مسلسل رحلة الحب الحلقة الخامسة والسادسة عشر

الحلقة الخامسة عشر

يوسف:قبل ما نقعد احنا لا هنضايقكوا و لا هنزعلكوا و لا اي حاجه تلفت الانظار احنا هنفطر معاكوا وز نشرب حاجه ساقعه و نوعدكوا انكوا تروحوا من غير اي اذي و محدش في الي انتوا شابفنهم دول هيضايق حد فيكوا
حمزة:الا انا
هبه:برقت ليوسف
يوسف”:حمزة اخرص
حمزة:علي فكرة انا مش هخرص بس هفوتها بمزاجي
يوسف:ها يا بنات موافقين نقعد و لا نمشي
مروان:و علي فكرة احنا جيين لغرض نبيل احنا كنا جيين نقلكوا علي احسن مدرسين في مصر عشان تقدروا تجيبوا المجاميع الحلوه زينا
مراد:بصراحه احنا كان نفسنا نشوفكوا بس زي ما قال جو لو مضايقين نمشي
البنات”ضحكوا البنات”:عيب نمشيكوا يعني شكلها هتبقي بايخ و وحشه في حقنا
حمزة:قعدت يا غلسه:p
هبه:شايف يا يوسف من اولها كدا انا مش هتكلم اهو
يوسف:بطل يا حمزة بدل ما انفخك و مش هنكمل دقيقه و نمشي محدش يزعل حد و لا عايزين صوتنا يعلي متنسوش اننا قدام مدرستهم
اميرة بصتله و ضحكت و عرفت قد ايه هو خايف عليهم
هبه:و ربنا الواد ده جي غلط معاهم
حمزة:تقصدي حاجه يا انسه
حمزة:اهو يا جو منتهي الاحترام انسه اهو
الكل ضحك
يوسف:هاجر
هاجر:نعم يا يوسف
يوسف:انا عارف انك مضايقه و حقك
هاجر:يعني انت عرفت”و بتبص لاميرة”
يوسف:علي فكرة الي قالي هو صاحب المشكله انا حاسس نفسي اني ابوهم الروحي اي مصيبه انا الي ببقي في الوش علي طول
هاجر:خلاص يا يوسف
يوسف:لا مش خلاص واحد غلط يبقي لازم يعتذر مش كدا بردو يا درش
مصطفي:عندك حق يا جو و انا فعلا غلطت و انا اسف للاحراج الي انا اتسببته ليكي قدام اخوكي و بعد كدا مش هدخل في اي حاجه مش تخصني من نحيتك الا لما اسألك الاول
مصطفي”بهزار”:طب سؤال صغير ممكن هو انتي عندك اخوات تاني
هاجر بصتله بغضب
الكل ضحكوا
مصطفي:انت مش بتهزر ابدا يا رمضان يا ساتر
هاجر:لا بهزر و اوي كمان بس مع الي اعرفه
رامز:يخربيت ابو ام جو التنشنه الي انتوا دخلتونا فيه دا ممكن ناكل بقي احنا هنا من 8 الصبح هموت من الجوع
هدير:8 الصبح ليه بتبيعوا لبن
مروان:اسأليه جو و درش هما السبب
ميار:ليه يعني دا كله
مصطفي:عشان طبعا اعرف اعتذر لهاجر و جو بصراحه ساعدني جامد و الفضل الاكبر لرامز هو الي قفش انكوا خارجين انهرده
رامز:شوفتوا انا الي بخطط اساسا انا مكاني مش هنا
ميار:انت مكانك فوق يا ابني فوق اكتر
رامز:انتي هتوديني لغايه فين
ميار:عند ربنا
رامز:الله يخربيتك
مروان:ها يا جماعه عرفتوا المدرسين و شوفتوا هتاخدوا مع مين و كدا
يارا:يعني اهو بندور اصل مشكلتنا ان في مننا ادبي و في مننا علمي
مالك:طب مش دخلتوا كلكوا علمي ليه
اميرة:في اعتراض يا اخ مالك
مالك:انا اقدر يا باشا ماله الادبي وحش
هبه:كل واحد حسب الكليه الي عايزها يعني مثلا كليات علمي بحس كدا انهم معقدين بالي بيدخلوها
الشباب:راعي اننا علمي يا هبه
هدير:هههههههههههههه المهم احنا بندور لحد دلوقتي
يوسف:احنا ممكن نفيدكوا بس الي داخلين ادبي مش هيستفادوا اوي من الي نعرفه
اميرة:طول عمركوا فشله و مش بتنفعوا حد
حمزة:احنا بردو
بسمه:و النبي خلاص انا مصدقت نفضل من غير خناق
هبه:ابنات ابنات
الكل:عايزة ايه
هبه:هي كليه اثار من ضمن كليات ادبي صح
ميار:اها اكيد
هبه:طيب
يوسف:انا حاسس ان السؤال دا وراه حاجه انتي عايزة تدخلي اثار يا هبه
هبه:لا وربنا اعلام انا عارفه انا عايزة ايه الي نفسها في كدا اميرة
البنات:ايوا يا عم
اميرة:اتنيلوا
يوسف:يعني ايه ايوا يا عم بيفرقوا هناك حاجات ببلاش و لا ايه
بسمه:يا عم ده فيها الحلاوه كلها كفايه ان محمد الشناوي بيحضر دراسات عليا فيها هيييييييييييييييح
مالك:هييييييييح في عينك بطلي يا بت
بسمه:هو انا عملت حاجه
يوسف باصص و مش متنح غير لاميرة و اميرة عنيها في الاكل
اميرة:علي فكرة الاكل دا تحفه و المخلل يا خراشي قمر
بعد كدا شرقت
قدملها يوسف كبايه ميه
يوسف”بغضب”:اشربي
اميرة”بخوف مصطنع “: حاضر
يوسف:مش قولتيلي بقي نفسك تدخلي كليه ايه يا حلوه
اميرة:و الله علي حسب انا مش بحب غير اعلام و اثار
يوسف:ركزي احسن علي اعلام احسن و ليها مستقبل
اميرة و هي بتشرب:يحلها ربونا
مراد:طب تمام احنا بقي نقولكوا علي اسامي المدرسين و الاماكن الي بيدوا فيها عشان تقدروا تستفادوا اكتر
مالك:و لو عاوزين توصيه اشطه احنا راشقين
بسمه:لا يا عم خلينا ندخل و نجرب مش يمكن ميعجبنيش
مروان:دول احسن مدرسين في مصر
هدير:ظن انهم مش عجبونا نتدبس بقي بسبب التوصيه
مروان:تصدقوا احنا غلطانين
البنات:خلاص خلاص
ميار:يلا كل واحد يكتب خبرته في المدرسين
رامز:و لو عاوزين يعني مساعده انا مدرس جامد اوي علي فكرة
بسمه:و النبي يا راجل
مروان:اه طبعا احنا جامدين اوي
هبه:طب اعملوا حسابكوا في انكوا بالمرة تذاكروا تاريخ و جغرافيا و فلسفه و علم نفس
حمزة:هما دول تبعنا بردو
هبه:اهو توفير
حمزة:اما انتي بت مصلحنجيه صحيح
هبه:اثر معرفتي بيك
حمزة:خدي بالك مش عندك الا انا ها يعني باحترام
هبه:ليه يا اخويا ما جو و الشباب موجودين
حمزة:لا جو و درش هيطيروا
اميرة:يعني ايه
حمزة:هيسافروا
هدير:يصيفوا مثلا
حمزة:لا هيكملوا دراستهم في المانيا
اميرة:المانيا ؟؟؟هو الموضوع دا بجد انا سمعت بس مش افتكرت انه بجد”و بصت ليوسف”
يوسف:و الله كنت هقولك و اشرحلك …..قصدي يعني هقلكوا بس
اميرة:و ايه السبب احنا نقربلك حاجه عشان تقول عادي علي فكرة
يوسف:يا بنتي و الله كنت هقولك
اميرة:مش لازم كل واحد حر في حياته و علي العموم ربنا معاك
هي الساعه كام يا جماعه
هاجر:12.30
اميرة:طيب انا همشي بقي عشان ماما و كدا هتيجوا معايا
البنات:اكيد
البنات خرجوا دفع يوسف بسرعه و راح وراهم
يوسف:اميرة لحظه انتي ليه مش عايزة تستووعبي ان كل دا حصل……….
اميرة:احنا متفقين برا الكافيه محدش يعرف التاني فعن اذنك
ركبوا البنات تاكس و مشيوا
الشباب كانوا ورا يوسف
مروان:يادي النيله هو مفيش مرة نشوفهم فيها غير لما حد منا يتخانق مع واحده
حمزة جه جنب يوسف:انت مش قولتلها ليه يا جو
يوسف:و الله نسيت في الدوخه الي كنت فيها ما انت عارف ان كل دا حصل زفت فجأه
مصطفي:من غير زعل يا صاحبي في ده انت غلطان
يوسف:اخرص انت كمان و النبي لاحسن اطيح فيكوا دلوقتي
مالك:انت هتزعل مننا يا يوسف اميرة بالاخص ليها معامله خاصه من ساعه ما جرخناها اول مرة و هي بالنسبه لينا اختنا و انت عارف كدا و لازم تاخد بالك من تصرفاتك لو كنت فعلا عايزها و تفكر مليون مرة قبل ما تاخد اي موقف لانها حساسه جدا و انت عارف السبب
رامز حط ايده علي كتف يوسف:عنده حق يا جو
يوسف:انتوا صح انا الي غلطان روحوا انتوا و انا هتمشي شويه
الشباب:لا مش هنسيبك
يوسف:لا روحوا و انا شويه وراجع
فضل يوسف ماشي و هو بيفكر ان هو فعلا حبها بجد و مش يقدر يزعلها بس ازاي نسي انه يقولها جايز بفرحتي بنجاحي او بفرحتي اني اشوفها تاني او يمكن مكنتش عيزها تزعل اني همشي تكون متعرفش مثلا بس دا كان حل غبي انا المفروض مكنتش اخبي عنها حاجه بس كل دا حصل فجأه و انا نسيت مكنش قصدي بس هو ايه سبب زعلها كدا ان انا يعني همشي و اسابها و لا ان انا مش قولتلها و لا الاتنين هي ممكن تكون تبادلني نفس الشعور و لا بس انا مش بعرف استكشف مشاعرها خالص رغم انها عامله زي الطفله بس ملامح وشها محدش يعرف ايه الي بيدور جوا عقلها بيه بس في الاول و الاخر اقول اني غلطت اركن قلبي علي جنب هي كانت زي اختي يبقي المفروض و حقها تعرف بس انا مش عارف اعمل ايه هي بان عليها انها اضايقت مني اوي بس و الله مش عارف ايه الي نساني يمكن الي حصل دا اشارة من ربنا اني اعرف مشاعري اتجاهها و اعترف لنفسي اني فعلا حبيتها مش عارف
كان في طريقه للبيت
في نفس الوقت عند البنات
بعد ما ركبوا التاكس
بسمه:ايه يا اميرة سبب التنشنه ده
اميرة:معرفش
يارا:ازاي يعني دا انتي قلبتي وشك جامد اكنه عمل مصيبه
اميرة :مهو غلطان المفروض كان يقولي
هدير:ليه يعني هو حر
اميرة سكتت و بصت من الشباك و بدات تفكر
“انا صحيح ايه الي خلاني ازعل هو فعلا حر في حياته بس يمكن عشان مش قالي ايوه هو المفروض كان يقولي بس هو هيسيبني و يمشي بعد ما حسيت اني اتحميت في حد بس عادي ايه الجديد انا اتعودت علي كدا اي حد انا بحبه بيسيبني ايه دا انا قلت بحبه هو انا فعلا حبيته يمكن من معاملته معايا هو طيب اوي بس خلاص بقي هيمشي انا لحد دلوقتي مش مقتنعه انه هيسافر و هو راضي انا عارفه انه مش بيبادلني نفس الشعور بس علي الاقل هو مش قال اني زي اخته حد يسيب اخته هو غلطان بقي يبقي كان حقي ازعل حتي لو ركنت قلبي علي جنب انا زي اخته و كان من حقي اعرف هو بقي يقول للكل الا انا لما عرفت كدا اول مرة علي الشات من رامز قولت مقلب من مقالبه لكن لما عرفت انه حقيقه حسيت ان في حاجه غاليه عليا اوي و هتسيبني و اكني عايزة اتمسك بيها جامد بس خلاص بقي عادي ياما خدت من كدا كتير جت عليه”
ميار:اميرة يلا انتي وصلتي انزلي انتي و احنا هنكمل
اميرة:هاااااااه ماشي حاضر سلام يا بنات
اميرة مشيت و روحت للبيت
مامه اميرة:جميل 1.30 حلو
اميرة:هههه اي خدمات
مامه اميرة:مالك شكلك متغير في حد زعلك او ضايقك
اميرة:لا يا ماما انا بس مخنوقه عايزة اروح لتيتا
مامه اميرة:طب مش انهرده عشان اليوم كدا اتحرق
اميرة:عشان خاطري و النبي يا ماما
مامه اميرة:بس انا مش فاضيه انهرده
اميرة:طب انا هروحلها و استناكي بكرا ماشي
مامه اميرة:طب مش ترتاحي الاول
اميرة:لا عشان مكسلش
مامه اميرة:ماشي الي يريحك كلي و انزلي روحلها
كلت اميرة بسيط لان نفسها كانت مسدوده من الي حصل
اميرة:سلام يا قلبي و هستناكي بكرا
مامه اميرة:ماشي اتصلي عليا لما توصلي
اميرة:تمام
ركبت اميرة وراحت عند جدتها
اميرة:يا ناس يالي هنا
جده اميرة:ازيك يا اميرة عامله ايه يا بنتي
اميرة:الحمد لله يا تيتا انتي وحشتيني اوي اوي اوي
جده اميرة:انتي كمان مش جيتي بقالك كتير يعني
اميرة:ههههه معلش يا موزتي
جه اميرة:طب غيري هدومك و عيزاكي
اميرة:حاضر يا قمر انت
غيرت لبسها و قعدت جنب جدتها
حده اميرة:مالك بقي
اميرة:دايما قفشاني
جده اميرة:اتكلمي
اميرة:حكتلها كل حاجه من ساعه شرم لحد انهرده
جده اميرة:انتي بتحبيه يا اميرة
اميرة:مش عارفه اه و لا لأ
جده اميرة:بس الي عملتيه انهرده بيبرهن انك بتحبيه
اميرة:بس هو اكيد مش بيبادلني و الدليل انه هيمشي و يسافر و يسبني
جده اميرة:طب عرفتي سبب سفره
اميرة:لا انا مسبتلوش فرصه عشان يتكلم
جده اميرة:مش ممكن يكون مغصوب
اميرة:يعني انتي معيا و لا معاه يا تيتا
جده اميرة:انا مع الحق يا بنتي و كمان من كلامك انه بيغير عليكي فليه مش تقولي ان هو كمان بيحبك
اميرة:لا مظنش
ساعتها فونها رن و هي عملته سايلنت و مش ردت
اميرة:اهو بيتصل و مش هرد
جده اميرة:ايه دا انتي بتكلميه فون يا اميرة
اميرة:لا طبعا يا تيتا هقولك السبب الي اخد بيه رقم فوني”و حكتلها الي حصل”
جده اميرة:طب يا بنتي اسمعي منه هو عايز يقول ايه
اميرة:لا
جده اميرة:طب افتحي الفيس شوفيه و كلميه
اميرة:تيتا انا لا عايزة اكلمه و لا عايزة اسمع صوته
جده اميرة:ليه بس دا باين انه محترم و متربي اعرفي عايز يقول ايه
اميرة:تيتا انتي عامله اكل ايه
جده اميرة:توهي في الموضوع ماشي هجبلك الاكل
flash bacK
عند يوسف لما رجع
ساره:جو مالك
يوسف:مفيش
ساره:مالك يا ابني انت الصبح كنت هتموت من الفرحه و انت نازل حتي كنت هتوقعني من علي السلم و انت بتجري و دلوقتي راجع متنكد في ايه
يوسف:مفيش حاجه يا ساره انا عايز انام
ساره:طب تعالي معايا
خرجوا للجنينه الي برا الفيله و قعدوا
ساره:ممكن بقي نتكلم بصراحه انت مش بتخبي عني حاجه يا يوسف قولي يا ابني يمكن الاقي حل يريحك
يوسف:”اتنهد”ماشي هحكيلك كل حاجه
حكلها يوسف كل حاجه و ختم كلامه بي”انا بحبها اوي يا ساره و هي بنت محترمه جدا و خايف اخسرها قوليلي اعمل ايه”
ساره:انت بتحبها بجد يا يوسف و لا زي اي بنت مجرد اعجاب و السلام و لو هي كدا سيبها من الاول يا ابني
يوسف:و الله العظيم بحبها دا ان بفضلها عن نفسي انا لو عندي اختيار بينها و بين حياتي هختارها هي
ساره:خلي بالك قبل ما تعمل اي حاجه ده بنت يتيمه يعني انت هتكون كل حياتها متجيش عليها يا يوسف ربنا مش هيسيبك و الحاجه التانيه انها بنت بسيطه يعني و لا فيلا و لا عربيه يعني هتحارب ممكن بابا مش يرضي و لا ماما ترضي هتسيبها و تقولها سلام يا ماما و لا هتبقي راجل من دلوقتي و تكون هي اول حاجه الي بسببها تبني نفسك و تكون مستقبل ليك عشان تقدر تاخدها و محدش يقدر يكلمك
يوسف:هعمل المستحيل عشانها يا ساره ده بقت كل حياتي انا من يوم ما جرحتها و انا مكنتش بنام الليل و مكنتش بفكر غير ازاي اعرف ارجعها ليا تاني هي لمضه و جميله ومجنونه و عسوله و طيبه و طفله هي كل حاجه
ساره :طب بس بس بس انت وقعت يا عم و لا الهوا الي رماك خلاص هساعدك بس دا عهد هتاخددوا قدامي دلوقتي حالا مهما حصل مش هتأذيها و لا توجعها و لا تزعلها
يوسف:عهد هاخدوا قدامك اني لا هأذيها و لا هزعلها و لا هوجعها و هبني نفسي بنفسي و هعمل كل حاجه هشتغل و انا بدرس و هعرف كل تفصيله صغيرة في مصانع المانيا علشان خاطر اكون جدير بحبها و محدش يقدر يقف قصادنا و محدش يقدر يعترض في الارتباط دا هي هتكون ليا وربنا برضاها او لا
ساره:الله يخربيتك ما انت كنت كويس من شويه
يوسف:اخلصي بقي هتساعديني و لا
ساره:ماشي استني افكر و اقولك
بعد 5 دقائق
ساره:انت بتقول انها عنيده و انك جربت تتصل عليها كتير و مش ردت و الفيس مش فتحاه
يوسف:اها
ساره:طب ما تحكيلها كل حاجه علي رسايل
يوسف:هي مش فتحت فيسها
ساره:انا مش قصدي علي الفيس قصدي رسايل علي الفون هي اكيد فونها في ايديها اشرحلها كل حاجه عن طريق الرسايل
يوسف:تصدقي صح انا ازاي مش فكرت في كدا
ساره:يلا اهو مساعده ببلاش
يوسف:مش واثق
ساره:قوم يلا اعملي نسكافيه و ابقي ابعتلها الرسايل ده بعدين
يوسف:لا هي اهم من النسكافيه غوري انتي اعمليه
ساره:دا انت وقعت جامد يا جو
يوسف:هههههههههههههههههه من طيبه قلبها و حنيتها حسيت انها البنت المناسبه ليا اي نعم هي مجنونه ساعات بس بعشق كل حاجه فيها
ساره:ايوا يا عم ماشي انا هسيبك بقي و انت عيش
يوسف فتح فونه و بدا يكتب
“اميرة مش بتردي عليا ماشي بس انا عارف انه حقك سامحيني انا مقدرش علي زعلك ابدا بحس ان في حاجه نقصاني لو مشوفتش ابتسامتك انت فرحك بيفرحني حزنك بيخليني عايز اولع في الي زعلك ان شاء الله انا بس انا بالاخص مش تزعلي مني مهما عملت لانه بيكون يا اما لمصلحتك او اني مخدتش بالي و نسيت بسبب ضغط عليا انا مش بردي ساعات اواجه حد بالضغوط الي بتبقي عليا بستحملها لوحدي بس انتي حاجه تانيه حاولي تفهمي اني بحاول اغير من نفسي اني اخليكي انتي بس الي اقدر اتكلم معاها بحريه اقولها كل حاجه مضايق تعبان زهقان بس ساعات طبعي القديم اني اخبي بيخلي افشل بس انا بحاول انا يا ستي السفر دا مش برضايا انا بابا سفر اخويا قبلي عشان ياخد فكرة في ادراه الاعمال و الاستيراد و التصدير عشان يقوي الشركه و من اربع سنين بس ابتدا بابا يعمل اول مصنع و فهو كان عايز حد يسانده و هو بيحب ان يكون الي تحت ايديه من اهله وواثق فيه اوي فكان مش واثق غير في خالي الي هو بابا حمزة و صديقه هو ابو مصطفي فهو قال ان احنا التلاته الي هنسافر عشان نعرف كل حاجه عن مصانع العربيات في المانيا لكن حمزة اديني اهو يا ستي هقولك كمان عن حمزة هو رغض انه يسافر و قال اننا نبعتله كل حاجه احنا بندرسها علي النت و هو هيذاكرها و هيدرس في مصر و هو مش رضي يسافر عشان حمزة باباه السنه الي فاتت جاله مرض القلب فخاف عليه و خاف انه يسيب اخته و مامته لوحدهم فصمم انه يكون هنا ميرة متوعليش مني انتي اغلي انسان عندي و بحب دايما اشوفك مبسوطه و فرحانه انا اسف كمان مرة اني مش قولتلك بس اوعدك بعد كدا اي حاجه هقولهالك”
وصلت لاميرة الرساله و قرأتها و ابتسمت بخفه
عند هاجر و مصطفي
هاجر شالت البلوك بس مصطفي مش عندها في الفريند
هاجر:معلش بقي مش هتكون عندي في الفريند
مصطفي:يكفيني اني اعرف اكلمك
هاجر:احم طب انت هتسافر امتي
مصطفي:في بدايه شهر 9
هاجر:اممممم خنكون احنا بدأنا دروسنا
مصطفي:يوسف غلط انهرده
هاجر:لا مظنش
مصطفي:لا غلط انه مش قالها
هاجر:ده حياته و هو حر فيها
مصطفي:لا اميرة ليها معامله تانيه خالص هي مختلفه عن اي حد عرفه
هاجر:هو اكيد هيشرحلها موقفه
مصطفي:يارب المهم انتي تخلي بالك من نفسك و عايزك دايما كدا لحد ما اجي
هاجر:مش فاهمه قصدك
مصطفي:اقصد هاجر المقفوله الي محدش ليه دعوه بيها يعني محدش يقدر يكلمها الا بالاذن عمله كدا زي الشكولاه في السوليفان
هاجر:ايه دا يعني ايه
مصطفي:يعني تفضلي في سوليفانك لحد اما اجي
هاجر:هو انت مش هتيجي غير بعد ما تخلص يعني مش هتنزل في الاجازات
مصطفي:مش عارف و الله يا هاجر بس مكن لو حد يعني عايزني انزل هنزله مخصوص
هاجر:احم احم”ارتبكت”طب بص بقي اقفل عشان تنام و انا كمان يلا بقي باي
مصطفي:استني يا بت انتي يا بت
كانت هاجر قفلت
هاجر:ايه الي حصلي دا “و حطت ايديها علي قلبها”
مصطفي:شكلي وقعت و لا ايه
“عند مروان وهدير”
مروان:اهو هتستريحي مني بقي هدخل حربيه لا هيبقي فينت و لا اني هقدر اقابلك الا في الاجازات
هدير:انت خلاص قدمت
مروان:اها ادعيلي بقي اني انجح
هدير:ربنا معاك بس ييعني لو باباك و مامتك عايزين يشوفوك مش هينفع
مروان:لا للاسف
هدير:مينفعش خالص يا مروان
مروان:لا بس المهم عايزك تجيبي مجموع حلو في الثانويه العامه و تدخلي بيه الكليه الي انتي عايزاها عشان افتخر بيكي
هدير:ان شاء الله و انت تخلي بالك من نفسك
مروان:اكتر حاجه بتعجبني فيكي خوفك عليا الدائم
هدير:لا ابدا انت بتفهم غلط
مروان:خليني فاهم غلط
هدير ابتسمت و متكلمتش عشان اتكسفت
“عند ميار و رامز”
رامز:ادعيلي بقي يا قمر انتي
ميار:ربنا معاك و بطل قمر ده
رامز:مغلطتش في حاجه انتي فعلا قمر
ميار:طب طب انت ناوي علي ايه
رامز:مش هتصدقي
ميار:لا هصدقك
رامز:اكون معيد و بعد كدا دكتور في الجامعه
ميار:معيد و دكتور الاتنين مع بعض
رامز:لا هقسم نفسي لاجزاء و اخد كل واحد براحتي
ميار:تصدق انك بتفصلني هههههههههههههههههههه
رامز:تصدقي لما ضحكتي افتكرت ضحكتك هي حلوه بالمناسبه
ميار اتكسفت ووشها احمر جامد و مردتش
رامز:هههههههههههههههههههههههههههههههههه حاسس انك بقيتي زي الطماطم
“عند بسمه و مالك”
مالك:انهرده كان يوم حلو علي الرغم من تنشنه اميرة
بسمه:هههههههههه صح
مالك:و الاحلي بقي اني شوفتك فيه متتصوريش انا مبسوط قد ايه
بسمه:بس بقي
مالك:يا خلاثي علي الجميل لما يتكسف
بسمه:ههههههههههه
مالك”لنفسه”:شكلي حبيتك يا بسمه
“عند حمزة و هبه”
حمزة:انتي يا بت عارفه لو مجبتيش مجموع اعلي مني هعمل فيكي ايه
هبه:هو انت تقدر تعمل حاجه و دا منظر تحفيز علي المذاكرة بالزمه دا تهديد
حمزة:هو انا كدا بقي في اعتراض
هبه:غور يلا انت مين اساسا عشان تقولي كدا
حمزة:اخوكي يا بت و محدش يكلم حد اكبر منه كدا احترمي حتي فرق السن
هبه:جت علي سنه
حمزة:لا اتنين ياختي
هبه:بابا جدو يعني
حمزة:يا بت هولع فيكي
هبه:تقدر اهون عليك
حمزة:اه
هبه:تصدق انك واطي اقفل يلا
حمزة:كنت هقفل انا غلطان اني كلمتك اساسا
هبه:في داهيه
حمزة:تاخدك
هبه:تشيلك
جه اليوم الي هيروحوا في معرض الكتاب
هبه:كل مكان في كتب كدا
بسمه:هبه هو اسمه ايه المعرض دا
هدير:ذكاء اصلي يا برنس
البنات كانوا بيلفوا و فجأه لقوا…………

الحلقة السادسة عشر
جه اليوم الي هيروحوا في معرض الكتاب
هبه:كل مكان في كتب كدا
بسمه:هبه هو اسمه ايه المعرض دا
هدير:ذكاء اصلي يا برنس
البنات كانوا بيلفوا و فجأه لقوا الشباب في وشهم
كل البنات:طب ازاي بقي”و الكل بص ناحيه بسمه”
بسمه: بتبصولي ليه و الله العظيم ما قولت حاجه
مروان:عشان الحق مش عرفنا منكوا الفضل في جو
البنات بصوا لاميرة
اميرة:و الله ما كلمتوا قصدي مش قولتلوا حاجه يبقي عرف ازاي
يوسف:انتي نسيتي ان انا كنت معاكي في المدرسه و كنت ماشي وراكي و سمعت المشرفه و هي بتقولكوا
بسمه:بردو بسبب اميرة
اميرة:امشي ابت اهو قال السبب
مصطفي:ههههههههههههههه خلاص بقي عاملين ايه
هاجر:عاملين جمعيه
رامز:يخراشي علي قصف الجبهه تحفه
حمزة:عيب يا جماعه دول زي اخواتنا ما عدا البت ده”قصده هبه”
هبه:امشي يا فاشل
حمزة:جزمه………….الا هو المكان دا مليان كتب كدا ليه ايه الرخامه ده
اميرة:ابدا اسمه معرض الكتاب فاكيد كنت تلاقي فيه ملاهي عليكوا انهرده اساله انت و هبه تشل
حمزة:تصدقي انك رخمه وربنا هي الاخت هي كمان قالت نفس الذكاء
هدير:و الله لسه قايله نفس السؤال
هبه:و انا بقول اتعديت من ايه من ساعه ما عرفتك
حمزة:انتي تطولي”عطس من ريحه الكتب”
حمزة:الورق دا بيجبلي حساسيه
هبه:شوفتوا عشان اقلكوا انه عداني
طول الوقت كان يوسف باصص لاميرة و هي كمان بس من غير ملاحظه حد
رامز:احنا هنفضل واقفين يلا نتفرج علي الكتب ههههههههههههه يمكن نعجب بكتاب و نبصله بدل ناس
يوسف بصله هو و اميرة و بعد كدا قالوا:تقصد ايه
رامز:قصديش حاجه
هدير:قدمتوا للجامعات يا جماعه
الشباب:اها
مصطفي:و انا و يوسف هنسافر علي اول تسعه
اميرة”بحزن”:اممممم ربنا معاكوا
مروان:هتوحشونا يا جماعه
مصطفي و يوسف:دا انتوا ما هتصدقوا
اميرة لفت دخلت في ممر مع عذر ان في كتاب هي عايزه تقراه هناك
يوسف:لحظه و جي
حمزة”بصوت واطي”:الله يسهلوا يا عم
يوسف:حيوان
راح يوسف ورا اميرة
يوسف”من وراها”:هتفضلي زعلانه كتير انا شرحتلك موقفي و انتي حتي مش رديتي عليا
اميرة:خلاص يا يوسف ربنا معاك”ابتسمت بحزن”
يوسف:هنفضل نخبي علي بعض كدا كتير
اميرة: نهار اسود و منيل هبه بتتخانق مع حمزة
راحت ناحيتهم متهربه من سؤال يوسف و في نفس الوقت فعلا هبه كانت بتتخانق
هبه:انت اهبل يلا انت ازاي تكلمني كدا اساسا
حمزة:انتي مالك اتكلم براحتي
هبه:تصدق ان انا نسيت انك بتاع بنات و معاملتك عمرها ما تتغير عشان كدا انت مش هتسافر تلاقيك معلق بنتين تلاته هنا ما هو الطبع بيغلب التطبع
حمزة:انتي ازاي تتكلمي كدا كنتي مين عشان تقولي كدا
هبه:انت اساسا واحد مش هتنجح في حياتك مش فالح غير في الصياعه و تعليق البنات
حمزة:كدا انتي زودتيها
كان لسه هيمسكها لولا ان يوسف خده لبعيد و اميرة شدت هبه قدامها
حمزة:سيبني يا يوسف
يوسف:خلاص يا حمزة بقي
حمزة:و الله ما معديها المرة ده
يوسف:حمزة خلاص بقي و اهدي
عند اميرة و هبه
هبه:في ايه يا اميرة عملتي ليه كدا
اميرة:انتي غلطتي يا هبه لانه مش ذنبه انه مش هيسافر
هبه:ليه يعني احنا علي طول كدا
اميرة:هقولك اولا حمزة المفروض كان يسافر بس هو رفض بارادته رغم ان دا اثر فيه جامد لان هو خايف علي مامته و اخته و باباه
هبه:ليه
اميرة:لان السنه الي فاتت باباه جاله القلب فهو قال انه هياخد عنه الشغل شويه هنا عشان يريحه فحطم حلمه انه يسافر و الاكتر من كدا ان يوسف و مصطفي هيبعتوله الي هما بيذاكروه من المانيا و هيدرس الي في مصر كمان يعني مضاعف
هبه:بجد
اميرة:و الله العظيم
هبه:طب عرفتي منين
اميرة:يوسف قالي
هبه:انا غلطت صح
اميرة:اها و جامد
هبه:طيب
اميرة:لازم تعملي حاجه
هبه:انا هتصرف
رجعت هبه
هبه:يوسف هو فين”بصوت خافت”
يوسف:قاعد هناك بس نصيحه بلاش تقريبله دلوقتي
هبه:متقلقش
راحت هبه عند حمزة
هبه:حمزة……….حمزة……… انت يا معقد انت
كان حمزة قاعد حاطط ايده علي وشه بيحاول يرجع السيطرة لنفسه
هبه:يااااااااااااااا حمزة
حمزة بصلها
هبه:علي فكرة المانيا مش حلوه خالص مش مستواك يا ابني
حمزة لسه ساكت
هبه جت جنبه و زقته من كتفه”خلاص بقي عشان خاطري”
حمزة:خلاص يا هبه”بضيق”
هبه:يعني خلاص
حمزة:اها
هبه:خلاص خلاص يعني
حمزة:اه يا هبه خلاص
هبه:خلاص بمعني خلاص خلاص و لا خلاص بمعني خلاص خلاص
حمزة:هببببببببببببببه
هبه:خلاص هدي نفسك يلا بينا
قام معاها
هبه:سؤال بقي
حمزة:عايزة ايه
هبه:مش زعلان خلاص يعني
حمزة:لا دا انتي رخمه بقي
جري وراها لغايه ما احتمت هبه في هدير
حمزة:وربنا ما هسيبك
هبه:خلاص بقي يا اخ يعني انت هتفرض قوتك علي انسانه رقيقه مثلي
حمزة:يا شيخه بطلي كدب بقي
هبه و بعدت عن هدير:تصدق انك رخم و غلس
مروان:ها يا جماعه نتفرج علي الكتب بقي
رامز:اشطه يلا بينا
هاجر:انا عايزة روايات
البنات:و احنا كومان
رامز:بسمه بتعرفي تعملي اكل
بسمه:طبعا يا ابني دا انا لهلوبه
مراد:بتعملي ايه بقي
بسمه:انا احسن واحده بعرف اعمل بيض بسمنه بس مقولكش رهيب و شاي
حمزة:شاي ساده و لا بلبن
بسمه:لا ساده مش بعرف اعمل بلبن
حمزة:خير علي بركه الله مالك
مالك:ايه
حمزة:خدلك الكتاب دا
مالك:دا للطبخ انا مالي
حمزة:هتحتاجه اسمع كلامي
مالك:غور يلا من هنا
الكل ضحك
مروان:انا مليت
ميار:انا كمان
يوسف:تعالوا نخرج طيب
هبه:لا طبعا مينفعش انا عايزة كتب
حمزة:البت مثقفه يا رجاله
هبه:هاااا تاني و نيجي نزعل في الاخر خلينا كويسين
رامز:بس بقي يا جماعه عايزين نستفاد مش تحسسونا اننا جيين هنا علي الفاضي
مروان:لا يا اخويا جايين علي المليان جبلي كتاب مسكته طول ما احنا هنا
اميرة:تعالوا يا بنات مكتوب في روايات و الواحد عايزله روايات رومانسيه
يوسف:ليه يعني
اميرة:فراغ عاطفي يا ابني مش هتفهم انت
مراد:طب احنا عايزين نفهم
يارا:اساسا اساسا الواحد بيعيش قصه جوه الروايه تحفه
مروان:طب متعيشوها في الحقيقه احسن من الخيال
هدير:ما هو احنا لو لقينا حد طول بعرض بعضلات بشعر اصفر بعيون خضر و بيغير و بيحب في نفس الوقت و فوق دا كله اخلاقه حلوه و حاجات تانيه كتير هنعيش في الحقيقه لكن دا مستحيل
رامز:مش عيزاه بينور بالمرة
ميار:يا ريت عشان النور بيقطع و ياااااااه بقي لو كان بيطير
مالك:دا هبل
بسمه:حد قالك اننا عاقلين
يوسف:اها صح و انا شاهد علي كدا
بسمه:قصدك ايه
يوسف:قصديش وربنا حاجه بس يعني علي الهبل و كدا ما شاء الله فيكوا كلكوا
اميرة:هنبتدي نخبط في الحلل و دا مش كويس
مراد:خلاص يا جماعه لا حلل و لا صواني مش وقت مواعين هو
مروان:روحوا جيبوا روايتكوا اخلصوا
البنات راحت و جابت كميات كبيرة جدا عشان تشتريها
مصطفي:و دا المفروض انكوا هتقرأوها كلها
هاجر:الواحده منها بتخلص في يوم
مصطفي:لا صدقت لما قولتوا فراغ عاطفي
البنات:راحوا عند مشرفه الرحلات
المشرفه:خلصتوا
البنات:اها يا ميس
المشرفه:اما لقيت كتاب يفيدكوا يوحد ربنا
يارا:خلاص بقي يا ميس احنا هنحتاج ايه من الكتب النت موجود لكن الروايات دا عالم و بنعيشه
هاجر:دا انتي عليكي كلام عليكي كلام
المشرفه:ماشي يلا بينا
بتبص وراهم لقوا الشباب جيين من بعيد
المشرفه:ايه دا غريبه بتعملوا ايه هنا يا ولاد
مصطفي:بنعمل ايه هنا سؤال حلو اوي اقولك عندنا نفس الرحله ده بالظبط في المدرسه
المشرفه:في نفس الوقت يا مصطفي
رامز:صدفه يا ميس احنا نقدر نعترض القدر
المشرفه:لا صدقتك
يوسف:الا انتي يا ميس مش سألتينا جبنا كام في الثانويه و لا حاجه يعني
المشرفه:اه صح عملتوا ايه
الشباب حكولها
عند البنات في الوقت دا
ميار:ولاد جنيه
هبه:اه وربنا بس حظهم ان الميس ده طيبه لو كان معانا حد زي مثلا اي ميس من الي كانوا بيدونا كان الله يرحمهم
هدير:اه وربنا
المشرفه:يلا يا بنات
خرجوا البنات و ركبوا الباص
هاجر:الباص دا شاف معانا المرار وربونا
هدير:فاكرين اول يوم ساعه شرم
اميرة:و ربنا يوسف كان بارد ساعتها
يارا:و دلوقتي
اميرة:بارد بردو
البنات:هههههههههههههههههههه انتي هتقوليلنا يا سرحان هانم
بسمه:خلاص يا جماعه
هدير:ايوا يا ستي ما انتي 24 ساعه مبحلقه في الفون و احنا عاملين نفسنا ايش وخدين بالنا ها
بسمه:تصدقي انتي بت رخمه
ميار:ايوه فعلا”فون رن برساله علي الفيس”
بتفتح ميار لقيته رامز
ميار:ركبتوا
رامز:اها
ميار:ربنا معاكوا
رامز:كان يوم حلو انهرده
ميار:فعلا كان لذيذ
رامز:طعمه حلو يعني
ميار:فصلتني وربنا
رامز:هههههههههههههههههههه
عند اميرة كانت ركبه جنب الشباك ورا
بتبص لقت عربيه سوداء جنبها
اميرة:واو ده تحفه اوي
هبه:ايه ده الي تحفه اوي
اميرة:العربيه السودا ده لولا بس ان الازاز بتاعها اسود كان زماني عرفت الي جواها حاجه حلوه زي العربيه و لا لأ
هبه:لا بس البيضه الي من الناحيه التانيه احلي
اميرة:وريهاني كدا
بعد ما شافتها
اميرة:بردو ازاز اسود اوف تلاقيهم مناظر حقيرة للازاز الاسود دا
هبه:علي رايك المهم العربيه
اميرة:السودا
هبه:البيضه
اميرة:السودا
هبه:البيضه
اميرة:السودا
ميار:بتتخانقوا علي ايه
هبه:العربيه السودا احلي و لا البيضه
هدير:السودا احلي
ميار:لا البيضه
يارا:السودا
بسمه:السودا
اميرة:كوبا عشان تصدقيني بعد كدا
ميار:اه صح يا اميرة يوسف بيسلم عليكي و بيقولك معلش مش عارف يكلمك عشان بيسوق العربيه
اميرة:طيب طيب”سكتت شويه”نععععععم بيسوق ايه حضرتك
ميار:رامز قالي كدا
اميرة:قوليله يقوله عربه ايه هو لسه صغير علي السواقه
بعد ما كتبت ميار
رامز:ايوه صح لسه صغير و بيرضع
رامز”ليوسف”:اجبلك الرضعه امتي
يوسف:انت هتستعبط يلا
رامز:اصل اميرة بتقول انك لسه صغير علي السواقه فبسألك
يوسف:البت ده هبله و لا مجنونه و لا ايه موقعها من الاعراب
حاول يجيب الفون بتاعه معرفش
يوسف:مالك اتصلي علي بسمه عشان اكلم اميرة من عندها لان الفون مش عارف اطلعه
مالك:طيب لحظه
اتصل مالك علي بسمه
بسمه:الو
مالك:الو يا بسمه اخبارك
بسمه:تمام
مالك:معلش جو عايز يكلم اميرة و مش عارف بسبب انه بيسوق فناديها
يوسف حط الهاند فري
بسمه:اميرة يوسف عايزك
اميرة:هو اتصل عليكي
بسمه:لا ده فون مالك و هو هيكلمك من عليه
اميرة:طيب هاتيه
اميرة:الو
يوسف:انت عبيطه يا بت ايه لسه صغير ده
اميرة:ايوه طالما مش كملت العشرين سنه يبقي لسه صغير
يوسف:السن القانوني اني اطلع رخصه 18 سنه و انا عندي 19
اميرة:لا بقي بردو لسه صغير
يوسف:اركني علي جنب كدا و النبي
اميرة:و ايه بقي بسوق ده عربيه ايه ده ان شاء الله
يوسف:يا بت انتي بلطجيه كدا ليه لو تسيبيني اتكلم هفهمك
اميرة:اتكلم هو انا مسكاك
يوسف:نفسي اقطعلك لسانك دا بس امري لله انا اتجبلي عربيه بمناسبه نجاحي و انا كنت………..
اميرة:لا انا لازم اشوف زوبه بتاعتك ده
يوسف:زوبه ………..تصدقي انا مش عايز اجي اضربك دلوقتي
اميرة:يا شيخ اتنيل انت اخرك اساسا 127
يوسف:كدا بردو تصدقي انا غلطان اني كنت هقولك
اميرة:لا خلاص بس هي لونها احمرة صح
يوسف: ايه ياختي لونها ايه
اميرة:احمرة
يوسف:و دا يعتبر من الالوان صح
اميرة:الاحمرة يا يوسف الي هو اللون الاحمر
يوسف:و النبي بلاش اللغاز
اميرة:طول عمرك جاهل ملكش في البتنجان
يوسف:صح دا الي هو انا
اميرة:ها بقي لونها احمرة
يوسف:و اشمعني احمرة يا اختي
لاميرة:اصل زوبه في الاغنيه كان لونها احمرة
يوسف:غوري يا بت فصلتيني من العربيه و منك كمان
اميرة:اخلص ياض و قول بدل وربنا
يوسف:و النبي ما تقولي عارف هتطلعي المطوة صح
اميرة:ممكن فقول بقي
يوسف:بصي يا ستي في عربيه سوداء جنب الباص من الناحيه اليمين
اميرة:مش شايفه
يوسف:”كدا انتي حوله
اميرة:احترم نفسك ياض
يوسف:طيب انا هقربهالك
قرب يوسف بالعربيه جنب الباص بالظبط و فتح الازاز
يوسف:لسه مش شايفه “من العربيه”
اميرة:ده….ده …..ده عربيتك”عربيته العربيه السودا الي عجبت اميرة”
يوسف:اها ايه رايك
اميرة:وحشه خالص علي فكرة لو كنت جبت زوبه كانت هتبقي احلي
يوسف:طب اقفلي يا اميرة بدل ما اجي وربنا اضربك
اميرة:تصدق انا غلطانه لاني بقولك الحقيقه
يوسف:امشي يا اختي
اميرة:طيب امال فين باقي الشباب
يوسف:في العربيه البيضه
اميرة:و بتاعه مين بقي البيضه
يوسف:حمزة
اميرة:اممممم طيب ركز بقي في الطريق
يوسف:خايفه عليا
اميرة:لا خالص علي العربيه
يوسف:رخمه رخمه يعني
اميرة:ههههههههههه سلام
يوسف:سلام
اميرة”لهبه”:العربيه السودا بتاعه يوسف اشطه عادي لكن البيضه الي عجبتك يا هانم بتاعه حمزة ها حمزة
هبه:حمزة…..صدفه يا بنتي مش فاهمه انتي
اميرة:ايوه صح
المهم البنات وصلوا و الشباب روحوا
في المحادثه الجماعيه
هدير:كان يوم لطيف
مروان:حلوه لطيف ده
هاجر:بجد انتوا فظاع فجأتونا للمرة المليون
يوسف:هههههههههههههه صدفه
اميرة:مش ملاحظ ان صدفك كترت شويه
يوسف:هههههههههه عديها بقولكوا ايه
الكل:ايه
يوسف:انا هعمل حفله بمناسبه نجاحي و انتوا لازم تيجوا كلكوا
ميار:مش هينفع يا جو
يوسف:متقلقوش عملت حسابي في كدا فعشان تيجوا خليتها في النادي الاهلي مش في الفيله
هدير:تمام انا مشتركه فيه انا و بسمه و بنروح احنا و البنات كلنا
رامز:يعني كلكوا كدا تقدروا تيجوا
البنات:اها
اميرة:احم انا مظنش
حمزة:يادي النيله ليه
اميرة:انت نسيت انه ممنوع اني اخرج
يوسف:نسيت خالص
يارا:طب ايه
يوسف:انا هتصرف لحظه بس
يوسف”عند اميرة في الخاص”:هو انتي مش تقدري تقنعي مامتك خالص
اميرة:لا مش هتردي
يوسف:طب متقولي لتيتا مش ممكن تقنعها
اميرة:احتمال ضئيل
يوسف:علي الاقل ممكن 50% تقنعها
اميرة:انا هجرب
يوسف:بليز اميرة انا اساسا عملتها في النادي عشان تقدري تيجي ……..يعني انتي و البنات يعني
اميرة:هحاول و الله
يوسف:طب حاولي دلوقتي و طمنيني
اميرة:اوك سلام دلوقتي
رامز:انا هقفل بقي يا جماعه عشان الحجه عايزاني
الكل:اوك سلام
قفل رامز
رامز:نعم يا ماما نعم يا قلبي
مامه رامز:مش هتيجي عشان تاكل
رامز:يعني كل المناداه ده بقالك اكتر من نص ساعه عشان تقوليلي اجي اكل
مامه رامز:تصدق انا غلطانه غور يلا جيب اختك و بلاها تيجي
رامز:ليه بس كدا يا حجه دا انا زي ابنك بردو
مامه رامز:روح نادي اختك و اتنيل
رامز:حاضر
راح رامز عن باب اوضه اخته
رامز:انتي يا بت يا منيله يا الي اسمك ندي
ندي:ايه ايه
“ندي:اخت رامز اصغر منه بسنتين بس ناقر و نقير و لو فضل يوم من غير ما يتخانقوا يحصل حاجه”
رامز:تعالي عشان تاكلي ياختي
ندي:لا انا مش جعانه
رامز:ما انا مش اطلع دا كله و في الاخر تقولي مش جعانه
ندي:حد قالك تيجي
رامز:يا تيجي بمزاجك يا اما وربنا ارميكي لتحت من فوق السلم
ندي:طب هقفل الفيس و جيه يا رخم
رامز:هستناكي اخلصي
ندي:طيب
بعد دقيقتين
رامز:كل دا يا هانم
ندي:مش لما قفل
رامز:خدامك انا عشان استناكي
ندي:انت الي قولت انك هتستناني
رامز:قدامي ابت
نزلوا عشان ياكلوا
رامز:كل يوم فراخ كل يوم فراخ
بابا رامز:انت يلا متعش الدور
رامز:تصدقوا انا غلطان اني بيعشكوا في زمن الابيض و اسود الي هو انت جيت امتي ابابا
بابا رامز:من ساعه يا اخويا الي يحرق النت الي خلاك متعرفش قفاك من وشك
رامز:هههههههههههههههههههههههههه اهدي يا حج مش كدا اعصابك
ندي:تسلم ايدك يا ماما
مامه رامز:تسلمي يا حبيبتي
رامز:يا حنينه يا بت
ندي:غور يلا
رامز:تصدقي انا غلطان انا هقوم بقي
مامه رامز:مش تاكل
رامز:لا ما انا كلت
بابا رامز:كلت كدا انت رامز بجد و لا ايه
رامز:عامل رجيم يا حاج خلاص بقي
ندي:عشان تبقي هيكل عظمي
رامز:غوري يا رخمه
طلع رامز لاوضته و فتح الفيس و كلم ميار
رامز:هاي
ميار:هاي ورحمه الله و بركاته
رامز:ما هو مش انتي و ندي عليا انهرده
ميار:ندي مين
رامز:انا نسيت اقولك ندي ده حبيبه قلبي
ميار:نعم ازاي دا يعني ايه
رامز:ده الدنيا كلها عندي عارفه يا ميار لو عدي يوم من غير ما اجبلها شكولاه و حاجات كتير كدا ابقي غلطت وربنا ساعات اكتر بحس انها زي بنتي
ميار:اه طيب عايز حاجه
رامز:ايه احنا مش اتفقنا نتكلم مع بعض شويه هتقعدي معايا حبه
ميار:لا انا هقفل بقي عشان هنام
رامز:هتستعبطي ابت انتي لا مفيش نوم
ميار:لا بجد يا رامز اتخنقت اوي عشان كدا شويه و هبقي اكلمك
رامز:”مع نفسه”ايه البت العبيطه ده …………….و لا هي ممكن تكون………لالالالا انا لازم احترمها و مفتكرش حاجه جو قال انهم بنات محترمين و هما فعلا كدا بس هي زعلت ليه بس انا وربنا ما عملتلها حاجه تضايقها
“بعد ساعه”
“في الشات الجماعي”
كانوا الكل بيتكلم و يضحكوا علي الي حصل في معرض الكتاب
حمزة:مالك انا سيبلك هديه في الشنطه بتاعتك
مالك:هديه ايه
حمزة:شوفها كدا
لقي مالك في شنطته كتاب الطبخ
مالك:اما انت عيل جزمه صحيح
هبه:في ايه يا مالك
مالك:اصل ……………ههههههههههههههههههههههه مش عارف اقولك بصراحه
هدير:ايه ايه
حمزة:انا غلطان اني بخاف علي مستقبلوا في الاكل فجبتلوا كتاب الطبخ يمكن يتعلم حاجه كدا للغدا مش كدا بردو يا بسمه
بسمه:انا مالي انا مليش دعوه
حمزة:بالمناسبه يا ام لسان طويل بتعرفي تطبخي انتي كمان
هبه:انت مالك يا غلس
حمزة:انا بس بطمن علي مستقبلك مش اكتر عشان متبوريش جنبي
هبه:انا ابور يا يا امشي يا حمزة
حمزة:طبعا مش قادره تقاومي كلامي
هبه:اجري يلا اتشطر علي حد غيري
مروان:بصي انا هسال سؤال صغير خالص و رفيع يا هدير
هدير:ايه
مروان:اوعي تكوني زيهم
هدير:انا احسن واحده اعمل اندومي
حمزة:شكلي كدا المفروض كنت اجيب 7 نسخ من كتاب الطبخ
يوسف:اتكلم علي نفسك يا اخ
اميرة:هو موضوع الطبخ دا مهم اوي يا جماعه
يوسف:و لا يهمك يا اميرة مش مهم خالص اهم حاجه بتعرفي تعملي نسكافيه
اميرة:اعااااااااااااااااااااا
يوسف:يا لهوي للدرجه ده لا طبخ و لا شرب
هاجر.يارا:احنا الي بنعرف نطبخ كويس اوي
حمزة:ايوا بقي درش و مراد متظبطين
يارا:اشمعني يعني
يوسف:و لا حاجه دول هيتهنوا
اميرة:تقصد حاجه يا يوسف
يوسف:انا اقدر
رامز:يا جماعه هي ميار فتحت
هدير:باين عليها مش فتحت
رامز:طب ممكن يا جماعه حد يطمن عليها
هاجر:انا اتصلت عليها دلوقتي و هي كويسه
رامز:”علي الخاص”:ميار انتي فين مش عايزة تردي ليه انتي عامله اوف لاين
ميار:تعبانه شويه قولت اتفرج عليكوا و انتوا بتتكلموا بس
رامز:ثواني يا ميار
بعد فتره قصيرة
رامز:معاكي يا ميار
ميار:لا انت مش معايا انت كنت مع مين دلوقتي
رامز:مع البت ندي
ميار:هي ندي عندكوا في البيت
رامز:اه طبعا امال هتكون فين في ساعه زي ده دا انا كنت اجبها من شعرها
ميار:تجبها من شعرها ايه المعامله الزباله ده ضيفه عندكوا تعمل معاها كدا”البت بتستهبل هتموت و تعرف مين ندي ده”
رامز:ههههههههههههههههههههههه ضيفه هههههههههههههههههه مين ده الضيفه
ميار:ندي
رامز:هههههههههههههههههههههههه دا احنا الي ضيوف عندها ده مستعمرة البيت اها انتي افتكرتي ندي مين يا ميار ده اختي
ميار:نععععععععععععععم اختك …………..علي فكرة كنت عارفه
رامز:واضح جدا
ميار:مجرد اختبار
رامز:ماشي يا ستي انتي بقي عشان كدا كنتي زعلانه
ميار:و هزعل من ايه “بتغير الحوار”انا كنت عايزة اقولك علي حاجه مهمه جدا
رامز:ايه هي
ميار:رامز ما تحكيلي عن عيلتك و كدا
رامز:امممممممم ماشي ابتدي الاول اننا من عائله متوسطه بابا بيشتغل في بنك و ماما ربه منزل مش بتشتغل عندي اخت اصغر مني بسنتين اسمها ندي بحبها اوي بصي انا ناقر و نقير معاها
ميار:ربنا يخليك لعيلتك
رامز:يارب و يخليكي ليا يارب
ميار:احم طيب ايه بقي
رامز:كدا انتي عرفتي كل حاجه عني انتي بقي
ميار:انا ايه
رامز:احكيلي عنك
ميار:انا كمان من عيله متوسطه عندي اخان واحد مسافر امريكا بيشتغل هناك دكتور في الجامعه وواحد هنا في مصر بيشتغل وكيل نيابه و بابا مدير مدرسه و ماما ربه منزل
رامز:ما شاء الله و انتي بقي نفسك تطلعي ايه
ميار:ما انا قولتلك قبل كدا
رامز:لا انا عايزة اسمع منك تاني
ميار:اني ادخل كليه طب و ابقي دكتورة
رامز:ياااااه دكتورة امورة كدا لا دا انا اجي اتعالج عندك بقي
ميار:علي فكرة انا لازم اقفل دلوقتي
رامز:يا شيخه حرام عليكي كل ما اتكلم معاكي شويه تقولي اقفل
ميار:معلش يا رامز بكرا ابقي اكلمك سلام
رامز:سلام
رامز”مع نفسه”يا ريتني اعرف اكلمها بس بجد حاسس بحاجه بس مش هقدر اقولها حاجه لاني مش عايز اخسرها فاسكت احسن
بعد 5 دقايق
رامز عمل مكالمه جماعيه مع الشباب
رامز:حاله طوارئ يا جماعه
مراد:في ايه يا اهبل
رامز:لا بصوا نتجمع عند جو
يوسف:الله يخربيت اليوم الي عرفتك فيه هو اي حاله طوارئ تتجمعوا عند اهلي
رامز:بيتك بيعجبني يا سيدي في اعتراض
يوسف:حمزة بيته احلي بس انا عارف انه مينفعش و عارف بتختاروني ليه يا كلاب عشان انا معنديش اخوات بنات صغيره ماله درش ما وحيد مامته و باباه
رامز:مصطفي بيخاف علي اي حاجه عنده لو كسرنا حاجه ممكن يعملنا جنازة لكن انت يا جو اشطه طيب و مش بتتكلم
مروان:طب انت عايز ايه
رامز:…………………..