طريقة عمل البغاشة بطريقة سهلة بالصور
ده الشكل النهائى لها
ندخل فى المقادير
كوب دقيق * بيضه * فانيليا * ربع ملعقه صغير بيكنج بودر
ماء على حسب العجن
وهى تقريبا بتاخد ربع كوب ماء
*************
الطريقه
**********
هنضيف كل المقادير على بعضها
ونعجن لغاية ما تبقى عندنا عجينه مش بتلزق
بعد ما خلصت عجن شكلتها 4 كور مقاس بعض
وسيبتهم يرتاحو حوالى ربع ساعه
بعد كده اخدت واحده فردتها بالنشابه ورشيت تحتها وفوقها دقيق
وفردت على أد ما قدرت
اهم حاجه فى البغاشه ان سمكها يبقى رقيق جدا
بعد ما فردتها خالص
ركنتها واخدت اللى بعدها
لغاية ما خلصت ال 4 كور
وبعدين حطيتهم فوق بعض
بس نراعى ان احنا منكترش دقيق كتير واحنا بنفرد كور العجين
علشان لما نحطهم على بعض ونفرد يلزقو فى بعض
هنا انا حطيتهم كلهم على بعض
وبدأت افردهم بالنشابه
هنا خلاص فردتهم كويس اوى
وسمكها بقى رقيق جدا
على فكره كل ما تكون سمكها رقيق كل ما تكون اخف من ناحيه الطعم والهشاشه
بعد كده بالسكينه قطعتها سمبوكسات صغيره
او ممكن تقطعيها بالشكل اللى تحبيه
بس انا بفضل الشكل ده
هنحمر البغاشه فى زيت غزير
طبعا الزيت هنسخنه فى الاول وبعد كده بنهدى النهار
علشان متتحرقش بسرعه
واول ما حطيتها فى الزيت انتفخت بالشكل ده
وقلبتها ع الوش التانى بسرعه
وفضلت اقلب فيها لغاية لونها ما بقى دهبى وجميل
وهى مش بتاخد وقت كتير على النار
هنا بعد ما طلعتها من النار
شايفين جميله ازاى وهشه وفاضيه من قلبها
مقدار كوباية الدقيق اللى عملت بيه عمل طبقين كبار مليانين
يعنى كان كتير ما شاء الله
وبعد ما خلصت تحمير
حطيتهم كلهم فى اناء غويط
وصبيت عليهم السيرب او الشربات بالمعلقه
ومش محتاجه تقليب علشان متتكسرش
وبعد كده اخدت واحده بواحده ورصيتهم فى طبق التقديم
ولو عندك جوز هند رشى عليها بيخلى طعمها حلو اوى
انا مكانش عندى وقتها
شايفين جمالها
شايفين فاضيه ازاى من قلبها
منقووووووول
