مسلسل “يوميات بنت عنيدة” الحلقة الثالثة

الحلقة الثالثة

وبعد تقريبا ساعه كانت ملك ومامتها فى النادى

ملك :ماما انا عاوزه اقعد عند النيل فى ترابيزه فاضيه هناك اهيه

بس الام مكنتشى مركزه مع ملك كانت بدور بعنيها على حد معين

الام : ايه ده مش معقول دى ناديه صحبتى هناك …….. تعالى نسلم عليها

ملك: مين يا ماما بس كده التربيزه هتتاخد طيب روحى انتى وانا هروح احجز التربيزه

الام : لا مينفعشى هى خلاص شافتنا ميصحش برده

ملك: بس يا ماما……

بس مامتها كانت فعلا مشيت عند ترابيزة ناديه وكانت ناديه بتشاور لها وهى واقفه مبتسمه فراحت ملك هى كمان نحيتهم

ناديه : ازيك يا منال عاش من شافك وحشانى اووووى

منال : وانتى كمان والله وحشانى

وبصت منال على الشاب اللى كان قاعد مع ناديه

منال : ماشاء الله ده احمد ده…. ده كبر وبقى راجل اهوه

احمد : اهلا بيكى يا طنط…… ربنا يخليكى

وملك كانت مستغربه و بتفتكر فكلام مامتها عن صحبتها ناديه وابنها اللى كانو هيجو البيت

ملك فى سرها ” صدفه دى ولا مش هما اصلا …ولاااا تكون ماما هى اللى مخططه لكل ده هى كانت مصره اوووى انى اخرج معاها انهارده”

وفاقت ملك من حيرتها على صوت ناديه

ناديه: بس ملك كبرت وبقت عروسه زى القمر ربنا يخليهالك …….ازيك يا ملك فكرانى ولا لاء

ملك : لا فكراكى يا طنط اهلا بحضرتك …مش ياله بقى يا ماما عشان التربيـــ………

وقبل متكمل ملك كلامها لقت مامتها قعدت مع ناديه على التربيزه

منال: خلاص بقى احنا هنقعد هنا دى ناديه وحشانى اووووووووووى ونتكلم شويه بدل منقعد لوحدنا

ملك وهى مضايقه قعدت معاهم وهى حاسه ان فى حاجه غلط فى الموضوع مفيش صدفه كده

منال: هاا يا احمد بقى عامل ايه وبقيت ايه دلوقتى

احمد: انا مهندس معمارى يا طنط

منال :اها ربنا يحميك وملك كمان مهندسه بس ديكور اتخرجت من فنون جميله من سنتين وهى دلوقتى بتدرس تمهيدى ماجيستير

ناديه : ماشاء الله عليها كويس ان هى بتكمل بس هى مش بتشتغل

منال : لاء لسه بتدور على شغل بس انا بقولها مش لازم احنا مش محتاجين بس انتى عارفه شباب اليومين دول وكلامهم عن الشخصيه والشغل

والكلام ده هههههههه

ناديه: ههههه عندك حق سبيها براحتها………هاا يا ملك انتى مش بتتكلمى ليه انتى مكسوفه

ملك كانت كل ده بتسمعهم وهى كل شويه تتاكد ان مامتها كانت عارفه بالمقابله دى

يعنى هى ترفض تقابلهم فى البيت تعمل هى الحوار ده كله

وقطع تفكيرها كلام ناديه

وبصت ملك لمامتها وهى مضايقه جدا من اللى بيحصل

ملك: بس مش غريبه يا ماما ان تكون فى واحده صحبتك اسمها ناديه وابنها برده اسمه احمد وبالصدفه برده مهندس كان هيجلنا من اسبوع فالبيت

ونقابلهم صدفه كده فى النادى ولا هم ناس تانيه وانا اللى فهمه غلط ولا دى مجرد صدفه

الكل سكت وهم مصدومين من كلام ملك ومش عارفين يقولو ايه

وبصت ملك لاحمد بكل سخريه

ملك: هااا بقى يا بشمهندس ايه رايك انفع ولا هتدور على حد تانى طيب اقوم الف لفتين كده حولين التربيزه عشان تعرف تتفرج براحتك على

العروسه

وبعدين بصت لمامتها: طيب مش تقوليلى يا ماما عشان كنت اعمل حسابى

وبعدين وقفت وهى مضايقه جداااااااا وبنفس السخريه

:خلاص كده يا جماعه انا عملت اللى عليه وتفرجتم انا بقى هقوم ولو عجبت البشمهندس ..بس ابقو قوليلى قبل الخطوبه بيومين عشان اعزم

اصحابى …سلام

وقامت ملك وهى متنرفزه جداااا وراحت للتربيزه اللى كانت عاوزه تقعد عليها من الاول و احمد ومنال وناديه كانو لسه تحت تاثير الصدمه وكلام

ملك ليهم ومفيش حد كان عارف يتكلم ويقول ايه

منال: انا اسفه اوووى يا جماعه ……..البنت دى هتجننى خلاص

وبصت لناديه بعتاب وقالت: مش انا قولتك بلاش يا ناديه انا عارفه بنتى هى عنديه دى خلاص بقت فظيعه انا مش عارفه اعمل معاها ايه

احمد : ولا يهمك يا طنط هى عندها حق وانا برده مكنتش موافق على الطريقه دى بس ياله بقى اللى حصل

ناديه بسخريه : انا بس دلوقتى اتاكدت ان البنت دى بنتك دى النسخه بتاعك وانتى صغيره وبتقولى هتجننك ده انتى برده كنتى هتجننينى فكره

ههههههههههه

منال: مهو ده اللى مصبرنى عليها ان هى شكلى اوووى بس انا مكنتش عنديه ودماغى ناشف كده

احمد: طنط هو انا ممكن اروح اعتذرلها دى شكلها مضايق اوووى

منال: والله انت طيب يا احمد بعد اللى قالته ده عليك وانت اللى هتعتذر

احمد: لا بجد يا طنط هى عندها حق مكنشى ينفع نعمل كده بعد اذنك يا طنط

منال : ماشى يا حبيبى روحلها بس متزعلشى منها لو قلتلك حاجه

احمد : متقلقيش

وراح احمد للمكان اللى كانت قعده فيه ملك وملك كانت قعده تفكر فى اللى حصل والموقف الزباله اللى حصل ده وان مامتها بتعمل كده فيها

وبعدين فاقت من سرحانها لقت احمد قاعد جانبها

ملك بضيق : انت هنا من امتى

احمد : من شويه بس انتى كنتى سرحانه اوووى

ملك بسخريه : ايه ملحقتش تتفرج كويس

حست ملك ان هى مزوداها معاه وندمت على اللى قالته الحق مش عليه الحق على مامتها

وسكتو هم الاتنين وكانو بيبصو على النيل

ملك : انا اسفه…..انا عارفه انى زوتها معاكو شويه

احمد: لا ولا يهمك انتى عندك حق …انا اللى كنت جاى اعتذرلك عشان اللى حصل

استغربت ملك من تصرف احمد يعنى بعد اللى عملته وهو جى يعتذرلها وسكتت تانى

 

ملك وهى بتنهد وكانها بتكلم نفسها: انت عارف ايه اكتر حاجه مضيقانى فى الموضوع ده

بصلها احمد وندهش لما لقى دموع ملك ومن غير ميتكلم كملت ملك كلمها

ملك: ان اقرب حد ليك ميكونشى فهمك ويعمل كل حاجه بضايقك وهو مش عارف انه بيضايقك وان اللى بيعمله ده صح وان انت اللى مش فاهم

حاجه

احمد : بس مامتك بتعمل كده عشان هى بتحبك وخايفه عليكى

ملك: انا عارفه بس انا عاوزاها تفهمنى الاول وبعدين تخاف عليه…… انا مش عاوزه حد يحبنى قد مانا محتاجه حد يفهمنى

احمد: طيب ممكن اسالك سؤال؟

———–———-———————-————