الحلقه السادسه والعشرون من مسلسل العروس الهاربة للكاتبة سما عمر

الحلقه السادسه والعشرون من مسلسل العروس الهاربة للكاتبة سما عمر

لا تزال غير مستوعبه بانه هو الذى على هاتفها يحدثها

ما تردى سكتى ليه

ارد على ايه

بتردى ليه على ارقام غريبه

وانت مالك انت ارد على اللى ارد عليه

برده تانى بتقلى ادبك

انا متربيه اوى على فكره

ومحدش قال عكس كده

نعم فيه حاجه

انتى فعلا ناويتى تتبرعى بالفلوس دى لدار ايتام

ايوه وكمان فيه كم معهد ناس قالولى عليه للصم والبكم اظن ده كمان واجب عليا انى اتبرع ولو جزء بسيط من الفلوس

بس المعاهد دى بتكون تبع الحكومه

مش فاهمه

يعنى الحكومه هى اللى بتساهم فيهم لو انتى اتبرعتى ليهم بالفلوس مش هيتصرف منها قرش واحد على المعهد

ليه امال هيعملوا ايه بالفلوس

بياخدوها لحسابتهم الخاصه

بجد الكلام ده

والله اسالى وشوفى واعرفى بنفسك

طيب ودار الايتام مهى برده تبع الحكومه

لالالا دى بتكون تبع ناس عملينها للخير

طيب يعنى اتبرع عادى ليهم

اه طبعا ويستحقوا كتير بصراحه كفايه انهم بيراعو الايتام دى

طيب كويس انك عرفتنى …

انتى هتيجى امتى

ان شاء الله يوم الحد

عشان فرح صحبتك

ايوه

خلاص يوم الحد الصبح نروح سوا كام دار كده عندنا هنا لو تحبى

احب اوى طبعا موااافقه

خلاص على خير الله يبقى ميعادنا يوم الحد ان شاء الله

ان شاء الله

وعم ابراهيم ايه اخباره

الحمدلله كويس دخل اوضته عشان يقرأ قران

ربنا يتقبل منه يارب انا حبيبته اوى

وهو على فكره حبك كمان اوى اوى

بجد

هو ايه اللى بجد

مفيش

براحتك

عاوزه حاجه انا هقفل

شكرا بيباى

الافضل تقولى سلام

حااااضر سلام

سلام

استنى صحيح

خير فيه حاجه

انت جبت فونى منين ؟؟

اقفلى يا ياسمينا اقفلى

وبعد ما اغلقت الخط معه ظلت تتذكر حديثه معها خلال هذه المكالمه لكن توقفت عند اخر كلمه منه لها
ده قال ياسمينا من غير مدام
يبقى معناه ايه ده بقى
اكلمه واساله
هيقول عليا جريئه وقليل الادب وهو اصلا اللى جرىء اوى ومدب كده

بس راجل بجد امممممممم بحبك يا يوسف اوى

انتى بتكلمى نفسك يا ياسمينا

بابا

ايوه بابا

انت هنا من امتى

اممممممم من بحبك اوى يا يوسف

تنحت ثم امسكت الملعقه وظلت تقلب فى الاناء الذى به الطعام للهروب من مواجهه والدها

دكتور

خير يا نهله فيه ايه

دكتور وليم بنفسه جاى يكشف على المريضه اللى فى حجره 65

وهو فينه عندها ولا فينه

ايوه يا دكتور ومحتاجك هناك

يتجه معها تجاه هذه الحجره ويلاحظ خروح دكتور وليم رئيس قسم الاعصاب بــ هذه المشفى

خير يا دكتور وليم

عندها اضطراب نفسى مزمن

وده جلها ازاى يا دكتور وهى جلتنا وكانت فقده الوعى خالص

فى الاغلب انها صدمه عصبيه شديده وخلايا المخ ما استحملش فأدى ذلك الى أصابة الانشطة الاساسية فى الجسم بالعطب

وحضرتك تطلب ايه

تتحول فورا لمستشفى الامراض العقليه والعصبيه … فين اهلها عشان يمضوا الاقرار

نهله : حضرتك ما نعرفلهاش عنوان ولا اى حد سال عنها ..

تمام … حصلنى يا دكتور عشان تاخد الورق وتحوله معاها للمستشفى

تحت امرك يا دكتور وليم

نهله : ايه يا دكتور هنحولها

مفيش حل غير كده يا نهله ماانتى شايفه حالتها وصلت لايه

يا حرام والله صعبانه عليا اوى شكلها كده ابنها مات او اتصدمت فيه لانها ما بتجبش غير سيرته وبس

ممكن يكونشى ابنها ممكن يكون جوزها

جايز برده يا دكتور اصل الرجاله دول قادرين تلاقى اتجوز عليها ولا حاجه

ايه يا نهله خلاص ما بقاش فيه شغل عندك وواقفه تتكلمى على الرجاله ومش عارف ايه

اسفه يا دكتور اصلها صعبانه عليا اوى

ما يصعبش عليكى غالى ياختى يلا اتفضلى زقى عجلك واديها حقنه مهدئه عشان يعرفو يحركوها من غير ما تمنعهم

حاضر يا دكتور

ويمر يومان ليتأتى اليوم الذى منتظر فيه قدومها مع والدها حسب ما قالته له عبر هاتفها المحمول وكان قرر بين نفسه بان يبوح لها بكل شىء بداخله لها

نبيله تدخل اليه حجرته : جو عمتك عاوزاك تحت
يوسف لا يزال شادر الذهن
تتجه اليه : يوسف يوسف

يوسف : نبيبله خير

نبيله : خير ايه انت سرحان ولا ايه

فيه حاجه

اه عمتو عاوزاك تحت ضرورى

طيب حاضر جاى وراكى

تتجه نحو اكتر ثم تجلس بجواره
يوسف قولى ما تخبيش عليا مالك فيه حاجه كده فيك متغيره

متغيره ازاى يعنى

انا اللى بسألك على فكره

مفيش يا نبيله شويه ارهاق بس

انت صحيح هتسافر تانى

اه طبعا كفايه كده بقى اجازه

ونويت على امتى كده ان شاء الله

ممكن على اخر الاسبوع ان شاء الله

بسرعه كده

مفيش سرعه ولا حاجه
يقولها وهو يقوم من على الفراش ويتجه الى خارج الحجره

ايه مش هتيجى معايا ولا ايه

هه اه جايه

مالك يا بلبله

دوخت مره واحده كده مش عارفه ليه

انتى فطرتى حلو

ايوه الحمدلله

يبقى تلاقيه ارهاق ولا حاجه زياده ابقى ريحى نفسك شويه

حاضر … يلا بينا عشان عمتو عاوزاك ضرورى

وينزلا الى الدور الارض وكانت تجلس على كرسيها المتحرك كاعادتها ومعها باقه من الزهور تضعها فى فازات

ازيك يا عمتى

ازيك يا يوسف ما شفنكش انهارده على الفطار

معلش مكنش ليا نفس

تمد يدها لنبيله بباقى الزهور المتابقيه : نبيله خدى كملى مكانى عشان عاوزه اكلم اخوكى شويه

حاضر يا عمتو … تحبو اعملكو حاجه تشربوها

لالالا ملوش لازوم … يوسف خدنى على المكتب جوه

حاضر يا عمتى

وبعد ما دخلاا المكتب اغلق الباب ورائه ثم جلس بمقعد بجوارها
خير يا عمتى فيه حاجه

عاوزه افرح بيك يا يوسف ياابنى

تانى يا عمتى رجعنا للكلام ده انا كنت ما صدقت انك بطلتى تكلمينى فيه

انا بطلت اه اكلمك فيه بس قلبى من جوه بيوجعنى نفسى افرح بيك انت كمان قبل ما اوجه رب كريم

يقبل رأسها ثم ينحى ويمسك كفيها ويقبلهم : ربنا يديكى الصحه والعافيه يا ست الكل

واشوفك عريس فى الكوشه يا حبيبى

ان شاء الله

هما جاين انهارده كلم ابوها وخد منه ميعاد ورحلهم المنصوره واتقدم ليها

هى مين دى

ياسمينا يا يوسف … مفيش غيرها تنفعك انت حبيتها وهى كمان بتحبك

ربنا يسهل يا عمتى

هيسهل يا يوسف ان شاء الله لو خطيت الخطوه دى ونويت ياابنى

حاضر يا عمتى حاضر

بجد يا يوسف ولا بتضحك عليا زى عاويدك

هههههههههه لا المره دى بجد يا عمتو

ربنا يرضى عليك يا حبيبى يارب

بابا انت جيت

ايوه يا سيمو انتى جهزتى يا بنتى

ثوانى بس البس الطرحه بتاعتى

طيب وانا هروح اصلى ركعتين لله

مالك يا بابا وشك مش عجبنى

لا ابدا يا حبيبتى

شكلك ما عرفتش تنام امبارح كويس

وعرفتى منين

سمعت صوت تسابيحك طول الليل

اه قلقت فقلت اقوم اكمل باقى اجزاء القراءن وبعدين صليت وسبحت شويه

تضع يدها على جبتهه : بابا انت سخن

لالالا ولا سخن ولا حاجه تلاقى بس عشان وقفت شويه فى وش الشمس

مهو مكنش فيه داعى تخرج دلوقتى وتروح السوق

ما قلت اشترى شويه حاجات للناس اللى رايحيلهم

كان كفايه الساقع وبس

ساقع ايه اللى كفايه دى حاجه فى وشنا وكمان زمان كان جدك الله يرحمه كان بيقول ان كل واحد بيجيب بقيمته

ربنا يحفظك ويباركلك يا بابا يااااااارب

يضمها اليه بحب وحنان : ويحفظك ويسعد قلبك يا سيمو يارب

ويسمع رنين هاتفه المحمول

ده صوت الموبايل بتاعى

انت ما خدتهوش معاك

لا نسيته

برده ده كلام يا بابا افرض كنت اتاخرت ولا احتاجت حاجه امال سموه محمول ليه بس

يابنتى انا مش بطيقاه بصراحه عملى وش فى دماغى وانا فكرت امسكه لما انتى رجعتيلى تانى وقلت عشان اطمن عليكى دايما

طيب هروح اجبهولك وبعد كده ياريت ما يفارقش جيبك

ان شاء الله يا سيمو ان شاء الله

تتجه نحو الحجره وتجد المتصل

مين يا سيمو

ده محمود خد كلمه على بال ما اكمل لبس الطرحه … بس انهى معاه بسرعه عشان ما نتاخرش

حاضر طيب … السلام عليكم ازيك يا محمود ياابنى عامل ايه

ازيك انت يا عم ابراهيم اخبار صحتك ايه

كله عال العال ياابنى

ما قلتليش ردك على طلبى يا عمى اظن فات فتره اهى كبيره

اه اه مش عارف اقولك ايه والله

قول يا عم ابراهيم اقول اللى اى حاجه انا متقبلها

كل شىء قسمه ياابنى

كنت حاسس بكده انا فين وهيا فين انا ممرض على اد حالى وهى ورثت شى وشويات من جوزها المرحوم

بلاش النغمه دى يا حوده انت عارف كويس ان بنتى مش كده ولا بتفكر التفكير ده

وحتى يا عم ابراهيم خلاص عادى كله محصل بعضه انا اسفه يلا سلامو عليكم

استنى بس يا حوده … حوده ..ز محمود :: الو

لا اله الا الله ولا حول ولا قوة الا بالله

فيه ايه يا بابا

زعل انك رفضيته وبيحسب انك رفضيته عشان خاطر انه فقير وانتى ورثتى

تفكيره مريض زيه

لالالا بلاش الكلام ده دعى الخلق للخالق

طيب يا بابا صلى بقى عشان انا جهزت اهو

هدخل اتوضا عشان كمان البس على وضوء

ماشى وانا هروح احط الحاجه اللى حضرتك جبتها فى اكياس شيك

هههههههههههههه حتى الفاكهه بقت بتتحط فى اكياس شيك

اه طبعا يا بابا

طيب ربنا يرحمنا برحمته الواسعه …

تركته وغادرت الحجره بينما رن هاتفه مره اخرى وكان هذه المره يوسف

السلام عليكم … كنت لسه فى بالى قلت هصلى واكلمك لا خير ياابنى … اه لا جاين بمشيئه الرحمن بس كنت عوزك فى موضوع كده ضرورى هقولك

اما ياسمينا كانت تضع الفاكهه فى اكياس هدايا كبيره … سمعت رنين هاتفها

ازيك يا عروسه ههههههههه .. والله يا بنتى جاين لا لسه فى البيت اه جهزت ولبس اهو وبابا بصلى وهنيجى على طول ..ز اه ياختى جبت امبارح طقم جميل اوى عشان احضر بيه الخطوبه بتاعتك طيب حاضر مش هنتاخر ان شاء الله يلا سلام بقى عشان اروح اشوف بابا ونيجلكم على طول سلام

تناولت واحداً من الفاكهه بفمها … وكانت متجهه نحو حجره اباها

ايه يا بابا لسه ما خلصتش يلا بقى قبل ما اخلص على التفاح ده كله … رأيت والدها ساجداً
ظلت تقف وتبتسم على والدها وخشوعه الدائم فى صلاته …. لكنه تاخر بالسجود … وضعت ثمره التفاحه على طاوله بجانبها ثم اتجهت نحوه …
بابا بابا … وضعت يدها عليه لكى تراه ماذا حدث له … الى انه سقط ساجدا انفضت ذعرا

بابا … قوم يا بابا بابا فوق بابا عشان خاااااطرى فوق بابا بابا بابااااااااااااااااااااااااااااااااااااااااااااااا