كيكة بقدرة قادر او كيك الكريم كراميل

 

 

هى سهلة قوى وبتدى فى الأخر نتيجة تحفة وطعم جميل للى مجربهاش قبل كده

ندخل بقى فى التفاصيل أولا طبقة الكراميل ودى مقادرها 1/2 كوب سكر فى طاسة على النار لغاية ما يدوب ويتكون الكراميل بس خلى

بالك لحسن يتحرق ودى صورته ويتصب فى قالب الكيكة

 

ثانيا طبقة الكريمة 

دى لها كذا طريقة ممكن تجيبى الكريم كراميل الجاهز وتدوبية مع اللبن وتحطيه على طول فوق الكراميل أو تعميله وده مقاديره

3 بيض

1 و 1/2 كوب لبن

1 كوب سكر

فانليا

والطريقة أنك تضربى البيض مع السكر والفانليا وبعدين تضيفى اللبن وطبقة الكريم دى نحطها فوق الكراميل اللى أحنا صبناه من قبل

 

ثالثا طبقة الكيك

ودى سهلة جدا مقاديرها

2 بيض

1/2 كوب سكر

فانيليا

1 و 1/4 كوب دقيق

1/2 كوب زيت

1/2 كوب لبن بدرة

ملح

1 و 1/2 ملعقة صغيرة بيكنج بودر

3 ملاعق صغيرة كاكاو خام

الطريقة

نضرب السكر واللبن والزيت نضيف البيض والفانليا ثم الدقيق والبيكنج بودر والكاكاو وذرة الملح نصب

الخليط فوق الكريمة وحنلاحظ أن الكيك نزل والكريمة فوق بس ده قبل الخبز بعد الخبز الكيك حيبقى فوق

 

يتم الخبز فى فرق سابق التسخين فى حمام ماء ساخن على درجة 190 أو180لمده ساعه تقريبا أو حتى

ينضج تماما بعد الخبز يترك خارج الفرن ساعه ثم توضع فى الثلاجة من 3 إلى 4 ساعات وتوضع الكيك

فى صانية بها ماء دافئ لمدة ثوانى وتقلب فى طبق التقديم وبالهنا والشفا أسبكم مع الصور