-قطايف بالمكسرات والشربات

-قطايف بالجبنة
-قطايف بالجبنة والبقدونس
-قطايف باللحمة المفرومة

الحشوة الاولى
القطايف بالمكسرات

انا هنا جبت الوسط ولاصغيرة ولاكبيرة

جهزت المكسرات
اللوزوالسودانى كسرتهم وحطيت معاهم الزبيب وجوز الهند
ورشة فانيلا

حطيت معلقة صغيرة من المكسرات على القطايف

وبعدين عملت الشربات
1 كوب مية +1كوب سكر
ونص ليمونة ورشة فانيلا وعالنااااااار
من 5 الى 10 دقايق

هنا شكلها وبتكون اخف من شربات الكنافة والبسبوسة

وطبعا قليت القطايف وحطيت عليها الشربات

الحشوة التانية
القطايف بالجبنة
انا هنا كان عندى جبنة دومتى اسطنبولى
بس مش حادقة خالص وطعمها حلو جدا
وممكن تستعملى جبنه فيتا 

حطيت معلقة صغيرة من الجبنه

وقفلتها وحطيتها فالتلاجة عشان السحور

الحشوة التالتة
قطايف بالجبنة والبقدونس
وهنا استخدمت نفس الجبنة وقطعت عليها البقدونس

وحشيت بيها القطايف

الحشوة الرابعة
القطايف باللحمة المفرومة

وكان عندى لحمة مفرومة معصجة

وهنا حطيت معلقة صغيرة من اللحمة
عشان متكونش تقيلة في السحور

وهنا بعد ماقليتهم كلهم
وصفيتهم كويس من الزيت

منقوووول