طريقة عمل المطبق السعودى بالصور
المطبق السعودى على اصولة
الـــمــــقـــاديــــــر
.
تلات كوبايات دقيق+ معلقة كبيرة زيت+سنة ملح+مية دافية للعجن
لحمة معصجة وده نص الربع كيلو
جبن شيدر او ممكن رومى+جبنه فيتا+حزمة كرات +2 طماطم مقطعين+بيضتين+عجينة السمبوسة
ممكن سبرنج رول
ملحوظة ممكن اى شىء تحبيه فى الحشو مش شرط لحمة ممكن جبن او بسطرمة او سوسيس
انا عملت واحده بالجبنة الفيتا اتبقى شوية من الخلطة صغيرين كملت على وشهم جبن
الـــــطــــريـــــــقــــة
هانخلط كل المكونات على بعض الدقيق +معلقة الزيت+سنة الملح+المية الدافية
وتعجن
اول شىء بينجح العجينة هى العجن خلصنا العجن
نقسم العجينة اربع كور ونجيب طبق نحط فيه
شوية زيت قيمة معلقتين كبار ونرص الكور ونحط فوقها شوية
زيت ونغطيها ترتاح يجى نص ساعة او اكتر
كل ماتسيبيها ترتاح مش بتقطع منك لما تفردى
هنا فردت العجية وبايدى لانها ارتاحت كويس شايفين مافيش ولا حتى مقطوعة
هانجيب هنا تلات شرايح سمبوسة ونرصهم جمب بعض زى كده
هنا بقى كنا خلطنا مكونات الحشو كله على بعضة(ماعدا الجبن الفيتا )والبيض اضربيه لوحده فى طبق
وحطى سنة فلفل وملح وسنة صغيرة جدا بن او نسكافيه
ليه بقى لان البن او النسكافية بيضيع ريحة الزفراة خااااااااالص
حطينا الخلطة ونقطع بقى الجبنة الشيدر كده
نطبق العجين بالشكل ده اليمين على الشمال
وبرده الناحية التانية بنفس الطريقة
بقت كده نسخن طاسة تيفال مدهونة زيت
ونحط المطبق ونبتدى نقلب كل دقيقتين على الوشين وكل مرة نقلب نحط معلقة زيت
على الطاسة
هنا استوت باشيل الطاسة من على النار واقطعها على الطاسة
والمطبق مايحلاش الا ومعاه اليمون والشطة الحراقة
منقول من موقع فتكات
