ترفيهمسلسل الحب فى زمن الـــ لا حب

مسلسل “الحب فى زمن الـــ لا حب” الحلقة الرابعة والعشرون

الحلقة الرابعة والعشرون

 

محمد : انتى مش نفسك تحبى وتتجوزى وتبقى عروسه كده زى مريم

نور بعد تفكير : هكدب عليك لو قلتلك لاء حلم كل بنت انها تبقى عروسه بس انا كمان حلمى ابقى عروسه لواحد بيحبنى بجد وبيخاف عليه ومش عشان ابقى عروسه يوم اتعس نفسى طول حياتى انا عارفه انه حلم صعب بس بجد نفسى يتحقق

محمد : ربنا يوفئك وتحققى كل اللى بتحلمى بيه

نور : امين يارب

محمد : على فكره احنا وصلنا ووقفين بقالنا 10 دقايق

نور وهى بتبص حواليها : بجد

محمد : لما بتكلم معاكى مش بحس بالوقت

نور : ياله انا هطلع بقى عشان مش هينفع نقف كده اكتر من كده

محمد : ماشى ……….بس بجد انا مبسوط اوى انى اتكلمت معاكى

نور : شكرا ربنا يخليك ………….مع السلامه

نزلت نور من العربيه وطلعت بسرعه ومحمد فضل قاعد فالعربيه شويه وعينه عليها لحد ما اختفت من قدامه وبعدين مشى

 

..………………………………………………………………………………

 

بعد اسبوعين

 

محمد كان بيكلم مريم

محمد : حمد الله على السلامه ياحبيبتى

مريم : الله يسلمك

محمد : ها انبسطى فالهانى مول

مريم بفرحه : اوى اوى يا محمد

محمد : ربنا يسعدك يارب دايما …….وخالد اخباره ايه معاكى

مريم : الحمد لله بيحاول يرضينى باى شكل

محمد : تمام ربنا يخليكو لبعض ……………..ع فكره انا مسافر كمان يومين

مريم : ايه هو انا لحقت اقعد معاك

محمد وعامل نفسه زعلان : مش انتى سافرتى وسبتينى لوحدى

مريم : طب كطول الاجازه شويه

محمد : مش هينفع والله يامريوم

سكت شويه وبتنهيده : اذا كان عليا مش عاوز ارجع دلوقتى خالص

مريم : احم احم وده من ايه بقى ………….حاسه انك عامل مصيبه

محمد : انا خالص انتى عارفه اخوكى حبيبك ملاك مش بيعمل حاجه خالص

مريم : مش مستريحالك

محمد : صحيح هم اصحابك مش هيجو يباركولك

مريم : مش عارفه ساره كانت بتقول انها هتسافر بعد الفرح مع عيلتها عشان تصيف مش عارفه رجعت ولا لسه

محمد بلهفه : طب ونور ؟؟

مريم بتلقائيه : هكلمها وشفها هى اصلا وحشانى اوى

محمد بينه وبين نفسه : وانا كمان”

مريم سكتت شويه وبعدين بداءت تحس ان فى حاجه : هو انتم مالك مهتم بصحابى ليه مش بقولك مش مستريحالك

محمد : بقولك ايه يامريم ياحبيبت قلبى

مريم بابتسامه : خييييييييييييييير

محمد : هطلب منك طلب صغنون قد كدهوه

مريم : اطلب يا اخويا لما اشوف اخرتها معاك

محمد : يعنى لو ينفع يعنى ………..يعنى هو ممكن ……..مثلا يعنى

مريم : بس كده من عنيا

محمد : هو انا لسه قولت حاجه

مريم : ههههههههههه ايه ده انت وخد بالك ………….اخلص وقول

محمد : طبعا انا هاجى انهارد عشان اشوفك قبل مسافر

مريم : هااااااااااااااا

محمد : يعنى هو لو ممكن تكلمى نور وتخليها تزروك انهارده عشان بقى تباركلك وعشان كمان هى وحشاكى ونفسك تتكلمى معاها وتشوفيها وكده

مريم : هههههههههههههههههههههههههههههههههههههههههههههههههه

محمد بعصبيه : بتضحكى ليه ؟؟

مريم : اصلى اول مره اشوفك كده ……..انت معجب بنور ؟؟

محمد : ها لا بس هو عشان يعنى اشوفها قبل مسافر يعنى عادى يعنى

مريم : انت شايف انه عادى يعنى

محمد : بصراحه كده انا يوم فرحك لما اتكلمت معاها مش عارف ليه حاسس براحه كده وحاسسس انى عاوز اتكلم معاها اكتر وافهمها واتعرف عليها اكتر ………مش عارف بقى المهم خليكى جدعه بقى

مريم : انت عارف انى طول عمرى جدعه ……..زماشى ياسيدى بس متتاخرشى عشان هى مش هتتاخر عشان مامتها

محمد بابتسامه : انا هلبس وهاجى اهوه

مريم : لا مش للدرجادى ده وقت الغدى

محمد : يالهوى على البخل بدل متعزمينى عندك وتقوليلى تنور يا اخويا يا حبيبى

مريم : ههههههههههههههه

محمد : ماشى يا ستى ياله روحى شوفى جوزك وانا على 7 كده هكون عندك

مريم : اوكى ……….سلام

محمد : سلام

 

…………………………………………………………………………….

 

حوالى الساعه 6 مريم كلمت نور وفهمتها انها محتاجه طلبات مهمه وطلبت متها تجبهالها

وفعلا نور لبست ونزلت اشترت الطلبات وراحت لمريم الساعه 7ونص

نور اول لما دخلت لقت محمد قاعد مع خالد حست ان قلبها اتخطف

نور : السلام عليكم

محمد وخالد : وعليكم السلام

مريم اخدت منها الطلبات

مريم : شكرا اوى يانور ربنا يخليكى ليا

نور : على ايه يابنتى …. انتى اخبارك ايه

مريم : الحمد لله تمام

قاعدو يتكلمو شويه فى مواضيع عامه ويهزرو وكانو كلهم مبسوطين اوى

محمد : وانت هتسافر امتى ياخالد

خالد: كمان اسبوعين

نور : ايه ده واخد اجازه شهر بس

مريم بزعل : شايفه ……..وهيسبنى لوحدى

خالد : بقولها تعالى معايا وهى اللى مش راضيه

مريم : مش هينفع عشان الدراسه

خالد : ابقى انزلى على الامتحانات

مريم : مش هينع دى اخر سنه وعاوزه اجيب تقدير كويس عشان لما اسفر معاك الاقى شغل كويس

نور : ممكن تسافر اول شهر لسه الدراسه هيبقى لسه فاضل اسبوعين على الدراسه واول اسبوعين من مهم هجبلك المحاشرات المهامه

مريم وهى بتفكر : صح ……….ربنا يخليكى يانور

خالد : يعنى خلاص احجزلك معايا

مريم بفرحه : ماشى بس هرجع بعد شهر

خالد : ماشى …………..وانت يا محمد هتسافر امتى

محمد : بعد بكره ان شاء الله

كان بيقول الكلمه وهو باصص لنور ونور حست بنغزه فى قلبها

———–———-———————-————

ونكمل في الحلقة الخامسة والعشرون  .. الى اللقاء في الحلقة الخامسة والعشرون

بقلم الكاتبة :ريم أحمد

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى