ترفيهمسلسل الحب فى زمن الـــ لا حب

مسلسل خلف هذه الجدران الحلقة الخامسة (الجزء الثاني)

” الحلقــــ (5) ــــة ” من مسلسل “خلف هذه الجدران ” (الجزء الثاني )

**********
**********
خالد فين يا هيام ؟ هو لسة ما طلعش من تحت ؟؟؟؟؟؟؟؟؟؟؟

لا يا ماما طَلَع , بس دخل اوضته وكان شكله متضايق اوي

متضايق !!!!!!!! طب اني هنروحوا نشوفوه يا هيام , خلصي غسيل الاطباق وحطيهم في الرشّاقة

حاضر يا ماما

******************************************

تن تن تن

مين

اني امك يا خالد

ادخلي يا امي

ايه يا حبيبي , مالك

ولا حاجة , مافيش حاجة يا امي

انت زعلان عشان ضحى ماجاتش مش كدة ؟

ضححححححححححححححى !!!!!!!!!!!! أأأأأ انتِ بتقولي ايه يا امي ؟

بنقولوا اللي سَمَعته يا خالد , انت زعلان من ساعة ما الجماعة دخلوا من غير ضحى , اني لاحظت وشك اتقلب مرة واحدة وانت داخل تقولي الجماعة وصلوا , صحيح اللي اني بنقوله ولا هتكدبني ؟؟؟؟؟؟؟؟

أمي أأأأأأ اني ممممم

بص يا ابني , البت اسم الله عليها زي البدر , حلوة ومتعلمة ومن عيلة والف من يتمناها وخطّابها كتير كتير اووووووي , واللي زي الحاج حامد كل الأكابر يتمنوا يناسبوه , واحنا يا ابني ناس على قد حالنا , لا احنا من توبهم ولا هما من توبنا وعمرهم ما هيرضوا بينا

ليه كدة يا امّااااااا ليه ؟؟؟؟؟؟ ليه بتكسري مقاديفي لييييييييه !!!!!!!!! يا امّا اني هنبقى مهندس ومركزي كبير كبير اووووووووي اوي ان شاء الله وبكرة ربنا يصلح حالي ويبقى معايا فلوس اني مش هنفضلو كدة طول عمررررررررري

ههه يا ابني يا حبيبي الكلام اللي بتقوله ده لسة عليه يامَا , انتي يادوب رايح تانية هندسة ولسة قدامك سنين , وعشان يبقى في ايدك قرش زي ما بتقول لازم تشتغل كام سنة , وعمر ضحى ما هتستنى ده كله يا حبيبي , يا ابني اني مش بنكسروا مقاديفك ولا حاااااااجة , اني بنفوقوك يا خالد , شايفاك رامي نفسك في بحر موجه عالي واني نخافوا عليك يا ابني من الغرق , خليك ع البر احسن يا نن عيني , ضحى دي نجمة في السما وانت في الأرض , لا عمرك هتطولها بإديك ولا عمرها هتنزلك من السما , معلش يا حبيبي اذا كان كلامي وجعك

بس اني قصدت نوجعك عشان تفوووووق , اني كان ممكن نديك امل وتعيش عليه لكن في النهاية هتتطعن في قلبك واني ما نحبش نشوفك تتجرح وتنزف يا حبيبي وقلبي يتحسر عليك , انسى ضحى يا خالد وخليك في مستقبلك عشان خاطر امك حبيبتك اللي بتحبك

كتر خيرك يا امي

على عيني يا حبيبي اني نزعلك ونحزنك كدة , بس المثل بيقول , يا بخت من بكاني وبكى عليا ولا ضحكني وضحك الناس عليا , تصبح على خير يا خالد

وانتِ من اهله يا امي ,ااااااااااااااااااخ , اني مش هنناموا , اني هنلبسوا ونروح لاحمد بيته حاسس اني مخنوووووووووووووووووووووق

*************************************************************

تررررررررررررررررررررررررررررررررن تررررررررررررررررررررررررررررررررررررررررررررررررررررررررررررن

مييييييييين

افتح يا احمد , اني خالد

خاااااااااااااالد ههههههه اهلا يا خالد , جيت في وقتك , حماتك بتحبك لسة هتعشى اهو هههههههه ليك قسمة تشاركني

لالالا اني ماليش نفس , روح اتعشى انت , واني مستنيك في البلاكونة

وعلى ايه , اني هنجيبوا العشا ونيجي نتعشى جنبك في البلاكونة هههه

مممممممم الفراخ دي تحفففففففففة طاوعني خدلك ورك هههههههه

ههه بالهنا والشفا يا سيدي , اول مرة نعرف انك بتعرف تطبخ

هههه اطبخ ايه يا ابني !!!!!!! دا اكل جاهز , اني فاضي عشان نطبخ !!!!!!! اني باجي من المينا هلكاااااااااان بتصل اجيب الاكل دليفري

انت مش كنت بتقول والدك هيجيب حد يخدمك

لالالالالالالا اني ما رضيتش والله , اني كدة كويس , البواب بيطلع ينضف الشقة كل اسبوع وطلباتي كلها بنقضوها من برا وخلااااااااااص , انما انت مالك كدة , شكلك متضايق اوي ومش عاجبني

الموضوع اللي كلمتك فيه يا احمد

مممممم ضحى ؟

ايوة

يا ابني اني مش قولتلك شيل الموضوع من دماغك مؤقتا لحد ما تقف على رجليك

لا وانت الصادق , امي قالتلي نشيله من دماغي للأبد عشان عمر ضحى ما هتكون ليا

ماحدش دخل في علم الغيب , ليه امي تقول كدة ؟

ما انت عارف يا احمد امي بتقول كدة ليه , عشان ظروفي المتلخبطة , عشان مستوايا الاجتماعي , امي قالتلي ان ضحى نجمة في السما وعمر ايدي ما هتطولها , عندها حققققققققققق شايف النجوم اللي في السما ددددددددددي عالية عاليييييييييييية عالية اوي فعلا عمر ايدي ما هتطولها مهما عملتتتتتتتتتتتتت

اعوذ بالله , ايه النظرة التشائمية ددددددددددي !!!!!!!!! نجمة ايه وسما ايه ! دي بني ادمة زيك زيها ! انت ليه حاسس انك شوية ! يا خالد الفقر مش عييييييييييب , انت انسان كويس ومتربي كويس وناجح في دراستك

وانت شايف ان ده كفاية ؟؟؟؟؟؟؟

ايوة كفاية ان شاء الله , ما اعتقدش ان عم حامد من اللي بيوزنوا الناس بميزان الدهب , الثروة الحقيقة هي الايمان بالله وطاعته , يامَا دهب في ايدين ناس قلوبهم مظلمة وسودة وما يعرفوش ربنا , سلمها لله يا خالد

هههه تعرف ان كلامك دايما يديني امل يا احمد ؟

ههههه وهندوك فراخ كمان , تعالى كل بقى

هههههههههههه والله فتحت نفسي

ههههه طيب الحمدلله , خد دوق الفراخ دي وادعيلي ههههههه

هههه هات يا سيدي , بسم الله مممممممممممممم الله ! حلوة اوي الفراخ دي

امي عاملة ايه يا خالد ؟

كويسة الحمدلله , سألتني عليك كذا مرة وقالتلي من ساعة ما احمد عاش في شقة لوحده وهو فين وفين على ما بنشوفوه , انت بقالك تقريبا ست شهور ما جتش عندنا

غصب عني والله , الشغل في المينا واخد وقتي وايام الدراسة بتبقى اصعب لاني بنزل برضو تلات ايام المينا وتلات ايام الكلية وبنلاحق ع المذاكرة بالعافية

هي الدراسة في كلية التجارة صعبة ولا سهلة

سهلة , عادية يعني

اصل انت جبت جيد بس السنة اللي فاتت

هههههههه عشان اني مش بنذاكروا بغرض التفوق , اني بنذاكروا عشان ننجح وخلاااااااااااص , طالما هدفي وحلمي ضاعوا في الكلية اللي يامَا حَلَمت بيها يبقى مافيش حاجة فارقة يا خالد , اديني بنجح وخلاص , خلي السنين تعدي

***********************************************************************************

هههههههههههههه مبروك يا ولا يا ساااااااااااااامي , اخيرا هتتجوز يا ولااااااااااااااا

هههههههههه اللي يصبر ينول يا امّاااااااااااا , كله من جوز اختك اللي قعدني السنين دي كلهاااااااااا

اهي السنين عدت يا ولا وفرحك خلاص قرب اهو , قولي عزمت اصحاااااااااابك ؟

ههههههه عزمتهم وقالوا هيجوا يولعوا الفرح رقص للصبببببببببببح

ههههههههههه قولي يا ولا اتفقت مع اوسا على المطربين اللي هييجو الفرح ؟؟؟؟؟؟؟؟؟؟

اتفقت معاها ع المطربين والرقاصين كماااااااااااااااااااان , اخترنا شوية زي اللوزززززززززز هههههههه هيخلوا الفرح مسخررررررررررررررررررررة هههههههههههههههه

هههههههههههههههههههه واني كمان هنرقصولك للصبح يا ولا , هو اني عندي كام سااااااامي

ههههههه تعيشي يا امّااااااا , طول عمرك صاحبة واجب , حقيقي ابويا عرف ينقي هههههههههه

ههههههههههه تعيش يا حبيبي , طب داني نادرة نرقصوا يوم فرحك رقص ما رقصتهوش في حيااااااااااااااااااتي

وخالتي سعاد هترقص ؟؟؟؟؟؟؟؟؟؟؟

لا خالتك سعاد اعتزلت

ههههههههه طب ايه رأيك اني اللي هنرقصوهاااااااااااااا

ههههههه رقصها يا خويا , يعني هي هترقص لحد غريب ! دا فرح بنتها الوحيدة ولازم تجاااااااامل , اومال ايه , لازم الأم تقف جنب بنتها في يوم زي ده, ووسطها يسبق وسط بنتها

****************************************************************

تررررررررررررررررررررررررررررررررن تررررررررررررررررررررررررررررررررررررررررررررررررررررررررررن

دي لازم هيام جت من الشغل

السلام عليكم , ازيك يا ماما

وعليكم السلام يا حبيبتي , ايه يا هيام , اتأخرتي ليه يا بنتي ؟؟؟؟؟؟؟؟؟

نعملوا ايه بس يا ماما , جيت ماشية لقيت زبونة دخلت المحل عايزة جيبة وبلوزة , صاحبة المحل قالتلي ارجعي وشوفي طلبات الزبونة , بعد ما عطلتني زيادة عن ساعة الاربع تقيس وتقلع وتقلع وتقيس وفرجناها على كل الجيبات والبلوزات قالتلي لالالالالا مافيش حاجة عندكو عاجباني وسابت المحل وخرجت , استأذنت من صاحبة المحل وجيت

وصاحبة المحل كويسة ؟

كويسة والله يا ماما , بس الزباين كتير منهم مش كويسين

ليه يا حبيتي ؟ في حد ضايقك

مش اني بس يا ماما , اني وزميلاتي كل يوم نتعرض لمواقف تحرق الدممممممممم , كتير من الزباين بيدخلوا محلات الملابس وفاكرين ان البياعين خدامين عندهم , اني معايا اتنين من زميلاتي خريجين جامعة ومش لاقيين شغل واضطروا يشتغلوا بياعين في المحل , واحدة منهم يا عيني بتفرج زبونة على تايير , الزبونة قالتلها هاتيلي لون لبني , وزميلتي سمعتها من الدوشة اللي حواليها بني , راحت يا عيني جابت التايير بني قامت الزبونة رمياه في وشها وقالتلها اني قولنالك تايير لبني , انتي طرشة ولا جايبنك من انهي مصيبة ؟ راحت زميلتي صعب عليها نفسها وفَضَلت تعيط واحنا قعدنا نهديها ونقولها معلش هنعملوا ايه يعني

لا حول ولا قوة الا بالله , هما ليه ما بيحسوش بالناااااااااااس , يعني هما مش بني ادمين زيهم ! هو ايه اللي رماهم ع الشغلة دي غير قلة الحيلة , المفروض القلوب يبقى فيها رحمة مش كدة يعني مش يمكن الدنيا تيجي عليهم ويضطروا يشتغلوا الشغلانة دي ! هيبقى ايه موقفه ساعتها ؟ يحبوا حد يعاملهم بالطريقة دي ؟؟؟؟؟؟ , اوعي يكون حد زعلك انتِ كمان يا هيام

هههههه يووووووووه كتير كتير اوي يا ماما , بس هنعملوا ايه يعني غير اننا نصبروا , اقربها امبارح واحد داخل مع مراته وبيعاملني زي ما اكون الشغالة اللي جابهالها , واقفلها على باب البروفا ويقولها ها يا حبيبتي المقاس كويس ؟ تقوله لا هات اكبر , يقولي روحي اجري هاتي للمدام مقاس اكبر بسررررررررعة

واروح ونجيب الاكبر وبعدين تقول لا عايزة اصغر وبعدين بقولها ها يا روحي رأيك ايه , تقوم فاتحة الباب وهي لابسة هدومها اللي جت بيها وتحدف في وشي كل الهدوم اللي قاستها وتبصلي من فوق لتحت وتقولي خدي رجعي دول مكانهم المحل ذوقه وحشششش , يلا يا حبيبي

اخص على كدة ! ماحدش قالهم ان ديننا أمرنا بالرحمة واللين مع الناس

ههههه ناس كتير يا ماما ما بيتعاملوش بشرع ربنا , كل واحد فيهم بيتعامل بهوى نفسه , يعني اللي عنده عقدة نقص ونفسه يتكبر على خلق الله بيتكبر واللي ما عندوش دين ولا ضمير يغش ويسرق وينتهك اعراض ويخوض في اعراض وكأن ما لهومش رب هيحاسبهم , اعوذ بالله , دنيا وحشة اوي يا مامااااااا

ربنا يهدي يا بنتي , طب ادخلي غيري هدومك على ما نحضرولك لقمة تاكليها

لا يا ماما , ارتاحي انتِ يا حبيبتي , اني هنحضروا , هو خالد لسة ماجاش ؟

لا والله , زمانه جاي ان شاء الله

طيب خلاص , اني هنستنوه ونتعشى سوا

طيب يا حبيبتي

*********************************************************************************

بنقولولك ايه يا خالد

نعم يا امي

ما تكلم الحاج حامد يا ابني يشوف شغلانة غير دي لهيام , البت بتشتكي من معاملة الزباين وبتيجي على اخرها من الزهق والضيق

يا امي اني قولتلها بلاش الشغل يا هياااااااااااااام , اني مش هنكل بأكلك وشربك , هي اللي دماغها نااااااااشفة

يا ابني اختك عايزة تخف عنك الحمل , عارفة ان مصاريفك كتير , ما صدقت صاحبتها قالتها انهم عايزين بياعة في محل في شارع سعد زغلول قالت خلاص نشتغلوا ونريح اخويا من مصاريفي

يا امي والله اني ما تعبان من مصاريف هياااااااااام , هيام اختي طول عمرها مالهاش طلبات , دي فين وفين لما تقول عايزة حاجة

انت عارف هيام يا خالد , طول عمرها حساسة اوي , دايما تقول ما نتعبش اللي حواليا وما نشيلهومش همي , ربنا يرزقها بابن الحلال

اللهم آمين يا امي

طب كلم الحاج حامد يشوفلها شغلانة غير دي , ده معارفه كتير بسم الله ماشاء الله

يا امي بالله عليكِ بلاش , اني مش عايز نظهر بصورة الناس الغلابة اللي عايزين مساعدة ويبقى شكلنا وحش

يا ابني هو احنا قولناله ادينا من جيبك ؟ احنا بنقول يشوف شغلانة لاختك

معلش يا امي اعفيني , اني هقنع هيام انها تسيب الشغل

هههه تبقى بتحلم , عمرها ما هتسيبوه وهتصبر وهتتحمل وتبلع اهانتها من الناس وتسكت , اني عارفة بنتي

********************************************************************************************

ايه ده يا واد يا احمممممممممد انت سايب دقنك كدة ليه ؟ مامعاكش فلوس تحلق ؟؟؟؟؟؟؟؟؟

ههههههه لا معايا يا حاج الحمدلله , اني هنطلق لحيتي ان شاء الله

نعم يا خوياااااااااا ! انت هتتدروش ولا اييييييييه !!!!!!! امك هتفضح الدنيا لو شافتك كدددددددددددة

يا حاج من فضلك سيبني على راحتي , انا عايز اطبق سنة النبي عليه الصلاة والسلاام

يا ابني ما قولناش حااااااجة , بس اللحية مش هي الدييييييين , انت بتصلي وبتصوم وبتعرف ربنا وده كفااااااااااية

لا مش كفاية , والتشبه بالنبي عليه الصلاة والسلام فخرررررررر , فيها ايه يعني لما المظهر يتوافق مع الجوهرررررر , وبعدين مين قال ان اعمالي مقبولة عند ربنا عشان تمتدحني يا حاج ! كلنا بنحاول نوصل لرضا ربنا

طيب ياخويا , شكل الواحد مش هيعرف ياخد منك لا حق ولا بااااااااطل , اني رايح لحامد نعزموه على فرح اختك

طيب يا حاج , مع الف سلامة

************************************************************************************

اهلا اهلا اهلا يا عااااااااااادل هههههه نورت المحل

الله يخليك يا حامد هههههه اني جيت عشان نعزمك على فرح اوسا

فرح اوسا ! ماشاء الله ههههههه هي السنين جريت كدة !!!!!!!!! ربنا يتمم بخير

احنا هنعملوه في جنينة الفيلا , الجنينة كبيرة وتساع الحبايب كلهم هههه

ههههه وياترى هتعملوا الفرح ازاي

ازاي يعني ايه ! ههههههه فرح زي أي فرح

ااااه , يعني هيصة ومغنى وطبل ورقص ؟؟؟؟؟؟؟؟؟؟؟؟؟؟؟

هههههههههه طب داني متفق على تلات رقاصات وست مطربين والسهرة صبّااااااااااااااحي

اعوذ بالله !!!!!!!!! ايه ياراجل اللي بتقوله دددددددددددددده , يا اخي حرام عليييييييييييييييييك

حرام عليا نفرح ببنتي يا حاااااااامد ؟؟؟؟؟؟؟؟

يا اخي ما تفرح , بس من غير ما تعصي ربنااااااااااااااااا , يا اخي دانت حجيت بيت الله , ازاي تعصييييييييييه , يعني ربنا يوسع عليك في المال تقوم تعصيه بيه وتحاربه ؟؟؟؟؟؟؟؟؟؟؟ تجيب بالمال اللي ربنا انعم عليك بيه رقاصات ومطربين وتعمل سهرة كلها رجالة على حريم و خلاعة ومعصية لله ؟؟؟؟؟؟؟؟؟؟؟؟

يا اخي انت مكبر الموضوع اووووووووووي دا فررررررررررررح فرح يا حامد , يعني الناس تفرح وترقص وتهيص , اومال يعني عايز الناس في الفرح تعمل اييييييييييييه !!!!!!!!!!

الإسلام وضح لنا كل حااااااااااااااجة حتى الافراح علمنا نعملها ازاي بعيد عن معصية ربنااااااااااااااااااا

منك نستفيد يا سيدي , ازاي يعني

يعني يا عادل اولا مافيش اختلااااااااااط , الحريم لوحدهم والرجالة لوحدهم , ومافيش رقص للحريم على انغام الموسيقى المحرمة والخليعة دي , الفرح نستخدم فيه الدفوف مش اكتر واناشيد فيها كلام طيب ما يثيرش الشهوات

وده يبقى فرح برضو يا رااااااااااااجل !!!!!!!!! دا كانت العروسة وامها يفضحوا الدنياااااااااااااااا , دي البت اوسا مأكدة عليا في موضوع الرقاصات ده , اني اتفقت مع اشهر رقاصات وجايين مخصوص من القاهرة وكمان المطربين جايين من القاهرة وخدوا العرابين بتاعة الاتفاااااااااااااق , عايزني نقولولهم ايييييييييييه , ارجعوا القاهرة وما تجوش الفرح عشان الغنى والرقص حرااااااااااااااااااااام

لا حول ولا قوة الا بالله , اني قولت اللي عندي

يعني مش هتيجي الفرح يا حامد ؟؟؟؟؟؟؟؟؟

اجي فين يا رااااااااااااااااجل , اعوذ بالله , ربنا يكفينا شر المعاااااااااااصي

والله انت راجل معقد ومش وش افرااااااااااااااح , طبعك ولا هتشترييييييييييه , اني ماشيييييييي

مع السلامة يا سيدي , الله يهديك انت وامثالك

**************************************************************************

مورررررررررررردي

نعم يا حاج عادل

ناديلي احمد من مكتببببببببببه

حاضررررررررررررررررررر

تن تن تن استاذ احمد

اتفضل يا عم موردي

ازيك يا استاذ احمد

اهلا يا عم موردي ههه خير

الحاج عايزك

حاضر , هنرحوله , من فضلك خد كوباية الشيّ الفاضية دي يا عم موردي

حاضر يا ابني

*****************************************

تن تن تن

ادخل يا احمد

هههههههه ازيك يا حاج

اهلا يا احمد

الله ! ماااااااااااالك , شكلك متضايق ليه يا بابا

الراجل اللي اسمه حامد ابو مخ مفوت دددددددددده , روحت عشان نعزموه على فرح البت اوسا , نكد عليا الله ينكد عليه

ههههه ليه بس كدة ! دا عم حامد بيحبك

واني بنحبه كماااااااااااااان عشان كدة صعب عليا منه يا احمد

هو ايه اللي حصل

مش عايزني نجيب رقاصات ومطربين في الفرح وعايز يقعد الحريم لوحدهم والرجالة لوحدهم , بيعلمنا الأدب بسلامته

ما هو عنده حق , هو حضرتك هتجيب رقاصات ومطربين في فرح اوساااااااااااا

اومال يعني هنجيب فقي من الأرااااااااااااااااااااافة !!!!!!!!!!!!! انت هتعملي زي حامد ولا ايييييييييييييييه !!!!!!!!!!

يا بابا من فضلك لازم تعرف ان كلام عم حامد صححححححححححح , الاختلاط والطبل والرقص ده حرااااااام , اني اتفاجئت انك هتعمل كدة يا بابا , انت ما قولتليش

هو اني بنتلم عليك عشان نقولولك على حاااااااااااااااجة انت يا دوب بتخلص شغلك تجري ع البيت

يا بابا من فضلك بلاش المعاصي دي , خلي اوسا تبدأ حياتها هي وجوزها من غير معصية لله عشان ربنا يكرمهم

طب روح انت قولها الكلام ددددددددددده , شوف هتعمل فيك ايييييييييييييييه

هتعمل ايه يعني ؟؟؟؟؟؟؟؟

بنقولولك ايه يا احمد , اني مش ناقص وجع دماااااااااااغ , اهي ليلة وتعدددددددددددي , خليها تعدي على خير

خير !!!!!!!!!!!! خير ايه اللي هيجي من ورا معصية ربنا يا بابا

جرا ايه يا احممممممممممممممممد ! انت مش ناوي تيجي الفرح انت كمان وتقصر رقبتنا قدام الناس ولا ايييييييييه

هنيجي , هنيجي نبارك ونمشي على طول وقبل الفرح ما يبدأ كمااااااااااااااان

يا سلااااااااااااااااااام ! والناس تقول ايييييييييييييييه

اني ماليش دعوة الناس هتقول ايه , اني اهم حاجة عندي ما اعصيش ربي , الناس مش هتنفعني ويوم القيامة كل واحد هيتحاسب لوحده والناس اللي خايف من زعلهم مش هيلاقيهم جنبه في اليوم ده لان كل واحد هيكون مشغول بحسابه , عن اذنك يا بابا اكمل الشغل اللي ورايا

اعوذ بالله منك ولا , ليها حق امك تتخنق من عمايلك اوووووووووووووووف

***********************************************************************************

بت يارحممممممممممممممممممة تعالي يا بت ابوكي ججججججججججججه هههههههه حمدالله ع السلامة يا عاااااااااااادل

الله يسلمك يا حبيبتي هههههه بت يا رحمممممممممممممممة , هي البت دي فييييييييييين

نايمة والله يا عادل مش عايزة تصحى

اني هندخلوا نصحوهاااااااااااااااا

امووووووووووه رحمة رحوووووووووومة اموووووووووووه حبيبتي

ايه ده !!!!! باباااااااااا هههههه انت جيت ؟

ايوة يا حبيبتي وحشتييييييييييييييني اموووووووووووووه

ههههه وانت يا بابا

طب يلا قومي عشان نفطروا سواااااااااا

حاضر

ههههههه بت يا رحمة وحشتيني يا بتتتتتتتتتت تعالي اقعدي على حجري

ههههههههه انت حلو يا بابا

هههههههه وانتي احلى

ايه ده يا بابا , انت ليه عندك شعرات ابيضة ؟ ماما مش عندها

هههه معلش حقك عليا اصل اني جبتك على كبر

جبتني منين ؟؟؟؟؟؟؟؟؟؟

جبتك منييييييين ؟؟؟؟؟؟؟ لا انزلي روحي عند امك احسن خدي البسكوت والشيكولاتة اللي انتي عايزاها

ههههه شكرا يا بابا , انا هاخد شيكولاتة وبسكوت واروح ادي لياسررررررررررررررر

جهزي نفسك يا اشجان عشان هنسافر اسكندرية سوا , فرح البت اوسا الاسبوع الجاي

طب واني مالي ومال فرح اوسا يا عااااااادل ! اني مش هنحضروا

ههههه لكن رحمة هتحضر فرح اختها

لالالالالالالا رحمة لالالالا خلينا بعيد احسن الله يخليك

بعيد عن اييييييييييييييه ؟؟؟؟؟؟؟؟؟ البت لازم تقرب من اخواتهاااااااااااااااا

اللي تشوفه يا عادل

**********************************************************************************

دددددددددددب دبببببببببببببببببب دببببببببببببببببببببببببببببببببببببببببب يا يا سيييييييييرررررررررر يا ياسييييييييييررررررررررررررررررررررررررر ياسييييييييييييييييييييييييييييييييييييييييررررررررررررررررررر ددددددددددددددددددددب دددددددددددددددددددددددددددددب

ايييييييييييييييييييييييه ميييييييييييييييييييين شوفي مين يا ياسمييييييييييييييين

اكيد رحمة يا ماماااااااااااا

طب استني بقى انا اللي هروح افتحلهاااااااااااااااااا

اهلا يا ست رحمممممممممممممممممممممة

ازيك يا طنط بهيرة , صباح الخير

صباح النور يا حبيبتي مش قولتلك الف مرة بلاش خبطة المخبرين ددددددددددي , اخنقك يعني ! اخنقققققك امووووووووووه هههه

ما هو انا مش بطول الجرس , اعمل ايه يعني !!!!!!!!!!

يعني عشان مش طايلة الجرس تهدي علينا باب الشقة يا بنت اشجااااااااااااااان خير ان شاء الله , ايه اسباب الزيارة السعييييييييييييدة جايالي لييييييييييه

لا انا مش جاياااااالك انا جاية لياسر عشان اديه شكولاتة وبسكوت من اللي بابا جابهوملي

ههههههه كريمة زي ماما يا عسل , بس ياسر نايم

طيب صحيه , انا قاعدة في الصالووووووون

يا حلاااااااااااااااااااوة !!!!!!!!!!!! البت دخلت الصالون وحطت رجل على رجل كمااااااااان , بنات اخر زممممممممن

ياااااااااااسر , واد يا ياسرررررررررررررررررر

نعم يا مامااااااااااا بتصحيني ليييييييييه

قوم يا خويا شوف مين عايزك

قوليلهم ناااااااايم

يا سلام , عاملي فيها شخصية يعنييييييييييييي قوم كلم البت رحمة مستنياك في الصالوووووووووووون

رحمممممممممممممممممممممة انا قاااااااااااااااااايم

شوف الولدددددددددد نط من ع السرير وطااااااااااااااااااار

ازيك يارحمة

ازيك يا ياسر , انا جبتلك شكولاتة وبسكوت من اللي بابا جابهوملي , خد اهوم

شكرا يا رحمة , لحظة واحدة انادي على ماما , يا مامااااااااااااااااااااااااااااا

عايز ايييييييييييييييييييه , جاية اهوووووووووووو

افندمممممممممممممممممممممم

تعالي شوفي رحمة تشرب ايه , تشربي ايه يا رحمة

عايزة شاي بلبن

ماشي , اعمليلنا اتنين شاي بلبن يا ماما لو سمحتي

بس بسرعة يا طنط بهيرة عشان مش ينفع اتأخررررررررر

يا سلااااااااااااااااام , ايه العيال دددددددددددي !!!!!!!!!!!!!! يلا يا بت روحي عند امككككككككككك وانت اتدخل كمل نووووووووووووووووووووووم

طب والشاي بلبن يا طنط ؟؟؟؟؟؟؟؟؟؟؟؟؟؟؟

روحي يا حبيبتي خلي ماما تعملك , انا مش فاضيييييييييييييييية

طب تعالى معايا يا ياسر اخلي ماما تعملنا شاي بلبن

ماشي يا رحمة , انا رايح عند طنط اشجان يا ماما

روح يا خويا , ان شاء الله هيطردووووووووووك

يا مامااااااااااا ياسين بيعييييييييييط

يوووووووووووووو حطيلي السكاتة في بقه يا ياسميييييييييين , انا مش فاضية يا حبيبتي ورايا طبيييييييييييخ

*****************************************************************

دببببببببببببببب دببببببببببببببببببببببببب دببببببببببببببببببببببببببببببببببببببببببببببببببببببببب افتحي يا مامتيييييييييي

اخبط الباب برجلك يا ياسررررررررررررر

ماشييييييييييييييي دبببببببببببببببببببببببب دبببببببببببببببببببببببببببببببببببببببب دبببببببببببببببببببببببببببب افتحي يا طنط اشجااااااااااااااااااااااان

ايه دددددددددددده , مين بيخبط بالشكل ده يا اشجان

هههههه رحمة وياسر , روح افتحلهم

ازيك يا عموووووووو

ههه اهلا وسهلا يا استاذ ياسر , ازي بابا يا ياسر

بابا حلو

تعالى نلعب في اوضتي يا ياسر , خلي ماما تعملنا شاي بلبن انا وياسر يا باباااااااااااا

حاضررررررر , اشجااااااااااااااااان اعملي اتنين شيّ بلبن لرحمة وياسرررررررررررر

هههههه حاضر من عنيا , ازيك يا ياسر وازي مامااااااااا

ماما زعقتلنا وطردتنا

ايوة يا ماما , خاصمي طنط بهيرة عشان مش رضيت تعملنا شاي بلبن

هههههههههه معلش , الله يكون في عونهاااااااااا , تلات عيال وزن وخبط ورزع وطلبات ما بتخلصش طول النهااااااااااار , اني هنعملكو ولا تزعلوا

هو ده باباكِ يا رحمة

ايوة , ده بابا من زمان

طب هو ليه مش بيجي عندكو كل يوم ؟

مش عارفة , اصل هو مش ساكن هنا

اومال ساكن فين

ساكن في البحر عند اسّنجرية

هو فين البحر ده

عند بابا , انا هروح اشوفه واعوم فيه , وهجيب فستان عشان الفرح

فرح مين

فرح اختي اللي في البحر , تعالى معانا

لأ , ماما مش هترضى , انا هستناكي هنا , مش تتأخري يا رحمة

حاضر يا ياسر

****************************************************

لبستي يا اشجان انتي ورحممممممممممممممة ؟؟؟؟؟؟؟؟؟؟؟؟؟ جهزتوا الشنطططططططططططططططط ؟

ايوة ايوة يا عادل , كله تمااااااااام , اني هنروح نسلمو على بهيرة قبل ما نسافروا

طيب , بس بسرعة الله يخليكِ , اني هناخدوا الشنط ونستناكي انتي ورحمة في العربية

ماشي يا عادل , يلا يا رحمة

يلا يا مامتي

**********
**********

يا مامااااااااااااااااا الحقني يا سونسوووووووووووووووووون اهئ اهئئئئئئئئئ لالالالالالالالالالالالالالالا انا ما عملتش حاااااااااااااااااااااااااااااجة اهئ اهئ يا ماماااااااااااااااااااااااا

ايه دددددددددددددددده في اييييييييييييه , بهيررررررررة , انتِ بتحلمي !!!!!!!!! تووووووووووووووء يا شيخة الواحد كل يوم يصحى مفزوع كدددددددددددددددة ؟ اوووووووووووووووووف , قومي يا بهيرة اشربي مية

اهئ اهئئئئئئئئئئئئئئئئئئئ , حوشها عني يا سونسوووووووووووووون

احوش مين يا ستي !!!!!!!!!! انتِ كنتي بتحلمي بمين ؟؟؟؟؟؟؟؟؟؟؟

اهئ اهئئئئئئئئئ حلمت ان امك ماسكة عصايا وبتجري ورايا اهئ اهئئئئئئئئئئئئئئئئ

ليه ؟ هو انتِ عملتيلها ايه في الحلم عشان تجري وراكِ بالعصايا ؟؟؟؟؟؟؟؟؟

اهئ اهئئئئئئئئ هو انا بعملها حاجة في الحقيقة عشان اعملها في الحلم يا سونسون !!!!!!!!!! اهئ اهئ اه ياني يا مامااااااااااا اهئ اهئئئئئئئئئئئئئ كانت بتجري ورايا بالعصايا وبتطلع نار من عنيها اهئ اهئئئئئئئئئ

لالالالا انتي كدة ما كونتيش بتحلمي بأمي بقى , ده اكيد كان فيلم كرتون وعقلك الباطل خزنه

فيلم كرتون ؟؟؟؟؟؟؟؟؟؟؟ هو انا عيلة عشان احلم بكرتون يا سونسوووووووووون ؟؟؟؟؟؟؟؟؟ وبعدين هحلم بكرتون ازاي واحنا ما عندناش تليفزيوووووووووووووون

مش كان عندكو يختي في بيت ابوووووووووووكي

ايوة يا حبيبي , كان ابويا جايبه عشان يتابع نشرة اخبار التاسعة مساءا وامي كانت بتتفرج ع المسلسلات وبعدين تعمل اجتماع مغلق مع الجيران عشان يتناقشوا في احداث المسلسل ويحللوا الاسباب المنطقية اللي خلت البطل يتجوز ع البطلة ويرجعها لامها

********************************
************************************************
ترررررررررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررررررررررررررررررررررررررررررررررن

طيب يختي , هروح اشوف مين اللي بيخبط علينا من الصبح كدة

طب استنى لتكون اشجان , ماحدش بيخبط في الاوقات الغريبة دي غيرها

ميييييييييين

افتحي يا بهيرة اني اشجان يا اختي

ادخل انت جوا يا سونسووووووووون

طيب يا ستي , اعوذ بالله , ست قلق هي وجيرانهااااااااااااااا

ايه ده !!!!!!!! ايه يا اشجان , لابسة ورايحة على فين كدة ؟؟؟؟؟؟؟؟؟

هههه مسافرة اسكندرية

اييييييييييييييييييه !!!!!!!!!!! اهئ اهئئئئئئئئئئئئئئئ اخص عليكي يا اشجااااااااااااااان اهئ اهئئئئئئئئئئ هانت عليكِ العشرة يا وحشة اهئ اهئئئئئئئئئئئئئ هان عليكِ محشي الكرنب اللي بعتهولك اول امبااااااااارح ؟ كمان هتسافري من غير ما ترجعيلي الطبق يا نصابة ؟؟؟؟؟؟؟؟؟ خلاص هترجعي اسكندرية وتسبيني ؟ اهئ هئئئئئئئئئئئئئئئئئئئئ العمارة من غيرك هتبقى وحشة اوي اهئ اهئئئئئئئئئئئئئئئئئئئئئ لالالالالا هروح فين لما ازهق من العيااااااااااال اهئ اهئئئئئئئئئئئئ دانا كنت ناوية اخدك ونروح جنينة الحيوانات نتفسح احنا والعيال ونشوف سيد قشطة اخص عليكِ اهئ اهئئئئئئئئئئئئئ ما تسافريش عشان خاطري اهئ اهئئئئئئئئئئ

هههههه يا حبيبتي هما اسبوعين ورجعالك ان شاء الله , هنسافروا عشان فرح بنت عادل , عادل مصمم ان رحمة تحضر فرح اختها , واني قولت بالمرة نروحوا نشوفوا اختي ثريا ونطمنوا عليها

صحيح !!!!!!! يعني هما اسبوعين بسسسسس ؟؟؟؟؟؟؟؟؟

ان شاء الله والله , اني ما نقدروش نستغنوا عنك يا بهيرة هههههههههه

هههههه تسلميلي يا اختي , تروحوا وتيجوا بالسلامة يا اشجاااااان , اوعي تغيبي عشان نروح جنينة الحيواناااااااااااات

ههههه ان شاء الله , نجيبولك معانا ايه من اسكندرية يا حبيبتي ؟؟؟؟؟؟؟؟

عايزة سلامتك بس يا اختي والله

ههههه طيب اني هنجيبولك هدية على ذوقي

ههه طول عمرك ذوق يا اشجان يا اختي , هتوحشيني يا رحمممممممممممممة هههههههه هاتي بوسة امووووووووووووه

وانتِ كمان يا طنط بهيرة , هو فين ياسررررررررررررررررررررر

يا ياسررررررررررررررررررر تعالى سلم على رحمممممممممممممممممممممة , كان نايم وصحي على صوتكو

رحمممممممممممممممممممة , ايه ده انتي رايحة فين ؟؟؟؟؟؟؟؟؟؟؟؟؟

انا مسافرة اسّنجرية يا ياسررررررررر باي باااااااااااااااااي

اهئ اهئئئئئئئئئئئ لالالالالا مش تسافري , ماما خليها مش تسافر

يا حبيبي دي مسافرة مع باباها ومامتها ما ينفعش ما تسافرشششششششش , كلها اسبوعين ويرجعوا

اهئ اهئئئئئئئئئئ كدة ؟؟؟؟؟؟ انا زعلان منك يارحمة

مش تزعل يا ياسررررررررر , انا هاجي تاني واجيبلك حاجة حلوة , باي باااااااااااااااااي

بيييييييييييييب بييييييييييييييييييييييييب بييييييييييييييييييييييييييييييييييييب

يا خبر , عادل بيضرب كلاكس , احنا اتأخرنا عليه اوي , السلام عليكم يا بهيرة

وعليكم السلام يا شجووووووووووووووونة , سلمي على ضرتك وبوسيهالي من هنا ومن هنااااااااااا هههههههههههههه

ههههههههه مش هيوصل يختي ههههههههههههههههه

**************************************************

ههههههههههه نورتي اسكندرية يا اشجااااااااااااااااان , نورتي بلد ابوكِ وامك يا رحمممممممممممممممة

مين ابوكِ وامك دول يا بابا ؟؟؟؟؟؟؟؟؟

هههههههه اني وماما يعني , ايه , شايفة البحررررررررر شايفة البحر من شباك العربية يا رحوووووووووومة

حلو اوي , لونه ازرق وكبيرررررررررررررررر والسما كمان ازرقة وكبيرررررررررررررررررة

ايّووووووووووووووووووووه البحرررررررررررررررر وقف العربية يا عاااااااااااااادل عايزة نتنسموا هوا البحرررررررر وحشني وحشني اووووووووووووي , نفسي نتمشوا ع الشط زي زمااااااااااااااااااااااان

هههههههه حاضر يا حبيبتي , اسكندرية نورت بيكِ يا شجووووووووووووونة

منور بيك يا عادل , تعالي يا رحمة , انزلي يا حبيبتي

اسكندرية تااااااااااااااااااااااااااااااااااااااااااااااااااااااني

واااااااااااااااااااااااه من العشق ياااااااااااااااااااااااااااااااااااااااااني

والرمل الزعفراااااااااااااااااااااااااااااااااااااااااااااااااني

ع الشط الكهرماااااااااااااااااااااااااااااااااااااااااني

هو ده البحر يا بابا ؟

ايوة يا حبيبتي

اومال فين اخواتي ؟؟؟؟؟ مش انت قولت هما ساكنين عند البحر ؟

ههههههه ايوة يا حبيبتي هنروحولهم ان شاء الله ما تخافيش

اشجاااااااان ههههه شايفة البت الصغيرة اللي راكبة بسكليتة ع البحر دي ؟

ههههه ايوة شايفاها

فكرتني بيكِ وانتِ صغيرة هههههه كنت غاوية ركوب بسكليتة

هههههه انت لسة فاكر يا عاااااااااادل ؟؟؟؟؟؟؟؟؟

ايّووووووووووووووووه كأني شايفك دلوقتي قدااااااااااااامي ايّووووووووووووووه الاوصة والضفيرة الصفرا الطويلة اللي على ضهرك والبنطلون والبلوزة وسايقة البسكليتة زي الجنية ع البحر هههههههههههه شبه البت رحمة الخالق النااااااااااااطق بس انتي احلى هههههههه

ههههههههه اني احلى من رحمة ! لالالالالا والله رحمة احلى

طب يمين على يمينك انت احلى هههههه انتِ الأصل وهي الصورة يا بت , فاكرة الايام دي يا اشجاااااااااان ؟

إلا فاكرة , كنت صغيرة اوي ساعتها , اني بطلت ركوب بسكليتة من واني في تالتة ابتدائي , ابويا شاف ولا واقف بيعاكسني زعق للولا وقالي انزلي يا بت من ع البسكليتة بلاش ميااااااااااااصة هههههههه وخد البسكلينة رماها فوق السطح وزعق لامي وقالها البت كَبَرت واحلوت والعين بقت عليها ومافيش ركوب عجل تاني ولا بناطيل ههههههه

هههههه ابوكِ كان راجل جدع يا بت , بصراحة ما كانش يعجبه الحال الماااااايل , كان بيصلي ويعرف ربنا ودايما يقول البنات دول امانة ولازم تتصان عشان ربنا هيسألنا عنها اني فاكر لما ضرب ثريا اختك عشان حطت احمر شفايف وخرجت بيه ههههههه قالها لو عملتي كدة تاني هنقطعوك ونرموكِ في المالح وفعلا ما شوفتهاش حطته تاااااااااااني

هههههه اني مش فاكرة الكلام ده ؟

كنتِ صغيرة يا اشجان , واني كمان بنقولولك رحمة امانة وتحافظي عليها يا اشجاااااااان , اني مش هنعيشلها العمر كله

بعد الشر عليييييييييييييك , بالله عليك اوعى تقول كدة يا عااااااااادل , ربنا يخليك لينا وتجوز رحمة وتشوف ولادها يااااااااااااااارب

رحمة بتلعب في الرملة ههههههه يلا يا رحمممممممممممة , هاتي البت عشان اوديكو شقة زيزنيا يا اشجان

**************************************************************

سمي وادخلي يا اشجااااااااااان ههههههههه نورتي الشقة

بسم الله الرحمن الرحيم , منورة بيك يا عادل , ادخلي يا رحمة

شقة مين دي يا ماما ؟

شقتنا يا حبيبي

لالالالالالالالا احنا شقتنا عند طنط بهيرة وياسرررررررررررررر

ههههه هناك شقتنا وهنا شقتنا يا حبيبتي , يلا عشان ندخل نغير هدومنا ونستريح يا رحمة , ما تدخل يا عادل انت واقف كدة ليه

لا معلش اني لازم نمشي نروحوع المينا عندي شغل متأخر

بس انت ما نمتش كويس يا عاااادل لازم ترتاح

معلش ما ينفعش , على فكرة خليت مرات البواب نضفت الشقة وخلتهالك زي الفل والاكل عندك في التلاجة

نامو وارتاحو وخدوا راحتكو ع الاخر وع الساعة خمسة المغرب كدة هنبعتولك احمد ياخدك انتي ورحمة تنزلوا تتسوقوا وتشتروا فستان لرحمة وجزمة وشوفي انتي كمان عايزة ايه

هههههه ربنا يكرمك يا عادل

طب سلاام انا بقى سلاام يا رحممممممممممممممممة

انت رايح فين يا بابااااااااااااااا

هجيلك تاني يا حبيبتي

طيب باي بااااااااااااااااي

**********************************************************

يا احمممممممممممد , خلصت شغلك

ايوة يا حاج

طيب روح عدي على خالتك اشجان وخدها هي ورحمة عشان تشتري فستان لرحمة تحضر بيه فرح اختها وشوف كل طلباتهم

حاضر يا حاج , هما عارفين اني هعدي عليهم ؟

ايوة اني قولت لاشجان انك هتعدي تاخدهم بالعربية الساعة خامسة , زمانهم لابسين ومستنينك

طيب خلاص , حاضر , هنروحوا على طول اهو , السلام عليكم

وعليكم السلام يا ابني

*******************************************************************

بيييييييييييييييييييييب بيييييييييييييييييييييييييب بييييييييييييييييييييييييييييب

يلا يا رحمممممممممممممة اخوكي احمد جه بالعربية تحتتتتتتتتتتتتتتت يلا عشان ننزلواااااااااااااااا

يلا يا ماما , بس حطيلي التوكة دي

طيب تعالي يا ستي , ادي التوكة اهيه , يلا بيناااااااااا

هييييييييييييييه احمد اهو احمد اهوووووووووووووووو هييييييييييييييييييه

ههههههههه اهلا اهلا اهلاااااااااااااااا رحمة القمرررررررررررررررررررررر تعالي في حضني يا عسل انتي ههههههههههه اموووووووووووووه

ايه ده , دقنك بتشوكني

ههههههه معلش حقك عليا , ازيك يا ام رحمة , منورة اسكندريييييييية

ههههه اهلا يا احمد ازيك انت وازي احوالك ؟ مبروك اللحية هههه

هههههه الله يبارك فيكِ يا ام رحمة , الحمدلله , في نعمة وفضل , اتفضلي اركبي

انا هقعد جنب احمد وانتي اقعدي ورا يا ماماااااااااااا

ههههه ماشي ياستي

يلا توكلنا على الله

احمممممممد

نعم يا رحمة

هو انت تبقى ابن ماما دي ؟؟؟؟؟؟؟؟؟

ههههههه لا انا ابن ماما تانية هههههههههههه

طب يبقى ازاي انت اخويا وانت مش ابن ماما ؟؟؟؟؟؟؟؟؟؟؟ هو ينفع ؟؟؟؟؟؟؟؟؟؟

هههههه ينفع يا ستي , ينفع ونص كمان , صحيح انا ليا ماما غير مامتك , لكن بابا واحد , انتِ اسمك رحمة ايه ؟

رحمة عادل سليم , وانت اسمك احمد ايه ؟

ههههه انا اسمي احمد عادل سليم , يبقى احنا اخوات ولا لأ بقى ؟؟؟؟؟؟؟؟

ايوة نبقى اخوات , هو انت في سنة كام

يا ستي انا رايح اخر سنة كلية تجارة

كلية ! انا عايزة اروح الكلية زي احمد يا مامااااااااااااااا

هههههه يختي لسة بدري مستعجلة على ايه , انتي يا دوب رايحة سنة اولى

ايوة هروح سنة اولى انا وياسر

مين ياسر يا رحمة

ياسر ابن طنط بهيرة , انت ما تعرفهاااااااااش ؟؟؟؟؟؟؟

هههه لا والله

ولا مامتك تعرفها ؟؟؟؟؟؟

هههههه لا يا ستي

طيب هات مامتك وتعالى وانا اوديكو عند طنط بهيرة , طنط بهيرة حلوة وبتعمل رز بلبن

هههههه ماشي يا ستي

كفاية رغي يا بت يارحمة , صدعتي اخووووووووووووكِ

صدعته يعني ايه ؟؟؟؟؟؟؟؟؟؟؟؟؟؟؟؟

طيب يلا يا رحمة , يلا يا ام رحمة , وصلنا شارع سعد زغلول اهو

مين سعد زغلول ده يا احمد ؟ اخوك هو كمان ؟

ههههههه يا ستي يعني هي الناس كلها هيطلعوا اخوااااااااااااتي ! لا يا حبيبي دا اسم الشارع اللي احنا فيه , يلا يا قمر هاتي ايدك

خد , ايدي اهيه , امسك في ايدي جامد عشان مش تتوه يا احمد

هههه ماشي يا عسل , خلي بالك مني بقى , عشان انا ماما مش معايا ههههه

, اتفضلي يا ام رحمة

اني وراكو اهو

اني وراك اهو يا احمد

**********************************************************************

يا هيام روحي شوفي الزباين اللي دخلوا دوووووووووول

ايوة يا استاذ أي خدمة ؟؟؟؟؟؟؟ ايه ده ! استاذ احممممممممد !!!!!!!!!!

انسة هيام !!!!!!!!!! انتي بتعملي ايه هنا ؟؟؟؟؟

هنكون بنعملوا ايه يعني , اني بنشتغلوا هنا , تحت امرك

من فضلك سيبي المحل وروحي البيت حالا

افندممممممممم !!!!!!!!!

اظن سمعتيني كويس , من فضلك روحي حالاااااااااا

………………………………. حاضر

*********************************************************************************

تررررررررررررررررررررررررررررررررن ترررررررررررررررررررررررررررررررررررررررررررررررررن

ميييييييييييين

افتحي يا ماما , اني هيااااااااااااااام

هيام !!!!! ايه اللي جابها بدري كدة , اهلا يا هيام , ايه يا حبيبتي خيرررررررر , جيتي بدري يعني ! هو ايه اللي حصل

ههه حصل حاجة غريبة اوي يا ماما , مش لاقيالها تفسير

ايه يا بنتي , اترفدتي من المحل ؟؟؟؟؟؟؟؟ زعلتي حد من الزباين ؟ في ايه طمنيني

ابدا يا ماما زبون دخل المحل روحت نشوفوه عايز ايه , تخيلي يطلع مين !!!!!!!!!

مين يا بنتي ؟؟؟؟؟؟؟؟؟؟

ههه احمد صاحب خالد

احمد !!!!!!!!!! وايه اللي هيجيب احمد محل ملابس حريمي واطفالي !!!!!!!!!!

مش عارفة يا ماما , كان معاه شابة صغيرة بيضة كدة وحلوة ومعاها حتة بت صغيرة , ايّووووووووه على جمالها يا ماما ! تقوليش خاطفينها من جماعة خواجات هههههه اللي يشوفها يفتكرها خواجاية انجليزية والله

ودول يطلعوا مين يا هيام ؟

ممممم مش عارفة , هو ده اللي حيرني , تكونش …….. تكونش خطيبته يا ماما ؟؟؟؟؟؟

خطيبته !!!!!! وهو يا بنتي هيخطب من غير ما يقول لخالد ! لالالالالا , مش معقول تكون خطيبته , على العموم مش موضوعنا , ما قولتليش برضو ايه خلاكي تسيبي المحل وتيجي

هو اللي قالي

هو اللي قالك يعني ايه

لما شافني اتفاجأ وشكله اتضايق اوووووووووي مش عارفة ليه , وقالي من فضلك يا انسة هيام سيبي المحل دلوقتي حالا

الله ! مممممم يمكن يا بنتي شايف ان الشغلانة مش مناسبة وهيجيبلك شغلانة تانية في حتة احسن

مممممم شغلانة تانية !!!!!!!!!! مممممم الله اعلم بقى يا ماما , اني طول الطريق واني بنفكر هو ليه عمل كدة

بكرة يقابل خالد ونعرف كل حاجة يا هيام , هتتعشي

لالالا اني شبعانة يا ماما مممممم حاسة اني ……… مش عارفة مالي , اني هندخل نتوضى ونصلي المغرب يا ماما

ادخلي يا حبيبتي

ياترى عملت كدة ليه يا احمد ؟؟؟؟؟

 

—————————————————–

ونكمل في الحلقة السادسة  .. إلى اللقاء في الحلقة السادسة (الجزء الثاني)

بقلم الكاتبة: هبة نور

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى