مسلسل “الحب فى زمن الـــ لا حب” الحلقة الثالثة عشر

الحلقة الثالثة عشر

 

نور ومريم قاعدين فالنادى ومستنين ساره

 

نور : وبعدين يا مريوم هنفضل ساكتين وقاعدين نتفرج كده على ساره

 

مريم : وهنعملها ايه احنا اتكلمنا معاها كتير بس اللى اسمه كريم ده عملها غسيل مخ

 

نور : بس برده مش هينفع نفضل ساكتين وهو بيلعب بيها كده لازم نعمل حاجه

 

مريم : هنعمل ايه يافالحه

 

نور وهى بتفكر : مش عارفه لسه بس لازم نعمل حاجه تظهره على حقيقته

 

ولسه نور بتفكر لقت مريم بتخبطها فايدها بتشورها على حته تبص فيها

 

نور باستغراب : مش ده كريم ……….ومين البنت اللى معاه دى

 

مريم : مش عارفـــــ …….

 

نور : دى هاله ………..الواطى زهق من ساره وبيلعب على هاله دلوقتى

 

مريم : وبعدين يانور هنعمل ايه هنقول لساره

 

نور : لاء طبعا متقوليش حاجه

 

مريم : ليه هنسبها كده

 

نور : لا طبعا بس لو قولنالها مش هتصدقنا او هتروح تقوله وهيضحك عليها زى العاده ………….اصبرى شويه

 

مريم باستغراب : هتعملى ايه يعنى

 

نور : هوقعه فى شر اعماله ان شاء الله

 

مريم : طيب اسكتى بقى ساره وصلت

 

نور : بصى ولا كان حاجه حصلت وهو شافنا واكيد هيبعد ……….واحنا هنعمل عبط دلوقتى

 

وجات ساره وقاعدت مع البنات وقاعدو يتكلمو ويهزرو وفالاخر كل وحده روحت على بيتها

 

……………………………………………………………………………

 

 

فى يوم

 

كانو كل البنات وهاله وابراهيم وواتنين كمان من زمايلهم قاعدين فالكافتريا

 

نور : هاله ……….كنت عاوزاكى فى موضوع

 

هاله : خير

 

نور : تعالى نتمشى نجيب حاجه من الكافتريا

 

هاله : اوك مفيش مشكله

 

وقامت نور مع هاله وهم ماشين

 

هاله : خير يا نور فى ايه

 

نور : انتى عارفه كريم مش كده

 

هاله بارتباك : اه بتسالى ليه

 

نور : انا شوفتكم فالنادى مع بعض

 

هاله باستغراب : وايه المشكله وايه يضايقك فى حاجه زى دى

 

نور : بصى يا هاله انا هتكلم معاكى بصرحه عشان انا خايفه عليكى وعشان كمان ساره

 

هاله باستغراب : ساره وايه دخلها فى الموضوع

 

نور حكت كل حاجه لهاله وكريم وكلام على عنه واللى بيعمله دلوقتى مع ساره عشان زهق منها

 

هاله فضلة ساكته شويه

 

هاله بدموع : الواطى ……… ده بقالو شهرين بيجرى ورايا ومفهمنى انه ملاك وعمره مكلم بنت قبل كده

 

نور : انا مش عاوزه ازعلك بس صدقينى ياهاله انا مش بكدب عليكى

 

هاله : طيب وهعمل ايه دلوقتى …………..انا هروح اهزقه ومش هكلمه تانى

 

نور بلهفه : لاء اوعى تعملى كده

 

هاله : امال …………. انا مش عاوزه اشوف وشه تانى

 

نور : لا ياهاله احنا لازم نعرف ساره كريم على حقيقته ولازم تساعدينى

 

هاله : مش فاهمه يعنى عاوزانى اعمل ايه

 

نور: هقولك تعملى ايه ……………بس مش دلوقتى عشان الامتحانات ع الابواب وساره تعرف تركز فيها وانتى سيريه شويه معلشى حد مقولك

تعملى ايه

 

هاله : ماشى يا نور

 

……………………………………………………………………………….

 

فات حوالى شهر ونص والبنات خلصو امتحانات وكانو متجمعين كلهم فى النادى

 

وهاله كانت مع كريم

 

كريم : مش فاهم ليه مصممه نيجى النادى انهارده

 

هاله : ايه يا كريم بقولك مخنوقه وعاوزه اخروج

 

كريم : كنا روحنا اى مكان تانى غير هنا

 

هاله باستعباط : ايه ده مش دول نور ومريم تعالى نسلم عليهم

 

كريم : نسلم ايه انتى هبله عشان كده مكنتش عاوز اجى النادى

 

هاله : ايه بس يا حبيبى ………….ايه المشكله يعنى

 

ومشت هاله نحيتهم قبل ما يتكلم

 

هاله وهى بتغمز لنور : ازيكو يا بنات

 

نور : ازيك يا هاله اخبارك ايه

 

وبصت على كريم اللى كان واقف على اخروه وقلقان

 

نور : مالك يا كريم واقف بعيد ليه تعالو اقعدو معانا

 

كريم بتوتر : امال ساره فين ليه مش معاكو

 

نور بابتسامه : يريتك جبت سيرة ربع جنيه اهى جات اهيه

 

وشورت نور على باب النادى

 

ساره كنت جايه من بعيد وهى مستغربه ان كريم قاعد معاهم

 

قام كريم وقرب على ساره

 

كريم بنرفزه : انتى ليه مقولتليش انك جايه النادى

 

ساره بخانقه : ده على اساس انك بتعبرنى …….. انت بقالك 3 ايام مش بترد عليه

 

كريم : كنتى حتى تبعتيلى مسدج انك نزله

 

ساره بضيق : وسع ياكريم من وشى

 

مشت ساره نحيت البنات وقاعدت وكريم عشان ميزودشى المشكله راح قعد معاهم

 

هاله : ايه العكننه اللى انتم فيها دى ………….انا هسمعكم حاجه تفرفشكم شويه

 

نور : ياريت ياهاله

 

هاله طلعت الموبيل بتاعها وشغلت حاجه وعلت الصوت وحاطتها فى وسط التربيزه

 

وبداءو يسمعو

 

………: كريم انت بتحبنى

 

كريم : طبعا يا هاله انا محبتشى حد غيرك 

———–———-———————-————