طريقة عمل المسقعة بالصور
المقادير
بااذنجان رومى
ويفضل اللمع الى شبه الشنطة ويكون طويل مش مكبب
فلفل رومى ذو حبة كبيرة
بطاطس
راس ثوم كبيرة
بصلة مقطعة حلقات
وهنحتاج التوابل دى (ملح-فلفل اسود-كمون-شطة بودر-خل
اولا تبداء بتقطيع الباذنجان حلقات او نص دايرة زى ماتحبى
ونرش علية ملح ونسيبة فمصفاة يصفى المية شوية حوالى
من ساعتين لتلاتة علشان مايشربش زيت فالتحمير
وبعدين عند بداء التحمير نقشر البطاطس ونقطعها
برضة بالطريقة ال تحبيها انا بقطعها صوابع عريضة شوية وسميكة
نبداء بقلى الباذنجان ثم البطاطس واخر حاجة الفلفل
الرومى صحيح بس اخرمى الفلفلية قبل ماتقليها علشان ماتطرقعش فالزيت
وممكن اختيارى تقلى قرنين فلفل اخضر حار
ودى شكل المكونات كلها بعد التحمير
اثناء القلى تكونى قشرتى راس توم متوسطة ودقتيها كلها
وبعدين تجهزى الصينية الى هاتعملى فيها
تحطى فيها شوية زيت من الى قليتى بيهم ولما يسخن الزيت
حطى كمية التوم كلها زى الصورة الجاية كدة وقلبى
اول مالتوم يبداء يصفر طشية بكمية الخل الى تحبيها
انا حطيت حوالى فنجان قهوة الاربع زى الصورة كدة
اول ماتحسى ان الخل بداء يقل شوية انزلى
بالطماطم المعصورة ومتصفية زى كدة
وغطيها وسيبيها لحد ما تنده عليكى وتقولك انا اتسبكت خاااااااااااااااااالص
وتبقى بالشكل ده وماتضفيش اى توابل فالخطوة دى
خلاص الطماطم اتسبكت بالخل والتوم وبقت تقريبا ناشفة كدة نحط بقة التوابل بتاعتنا وندى تقليبتين
ونزود ماية بس مش كتير اولا لان مكونتها كلها مستوية ثانيا علشان تبقى مسبكة مافيهاش صوص كتير
هاتبقى الكمية تقريبا كوباية ونص ماية زى كدة
وبعدين نسيبها تغلى غلوة واحدة واثناء الفترة دى نقطع
البصل طرنشات ونبداء فى رص المكونات
اولا نرص البطاطس بالشكل دة
ويليها الباذنجان بالشكل دة
ثم حلقات البصل ولو تحبى ممكن كمان تحطى حلقات طماطم
وبعدين تمسكى الفلفلة وتشديها من جزعها البذر هايطلع فاديكى
تقطعيها باديكى بالطول وترصيها عالوش زى الصورة كدة
وهنا بعد مارصيت الفلفل لاقيتها محتاجة شوية ماية زودتها القيمة دى
وبعدين غطيها برضة لحد ماتنده عليكى وتقولك
انا استووووويت خلاااااااااااااص وتبقى بالشكل دة
ممكن بعد كدة تحطبها تحت الشواية تاخد وش او لاء زى ماتحبى
________
منقووول من منتدى فتكات
