين
ههههههه ههههههههههه
نزلت يسرى والقت بهم
يسرى : مااااااشى مش قادرين لما انزل معاكو
عمر : معلش يا ماما كدة حلو
يسرى : يلا بينا
احمد : يلا
————————————————————————————————————–

هاتف عمر صديقة ليخبرة عما حدث
يوسف : انت يا زفت مش نهبتك متتصلش بيا
عمر : خلاص احسن انا غلطان
يوسف : كنت عايز ايه
عمر : خلاص دة حتى كنت هخدك معايا عند نيرة نيرة ها
يوسف : استنى انا جاى معاك
عمر : مش من شوية قولت متتصلش
يوسف : لا خلاص دة انت الكبير هستناك تحت بيتها
عمر : ماشى متطلعش غير لما اجى
يوسف : sure
عمر : سلام
————————————————————————————————————–
فى شقة نورهان ونيرة
فتحت ساميه الباب واستقبلتهم استقبالتهم استقبال رائع
ساميه : اهلا وسهلا نورتونا
يسرى : الله يخليكى
ساميه : هو عمر مجاش معاكو ليه
يسرى : عمر بيجيب حاجة هو وزميلة وطالعين
ساميه : يشرفونا والله
هاتف عمر صديقة يوسف وانتظرو فى المكان المحدد ثم صعدو للاعلى وطرقو الباب عدة مرات
ساميه : اهم جم
ذهبت ساميه فى اتجاه الباب ثم فتحت لهم واستقبلتهم واعطى عمر لساميه الجاتوة و
جلسو جميعا يتحدثون
استغل يوسف انشغالهم بالحديث ثم اخرج هاتفو وبعث لنيرة جوابا يحمل الحديث ذلك (( نيرة انا يوسف انا دلوقتى فى صاله شقتكوا اطلعى هموت واشوفك لاما هدخلك انا …. وحشتينى ))
ورجع ثانيا وتدخل ف الحديث مرة اخرى معهم
كانت نيرة تجلس فى الغرفة وجاء لها مكالمة من هيثم فاجابت
نيرة : الووو
هيثم بتمثيل : كنتى فين اااه دورت عليكى فى كل حتة اختفيتى مرة واحدة اااه
نيرة : مالك فيك حاجة
هيثم : جسمى مكسر من العلقة
نيرة بابتسامة : معلش الف سلامة
هيثم : يلا مش مهم كنتى فين بقا
نيرة : اه طلعت هزقت الواد الرخم اللى اسمة يوسف دة ومشيت
هيثم بخبث : بجد هزقتيه يلا يستاهل
نيرة : هضطر اقفل ناو نتكلم بعدين
هيثم : اشطة سلام يا قمر
نيرة : سلام
بعد ان اغلقت نيرة المكالمة
رن هاتفها بابلاغها عن وصول رساله جديدة ففتحت الرساله وقراتها ثم قالت ايه دة موجود فى الصاله هنا فى شقتنا يالهوى ازاى لحسن يكون جاى يقول لماما ع اللى حصل ياالهوى انا هتصل بية والحقة
هاتفت نيرة يوسف ولم يستجاب فى الرد ف المرة الاولى والمرة الثانية اغلق عليها لاحظت ساميه ذلك وقالت يوسف لو حابب تتكلم وتاخد راحتك اقف فى البلكونة
يوسف : اه ممكن تقوليلى فين
ساميه : امشى شويه قدام وادخل شمال
يوسف : ماشى شكرا يا طنط
ساميه : العفو يا حبيبى
دخل يوسف داخل البلكونة واجاب عليها
يوسف : عايزة ايه
نيرة : والله انا مش قولتلك متتصلش بيا تانى
يوسف : والله انتى اللى متصله مش انا
نيرة بابتسامة : وبالنسبة لمااستدج
يوسف : انتى لما كلمتينى قولتيلى متتصلش بيا تانى وانا وفيت بوعدى وعقابى مع انى معرفش ايه هو العقاب
نيرة : طب ايه الكلام اللى ف الماستدج دى
يوسف : هو باللغة الهيروغلفية
نيرة : مبهزرش انت جيت تحكى لماما ع العلقة بتاعت الصبح
يوسف : لا طبعا
نيرة بارتياح : اووف الحمدلله … طيب انت بتكلمنى ادام ماما عادى
يوسف : لا ياختى انا بكلمك وانا فى البلكونة وعمر ووالدة والدتة موجودين مع والدك ووالدتك برة
نيرة : ع فكرة انت كداب وبعدين انكل ابراهيم مش بابايا انا بابا متوفى
يوسف : والله مش كداب انا فى البلكونة بتاعاكو فعلا وع العموم الله يرحم والدك ياستى بس مش داخلة دماغى
نيرة : طيب من الاخر عايز ايه
يوسف : تعاليلى ع البلكونة
نيرة : نعم لاطبعا
يوسف : خلاص يبقى هدخلك
نيرة : تدخل فين مش كفايه اللى عملته فيا
يوسف : اه قولى بقا انك خايفة اشوفك وانتىمشوهة هههه
نيرة : انا مش مشوهة وبعدين انا لسه هاهد حقى منك مش بنسى ع فكرة وانت كمان متنساش
يوسف : تعالى لاماا هحكى لوالدتك ع اللى حصل انهاردة
نيرة : لا خلاص هقفلك فى شباك الاوضة اللى جمب البلكونة
يوسف : اوك وخلى الخط مفتوح
فتخت نيرة شباك الغرفة ونظرت منه
يوسف : هههههه ههههه مشوهه هههه
نيرة بغيظ : والله ادخل
يوسف بضحك : هههه لا خلاص وحشتينى
نيىة : نعممم
يوسف : اطرشيتى بقولك ايه قولتى ايه بقا
نيرة : قولت ايه فى ايه
يوسف : فى بحبك بقا ووحشتينى وكل حاجة
نيرة : لا طبعا انا احبك انت
يوسف : ليه ياما انتى تطولى وبعدين سعنى هيثم دة اللى يتحب
نيرة : ع الاقل دافع عن كلامك عليه وراجل
يوسف : ليه مصممة تزتفزينى والله دة كداب احنا بنتكلم عادى هو اللى قال لعمر حط توكة فى شعرك ولمة قبل ماتيجى
نيرة بتصديق من غير ماتبين : بردة كداب
يوسف : ماشى انا كداب وعايز اصلح الغلطة دى واتقدملك وناو ايه رايك بقا
نيرة بابتسامة : هه لا طبعا انت نسيت دة انا لسه هاخد حقى منك
يوسف : موافق بس بعد الخطوبه
نيرة : اقفل يا يوسف
يوسف : قوليها والنبى تانى
نيرة : اقفل اقفل
يوسف : لا يوسف
نيرة دخلت واغلقت الشباك وقالت : سلام
واغلقت الهاتف
يوسف : بردو بحبك
اخرج يوسف من البلكونة وذهب للصاله وجلس معهم

 

الحلقة 16
تانى يووم
دخلت نيرة لتخبر اختها
نيرة : قومى يا نورهان
نورهان : سيبينى انام شويه
نيرة : اصحى فى موضوع مهم جدا لازم نتكلم فيه
نورهان :فى ايه
نيرة : بصى يا نورهان عايزة اخد رايك فى موضوع صحبتى
نورهان : احكى
نيرة : صحبتى جالها عريس وهو بيموووووت فيها بيعشقها عشق محدش عشقه لحد قبل كدة بس هى متعرفوش خالص وشكلها كدة مش موافقة عليه
نورهان : طب انا اعمل ايه فين المشكله
نيرة : المشكله بقا انها عندها مشكله كبيرة شويه وهو موافق عليها بمشكلتها بس هى مش موافقة قوليلى لو كنتى مكانها كنتى عملتى ايه
نورهان : انا دايما بسمع عن الحب والعشق دول فى الافلام بس وكان نفسى من زمان اتحب زيها كدة قوللها انتى محظوظة ومتضيعيش الحب دة
نيرة : عين العقل يا نونو
نورهان : بس هى مشكلتها ايه
نيرة : احم احم
نورهان : الا بقا لو مشكلتها زية دى صعبة شوية ويبقى ليها حق لو مش وافقت
نيرة : ليه كدة كنتى كويسة دلوقتى
نورهان : انا بقول الصح
نيرة : بس حرام تضيعى الحب دة
نورهان : اضيععع وانا مالى
نيرة : نورهان الواد بيحبك جدا وهيموت بجد عليكى
نورهان : يعنى انتى كنتى بتحكى عليا
نيرة : اه ابوس ايدك توافقى
نورهان : بليز يا نيرة محدش بيحب واحدة عندها اعاقة
نيرة : مين قالك كدة ؟
نورهان : انا عارفة يا نيرة اكيد بيشفق عليا
نيرة : لا لا دة بيحبك جدااا
نورهاان : لو سمحت يا نيرة انا مش موافقة خالص ع الكلام دة
دخلت ساميه وقالت : ليه يا حببتى دة عمر بيحبك اووى
نورهان : انتو بتقولو ايه زهقتو منى ؟
ساميه : لا طبعا يا قلبى دة انا نفسى فرح بيكو
نورهان : هتفرحى بينا يا ماما ان شاء الله بشهادتنا وبأذن الله لما نيرة تتجوز وانا اعمل العمليه
ساميه : يعنى ايه مش هتتجوزى طول عمرك
نورهان : فكرة الجواز دى للى زيى اتقفلت من زمان
ساميه : ليه يا حببتى مش عايزة تخلفى وتوفى عيالك
نيرة : عشانى وافقى والنبى
نورهان بعياط : لالالا مش هوافق انتو بتتكلمو ف ايه عارفة يعنى ايه يا ماما اتجوز واحد مش هشوفو طول عمرى واخلف منة ومش اشوف عيالى طول عمرى هفضل مستنية الناس ف الشارع واقول لو سمحت اوصفلى شكل ابنى او بنتى عاملين ازاى اصلى عاميه ومش بشوف ونفسى اتخيلهم
جرت ساميه ع ابنتها وحضنتها واخذو الثالتة يبكون
نيرة : خلاص بقا يا نورهان ان شاء الله تعمليها قبل ماتتجوزى
نورهان ببكاء : معتقدش انى هعمل العمليه خلالاص الوقت راح والفلوس ع اد حالنا
ساميه : دايما قولى الحمدلله وادعى وربنا هيبعتلك صدقينى
نورهان : ياااااااارب يااارب حرام اللى بيحصلى دة
نيرة : ومش حرام عليكى تضيعى الواد من ايدك دة لو قولتو انك مش موافقة هيموت فيها
نورهان : قوليلو ماتت
————————————————————————————————————–وفى نفس اللحظة رن هاتف نيرة بلاغها عن المتصل هو عمر
خرجت نيرة من الغرفة
نيرة : الووو
عمر : نيرة انا اسف لو كنت صحيتك
نيرة : لا يا عمر انا كنت صاحية
عمر : الحمدلله طيب انا كنت عندكو امبارح وكن…..
ردت نيرة مقاطعه له : اه عرفت كل حاجة
عمر : طيب نورهان عرفت
نيرة بصوت حزين : لسه عارفة من شويه
عمر بلهفة : طيب قالت ايه ؟
نيرة : مش موافقة خالص يا عمر
عمر : لالا حاولى معاها والنبى
نيرة : حاولت انا ومااما كتير جدا فضلت تعيط
عمر : طيب انتو جاين الجامعة اننهاردة
نيرة : اه عندها محاضرة وانا هفضل مستنياها
عمر : الساعة كام المحاضرة
نيرة : ع 3 وعشرة كدة
عمر : وهى هتخلصها امتى
نيرة : احتمال ع 5 الا
عمر : تمام تسمحيلى اقعد معاكى فى الكافية لغاية متخلص واتكلم انا معاها
نيرة : مفيش مشاكل
عمرر : شكرا جدا جدا يا نيرة
نيرة : الشكر لله يا عمر المهم توافق
عمر : يااارب
————————————————————————————————————–
بعد ان اغلق عمر هاتفة رن هاتفة ويعلن ان المتصل صديقة يوسف فاجاب عمر
عمر : الوو
يوسف : الغالى ناسينى من امبارح
عمر بصوت حزين : معلش يا يوسف انا اسف جداا
يوسف : مالك ؟؟
عمر ببكاء : مش موافقة يا يوسف
يوسف : اثبت يااض انت راجل متعيطش
عمر : اعمل ايه يا يوسف قولى
يوسف : طيب رايح المحاضرة ولا
عمر : لا انا هاروح الجامعة بس مش هحضر المحاضرة
يوسف : طييب ليه متخليك فى البيت
عمر : طول ماامى قاعدة فى وشى هتفضل تلقح ببالكلام واانا م هستحمل وبعدين انا رايح الجامعة هستنى نورهان تيجى واكلمها
يوسف : تمام هتروح امتى
عمر : الساعة كام ناوو
نظر يوسف فى هاتفة ثم قال
يوسف : 2 الا ربع
عمر : طيب هلبس وهروح
يوسف : اوك وانا هجيلك ونروح سوا
عمر : مستنيك
———
فى غرفة نيرة ونورهان
خرجت ساميه ونيرة من الغرفة
وظلت نورهان تبكى ف الغرفة
انا كتير .. انا الف حاجه علي بعضها
في حاجه واحده ..
انا واحده عايشه لوحدها .. مش حاسه وحده
في ضحكي حزن غريب اوي .. وفي حزني ضحكه
انا كتير .. انا الف حاجه علي بعضها
في حاجه واحده ..
انا واحده عايشه لوحدها .. مش حاسه وحده
في ضحكي حزن غريب اوي .. وفي حزني ضحكه
بحبني وبكره شعوري بحبي ليه
مش اي حاجه تمسني تأثر عليا
بحبني وبكره شعوري بحبي ليه
مش اي حاجه تمسني تأثر عليا
مصارحه نفسي عيوبي مش نكراها فيه
انا كتير .. انا الف حاجه علي بعضها
في حاجه واحده ..
انا واحده عايشه لوحدها .. مش حاسه وحده
في ضحكي حزن غريب اوي .. وفي حزنيييييي ضحكه
وانا تايهه ببقي مركزه في توهاني توهاني وبسرح فيه
احساسي لو اتأذي ممكن اموت بعديه
وانا تايهه ببقي مركزه في توهاني توهاني وبسرح فيه
احساسي لو اتأذي ممكن اموت بعديه
وعشان كده متحفظه ومش عايزه اغامر بيه
بحبني وبكره شعوري بحبي ليه
مش اي حاجه تمسني تأثر عليا
مصارحه نفسي عيوبي مش نكراها فيه

———–———-———————-————

ونكمل في الحلقات القادمة ماتنسوش تعلقوا علي الحلقة في صفحة مدام طاسة والست حلة

 الى اللقاء في الحلقات القادمة

بقلم الكاتبة: إيمان ضانا

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى