ترفيهمسلسل خلف هذه الجدران

مسلسل خلف هذه الجدران الحلقة الرابعة والعشرون (الجزء الأول)

 

” الحلقــــ (24) ــــة ” من مسلسل “خلف هذه الجدران ” (الجزء الأول)
**********
**********
صاصوووووووووووووووووونعم يا حياتي
هووووووووووووووووووووو هوووووووووووووووووووووو هووووووووووووووووووووووووو

انتِ بتلبس و رايح المستشفى دوقتي ؟

هههههه دوقتي ! ايوة رايح دوقتي , اديني بلبس اهو ممممم فين القميص المووووف مممم اهو كنتِ عايزة حاجة يا حياتي؟

مممممممم نو , هاخد روكي واروح النادي

عادي يا حياتي , روحي

اوكيه , متضايقة كتير صاصوووووو , متضايقة موووووووووت

ليه بس كدة يا روحي

مممممم , الشغالة الجديدة لسة مش جت

مش قولتي طنط لولى هتبعتلك شغالة

اهاااااا قولت , بس لسة مش بعتت حد

معلش يا روحي , كدة كدة فهيمة بتطلع تعملك طلباتك واذا كان ع الأكل بنجيبه من برا

ايوة بس روكي مش بيحب فيفي

تؤ تؤ تؤ , زعلتيني , ليه بس كدة يا روكي ؟ فهيمة طيبة هههههه

هوووووووووووووووو هوووووووووووووووووووووووووو هوووووووووووووووووووو

اصل فيفي دي بتعامله وحش , تخيل المرة اللي فاتت شخطتت فيه وقالته اوعى كدة من وشي اهئ اهئ روكي المسكين عنيه دمعت اهئ اهئئئئئئ

معقووووووول ! لالالالالالالالا دي اتجننت , اسف يا روحي بالنيابة عن فيفي

الاعتذار يكون لروكي مش ليا انا , روكي حساس خالص

ههههه اسف ياروكي , معلش , لو تحب يا روكي نمشي فهيمة وعواد عشان نفسيتك تستريح انا ما عدنيش مانع

هووو هوووو هوووو

شوفت روكي وحنيته , بيقولك لا لا لا , عشان تعرف اد ايه روكي متسامح وقلبه الرقيق ومش بيشيل من حد

ههه ملاحظ يا روحي , ربنا ما يحرمنا من قلبك الكبير يا روكي , عن اذنك ياروحي عشان اتأخرت ع المستشفى

عن اذنك يا روكي هههههه شوفتي ياروحي , انا براعي مشاعر روكي ازاي

انت رقيق خالص يا صاصو ههههه روكي بيحبك كتير

وانا عايز من الدنيا غير حب روكي يا حياتي , عن اذنك يا منايا هههههه

باي باي صاصوووووووووو , قول باي باي لصاصو يا روكي

هووووووووووو هووووووووووووووووووو هوووووووووووووووووووووووووووو

***************************
***************************************

هو البواب اللي هنا فين ؟ مممممممم يا بوووووووووواب

شوفي يا فهيمة مين بينادي

ما تشوف انت يا عواااااااااااااد

اللي بتنادي واحدة ست يبقى انتِ اللي تقومي

ايوة بس هي قالت يا بواب مش يا مرات البواب

قومي يا فهييييييييييييمة قومي فززززززززززي فزّلك عرق

اديني قايمة اهووووووو

ايه الهانم الشياكة دي ! نعم يا ست هانم , أي خدمة

هو حضرتك المدام بتاعة البواب

لا انا مراته

طيب من فضلك كنت عايزة شقة مدام نسرين

مدام نسرين مرات دكتور عصام؟

ايوة هي

هو حضرتك صاحبتها يا ست هانم ؟

لا , انا الشغالة الجديدة

الشغاااااااااااااااااااالة !!!!!!!!!!! وسيباني احترمك واقولك يا ست هاااااااااااانم !

وفيها ايه يعني لما تحترميني !

طب يختي تعالي ورايا , اوديكي عند مدام نسرين

***********************************

ترررررررررررررررررررررررررررررررن تررررررررررررررررررررررررررررررررن

اوفتي يا ربي , مش عارفة انا امتى الشغالة الجديدة تيجي ؟ مش معقول كدة كل ما يرن الباب اقوم افتح بنفسي

صباح الخير يا ست نسرين هانم

هاي , فيفي ازيك وازي دودي جوزك

فيفي ودودي مين ! انا اسمي فهيمة وجوزي اسمه عواد

ايوة ايوة انا اعرف كدة , بس اسمائتكو غربية على ودناتي خالص ومش بعرف اقولهم يا فيفي

فيفي فيفي , زي بعضه , الشغالة الجديدة وصلت

اوووووووو نووووووووو ههههههههههه اخيرا , ازيك يا انتِ

اهلا نسرين هانم

انتي اللي بعتتك طنطي لولى ؟؟؟؟؟؟؟؟؟؟؟؟؟

ايوة يا نسرين هانم , قالتلي اجي لحضرتك واديتني العنوان

نايس ناااااااااااااايس ههههههه ادخلي

شكرا مدام

عايزة مني حاجة انا يا ست نسرين هانم

شكرا يا فيفي , سلمي على دودي ومسعودي وسعدودي

دودي ومسعودي وسعدودي ! دي بهدلت اسامينا كلنا ما سابتش حد الا اما بهدلت اسمه , اما انزل اشوف دودي جوزي يكون عايز حاجة

*********************************
**********************************************

اهلا يا ……….. ممممممم اسمك ايه ؟

اسمي تهاني هههههه

هاي تيتي , ياترى يا تيتي طنط لولى فهمتك على طبيعة العمل في الهوم ده ؟

ايوة يا نسرين هانم , انا فاهمة كل حاجة , ما تشغليش بالك

وفهمتك علاقتك هتبقى ازاي بروكي وانه محتاج رعاية خاصة ؟

روكي جوز حضرتك ؟

نووووووووووووو نوووووووووووووووووو تيتي نووووووووووووو , جوزي اسمه صاصو , روكي الكلب بتاعي

واضح ان حضرتك بتحبي الحيوانات يا فندم ههههههه

ايوة فعلا , بحب كل كل كل الحيونات , بس الاليفة مش المفترسة , عندي كمان قطتين حلوين ولطاف خالص , كيتي وساندي , انا هعرفك عليهم كلهم وهتحبيهم خالص

اهااااا , اوكيه مدام , انا كمان احب الحيوانات كتير , خصوصا الكلاب اللي زي حضرتك

ايييييييييييييييييييه !!!!!!!!!

أوووووووو سوري , مدام , اقصد الكلاب اللي زي كلب حضرتك

اهااا , انتِ كتير رقيقة تيتي , انتي دراستك ايه يا ترى

انا ليسانس اداب علم نفس

او نوووووووو , وليه مش اشتغلتي في مجال دراستك يا تيتي ؟

يا فندم, هقول ايه , يعني لو اشتغلت في مجال دراستي او بمعنى اصح مدرسة علم نفس ما اعتقدش هحصل على مبلغ مجزي زي اللي حضرتك هتديهولي

اها , ههه احب الشخصيات العملية , كدة اتفقنا , انا هلبس واخد روكي وانزل النادي , طبعا انتِ عارفة مهامك كويس , اولا تهتمي بكيتي وساندي كويس , الاكل بتاعهم محفوظ في التلاجة بتاعتهم , اهم حاجة النضافة , بعد ما تخلصي كل حاجة , اعملي الاكل عشان صاصو لما يجي من المستشفى , اوكيه تيتي ؟

اوكيه مدام

جود , تقدري تتفضلي انتِ , مممم , مش محتاجة اجي اوريكِ مكان كل حاجة , انتِ تقدري تستكشفي البيت بنفسك

اوكيه مدام عن اذنك

***********************************
*********************************************

نسرييييييييييييييين يا نسريييييييييييييييييييييين

اهلا يا دكتور , اكيد طبعا حضرتك دكتور عصام

أأأأ اسف يا فندم , مممم ما اعرفش ان نسرين عندها ضيوف , هي فين نسرين

نسرين هانم راحت النادي هي وروكي ولسة ما جوش

الله ! ازاي تنزل وتسيب حضرتك لوحدك !!!!!!!!

ههه مافيش مشكلة , انا مستنية حضرتك من بدري هههههه تحب احضرلك العشا ؟

مستنياني من بدري ! الست دي عايزة مني ايه ؟؟وبعدين ايه تحضرلي العشا دي ؟ انا ابتديت اقلق

انت مش بترد ليه يا دكتور ؟؟؟؟؟؟ تحب احضرلك العشا

العفو يا فندم ! حضرتك ضيفتنا والعشا ده واجب احنا نقدمهولك

ههههه ما ينفعش يا دكتور , نسرين هانم موصياني على حضرتك

نسرين موصياكِ علية !!!!!!! هي نسرين اتجننت ولا ايه !!!!!!! جايبالي واحدة صاحبتها وسايبهالي في البيت !

ها يا دكتور , اجيب العشا ؟ تحب تتعشا على اضواء الشموع ؟

ايييييييييييييييييه !!!!!!!!!!! لالالالالالالا انا اناااااا نازل عند امي لحد ما تيجي نسرين سلااااااااااااااااااام

هههههههه ماله ده ! شكله كدة من خلال دراستي لعلم النفس انه شخص غير متزن

****************************************
********************************************

ههه مشرفني يا عصام , مش عادتك يعني يا حبيبي , انت دايما بعد ما ترجع من المستشفى يادوب تاكل لقمة وتنام من كتر التعب

لا اصل انا ما اتعشيتش , نسرين مش فوق

مش فوق !!!!!!!! ممممم الساعة داخلة على حداشر مساءا !!!!!! مممم اقول ايه بس , بلاش اتكلم عشان ما يقولش امي بتنهز الفرص عشان تطلعني غلطان , اجيبلك عشا يا حبيبي

لا يا امي , ربنا يخليكِ , انا داخل البلاكونة استنى نسرين

هأ ربنا يجيبها بالسلامة يا حبيبي , اما اروح اشرب كوباية كركديه عشان الضغططططططططط

هاتيلي معاك كوباية يا اميييييييييييييي

اوووووووووووووف الساعة بقت اتناشر إلا ربعععععععع , يعني الواحد ياخد عربيته ويروح النادي يجرجرها من شعرها دي ولا اعمل ايه بالظببببببببببببط

اهي اهي جتتتتتتتتتت , عربيتها ظهرت على بُعد اهية مممممممم اهي نازلة من العربية هي وروكي الزفتتتتتتتتتتتت , اميييييييي انا طاااااااااااااالع , هي امي ما بتردش ليه , ممممممم باين عليها دخلت نامت

اوووووووووووف اهي طالعة في الاسانسيررررررر , هوقف الاسانسير عشان اطلع معاها

ايه ده , الاسانسير وقف ليه ! يا ماماتي , مين الوِحش اللي وقف الاسانسيرررررررررررررر

هوووووووووووووووو هووووووووووووووووووو هوووووووووووووووووووووووو

ايه ده , صاصوووووووو ! هاي حبيبي , انت لسة صاحيان ؟؟؟؟؟؟؟؟؟؟؟

اهلا يا ست هانم , مالسة بدري , كنتِ باتي برا احسسسسسسسسسن

ايه ده ! ليه بتزعق كدة يا صاصو ! في ايه !!!!!!!!
هو هووووووووووووووووووووو هوووووووووووووووووووووووووووووووووووو

لا ولا حاااااااااااااجة الهانم خرجت وراحت النادي ورجعالي الساعة اتناشر باللييييييييييييييل

وفيها ايه دي !!!!!!!!! وبعدين انت ازاي تزعق في الاسانسير كدة !

ماشي , نطلع شقتنا عشان ازعق براااااااحتي , وبعدين تعالي هنا يا ست هااااااااانم , مين البت اللي انتِ سايبهالي فوق ددددددي !!!!!!!!!!!

بنت !!!!!!! اهاااااااا دي تيتي الشغالة

هووووووووووووووو هوووووووووووووووووو هوووووووووووووووووو

تيتي الشغالة !!!!!!!!! بس دي شكلها هاي كلاس خاااااالص ازاي دي تبقى شغالة

هههه هي يعني لازم الشغالة تلبس هدومات مبهدلات وريحتها كلها اونيون ههههههه

طب يلا يلاااااااا خلينا نطلع نتفاهم فوووووووووووق

اتفضلي ادخلي يا ست هانم

اوووووووفتي بقى , انت بتزعق كدة ليه يا صاصوووووووو !ودناتي وجعتني

هو هو هووووووووووووووووووووووووووووووووووو

سكتي الكلب ده لاخنقققققققققققققققققققققققه

ايه ده !!!!!!!! انت كمان هتزعق لروكي وتفزعه !!!!!!!!! ادخل جوا يا روكي عشان مش تتفزع , انا اسفة بجد يا روكي , هاجي اصالحك

هو هو هوووووووووووووووووووووووووووووووووووووووووووووووو

اهلا يا نسرين هانم , اهلا دكتور , تحبوا احضرلكو العشا

ادخلي انتِ جوااااااااااااااااااااا , مش عايز اشوف حد دلوقتييييييييييييييييييي

ادخلي جوا يا تيتي , صاصو سو نيرفز النهاردة اووووووووو نوووووووووووو

تحت امرك نسرين هانم

ادينا بقينا لوحدنا يا صاصوووووووووو , ممكن اعرف ليه بتزعققققققققققققققققققققققققققققققققق

والله ! لما الاقي الهانم مراتي رجعالي الساعة اتناشر بالليل عايزاني اعمل اييييييييييييييييييه

يا سلام ! ودي فيها ايييييييه , يعني هو انا كنت فيييييييييين ! انا كنت في النادي قاعدة مع صحباتي

وهما صاحباتك دول مقطوعيييييييين , مالهومش رجالة يقولولهم عييييييييييب

عيب ! هو احنا عملنا ايه ! انا عندي صاحبات جوزهم بيخليهم يباتوا برا ومش بيزعلوا

ماشاء الله ! ايه التسيب دددددددددددددده

قصدك ايه التحضر ده ! المفروض يكون في ثقة مطلقة بين كل اتنين متجوزين , حتى لو الراجل شاف مراته مع راجل تاني لازم يكون متأكد ان مراته مش بتعمل حاجة غلط وان الراجل اللي معاها صديقها واللي بينهم علاقة بريئة , ويتصاحب هو كمان على صديق مراته ,
الله يخرب بيت افكاااااااااااااااااارك , ايه اللي بتقوليه دددددددددددددده !

مامي كتير كانت تسيبنا وتسافر مع صحباتها يغيروا جو , وكان بابي يقولها يا حبيبتي استني نسافر سوا كانت تقوله محتاجة ابعد عنك فترة عشان حبي ليك يزيد , كانت بقى تروح الشاليه بتاعنا في مارينا او فيلا الساحل الشمالي ياخدوا المايوهات وينزلوا البلاج ويسهروا ويرقصوا في الديسكو ويجوا مبسوطين خالص خالص ونسين كل هومامتهم , وبابي مش كان يزعل , بالعكس كان يقولها انا مبسوط طول ما انتي مبسوطة يا سيرفي يا روحي

بقولك اييييييييييييه اوعي تكوني متخيلة اني ممكن اسيبك تسافري انتِ وصحابك البايظين دوووووووووووول

او نوووووووووو , ايه الالفاظات دي يا صاصووووووو ! صحباتي انا , باكينام وهايدي وميريت وساندرا بايظيييييييييييين ! انت عارف دول ولاد ميييييييييين !

بقولك ايييييييييييه , انا ماليش دعوة بحددددددددددد , انا ليا مراتي , وبصراحة اللي بتعمليه ده مش عاجبني

لكن عاجبني انا يا صاصووووووو ! داخلة انام , الصبح طنط لولى هتعدي عليا عشان نروح البيوتي سنتر زهقانانة خالص اوفتي ياررررررررربي

وبعدين في البت دددددددددي , اووووووووووووووووووف , اشتكي لمين بسسسسسسسسس , ما اقدرش اقول لامي حااجة , لازم ابين اني سعييييييييييييييييد

دكتور صاصو , تحب تتعشى؟

يوووووووووووووووووووووووووووووووووه , ابعدي من وشي انتِ كمااااااااااااااااااااان

********************************
********************************************************

فهيممممممممممممممممة

نعم يا عواااااااااااد

خدي الطلبات دي طلعيها للست هدى وقوليها ما لقيتش نوع السمنة اللي هي عايزاه وجبتيلها نوع تاني , الراجل قال عليه احسن من النوع اللي هي عايزاه , واديها بقيت الفلوس اهيه

حاضر من عنيا

*********************************************

ترررررررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررررررررررررررررررن

ميييييييييييييين

انا فهيمة يا ست هدى جايبة الطلبات

اهلا يا فهيمة

اهلا بيكِ يا ست هدى , عواد بيقولك مالاقاش نوع السمنة اللي انتِ عايزاه والراجل اداله نوع تاني احسن من النوع اللي انتِ عايزاه

وريني كدة جاب ايه , ايه ددددده , مالاقش الا السمنة دي !!!!!!!!! انا منبهة عليه ما يجيبش غير الماركات اللي بقوله عليها , لكن جوزك ده شغال بمزااااااااااجه

خلاص يا ست هدى هاتي السمنة اخليه يرجعها

لا يرجعها ولا يرجع غيرها , خلاص خليصنا

طب خدي يا ست هدى بقيت الفلوس

خليهم عشان مسعد وسعيد يا فهيمة

من ايد ما نعدمهاش , بس عايزة اسألك سؤال يعني ومكسوفة لحسن تقولي علية حشرية ولا حاجة

سؤال ايه يا فهيمة

مالك يا ست هدى , مش عوايدك , بقالي فترة كل ما اطلع الاقيكي مكشرة

من الغلب اللي سلوى موريهولي يا فهيمة اهئ اهئئئئئئئئئئئئئ كرهتني في الدنيا بللي فيها بعمايلها اهئ اهئئئئئئئئئئ كل عريس يجيلها تطلع فيه القطط الفاطسة وترفضه لما السنين عمالة تجري وكل ما سنها بيكبر , حسرتي عليها بتكبر اهئ اهئئئئئئئئئ

لا حسرة ولا حاجة بعد الشر , ان شاء الله هتوافق على اللي يستاهلها ويليق بيها , اصل بصراحة الست سلوى حلوة , حلوة اوي ماشاء الله واكيد اللي في حلاوتها ما يملاش عنيها حد

اهئ اهئ يختي يا ريتها ما كانت حلوة وكانت اتجوزت وارتحت منها اهئ اهئ

طب بس معلش , ما تزعليش نفسك يا ست هدى , اومال هي فين الست سلوى

جت من الشغل نااااااااااااااامت , نامت ولا على بالها امها اللي ما بتنامش بسبب عمايلها

نوم العوافي ان شاء الله , ما تزوريها مقامات المشايخ واولياء الله الصالحين واندري عند كل مقام ندر , انها لما تتجوز تروحي توفي الندر

صحيح يا فهيمة ! تفتكري يعني الموضوع ده يجيب نتيجة

طبعاااااااااا , طب انا هحكيلك حكاية , نبوية بنت بهية اخت عواد جوزي اللي عايشين في الفلاحين وانتي عارفة طبعا البنات هناك بيتجوزا في سن صغير اوي

ايوة عارفة عوايد الفلاحين

المهم بقى البت دي وصلت لسن تمنتاااااااااااااااااااشر سنة بعيد عنك من غير ما حد يخبط على بابها ولا يقولها افرحي يا عروسة انا العريس , واختها الصغيرة اللي عندها اربعتاشر اتجوزت قوم امها اللي هي بهية اخت عواد ركبها الهم والنكد زي ما هو راكبك كدة , راحت واحدة بنت حلال نصحتها انها تاخد نبوية وتنزل على مصر اللي هي القاهرة يعني وتلففها ع المشايخ والاضرحة بتاعة الصالحين وما كدبتش خبر خدت بنتها تحت باطها وركبت اول عربية اجرة جاية ع القاهرة وما خليتش مقام الا لما راحت عنده قادت الشموع وندرت ندر , ما خليتش مقام الا لما راحته , سيدنا الحسين والست الطاهرة والسيدة عيشة وراحت طالعة على طنطا زرات السيد البدوي وندرت ندر وجابت حمص وحلاوة وفرقت ع الرايح والجاي وتعيط وتقول ادعوا لبنتي الغلبانة اللي في ايدي دي عشان قطر الجواز قرب يدهسها , قولي سابت طنطا وراحت طالعة على قنا وزرات سيدي القناوي واشترت اولتين مليتهم شمع ووقفت قصاد المقام تعيط وتقول جوزلي بنتي يا سيدي عبد الرحيم يا قناااااااااااااااوي قولي سابت قنا وخدت البت في ايدها وراحت طالعة على اسكندرية وزرات سيدي المرسي ابو العباس , المهم ما طولش عليكِ يا ست هدى , اخر المطاف رجعت بلدها وبنتها في حضنها وزاروا مقام سيدي كركور

ايه سيدي كركور ده كمان !!!!!!!!!!!!!

حد ما يعرفش سيدي كركور ! سيدي كركور اللي بيجوز البنية قبل ما تبووووووور , والراجل الحارس ع المقام خد منهم اللي فيه القسمة وقالهم خلاص طلبكو مجاب واعتبري البت اتجوزت ببركة سيدي كركور , هتخرجوا من هنا هتلاقي السعد عند داركو واقف مستنيكو

ها هاا كملي يا بت يا فهيمة وبعدييييييييين

هما خرجوا من عنده من هنا وراجعين بيتهم لقوا جدع طول بعرض لابس جلابية بيضة ومزهرة وطاقية شبيكة معطرة واقف ع الباب

ماشاء الله ماشاء الله , دا سرهم باتع , بركاتكم يا اولياء الله الصالحيييييييين , يا بت كملي يا بتتتتتتتتت

استني ما انا جيالك في الكلام اهو , هما اول ما شافوه راحوا هجموا عليه وهما فرحنين , والبت نبوية قالت الفرج جه يا امّا وامها فرحت وقالت بركاتكو يا اولياء الله الصالحين وبصوا للراجل و قالوله انت مين يا سيد الحلوين

قالهم اني سمعت انكم عارضين الحمار للبيع وجيت عشان اشتريه , راحوا بصوا لبعض ورقعوا بالصوت , راح الراجل خاف وجري

يعني ما طلعش عريس

لا , كان جاي يشتري الحمار اللي جوز بهية عارضه للبيع

طب والبت عملت ايه ؟؟؟؟؟؟؟؟؟؟؟

اهي قاعدة مستنية فرج ربنا يعني هتعمل ايه يعني

تررررررررررررررررررن تررررررررررررررررررررررررررررررررررررررررررررررن طب اسيبك يا فهيمة عشان التليفون بيرن ونتكلم بعدين في موضوع المقامات والاضرحة ده , عن اذنك

اتفضلي يا ست هدى

*******************************************
***************************************************

الو

ههه السلام عليكم ازيك يا هدى

اخويااااااااااا ازيك يا توفيق وازي مراتك وولادك

كويسين يا هدى يختي الحمدلله , انتي عاملة ايه واخبار سلوى ايه

سلوى ! مطلعة عيني يا توفيق

لسة برضو مش راضية تتجوز

ابدا يا خويا لما خلااااااااص برج من نفوخي هيطيرررررررررر

هههههه بعد الشر عليكِ , على العموم انا متصل عشانها

متصل عشانها ! اكيد جايبلها عريس مش كدة ؟

ههه كدة يا ستي

وايه الفايدة اذا كانت هترفضه

لالالالا ما اعتقدش , المرة دي ان شاء الله مش هترفض , دا ولد كويس اوي يا هدى , بيشتغل مع والده في مجال المقاولات وعندهم شركة كبيرة وهو خريج تجارة وعنده 28 سنة وانسان طيب وعلى خلق وانا اعرفه واعرف والده كويس , اصل والده زميل دراسة قديم ومن افضل الناس اللي قابلتهم في حياتي , وعنده شقته في المنيل وجاهزة من كل شيء

ماشاء الله , والله الولد مواصفاته كويسة اوي , المهم هي ربنا يهديها وما ترفضوش زي اللي قبله

طب هي فين

نايمة من ساعة ما جت من الشغل

طب صحيها وقوليها خالو توفيق عايز يسلم عليكِ

من عنيا يا خويا , لحظة واحدة

سلوووووووى يا سلووووووووى انتِ يا بنت يا سلوووووووووووووى

نعم يا ماماااااااا في ايه , بتصحيني ليييييييييه انا تعبانة من الشغل وعايزة انام

قومي يختي ردي على خالك توفيق في التليفون وبعدين ابقي ارجعي كملي نوم , النوم قاعد مش هيطير

خالو توفييييييق ههههه طيب هخرج ارد عليه اهو

الو , ازيك يا خالوووووووو ههههه

اهلا اهلا بحبيبتي , ازيك يا سلوى , عاملة ايه يا بنتي

انا بخير يا خالو , وحشتني اوي اوي والله

يا بنت يا بكاشة هههه لو كنت وحشتك كنتِ سألتي علية

والله يا خالو باجي من الشغل مرهقة جدااااااااااااااااا ويادوب اتغدا ع السريع كدة وادخل السرير وافضل نايمة لحد ما يجي بابا يصحيني ويقولي قومي اتعشي معايا ومع ماما يا سلوى ونسهر مع بعض شوية ونتسلى وبعدين ادخل انام تاني واصحى تاني يوم واروح الشغل وهلما جرا هههههههههههه

طب وبعدين , هتفضل حياتك مقتصرة على الشغل وخلاص ؟

ممممممم مش فاهمة

لا فاهمة كويس اوي يا بنت وما تعمليش ساذجة ومش فاهمة الكلام , بقولك ايه , انا جايبلك عريس كويس اوي

يييييييييي تااااااااااااااااااااااااني ههههههه هو انت مش بتحرم تجيب عرسان يا خالو ؟ هههههه انت من ساعة ما رفضت الدكتور اللي حضرتك جيبته وحضرتك اتنرفزت وقولت انا مش هتدخلك في حاجة تاني , من ساعتها حضرتك ما جبتش عرسان

اعمل ايه يا بنت اختي , قلبي ما طاوعنيش اشوف عريس كويس وما اجيبوش , مش بيقولوا الخال والد ؟

هههههه ربنا يخليك ليا يا خالو , بس معلش ما فيش داعي , انا مش عايزة عرسان , مش عايزة حضرتك تتحط في موقف مش لطيف وتجيب عريس ويترفض وينزل من عندنا مخنوق وعمال يفك الكرافت من الخنقة والغيظ وحضرتك تزعقلي وماما تزعقلي وتقعدوا مخاصميني شهرين تلاتة هههههههه

يا بنتي طب وليه لييييييييييه , دانتي بترفضي من غير ما تعرفي العريس مين ولا مواصفاته ايه

هههههههه بالهنا والشفا على قلب اللي هتتجوزه

اووووووووف , سلوى ,.اعقلي يا سلوى , انتي بتكبري واجمل سنين عمرك هتعدي , انتي دلوقتي 25 سنة , هتتجوزي امتى

ههههه انتو ليه يا خالو حاصرين حياة البنت في الجواز ! يعني من غير جواز البنت مالهاش حق في الحياة ؟ يعني اللي مش هتتجوز هتحكموا عليه بالإعدااااااااام

اوووووووف , يا بنتي دي سنة الحياة

اهو حضرتك قولت , سنة الحياة مش فرض الحياة

يعني مش عايزة العريس الممتاز اللي انا هجيبه

وفر تعبك يا خالو وما تحرجش حد معاك

……………………………… طيب يا سلوى , على راحتك يا بنتي , انا كدة عملت اللي عليا , ربنا يهديكِ

****************************************************
***************************************

ههههههههههههههههه ما اقولكيش يا ايمان على خالو والغيظ اللي كان فيه , متهيألي لو كنت قدامه كان حدفني بالفازة فتح دماغي من كتر الغيظ ههههههههههههههههه

انتِ بتضحكي يا سلوى !!!!!!!!! بصراحة انا مستغربة موقفك , وبصراحة انا كمان تعبت من الكلام معاكِ

مشكلتي يا ايمان اني لحد دلوقتي ما لقتش الراجل اللي بحلم بيه , ما لقيتش فارس احلامي

وشكله ايه ده يا ستي الاستاذ فارس احلامك ده

مممممم مش عارفة , حقيقي مش عارفة , كل اللي اقدر اقوله اني لازم اول ما اشوفه يتزلزل كل كياني , راجل ما حصلش ولا هيحصل وماحدش يفوز بيه غيري هههههه

يا سلام ! ما حصلش ولا هيحصل , ابقي قابليني لو لاقتيه , حقيقي انتِ متعبة يا سلوى وفعلا فعلا الله يكون في عون مامتك

هههههه يا بنتي في ايه انتي كمان !!!!!!!!! يا شيخة بلا جواز بلا وجع قلب , طب ما انتي اتجوزتي اهو وحامل كمان , ايه السعادة اللي انتي حققتيها بقى

يا سلااااااااااام ! السعادة طبعا انك تلاقي انسان يحبك وتحبيه وبينكو تفاهم ومودة ورحمة وتكونوا اسرة سعيدة وتلاقي حد تعيشي عشانه , انتي بقى عايشة عشان مين يا سلوى ؟

ههههههه عايشة عشان سلوى , واتفضلي يختي خلصي الاوراق اللي عندك عشان اخدها ادخلها للمدير

طيب يا ست سلوى , خلينا فعلا في الشغل احسن , عايزة استأذن ساعة بدري النهاردة

تستأذني ساعة بدري وتزوغي تروحي فين يا ست ايمان ههههههه

ازوغ ايه يا سلوى , اصل النهاردة اخويا مصطفى جاي يتغدا معانا وعايزة اروح اجهز

يااااااااااه , وهتلحقي تجهزي الغدا بتاع عزمة اخوكِ دلوقتي يا ايمان

هههههه يا بنتي هو انا خايبة زيك ولا ايه , انا يا ستي موضبة كل حاجة من امبارح ويادوب النهاردة احطها ع النار عشان تاخد التتشات الاخيرة ههههههه يعني مثلا النهاردة هعمل مكرونة بشاميل وصنية بطاطس بالفراخ

روحت امبارح عملت البشاميل وشيلته في التلاجة وعصجت اللحمة وسلقت المكرونة والفراخ تبلتها ويادوب هروح بقى اوضب صنية المكرونة وحطها في الفرن تستوي هي وصنية البطاطس اكون انا بقى عملت السلطة ويكون جوزي واخويا شرفوا ونتغدا يا ستي ههههههه

هههههههه يا سلام على ستات البيوت الشاطرة

عقبالك يا روح قلبي لما نشوفك ست بيت شاطرة , خدي الورق وديه للمدير هههههه

ههههه ماشي

**************************************
***************************************************


ههههههههه عجبك الاكل يا مصطفى ؟؟؟؟؟؟؟؟؟؟
ممممممممممم يجنن يا ايمي يا حبيبتي , الذ مكرونة بشاميل من ايد احلى ايمي في الدنيا وصنية البطاطس بالفراخ تجنن , كنت هاكل صوابعي وراها ههههههههههههههههه ربنا يخليك يا حبيبي , سامع يا سي وليد ؟؟؟؟؟؟ مش هاين عليك تسمعني كلمتين حلوين زي اللي سمعهوملي مصطفى اخويا ؟ ههههههههه

هههههههههههه اخوكِ بيجاملك يا حياتي

سامع يا مصطفى !!!!!!!!!!!!!!!

هههههههههه وليد بيهزر معاكِ , بيحب ينكشك بس

ما تزعليش يا حبيبتي , الاكل روعة والله بس انا فعلا بحب اغيظك , اصل بيبقى شكلك حلو اوي وانتِ متغاظة هههههههههه

هههههه طيب اسيبكو انا بقى والم الاطباق عشان اغسلها واروح اجيبلكو الشاي المعتبر

طب استني , انا هشيل معاكِ يا اختي يا حبيبتي هههههه

حبيبي حبيبي يا نااااااااس ههههههه ادي الاخوات ولا بلاش , شايف يا وليد ؟ اخويا راجل متعاون طول عمره , حقيقي يا بخت زوجة المستقبل بيه هههههههه

ايه يا عم مصطفى ! اقعد يا عم جبتيلنا الكلاااااااااااااااااام هههههههه من بكرة هتقعد تقولي قوم شيل معايا الاطباق زي ما اخويا مصطفى عمل

يا عم ما تساعدها يا عم ههههه فيها ايه دي

ههههههههه لا يا سيدي ما تخافش مش هقولك عشان عارفة انك مش هتنفذ

اخبار شغلك ايه يا ايمي

تمام والله يا مصطفى , رغم ان احوال سلوى زميلتي دي مزعلاني اوي وبرجع من الشغل متنكدة بسببها

هي لسة برضو بترفض العرسان ؟

ايوة وشكلها كدة مش هتتغير , عن اذنك كدة شوية يا حبيبي عشان احط السكاكين في الدرج

طب وايه وجهة نظرها يعني

ههههههه مالهاش وجهة نظر , باين عليها معقدة

ممممم طب بقولك ايه ما تخليني اشوفها يمكن يحصل نصيب

ايييييييييه !!!!!!!! لالالالالالا انا ما اعرضكش لموقف سخيف زي ده , انت مش شوية يا مصطفى

ههههه يا ستي موقف سخيف ليه بس , مش يمكن اطلع انا فارس الأحلام اللي بتدور عليه ؟ هههه

حبيببي انت فارس احلام كل البنات ههههههه كفاية انك شبهيي ههههههههه

شبهك ! يبقى اكيد هترفض هههههههههه

هههههههه كدة ! اخص عليك يا مصطفى , طب دي ماما دايما تقولي انتِ ومصطفى اجمل ولادي

يا ستي المسألة مش بالجمال , اهم حاجة الاختيار على اساس الاخلاق , وانا زي ما سمعت منك انها على خلق وما لهاش تجارب عاطفية

لالالا سلوى مالهاش في الكلام الفاضي ده

طيب , كويس اوي , بصي انا هاجي الشغل عندك بكرة واتصنع يعني اني جاي فجأة , وهيبقى بترتيب معاكِ اني هاجي الساعة حداشر الصبح وانتِ تكوني برا المكتب بأي حجة

اهااااااا ههههههه يا سلام ع التكتيك , على العموم موافقة , بس انت بقى ذنبك على جنبك , ماتبقاش تزعل لما تتكبس كبسة محترمة هههههههه

***************************************
****************************************************

يا ياسميييييييين , يا حبيبتي حرام عليكِ السجاد اتبهدل من البسكوت اللي عمالة تفتفتيه طول ما انتِ ماشية دددددددده

اييييه

جاتك أوا يا شيييييييييييخة , يا ياسمين يا حبيبتي انا تعبااااااااااانة تعبانة ارحميييني , انا مش قادرة اوطي كل شوية الم الفتافيت دي ومش قادرة كل شوية اجرجر المكنسسسسسة , فمن فضلك , لو سمحتي , لو ماكانش يضايق حضرتك يعني ما تفتفتيش بسكوت ع السجاد

مس فاهمة حاجة

تررررررررررررررررررررررررررررررن ترررررررررررررررررررررررررررررررررررررن

اهو ابوكِ جه عشان يفهممممممممممك , اه ياااااااااني , ايوة يا سونسون يا حبيبي جااااااااية

اهلا اهلا اهلاااااااااا بأعز الحبايب , اهلا اهلا اهلا بالقمر اللي غايب ههههه

ازيك يا بهيرة

كويسة يا حبيبي طول ما انت كويس

بابااااااااااا هييييييييييييه هييييييييييييييييييه هييييييييييييييييييه

ههههههه اهلا بروح باباااااااااااااا هوبااااااااااااا اموووووووه ازيك يا حبيبتي , شوفي انا جبتلك ايييييه ؟؟؟؟؟؟

ايه ته بابااااااا ؟؟؟؟؟؟؟؟؟؟؟؟؟

هههههه كراسة رسمممممم والواااااااااااااااان , عشان تبطلي ترسمي ع الحيط وتزعلي ماما يلا خديهم بقى

هيه هييييييييييه هيييييييييييييه

مامااااااا السم حصفووووووولة ؟

ايوة يا حبيبتي روحي ارسمي عصفورة وارسمي حداية وارسمي ام اربعة واربعين المهم تبعدي عن الحيططططططططططططة

**************************************
*******************************************************

ازي اخواتك البنات يا سلوى , بقالك كتير ما حكتيش عنهم حاجة ههههه

هههههههه اصل الامن مستتب , اصل اخواتي ما بيظهروش الا بمشاكلهم , يعني واحدة فيهم زعلانة من جوزها تقوم جايبة شنطة هدومها وتيجي تشرفنا هههههه او واحدة فيهم قربت تولد تقوم جايبة برضو ولادها وشنطة هدومها وتيجي عشان ماما تراعيها ههههه

هههه ربنا يخليلكو ماما ممممممم الساعة حداشر زمان مصطفى جاي , عن اذنك يا سلوى رايحة لحد مكتب المدير عشان يوقع على الاوراق دي وجاية

اتفضلي يا ايمان

*
*

ايمي

اهلا مصطفى

هي جوا في مكتبها

ايوة , انا رايحة للمدير وهاجي بعد شوية تكون القيت نظرة هههه

هههه ماشي يا ستي

*
*

السلام عليكم

وعليكم السلام يا فندم , أي خدمة ؟

انا مصطفى اخو مدام ايمان

ااهاااا اهلا يا استاذ مصطفى , اتفضل اقعد , ايمان راحت مكتب المدير وجاية على طول

شكرا يا انسة …….. ؟

سلوى

اهلا يا انسة سلوى

حضرتك تشرب ايه يا استاذ مصطفى

لالالا مافيش داعي , اشكرك

اوكيه , زي ما تحب

ممممممم بصت في اوراقها وبتشوف شغلها ههه ماشاء الله جميلة فعلا وواضح انها مهذبة

ايه ددده !!!!!! ياربي ايه المفاجأة دي !!!!!!! ههههههه معقول مصطفى هنا في المكتب

هههههههه اهلا ايمان , كنت معدي كدة من جنب الشركة قولت اجي اسلم عليكِ , وحشتيني واوي اوي اوي يا ايمي , بقالي كتير اوي ما شوفتكيش

ايه العك ده ! مممم فضحتني , دي عارفة انك كنت معزوم عندي امبارح

ههههه والله !!!!!!!!

مممممم طب عن اذنكو , رايحة مكتب السكرتارية اسلمهم الاوراق دي , واضح ان اخوكِ واحشك اوي اوي هههه مش كدة ؟ ههه بعدين نتحاسب يا ست سلوى

هههههههه اتكبسنا كبسة وحشة اوي يا مصطفى

يا ستي ولا كبسة ولا حاجة , قوليها اخويا بيدور على عروسة وجه عشان يشوفك , وحدديلنا معاد عشان نيجي نتقدم رسمي

ايه ده ! دي عجبتك بقى ؟ ههههههه

ايوة فعلا عجبتني , هادية ورقيقة وجميلة وشكلها بنت ناس

خلاص يا سيدي , اتوكل على الله انت دلوقتي وسيبني افاتحها لما تيجي من مكتب السكرتارية

**************************
************************************

ها يا سلوى قولتي ايه ؟ اظن اخويا مصطفى ماشاء الله عليه , وسامة وشياكة وجامعي ومثقف وماديا الحمدلله كويس اوي وشقته جاهزة واخلاق وتدين والله بيصلي الفرض بفرضه وحنين اوي اوي اووووووووي ومش بشكر فيه عشان اخويا لكن والله دي الحقيقة

مممممم سيبيني افكر

اعتبر دي موافقة مبدئية

لالالالالالالا ما تلزمنيش بكلام انا ما قولتوش , انا قولت سيبيني افكر , لا اكتر ولا اقل

طيب هتردي علينا امتى

ما تخافيش , مش هحيرك كتير , بكرة الصبح ارد عليكِ

طيب يا ست التقلانة هانم هههههههه

*
*

ها يا سلوى , عايزة اعرف رأيك النهائي في موضوع مصطفى

اسفة يا ايمان , مش موافقة

مش موافقة ! على العموم توقعت كدة , بس ممكن اعرف اسباب الرفض

مممممممم مش عارفة , جايز ممممم مش عارفة , يعني , حاسة ممممم تقدري تقولي مالقيتش فيه فارس احلامي

اهاااا , على العموم اتمنالك تلاقي فارس احلامك اللي جاي على حصان ابيض , بس يا خوفي يفضل مجرد حلم جواكِ وما يتحققش ابدا , عن اذنك يا سلوى , انا هاخد اذن بدري عشان الحمل تاعبني اوي النهاردة

ممممم مع السلامة يا ايمان

******************************
************************************

رفضت !!!!!!!! طب ليه يا ايمااااااااان !!!!!!!! انا فيا ايه غلط عشان ترفضني

سيبك منها يا مصطفى , دي بنت مجنونة , الغلط في تركيبة شخصيتها , الغلط مش عندك انت حبيبي , على العموم انا قدامي ليك عروسة ما تتعوضشششششش , اخت واحدة صاحبتي وكنت والله هفاتحك في الموضوع وانت عندي لولا انك سبقتني وطلبت تشوف سلوى

طب ممكن اروحلها المكتب تاني بكرة واحاول اقنعها ؟

تقنعها بإيه بس يا مصطفى !!!!!!!!!! يا اخي قولتلك سيبك منها وما تضيعش وقتك معاها

معلش انا عايز احاول محاولة اخيرة , جايز اقدر اقنعها

اووووووف , على راحتك يا مصطفى

*******************************
****************************************************************

السلام عليكم

وعليكم السلام , اهلا استاذ مصطفى , ايمان ما جاتش النهاردة

انا عارف

ممممممم , اومال حضرتك جاي ليه طالما عارف ان ايمان مش موجودة

جاي اكرر عرضي بالزواج منك وارجوا انك تقبلي

استاذ مصطفى من فضلك , اعتقد ان ايمان بلغتك قراري

هي بلغتني فعلا لكن انا مُصر انني اكرر العرض

استاذ مصطفى من فضلك ما تحرجنيش اكتر من كدة

ممكن افهم ايه اسباب الرفض

مممممممم انا ! مممم بصراحة انا لسة ما لقيتش الانسان اللي بدور عليه

ههه وياترى ايه مواصفاته

استاذ مصطفى من فضلك انا عندي شغل , عن اذنك رايحة مكتب المدير

ممممم يعني افهم من كدة ان ده اخر كلام عندك

ايوة , عن اذنك

******************************
***************************************************

انا قولتلك يا مصطفى من الأول ما تتعبش نفسك معاها , لكن انت اللي اصريت تسمع كلامها السخيف بنفسك

حصل خير , على العموم اللي زي شخصية سلوى دي هتتعب اوي في حياتها لاني اكاد اجزم انها هي اصلا مش عارفة هي عايزة ايه

كل واحد حر في حياته يا مصطفى , وانا نصحتها كتير وعملت اللي عليا

ممممم وايه حكاية اخت صاحبتك اللي قولتيلي عليها ؟

ههههههه اهو كدة الكلام يا درش , هعملك كوباية شاي ونقعد نتجاذب اطراف الحديث عن ست العرايس اللي اختك جايبهالك , بس ابقى ادعيلي هههههههه

هههه طيب انا مستنيكِ عشان بجد شوقتيني للعروسة دي

 
 *
*

**********
**********

ترررررررررررررررررررررررررررررررررررررن ترررررررررررررررررررررررررررررررررررررررررررررررررررررن
ردي ع التليفون يا سلوووووووووووووووووى حاضر يا ماما حاااااااااااضر , كل حاجة سلوى سلوووووووووووووى الوووو

مساء الخير يا سلوى يا اختي هههههه

انتي منى ولا ناهد

هههههه حذري فذري انا مييييييين

يييييييييييييي , مش عايزة اعرف انا هناديلك ماماااااااا

استني استني

نعمممممممممم

انا ناهد يا ستي

اهلا يا ناهد

ايه يا سلوى مالك مش طايقة نفسك كدة

اووووووووووووف ارفت ارففففففففففففت

ارفتي من ايه يا حبيبتي

ماما يا ستي طول النهار مكشرة في وشي زي ما اكون قاتلالها قتييييييييل , مش عارفة بصراحة هي بتعاملني كدة لييييييييييه

يا سلوى ما انتِ عارفة ان ماما زهقانة منك ومن تصرفاتك ورفضك للعرساااااااااااان

اوووووووووووف انا نفسي افهم هي عايزاني اتجوز لييييييييييييييييه

ههههههه عشان تجيبي كتاكيت صغيرين

كفاية عليها كتاكيتكو انتوووووووو , نفسي تسيبني براحتي

طيب قوليلي يا سلوى يا اختي

نعم

هو ايه اللي معقدك من الجواز كدة , مع انه حالة اجتماعية لذيذة يعني ههههههه

انا مش متعقدة , انا مالقيتش الراجل اللي انا عايزاااااااااااااااه

معقووووووووول , كل اللي اتقدمولك دول ما فيهومش ولا واحد عجبببببك ؟؟؟؟؟؟؟

بقولك ايه , انا متحدش هيفهمني , انا هروح اناديلك ماما يا ناهد

طيب يا ست سلوى يللي ماحدش فاهمك هههههه

مامااااااااااااااااااا ناهد ع التليفوووووووووووووون

ناهد !!!!! اتصلت في وقتها , خليني اتفك معاها بكلمتين بدل ما اطققققققققق , الو , ايوة يا ناهد يا حبيبتي

ازيك يا مامتي

الحمدلله

صوتك مش عاجبني , اكيد زعلانة بسبب سلوى

انا اتخنقتتتتتتتتتت اتخنقت خلاااااااااااااااااااااص , عندها خمسة وعشرين سنة وشكلها هتقفلهم خمسين من غير جواااااااااااااااز

ههههه يا ماما سيبيها على راحتها

يا ناهد دانتي ام وعارفة يعني ايه قلب الأم , يعني لو هديل عملت زي سلوى هتعملي ايه ؟؟؟؟؟؟؟؟؟

ههههههههه هديل !!!!!!!! لالالالالالا هديل عمرها ما هتعمل زي سلوى , البنت لسة في اولى ابتدائي ودخلالي المطبخ امبارح بتقولي انتِ هتجهزيني امتى يا ماما وتجبيلي طقم الصيني والمعالق عشان اتجوز ههههههههههههههههههههههههههه والله يا ماما قعدت اضحك ضحك هههههههههههههه ابص لمنظرها الاقيها اد ركبتي ورافعة راسها لفوق عشان تكلمني , قال وتقولي هتجهزيني امتى عشان اتجوز ههههههههههههه دانا حكيت لنبيل فطس من الضحك ههههههههههههه

بقولك ايه , طب ما تيجي نبدل ؟ اديني هديل عشان اجوزها وافرح بيها وخدي انتِ سلوى قبل ما تنقطنيييييييي

هههههههه بعد الشر عليكِ من النقطة يا ماما , على العموم ربنا يهديها , هنقول ايه يعني , والله انا كمان نفسي افرح بيها والله , وكذا مرة اقولها على عرسان اصحاب نبيل وقرايبه وهي اللي في دماغها في دماغها

انتِ عارفة يا بت ياناهد , اخر حل اتوصلتله انا وفهيمة مرات البواب ايه ؟؟؟؟؟؟؟؟؟؟

ايه يا ماما ؟ اوعوا تكونوا هتجوزها لبواب قريب عواد هههههههههه

يختي تتجوز بواب ولا زبال حتى بس تتجوززززززززززززز , فهيمة شارت عليا ازوّرها اولياء الله الصالحين واندر عند كل مقام ندر عشان تتجوز

ايه ده يا ماما ! وتفتكري سلوى هترضى تروح معاكِ

يا ناهد ماانا مش هقولها يا حبيبتي اني واخداها تزور المشايخ , انا هقولها اني رايحة اشتري حاجات من الغورية وهناك اقولها , سيدنا الحسين دعاني وعايزة اروح ازور واطوف حوالين المقام يا سلوى والبي الدعوة , وهي هتيجي معايا ,واخدها ونطوف وندعي ونطلب من الحسين يفك عقدتها

خلاص يا ماما , اعملي اللي انتِ عايزاه طالما في مصلحة سلوى

طيب , اقفلي انتِ دلوقتي وابقي سلميلي على جوزك وولادك , مع السلامة

الله يسلمك يا ماما , ابقي طمنيني

ان شاء الله

************************************************
*************************************************

كمااااااااااااااااال

ايييييييييييييه

انت بتلبس و نااااازل ؟

ايوة , خير في حاجة ؟؟؟؟؟؟؟؟؟؟

ما تنساش تجيب معاك الحاجات اللي طلبتها منك عشان عزومة ماما وبابا واخواتي

ممممم ماشي , وبالمرة هتصل بامي عشان تحضر العزومة

نعم نعم نعمممممممممممم !!!!!!! جرا ايه يا سي كمااااااااااااااااااااال , ايه اللي هيجيب امك في العزومة بتاعة اهلي ؟؟؟؟؟؟؟؟؟؟؟؟؟؟

يا سلام ! ودي فيها ايه ان شاء الله

الاكل مش هيكفي , يادوبك هما اربع فرخات على قدنا

لا يا شيخة !!!!!!!!! يعني هو ورك الفرخة اللي امي هتاكله هو اللي هيعملك العجز في العزوووووووووووومة !!!!!!!!!!!!!!

بقولك ايه , انا مامتي بتحب تاخد نص فرخة لوحدها , ولو كلت اقل من نص فرخة هتفضح الدنيا وتروح تشتكيني لخيلاني واعمامي

دا ايه العيلة الجعانة اللي بتفضح الدنيا عشان نص فرخة دي !!!!!!!

بتقول ايييييييييييه؟

بقول انا هجيب امي واديها منابي , في حاجة تاني ؟

يوووووووووووووووه هو عِند والسلاااااااااااااااام ! انت عايز تجيب امك بأي طريقة وخلاااااااااااااص , زي ما تكون مستكتر الأكل على اهليييييييييييييي

يا ست هانم يا محترمة , امي ما بتجيش تاكل عندي الا كل سنة مرة في رمضان لكن امك واخواتك بيتعزموا يجي خمسين مرة في السسسسسسسسسسسسسسنة

جرا ايه يا كماااااااااااااااااااال , دا بنت بنتهم ويجوا في أي وقتتتتتتتتتتتتتت

والله انك ست ما عندك دددددددددددددم , يعني انا اللي بصرف ع البيت ما اقدرش اجيب امي وانتِ اللي قاعدة بتاكلي في اتة محلولة وتنهبي في مال سايب كل شوية تلمي اهلك عشان ياكلوا من لحمي الحي ايشي فراخ وايشي بط وايشي حلويات دا غير الفاكهة اللي بتتطفحوهااااااااااا

اعوذ بالله منننننننننننننننك راجل بخيل وجلددددددددددددددة , انت بتبص لاهلي في اللقمة اللي بياكلوهاااااااااااا

انا لا بصيت ولا قولتلك ما تجبيبهومششششش , كل الي قولته اني هجيب امي , وهجيبها يعني هجيبهااااااااااااااا وهتاكل نص فرخة زيها زي امك بقى , عشان انتِ امك مش احسن من امييييييييييييييييييي

طب ايه رأيك انا مش موافقة وامك مش هتيجي , عشان ما حدش يديني اوامرررررررررر

كدة ! طب ايه رأيك ما فيش عزومة خاااااااااااااالص , واتصلي بامك وابوكِ واخواتك قوليلهم معلش صاحب التكية قفلهااااااااااااااا اقعدوا كلوا في بيوتكوووووووووووو

كدة يا كماااااااااااااال ! يعني انت عايز تحرجني قدام اهلي !!!!!!!!!!! عايزني ارجع في كلامي بعد ما اتفقت معاهممممممممممم ! عايزهم يقولوا علية ما ليش كلمة !!!!!!!!!!

هههههه لا صاحبة مبادئ اوي يختي !

صاحبة مبادئ غصب عنننننننننننننننك , والعزومة هتتعمل يعني هتتعمل

اعمليها على حسابك يختي

كدة !!!!!!!!!! طب ايه رأيك مش هغسلك هدووووووووووووومك وابقى انزل بقى بهدوم مش نضييييييييييييفة

هو انتِ اساسا بتسمي غسيلك الكالح ده غسييييييييييييييييل !!!!!!!!!! دانا كل يوم زمايلي يقولولي هي الاساور زي الطين لييييييييه , هي االياقة صفرا وتأرف الكلب لييييييييييه , ايه البقع اللي في القميص دي , يا شيخة اسكتي دا الواحد في نص هدووووووووومه

بقى مش عاجبك غسيلي يا سي كمااااااااال !!!!!!! طيب ابقى اغسل انت ليك ولولادككككككككك

واغسل لية ولولادي ليييييييييه ! اروح اتجوز واجيب واحدة نضيفة تغسلنا

هي مين دي اللي هترضى بييييييييييك !!!!!! فاكر نفسك أملة عشان واحدة ترضى بيك ومعاك عيلييييين

ماكليش انتِ دعوة بقى , العرايس كتير ويتمنوا اشارة وانتِ بقى ابقي روحي عند امك عشان تأكلك العدس والفول النابت اللي اتربيتي عليهم عشان تحني لايام الفراخ واللحمة والفتة اللي قضتيها معايااااااااا

يا شيخ اجري اتهلهييييييييييي , ان كنت ناسي افكرررررررررك , فاكر لما كنا مخطوبين وماما عزمتك واول مالقيت ديك رومي ع السفرا عنيك دمعت من الفرحة ؟؟؟؟؟؟؟؟؟؟؟؟ دانت قعدت تقول لماما انا طول عمري اشوف الديوك الرومي في التليفزيون عمري يا حماتي ماشوفت ديك رومي ع الحقيقة الا عندكوووووووووووووو

انتي هتذليني بالديك الرومي اللي امك عملت جمعية وقبضتها الأول عشان تشترييييييييه ! كنتو عايزين تتمنظروا قدامي , انا برضو عيني دمعت لما شوفت الديك الرومي !!!!!!!!! انتِ نسيتِ ابوكِ اللي خد الديك بالحضن وقعد يبوس فيه ويعييييييييط ؟

اخرررررررررررررررررررررس , احنا الديوك الرومي عمرها ما اتقطعت عن بيتنااااااااااااااا , احنا كل يوم فراخ وبط ووز وحمام وارانببببببببببببببببببب

ايوة يختي , الفراخ والبط والوز اللي اخواتك الصغيرين كانوا بيسرقوهم من فوق سطوح الجيرااااااااااااان

انت بتغلط في اخواتي !!!!!!!! بتغلط في اهليييييييييييييييييييي

انتِ السببببببببببب , انتي اللي مش عايزة امي تيجي تحضر العزووووووووووووومة فيها ايه يعني لو قولتي من عنيا يا كمال , انا عشان خاطرك اشيل امك على دماغي يا حبيبي

حبيبي !!!!!!!!!!! ياخي حبك برررررررررررررررص , وانت تتحب من انهي ناااااااااااحية , على شعرك الاكرت ولا وشك اللي اد البتنجان الروووووووووووومي

انا شعري اكررررررررررت !!!!!!!!! دا اللي يحط ايده ع شعرك يتعوووووووووور , هو دا شعرررررر , ياشيخة اجري احلقيه بلا أرررررررررف , انا وشي زي البتنجان الرومي يللي دماغك اد الكرنباييييييييييييية

ايهاااااااااااب بابا وماما بيتخانقوا يا ايهااااااااااب

والله انا زهقت منهم يا ربااااااااااااااب

طب تعالى نشوفهم بيتخانقوا ليه

مش عايز اعرف

بس انا عايزة اعرف , تعالى معايا اخاف اروح لوحدي

يووووووووووه ماشي يا رباب

باباااااااااا مامااااااااا انا وايهاب سمعناكو بتتخانقوا جينا نشوفكو بتتخانقوا ليييييييييييه

اوووووووووووووووف , ابوكوا زهقني في عيشتتتتتتتي

لالالالالالا امكو هي اللي طهقتنيييييييييييييييي , انا خارج وسايبلكو البيت مطربق على دماغكو كلكووووووووووو

في ستين دااااااااااااااهية , امشي يا ولد انت وهي غوروا من وشي على اوضتكو يلا يلاااااااااااااااااااا

ايه ده يا ايهااااااب !!!!!! هي ماما كل ما تتخانق مع بابا تغِل فِشّها فيناااااااااا ؟؟؟؟؟؟؟؟؟؟؟؟

اسمها تفش غِلّها فينا يا رباب

انا عارفة بقى ؟؟؟؟؟؟؟؟؟ يلا ندخل ننام احسن

انتِ مش لسة هتكتبي الواجب بتاعك يا رباب

مش هكتب حاجة , اوووووووووووووووف

****************************************
*******************************************************************

المس دخلت يلا قوموا اقفوا , قومي يا رباب

اووووووووف , انا عارفة الاجازة هتيجي امتى , انا زهقت

السلام عليكم يا شُطّار

وعليكم السلام يا مس

اتفضلوا اقعدوا

شكرااااااااااااااااااااااا

ها , يلا يا حلوين هاتوا كراسات الواجب , كلكوا عملتوا الواااااااااااجب

ايوة يا مسسسسسسسسسسسسسس

مممممم طيب اللي ما عملش الواجب يقوم يقف

اووووووووووف , هقوم اقف

ايه ده , كل الفصل عمل الواجب ماعدا رباب !!!!!! ممممممم ايه يا رباب يا حبيبتي ما عملتيش الواجب ليه

مش عايزة اعمله

ايه !!!!!!!! يعني ايه يا بنت مش عايزة تعمليه !!!!!!!!! هو صعب

مش عارفة , انا مش شوفته اصلا يا مس

مممممم طب اقعدي دلوقتي يارباب وبعد الحصة ليا كلام معاكِ

شكرا

يلا يا حلوين , هكتب مسألة ع السبورة واشوف مين الشاطر او الشاطرة اللي هيعرفوا يحلوها

هااااااا , اديني كتبتها , ممممممم اللي عارف الاجابة يرفع ايده وانا هختار

انا يا مسسسسسسسس

انا يا مسسسسسسسسسسس

انا انا انا يا مسسسسسسسسسسسس

انا عارفة احلها يا مسسسسسسسسسسس

انا يا مسسسسسسسسسسسس

بس بس بسسسسسسسسسس , انا قولت اللي عارف الاجابة يرفع ايده بكل هدوووووووووووء مش عايزة اسمع الدوشة دي

ممممممممم كل الفصل رافع ايده الا رباب !!!!!!!! ايه يارباب انتِ مش عارفة اجابة المسألة دي

………………………………………………………



رباب
يا رباااااااااااااااب

ربااااااااااااااااااااااااااااااب

ردي ع المس يا ربااااااااااااااب , المس بتنادي عليكِ

هااااااا !!!!!!!!!!!!

ايه ده . انتي سرحانة يا بنت !!!!!!!!!!!!

حضرتك بتكلميني يا مس ؟

مالك يا رباب ايه اللي جرالك يا حبيبتي ؟ انتِ كنتِ شاطرة خالص ودايما تجيبي الدرجات النهائية , لكن للأسف دلوقتي لا بتعملي واجب ولا حتى بتنتبهي معايا في الدرس ودرجاتك بقت وحشة جداااااااا , في ايه يا رباب ؟

اهئ اهئ اهئئئئئئئئئئئئئئئئئئئئئئئئئ

الله !!!!!!!!!!!! ايه يا بنت مالك ؟ بتعيطي ليه دلوقتي ؟ في حاجة مزعلاكي يا رباب ؟؟؟؟؟؟؟؟؟؟

اهئ اهئ اهئئئئئئئئئئئئئئئئئئئئئئئئئئئئئئئئئئئئئئ

طيب بس بس خلاص يا حبيبتي , اقعدي , بس انا هاخدك معايا اوضة المدرسين بعد الحصة اشوف ايه الحكاية

*
^
*

ها يا رباب يا حبيبتي , ادينا بقينا لوحدنا , اقعدي يا حبيبتي

شكرا يا مس

ها يا ستي , مالك بقى , ايه اللي اثر على مستواكِ بالشكل ده

اهئ اهئئئئئئئ انا مش بعرف اذاكر , كل شوية بابا وماما يتخانقوا مع بعض وانا واخويا نقعد نعيط اهئ اهئ انا مش بقيت احب بابا وماما عشان هما وحشين اهئ اهئئئئئئئئئئئئئئئئئ

طيب بس يا حبيبتي , معلش يارباب , لازم تعرفي ان بابا وماما بيحبوكي وعايزينك شاطرة , مممممم هما لما بيتخانقوا مش قصدهم يزعلوكي انتِ واخوكِ , على العموم انا هبعت لمامتك هنا عشان اتفاهم معاها بخصوص مستواكِ , تقدري تروحي فصلك دلوقتي حبيبتي وخلي ماما تجيلي بكرة ضروري جدا الساعة تسعة صباحا

حاضر يا مس اهئ اهئ اهئئئئئئئئئئئئ

********************************************************
********************************

مامااااااااااااااا

عايز ايه من الهبابة ماماااااااااااااااااااااااا

مس مروة بتاعة الماث عايزة حضرتك بكرة

وعايزة ايه مني مس زفتة بتاعة القطرااااااااااااااااااااااااان

مش عارفة , هي قالتلي خلي مامتك تيجي تقابلني ضروري الساعة تسعة الصبح

اووووووووووووف , تلاقيكي عملتي مصيبة عشان كدة الزفتة بتاعتك عايزة تقابلنييييييييييييي , غوري على اوضتككككككككككككككككككككككككككك

حاضر يا ماما

******************************
*********************************************************

سلوووووووووووووووى

نعم يا ماما

انتِ بتلبسي ورايحة الشغل يا حبيبتي

ههه ايوة يا ماما , اومال يعني هكون رايحة فين

طب معلش بلاش تروحي الشغل النهاردة عشان عايزاكِ

ايه !!!!! ليه يا ماما , هو حضرتك تعبانة ولا حاجة بعد الشر ؟؟؟؟؟؟؟؟؟؟؟؟

تعبانة ! هو حد يبقى عنده بنت زيك ويتعب برضوووووووووووو !!!!!!!!!!

ههههه ميرسي يا ماما , اومال مش عايزاني اروح الشغل ليه ؟؟؟؟؟؟؟؟

ممممممم اصل انا يا حبيبتي رايحة الغورية اجيب شوية طلبات وعايزاكِ معايا عشان بحب ذوقك

ايوة يا ماما , طيب ما نأجل المشوار لحد ما اجي من الشغل

لالالالالا انتِ بتيجي تعبانة وتستلمي السريرررررررر , لا يا ستي , انا عايزة اروح دلوقتي كمان عشان يبقى الوقت معانا ونعرف نلف براحتنا ع المحلات

خلاص يا ماما , هتصل اخلي ايمان تاخدلي إذن بالأجازة النهاردة

هي ايمان ازيها

الحمدلله كويسة

هتولد امتى

لسة شوية

ربنا يقومها بالسلامة ويهديكي وتحصليها

هههههه احصلها ال , هو احنا في سبق خيل هههههه , ثواني يا ماما , هبلغهم في الشغل واجي وراكِ

طيب , ما تتأخريش

********************

يلا يا سلوى نركب الاسانسيرررررر

هههه انتِ مستعجلة كدة ليه يا ماما , لسة بدري

مستعجلة على فك العقددددددددددد , يلا دوسي على زرار الدور الارضي

حاضر , اديني دوست اهو

الله !!!!!!! مين اللي وقف الاسانسيررررررررر

تلاقي حد هيركب يا ماما من الدور التالت

ايه ده ! دي بهيرررررررررة ههههههه ازيك يا بهيرة يا بنتي

ازيك يا بهيرة وحشااني هههههه

ايه ددددددده ههههههه دا ايه النور ده , ازيك يا مدام هدى ازيك يا سلوووووووووى

اهلا يا بهيرة يا بنتي , ادخلي

اومال فين ياسمين يا بهيرة وحشتني اوي هههههه

ههههههه ما تشوفيش وحش يا سلوى , ياسمين سايباها عند اشجان هبقى ابعتهالك عشان تخليكي تنطي من البلكونة من زهقك منها ههههههه

هههههه ابقي هاتيها وتعالي انتِ بس ومالكيش دعوة , ادينا وصلنا الدور الأرضي

اتفضلي اخرجي انتِ الأول يا مدام هدى

شكرا يا بهيرة يا بنتي , اسبقينا انتِ يا سلوى وخلي عواد يوقفلنا تاكسي

حاضر يا ماما

البت دي غلبتني اوي يا بهيرة , مخلياني اكلم نفسي ليل نهاااااااااار , نفسي تتجوز بقىىىىىىىىىى

ربنا يرزقها بابن الحلال , ادعيلها انتِ بس يا مدام هدى

والله بدعيلها ليل نهار , عارفة انا واخداها ورايحة فين دلوقتي؟؟؟؟؟؟

هههههه وانا هعرف منين !!!!!!!

فهيمة شارت علية اخدها ازورها المشايخ واندر ندر عند كل مقااااام

يا نهاااااااااااااااااار !!!!!!!!!!!! لالالالالالالالالالالالا دا حرام يا مدام هدىىىىىى , دا شرررررررررررررك , اللي يطلب حاجة يطلبها من ربنا مش من الاموااااااااااااااااات

نعممممم ! يا بنتي دول مش امواااااااات , دول اولياء الله الصالحين , ربنا يجعلنا من بركاتهممممممممم

يامدام هدى دا شرك شررررررررررررررررررك , مش هترووووووووووووحي

مش هروووووووووح , اوعى يا بنت من وشي اوعيييييييييييييييي تاكسيييييييييييييييييي

استني يا مدام هدىىىىىىىىىىىىىىىىىىىىىىى ما تجرنيش ورااااااااااااااااكِ اه يا ضهري يااااااااااني

التاكسي اهووووووووووو , اركبي بسرعة يا سلووووووووووووى اركبي بهيرة جاية تجري ورانااااااااااا . اطلع ع الغورية يا اسطىىىىىىىىىىىىى

يا مدام هدىىىىىىىىىىىىى يا مدام هدىىىىىىىىىىىىىىىىىىىىىىىىىىىىىىىىىىىىى , وبعدين بقىىىىىىىى , خدت التاكسي وجريت , طب والله لوقف تاكسي انا كماااااااااان , تاكسيييييييييييييييييييييييييي

ايوة يا مدام ,رايحة فين

استنى اما اركب يلاااااااااا وراهم ورااااااااااااااهم , الحقهم يا اسطىىىىىىىىىىىىىىىى

الحق ميييييييين , يا مدام قوليلي رايحة فين عشان اطلع

تطلع فين !!!!!!!! هو انا ايه اللي مركبني التاكسي ! هو انا رايحة فين اصلا !!!!!! انا رايحة اشتري الخضار , ايه اللي يركبني تاكسياات انا !!!!!! قلبتيلي دماغي الله يسامحك يا مدام هدى , معلش يا اسطى , انا اسفة عطلت حضرتك , انا هنزل هنا

ولما انتِ مش عايزة تاكسي بتوقفيني ليييييييييييييييييييييييييه ؟؟؟؟؟؟؟؟؟؟؟؟؟

معلش , انا اسفة

اووووووووووووووووووووف , ناس تجيب ضغططططططططططط

الله يسامحك , هي الناس بقت اخلاقها وحشة ليه كدة !!!!!!! , طييييييييب يا مدام هدى , انا هطلع اقول للحاجة ام عصاااااااااااااااااااام

***************************************
*******************************************************

معقول يا بهيرة اللي بتقوليه ده !!!!!!!!!! لا حول ولا قوة الا بالله , ازاي هدى تعمل كدة ! اللجوء للموتى واستجلاب البركات وطلب دفع الضر وقضاء الحوائج منهم ده شررررررررك لا اله إلا الله , النافع هو الله , سبحانه وحده القادر المهيمن على ملكه , ازاي نطلب النفع من المخلوقات حتى لو كانوا من اهل البيت او اولياء الله الصالحييييييين ؟ ازاااااااااااااي !

يا حاجة انتِ بتقوليلي انااااا ! طب ما انا عارفة وطلعت اجري وراها بس هي خدت التاكسي وطااااااااااارت ,

مممممم طيب لما تيجي ليا معاها كلام , مرة تعملنا زار ومرة تروح تزور المقامات والأضرحة , الله يهديكِ يا هدى

*************************************************************************************


يلا يا ماما , اشتريلنا كل اللي انتي عايزاه اهو
لا لسة , استني نتمشى شوية ونروح نقعد في الجنينة دي

جنينة ايه يا مامااااااااااا ! انا تعبت وعايزة ارووووووووووح

استني بس يا سلوى يا بنتي ااااااه رجلي وجعاني تعالي نقعد في الجنينة دي تعالي تعالي
ماشي يا ماما تعاااااااااالي , هااااااا وادي قاعدة

, الله ! ايه ده , ايه ده يا سلوى يا حبيبتي الجامع الكبير ده

دا جامع سيدنا الحسين يا ماما رضي الله عنه

لا يا شيخة ! معقول ! قولي كلام غير ده يا سلوى

والله يا ماما هو

سبحان الله !!!!!!!! حاجة لا ع البال ولا الخااااااااطر ,طيب يا بنتي طالما جينا لحد هنا يبقى تعالي نزور ونلف حوالين المقام سبع مرات وناخد البركة

يا ماما انا سمعت طنط امينة قبل كدة بتقول ان زيارة المقامات والأضرحة والطواف حوليهم شرررررررررررك

يا سلاااااااااام ! وهي كانت امينة هي المفتي بتاع العمااااااااااااارة ! قومي يا بنتي قومي بلا وجع قلب , خلينا نتبارك ونستبارك

حاضر يا مامااااااااا , مش كان زماني في الشغل قاعدة على مكتبي مرتاحة بدل رجلي اللي وجعتني من مشاوير ماما ددددددددي

يلا يا سلوى اقلعي الجزمة يا حبيبتي عشان ندخل نقرا الفاتحة لمولانا الحسين , مدد يا حسين مددددددددد

حاضر يا ماماااااااااااا , الرحمة يارب

يلا يا حبيبتي تعالي ورايا , يلا ورا الجمع الغفير ده , وسعي يا ست , وسعي يا حاجة خدينا وراكي مش كدة

يووووووو , ما المكان واسع اهووووووو

طب اوعي اوعي , خلينا نطووووووووف

ما تطوفي يا ست هو انا ماسكاكييييييييي

بس يا ماما انتِ هتتخانقي مع الناااااااااااس

اعمل ايه يا سلوى يا حبيبتي , الناس بقوا وحشين وعايزين يطوفوا وياخدوا البركة لوحدهمممممممم , اقري الفاتحة يا سلوووووووووووى , بسم الله الرحمن الرحيييييييييييم

قريتي يا سلوووووووووى سلووووووووووووى , هي البت راجت فين , يادي المصيبة , بت يا سلوووووووووى

ايه يا حبيبتي , كان معاكِ عيلة صغيرة وتاهت منك ؟؟؟؟؟؟؟؟؟ اصل لسة لاقية شايفة عيلة صغيرة بضفرتين بتعيط والناس ملمومين حواليها وبتقول عايزة ماما

يختي عيلة ايه انتِ كمااااااااان , انا بنتي عروسة كبيرررررررررة , اوعى اما اشوف بنتي راحت فيييييييين ,سلووووووووووووى

ايه يا مامااااااا انا اهووو كنت بشرررررررررب

يا شيخة حرام عليكِ سيبتي ركبيييييييييي , عمالة اقول البت راحت فيييييين ! قريتي الفاتحة يا سلوى ؟؟؟؟؟؟؟

ايوة يا ماما , هنمشي بقى ولا لسسسسسسسسسة ؟

لا لسة , تعالي نلف تاني وندعي , جيالك يا سيدي يا حسين جاياااااااااااالك , حل عقدة بنتي وجوزهااااااااااااالي , امانة عليك يا سيدنا الحسين ما تكسفنيييييييييييي , ادعوا معايا يا نااااااااس , ادعوا لبنتي دي , هاتي ايدك يا سلوى عشان اشاورلهم عليكي , ادعوا لها يا نااااااااااااااس ادعولها , اللهي ما يبورلكو بتتتتتت , ندر عليا يا حسين لفرق عيش ولحمة ع الرايح والجاي لما تحل عقدة بنتي وتجوزهاااااااااالي , ادعوا يا نااااااااااااااااس

يا ماماااااااااا حرام عليكِ فضحتيييييني , ايه اللي بتعمليه ده بس

اسكتي انتِ عشان انا مرارتي مفقوووووووووعة , ادعي معايا يا حاجة انتِ وهي الله يكرمك

هي بنتك دي اللي بتدعليها تتجوز

اه يا اختي , ادعي الله يسترك

يختي بنتك حلوة اوي اوي , ايه اللي مقعدها من غير جواززززززززز !!!!!!!!!!!!

نصيبنا يختي نصيبنااااااااا , العرسان طوابير والله , بس هي بعيد عنك اللي مخها فيه زلط

يا عيني يختي ! والله صعبتي عليا ! تعالي يا حبيبتي , مش عايزة تتجوزي ليه

ا
اووووووووووووووف , انا عايزة امشي من هنا يا مامااااااااااا

يا شيخة ارحميني ! حتى الاماكن المبروكة مش طايقاااااااااااااها ! انتِ ايييييييييه , اصبري لسة ما خلصنااااااااش

حاضر يا ست مامااااااا بس والله ما هاجي معاكِ في حتة تااااااااااااني

انا لا عايزاكِ تيجي معايا في حتة ولا في حتتين , انا عايزاكِ تتجوزي وتحلي عن سماياااااااااااا , يلا تعالي طووووووووفي

حاضر يا ماماااااا حاضر , ايه ده يا مامااااا , ايه الراجل اللي لابس جلابية خضرا وعقد حباته كبيرررررررررررة اوي وطرطور وماسك بخور ده ؟؟؟؟؟؟؟؟؟؟

ده مجذوب من مجاذيب الحسين , يا عمممممممممم انت يا عمممممممممممممم

انتِ هتنديلوه ليه يا ماماااااااااا

عشان يبخرك , تعالى ايوة تعالى بخر بنتي عشان تاخد البركة

حيييييييييي حي حي حيييييييييييييييي مدددددددددددددددد مددددددددددددد مدددددددددددددددد تعالي عشان ابخرررررررك

اوعى يا عم انت كدةةةةةةةة , اوعى مش عايزة اتبخر اناااااااا

ما تسمعش كلامها بخرهاااااااا , اتبخري يا حلوة يا زينة , افرجها افرجها يا صاحب الفرررررررررج

حي حي حيييييييييي مددددددددددددددددددد مدد مدددددددد مددددددددددددددد

يييييييييييييي انا خارجة يا ماما , انا نفسيتي تعبببببببببببببت

استني يا سلووووووووووووووى استني يا بنتي جاية وراكِ اهووووووووووووو , يا دي الخيبة البت طلعت تجري ع الشارع وهي حافية ! باين عليها اتجذبت هي كمااااااااان , استني يا سلوى يا حبيبتي ناخد الجززززززززززززم

************************************************
*************************************************************************

اخص عليكِ اخص يا هدى , دانتي بتصلي وتعرفي ربنا تقومي تعملي العمايل دي ! توصل بيكِ التخاريف انك تعملي زي المجاذيب والجهلة وتروحي تطلبي المدد من الحسييييييين ! لا حول ولا قوة الا بالله , انتي كدة اشركتي , اشركتي ولازم تتوووووبي

اهئ اهئئئئئئئئ لا اله الا الله محمد رسول الله اهئ اهئ اعمل ايه بس يا امينة اهئ اهئ من قلة حيلتي والله عملت كدة

طب وانتِ شايفة ان الأمور كدة هتتحل ؟؟؟؟؟؟؟؟ انتِ كدة اخدتي ذنوب وعصيتي ربك واغضبتيه , يعني بالله عليكِ الحسين كان يملك من امر نفسه أي شيء وهو حي ؟

لا , مافيش حد من العباد يملك من امر نفسه شيء يا امينة اهئ اهئ
طيب كويس انك عارفة , الحسين قُتل ولم يستطع دفع الضر عن نفسه , لانه في الأول وفي الآخر عبد من عباد الله لا يحدث له أي شيء إلا ما كُتب له أو عليه من عند الله , فمابالك بقى بعد مماته ! يعني تعتقدي ان الميت الذي ققُبر وانقطع عمله يستطيع نفع الحي ؟؟؟؟؟؟؟؟؟

لالالالالا اهئ اهئئئئئئئ ربنا يسامحني بقى اهئ اهئ ادعي لسلوى ادعيلها عشان انا خلاص , لو مت هتبقى هي السبب اهئ اهئئئئئئئئئ

طب بس بالله عليكِ ما تقوليش كدة , والله انتِ محملة الموضوع اكبر مما يحتمل , ربنا يهديها ويصلح حالها اللهم آمين , عايزاكِ تعرفي انه حراااااااااااام لما نقول مدد يا حسين مدد يارسول الله , احنا مش بنطلب المدد والعون غير من ربنا سبحانه وتعالى يا هدى

ونعم بالله يا امينة , يارب يااااااااااااااااااارب يارب

—————————————————–

ونكمل في الحلقة الخامسة والعشرون  .. إلى اللقاء في الحلقة الخامسة والعشرون

بقلم الكاتبة: هبة نور

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى