ترفيهمسلسل خلف هذه الجدران

مسلسل خلف هذه الجدران الحلقة الخامسة عشر (الجزء الأول)

 

” الحلقــــ (15) ــــة ” من مسلسل “خلف هذه الجدران ” (الجزء الأول)
**********
**********

ايه ده ! ايه يا اشجان , مالك يا حبيبتي ؟ مال عنيكِ حمرا كدة ! مين ضربك يا اختي وانا اضربهولك ؟

اهئ اهئ اهئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئ

طب ادخلي عيطي جوا يا حبيبتي , اتفضلي في البلاكونة

اهئ اهئ اشمعنى البلاكونة ؟ اهئ اهئئئئئئئئئئئ

اصل انا يا حبيبتي لما بحب اعيط بقعد في البلاكونة , اقعد أأزأز لب واعيييييييط , انا عندي نظام في شقتي , كل انفعال ليه عندي مكان مخصص , يعني مثلا لما بفرح بتنطط ع السرير واقول هييييييه ولما بتغاظ اوي من عمايل حماتي بقعد في الصالون واجيب ورقة وقلم وارسم صورتها واقعد اشخبط عليها وبعدين اقطع الورقة وارميها قبل حسين ما يجي , وبما ان انتي بتعيطي يبقى المكان الانسب هو البلاكونة

اهئ اهئ اني مش عايزة نقعدوا في البلاكونة اهئ اهئئئئئئئئئئئئئ

طب اقعدي هنا في الصالة

اهئ اهئ اديني قعدت يختي

طب استهدي بالله يا حبيبتي وقوليلي مالك

اهئ اهئ عادل متغير معايا اوي يا بهيرة اهئ اهئ مش هو ده عادل ابدا يا بهيرة اهئ اهئئئئئئئئئ

عادل متغير معاكِ !!!!!! هو جه من اسكندرية ؟

لا اهئ اهئئئئئئئ

اومال عرفتي منين انه متغير يا اشجان

اهئ اهئئئئئئئئئ من طريقته معايا في التليفون يا بهيرة اهئ اهئ كلمني وحش اوي يا بهيرة وكسفني وقالي ما تتصليش ومش عايز نسمعوا صوتك اهئ اهئئئئئئئئئئئئئئئئئ

لالالالالالا الكلام ده عادي ما يزعلش يا حبيبتي , عندك حسين يقولي على طول اسكتي شوية ارحميني انا زهقت من الرغي , بس ما بزعلش والله , بكمل كلام واطلع الشحنة اللي جوايا , اصل بحس ان الكلام طابق على مروحي ولو ما اتكلمتش هيجرالي حاجة , ما تحطيش في بالك , قوليله الله يسامحك وخلاص

اهئ اهئ يا بهيرة دا كان غير كدة خاااااااااالص , كان اول ما يوصل مكتبه في المينا يكلمني على طول , لكن النهاردة ما اتصلش واني لما كلمته رد علية وحش اوي اهئ اهئئئئئئئئئئئ

يا شيخة وفيها ايه يعني , يمكن تكون في حاجة مزعلاه , التمسيله العذر , احنا مهمتنا كزوجات نعذر الرجالة حتى لو ما لهومش اعذار , معلش يا اشجان , بكرة يصالحك يا اختي روقي روقي ههههه بقولك ايه ما تسيبك من العياط والنكد ده ههههههههههه تعرفي ان مهما حصل ما اعيطش انا ما اعيطش الا للشديد القوي والله , وبحب اخد الامور ببساطة , انما اعيط لالالالالالالالالالالا اصل انا شعاري ان العياط لا يفيد , شعاري ابتسم للحياة واضحك وكركر مهما حصل ههههههههههههههههههههههههههه اضحكي يا بت اضحكي هههههههههههههههههههههههههههههههههههه

*
*
*

تررررررررررررررررررررررررررررررررن تررررررررررررررررررررررررررررررررررررررررررررررررررررررررررن

هههههههههه استني اما اقوم ارد ع التليفون واجي اكمل ضحك , ال عياط ال ههههههههههههههههههههه

الووووووو هههههههههههههههههههه

ازيك يا بهيرة يا مرات ابني

اهئ اهئئئئئئئئئئئئئئئئئئئئئئئئئئئئئئئئئئئئئ نيييييييينة ! اهلا يا نينة ازيك وحشتينييييييييييييييييييييي وحشتيني اوي يا نينننننننننننة

ما تشوفش وحش يا مرات ابني , انا قولت برضو اكيد وحشتك يا بهيرة عشان كدة هاجي الاسبوع الجاي اقضي معاكو خميس وجمعة وجايز سبت وحد ولو زهقت ممكن امشي الاتنين ولو ما زهقتش هكمل الاسبوع , اهو منين ما ازهق ابقى امشي وانا ورايا ايه يعني

اهئ اهئ اهئئئئئئئ تنورينا يا نينة اهئ اهئ البيت هينورررررر هينور اهئ اهئئئئئئئئئئئئ

وبتعيطي ليه يا بهيرة يا مرات ابني

اهئ اهئئئئئئئئئ بعيط من الفرحة , مش مصدقة نفسي اني هتيجي تقعدي معانا كام يوم اهئ اهئئئئئئئئئ امتى الاسبوع الجاي يجي اهئ اهئئئئئئئئئئئ

فيكِ الخير يا مرات ابني , مش عارفة ليه ساعات بحس انك اصيلة يا بهيرة يا مرات ابني , يارب يكون احساسي بيضحك عليا عشان اعرف امارس دوري كحماة من غير تأنيب ضمير

اللي في قلبي من ناحيتك مش قادرة اعبر عنه غير بدموعي يا نييييييييييييينة اهئ اهئئئئئئئئئئئئئئئئئئئئئئئئئ

طيب فرحي حسين وياسمين اني هجيلكو الاسبوع الجاي يا بهيرة

اهئ اهئئئئئئئئئئئ حاضر يا نينة اهئ اهئئئئئئئئ هفرح حسين وياسمين ونرسملك قلوب في السما كمان اهئ اهئئئئئئئئئئئئئ يادي الفرحة يا رب اللي ما بلحقش افوق منها اهئ اهئئئئئئئئئئئئئئئئئئئئئئئئئئ

ربنا يفرحك اكتر واكتر يا مرات ابني , سلام دلوقتي

اهئ اهئ الله يسلمك يا نينة اهئ اهئئئئئئئئئئئئئئئئئئئ

اهئ اهئئئئئئئئئئ بتعيطي ليه يا بهيرة ؟ اهئ اهئ اني مش قولتي انك ما بتعيطيش مهما حصل ؟ اهئ اهئئئئئئئئئئئئئ

اهئ اهئئئئئئئئئئئئئئئئئئئئئئئئئئئئئئئئ ما عيطش ازاي يا اشجااااااااااااااااااااان حماتي جاية الاسبوع الجاي وهتكتم على نفسي بتصرفاتها وكلامها اللي يجيب حساسية في الجلد وهرش وسعال ديكِ ومش عايزاني اعيط يا اشجان !!!!!!!!!!!!!!!!! اهئ اهئ اهئئئئئئئئئئئئئئ

طب يختي تعالي ندخلوا البلاكونة نعيطوا نسوا اهئ اهئ

اهئ اهئ قولتلك العياط لا يفيد , بقولك ايه تعالي نستغل ان ياسمين نامت و نطلع نقول لعصمت حمدالله على سلامة جوزك قبل ما حماتي تيجي واتلخم وكمان نعدي ع الحاجة ام عصام نباركلها عشان فرح ولادها قرب

اهئ اهئ مع اني ما لناش نفس بس يلا زي بعضه , نطلعوا نباركوا ونهنوا اهئ اهئئئئئئئئئئئئئئئئئئ

*
*
*
*
*

تررررررررررررررررررررررررررررررررن ترررررررررررررررررررررررررررررررررررررررررررررررررررررررررررن

ميييييييييييين

افتحي يا عصمت انا بهيرة يا اختي

اهلا اهلا اهلا بهيررررررررررررررة , مين الامورة اللي معاكِ دي , اوعي تقولي ياسمين ههههههههههههههههه

لالالا ياسمين ايه , دي بنت ياسمين ههههههههه , هقولك ايه , ما انتي قاعدة تعدي الفلوس وفاقدة الوعي بالزمن , دي جارتنا اشجان , انتي اول مرة تشوفيها ؟

هههههه ايوة ايوة فعلا اول مرة اشوفها مش كدة برضو ؟

ايوة اني اول مرة نشفوكِ يا اسمك ايه

اسمها ايه ! ولما انتِ مش عارفة طالعة عند مين ايه اللي مطلعك معاياااااااا , فضحتييييييييني , اسمها عصمت

اني اسفة يا عصمت يا اختي , اصل نسيت اسمك

ما يهمكيش , اتفضلوا واقفين ع الباب ليه ؟؟؟؟؟؟؟؟

لالالالا معلش انا جبت اشجان بس عشان نقولك حمدالله على سلامة اسمه ايه ههههههههه

ههههههههه يقطع شيطانك يا بهيرة , الله يسلمك يا حبيبتي , يا بنتي ادخلوا اشربوا حاجة

لالالالا معلش , سلمي على دراهم ودنانير

يوصل ان شاء الله , مع السلامة

الله يسلمك , يلا يا اشجان

اوعي اني زعلانة منك والله يا بهيرة , تصدقي يا بت انتي وحشششششة , اني مش هنكلموكِ تاني

ايه اصله ده !!!!!!! هو في ايه ! انا عملتلك حاجة ؟؟؟؟؟؟؟

لما انتي محتاجة لفلوس يا بهيرة مش تقوليلي يختي ! يعني هو اني كنت عمري نتأخروا عنك يا بهيرة !

فلوس ايه وتتأخروا عني ايه يا اشجان انتي واخواتك اللي بتتكلمي عن لسانهم دول ! الحمدلله مستورة وفطرت مع جوزي وعندي غدا ولله الحمد والشكر , فلوس ايه اللي بتتكلموا عليها يا جماعة يللي اسمك اشجان ههههههههههههههههههههه

يختي هو ده وقت هزار , ايوة اني سَمَعتك بتقولي لعصمت هاتي دراهم ودنانير

هههههههههههههه انا بقولها سلمي على دراهم ودنانير , اصل دول بناتها

بناتها ! هي في واحدة تسمي بناتها على اسامي الفلوس

عادي يا اشجان , كل واحد بيسموا ولاده على اسامي هواياته وميوله والحاجات اللي بيحبها , يعني مثلا ممكن تلاقي كهربائي مسمي بنته نجفة او فكهاني مسمي بنته بلحة , نجار مسمي ابنه ابلاكاش , كدة يعني , انا وحسين مثلا عشان بنحب الياسمين سمينا بنتنا ياسمين و عصمت عشان بتعز الفلوس اوي سمت دراهم ودنانير , انتي بقى هتسمي ابنك ولا بنتك ايه ان شاء الله يا اشجان ؟

يختي اني في ايه ولا في ايه ! لما نشوفوا عادل ناوي على ايه معايا

ههههه هيكون ناوي على ايه يعني , ناوي على كل خير ان شاء الله , يلا يا ستي ادي باب شقة الحاجة ام عصام اهو , هرن الجرس

ترررررررررررررررررررررررررررررررررررررررررن ترررررررررررررررررررررررررررررررررررررررررن

ميييين

انا بهيرة يا حاجة ام عصام ومعايا الجارة الجديدة

اهلا ههه اهلا وسهلا اهلا يا بهيرة يا بنتي , هي دي الجارة الجديدة ؟

ايوة اني هههه

هههه اهلا بيكِ يا حبيبتي , اتفضلوا , اتفضلوا

تعالي ورايا يا اشجان

اني وراكِ اهو يا بهيرة

*
*

اتفضلوا اقعدوا , تشربوا ايه بقى ؟ ههه

لالالا مالوش لزوم يا حاجة , انا جبت اشجان وجينا نباركلك عشان جواز الدكتور هاني وسيادة الرائد عصام يوووووووه قصدي الدكتور عصام وسيادة الرائد هاني

ههههه كلك ذوق يا بهيرة يا بنتي , الله يبارك فيكِ وعقبال ياسمين يارب , بس برضو لازم تشربوا حاجة , عشان كمان اشجان اول مرة تشرفني , اقولكو , انا عندي كركديه ساقع جميل جدا , بشربه باستمرار عشان ينزلي الضغط اللي الولاد بيرفعوه ههههه , ايه رأيكو تشربوا معايا ؟

ههههههه سلامتك من الضغط يا حاجة ام عصام , انا بحب الكركديه جداااااااا , بتحبي الكركديه يا اشجان ؟؟؟؟؟؟؟

ايوة بنحبوه اوي

ههههه طيب كويس جدا , عن اذنكو هجيب الكركديه واجي على طول , خدوا راحتكو يا ولاد البيت بيتكو

ربنا يخليكِ يا حاجة ام عصام , شوفتي بقى يا اشجان , الحاجة ام عصام طيبة اد ايه ؟

اه والله يا بهيرة , دي مقابلتها حلوة اوي ووشها سِمح كدة وتتحط ع الجرح يطيب , يا بخت ولادها بيها

انا بقى يا اشجان كل ما الاقي نفسي متضايقة وهطققققق اطلع اقعد معاها شوية وافضفض معاها وتقعد تهديني وتقولي كلام يبرد القلب ويهدي الاعصاب وتخليني انزل من عندها مش شايلة هم لحاجة ابدا , انا بعتبرها امي التانية والله

اني مبسوطة اوي والله يا بهيرة ان ربنا اكرمني بجيران طيبين زيكو كدة , اني اكيد امي الله يرحمها كانت داعيالي هههههه

هههه ربنا يكرمك يا اشجان , انتِ كمان عسل وطيبة وغلبانة , المقهورين في الأرض اتلموا على بعض عشان تكمل يا حبيبتي ههههههههههههه

ههههههه , ربنا يكفينا شر القهر يا بهيرة يا اختي

اللهم آمين , الحاجة ام عصام جاية هناك اهيه

*
*

السلام عليكممممم , اتفضلوا الكركديه يا حبايبي

شكرا يا حاجة ام عصام , خدي يا اشجان

متشكرين يا حاجة

هههه منورين والله , معلش يا اشجان يا بنتي انا مقصرة معاكِ , كان المفروض انزل ارحب بيكِ اول ما جيتي العمارة لكن والله يا بنتي المشاكل والولاد واخدين وقتي , اعذريني حبيبتي

ربنا يخليهوملك يا حاجة ام عصام , اني سَمعت كتير اوي عنك من بهيرة وكان نفسي نشوفوكِ اوي ونتعرفوا عليكِ

هههههه انتي اسكندرانية يا اشجان ؟

هههه ايوة

منين من اسكندرية

من الانفوشي وبعد ما اتجوزت سَكنت في زيزينا , بس ما طولتش وجوزي نقلني على القاهرة طوالي

ههههه شكلك زعلانة انك جيتي القاهرة

والله في الاول كنت زعلانة اوي , لكن لما اتعرفت على بهيرة خففت عني الوحدة والله

وحدة ! في واحدة يبقى معاها جوزها وتحس بالوحدة برضو يا بنتي !

ههههه لالالا يا حاجة اصل جوزها مع جوزته التانية , يووووه قصدي مع مراته التانية

ممممم هو جوزك متجوز عليكِ يا اشجان يا حبيبتي ؟

لا يا حاجة جوزها اتجوزها على مراته الاولانية , اشجان هي التانية

هي بتسألني اني ولا بتسألك انتِ يا بهيرة !

حقك عليا بوفر عليكِ الاحرااااااااااج , منظرك بيبقى وحش لما بيتعرف انك التااااااااااااانية ههههههه

منظرها بيبقى وحش ليه بس يا بهيرة يا بنتي !!!!!!!! الزواج التاني لا عيب ولا حرام , كله قسمة ونصيب يا بنتي

سَمعتِ يا بهيرة ؟؟؟؟؟؟ الله عليكِ وعلى كلامك يا حاجة , بس مين يقرا ومن يسمع , الناس كلها بتشوف الزوجة التانية دي كأنها شيطانة

والعياذ بالله يا بنتي , ما تقوليش كدة , دا شرع ودين , وحلال ربنا ما يزعلش حد

لا يا حاجة بيزعل , بيزعل اوي كمان , اني جوزي ما جابنيش هنا الا لما مراته هدت الدنيا وقالت يااني يا هي في اسكندرية يا عادل

معلش يا حبيبتي , ربنا يهدي النفوس , هي الغيرة فطرة في المرأة , لكن الست االلي تتقي الله ما تخليش الغيرة تتحول لتصرفات تغضب الله وتخسر دنيتها وآخرتها , والله يا بنتي لو كان حب الله في قلوبنا فوق كل حب ما كنتِ لقيتي المشاكل دي في بيوت المسلمين وكانت الست اللي زوجها يتزوج عليها تحتسبها لله وتصبر وتعلم ان ربنا هيعوضها عن صبرها خير , لكن للأسف احنا مشغولين بالدنيا اوي ومدينلها حجم واهتمام اكبر من حجمها الحقيقي , ربنا يصلح قلوبنا اللهم آمين

اللهم آمين , سامعة يا اشجان الكلام الجميل ؟ هههه والله انا ما برتاح الا لما بقعد مع الحاجة ام عصام , لسة والله كنت بقول لاشجان

ههههه يا سلام يا ست بهيرة , ال يعني بتطلعي اوي تقعدي معايا !

والله يا حاجة بخاف اعطلك وبخاف اجيب ياسمين عشان ما تطرديناش ههههههههه

ههههه اخص عليكِ , طب دي ياسمين وحشاني خالص , انا اللي هجيب شيكولاتاية حلوة وانزل اسلم عليها ,

دانتي تآنسي وتنوري يا حاجة والله

الله يخليكِ يا بهيرة يا بنتي , عارفة يا اشجان , انا كانت اختي الصغيرة نرجس متجوزة في اسكندرية عندكو وكنت انا وامي الله يرحمها بنزورها باستمرار , اد ايه اسكندرية جميلة ,بشواطئها وناسها حتى ريحة البحر مميزة يااااااه اخدتيني لذكريات جميلة , روحتي اسكندرية قبل كدة يا بهيرة يا بنتي ؟

لا , شوفتها في التليفزيون ع القناة الاولى في فيلم تسجيلي , ربنا يوعدنا ونزورها واشوف البحر بتاعها بحق وحقيقي واشم الهوا ابو ريحة اللي بتقولي عليه ده يا حاجة هههههههه

ههههه ان شاء الله حبيبتي

وهي اختك نقلت من اسكندرية زي حالاتي يا حاجة ؟

هههه نقلت من مصر خالص وسافرت اليونان مع جوزها من اكتر من خمستاشر سنة ومانزلتش مصر ولا مرة من ساعتها ونفسي اشوف ولادها والله , واضح ان اليونان عجبتها اوي هههه

اليونان بتاعة زوربا يا حاجة ؟ هههههه

ههههه ايوة يا بهيرة بتاعة زوربا , سبحان الله ما كانش في نيتهم السفر خالص , جوزها كان بيشتغل مع واحد يوناني والراجل ده كان بيعتبر جوز اختي زي ابنه بالظبط وخصوصا ان ما كانش عنده ولاد , فلما الراجل حب يصفي اعماله ويرجع بلده صمم ياخد جوز اختي معاه , نرجس اختي كانت رافضة بشكل قاااااااااطع لكن طبعا قدام اصرار جوزها على الموضوع استسلمت للأمر , ليها قسمة تسافر اليونان وتعيش فيها سنين وسنين والله اعلم هترجع ولا لأ

ربنا يصلح حالها وحالنا وحال المسلمين كلهم , سبحان الله , الواحد ما بيقاش عارف هيعيش فين وهيعاشر مين , ههه اني ولا كان يخطر على بالي نسيبو اسكندرية وشوف دلوقتي سبتها وقاعدة مع حبايب اول مرة نعاشروهم , والله كأني بحلم

بتحلمي وانتي قاعدة !!!!!!! لالالالالا انا هاخدها وانزل ياحاجة لتنام مني وكمان الحق ياسمين قبل ما تصحى , اخد اخر شفطة في الكركديه …………. الحمدلله .. يدوم العز يا حاجة

الله يخليكِ يا بهيرة يا حبيبتي , هنييا يا حبيبتي

الله يهنيكِ يا حاجة , يلا يا اشجان اشربي اللي فاضلين دول على بق واحد خلينا ننزل , اخلصيييي

ما اني بنشربوا اهو يا بهيرة , يعني ناخدوهم على بق واحد ونشرقوا يعني !

ههههه يا بنتي خليها تشرب على راحتها

هههه اديني شَرَبت اهو , دايما يا حاجة

هنيا يا حبيبتي , شرفتوني يا ولاد , وانتي يا اشجان يا بنتي اوعي تحسي بالغربة وانتي معانا ابدا , ولو عوزتي أي حاجة يا بنتي تعالي في أي وقت وانا هكتبلك اهو رقم تليفوني عشان لو احتجتي اي حاجة تتصلي , اعتبريني مامتك يا حبيبتي , ……………… ادي الرقم اهو اتفضلي يا بنتي

ربنا يخليكِ يارب يا حاجة , طب وربنا المعبود فكرتيني بامي وحنية امي الله يرحمها

الله يرحمها ويرحم امواتنا جميعا يا بنتي

خلاص يا اشجان خدتي جرعة الحنان من الحاجة ؟ ههههههه دول تقعدوا عليهم شهر مش محتاجة حنية من حد هههههههه

ههههه الله يكرمك يا بهيرة يا بنتي , شرفتوا يا ولاد , مع السلامة

الله يسلمك يا حاجة يا ام عصام يا عسسسسسسل مبروك يا حاجة ربنا يتمم بخير

الله يبارك فيكِ يا بنتي

مبروك يا حاجة عقبال ما تفرحي بعوضهم

ربنا يكرمك يا اشجان يا حبيبتي

يلا يا اشجان عشان نركب الاسانسير , بس انا اللي هسوق ههههههههههه

هههههه سوقي يختي بس اوعي تلبسي في حيطة

بسم الله توكلنا على الله , يلا انزل يا عم الاسانسير

قوليلي يا بهيرة , هي الحاجة ام عصام ما عزمتناش على فرح ولادها ليه ؟؟؟؟؟؟؟؟؟؟؟

اصل هي مش هتحضر اصلا ههههههههههههههه

هااااااااااا !!!!!!!!! هي زعلانة ويا ولادها ولا ايه ؟؟؟؟؟؟؟؟

لا يا اشجان اصل الفرح مش اسلامي والحاجة ما بتحضرش الافراح المختلطة

ايوة بس ده فرح ولادها , ازاي يعني ما تحضرش

يا بنتي قولتلك عشان فرح مش اسلاااااااااااااااامي , يعني هي هتبدي ولادها على دينهاااااااا ؟؟؟؟؟ , هي قالتلي قبل كدة انا بعرض الامور ع الشرع والدين واللي ما يناسبش الشرع والدين وبيخرج عليهم ما بتعملوش ابتغاء مرضاة الله

ماشاء الله عليها والله , ايوة بس برضو ما عزمتناش ليه ؟

تصدقي يا اشجان يا إما انا مش عارفة افهمك يا إما مخك ما عندوش خاصية الاستقبال , يلا يختي المحطة بتاعتنا جت اخرجي من الاسانسير خليني اروح اشوف ياسمين

ما قولتليش يا بهيرة نعملوا ايه مع عادل

طب تعالي معايا اقولك وانا بطبخ

اني هتطبخي ايه النهاردة

قلقاس ولحمة ورز بالشعرية , هبقى ابعتلك طبق

تعيشي يا بهيرة اني بنحبوا القلقاس اوي

وهو كمان بيشكر فيكِ اوي وبيحبك عشان فيكِ شبه منه هههههههههه

ههههههههههههههه

*
*
*
*
*
*
*
*

عاااااااااااادل ههههههههه مسافر القاهرة بكرة لأشجان؟

اوووووووووووووووف ما تجبيش سيرة الست دي قدامي يا سعاااااااااااد اني بيركبني العفاريت الزُرق لما بنسعوا سيرتهااااااااااااااااا

هههههههههه بركاتك يا شيخة منصوووووووووووورة من بكرة الصبح هنروحوا للصايغ نجيبوا الخاتم اللي وعدناها بيه

خلي شوقية تحضرولي لقمة ع السريع كدة عشان نازل تاني كمان شوية

رايح فين يا حبيبي

اني قولت رايح في حتة ؟

مش انت بتقول نازل تاني كمان شوية

لالالالا اني هنام هنااااااااااااااااااااام

مش هتصلي العشا يا عادل ؟

لالالالالالالالالالالالالالالالالالالالالا ما تجبيش السيرة دي قدامي تاااااااااااااااااااني اني مش عايز نصلييييييييييي مش عاااااااااااااااايز

ايه ده !!!!!!!! هو كَرَه الصلاة كمان !!!!!!!! طب ايه دخل الصلاة بالسحر !!!!!!!! واني مالي , اهم حاجة المخفية دي تطلق , يصلي بقى ما يصليش هو حر مع روحه , ال يعني اني اللي بصلي ههههههههههه

 

 


**********
**********

دعااااااااااااااااء انتِ فين يا دعااااااااااااااء

دعاء نزلت من شوية يا رشا

نزلت راحت فين يا ماما !!!!!!!! اووووووووووووف انا قولتلها اني هاخد من حضرتك فلوس وننزل انا وهي نشتري شوية حاجات ناقصاني

هتشتري ايييييييييييييييه , فلوس ايه اللي هتاخديها منييييييي يا بنتي حرام عليييييييييييييكِ

حرام علية ايه يا مامااااااااا , انا محتاجة شامبو وكريمات

ما تجبيش حاااااااااااااااجة , جوزك يبقى يشتريلك , بلا كريمات بلا شامبو , هو انا هديله عروسة وعليها كريمات وشامبووووووووو , هبلة انا ولا هبلة , ناقص كمان نجيب معجون سنان وصابونة بريحة عشان يتخرب بيتنا

يا ماما معقوووووووووول يعني اروح بيتي من غير شامبو وكريمات واقوله ابقى اشتريلي

يا بنتي انتي خلاص بقيتي تبعه هو مش تبعنا احنااااااااااااا احنا الحمدلله اديتنا مهمتنا بنجاح وصرفنا عليكِ بما فيه الكفاية , انتي هتنهبينا ولا اييييييييه , اللي عايزاه اطلبيه منننننننننننننه

اهئ اهئ اهئئئئئئئئئئئئئ والله لاقول لبابا لما يجي

ما تقوليله يختي , انتي هتخوفيني ولا ايييييييييييه , ايه ددددددددددددده الواحد ما كانش عارف ان الخلفة مكلفة كدةةةةةةةةةةة , اييييييييييييييه العيال فاكرين اهاليهم حنفية فلوس ما بتتقفلشششششششش بس مش انا الام اللي اضحي بفلوسي عشان ولادي ابدااااااااااااااااا

طيب يا ست ماماااااااا نأجل الكلام عن الشامبو والكريمات لحد ما بابا يجي , دلوقتي بقى قوليلي عزمتي كل الناس اللي قولتلك عليهم ؟

ايوة عزمتهم وقولتلهم ممنوع اصطحاب الاطفال والستات التخان عشان بياكلوا كتير وهيعملولنا عجز في البوفيه

يا ماماااااااا يا ماما ما تخليهم ياكلوووووووووووو

كلهم عفرييييييييييييت اييييييييييييه , هو احنا هنعمل فرح ولا هنفتح تكية للجعانييييييييييين , ما ياكلوا في بيوتهممممممممممم

اوووووووووووف طيب يا ماما اوعي تكوني عزمتي عمتي فتكات وولادها ليفضحوناااااااا انا قولتلك اعزمي قرايبنا الشيك الكلاس بس , لكن عمتي فتكات وولادها هيعرونا يا ماما بصراحة منظرهم بيئة اوووووووووي وحتى ساكنين في حارة وكنت بتضايق اوي لما بابا ياخدني انا ودعاء ونزورهم ,اوعي يا ماما تكوني عزمتييييييييهم

لالالالالالالالالا انا اعزم فتكات وولادها برضووووووو !!!!!!!! هي دي اشكل تشرف عشان نعزمها , ما تخافيش يا حبيبتي , مامتك واعية , بس خايفة لباباكِ يقولي ما عزمتيهاش ليه , اصل هو قالي معلش يا احسان اتصلي بيها انتي عشان التليفون عند جارتها وانا بتحرج اتكلم

هي جارتها عندها تليفون !!!!!! اصل ما كانش فيه تليفونات قبل كدة لا عندها ولا عند جيرانها

حظك بقى , جارتها ام سيد اللي تحتيها جابت تليفون وعمتك ادت لابوكِ الرقم

ممممممممم هو انتي متأكدة ان بابا مش هيعدي عليها يعزمها

يعدي عليها فين يا رشا ! باباكِ مضغوط في الشغل عشان كدة قالي اتصلي انتِ

مممممم طب انا جاتلي فكرة يا ماما , ايه رأيك تعزميها وتدليها عنوان النادي غلط ؟ هههههههه

ههههههههه والله فكرة يا رشروشة , وساعتها هقول هي اللي سمعت غلط وراحت على نادي تاني ههههههههههههههههه يسلم افكارك يا حبيبة ماما , دماغك زي الدهب طالعة لمامتك

هههههههههههه طيب طالما انا طالعالك ودماغي زي دماغك اديني فلوس بقى اجيب الشامبو والكريمات

انتي لا بنتي ولا اعرفك طول ما انتِ عايزة مني مليييييييييييم

خلاص يا ماما خلاص , هستنى بابااااااااا , هجيبلك التليفون عشان تكلمي جارة عمي فتكات

هاتي , ولو ان الفاتورة هتيجي عالية بس زي بعضه , اهم حاجة فتكات ما تجيش الفرح

*
*
*

ترررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررررررررررررررررررررررررررررن

الوووووووووووووووووو ميييييييييييييييييييييييين

مساء الخير يا مدام

مدام !!!!!!! انتي عايزة مين يختي ؟

هو مش حضرتك مدام ام سيد جارة مدام فتكات ؟

مدام ام سيد ومدام فتكات مين !!!!!!!!!!! اول مرة اسمع الكلام الغريب ده , تكونيش تقصدي خالتي ام انشراح اللي في الدور اللي فوقينا يختي ؟؟؟؟؟؟؟؟

ايوة ايووووووة , هي بنتها الكبيرة اسمها انشراح

وعندها بت تانية اسمها ازهار وبت اسمها فوزية وواد اسمه دسوقي شغال على ميكروباص ؟؟؟؟؟؟؟؟؟؟

ايوة ايوة ايوووووووووووووة هي يا ستي هيييييييييي , التليفون عمال يسحبببببببب وانتي نازلة رغي وكلام مالوش لزممممممممممة , اديني فتكااااااااااااااااااات

يووووووووه !!!!!!! ومالك يختي داخلة فينا شمال كدة , مش اتأكد انتِ عايزة مين ولا بعد ما نِتعِب الست وننزلها تطلع مش هي وما ينوبنا الا عطلتها ع الفاااااااضي

طيب طيب اديكي اتأكدتي , اتفضلي ابقى حضرتك اندهيلها

حااااااضر من عنيا يختي , اقولها مين

انا مرات اخوها عبد المجيد

مرات اخوها , يختي يا الف اهلا يا مليون سهلا , وازي الاستاذ عبد المجيد وازي القردتين الصغيرين , اظن كبروا وبقوا عرايس

كويسييييييين كويسين يا ستييييييييييييييي , خلصيني بقىىىىىىىىىى

ما يبقاش خلقك ضيق كدة يختي , خدي وادي معايا في الكلام , اصل الكلام اخد وعطا , يمكن نتعرف على بعض وتبقى معرفة خير وتنتهي بنسب ان شاء الله

نعممممممممممممم نسب ايه يا مدااااااااااام !!!!!!!!!!!!!!

, اصل انا ليا اخ اسمه زينهم , هو يعني ده مش اسمه الحقيقي لحسن تقولي عليه اسم بلدي وتفتكرينا ما لناش في الاسامي الحلوة , امي بتقول عليه زينهم عشان هو احلى اخواته لكن هو اسمه الحقيقي بسطاوي و معاه الاعدادية ولسة مخلص تلات سنين جيش وبيشتغل قهوجي وواخد اوضتين بمنافعهم فوق سطوح عمارة تشرح القلب الحزيييييين الهوا فوق السطوح ما اقولكيش يرد الروح وينعش الصدر , ولا الجهااااااااااز ماشاء الله كامل من مجاميعه البوتاجاز الابيض ابو عنين ومروحة سقف تخلي شعرك وانتي قاعدة يهفهف على وشك ما تعرفيش تلميه ومكوى كهربا غير الخلاط اللي تحطي فيه الطماطم تتعصر سبحان الله , يعني عريس كامل من كله , وامي بقى مش عايزة تجوزه لاي واحدة والسلام , قالتلي يا بت يا باتعة شوفي لاخوكِ زينهم عروسة بنت ذوات تليق بمقامه , لسة قافلة مع امي السكة , روحتِ انتِ متصلة , سبحان الله كأن قلبك حاسس اني عدل بنتك جاي على ايدين زينهم اخويا , شوف قلب الام يا ولاد اللي يحس بالفرح قبل الهنا بسنة

افندمممممممممممم احنا نناسبكو انتووووووووووووو

,طب بس امسكي روحك من الفرحة على العموم مش هنلاقي احس منكو , يلا زي بعضه , قولي بس يا رب اخويا يوافق , اصل ده دماغه ناشفة وحاطط شروط صعبة اوي في العروسة يا بخت اللي هتبقى من نصيبه

يا ست انتي انا مالي ومال زينهم وامك والسطووووووووووح والبوتجاز ابو عنتيييييييين , اديني مدام فتكات حرام علييييكِ وداني وجعتني من الرغي وانتِ ما بتفصلييييييييييش

حاضر حاضر , هبعتلها اهو , بس فكري في موضوع زينهم , واد يا سييييييييييييد انت يا واااااااااااااااد

ايوة يا امّاااااااااااااااااا

اطلع يا واد خبط على خالتك ام انشراح قولها مراتِ اخوكِ ع التليفون

بلعب بِلْيّ ياامّا مش فاااااااااااااضي

قوم يا واد سيب البلي اللي في ايدك ده لاقوم اطوحهولك من الشباااااااااااااااك , اطلع نادي لخالتك لام انشراااااااااااااااح

يووووووووووووووووووووووووووووووه , حاااااااااااااضر , هندهلها وانزل العب بلي مع العيال في الحااااااااارة

روح مطرح ما ترووووووووووووح , خلفة زي عدمهااااااااااااااا

اديني طالع السلم اهووووو حاجة تأرف انتو جايبين تليفون عشان تأرفونااااااااا كل شوية اطلع نادي خالتك مش عارفة مين انزل نادي خالتك اسمها ايييييييه , والله الواحد يكسر التليفون ده ويرتاااااااااح

*
*

دب دبببببببببب دببببببببببببببب خالتي ام انشراااااااااااااااااااااااح يا خالتيييييييييييييييييييييييييييييييييييييييييييييييييي دب دب دبببببببببببببببببببببببببببببببببببب

عايز ايه يا واد يا سيد يا مقصوف الرقبة

امي بتقولك انزلي كلمي مراتِ ابوكِ ع التليفون , انا نااااااااااااازل

مرات ابويا !!!!!!!!!! هو ابويا الله يرحمه اتجوز على امي قبل ما يموت ! ما داهية لتكون جاية تسأل ع الورث ! ابويا ما سابش حاجة غير الجلبية والصديري اللي كان لابسهم , اما انزل اشوف ايه الحكاية , بت يا ازهااااااااااار انا نازلة عند ام سيد يا بتتتتتتتتتتتتتتت

مع السلامة يا امّا , هتوحشينيييييييييييييييني

*
*

تن تن تن ام سييييييييييييد

زقي الباب وخشي يا خالتي ام انشرااااااااااااااااااح الباب مفتووووووووووووووح

سا الخير يا ام سيد

سا النور يا خالتي ام انشراح , مرات اخوكِ ع التليفون

مرات اخويا ! اومال الواد ابنك اللي ما يتسماش قالي مرات ابوكِ لييييييييييه قلب دماغي خلاها تودي وتجيب يمين وشماااااااااااااااال

معلش يختي , اصله طالع لاهل ابوه سمعه تقيل حبتين , اقعدي وسمي كدة وامسكي السماعة وقولي الوووووووو

وادي قاعدة , نوليني السماعة , الوووووووووووو

يا ربي اخيرااااااااااااااااااااااااااااااااااااا , ازيك يا فتكات

مين هههههه اهلا اهلا اهلااااااااااا ازيك يا مرات اخويااااااااا والله وليكِ وحشة يا وِحشة

وحشششششششششة !!!!!!! هي مين دي اللي وحشة

ما قصدش حاجة وحشة , ماحدش جاب سيرة وشك لاسمح الله , دا قضاء وربنا وقدره واخويا رضي بيه من زمان , انا اقصد يعني انك ما بتسأليش

معلش يا فتكات , مافيش وقت , مش فاضية والله , ازيك وازي ولادك

حلوين يا حبيبتي زي الفل , ازي رشا ودعاء

كويسين , انا متصلة عشان اعزمك على فرح رشا

رشااااااااااااا ههههههههههه يا الف ليلة بيضة زغرتي يا ام سييييييييييييييييييييييد

حاضر لولولولييييييييييييييييييييييييييييييييييييييييييييي هو في ايه ؟؟؟؟؟؟؟؟؟؟؟

رشا بنت اخويا هتتجوز

ماشاء الله , خلاص راحت واحدة فاضل التانية هناخدها يعني هناخدها وهتبقى من نصيب بسطاوي ان شاء الله , وادي زغروتة لدعاء وبسطاوي مقدما لولولولييييييييييييييييييييييييييييييييييييييييييييييييييي بس والله خايفة ليقول دعاء اسم بلدي ويرفض يجوزها , يلا هي وبختها بقى

وهتتجوز مين بقى على كدة يا احسان

هتتجوز شاب من عيلة كبيرة يا فتكات

زي عيلتنا يعني , ماهي العائلات الكبيرة بتتلم على بعضها يا مرات اخويا , تلاقيهم سألوا وعرفو ان انا عمتها عشان كدة خطبوها

اه طبعا اومال ايه يا فتكات , هو انتي شوية ولا شوية ههههههه

والفرح امتى وفين عشان الم العيال في ميكروباص دسوقي ونيجي نشرفكو ونرفع راسكو قدام نسايب الهنا ؟

أأأأأأأ الفرح مممممم الفرح بعد بكرة

هههه يا الف نهار مبروووووووووووووك , قوليلي ع المكااااااااااااااان هتعملوه فيييييييييييييين

أأأأأ احنا هنعمله في مركز شباب ام ترتر

مركز شباب ام ترتر ! وده يطلع فين ان شاء الله

اوصفهولك يا فتكات , بصي انتي تطلعي من الكيتكات وتفضلوا ماشيين بالميكروباص لحد ما توصلوا باب الشعرية واحودا شمال او يمين هتلاقيه في الشارع اللي في النص في شبرا المظلات

ايه العك ده !!!!!! ايه اللي جاب الكيتكات لباب الشعرية لشبرا المظلات !!!!!!!!!!!!!!

هو ده العنوان , معاكو الميكروباص ودوروا انتو بقىىىىىىىىىىى

خلاص يا حبيبتي , نتقابل في مركز شباب ام ترتر بعد بكرة ان شاء الله , والله لنعمل عمايل تتشرفوا بينا وتخلي نسايبكو يحكو ويتحاكو على نسب الهنا بتاعنا

ههههههههه ان شاء الله , ابقي قابليني عند ام ترتر هههههههههههههههههههه

وانا هاجي معاكي يا خالتي ام انشرااااااااااااااااح

ام سيد عايزة تيجي معايا الفرح , اجيبها ولا لأ ؟؟؟؟؟؟؟؟؟؟؟؟

هههههههههههه هاتيهاااااااااااا هاتي كل اللي نفسك فيهم

طب والله لنلملك كل ستات الحارة ونجيب معانا الطبلة ونهيص الفرح كله , وانا بقى عندي جلابية بكرانيش من ع الصدر ما بلبسهاش غير في المناسبات والاعياد الوطنية , هلبسها في اليوم الابيض ده , هو انا عندي اغلى من رشا !!!!!!!!!

هههههههههه ميرسي يا فتكات , كلك ذوق والله , البسي اللي انتي عايزاه هههههههههههههههههههههه

*
*

ههههههههه شاطرة يا ماما شاطرة , انا مستغربة بابا كان عايز الاشكال دي تيجي الفرح ازااااااااااااااي

يا حبيبتي هنعمل اييييييه , دايما يقول اختي فتكات هي الكبيرة اللي قعدت من المدرسة عشان تربينا وليها فضل علينا كلنا

اوووووووووووووف انا مش عارفة ليه هي الوحيدة في عيلة بابا اللي شكلها عامل كدة , تخينة ومبهدلة في شكلها كدة ولبسها يعرررررررر بصراحة انا بستعر منها يا ماما

والله عندك حق يا روح ماما , عشان كدة انا ما بروحش ازورها عشان هي كمان ما تجيش وتفضحنا قدام الجيران , دي كل ما تيجي اقول للجيران دي واحدة مسكينة بتيجي كل فترة نساعدها بقرشين

احسن برضو يا ماما , ياااااااااااااااااه الحمدلله , تخيلي بقى لو كان هاني حبيبي شافها كان هيقول علينا ايه

ما كانش هيقول يا حبيبتي , كان هيرمي الدبلة في وشك ولو كتب الكتاب هيرمي عليكِ اليمين ويمشي بلا رجعة

الحمدلله يا ماما انك اديتلها العنوان غلط , ال عمتي ال

*
*

بت يا ازهاااااااااااااااااااااار

نعم يا امّا

فرح رشا بنت خالك بعد بكرة , اجري عدي على اخواتك انشراح وفوزية وقوليهم ينقعوا شعرهم في الجاز ويتحنوا عشان فرح بنت خالهم

صحيح ياما !!!!!!!! ههههههههههههههه يا حلاوة , هنروح فرح رشا بنت خالي , عقبال ما تفرحي بيا يا امّا

يااااااااااارب يارب يا بنتي يارب , يمكن واحد من قرايب العريس يشوفك ويتهبل على ريحة الجاز اللي في شعرك ويقولي جوزيني الحلوة المتحنية ام جاز دي يا خالة ما اقدرش اعيش من غيرها

يارب يا اما يااااااااااارب انا هلبس عبايتي واحط الشبشب في رجلي واروح ابلغ اخواتيييييييييييييي

بالسلامة يا حبيبتي , قوليبلهم ما ينسوش يفلوا العيال كويس عشان ما يهرشوش ويفضحونا


حاضر يا امّاااااااااااااااااااا

 

—————————————————–

ونكمل في الحلقة السادسة عشر .. إلى اللقاء في الحلقة السادسة عشر

بقلم الكاتبة: هبة نور

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى