ترفيهمسلسل فيروز

مسلسل فيروز الحلقة الخامسة

الحلقة الخامسة

عمار قاعد فى مكتبه بيكتب وشويه يخبط الباب

عمار بهدوء : ادخل

دخلت فيروز وفضلت واقفه قدامه ساكته وهو لسه عينه فالورق اللى قدامه ومفيش اى اهتمام

فيروز بغيظ : خير … حضرتك عاوزنى ليه

عمار من غير ميبصلها : اقعدى

قاعدت فيروز وهى مش طيقاه وبعد حوالى دقيقتين من السكوت

عمار قفل القلم وخرج فلوس من جيبه وبصلها : اتفضلي

فيروز باستغراب : ايه ده ؟؟

عمار : ده مرتبك

فيروز برده مش مستوعبه : مرتب ايه … مش فاهمه

عمار : ماما قالتلى انك هتبقى بدل الممرضه عشان كده انا هدفعلك مرتبها

فيروز قامت من على الكرسى وهى مضايقة : شكرا مش عاوزة

عمار باستغراب : ليه … هتشتغلى ببلاش … ولا المرتب مش عجبك

فيروز : انت ازاى كده

عمار بابتسامه : انا عادى … انا بس فاهمكم كويس

فيروز : فاهمكم اللى هم مين

عمار : الستات … كل الستات كده بتجرى وراء الفلوس …وممكن تبيع اى حاجه واى حد عشان الفلوس والشغل

فيروز بغيظ : واضح انك معقد … اولاً انا مش هاخد الفلوس دي عشان انا مبشتغلشى عند حضرتك

عشان اخد مرتب … موضوع بقى اني زي الستات وبجرى وراء الفلوس دي حاجه ماتخصكشي

عشان اشرحهالك او ابررهالك ولا حتى يهمنى رائيك في الستات  …ثالثاً بقى وده الاهم انا بعمل

كده عشان ماما وبعتبرها زى امى عشان كده بساعدها

2015-08-13_150858

عمار بابتسامه وتريقه : ماما لا والله  … وايه كمان ؟

 

فيروز بغيظ : على فكره انت شخصيه مستفزه اوى … بص عشان مطولشى عليك واخد من

وقتك كتير … انا قعده فالبيت ده لحد ما افتكر اى حاجه واعرف اوصل لاهلى .. انا عارفه انك

مش طايقنى من ساعة مادخلت البيت ده بس ده مايدكشى الحق انك تعاملنى كده ولا تتكلم معايا

كده اصلا ً… وعلى فكره انا مش جايه هنا استغلك ولا اخد منك فلوس واى حاجه انت صرفتها

عليا انا عرفاها كويس وهاردهالك … واى حاجه انا بعملها لماما او ريناد دى حاجه خاصه بيا

ماسمحلكشي انك تدخل فيها او تديني ثمنها …

 

ومشت خطوتين للباب وبعدين رجعت بصتله تانى

 

فيروز : انا لو كنت عاوزه فلوس بجد كنت ابتزيتك عشان مبلغشى عنك واعملك قضيه … يعنى

لو كنت من الستات اللى انت تعرفهم …. اه وياريت الفتره اللى انا فيها هنا يكون كل واحد فينا فى

حاله عشان من الواضح اننا عمرنا ماهنتفق مع بعض … عن اذنك

 

وسابته وخرجت وهى على اخرها وجرت طلعت على اوضتها

 

يوسف وهو بيبص لريناد : هو فى ايه !

ريناد : من الواضح ان عمار عمل مصيبه زى العاده … ادخله وانا هاطلع اشوفها

يوسف دخل لعمار اللى كان قاعد متنح وسرحان

يوسف بقلق : فى ايه… ايه اللى حصل ؟

عمار وهو بيبص للورق اللى قدامه : مافيش

يوسف : مافيش ايه انت قولتلها ايه

عمار بعصبيه : قولتلك مافيش … الله انت مابتفهمشى

وسابه وخرج

 

فى اوضة فيروز

فيروز قاعده بتعيط وريناد بتحاول تهديها

ريناد : بطلى عياط وفهميني ايه اللى حصل

فيروز بعياط : انا مش فاهمه هو بيكرهنى ليه انا والله معملتلهوش حاجه

ريناد : ياحبيبتى هو مش بيكرهك … ليه بتقولى كده ؟

فيروز : يعنى مش شايفه بيعاملنى ازاى ؟

ريناد : معلشى يا فيروز  … بس هو عمار عنده مشكله مع الستات … حكايه قديمة وأثرت عليه

فيروز : انا مايهمنيش كل الكلام ده … ياريت يا ريناد تقوليله مالهوش دعوه بيا لحد ما امشي من هنا

ريناد : طيب خلاص بقى ماتزعليش … عشان خاطري بقى

2015-08-13_150255

……………………………………………………..

 

تانى يوم

 

يوسف فات على فيروز واخدها اول جلسه عند الدكتور النفسي

فيروز كانت خايفه ومتوترة

وفى اوضة الكشف

الدكتور : عاوزك تقعدى هنا وتسترخي خالص … انسي اى ضغط وريحي جسمك خالص

فيوز قاعدت وعاملت زي ما قال لها

الدكتور : غمضى عينك … وانسى انك قاعده معايا اسرحى شوفى اي حاجه قدامك حاولى تركزي وتقوليلي انتي شايفة ايه

فيروز غمضت عنيها وسكتت شويه

فيروز : مش عارفه مش شايفه غير ضلمه مش قادره اشوف اى حاجه

الدكتور : خدى نفس عميق وطلعيه براحه … وحاولى تركزى تانى … حاولى تشوفى اى حاجه فالضلمه دى

فيروز بتحاول تركز وبعد شويه فتحت عنيها وبعصبيه : مش شايفه حاجه كله ضلمه مفيش اى حاجه وبداءت تدمع

الدكتور : طيب اهدي … مافيش داعي للعياط والزعل

2015-08-14_150559

فيروز بيأس : دكتور انا خلاص مش هافتكر حاجه … انا حسه اني تايهة اوي .. عاوزه افتكر

اى حاجه .. انا مين .. مين اهلى .. انا كنت ايه

الدكتور بابتسامه : متقلقيش … الموضوع نفسى … وان شاء الله فى امل .. توكلي على ربنا وان شاء الله خير

فتح درج المكتب وطلع منه نوت بوك

الدكتور : بصى النوت بوك دى عاوزها تبقى معاكى على طول … اى حاجه تفتكريها اكتبيها .. حتى

لو احداث مش مرتبطه ببعضها اى حاجه تشوفيها او تحسيها اكتبيها على طول … بس برضه متحاوليش

تضغطى على نفسك عشان ماتتعبيش

فيروز وهى بتاخد النوت بوك : حاضر

الدكتور : متخافيش … ان شاء الله خير .. ميعاد الجلسه الجايه كمان اسبوعين

فيروز : ان شاء الله

 

……………………………………………………….

 

فات حوالى 10 ايام 

 

فيروز مش بتنزل تاكل معاهم عشان متقابلشي عمار وكانت بتحاول على قد ماتقدر وهو موجود

في البيت تبقى قاعده فى اوضتها عشان ماتقابلهوش

علاقتها بمها وريناد ويوسف بتتحسن كل يوم وبتعرفهم اكتر وهم كمان خدو عليها وحبوها

كانت بتحاول تعمل بنصيحة الدكتور بس برضه ماكنتشى بتشوف غير الضلمة ومش قادره تفتكر اى حاجه

وفى يوم كانت قاعده فالجنينه زى عادتها الصبح بدرى

فاتحه النوت بوك وبتحاول تكتب اى حاجه مش عارفه وكل ماتكتب حاجه تشخبط عليه

اخدت نفس عميق وغمضت عنها وهى بتحاول تشوف اى حاجه او تفتكر اى حاجه وفجاءه سمعت صوت

…. : بتعملى ايه .؟

2015-08-13_150842

فيروز فتحت عنيها بسرعه وهى مخضوضة وبصت جابها لقت عمار قاعد

عمار بابتسامة : للدرجادي بتخافي مني

فيروز : انا مابخافشي غير من ربنا وبس … بعد اذنك

وقامت وقفت

2015-08-14_202403

عمار : اقعدي يافيروز عاوز اتكلم معاكي

فيروز : خير عاوز تدينى فلوس تانيه

عمار : اقعدى بقى وبلاش يبقى قلبك اسود كده

فيروز قاعدت وهى مكشره : برضه خير

عمار : قوليلى الاول كنتى بتعملى ايه

وبعدين مسك النوت بوك اللى كانت مفتوحه : وايه الشخبطه دى

فيروز بتنهيده : الدكتور قالى اكتبى اللى بتشوفيه وحساه وانا مش عارفه …. مش قادره افتكر

اى حاجه حسه انى تايهه اوى ومخنوقه …نفسى اعرف انا مين ليا اهل ولا لاء .. ليا اخوات واب وام ولا لاء

عمار : ماهو ده اللى انت حساه اكتبيه … مش لازم يبقى كلامك مترتب اكتبى اى حاجه تيجى على بالك …

اكتبى احساسك سواء كنتى مخنوقه تايهه فرحانه طيره … فهماني

فيروز : اه بس الموضوع صعب … يمكن انت شايفه سهل عشان انت كاتب وصحفي

عمار بابتسامه : لا بجد سهل بس حاولى اكتبى اى حاجه تيجي في بالك هتلاقى الكلام بيجى

وراء بعضه اهم حاجه تكتبي اللى جواكي

فيروز : ماشى هاحاول

 

عمار : المهم بقى … انا مسافر كمان يومين …مش عاوز اسافر وفى بينا سواء تفاهم …

افرضي حصلي حاجه اموت وانتي غضبانه عليا

فيروز : بعد الشر … ليه بتقول كده

عمار : الموت مش شر بالعكس ده خير واحسن من الدنيا واللي فيها … عموماً مش موضوعنا…. انا عارف

انى ساعات بكون بارد وقاسي فى كلامي مش عاوزك تزعلي مني … عاوز اسافر وانا مطمن عليكوا …

خلي بالك من ماما وعلاجها وهكتبلك رقم الدكتور بتاعها عشان لو حصلها حاجه …وكمان ريناد

هى بتعتبرك اختها الكبيره خليكى قريبة منها…

فيروز باستغراب : ايه هو انت مهاجر كلها كام يوم وترجعلهم بالسلامة

عمار : اصل دى اول مره اسافر واسيبهم من يوم وفاة بابا الله يرحمه  انا هاعتمد عليكي … ماشي

فيروز بابتسامه : خلاص ولا يهمك …انا معاهم ماتقلقشي

عمار : طيب يلا قومي افطري معانا بقى … ولا لسه مقموصة

فيروز بابتسامه : لا مش مقموصة .. يلا بينا 

25997_01197936552

فيروز كانت طول الوقت على الفطار  بتفكر فى عمار وكلامه معاها وبتكلم نفسها

” ماهو طيب اهوه وبيعرف يتكلم .. امال ليه كان مصدرلي الوش الجبس “

” ربنا يهديه يارب .. اصله بشعرة … بيتحول فى ثانيه”

” عموما كويس وحش اهو لنفسه … وانا لو حلو معايا هعامله حلو قلب بقى يبقى مش هاسكتله “

ريناد : مالك يا فيروز سرحانه فى ايه

فيروز : ها لاء ابداً … انا شبعت هاطلع اشوف ماما

ريناد : ماشى وانا هاخلص وهاحصلك

2015-08-16_020803

…………………………………………………………..

بعد يومين

فى مطار دبى عمار واقف بيخلص اجراءته فجاءه لمح

**********************

ونكمل في الحلقة السادسة .. الى اللقاء في الحلقة السادسة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى