طريقة عمل اللانشون في البيت بدون لحم وباللحم وبالزيتون
طريقة عمل الانشون في البيت
الطريقة بدون لحم وطريقتة سهله جداً وطبعاً انضف وأضمن بكتير من اللي بيتباع
المقادير
3 فصوص ثوم
3 بيضات
3 ملاعق دقيق
3 جبنه مثلثات
3 حبات حبهان
قرن فلفل
نص ملعقه صغيره فلفل اسود
نص كوب زيت – كوب الشاي الصغير مش المج
مكعب ونص مرقه دجاج أو مكعب وربع علشان مش يكون مالح اووي
وشعره صغيرة جداً من لون أحمر اللون ده طبعاً موجود عن العطارين هي الون صحية
وبلاش تكتروا يعني على حرف السكين علشان يبقى اللون فاتح
========================
الطريقه:
كل ده يتحط علي بعضه في الخلاط
1- يضرب جيداً جيداً.
2- نجيب حلة كبيرة فيها ميه( بس مش كتيره يعني مثلاً ربع الحله ) تكوني مجهزاها يعني وحطاها على البوتجاز والميه فيها تبقى بتغلي.
3- نحط الخليط في اي كوب استلس او الامنيوم دائري او اللبانه مثلاً وياريت تدهني الكوب بالزيت قبل ماتحطي الخليط جواها.
4- نحط الكوبايه اللي فيها الخليط في منتصف الحلة اللي فيها الميه وخدي بالك انها تكون ثابته يعني مش تكون عايمه علشان مش تتقلب .
5- نغطي الحله وعلي نار هاديه اوي زي الارز كده.
6- نتركها لمده ساعه لساعه ونص وتابعيها كل شويه برضه لحد ماتبقى متماسكة .
7- إقلبيها في طبق وتحطيها في الثلاجه لمدة ساعه كده ثم تقطع شرائح.
وبالهنا والشفا
طريقة لانشون حلواني
مقادير اللانشون الحلوانى :
– فلفل أسود حبوب
– زيتون مخلى
– ثوم مفروم بمقدار ملعقه
– بصل ملعقه بودره
– ملح – شطه
– بابريكا بمقدار ملعقه
– روز مارى بمقدار ملعقه تكون ناعمه
– لحم مفروم بمقدار كيلو أو حسب رغبتهم ممكن صدور فراخ مخليه
الطريقة :
ثم نضعه بعد ذالك فى ورق الفويل ونلفهم جيدا الشكل ثم نحضر وعاء ونضع فيه مياه
ثم نقوم بتقطعيها على شكل دوائر
وبالهنا والشفا
طريقة عمل لانشون الفراخ بالزيتون
في الكبه نضع صدور الفراخ المقطعه وجميع المكونات بلا استثناء وهي
البيض و 3 معالق كبيرة دقيق والجبنة المطبوخه والتوابل بودرة بصل خشنه وبابريكا والملح
والزيت 1/2 كوب ورشة جوزة الطيب ونطحن جميع المكونات في الكبة حتي نحصل علي القوام
الناعم جدا وبعد ذلك نحضر قالب مسطيل وندهنه بالزيت ونضع علي اللانشون قطع زيتون ونقلب
اللانشون جيدا ثم نضع اللانشون في القالب المستطيل المدهون بالزيت ونضغط عليه جيدا نسواي
شكله مرحلة السواء نحضر صينية كبيرة نضع فيها القالب ونحط فيها ماء ساخن يغطي 3/4
القالب وندخلها فرن ساخن علي درجة 200 وبعد كده نهدي النار علي 180 لمدة من 45
دقيقة الي ساعه ونخرجها بعد المده المحدده ونتركها الي ان تبرد ونضعها في الثلاجة ليلة
كامله قبل التقطيع وممكن كمان نحتفظ بيها لمده 3 شهور في الفريزر
طريقة عمل لانشون ميكس بالزيتون
3معالق كبارمفروم بقر
ومعاهم 3معالق كبار مفروم فرااخ
اول حاجه اخلطهم كويس مع بعض لما يتمزجوا كويس جدا
وبقي عندي ميكس او خليط من المفروم البقري والفراخ
احط عليهم معلقه توابل كبيره بصل بودره
وتوم بودره
ورشه ملح
وتقريبا نصف كوب زيتون مخلي بتاع البيتزا اواخليه انتي عادي
واجهز كمان تقريبا نصف كوب بقسماط هاطحنه واضيفه
بس ياحلوين طحنت البقسماط انا بحب اطحنه اول باول وضيفته علي باقي المقادير
وعجنت الجميع عجنا مبرحا هههه هاجيب الشرينكج البلاستيك اللي بيلزق
ده وافرده واحط العجينه بتاعتي عليه كده
وابدأ الف رول و اغلفه بورق فويل كويس عشان يستحمل الحراره
اجيب حاجه واسعه واحط فيها ميه بارتفاع كويس واحط
الرول ده فيه وع النار يا جميل
بياخد تقريبا 50 دقيقه نار متوسطه
وده اول ماطلعته سيبته يهدي شويه وبدأت اقطعه
من غير الوان صناعيه ولا مرقه دجاج ولا حتي جبنه
نستو كلها مكونات طبيعيه
لو عندك الدرج اللي بيقطع الشيبسي قطعي بيه هايديكي
نتيجه افضل وقطع رقيقه عن كده
والباقي لفيه في رول نضيف تاني ودخليه التلاجه
طعمه جميل وقطعت منه مكعبات وحطيتها ع السلطه وكمان
عملته مع البيض زي البسطرمه وكمان طبخته في
صلصه وبصل كااان راااائع
