ترفيهمسلسل الحب فى زمن الـــ لا حب

مسلسل “الحب فى زمن الـــ لا حب” الحلقة الثانية

الحلقة الثانية

  

بعد اسبوعين

 

ساره ومريم ونور كانو فالكافتريا وعمالين يتكلمو ويهزرو وشويه وجه عليهم على ومعاه بنت

على : ازيكو يا بنات اخباركو ايه

ساره : الحمد لله تمام انت يابنى بتجى هنا اكتر مبتروح كليتك

على : ههههههههه وانتى مالك ….اعرفكو نورهان معاكو فنفس الدفعه

ساره : اها انا شوفتك قبل كده

نور:اهلا يا نورهان انا نور ودى مريم

على :والغلسه دى تبقى ساره بنت خالتى

style="color: #0000ff;">نورهان وبكل رقه : اهلا بيكو انا مبسوطه انى اتعرفت عليكم ……مش عارفه اصاحب اى حد فالدفعه خالص

مريم : ولا يهمك ياقمر احنا موجودين اهوه

نور : واحنا كمان مبسوطين اننا اتعرفنا عليكى

وشويه وسمعو صوت حد تانى جى عليهم

كريم : على ……

على بص وراه : كريم ……اخبارك ايه يا معلم

كريم بص على البنات ووشوش على

كريم : ايه يا شهريار كده من غيرى

على : اسكت وانا هعرفك

على : دى ساره بنت خالتى ودول نور ومريم اصحابها ودى بقى نورهان كلهم لسه اولى تجاره

كريم وهو عينه على ساره : اهلا وانا اقول الكليه نورت كده ليه

على : اقدملك كريم فى سنه ثالثه تجاره بس هو ما شاء الله عليه المفروض كان متخرج من سنتين

كريم : ايه ياعم التستيح ده ……

على : مش بقولهم الحقيقه عشان مينخدعوش فيك …..واه كمان بتاع بنات يعنى خلو بالك عشان ميضحكشى عليكو انا فهمتكو اهوه

كريم:   هو بيهزر طبعا محدش يصدق

على : لا مبهزرشى واعمل حسابك البنات دول اخواتى يعنى فحمايتى

ساره : هههههه شكلكو كده اصحاب اوى

كريم : بعد التسيح ده ولا اعرفه

وقعدو يتكلمو ويهزرو مع بعض

 

…………………………………………………………………………

 

وفاتت ايام كتيروالبنات اخدو على جو الجامعه وكونو شله كبيره كانو هم الثلاثه ونورهان وبنت كمان اسمها هاله وولدين احمد وابراهيم كلهم من نفس الدافعه وعلى وكريم كانو بيقعدو معاهم

 

وفى يوم فالنادى كانو الثلاثه قاعدين يتكلمو

نور: الله مش اللى جين علينا دول نورهان وعلى

مريم : اه ……انا حاسه انهم متصاحبين

نور وهى بتبص على ساره : بجد …..انتى متعرفيش يا ساره ؟؟؟

ساره : هعرف منين …….وانا مالى

مريم : مش ابن خالتك

ساره : اه بس معرفشى وبعدين انا اصلا مبشفهوش غير فالجامعه

نور: طيب اسكتو بقى عشان قربو

على : السلام عليكم ……….ازيكو يا بنات

مريم : الحمد لله تمام………..ازيك يانورهان

نورهان : الحمد لله

ساره : مقولتيش ليه انك جايه كنتى جيتى معانا

نورهان بارتباك : مكنتش اعرف انكم هتيجو

مريم : شكلك اتفاجئتى بينا

على حاول يغير الموضوع

على : احنا هنقعد معاكو بقى وهكلم كريم يجى هو هنا بس مع اصحابه ……….بس انتم بقالكو فتره مبتجوش ليه

ساره وهى بتغمزله : خلاص بعد كده هنيجى وهنقعد على قلبك

وشويه وكريم جه وبص لساره : وانا اقول النادى منور ليه

ساره حولت تعمل نفسها مش واخده بالها وقعدت تتكلم مع مريم

وشويه رن تليفون كريم

كريم : الو ..ايوه يا حبيبتى …..بس انا لسه قاعد مع اصحابى ………..طيب خلاص هاجى اهوه ………مع السلامه

ساره اول ما سمعت كلمة حبيبتى وشها جاب كل الوان وكانت مضايقه اوى

كريم : معلشى بقى يا جماعه انا ماشى

على : ليه الموزه عوزاك

كريم : متحترم نفسك يابنى دى امى

على : لا والنبى بتقول لامك يا حبيبتى

كريم: اه احنا عيله بنحب بعض عندك مانع ………….مع السلامه

وقام مشى وشويه

نورهان: وانا كمان هقوم بقى عشان اتاخرت

على : ليه لسه بدرى

نورهان : عشان ميزعقوش فالبيت

على : طيب استنى اوصلك …………مع السلامه يا بنات انتو مش هتروحو

مريم : شويه كده وهنروح

على :طيب تمام بس متتاخروش مع السلامه

كلهم مشو ومفضلشى غير مريم ونور وساره

مريم : بس واضح ان على بيحب نورهان بجد

نور : ليه بقى يا فيلسوفه

مريم : شوفى خايف عليها ازاى …..بس شكلها اضايق لما شافتنا

نور : اه انا حسيت كده برده

مريم : بس كريم ده مشكله

نور : انا مش برتاح لكريم ده

مريم : ليه ده دمه خفيف حتى

نور : مش عارفه حساسه بتاع بنات ……….مش بستريحله بجد

مريم : حقا يا ساره

مريم بصت على ساره لقتها سرحانه وشكلها مضايق

مريم : ساره ………..ايه يابنتى فى ايه

ساره : ايه فى ايه

مريم: انتى مش معانا خالص ………..مالك

ساره : ولا حاجه كنتو بتقولو ايه؟؟؟

نور : انا مش بحب كريم ده ولا بستريحله

ساره : بقولكو ايه بلاش كلام فاضى وياله نروح عشان انا صدعت

نور : ماشى ياله عشان كمان منتاخرشى

وقامو مشو بس حسو ان ساره مش طبيعيه بس هى اتحججت بالصداع

 

…………………………………………………………………

 

فاتت فتره وجات امتحانات الترم وكل واحد حاول يركز فمذاكرته

وفى اخر يوم امتحانات ساره خلصت بدرى وطلعت تستناهم فالكافتريا

وهى قاعده لقت كريم جى عليها وهو مبتسم ابتسامه غريبه

كريم : اخيرا لقيتك لوحدك

ساره : نعم ؟؟


———–———-———————-————

ونكمل في الحلقة الثالثة .. الى اللقاء في الحلقة الثالثة

بقلم الكاتبة :ريم أحمد

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى