ترفيهمسلسل خلف هذه الجدران

مسلسل خلف هذه الجدران الحلقة السادسة (الجزء الأول)

 

” الحلقــــ (6) ــــة ” من مسلسل “خلف هذه الجدران ” (الجزء الأول)
**********
**********

**********

تعالي يا ياسمين عشان هننزل نشتري شوية طلبات البسي صندلك
هننسل ؟؟؟؟؟؟؟؟؟؟ايوة يلا خلصي فين صندلكمس حالفة

شوفي طوحتيه فيييييييييين , اهووووووو هاتيه من تحت الكنبة

لبسهولي يا ماما

هاتي يختي

بابا فيييييييييييين

بابا في المدرسة

لييييييييييييييه

عشان يشتغل

لييييييييييييييييه

عشان جيبلنا مممم , يلا يا ستي يلا

هكبيلي سيكولاتة يا ماما ؟؟؟؟؟؟؟؟؟

يا بنتي ارحمينا بقىىىىىىىى انتي ما بتشبعيش شيكولاتة !!!!!!!!! اوعي اما اقفل الباب اوعي تعالي كدة

هنلكب الاسانسيل ؟؟؟؟؟؟؟؟

ايوة بس تعالي الاول نصبح على طنط اشجان

طنط اسكان ؟؟؟؟؟؟؟؟

ايوة طنط اسكان وتعمير

*
*
*

ترررررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررن

ميييييييييييييييين

افتحي يا اشجان انا بهيرة

بهييييييييييييييرة حبيبتي هههههههه جاية اهو

اهلا يا بهيرة تعالي ادخلي , ازيك يا ياسمين اموووووووووه

اسيك يا طنط اسكان

ادخلي بقى يا بهيرة

لا انا مستعجلة , نازلة اشتري شوية طلبات من السوق , مش عايزة حاجة اجيبهالك معايا

اه والله يا اختي , نفسي في الفلافل اوي اوي اوي هنموتوا عليها

فلافل !!!!!!!!!!! من عنيا يا حبيبتي هجيبلك كل الفلافل اللي السوق

طب ماتخلي ياسمين عندي على ما تيجي

تقعدي مع طنط اشجان يا ياسمسن على ما اجي ؟

اه

طيب خلاص خليها معاكي يا اشجان , اوعي تتشاقي يا ياسمين

لأ

لأ ايه بالظبط مش فاهمة ؟

مس اتساقى

ربنا يهديكي , مسافة السكة يا اشجان مش هغيب يا اختي

هههههههه اعملي حسابك هتفطري فلافل معايا يا بهيرة

افطر فلافل !!!!!!!! ايه الست المهبولة دي اللي هتعزمني على فلافل

*
*
*
*
*
*
*

بت يا فهيييييييييييمة

نعمين يا عووووووووووووووواد

اطلعي ودي الطلبات دي للست هدى

حاضر

*
*
*
*

صباح الخير يا ست بهيرة

صباح النور يا فهيمة

على فين كدة

هروح اجيب طلبات من السوق

ما تخليكي مرتاحة وانا اجيب اللي انتي عايزاه

لا يختي , بتروحي تجبيلي حاجات غالية ومفعصة وحالتها بالبلا

ههههههههه طيب حقك عليا خايفة على تعبك , عارفاكي حامل وتعبانة

ربنا اللي بيعين بقى , عن اذنك

*
*

صباح الخير يا عواد باع ارضه شوفه طوله وعرضه يا ولاد

ههههههههههه صباح النور يا ست بهيرة , هو انا كان حيلتي ارض عشان ابيعها ؟

كل ما اشوف البواب ده افتكر اغنية عواد باع ارضه يا ولاد شوفه طوله وعرضه يا ولاد اللي كانت بتجي في الراديو ههههههههه والله كانت اغنية حلوة , عواد باع ارضه يا ولاااااااااد شوفه طوله وعرضه يا ولاااااااااد يا ولاد غنوله يا ولااااااااااد على عرضه وطوله يا ولاد يا حليلة يا حليلة يا ولااااااااد . , حليلة ايه وبتاع ايه ع الصبح , هو السوق في انهي شارع , الواحد نسي

*
*

ترررررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررررررررررررررررن

ايوة ايوة ميييييييييييييين

افتحي يا ست هدى , انا فهيمة وجايبة الطلبات

اهلا يا فهيمة , ادخلي حطيهم في المطبخ

حاضر يا ست هدى

*
*

حطيتهم يا ست هدى عايزة حاجة تاني ؟؟؟؟؟؟؟؟؟؟؟

لا خدي حتتين البسبوسة دول للعيال

ياخد عدوينك يا ست هدى , عقبال ما ناخد الحلويات يوم خطوبة الست سلوى

سلووووووى !!!!!!! اه يا مرارررررررررررررري , ادعيلهاااااااا ادعيلها يا فهيمة ادعيلها

ربنا يرزقها بابن الحلال يااااااااااااااااارب

ولاد الحلال كتيييييييييييير , بس هي اللي بتتبطر ع النعمة , استغفر الله العظيم

يكونش معمولها عمل يا ست هدى ؟؟؟؟؟؟؟؟؟

والله بقول كدة يا فهيمة بس ابوها بيقولي بطلي جهل , ال انا جاهلة برضو يا فهيمة ؟

بعد الشر عليكِ من الجهل يا ست هدى , ازي بناتك الست منى والست ناهد وعيالهم

حلوين زي الفل الحمدلله , ماحدش قالب دماغي ومطير النوم من عيني إلا سلوى , اقربها الاسبوع اللي فات خالها جابلها عريس دكتور قيمة وسيمة وطول وعرض وشقته جاهزة من مجاميعه وعنده عربية سدت الشارع ومع ذلك رفضته عشان تفرسنييييييي , اسكتي يا فهيمة اسكتي دنا كنت هموت في اليوم ده وضغطي علي لولا ستر ربنا كان زماني مع الاموات بسبب حسرتي ع العريس ده

لا حول ولا قوة الا بالله , بقولك ايه يا ست هدى , ما تعمليلها زار يمكن عليها عفريت بيكرهها في العرسان

اعملها زار ! تفتكري هيجيب نتيجة

اكيد يا ست هدى , هي لما هتتنطط في الزار كل العفاريت اللي لابسينها هيطنطروا برا جسمها وتبقى زي الفل

والله فكرة يا فهيمة , اهي بكرة عندها اجازة ومش رايحة الشغل , ياريت لو تعرفي حد من بتوع الزار تجبيهم واهو فرصة نتنطط كلنا واللي عليه عفريت يطلع , ويوم ما يحصل المراد ودماغها تتردلها وتتجوز ليكي عندي هدية ما بعدها هدية يا فهيمة , والله لجيبلك حلق دهب يا بت

هههههههه طب خليكي فاكرة واوعي تنسي بقى يا ست هدى

مش هنسى ما تخافيش , بس اشوف سلوى في بيتها

طب عن اذنك انا بقى عشان عواد اكيد هيستعوقني

بالسلامة يا فهيمة , ربنا يهديكي يا سلوى يا بنتي ويعدلك دماغك المتركبة شمااااااااااااااااااااال . حلو موضوع الزار ده , مش هقول لسلوى , هعملهالها مفاجأة

*
*
*
*
*
*

ترررررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررررن افتحي يا اشجان انا بهيرة

حاضر يا بهيرة جاية اهو ههههههه اهلا يا حبيبتي

اوعي تكون ياسمين تعبتك

لا والله , خدتها في حضني وقعدنا نتفرج على التليفزيون راحت في النوم ههههه شيلتها ونيمتها في السرير جوا

طب صحيهالي بقى عشان افطرها

جبتي الفلافل

ايوة , لقيتها رخيصة اوي جبتلك اتنين كيلو

ايييييييييييييييييييييييه !!!!!!!!!!!!!!! هي الفلافل عندكو في القاهرة بالكيلو !!!!!!!!!!!!!!!!

ايوة بالكيلو , اومال انتو عندكو في اسكندرية بالمتر ولا ايه ؟

كيلو ايه ومتر ايه يا بهيرة , الفلافل بالواحدة , القرص الواحد بشلن

قرص ايه اللي بشلن , انتي عايزة ايه بالظبط ؟

قولتلك فلافل فلااااااااااااااااااااافل

مش الفلافل هي الفلفل برضو يا اشجان ؟

ههههههههههه يختي الفلافل هي الطعمية

ولما انتي عارفة انها طعميييييييييييييييية بتفلفليها ليه وتحيريني معاكي ؟

هههههههه احنا بنقولوا ع الطعمية فلافل

اسفة والله كنت فاكراكِ عايزة فلفل وبتدلعيه وبتقوليله يا فلافل

هههههههههه الله يحظك . بس مش عارفة حاساكِ متغيرة ليه يا بهيرة مش زي عوايدك

حماتي جاية واختها جاية وولاد اختها جايين واخوات جوزي بعيالهم جايين وهيقعدوا كام يوم. عايزاني ابقى زي عوايدي ازااااااااااااااي

هههههههههه اتاريكِ يا عيني مش طايقة نفسك , طب اقعدي اقعدي

اقعد ايه بس , انا مستعجلة النهاردة وعايزة ادخل اعمل الاكل عشان جايين النهاردة , صحيلي ياسمين

طيب حاضر , ولو اني كان نفسي نقعد شوية زي كل يوم

طب اقولك , تعالي عندي واجيبلك كرسي تقعدي معايا في المطبخ ونكمل حديث الصباح

هههههههه ايوة كدة يا قمر ونساعدوكي كمان , تعرفي يا بهيرة . اني بنحبوكي اوي

بتحبوني انتي ومين ؟

لا , اني لوحدي بنحبوكي

وبتجمعي ليه يعني

هههههههه لغوة اسكندراني يا بت

ههههههههههههه اجدع ناس يا اختي أيووووووووووووووووووووووه ههههههههههههههه

ههههههههههههه ايوة كدة يختي اضحكي وفرفشي بنحبوا نشوفوا ضحكتك اوي وربنا المعبود

*
*
*
*
*
*
*

اه يانا يارجلي ياااااااما اه يانااااااااااااااااا هي شقة حسين ابني فين ؟ يا ربي كل ما اجي اقف قصاد الشقتين واحتار . الف مرة اقوله اكتب اسمك ع الشقة يا حسين يقولي حاضر و يطنشني , اعمل ايه دلوقتي ؟ اخاف اخبط على شقة تطلع مش هي الشقة , اقول حادي بادي وخلاص , حادي بادي كرنب زبادي شالي حطه كله على ديييييييييييي , يبقى هي دي الشقة

ترررررررررررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررررررن

ميييييييييييييييييييييييين

صوت بهيرة يبقى صح هي الشقة , افتحي يا بهييييييييييييييييييييرة رجلي وجعتني اااااااااااااه يارجلي ياني

هي لحقت تيجي ! هي نايمة تحلم بينا ولا ايه !!!!!! اهلا اهلا اهلا يا نينة يا حبيبتي اموووووووووووه امووووووووووووووه وحشتيني وحشتيني وحشتيني يا احلى حما في الحموات كلهم

ما تشوفيش وحش يا بهيرة اه يا رجلي , سلمكو متعب متعب اوووووووووي رجلي وجعتني من طلوع السلم

يا نينة ما تطلعي في الاسانسير يا نينة

ما بحبهووووووووووووش , من ساعة ما وقع بحسنية بنت عمي من الدور الرابع وضهرها اتكسر وانا بشوفه جسمي بيتلبش

يا نينة مش كل الاسانسيرات , ده اسانسير متين ما تخافيش جربي على ضمانتي

ايوة ما انتي عايزاني اركب الاسانسير ويقع بيا عشان تخلصي مني وتعيشي حياتك من غير منغصات , بس مش هنولهالك يا بهيرة يا مرات ابني ولا هركب الاسانسير ولا هتخلصي مني , نجوم السما اقربلك يا بهيييييييييييرة قعدالك يا بهيييييييييييييييييرة

استغفر الله العظيم , ليه بس كدة يا نينة , دانا بدعيلك في كل صلاة ان ربنا يجعلك من اهل الجنة قريب اوي اوي اللهم آمين

حسين ابني فين

زمانه جاي , قال هيحضر الحصتين الاولنين بس ويجي على طول , على ما تشربي حاجة دافية ان شاء الله يكون جه , ما سألتيش على ياسمين يعني

هيجرالها ايه ياسمين , اهي شوكة اتزرعت في ضهرنا وضهر ابوها , البنات هم وخلفتهم ما تسرش الخاطررررررررر

لا اله الا الله , منورة يا نينة

تررررررررررررررررررررررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررررررررررررررررن

اهو حسين جه اهو

السلام عليكم ازيك يا بهيرة

وعليكم السلام يا سونسوووووووووووون وحشتني يا حبيبي

هههههه انتي اكتر خدي الحاجات دي دخليها المطبخ , امي جت

ايوة , مش ملاحظ النور زايد

هههههههه نورك يا حبيبتي , ماهي زي امك برضو

فشررررررررررر , دي اكتر من امي , امي ده ايه , ايه اللي هيوصل الام لحنان الحما اللي طفح وغرقنا

هههههه تسلمي يا حبيبتي , امييييييييييييييييييييييييييييييييييييييييي

حبيبي حبيبي حبيبييييييييييييييييييي ازيك يا حسين

وانا اقول ايه النور اللي مالي العمارة ده بسسسسسسس اتاريه نورك يا امي يا ست الكل

العمااااااااااااااارة !!!!!!!! فكرتني بالعمارة يا بتاع العماااااااااااااارة . انا كل ما ادخل العمارة دي قلبي يوجعني على حتة الارض اللي بيعتها عشان تاخد شقة فيهاااااااااااااااااااا

يا امي يعني كنت اعمل ايه , على يدك ما كانش في حل غير ده

لأ كان فيه , بس انت اللي ما سمعتش كلامي . قولتلك تعالى عيش معايا وانت ما رضيتش يا حسسسسسسسسسسسسسين

يا امي اعيش معاكِ فين بس ! انتي شقتك اوضتين

وماله , تاخد انت اوضة وانا اوضة وبهيرة تنام في الصالة

لا يا امي معلش انا كدة مرتاح والحمدلله الشقة كبيرة وحلوة وان شاء الله ياسمين واخواتها هيشكروني اني قعدتهم في شقة واسعة

هي ياسمين بنتك عندها اخوات من ورايا ؟

ههههههههه يا امي انتي ناسية ان بهيرة حامل

اه . حامل , خليها تجيبلك بت فوق البت عشان يبقوا بنتين

يا امي دي ارزاق وماحدش بيجيب حاجة , منورة يا ست الكل

خلي مراتك تخلص الاكل بسرعة اختي وولادها زمانهم جاييييييييييين ولا ناوين تفضحوني وتقصروا رقبتي مع اهلي وناسي ؟؟؟؟؟؟؟؟؟؟؟؟

لالالالالالا يا امي , يلا يا بهييييييييييييييييييرة خالتي وولادها زمانهم جاييييييييييييييين

خلاص اهوووووووووووووو , يارب يتوهوا ياااااااااااااااااااااااارب

*
*
*
*
*
*
*
*
*

استاذ ماجد جاي يا بناتتتتتتتتتتتتت قيام يا بنات هههههههههههههه

السلام عليكم

وعليكم السلام يا استاذ ماااااااااااااااااجد

اتفضلوا اقعدوا يا انسات

شكرا يا استاذ

نبدأ حصتنا كالعادة بكتابة البيت المشهور , إنما الأمم الأخلاق ما بقيت فإن هم ذهبت اخلاقهم ذهبوا

ههههههههه قولي يا استاذ ماجد

قبل ما تتكلمي يا بنت ترفعي ايدك وتطلبي الإذن في الكلام

هههههههههه اديني رفعت ايدي ممكن اتكلم يا استاذ

قومي اقفي

ههههههههه اديني وقفت

اسمك ايه يا بنت

رانيا عزت يا استاذ هههههههه

وقولي اللي انتي عايزاه

ممكن اعرف يا استاذ ليه حضرتك كل حصة لازم تبدأ بالبيت ده ؟؟؟؟؟؟؟؟؟؟؟؟؟؟

عشان تعرفوا ان الامم لا تبقى إلا ببقاء الأخلاااااااااااااااااااق , عارفة يعني ايه إن ذهبت اخلاقهم ذهبواااااااا عارفة يعني ايه ذهبوااااااااااااااااااااااا

ايوة يا استاذ عارفة طبعا يعني ايه ذهبوا وممكن احطها في جملة ههههههه

تحطي ذهبوا في جملة !

ايوة يا استاذ , هحط ذهبوا في جملة
اتفضلي قولي الجملة

, الذهبوا ملعلط في ايدين ماما ههههههههههههههههههههههههه

هههههههههههههههههههههههههههههههههههههههههههههههههههههههههههههههههههههههههههههههههه حلوة يا رانيا

ههههههههههههههههههههههههههههههههههه انتي احلى يا نيفين ؟؟؟؟؟؟؟؟؟؟؟؟ هههههههههههههههههههههههههههههههههه

اه والله حلوة , ده حتى جرام الذهبوا بقى بالشيء الفولاني دلوقتي وما حدش عارف يجيب ذهبوا ههههههههههههههههههههههههههههههههههههههههههههههههههههه

هههههههههههههههههههههههههههههههههههههههه حلوة يا نيفين

ههههههههههههههههههههههههههههههههههههههههههههههههههههههههه ضحكتي الفصل كله يا رانيا

اه يا قلالات الادب يا عديمات التربييييييييييييييييييييييييييييييييية , اطلعي برا يا بنت انتي وهي برااااااااااااااااااااااااااااااا ما تحضروليش حصص تاني لاخر السنة , وليا كلام مع حضرة الناظرة بعد الحصصصصصصصصصصصصصة

هههههههههههههههههههههههه يكون احسن برضو يلا يا نيفين

ههههههههههههههههههههه ال ذهبوا ال يلا يا رانيا ههههههههههههههههههههههههههههه

 
**********

**********

السلام عليكم يا حضرة الناظرة

وعليكم السلام ورحمة الله وبركاته , اهلا يا استاذ ماجد اتفضل , خير ان شاء الله

والله يا فندم انا مش عارف اقول لحضرتك ايه , انا مش عارف ايه اللي حصل للطلبة الايام دي , سوء خلق منقطع النظير وأساليب في معاملة المدرسين تنم عن فشل تربوي مخيف , كان على ايامنا المدرس ليه هيبة وتقدير واحترام من الطلبة وكانوا بيعتبروه قدوة , كنا نشوف المعلم نقف احتراما وإجلالا لقدره , لكن للأسف دلوقتي المعلم اصبح مسار للسخرية

ههه طيب من فضلك اهدا يا استاذ ماجد , واضح كدة ان حضرتك عندك شكوى من بعض الطالبات

ايوة فعلا

طيب اتفضل اقعد حضرتك واشرحلي الموضوع

اشكرك يا حضرة الناظرة , في بنتين في فصل ثالثة اول ردوا عليا بأسلوب غير لائق يدل على الاستخاف بيا كمعلم مما ادى لضحك باقي الطالبات , واظن كدة ما ينفعش , انا ما رضيتش اتصرف بأسلوب اندم عليه فلجأت لحضرتك عشان تعاقبيهم

لا حول ولا قوة الا بالله , طيب من فضلك تقولي اسماء البنات دول عشان ابعتلهم واجيبهم حالا واعاقبهم

واحدة اسمها رانيا عزت والتانية اسمها نيفين

حاضر , لحظة واحدة هبعت الدادة تجيبهم

*
*
*

يا بناااااااااااااااااات مين رانيا عزت ومين نيفين

احنا يا دادة

ايوة احنا ليه في ايه

الناظرة عايزاكو في مكتبها

هههههههههههههههه احنا مطلوب القبض علينا يا نفين تعالي ورايا

هههههههههههههه انا عايزة المحامي بتاعي ههههههههههههههههههههههههههههههه

انتو بتضحكو يا بنات ! دي ابلة الناظرة مستحلفالكو وشكل الموضوع مش هيعدي على خير

هههههههههههههههه الحقي يا نيفين شكلنا هننطس حكم مش اقل من عشر سنين

ههههههههههههههههههه يا شيخة احسن برضو , اهو نترحم من الامتحانات والمذاكرة ووجع القلب يا رانيا يا اختي

من فضلك يا دادة ابقي هاتيلنا عيش وحلاوة ههههههههههههه

اه وسجاير فرط يا دادة من فضلك هههههههههههههه يلا يا رانيا

سجاير فرط !!!!!!!!!!!!! ايه قلة الادب دي , والله حلال فيهم الدبح , ما فيش تربية خااااااااااااااااالص ؟ ايه ده

نشوف وشكو بخير يا بنات ابقوا تعالوا زورونا هههههههههههههه

احسن تستاهلووووووووووووووووووووووووووا

هههههههههههههه يا حرام شكل الضحك اللي ضحكوه هيقلب بغم

بصراحة رانيا ونيفين زودوها اوي , دي مش طريقة يتكلموا بيها مع استاذ ماجد

اه والله عندك حق يا ايمان , هما فعلا يستحقوا العقاب عشان اتجاوزوا حدودهم اوي

*
*
*
*
*

تن تن تن

ادخل

ادخلي انتِ الاول يا نيفين

لا يا ستي ادخلي انتِ الاول يارانيا

لالالالالالالا انتي الطويلة يا نفين ما يصحش ادخل قبلك هههههههههه

ههههههههههه لالالالالالا ادخلي الاول انا مسمحاكي يا رانيا

ادخلي يا بنت انتي وهييييييييييييييييييييييييي

يا مامي , اهو دخلنا يا ابلة الناظرة

هما دول يا استاذ ماجد

هههههههههههههههههههههههههههههه بصي يا رانيا بيبصولنا ازاي والله العظيم فكروني بالمشهد بتاع المجرمين لما بيقفوهم صف ويعرضوهم ع الشاهد اللي ما شافاش حاجة ههههههههههههههههههههههههههههه

هههههههههههههههههههههههههههه اه والله صحيح , انا بريئئئئئئئئئئئئئئة انا بريئئئئئئئئئئئئئئئئئئة انا ما عملتش حاجة ههههههههههههههههههههههههههههههه

بس يا بنت يا قليلة الادب انتي وهيييييييييييييييي

شايفة يا حضرة الناظرة قلة الادب بتاعتهم

اوعدك عقابهم هيكون عسييييييييييييير , اسمك ايه يا بنتتتتتتتتتتتتت

نيفين رمزي

وانتي

رانيا عزت

انا هعرفكو ازاي تحترموا مدرسينكو يا سفلة يا حسااااااااااااااااااااااااالة , انا هجيب الخرزانة دي واكسرها على جسمكو عشان انتو الذوق والمعاملة المحترمة ما تنفعش على امثالكو تعالو هنااااااااااااااااااااااااااااااااا

اهئ اهئئئئئئئئئئئئئئئئ ضرب لالالالالالالالالالالالالا اهئ اهئئئئئئئئئئئئئ يا مامي عاجبك كدة , احنا هنضرب يا نفين

اهئ اهئئئئئئئئ يا سلام يا ست رانيا , انتي السبب اهئ اهئئئئئئئئئئئئئئئئئ

اهئ اهئ سامحينا يا ابلة الناظرة سامحنا يا استاذ ماجد اهئ اهئئئئئئئئئئ

دلوقتي بتعيطوا مش كدة ؟؟؟؟؟؟؟؟؟؟ على العموم مش هتراجع ولازم تتضربوا

لالالالالالالالا ارجوكِ يا حضرة الناظرة اسلوب الضرب انا ما بحبوش , ياريت يكون في اسلوب آخر للعقاب

صدقني دول ما ينفعش معاهم غير الشدة , اديك شوفت حسن المعاملة بيوصلهم لفين

برضو الضرب لأ , ممكن حضرتك تعملي استدعاء لأولياء أمورهم وتشرحيلهم اللي حصل ولو ما فيش نتيجة يبقى الفصل عن الدراسة وبعدها الرفت وده اخر حل

طيب الاول لازم يعتذرولك , اعتذري يا بنت انت وهي لأستاذ ماجد

اسفين يا استاذ

……………………..………

استاذ ماجد مش قادر يبص في وشكو لانه طبعا مش قابل اعتذاركو , اتفضلوا خدوا خطابات استدعاء لأولياء الأمور وبكرة الصبح ما تجوش الا ومعاكو اولياء اموركو سامعييييييييييييييييييين

سامعين يا ابلة

اتفضلوا على فصلكووووووووووووووووووووو

حاضر يا ابلة الناظرة , يلا يا نيفين

*
*
طيب همشي انا يا فندم عشان عندي الحصة الجاية

اتفضل يا استاذ ماجد وبعتذر لحضرتك عن الموقف السخيف ده

حضرتك ما لكيش ذنب يا فندم عن اذنك

اتفضل , لا حول ولا قوة الا بالله , طلبة آخر زمن

*
*
*
*
*

ايه يارانيا مش هتروحي

ممممممم عايزة اعتذر لاستاذ ماجد , احنا بجد زودناها اوي معاه

ههههههههههههه انتي شكلك كدة خوفتي اوي من استدعاء ولي الامر وعايزة استاذ ماجد يسامحك عشان ما تتعاقبيش

لا والله مش كدة , بس بجد حسيت اننا في قمة السخافة عن اذنك هروح اعتذرله

روحي يا ست رانيا اما انا فمش هعتذر هههههههههه

*
*
*

دادة يا داااااااادة هو استاذ ماجد فين

استاذ ماجد مشي

مشي !!!!!!!! توء خسااااااااااااااااارة كنت عايزة اعتذر بجد

*
*
*
*
*
*
*
*
*
*

السلام عليكم يا امي

اهلا يا ماجد يا حبيبي وعليكم السلام ورحمة الله وبركاته

ثواني والاكل يكون جاهز ع السفرا

لا يا امي ماليش نفس

مالكش نفس ! ممممم حبيبي ماله ؟

هه ما فيش حاجة يا امي

هههه تايهة عنك انا ؟ مالك يا حبيبي , في حاجة حصلت في المدرسة

ايوة يا امي ايوووووووة انا مخنوق بجد مخنوووووووووووووووووووووووق

يا حبيبي ! ليه بعد الشر ؟ ايه اللي حصل يا ماجد

هحكيلك يا امي

*
*
*
*

لا حول ولا قوة الا بالله , اهو ده اللي انا خايفة منه

خايفة من ايه يا امي

ان اخواتك يجيبوا ولاد بالشكل ده بعيدين كل البعد عن الخلق والدين , البنات دول اكيد اكييييييييد ما لقوش حد يربيهم على القيم الاسلامية ولا حسن الخلق عشان كدة حصل اللي شوفته بعنيك ده

مممم الله المستعان يا امي

طيب يلا بقى عشان تغير هدومك عشان نتغدا سوا

لا معلش يا امي اتغدي انتي

كدة !!!!!!!!! طب مش هاكل وذنبي في رقبتك بقى يا استاذ ماجد هههههه

ههههه لا خلاص يا حبيبتي هتغدا عشان خاطر عيونك

تسلملي حبيبي هههههه ثواني واحط الاكل على السفرا , عملالك البامية اللي بتحبها ههههه بعت فهيمة تجيب قالتلي مش لاقية بامية روحت باعتاها تاني وقولتليها اياااااااااااك ترجعي من غيرها يا فهيمة دا ماجد حبيبي بيحبها وعايزة اعملهاله ع الغدا النهاردة ههههه

هههه ربنا يخليكِ ليا يا ست الحبايب , اخبار عصام وهاني ايه

ما اعرفش وما بسألش , ما فيش اكتر من ازيكو يقولوا كويسين

ههههههههههههههه دانتي شايلة منهم اوي

ربنا يهدي الجميع

يا امي بس اخواتي بيصلوا ويعرفوا ربنا واكيد هيأثروا على زوجاتهم ايجابيا

هأ , قصدك هيتأثروا بزوجاتهم سلبيا وبكرة تشوف

*
*
*
*
*
*
*
*
*

تررررررررررررررررررررررررررررررررررررن تررررررررررررررررررررررررررررررررررررررررررررررن

ميييييييييييييييييييين

افتحي يا ابلة منال انا رانيا

هههه رانيا حمدالله ع السلامة يا حبيبتي

الله يسلمك يا ابلة , بابا فين ؟

مممممم بابا نايم , مالك ؟

مافيش حاجة يا ابلة , انا هدخل اغير هدومي

تعالي هنا يا بنت

نعم يا ابلة منال

في ايه مالك , في حاجة حصلت في المدرسة ؟؟؟؟؟؟؟

بصراحة يا ابلة منال ايوة

ايه اللي حصل

طيب من فضلك هدخل اغير هدومي الاول وارتاح شوية وبعدين احكيلك

ممممم طيب ادخلي وانا هحضرلك الغدا واجيبهولك اوضتك على ما تغيري هدومك ونتكلم عشان واضح ان الموضوع كبير

طيب يا ابلة منال انا مستنياكي

*
*
*
*

لا حول ولا قوة الا بالله , وليه بس كدة يا رانياااااااااااا , دي اخلاق تتعاملي بيها مع المدرس بتاعك اللي المفروض تشكريه على مجهوده معاكِ ومع زمايلك !!!!!!!!!!

اهئ اهئئئئئئ يا ابلة منال والله انا مش عارفة ايه خلاني اعمل كدة اهئ اهئئئئئئئئئ حاسة اني مش انا اللي كنت بتصرف بالطريقة دي , بجد ندمانة اوي ولما حبيت اعتذرله لقيته مشي اهئ اهئ واتضايقت اكتر اني سيبته يمشي زعلان اهئ اهئئئئئئ

اتضايقتي عشان سبتيه يمشي زعلان ولا عشان كان نفسك يسامحك ويلغي استدعاء ولي الأمر ؟

والله يا ابلة مش كدة خالص , بجد انا كنت في قمة السخافة وقلة الذوق معاه , بس مش عارفة ليه لما بتكون نيفين معايا بتصرف بطريقتها مش بطريقتي , بحس انها مأثرة علية في كل سلوكياتي وكأني مسحورة

انا الف مرررررررررة قولتلك ابعدي عن نيفين دي , انا مش عارفة ايه سر تمسكك بيها وانتي عارفة انها اخلاقها مش زي اخلاقك ولا تربيتها زي تربيتك

مش عارفة يا ابلة , كل ما احاول ابعد عنها هي مش بتسيبني

ممممممم خليها وراكي لحد ما تضيعك خالص

انتي زعلانة مني يا ابلة منال ؟

اكيد زعلانة ,المشكلة ان اخونا الكبير مسافر ومش موجود وبابا طبعا مش هيقدر يروح المدرسة ولا هقدر اديله جواب استدعاء ولي الامر اللي حضرتك جبتيهولنا , ولازم اروح انا بنفسي وبصراحة خجلانة جداااااااا من المدرس بتاعك ومش عارفة هقوله ايه ولا اعتذرله ازاي , الله المستعان

اهئ اهئ انا اسفة يا ابلة منال

المفروض الاعتذار يكون ليه هو , اتفضلي يا ستي اتغدي على ما اروح اصحي بابا واديله الدوا , خلصي غدا وتعالي اقعدي معاه عشان هيسأل عليكي طبعا

طبعا يا ابلة هاجي , بس لو سمحتي خدي الغدا ده , عشان مش ليا نفس اكل

لا لازم تاكلي عشان تاخدي الدوا يا رانيا

طيب سامحيني الاول يا ابلة منال

اسامحك لما المدرس بتاعك يسامحك الاول , خلصي غدا وحصليني على اوضة بابا

حاضر يا ابلة

*
*
*

يلا يا بابا خد القرص ده كمان اتفضل المية

شكرا يا منال يا بنتي , اومال فين رانيا

جاية حالا يا حبيبي

انا جيييييييييييييييييييييييييييت هههههههههههههه ازيك يا بابا وحشتنيييييييييييييييييي امووووووووووووووووووووه

ههههههه اهلا حبيبتي , الف مرة اقولك يا بنت تقولي السلام عليكم الاول

هههههه السلام عليكم ورحمة الله

وعليكم السلام ورحمة الله وبركاته , ازيك يا شقية

ههههههه الله يسلمك يا بابا

اخبار المدرسة ايه

أأأأ جميلة خالص

اتغديتي واخدتي الدوا يا حبيبتي

ايوة يا بابا الحمدلله

ربنا يشفيكي ويشفي كل مريض يا حبيبتي اللهم آمين

آمين يا بابا

طيب عن اذنكو يا بابا هروح اصلي العصر واجي نقعد في التراس ناخد الشاي مع بعض

خلاص يا حبيبتي ,بس ساعديني الاول اقوم من السرير واقعد ع الكرسي عشان اصلي

حاضر يا بابا , وحضرتك مش هتصلي يا رانيا هانم ؟

ممممممم مش عارفة ليه بصلي وبقطع

عشان حضرتك ما عندكيش صحبة صالحة تعينك ع الطاعة واللي بنبنيه فيكِ هنا بيتهد برا على ايد اصدقاء السوء

في ايه يا بنات ؟ شكلكو مش طبيعي

لا يا بابا ابدا مافيش حاجة . انا بس بنصح رانيا تبعد عن البنت اللي اسمها نيفين دي

مممم طيب روحي صلي يا بنتي وانتي يا رانيا روحي اتوضي وصلي العصر الله يرضى عليكِ

حاضر يا بابا

—————————————————–

ونكمل في الحلقة السابعة .. إلى اللقاء في الحلقة السابعة

بقلم الكاتبة: هبة نور

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى