مسلسل “الحب فى زمن الـــ لا حب” الحلقة التاسعة

 

الحلقة التاسعة

على : ساره تعالى عاوزك فموضوع

ساره ارتبكت وقامت من مكانها ومشت بعيد عنهم مع على وكريم كان بيبص عليهم من بعيد وهو قلقان

 

ساره : خير يا على فى ايه

على : انتى فى حاجه بينك وبين كريم

ساره برتباك: حاجه ازاى يعنى

على : يعنى فى علاقة حب و ارتباط ……..انتى اكيد فهمانى

ساره : لا طبعا ………انت ليه بتقول كده

على : طيب انتى كلمتيه ليه وجبتى رقمه منين اصلا

ساره بارتباك : انا اصل …….اصل احنا كنا قلقنين وانت تليفونك مقفول ….وووو هاله كان معاها رقم تليفونه فكلمته وبس …..مش جريمه يعنى ………..وبعدين المفروض ان احنا اصحاب وانا مش بعمل حاجه غلط

على : ماشى يا ساره هصدقك

ساره بضيق: يعنى ايه هتصدقنى وليه اصلا التحقيق ده كله

على : ساره انتى لسه صغيره وانا عارف كريم كويس وانتى زى اختى وانا بخاف عليكى

ساره: بس انا مشوفتش منه حاجه وحشه وبيعاملنى بكل احترام

على :صدقينى ياساره كريم مش كويس………….وهو واخد الطريقه المحترمه دى عشان يشد البنات ليه

ساره : ازاى بتقول كده على صاحبك ومتنساش انك صاحبه ولوهو وحش يبقى انت كمان وحش

على : لا كريم كصاحب جدع وانا بحترمه ومشوفتش منه حاجه وحشه بس فموضوع البنات ده انا بختلف معاه كتير هو فاهم الحب لعبه وبيحب نفسه لما بيعمل كده كريم مبيحبش حد غير نفسه وبس

ساره بضيق: وانت بتقولى كل الكلام ده ليه وانا مالى صاحبك وانتم حرين مع بعض

على : انا بقولك كده عشان خايف عليكى…………….وخايف تنخدعى فيه زى غيرك وفالاخر زهق منهم ورماهم زى اللعبه

ساره بضيق: ماشى ماشى …………..متخافشى عليا

ورجعت ساره وعلى تانى للتربيزه وقعدو معاهم بس هى كانت مضايقه اوى من كلام على على كريم وكانت خايفه يكون كلامه صح بس حبها ليه خلها تضايق من على وانه بيظلم كريم وبيقول عليه كلام مش صح حاولت تقنع نفسها بكده وتبعد اى فكره تبعدها عن كريم

وبعد مرجعت بليل كلمها كريم زى العاده

كريم : ازيك ياحبيبتى

ساره : الحمد لله تمام

كريم : مالك ياساره صوتك مش عاجبنى

ساره : مفيش حاجه

كريم : هو على ضايقك انهارده او قلك حاجه عنى

ساره : لا ابدا هو بس كان بيقولى كلمتك ليه وجبت تليفونك منين

كريم : بس كده ولا قالك حاجه تانيه

ساره : لا ابدا مقالشى حاجه

وبعدين سكتت شويه

ساره: كريم هو انا هفضل لحد امتى اكدب كده وابقى مخضوضه او خايفه من اى حد يجيب سرتك

كريم : استنى شويه لحد ماخلص السنه دى واجى اتقدملك ان شاء الله

ساره: بس انا زهقت من الكدب والتمثيل ده

وبعدين سكتت شويه وافتكرت كلام على

ساره : ولا انت بتلعب بيه عشان كده خايف حد يعرف ويحذرنى منك

كريم : ايه الهبل ده لا طبعا …………..انا بعمل كده عشان بحبك وخايف عليكى وخايف اى حد يضايقك باى كلمه……….ساره انا بحبك بجد

وكالعاده ضحك عليه تانى بكام كلمه ونساها اى كلام حد يقوله الا كلامه هو

————————————————————————–

وعدت شهور تانيه والاجازه خلصت والدراسه بداءت وكلهم بقو فى سنه تانيه وكريم بقى فى سنه رابعه وعلى اتخرج وبيخلص ورق الجيش بتاعه

وفى يوم كانت ساره ونور ومريم وهاله وابراهيم وواحد كمان زميلهم قاعدين بعد المحاضرات فى الكافتريا

ساره : هى نورهان بقالها كام يوم مش بتيجى ليه

نور: مش عارفه

ساره : غريبه يعنى دى عمرها ماغابت ولا فوتت محاضره

مريم : طيب محد يرن عليها كده يابنات

وفعلا لسه نور هتطلع موبايلها لقت على جى من بعيد

نورباستغراب : على اهوه ………….ايه اللى جابه

كلهم بصو نحيته باستغراب لحد موصل عنهم

على بخنقه : ازيكم ياجماعه

ساره : الحمد لله ……………مالك شكلك مش طبيعى

على : مفيش …………هى نورهان مجاتشى انهارده

مريم : لا بقالها كام يوم مش بتيجى

نور : انا لسه كنت هرن عليها

على بزعل : متتعبيش نفسك تليفونها مقفول

ساره بقلق : فى ايه ياعلى انتم متخانقين

على : لاء …….بس من كام يوم جات وقالتلى ان جايلها عريس واهلها مصممين انها تقابله

ساره : ايه ………..عريس ……..وهتعمل ايه ………وانت

على : مش عارف هى قالتلى هتقابله بس هترفض بعد كده …….انا قلقان لحسن يكون غصبو عليها ……….انا حاسس انى هتجنن ومش عارف اوصلها

نور: طيب وبعدين هنعمل ايه لحسن يكونو عملو فيها حاجه او منعوها من الدراسه

على : نور متقلقنيش اكتر انا فيا اللى مكفينى

نور: طيب انا عندى فكره

على بلهفه : ايـــــــــــــــــه؟

نور : الاول انت تعرف عنوانها

على : اه ……….بس متقوليش انى اروحلها مش طلبه جنان

نور : ياسيدى مش انت ….انا ومريم وساره هنروح بحجه اننا نطمن عليها عشان مبتجيش الجامعه ونشوف ايه اللى حصل

على بفرحه : بجد يا نور ربنا يخليكى يارب………….انا مش عارف اقولك ايه

نور : متقولشى حاجه احنا اخوات وبعدين احنا كمان قلقانين عليها وعاوزين نطمن

على : طيب ياله بقى روحو وطمنونى بسرعه

 

وفعلا على وصفلهم العنوان وبعد حوالى ساعه كانو هم الثلاثه قدم بيت نورهان والبيت كان فى منطقه شعبيه متوسط الحال طلعو ورنو الجرس وفتحتلهم مامتها

نو ر: السلام عليكم ياطنط

الام : وعليكم السلام…………انتم عاوزين مين يا بنات

نور: نورهان موجوده ياطنط

ام باستغراب: اه موجوده بس انتم مين

———–———-———————-————