ترفيهمسلسل فرحة

مسلسل فرحة الحلقة الخامسة

 

الحلقة الخامسة

وبعد حوالى شهر

 

كان ماشى بعربيته شاب وسيم فى اواخر الثلاتينات باين عليه الفخامه والهيبه مع كام خصله بيضه زادة من وسامته

نادين : ابيه اقف هنا ثوانى

نادر باستغراب : ليه

نادين : عاوزه اشوف الفساتين فى المحل ده

نادر : نادين مش فاضى دلوقتى

نادين بدلع : عشان خاطرى يا ابيه

نادين اخته الصغير اللى هو مربيها ومدلعها ومش بيقدر يرفضلها طلب

ركن عربيته وبصلها

نادر : هو مش احنا اتفقنا ان معتز هيجيب معاه الفستان من باريس

نادين : اه بس انا عاوزه اتفرج هنا … عشان خاطرى بقى

نادر بنفاذ صبر : حاضر

نادين بفرحه : ربنا يخليك ليا يا ابيه

نادر نزل وقفل عربيته ودخل المحل هو نادين

فاطمه مكنتشى موجوده وفرحه قاعده بتشتغل وفى عالم تانى مع فيروز

فرحه : يا طير يا طاير على اطراف الدنى …. روح واسال الحبايب شو بنى … يا طـــــير ياطيــــــــــــــــر

 

نادين كانت وقفه بتتفرج على الفساتين والاكسسورى وهى مبسوطه

اما نادركانواقف بيتفرج ع فرحه وهى بتشتغل وبتغنى

نادين : الله بص ياابيه ده حلو اوى وبص السلسله دى تحفه بجد

نادين بصت لنادر اللى متنح فى اتجاه مختلف وقربت منه : ابيه بكلمك ….مركز مع ايه كده

شافت فرحه وهى قاعده سرحانه بتشتغل وبتغنى

نادين بابتسامه : اها ….وانا بقول برده اللى واخد عقلك

نادر بغيظ : عيب يا بت ….عادى يعنى … واقف بلاش

نادين: لاوالنبى …طيب

وبصوت عالى : احم احم السلام عليكم

فرحه انتبهت ليهم وقامت من مكانها بخضه :وعليكم السلام ..انااسفه انتم هنا من زمان

نادين : يعنى من شويه…بس صوتك حلواوى

فرحه بحراج : ميرسى ..اى خدمه

نادين: بصراحه الحاجات عندك تحفه اوى والاكسسورى عجبانى اوى …. هو انتى   اللى عملاهم

فرحه بابتسامه :اها كلها حاجات هاندميد انا اللى عملاها

نادين: بجدانتى فنانه … طيب لوطلبت حاجات معينه تعمليهالى

فرحه: اكيد مفيش مشكله

نادين :طيب بالنسبه للفساتين..فى بيع ولا ايجاربس

فرحه :للاسف كل اللى عندى ايجار

نادين بزعل :يخساره …كان نفسى اشترى من عندك….. عندك فساتين حلوه اوى

 

فرحه بعد تفكير:عندى حل….انا هطلب طلبيه اول الشهرلوحبه تيجى تشوفى الكتالوجات

واللى يعجبك اجيبهولك مع الفساتين بتاع المحل

 

نادين :بجد …فكره حلوه .. ايه رأيك يا ابيه

 

فرحه انتبهت لنادر وبصتله في الوقت اللى هواصلا مشالشى عينه من عليها

كان واقف مركزمع كلامها وتصرفاتها وابتسامتها

 

نادين : ابيه بكلمك برضه

نادر:ها ..بتقولى ايه

نادين :اه انت مش معايا اصلا

دخلت في الوقت ده فاطمه :معلشى يا ابله فرحه اتاخرت عليكى

فرحه بابتسامه :ولايهمك يا بطه

نادر: انتى اسمك فرحه

فرحه بابتسامه : اه

فاطمه: دى اسم على مسمى

نادين:اسمك حلواوى

فرحه: ميرسى

نادين :هاقولت ايه يا ابيه

نادر :فى ايه

نادين: هاجيب الفستان من هنا

نادر:بس معتز هيجبه من بره

نادين : عادى هاكلمه وهاقوله مش هايقول حاجه

نادر:اوكى اللى يريحك

نادين :ربنا يخليك ليا ياابيه

فاطمه بفضول لنادين وبصوت واطى:هومش ده عريسك

نادين:لا ده اخويا الكبير

فاطمه:اها ..ربنا يخليكوا لبعض

نادين اخدت شوية اكسسورات وطلبت حاجات تانيه من فرحه وعلى ميعاد يشوفو الكتالوجات

فى العربية

نادرطول الوقت كان سرحان

نادين :مالك ياابيه انت مش طبيعى انهارده

نادر: البنت دى فيها حاجه غريبه

نادين باستهبال: بنت مين

نادر: فرحه

نادين:انت حفظت اسمها كمان

نادر:بطلى غلاسه انا بتكلم بجد

نادين بجديه : عندك حق…. انت عارف اول لما دخلت المحل حسيت براحه غريبه وحبيتها وحبيت التعامل معاها

نادر: تحسى انها زى المغناطيس اللى بيشد كل اللى بيقرب منها كل حاجه فيها مريحه حتى ابتسامتها

نادين بتنهيده :وايه كمان

نادر:والله انتى غلسه

نادين:مانا عارفه قول حاجه جديده …. بس شكلك وقعت ياكبير

نادر بصلها وبعدين بص قدامه وسكت

 

فى المحل

 

فرحه قاعده بتشتغل

فاطمه : بس شاكله شيك ومحترم اوى

فرحه:هومين ده

فاطمه: اخو الانسه اللى كانت هنا من شويه

فرحه بعدم اهتمام :اه

فاطمه: ماشوفتيش كان بيبصلك ازاى

فرحه باستغراب: بيبصلى انا… ليه.؟؟

فاطمه بابتسامه : شاكله مهتم ده مشالشى عينه من عليكى

 

فرحه سابت اللى فى ايدها وبصتلها : لا والله كل ده لحظتيه في الخمس دقايق

اللى جيتى فيهم .. بطلى تخاريف وقومى ظبطى الفساتين اللى بره

 

فاطمه: حاضر بس بكره تقولى بطه قالت

 

وقامت وسابتها

 

…………………………………………………………

 

بعد اسبوعين

 

فرحه ونادين ومعتز ونادر قاعدين مع بعض ونادين ومعتز بيتفرجو ع الكتالوجات

ونادر مركز مع فرحه

فرحه اضايقت من نظراته وقامت من مكانها وقربت من فاطمه

فاطمه :مالك مضايقه كده ليه

فرحه بضيق: اللى اسمه نادر ده طول الوقت بيبصلى لما خنقنى

فاطمه بضحكه:مش قولتلك

فرحه بضيق : بطلى هبل …ده شخص مستفز اصلا

فاطمه : بالعكس … ده شكله محترم وابن ناس جدا

فرحه :بطلى لماضه وخليكى فى شغلك احسن

فاطمه بابتسامه : لماضه….. طيب استلمى بقى وانا هروح اشوف شغلى

فرحه باستغراب :استلم ايه

سمعت صوت نادرمن وراها

نادر : انسه فرحه

فرحه بارتباك بصت وراها : هااا

نادر : كنت عاوز منك طلب

فرحه: خير اتفضل

نادر : عاوزك تعمليلى ميداليه فضه

فرحه: ماشى مفيش مشكله … عاوزتصميم معين

نادر :عاوزها على شكل كلمه

فرحه : كلمة ايه

نادر : فرحه

فرحه باستغراب : نعم

نادر: عاوزمكتوب عليها فرحه … فى مشكله فى كده

فرحه بارتباك: لا ابدا ….اسبوع وتكون جاهزه ان شاء الله

قربت عليهم نادين: ايه رأيك فى ده ياابيه

نادر : اه حلواوى ياحبيبتى

نادين بفرحه:بصى كده يافرحه ايه رأيك

فرحه بتوتر:اه حلو هاكتبهولك مع الاوردر بتاعى

نادين :عاوزاكى كمان تعمليلى الجيست بوك والكاسات وكارت الفرح …. هاتلحقى

فرحه:هو الفرح امتى

نادين:كمان شهرتقريبا

فرحه بابتسامه: اوكى مفيش مشكله …. هعملك كذا تصميم والاسبوع اللى جى تيجى تختارى اللى يعجبك

وبعدين بصت لنادر:وان شاءالله اكون خلصت الميداليه وحضرتك تستلمها

نادربابتسامه : ان شاء الله

 

…………………………………………………………….

 

كل يوم خلال الاسبوع كان نادر كل يوم وهو راجع من شغله يعدى على محل فرحه ويفضل واقف

قدامه بالساعات لحد مايشوفها وهى خارجه وتقفل المحل ومعاها فاطمه وتركب عربيتها وتروح

 

لحد ماجيه اليوم المنتظر اللى هايشوفها فيه عن قرب وياخد منها الميداليه

نادر دخل المحل كانت فرحه زى العاده قاعده فى مكانها ومشغله فيروز وبتشتغل

فضل واقف شويه من بعيد يبص عليها لحد ماقربت منه فاطمه

فاطمه : اهلا استاذ نادر .. شرفتنا

نادرباحراج : شكرا …انا جى عشان الميداليه

فاطمه بابتسامه : المحل محلك فى اى وقت اتفضل …انسه فرحه

———–———-———————-————

ونكمل في الحلقة السادسة .. الى اللقاء في الحلقة السادسة

بقلم الكاتبة :ريم أحمد

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى