مسلسل العروس الهاربة

الحلقه الثالثة والثلاثوون والاخيرة من مسلسل العروس الهاربة للكاتبة سما عمر

الحلقه الثالثة والثلاثوون والاخيرة من مسلسل العروس الهاربة للكاتبة سما عمر

وبعد فتره كبيره نجدهم بداخل القصر يستعدون لذهابهم المطار … لاستقبال يوسف بعد عودته من دبى

ها يا ولاد جهزتو

انا عن نفس جاهز من بدرى

وفين اخوك عماد

بيجيب نيللى اصلها شبطانه معانا

هى نبيله هتروح معاكو كمان

لالالا ما ينفعش طبعا عشان الحمل

بس انا عاوزه اروح

تقولها نبيله وهى رأكضه اليهم

يا حبيبتى طب والبيبى اللى جوه ده اللى ما نعرفش لحد دلوقتى اذ كان واد ولا بنت

ماله يعنى انا كويسه وكمان انا عاوزه اروح اشوف اخويا اصله وحشنى

ياستى احنا هنجبهولك لحد عندك استنيه هنا

بس يا كيمو

خلاص بقى انتى اقعدى هنا كده زى الاميرات وبالكتير اوى ان شاء الله ساعتين وهتلاقيه واقف قدامك

كلام جوزك صح يا نبيله اذ كانت ياسمينا ذات نفسها مش رايحه

مهى مش رايحه لان الكوافيره فوق عندها انتى ناسيه ولا ايه يا عمتو ان انهارده كتب كتابهم

خلاص بقى يا نبيله … كريم روح شوف اخوك فينه عشان ما تتاخروش على يوسف

انا نازل اهو معلش نيللى كانت شبطانه على بال ما لبستها

هدى مع ياسمينا ولا ايه

ايوه يا خالتى … ها جاهز يا كريم

ايوه يا معلم يلا بقى

طيب يلا السلام عليكم

يقبل جبهه زوجته قبل ما يذهب : مش عاوزك تزعلى بقى

خلاص ماااشى مش زعلانه

بحبك يا بت يا بلبله

بابتسامه جميله : وانا كمان

يلا بقى يا سيدى ولا حبك الحب دلوقتى

جاى اهو ياخويا … محدش عارف يحب فى البيت ده خااااالص

اما بالطابق العلوى نجد ياسمينا داخل حجرتها ومعها خبيره التجميل بتقوم بتزينها لحفله عقد قرانها اليوم على يوسف

بقولك ايه يا مدام وفاء بلاش مكياج تقيل لان يوسف ما بيحبهوش

ماشى حاضر العروسه اصلا ماشاء الله عليها جميله من غير حاجه

ماشاء الله

هدى هما لسه ما جوش

حبيبتى دول لسه رايحين المطار

ربنا يجيبو بالسلامه يارب

يااااارب يا ياسمينا ويتتم ليكو على خير

اما يوسف فوصلت طيارته بدرى عن ميعادها فغادر المطار وظل ينتظر قدومها بالخارج

اما كريم وعماد لا يزالوا بالطريق

مش عارف ايه الزحمه دى انهارده

وكمان الجو مش مساعد خالص

ربنا يلطف بينا

بقولك ايه يا كريم شوف موبايلك كده لاحسن يكون بيرن علينا والموبايلات مقفوله

يخرج هاتفه ليراه : لا ما رنش وخلاص اهو احنا قربنا نوصل

قربنا ايه احنا وصلنا فعلا ويوسف هناك اهو

فين ده ااااه اهو

وبعد ما اتجهوا اليه وعناقو اتجهوا به نحو سيارتهم

حمدلله بالسلامه يا جو

الله يسلمكم الجماعه عاملين ايه

بخير يا حبيبى

يارب دايما يارب

ها قولى السفريه كانت حلوه المره دى

المره اللى فاتت احلى بكتير

بتقول ايه

ها ما بقولش

بس انا سمعت انت كنت بتقول ايه على فكره

ينكزه بقوه : يبقى خليها فى سرك ماااشى ياسى كيمو

حاضر ياعم وشيل ايدك ده

وبعدج قليل نجدهم قد وصلوا الى القصر ليجده كاميليا بانتظاره كالعاده
تفتح ذراعيها له : حبيبى يا يوسف

ينحنى ليقبلها : حبيبتى يا عمتى وحشتينى

انت كمان يا حبيبى

اما كريم وجد نبيله متجه اليهم فذهب اليها وفعل مثلما فعل يوسف بعمته

فتح ذراعيه لها : حبيبتى يا بلبلتى

ههههههههه واد يا كريم اتلم احنا تحت

يابت انا جوزك يا بت

حتى برده انا بتكسف واوعى كده عشان اسلم على حبيبى

والله ياختى اشمعنى هو يعنى

تلتفت اليه وبضحكه : هو اخويا يا حبيبى

ازيك يا يوسف حمدلله بسلامتك

وانتى بخير الكرومبه كبرت اهى

تزوم كالاطفال : كرومبه مين بقى ياخويا

ههههههههههه قوليلى عرفتو النوع ولا لسه محتارين فيه

لسه ياخويا محتارين فيه الدكاتره
يقولها كريم وهو متجه نحوهم ويضح يداه حول كتفيه نبيله

المهم تقوم بالسلامه يا ولاد والبيبى يكون متعافى من جميع الامراض

امين يارب

امال هدى فينها

اممممم ها كمل لسه فاضل واحده

تلمع عيناه : لا دى بقى بذات مش عاوز اشوفها دلوقتى خالص

تتجه نحوه وبفضول : ليه هه ليه بجد

يابت اسكتى بقى انتى لسه حشريه كده

لالالا ما اسمحلكش تقول كده على مراتى …

على فكره يا يوسف ياسمينا زعلانه كانت عاوزه على الاقل تكون بانتظارك

يتجه نحو عمته التى قالت هذا الكلام

مش هقدر يا عمتى دلوقتى بس اوعدك انى هصالحها بالليل ان شاء الله

ترتب على قدميه : ربنا يتمملكم على خير ويهدى سركم … طمنى وصلت لحاجه

تقصدى بخصوص مسعد ده

ايوه ايه اخر الاخبار

زى ما قلتلك اخر مره سألت بالسفاره وعرفت انه اتجوز واحد نمساويه … وبعد حب يكبر مشروعه هناك اضطر ياخد من البنوك قروض عشان ولما المشروع فشل اداين ودخل السجن

وهو دلوقتى لسه جوه السجن ولا خرج

اللى اعرفه انه لسه جوه السجن حتى مراته النمساويه دى خدت الباقى من الفلوس وطلقته

هى كانت العصمه فى ادها

حاجه زى كده ده كل اللى عرفته

سبحان الله ربك ما بينساش حد

يمهل ولا يهمل يا عمتى

ونعم بالله يا حبيبى

طيب وامها محدش لسه عارف عنها حاجه

ولا اى حاجه خالص حتى طلبت من كريم وعماد يروحو يدورو عليها وما اتوصلوش بحاجه

طيب وهى عرفت

لا طبعا ما عرفتش مش انت قلتلى بلاش نقولها وانت اللى هتقولها بنفسك

طيب انا هحاول اجبهالها بالتدريج كده

طيب يا حبيبى يلا قوم ريح شويه لحد ما المأذون يوصل

ماشى المهم هى كويسه

زى الفل يا حبيبى

مع انى نفسى اشوفها اوى

شويه كده هتشوفها لما تكون حلالك

يااااارب يعدى الوقت بقى

يارب يا حبيبى

اما ياسمينا اول ما علمت بانه وصل ركضت ورأيته وهو مرتجل من السياره الى ان دخل القصر … فعادت الى الاريكه لكى تكمل ما تقوم به من تجهيزات لحلفه الليله

اما الفت فنجدها لا حول بها ولا قوة تجلس على كورنيش النيل وكانت تمضغ بعض طعام معها داخل كيس بلاستيك …. ولكن من حين لاخر نجد اشخاص يساعدونها من اعطاها مال لكى تجلب لها طعام تاكله او شبه ذلك …. ولا يزال ايضا يوجد بالشارع وحوش مفترسه كثيره لا ترحم

تمر الساعات ويأتي المساء على عجل تترامى أصوات عاليا من داخل القصر تعلن عن عقد قران يوسف الى ياسمينا … الكل كان سعيد ومسرور … وكانوا لايزالوا يهنئونه على عقد القران

اخير يا يوسف الف مبروك يا حبيبى ربنا يهدى سركم يارب

يقبل اناملها بحب وحنان : ويحفظك لينا يا عمتى يارب

تسلم يا حبيبى يلا بقى روح هات عروستك

ينظر الى الطابق العلوى بعيناه …توجه الى الدرج مسرعا ومنه الى الطابق العلوى الذى توجد به حجرتها التى تجلس بها تنتظر قدومه من حين الى اخر

هو الان امام باب حجرتها ويطرق الباب … ثم هى بعد قليل تـأ ذن له بالدخول

تهللت اسارير يوسف لدى رؤيته لها وكانت غايه فى الجمال والرقه كانها اميره متوجه فوق عرشها

اقترب اليها ورفع بيده وجهها البرىء الذى زاد احمرار عندما اقترب منه : ياسمينتى

تبتلع ريقها وترفع بوجهها : حمدلله على سلامتك

ياخد يدها فى راحته كانه يحتضنها آلاف المرات ويحتويها بصدره … فلا ينفصل عنها أبدا كأنهما قد صارا كائنا واحدا له احساس واحد : ياسمينتى انهارده متوجه بين كل النساء تعشقها العيون

لتزداد احمرارا وترجف خجلا منه ومن انفاسه المقتربه اليها : يوسف

عيون وقلب وكيان يوسف يا ياسمينا كلهم تحت امرك وملك اشاره منك

كانت تخفض رأسها لتتجنب النظر الى عينيه اللتين نبض قلبها لهما … لكنه انتهى من تأملها لكنه اشتاق لنظرة من عينيها …. اقترب من أذنها يهمس لها بصوت هادئ ممزوج بشوق : بحبك يا ياسمينا بحبك اوى

لم تتمالك احساسها أكثر من ذلك فــجأته بما لا يتوقعه احدا غيره … اندفعت نحوه وارتمت بين أحضانه و دموعها تنهمر على وجنتيها لتبلل ثيابه تبكي فرحا … تبكى من شده سعادتها به
وانا كمان بحبك اوى ووحشتنى اوى اوى

يضمها الى صدره بحب : وانت اكتر يا حياه يوسف من جوه …..

ايه يا كوكى هو العريس فاكر ان الليله ليلته ولا ايه لسه كمان يومين

اسكت يا ولد

هو كل ما اتكلم ولا افتح بوقى تقولولى اسكت وانكتم يا واد انت

ايوه اسكت وملكش دعوه بحاجه

بت يا نبيله

يا عيون البت من جوه

ايوه بقى يا بلبلتى هو ده الكلام

ليتفاجو بيوسف راكض اليهم بمفرده

يتجه نحوه عماد وكريم : ايه ياابنى كل ده فوق

شش يا كريم … بقولك ايه يا عماد

خير يا صاحبى

انا عاوز اخلع من هنا

كريم : نعـــــم .. طب والحفله يا عم جو والناس اللى بره

ياابنى شش شويه

انت ومراتك يعنى ولا ايه

امال انا وامين يا عم عماد بس ها هتساعدنى

ماشى يا سيدى هخرج باقى الناس للجنيه وانت اخرج من باب المطبخ على الباب الورانى

حلوتك يا عمدك .. همتك بقى

ويتركهم ليركض الى الطابق العلوى مسرعا … بينما توجه كريم الى نبيله لكى يخبرها بما قاله يوسف

شوفى اخوكى وعمايله

مالو يوسف

هيخلع

نعم

بقولك هيخلع هو وياسمينا

وبعد قيل نجدهم بداخل سياره يوسف وكان يقودها متسرعا

ممكن تهدى السرعه شويه يا يوسف

بصراحه نفسى اطير بيها بيكى

ههههههههههه وعلى فين بقى ان شاء الله

على اى مكان نكون انا وانتى لوحدنا فيه

بحبك اوى يا يوسف

وانا ما حبتش ولا هحب زيك يا قلب يوسف

طب براحه بقى عشان خاطرى

حااضر ها قوليلى بقى عاوزه تروحى فين

اثولك بس ما تضحكش عليا

قولى يا قلبى

عاوزه اتمشى على الكورنيش واكل دره مشوى

هههههههههه دره مشوى حته واحده

تنكزه بخفه بكتفيه : قلتلك بلاش تضحك هه

اعملك ايه منا متجوز طفله صغيره

هااااااا يعنى ايه حضرتك

لالالا ما يعنيش انتى طفلتى وحبيبتى ومراتى وووو … وكاد ان يقترب اليها لكنها ابتعدت عنه

بص قدامك احسن يا دكتور هاااا

يا خالتى الناس بيسألو عليه

قولهم اى حاجه وخلاص اقولك روح افتح البوفيه

يكون احسن اهو يتلهو فيه ويبطلو رغى

وانا اقول مين القمر دى اتاريها مراتى حبيبتى اما فين لبس تربل اتش

كده برده يا عماد

ما تزعليش منى يا دودو انا بهزر معاكى

وانا عمرى ما بزعل منك ها ايه رايك فى النيولك ده ياسمينا اصرت انى اغير من شكلى عشانك

يقبل يدها : يا حبيبتى مش مهم الشكل عندى المهم الروح وانا بحب روحك انتى يا هدى

يعنى ايه تقصد انى وحشه ولا ايه

لا اله الا الله ياحبيبتى مش قصدى اقصد ان الروح احلى بكتير من الشكل فيه ناس كتير حلوه بالكشل انما اللى جوه اسود وفيه العكس انا بحب بقى الروح بفهمتى

ليه بقى حد قالك عليا ما بفهمش

يا صبر ايوب … كنتى غيرتى طبعك مش شكلك بس

بتقول ايه يا عماد

ما بقولش ساكت ساكت… بقولك ايه فينها نيللى

مع عمتى هناك اهى

طيب ما تيجى نخلع احنا كمان شويه

هنروح فين

اى مكان يا هدى اى مكان المهم نكون مع بعض لوحدنا ونفتكر اللى فات

ماااااشى موافقه

طب يلا بينا

لا يزالوا جالسين على الكورنيش يتاملوا المنظر الطبيعى ويتذكرو اليوم الذى أتى بها الى هنا وظلوا يجرو تحت المطر بحب وسعاده

ههههههههههه كان احسن يوم فى عمرى يا يوسف والله

وانا كمان … كانت فرحتى لما شوفتك بتجرى وكانك طفله صغيره وبتجرى تحت المطر

اه وانت صعبت عليا تانى يوم لما لقيتك بردت وسخنت بسبب الجاكيت اللى ادتهونى

فداكى عمرى كله يا عمرى

بعد الشر عليك يا حبيبى اوعى تقول كده تانى

بحبك يا سمسمتى

وانا كمان ربنا عوضنى بيك يا يوسف

طيب فيه حاجه عاوز اقولك عليها ومش عاوزك تزعلى ولا تتدايقى كان ممكن اداريها عليكى بس عشان وعدتك انك لازم تعرفى كل حاجه ومااخبيش عليكى اى حاجه

حاجه ايه خير

مامتك

ماما مالها

حصلت لها مواقف كتير اخرها اننا مش للايقين ليها اثر

ايه

هو ده الموضوع اللى كنت هكلمك فيه من دبى واجلتو لما اجيلك هنا

طب وانكل مسعد

ما يستحقش كلمه انكل يا ياسمينا البيه سرق فلوس مامتك وهرب بيها على النمسا وهنا اتجوز واحده نمساويه وعمل مشروع والمشروع ده خسره فلوس كتير اضطر ياخد قروض من البنك ولما كل حاجه راحت منه اتقضب عليه ومراته النمساويه طلقته وخدت اللى باقى من فلوسه

وماما فينها

محدش يعرف عنها حاجه بس اللى اعرفه ومتاكد منه انها لسه بالقاهره بس فين الله اعلى واعلم … يقتبرب منها ويمسك يدها بين راحته : بس بوعدك انى هعمل كل ما بوسعى والقاها من تانى ونجيبها تعيش معانا

كان قلبى حاسس بانها حصلها حاجه من ساعه ما حلمت الحلم اللى قلتلك عليه

مش عاوزك تزعلى وحياتى عندك وثقى بيا انى هدور عليها ان شاء الله

ان شاء الله

فين بقى ضحكت مراتى الحلوه

ترسم ابتسامه لكنها حزينه

يقبل يدها بحب : ربنا يقدرنى انى اسعد دايما يا ياسمينا

ربنا ما يحرمنى منك ابدا يا يوسف

ويمر يومين ويأتى اليوم المنتظر انه يوم زفافهم … فى صبيحه اليوم كان يوسف يبدل ثيابه بحله سوداء انيقه للغايه … لكنه لاحظ ورقه تدفع من تحت الباب ابتسم وتقدم منها والتقطها وقرأ ما بها وهو سعيد للغايه وكان بها

بحبك هفضل احبك طول عمرى وعمرى ما هنساك
انا عمرى انا بس بعيشه عشان جنبك وهعيشه معاك
وهعيش طول عمرى بحبك اه بحبك وبدوب فى هواك

وأقترب منك و ألمح دبلتى الفضية فى يدك و أشعر أنك أصبحت لى وحدى و من حقى أنا فقط
فــَ يطمئن قلبى فــَ أقترب منك أكثـــر
و أدفن رأسى فى صدرك هرباً من عيون الناس
وقتها ستتساقط الدموع على وجهى
هى يا حبيبى دموع الحب
فــَ اليوم فاز قلبى بك إلى الأبـــد

رسم على شفتاه ابتسامه عاليه … ثم اكمل ارتدئه لحلته … ليأتى اليه كريم

عريسنا القمر ايه اخباره

ايه رايك يا كيمو انفع اكون عريس

الله اكبر عليك يا جو قمر والله

تسلملى ها كل حاجه جاهزه

اه الشنط فى العربيه والكل مستنيك تحت عشان يسلموا عليكو

طيب انزل وانا هجيبها وننزلكم

اوكيه يا معلم منتظرينك اوعى بقى تتاخر

لا ما تقلقش

ويتركه ويغادر الحجره ويجد ان زوجته هى الاخرى تتجه نحوه

رايحه فين يا حياتى

كنت جايه اقول ليوسف ان ياسمينا جهزت

وايه الدموع دى ياخوتى اللى على خدوك
يقولها وهو يداعب وجنتيها

دموع الفرحه مش مصدقه ان خلاص يوسف اتجوز وهياخدها ويسافر

مش ده اللى كنتو عاوزينو

ايوه بس برده الفراق صعب

فراق ايه يا بت كلها كام شهر وهتلاقي مشرف هنا وعلى قلبكم على طول

انت صدقت كلامه يعنى

ايوه هو بنفسه قالنا انه زهق من الغربه بص هيقعد كام شهر هناك لحد اخر السنه وبعدين هيجى ويستقر هنا يبقى ليه الدموع بقى

خلاص يلا ننزل نستناه تحت

يلا ياختى وانتى قمره كده قوليلى الاول الواد مخيمر عامل ايه جوه

مخيمر فى عينك ابنى اسمه يوسف مش مخيمر

ماشى يا ستى يوسف يوسف بس هفضل برده اقول عليه مخيمر لحد ما يشرف واشوفه بعيونى دول

طيب يلا ننزل تحت اه انت هتوديهم

اكيد

طيب عينك تروح على مضيفه كده ولا كده هتعرف شغلك

هههههههههه كان زمان ياختى وجبر قبل ما اعرفك واتجوزك

واجبلك مخيمر بتاعك

هههههههههه حبيب قلبى

اما ياسمينا كانت بالفعل اميره متوجه على عرشها متألقه بفستانها الكب وفورمه شعرها … تسمع طرقات بابها لتجده هو الطارق … يقترب منها ويقبل وجنتيها بحب

مبروك عليا

ربنا يخليك ليا

ثم يلتقط من فرأشها كاب ابيض طويل يحاوطها به لكى لا يرأها احد غيره بعد الان ( لتكون مثل العروس)

… ثم يمسك بيدها فى راحته : مبسوطه يا سمسمتى

اوى اوى يا يوسف ربنا يخليك ليا

انا مش عارف اخوكى ليه مصمم انها تتنقب بس

وانت مالك وماله هو حر ومدام هى راضيه خالص

ماشى ما قولناش حاجه بس

ما بسش بطل بقى يا كريم

خلاص يا ستى هبطل … اهم نازلين خلى داده تزغرط ولا حرام كمان الزغاريط فى اليوم ده

كريـــــــم

خلاص اهو ساكت اقولك هروح بره استناهم فى العربيه احسن

كاميليا تتجه اليهم عبر كرسيها المتحرك : مبروك يا حبايب قلبى … بارك الله لكما وبارك عليكما وجمع بينكما فى خير وسعاده دائما يارب

يارب يا ست الكل

يلا خد عروستك مش هوصيك يا يوسف عليها

فى قلبى يا عمتى

تنحنى لتقبل يداها بحب : هتوحشينى اوى يا ماما

انتى كمان يا حبيبتى اول ما توصلوا بالسلامه كلمونا نطمن عليكو

ان شاء الله

وبعد قليل نجدهم بداخل المطار جالسين منتظرين … نداء رحلتهم المتجه الى دبى … الى ان أتت اليها صديقه عمرها فيفيان … حبيبتى عروستنا القمر وتعانق بعضهم بعض : هتوحشينى يا فيفى اوى

وانتى كمان يا قلبى حلو عليكى اوى النقاب قمر يا بت فيه

ربنا يخليكى بجد حلوه

اوى اوى … ربنا يتمم ليكو على خير

يارب

الف مبروك خلى بالك عليها دى مش صحبتى وبس دى اختى كمان واكتر والله

حاضر وما تقلقيش فى عيونى

وانا واثقه من كده .ز يلا بقى اسيبكم عشان الحق رحلتى انا كمان كنت نفسى اكون معاكو بس ما عرفتش

مره تانيه ان شاء الله … لو جيتى دبى ابقى تعاليلى هناك

حاضر يلا بينادو على طيارتى اهو خلى بالك من نفسك والف مبروك

الله يبارك فيكى وعقبالك يارب

قبل ما امشى بس … تنحنى

بتعملى ايه يابت يا فيفى

اقرصك يا بت يا ياسمينا عشان احصلك ايوه كده

ههههههههه مش هتكبرى ابدا

ولا عاوزه اكبر انا حلوه كده يلا سلام

سلام

لتجلس مره اخرى على الاريكه وبجواره وتنظر حولها … ثم اليه وتقول له

فاكر

ياخذ يدها بين راحته بحب : الا فاكر وهو ده يوم يتنسى برده …. بس اوعى فى يوم تهربى منى

انا لو هربت هرب منك اليك يا حبيبى

ربنا يقدرنى انى اسعدك دايما

انا خايفه اوى يا يوسف

اوعى تخافى طول منا معاكى يا قلب يوسف

تفتكر هقدر اعيش هناك بعد اللى حصلى اكيد مستحيل

وما تقدريش ليه المفروض علينا اننا نواجه اى شى صعب وبعدين مفيش حاجه اسمها مستحيل طول ما فيه اراده وعزيمه قويه جوانا

انا بندم على اى يوم عشته من غير ما اعرفك

وانا لو ندمت هندم انى ما لحقتكيش قبل ما كنتى جيتى هنا الاول

تعرف نفسى فى ايه

فى ايه يا ترى

اعمل عمره

بس كده ان شاء الله نسافر بس واول اجازه هناك ليه هخدك ونروح السعوديه بس مش هنعمل عمره هنحج ان شاء الله وكمان هخليكى تعملى عمره لعمى ابراهيم

بجد يا يوسف

بجد يا روح يوسف

انت احسن راجل فى العالم

وانتى عيونى اللى بشوف بيها الحياه يا ياسمينا

وهنا سمعو صوت فيرزو يهل عليهم من احدى المسافرين وكان يستمع اليها عبر هاتفه المحمول

أنا لحبيبي و حبيبي إلي
يا عصفورة بيضا لا بقى تسألي
لا يعتب حدا ولا يزعل حدا
أنا لحبيبي وحبيبي إلي
أنا لحبيبي و حبيبي إلي
يا عصفورة بيضا لا بقى تسألي
لا يعتب حدا ولا يزعل حدا
أنا لحبيبي وحبيبي إلي
حبيبي ندهلي قلي الشتي راح
رجعت اليمامة زهر التفاح
وأنا على بابي الندي والصباح
وبعيونك ربيعي نور وحلي
أنا لحبيبي و حبيبي إلي
يا عصفورة بيضا لا بقى تسألي
لا يعتب حدا ولا يزعل حدا
أنا لحبيبي وحبيبي إلي
وندهلي حبيبي جيت بلا سؤال
من نومي سرقني من راحة البال
أنا على دربو ودربو عالجمال
يا شمس المحبة حكايتنا أغزلي
أنا لحبيبي و حبيبي إلي
يا عصفورة بيضا لا بقى تسألي
لا يعتب حدا ولا يزعل حدا
أنا لحبيبي وحبيبي إلي

انتــــــهت بحمــــد الله

طبعا كلكم عاوزين تعرفوا ليه ما خلتش ياسمينا توصل لمامتها لان الفت تعتبر حاله انسانيه يوجد منها كتير فى شوارعنا للاسف ما منا احيانا يعطف اليهم وما منا ايضا يفعل الفحشاء بهم للاسف انا قابلت حاله زيها من فتره كبير ومكنتش تعرف حتى اسمها ايه ولا ساكنه فيه مكنش على لسانها غير هاتولى فلان عاوزه فلان سعدناها وحولنا اننا نشوفلها اى حاجه تسترها وتقعد فيها لكن للاسف الشديد ما امكنش … بس اللى عاوزه اوصلو ان فيه منها كتير فى مجتمعنا وتايهه بالشوارع ولا عارفين ليهم متوى … دى حكايه حاله انسانيه

زر الذهاب إلى الأعلى