ترفيهمسلسل أم فتحي

مسلسل أم فتحي الحلقة التاسعة

 الحلقة التاسعة

 


تررررررررررررررررررن ترررررررررررررررررررررررررررررررررررن

السلام عليكم

وعليكم السلام ازيك يا سارة

 

عاملة ايه يا مروة وحشاني

 

والله يا حبيبتي انتي وحشاني اكتر ازي ماما وبابا وهاجر

 

كلنا كويسين وانتي عاملة ايه مع جوزك

 

الحمدلله بخير

 

وحماتك ههههههههههههههههه

 

بتضحكي على ايه انتي كمان

 

شكلها مطلعة عينك

 

انتي بتقولي فيها بصراحة ست صعبة جدا وبسمع منها كل كلمة

وكلمة تحرق الدم بس مابرضاش ارد عليها

 

طب وهي تحرق دمك ليه إن شاء الله . مش كفاية انك

رضيتي تتجوزي ابنها من غير مايجيبلك شقة

 

تقولي ايه بقى . معتبراني عدوتها ومش عايزاني اعيش لحظة سعيدة

 

اعوذ بالله . انا الست دي ما ارتحتلهاش من ساعة ماشوفتها

 

بقولك ايه يا سارة اوعي تجيبي سيرة لماما

 

ماما ! يعني هي ماما هتعمل ايه . هتقولك معلش يابنتي ياحبيبتي اصبري . طيب واخواته ؟

 

عليه اخت اعوذ بالله من الشيطان الرجيم . البت اللي اسمها هالة دي .

اخر مرة مشيت بخناقة والحمدلله ما جتش تاني

 

احسن . بس برضو مسيرها هتيجي

 

لأ لأ اصلها مشيت زعلانة وحلفت انها مش جاية تاني واكيد مش

هتيجي الالما حد يروح يصالحها . وماحدش راحلها اصلا

 

ربنا يصلح حالك يا مروة ويكفيكي شرهم


اللهم آمين . المهم ما تجبيش سيرة لماما

خلاص يا ستي مش هقول . انتي هتيجي امتى ؟

 

هقول لفتحي واشوفه فاضي امتى يجيبني عندكو


طيب تعالي قريب عشان وحشتيني اوي

 

ان شاء الله يا حبيبتي . سلمي على ماما

.
.
.
.
تن تن تنننننننننننننننننن تن تن

مين مين مين

انا هالة افتحي يا مروة اهئ اهئ اهئ

يا مامي ايه اللي جابها دي . هي جت لما سمعت سيرتها دي ولا ايه

اهلا اهلا اهلااااااااااااااااااااااااااااااااااااااااااااااااااااااااااااااااااااا هالة هلولة ام لسان سكر

هيييييييييييييييييه هيييييييييييييييييييييييييييييييييه هيييييييييييييييييييييييه

انتو جيتوا يا قطاقيط . دا يوم ايه البمبي ده

استني يا مروة ما تقفليش

ليه يا حبيبتي جايبة جيرانك معاكي ولا حاجة

لأ البواب طالع بشنط الهدوم

هدوم ايه

اصل جوزي اتخانق معايا وطردني روحت جايبة العيال وشنط الهدوم وجيت

يا مصيييييييييييييييييييييييييييييييييييييييييييييييييييييييييييييييييييييييييييي

يييييييييييييييييييييييييييييييييييييييييييييييبتي

 

 

هيييييييييييييييييييييه هيييييييييييييييييييييييه

هييييييييييييييييييييييييييييييييييييييييييييييييييييييييييييييييييييييه

 

ادخلوا عند تيتة سلموا عليها يا ولاد على ما انيم اخوكو في السرير


هيييييييييييييييييييييييييييه هيييييييييييييييييييييييييييييييييييييييييييييييييييييييييه

 

يالهوي ايه اللي جابكو تاني يا بلاوي انتوا

 

احنا كينا محا ماما

 

كيتو محا ماما . وايه اللي جاب ماما اصلا .

 

ازيك يا ماما اهي اهئ اهئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئ

ئئئئئئئئئئئئئئئئئئئئئئئئئئئئئئئئئئئئئئئئئئ

 

يا ضنايا . مالك يا هالة يا بنتي بتعيطي ليه

 

حسين طردني من الشقة وقالي ماتجيش هنا تاني مش عايز اشوف وشك

 

لييييييييييييييييييييييييييه عملتي ايه يا مصيبة انتي

 

ولا حاجة يا ماما . ما انتي عارفاني طول عمري غلبانة لا بهش ولا بنش اهئ اهئ هو اللي راجل مفتري

 

احكيلي يا هالة ايه اللي حصل

 

ابدا يا ماما .اصل اخته جالها عريس من عيلة كبيرة اوي . روحت انا قولتله

ازاي عيلة كبيرة زي دي ترضى تناسب عيلة بيئة ومعفنة زي عيلتكوا .

يبقى انا كدة غلطت في حاجة يا ماما ؟

 

الله يهدك هدة قوية يا هالة يا بنتي . يعني تغلطي في الراجل وعيلته ومش عايزاه يطردك .

ده كويس انه ما طلقكيش

 

ليه يا ماما هو اللي يقول الحقيقة الناس تزعل منه ليه

 

يابنتي حرام عليكي طول عمري اقولك يا هالة خلي لسانك حلو زي امك وانتي مافيش فايدة فيكي


والراجل اللي اتهف في نفوخه واتجوزك اديكي هتطيريه من ايدك وتقعدي في ارابيزي


يابنتي دانا دبحت خروفين على باب العمارة يوم ما اتجوزتي عشان خلصت منك ومن

 

ارفك ومناقرتك في اخواتك ليل نهار تقومي ترجعيلي تاني ومجرجرالي تلات عيال

 

ايه ده يا ماما هو مش انتي دبحتي الخروفين عشان اطمنتي عليا

لأ دبحتهم عشان اطمنت على ضغطي

كدة يا ماما . خلاص لو متضايقة مني اخد ولادي واقعد جنب الجامع اشحت واكلهم

 

لا حول ولا قوة الا بالله روحي ياختي غيري هدومك انتي وولادك لحد

مانشوف صرفة في عمايلك السودة دي

 

طيب يا ماما انا جعانة انا والعيال وعايزين نتغدا هي الست مروة طابخة ايه

طابخة لوبيا

مابحبهاش خليها تعملي حاجة تانية

روحيلها المطبخ وسبيني في حالي وخدي معاكي العيال دول مش عايزة دوشة

.
.
.
انتي خلصتي طبيخ يا مروة

 

اه يا هالة . هو انتي جاية تساعديني ؟

 

لأ جاية اقولك اعمليلي حاجة غير اللوبيا

 

لأ والله مش هاقدر عشان انا ماصدقت اخلص الطبيخ

 

ومن الصبح اصلا ما قعدتش واتهد حيلي من شغل البيت

 

يعني ايه ان شاء الله . انا مابحبش اللوبيا

خلاص لو جعانة اوي عندك تونة في التلاجة

 

يا سلام . انتي هتأكليني على مزاجك ولا ايه

 

لأ يا ستي العفو . على العموم عندك فراخ في الفريزر طلعي واعملي

 

بقولك ايه يا مروة لمي نفسك من اولها انا مش نقصاكي فاهمة ولا لأ .

اعمليلي حاجة تانية وخلي يومك يعدي

 

استغفر الله العظيم . حاضر يا هالة .

هاعمل عشان خاطر فتحي مايقولش اني قصرت مع حد من اهله في حاجة

ايوة كدة اتعدلي

.
.
.
.
.

تررررررررررررررررررررن تررررررررررررررررررررررررررن

ايوة يا مروة يا حبيبة قلبي

الحق يا فتحي الست هالة اختك جت غضبانة ومطرودة وجايبة عيالها وشنطها وهتعسكر عندنا

معقووووووووووووووووووووووووووووووووووووووووووووووووووووووول

اومال يعني بهزر

طيب ما عرفتيش هي زعلانة مع جوزها ليه

لأ ما اعرفش . كلمه يا فتحي وصالحهم على بعض ابوس ايدك .

ولادها مدمرين البيت ومكركبينه وهي انت عارف لسانها وافعالها

 

. ماينفعش اكلمه الا لما اكلمها هي الاول عشان الصورة توضح

واتكلم على اساس . الله المستعان

.
.
.
.


منورة يا هالة

 

بوجودك يا فتحي ياخويا


بصراحة يا هالة بعد اللي حكتيه ده يبقى الراجل مش غلطان وانتي لازم تعتذريله

 

لأ مش هعتذر هو اللي يعتذر ويبوس رجلي كمان عشان ارجعله

 

يا هالة مايصحش . ده جوزك وابو عيالك ماينفعش تغلطي فيه وبعدين الست مابترتاحش الا في بيتها

 

لأ انا قاعدة هنا مبسوطة والعيال مبسوطين

 

بس احنا مش مبسوطين بقى

 

بقى كدة يا ماما . على العموم انا قاعدة في ملك ابويا

 

ملك ابوكي . هو فين ملك ابوكي . يكونش ساب الاطيان والفدادين .

بلا خيبة . عاش فلسان ومات فلسان

 


امي ما يصحش كدة . على العموم انا هكلم حسين واحل معاه الموضوع

.
.
.

يا حسين خلاص بقى انا هاخليها تعتذر

لأ مش ممكن . الست دي انا مش عايزها . خليها عندكوا لحد ما تتربى

يا عم انت كدة بتربينا احنا حرام عليك

ماعنديش كلام تاني اقوله يا فتحي

.
.
.
.
.
.
.

فتحي

نعم يا امي

خد ولاد اختك ينامو معاكو في الاوضة

ينامو فين !!!!!!!!!!!!!!!!!!!!!!!!!!!!!!!!!!!!!!!!!!!!!!

اومال يابني هانيمهم في المطبخ ولا في الحمام . انا هاخد هالة عندي في اوضتي وانتو خدوا العيال عندو في اوضتكوا

بقولك ايه يا توحا يا خويا ابقى نام على طرف السرير ومروة على طرف السرير

التاني وخلوا العيال في النص عشان مايقعوش

 

لأ سلامتهم الف سلامة من الوقوع . انا بقول اخد مراتي وننام ع السلم احسن

 

براحتكوا يا حبيبي

.

……
يا صباح الخير يللي معانا يللي معانا

دي هالة اخت جوزي منورانا منورانا

صباح الخير يا هالة

 

صباح النور . فين الفطار


الفطار جاهز ع السفرة روحي افطري انتي والولاد

 

فين ماما


مستنياكي ع السفرا يا قمرة

 

طيب . اعملي للولاد كوبايتين لبن

 

كل حاجة موجودة ع السفرا ما تقلقيش

.
.

قوليلي يا ماما

 

عايزة ايه يا هالة

 

هو مش فتحي داخل على شهر جواز

 

ايوة . بعد بكرة يبقى شهر بالظبط

 

طيب هي مراته حامل ولا لأ

 

وانا ايش عرفني

 

ازاي يا ماما . المفروض نسألها . لحسن تكون مابتخلفش ولا حاجة ونكون خدنا مقلب

 

اي والله يا بنتي عندك حق . اندهيلي عليها البت دي

مروة تعالي كلمي ماما

 

حاضر

نعم يا ماما خير

قوليلي يا روح ماما .

مش حاسة كدة ان نفسك غامة عليكي ولا نفسك في الفسيخ ولا حاجة

 

فسيخ ايه وغممان ايه . انا مش بحب الفسيخ اصلا

 

تبقى مش حامل يا ماما . يادي المصيبة


في ايه يا هالة

 

في اننا خدنا فيكي مقلب يا ست مروة وانتي مش بتخلفي

 

انتي بتقولي ايه . انا ماكملتش شهر جواز

 

يا حبيبتي انا وخواتي البنات كل واحدة فينا خلفت بعد تسع

شهور بالتمام والكمال وماعندناش حد بيتأخر التأخير الفظيع ده

 

ان شاء الله هروح للدكتورة

 

دكتورة ! طيب ياختي اما نشوف اخرتها مع الدكتورة

 

بصي يا ماما انتي ما تسكتيش عليها البت دي .

يعني لو ما حملتش الشهر الجاي خلي فتحي يطلقها ويتجوز

 

عندك حق يا ضنايا صحيح قلبك على اخوكي . انا مش هسكت على الموضوع ده تاني

.
.
.
ماما انا حاوز سندوس وانا يا ماما حاوزة سندوش

روحوا عند طنط مروة قولولها

.
.

طنط ملوة انا حاوز سندوس

 

يا حبيبي انت مش لسة واكل انت واختك من نص ساعة

 

وانا ياطنط ملوة حاوزة سندوش

حاوزة سندوش ! ربنا يريحنا من وشك ووش امك . حاضر يا حبيبي

حاضر يا عسل روحوا عند ماما وهاجيبلكوا

عاجبك عمايل مراتك يا فتحي


عملت ايه يا هالة خير

 

طول النهار نايمة في اوضتها وانا وماما اللي طبخنا ونشرنا الغسيل ونضفنا

البيت وقعدت انده عليها عشان تساعدنا راحت قالتلي انا تعبانة وعايزة انام

 

بس ده مش طبع مروة يا هالة

.

انت بتكدبني ولا ايه يا فتحي

 

خلاص يا ستي انا هاتكلم معاها في الموضوع ده

ونكمل في الحلقة العاشرة بإذن الله
.
إلى اللقاء في الحلقة العاشرة

.
.
.
بقلم الكاتبة هبة نور

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى