ترفيهمسلسل جراح الحب

مسلسل جراح الحب الحلقة الحادية والثانية والعشرون

الحلقة 21


دخل يوسف الجامعة بعد ان سمح له رجل الامن واثناء دخوله رن هاتفة باعلانة عن المتصل هى نيرة رقص قلبة عندما قراء اسمها ع شاشة الهاتف
يوسف : الووو
نيرة : يوسف مجتش ليه
يوسف : عادى مشغول شويه
نيرة : مشغول ف ايه يعنى
يوسف : اصل ماما قالتلى وانا نازل امبارح ربنا يوعدك بالبنت اللى شعرها لونة بنى
نيرة : والله ياترى لقتها
قالتها بغيرة وحرقة دم
واثناء حديثهم رائها واقفة وتتكلم معة فى الهاتف وقال
يوسف : اه طبعا لقتها معلش هكلمك بعدين اصلى رايحلها حالا وحشتنى ولازم اشوفها
نيرة : يارب تموت
وهى تغلق هاتفها وجدت احد يضع يدة ع عيناها فأعتقد انة هيثم فقالت
نيرة : هيثم انا مخنوقة دلوقتى سبنى بليز
يوسف بعد ان شال يدة من ع اعينها
يوسف : لا انا مش هيثم
قالها بخنقة وغضب
نيرة بفرحة : يوسف انت مش قولت مشغول
يوسف : عادى كنت بهزر
نيرة : طب والبنت اللى شعرها بنى
يوسف : انتى …. مانتى اللى اقصد عليها
نيرة : بجددد
قالتها بفرح شد
يوسف : بس يا خسارة بقا اروح ادور ع بنت تانية شعرها بنى
واخذ ينظر حوله حتى راى فتاه ذاهبه من امامهم وشعرها بنى فقال
يوسف : اووبا شوفى القمر دى
نيرة : احترم نفسك انت قليل الادب اوى
يوسف : انتى ايه اللى مدايقك
نيرة : لا وانا هدايق من ايه
يوسف : خلاص اسكتى …. انتى يا قمر تعالى اقولك
اتت الفتاه له وقالت بدلع : هاااى
يوسف : هااى ورحمة الله وبركاتة …. انتى اسمك ايه
الفتاه : سندس
يوسف : وانا يوسف
سندس : واو انا بحب الاسم دة اوى
يوسف : وبالنسبة لصاحب الاسم
سندس : ههههههه هههه انت دمك خفيف خالص يا يويو
نيرة بغيرة : والله انا بردو بقول كدة مش يلا نمشى بقا يا يويو
يوسف ينظر خلفة وامامة ويقول
يوسف : يويو مين
نيرة : انت يا يويو مش يلا بقا
فرح كثيرا لانة عرف انة اشعل الغيرة فى قلبها وكاد ان يشعلها اكتر واكتر فقال
يوسف : لا روحى انتى انا قاعد مع سوسن شويه
سندس : لا اسمى سندس مش سوسن
يوسف : معلش سورى يا سوسن
سندس : بقولك سندس …. بص انت فصلتنى انا ماشية
نيرة : ههههههههههه
يوسف : بتضحكى ع ايه
نيرة : بضحك ع سوسن هههههه باااى يا يويو
وذهبت نيرة
جرى وراها يوسف وامسك بيديها وقال : بلاش يويو دى بتعصبنى
نيرة : هههههه حاضر مش هقولك يويو تانى يا يويو
يوسف : اممممم بصى كدة من اول اليوم لو شوفتك بتتكلمى مع هيثم الزوفت دة مش هيحصل كويس اشطا
وصل كلا منهم الى ترابيزة نورهان وجلسو وسلمو ع نورهان
نيرة : امال عمر راح فين
نورهان : معاه تليفون
نيرة : اوووك
يوسف : ايه دة خالد اخوكى ايه اللى جابوة هنا
نورهان : خالد
خالد : اهلا دورت عليكو كتير
نيرة : انت ايه اللى جابك
خالد : مش مطمن لموضوع امبارح جيت اشوف بقا اللى حصل
نورهان : وبعدين بقا يا خالد وسبت دروسك ومذاكرتك عشان تعرف الموضوع
خالد : يعنى اهو فى موضوع فعلا … وبعدين انا مش صغير خلصت دروسى وجيتلكو
يوسف معجب بشخصية خالد جدا
يوسف : اوبا يا وحش ودخلت ازاى
خالد : حركة من بتوعنا والامن وافق
يوسف : يابن اللذينة اصلى وربنا انت راجل اديتة كام
خالد : لا مش فلوس
يوسف بصوت منخفض : اديتة حشيش
خالد : الله عليك تسلم دماغك
نيرة : انت بتقولو ايه
يوسف : ششش خليكى فى حالك
جبتة منين ياض دة انا بدور ع حتة
خالد : كنت عامل حسابى
خالد : وانت ايه اللى مقعدك معاهم
يوسف : يعنى ينفع بعد كلامنا الحلو دة تقلب عليا كدة
خالد : لا مؤخزاه يا زميل بس لازم نضع اعيننا فى نصف وجهنا عشان نعرف ناخد بالنا من البنات
يوسف :هههههه وربنا انت راجل ياض … لف وتعال اقولك حاجة
خالد : هتقولى ايه
يوسف : مش عايز تعرف موضوع امبارح تعال اقولك
اخذة يوسف ع جنب ووضع يدة ع كتف خالد وقال
يوسف : بصراحة كدة يا معلم فى واد هنا بيعاكس اختك وانا لما عرفت مسكتة ضربتة امبارح وكسرتله دراعة وشوهتلو وشة
خالد بعضب : انهى اخت فيهم
يوسف : اختك نيرة
خالد : فين هو الزفت دة
يوسف : ايه دة سبحان الله انا بقول بردو عليه زفت
خالد بعصبية : اخلص يا يوسف فين الجدع دة
يوسف : لا شكلو من علقة امبارح كش وخاف يجى انهاردة
خالد : الواد اللى هناك بيبصلك كدة ليه
يوسف : فين دة
خالد : ابو دراع مكسور وواخد بوكسين فى وشة
نظر له يوسف وراى نظرة مدى الكره والحقد لكنة لم يتعرف عليه
يوسف بمزح : هههه اه والله هم بوكسين بس دة مركب كوابيس ههههه
خالد : ههههههه
نظر له يوسف لثانى مرة واخيرا تعرف عليه
لكن هيثم اخذ يضحك بهسترية
هيثم : ههههههههه هههههههه ههههههه باصصلى كدة ليه ههههههه هتشوف منى ايام سودة ههههههههه
خالد : ايه دة بيقولك انت الكلام دة
يوسف : لا سيبك منة دة مش طبيعى كل يوم يقول نفس الكلمتين
خالد : انت كداب يا زميل دة الواد اللى ضربتة امبارح
خاف يوسف لان خالد من الممكن يتهور ويضربة
يوسف : لا اعم شهو صدقنى … تعالى نقعد بقا البنات لوحدها
خالد : اشطا
ورجعو لطرابيزة الفتيات
———————
عمر : ايه يا ماما حنيتى اخيرا
يسرى : حنيت ايه وزفت ايه انت فين
عمر : ماانتى عارفة انى فى الجامعة
يسرى : بتعمل ايه هناك
عمر : لا اله الا الله هو اللى بيروح الجامعة بيعمل ايه فيها غير ان يحضر محاضرات
يسرى : والله يعنى انت دلوقتى فى محاضرة
عمر : لا دلوقتى خلصت
يسرى : طيب تعالى متتاخرش
عمر : سورى يا امى انا قاعد مع يوسف
يسرى : قاعد مع يوسف ولا معاها يا عمر
عمر : يووو بقا يا ماما قاعد معاها فى حاجة بقا
يسرى : انت مجنون تعالى حالا
عمر : الو الو ماما امى يا اماى اووة شكل الشبكة واقعة هكلمك تانى سلام
يسرى : آآآ … حيوان اااااه
كاد عمر ان يذهب القى بفتاه تنادى عليه
الفتاه : عمر عمر
التفت عمر وقد علم ان هذة الفتاه هى هبه جارتهم
عمر : اووف عايزة ايه دى ….. نعم يا هبه
هبه : ايه المقابله دى … انا كنت جايه اعتذرلك عن اخر مرة
عمر : لا مين قالك انى زعلان … انا مش زعلان خالص انتى اللى زعلتى انا اللى اسف
هبه : لا انا عمرى مزعل منك يا عمر
عمر : ربنا يخليكى يا هبه دايما اقول معزتك ف قلبى معزة اختى بالظبط
هبه : معزة ؟ واختك
عمر : اصدى ميعزة سورى مقصدش خروف خالص ههههه وبعدين اه هو انتى مش اختى ولا ايه
هبه : اه اه اختك
عمر : عن اذنك بقا
هبه : ع فين
عمر : خطبتى قاعدة لوحدها مينفعش اتاخر اكتر من كدة عن اذنك
ذهبت خلفة دون ان يعلم حتى وصل المنضدة وقالت
هبه : يوووو فى بنتين اعرف منين انهى واحدة فيهم …. طنط يسرى قالتلى انها عاميه ….. انا هشوف مين فيهم اللى عاميه واكيد هعرف
بعد ان وصل عمر للمنضدة وجلس
عمر : ايه دة جيت امتى ودخلت ازاى ياض
يوسف : حركة من بتوعنا ودخلت
عمر : اه وايه هى الحركة دى
يوسف : جرى ايه يا عمر هقولك بعدين مش قدام البنات
عمر : اه اه سورى انت مش عايز تقول انك ظبتة بسجارة حشيش ودخلت
نورهان ونيرة ؛ اييييييه ايييه
يوسف : يا رخم عجبك كدة
خالد : مين الغبى دة
نظر له عمر
عمر : غبى … انت اللى مين يا حبيبى
خالد : انا اللى بسالك ترد وتقول
نيرة : عيب كدة يا خالد دة اكبر منك
عمر : لا سيبية يا نيرة …. ع فكرة انا خطيب نورهان
خالد : خطيب مين ههههه وانت فاكرنى عبيط
عمر : للاسف
خالد : والله …احترم نفسك
عمر : انا اللى احترم نفسى ولا انت
يوسف : اهدو يا رجاله …. يا عمر دة خالد اخو نيرة ونورهان
عمر : اخوهم ازاى مشوفتكش فى قرايه الفاتحة يعنى
نورهان : اصله كان فى درس امبارح وجة بليل ملحقناش نقولو حاجة
خالد : دة الموضوع جد بقا
عمر : اه والله جد وانا خطيب العسل دى
خالد : احترم نفسك عسل مين … وانا اخر من يعلم فى البلد دى …. والمفروض تيجى وتتقدملها منى
عمر : والله انا لما جيت طلبتها من باباها معرفش ان ليها اخ بيزعل كدة
خالد : باباها مين احنا ابونا مات
عمر : نعممم امال ابراهيم دة مين
نورهان : عمر انا كنت هحكيلك بس مجتش الفرصة
عمر : تحكى ع ايه
نورهان : انا بابايا ميت من سنة ونص وابراهيم دة جوز ماما
عمر : نعم وازاى عايشين معاه كبنات فى بيت واحد مع راجل غريب
نيرة : لا يا عمر دة بيحبنا زى ولادة بالظبط
خالد : لا متقوليش كدة انا بكرهة وموتة هيبقى ع ايدى
يوسف : اهدى كدة يا زميل ووحد الله
خالد : لا اله الا الله … المفروض تتقدملها تانى
عمر : نعم

الحلقة 22
عمر : ماشى … السلام عليكم ازيك يا عمى انا جاى بطلب ايد نورهان ها موافق
نورهان ونيرة ويوسف : هههههه
خالد : لا مش موافق
عمر : نعم … يعنى اعمل ايه عشان توافق
خالد : تيجى البيت وتجيب اهلك وتتقدم من الاول تانى
عمر : لا ابوس ايدك انا اتقدمت كذا مرة والله المرادى هطرد من بيتكو
خالد : انا قولت االلى عندى
عمر : حرام عليك تضيع عصفورين بيحبة بعض شايف هى بتحبنى ازاى وانا بعشقها ازاى حس بينا ارجوك
يوسف : هههه انت عصفور ههههه
خالد : خلاص موافق اعم استاذن انا لازم اروح
عمر : ربنا معاك ابطل
خالد : يلا قومو
نورهان : هنروح فين
خالد : هتروحو معايا
يوسف : معلش ازميل لو تكرمت سيدتك ممكن اوصلكم بعربيتى بربطة المعلم كدة
خالد : لا احنا هنركب مواصلات
يوسف : وليه الشحططة والعربية موجودة
خالد : مش عايز اتعبك ازميلى
يوسف : ولا تعب ولا حاجة شو رايك
خالد : اشطا ازميلى
وخرجو جميعا
نظرت نيرة ع سيارة يوسف
نيرة : هها هها يالهوى شوف عربيتك بتطلع دخان كدة ليه
يوسف : هههه اصلها بتدخن حشيش ههه
عمر : خف العسل يا يوسف وشوف عربيتك
يوسف : لا متخافش دة تلاقى عيل ابن حرام حط فيها حاجة خلتهاكدة كل يوم ع هذا الحال اوبا يا مسهل يارب
وفجأة جاء عدة رجال واخذ
يضربون فى يوسف حاول ان يدافع عنو خالد وعمر لكنهم وقعو فى الفخ واضطر الرجال الى ضربهم الثلاثة
نيرة ونورهان : ااااه الحقونا يا ناس اااه
سيبوهم يا كلاب سيبوهم
وجاء امن الجامعة للدفاع عما حدث ولكن الرجال هربوا
خالد وعمر فاقو من الضرب واستطاعو التحمل اما يوسف نزف كثيرا وغاب عن الوعى
لم تتحمل نيرة ان ترى حبيبها بهذا المنظر واخذت تصرخ تصرخ
نيرة : اااه يووسف يا عمر الحقو دة بينزف الحقو بسرعة
ساند عمر وخالد يوسف ووضعة فى السيارة و
ركبت الفتيات واخذ عمر مفتاح السيارة من جيب يوسف وانطلق بالسيارة
فى السيارة
يوسف يضع راسة ع قدم نيرة وهو ينزف ونيرة تصرخ
نيرة : فوووق يا يوسف ارجوك فوووق بقا
خالد لم ينطق بكلم ة واحدة من بشع المنظر
ونورهان فقط تبكى
وعمر كان يزود فى سرعة السيارة حتى يلحق بصديقة
الحب
ليس الحب فقط بشخصين من جنسين مختلفين
ومن الممكن ان يكون الحب بين صديقين يعشقون بعضهم بشدة

عندما وصلو الى المشفى استقبلة الطبيب وادخلو غرفة العمليات
خرجت الممرضة
الممرضة : محتاجين دم حالا تكون فصيلتة A
عمر : ايوة انا فصيلة دمى A
الممرضة : انت بتاخد اى نوع دوا مخدر اوى بتشرب حاجة
عمر : لا انا مبشربش بس الدكتور كان كاتبلى ع دوا مخدر
الممرضة : لا مينفعش خالص حد فصيلتة A
نيرة : انا فصيلتى A
الممرضة : تعالى حالا
اخذت الممرضة منها حوالى كيس دم واعطتها بعض العصائر
وبعد ساعة بالظبط

خرج الطبيب
عمر : دكتور يوسف عامل ايه
نيرة : طمنا ارجوك يا دكتور
الطبيب : لا متخافوش اوى كدة احنا بس جبسنالو دراعة واضح ان الضرب كان شديد اوى عليه ووشوة فى ضرب كتير احتاج بس تظبيط واحنا عملنالو كل دة بس الحمدلله قدرنا نلحق النزيف اللى نزل من دماغة
الجميع : الحمدلله الحمدلله
عمر : هو هيفوق امتى
الطبيب : نص ساعة وهيبقى تمام … بس احنا لازم نعمل محضر للضربو دول مكنش ينفع لاى مستشفى تستقبل اى من الحالات دى غير بمحضر
عمر : دكتور دى خناقة عاديه بين شباب متخدش ف بالك حضرتك
نيرة : لا فى يا دكتور انا عارفة مين اللى عمل كدة
عمر : خلاص يا نيرة دلوقتى ربنا يفوقة بالسلامة وهنبقى نشوف الحوار
الطبيب : براحتكو عن اذنكو
نيرة : ممكن ادخل اشوفو
الطبيب : هو فى البنج دلوقتى بس لو عايزة تدخلى ياريت مش كتير عن اذنكو
دخلت نيرة ليوسف وجلست ع احدى الكراسى ووضعت راسها ع السرير واخذت تبكى
اما ف الخارج
خالد قرر الذهاب بعمل مشوار وياتى
نورهان فقط تبكى وواقفة ومستندة ع الحائط
ذهب لها عمر واخذها بين احضانة وهى فقط تبكى ولكن عندما وجدت نفسها بين احضانة احست براحة كبيرة وهاءت قليلا
نورهان : ليه بيحصلنا كل دة
عمر : اهدى يا حببتى الواد بخير موتية وهو عايش
نورهان : بعد الشر عليه
عمر : لا انا كدة بداءت اغير ادخل اموتة يعنى
ضحكت نورهان رغما عنها
عمر : ايوة كدة اضحكى … اضحكى خلينى اضحك ضحكتك بترد روحى فاكراها ولا نسيتى
نورهان : لا مش ناسياها اكلمهالك … ربنا وحدة اللى يعلم بعشقك ازاى يا روحى
عمر : انتى حفظتيها من اول مرة هههه يخربيتك هتخلينى ارتكب جريمة هنا
نورهان : ههههه
ابعدت نفسها عن حضنة بخجل
عمر : ماكنا كويسين
نورهان : تعالى ندخل نطمن ع يوسف
وقبل ان يدخلو اتى خالد واعطاهم بعض العصائر والسندويتشات ودخل اخذ اختوة نيرة
خالد : خدى كلى واشربى العصير دة
نيرة : مليش نفس
خالد : لازم تاكلى …. تصورى مكنتش اعرف انك بتحبية اوى كدة
نيرة : لا انت فهمت ايه انا بس صعب عليه بالمنظر اللى شوفتة
خالد بابتسامة : انتى هتقوليلى الكلام دة تقوليه لواحد اعمى ها اعمى دة لو اعمى هيعرف ويحس
ابتسمت نيرة واخذت السندويتش واكلتة
.-…………………………..

خالد : ع فكرة ماما كلمتنى
نيرة : اوعى تكون قولتلها حاجة
خالد : تؤ تؤ مقولتش حاجة … موبايلك مقفول ليه
نيرة : اكيد فاصل شحن
خالد : ع العموم انا قولتلها انى خرجتكم وساعة بالكتير وهنروح
نيرة : جدع ياض فى الساعة دى يكون يوسف فاق واطمن عليه
خالد : لا يا ختى فى الساعة دى نكون فى المحلات بندور ع طقم ليكى بدل هدموك اللى مليانة دم فى كل حتة
نظرت نيرة الى ملابسها وابتسمت
نيرة : عادى انا ممكن اروح كدة
خالد : انتى عبيطة ماما متعرفش حاجة
نيرة : اممم خلاص انا هدخل اشوفه فاق ولا لسه وبعد كدة نروح ندور ع طقم
خالد : بسرعة بقا اليوم ضاع عليه ومفتحتش كتاب
نيرة : حاضر طيارة
دخلت نيرة الى يوسف وسحبت كرسى ووضعتة امام السرير وجلست ثم امسكت بيدة وقالت
نيرة : الف سلامة عليك يا حبيبى …. انت خوفتنى عليك …. انت سامعنى مش كدة … فوق بقا يا يوسف ….وحشتنى اوى …. طيب شوفت دمك ع هدومى ازاى …. هقولك حاجة … انا مش هغسل الطقم دة ابدا …. هفضل محتفظة بية فى دولابى….يلا بقا عشان انا عايزة اشوفك وانت بتكلمنى …. فاكر سندس ههههه
يوسف بابتسامة تعب : اصدك سوسن
شهقت نيرة عندما راتة استيقظ ومبتسم
نيرة : يوسف انت فوقت
يوسف : سؤال غريب والله
نيرة : يا رخم … انت عامل ايه
يوسف : دماغى وجعانى اوى
نيرة : الف سلامة اندييلك الدكتور
يوسف : لا متنديش حد … قبل ماتروحى هاتى طقم غير دة … عشان محدش يفهم غلط
نيرة : حاضر
يوسف : كنتى بتقولى ايه بقا وانا نايم
نيرة : مقولتش حاجة
يوسف : لا قولتى … قولتى وحشتنى … وحبيبى
نيرة بابتسامة : انا قولت كدة… كنت بتحلم ولا ايه
يوسف : لا قولتى كده
دخل خالد وهو يقول
خالد : مش كفايه ك….. ايه دة انت فوقت
يوسف : نفس السؤال الغريب
خالد : الله يخربيت فقرك … استنى انادى صاحبك
ذهب خالد وقال لعمر
ثم دخل عمر ونورهان بفرحة
عمر : جووو الف سلامة عليك
يوسف : الله يسلمك يا مانو
خالد : ايه مانو وجوو دة
عمر : خلاص يا عم خالود ولا تزعل
نورهان : الف سلامة عليك يا عمر
عمر : ههههه انا بخير يا حببتى والله
نيرة : حرام عليكى الواد كويس هتموتيه وانتى واقفة
نورهان : انا اسفة جدا … الف سلامة عليك يا يوسف
يوسف : الله يسلمك …. معلش يا جماتة تعبتكم معايا
عمر : انا مش هرد
الجميع : ههههههه

———–———-———————-————

ونكمل في الحلقات القادمة ماتنسوش تعلقوا علي الحلقة في صفحة مدام طاسة والست حلة

 الى اللقاء في الحلقات القادمة

بقلم الكاتبة: إيمان ضانا

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى