ترفيهمسلسل أم فتحي

مسلسل أم فتحي الحلقة السادسة

 

الحلقة السادسة


تن تن تنننننننننن

مين
افتح يا فتحي انا حماتك يا حبيبي ومعايا اخوات مروة اهلا اهلا ازيك يا طنط . ازيكو يابنات الله يسلمك يا جوز بنتي . الله يسلمك يا فتحي

فين مروة

هبلغها انكو هنا عن اذنكوا

مامااااااااااااااااااااا وحشتيني

يا حبيبة ماما . وحشتيني

ازيك يا سارة ازيك يا هاجر وحشتوني

وحشتينا اوي اوي يا مروة

البيت من غيرك وحش خالص يا مروة

ربنا يخليكوا يا حبايبي عقبالكوا يارب ان شاء الله

قوليلي اخبار فتحي معاكي ايه

فتحي حنين وطيب خالص يا ماما

الحمدلله يا حبيبتي ربنا يسعدكوا ويهنيكوا يارب

تشربوا ايه

لأ يا حبيبتي احنا جينا نطمن عليكي وماشين على طول . حماتك جاية امتى ؟

بعد يومين ان شاء الله

بصي بقى يا مروة ماوصكيش على حماتك يا حبيبتي . شيليها في عنيكي

ماتزعليهاش ابداودايما تقوليلها حاضر وطلباتها مجابة . خليها دايما راضية عنك يا حبيبتي

ومهما عملت استحمليهاحاضر يا ماما من عنيا

بصي يا حبيبتي خدي فتحي النهاردة وانزلوا اشترولها هدية حلوة واول ما

تيجي قدميهالهاليه يا ماما وبمناسبة ايه الهدية

بمناسبة حياتك الجديدة معاها وتعبير عن حبك ليها

وفرحتك انك هتعيشي معاهاحاضر يا ماما

وكمان عايزاكي تسألي فتحي عن اكتر اكلة

حماتك بتحبها وتعمليها اول يوم تيجي فيه وتعرفيها انك عملتيها عشان خاطر هي بتحبها

حاضر ياماما . في نصايح تانية ولا كفاية كدة هههههههههههههه

اه كمان اشتروا تورتاية كدة وقولولها انه احتفال بيها وبوجودها

من عيوني يا ماما

طيب ياروح ماما احنا ماشيين

ايه يا ماما خليكوا شوية

ايوة ياماما احنا عايزين نقعد مع مروة دي وحشانا خالص

يلا يابت انتي وهي نبقى نيجي مرة تانية يلا اتحركوا

مع السلامة يا مروة يا حبيبتي وماتنسيش اللي وصيتك عليه

الله يسلمك يا ماما . حاضر ان شاء الله هاعمل زي ما قولتيلي

 

 

تن تن تنننننننننننننننننننننننننننننننن تن

تن تننننننننننننننننننننننننننننننننننننننننننننننننن

مين

افتح يا فتحي انا امك يا عين امك

ياااااااااااااااااااااااااااااااه يا امي وحشتيني يا ست الحبايب وحشتيني يا غالية

ماتشوفش وحش ابدا يا حبيبي.

ياسلاااااااااااااااااااااااااااااااااااااااااااااااااااااااااااااام

بيتي كان واحشني بشكل

ماكنتش بعرف انام عند غادة طول الليل اتقلب في

السرير ومابيجنيش نوم الا وش الصبح

الحمدلله يا حبيبتي اديكي رجعتي نورتي بيتك

الحمدلله ربنا مايحرمني من بيتي ابداً .

اومال فين سعاد

سعاد مين

سعاد مراتك يا حبيبتي . هي لحقت تغضب

وتروح لامها

يا امي انا مراتي اسمها مروة . وبعدين هي بتلبس

وجاية تسلم عليكي

اهلااهلا اهلا يا ماما وحشتيني

اوي اموووووووووووووووووووه

ماما ! زي بعضه . اهلا يا مرت ابني ازيك


الله يسلمك يا حبيبتي . يلا يا ماما ادخلي غيري

هدومك على ما احضر الغدا . حذري فذري طبخالك ايه ؟

هو انتي عاملة كل غدوة فزورة واللي يحلها هو اللي هياكل ؟

لأ يا حبيبتي كلنا هناكل بس انا عملالك اكلة بتحبيها اوي

وانتي عرفتي منين الاكل اللي بحبه

سألت فتحي طبعا

اكيد عملالي فشة ومومبار

لأ يا ماما بصراحة دي حاجات صعبة ومابعرفش اعملها

 


اومال طبختي ايه يا خايبة الرجا خلصيني

عملت لحضرتك ملوخية بالأرانب

لسة واكلاها عند غادة ياريتك ما عملتيها

معلش يا ماما المرة الجاية اعملك اكلة غيرها

طيب ياختي اما اقوم بقى اغير هدومي على

ما تعمليلي اكل جديد غير اللي انتي عملتيه

اااااااااااااه اهلاً ابتدينا من اولها

بتقولي حاجة يا مرات فتحي

بقول نورتي البيت يا ماما

منور بوجودي ووجود ابني جنبي
.
.
.
.
.
.
يلا يا امي الغدا جاهز

حاضر اديني جاية اهو

عملتلك صنية بطاطس بالفراخ يا ماما

طيب

ها يا امي ايه رأيك في طبيخ مروة

اهي حاجة تسد الجوع وخلاص

يا امي قوليلها حاجة تشجعها

اشجعها ازاي يعني . ازمر بالزومارة واقول بيب بيب مروة ؟

خلاص يا امي لا تقولي ولا تعيدي

الظاهر الاكل ما عجبش ماما

انتو هاتحققوا معايا . ما تاكلوا وانتوا ساكتين

حاضر يا امي منورة

منورة يا ماما منورة جامد اوي

بوجودك ياختي

شوفتي يا ماما جبتلك ايه

غمضي عنيكي

ليه هو احنا هنلعب استغوماية

غمضي بس

اديني غمضت

فتحي بقى . ايه رأيك في العباية الحلوة دي

ذوق مين المعفن ده . وحشة اوي والوانها تقرف

يعني ما عجبتكيش يا امي

لأ ما عجبتنيش . تلاقي الست الهانم استرخصت وجابت

والله يا ماما دي غالية خالص

غالية بكام يعني

يعني ينفع اجيب لحضرتك هدية واقولك تمنها

انتي يابت هتمثلي فيلم هندي . هو انتي كنتي دافعة فيها حاجة . كله من فلوس ابني

لا والله يا امي دي فلوس مروة . صممت تجيب الهدية على حسابها

اه عشان كدة جابت ارخص حاجة

ربنا يسامحك يا ماما

يسامح العباد ربنا ياختي

قطعي التورتة يا مروة

انتو جايبين تورتة ؟

ايوة يا ماما جايبينها عشان خاطر عيونك

طيب خلاص طالما جايبينها عشان خاطر عيوني يبقى ماحدش ياكل منها غيري

بالهنا والشفا يا امي

عالم ماتجيش الا بالسك على دماغها . ال البت عايزة

تاكل عقلي وتخليني احبها بالعافية .

بس على مين .

انا صاحية لعمايلها كويس اوي .

لا تراجع ولا استسلام

 


اصحووووووووووووووووووووووووووووو
ووووووووووووووووووووووووووووووووووووووا

يلا

يا فتحي

يا مروة

يلا الساعة بقت ستة

دب دببببببببببببب دب دددددددددددددددددددددددب

يا فتحي

اصحى وصحي مروة

في ايه في ايه يا فتحي اصحى مامتك عمالة تخبط وتدبدب ع الباب مش عارفة مالها

في ايه ايه الخبط والرزع ده في ايه ع الصبح

اخرج شوف في ايه

يا فتحييييييييييييييييييييييييييييييييييييييييييييييييييييييييييييييييييييييييييي

يييييييييييييييييييييييييييييييييي

 

ونكمل في الحلقة السابعة بإذن الله
.
إلى اللقاء في الحلقة السابعة

.
.
.
بقلم الكاتبة هبة نور

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى