ترفيهمسلسل يوميات بنت عنيدة

مسلسل “يوميات بنت عنيدة” الحلقة السابعة

الحلقة السابعة

فاتت حوالى نص ساعه وملك موصلتشى واحمد كان هيتجنن وقلقان جدا عشان المشروع فحته بعيده بره البلد وكان خايف يكون حصلها حاجه

فالطريق واحمد مخه عمال يودى ويجيب فجاءه لقى عربية ملك جايه من بعيد اطمن بس في نفس الوقت كان مضايق منها ومن عندها

احمد : انتى كنتى فين كل ده مش كنتى ماشيه ورايا

ملك ببرود : اصل العجله باظت ونزلت عملتها

احمد بعصبيه : نعم ازاى يعنى يعنى انتى نزلتى فالطريق وعملتى العجله لوحدك

ملك بسخريه : هعمل ايه يعنى كنت هقف اعيط جانبها يعنى

احمد بعصبيه: انتى كمان بتتريقى انت متعرفيشى الطريق عامل ازاى افرضى حد طلع عليكى ولا عمل فيكى حاجه انتى شخصيه مستهتره وعنيده

ومبتسمعيش الكلام وشكلنا كده مش هنقدر نتفاهم مع بعض

 

ومشى احمد وهو متعصب جداا وملك وقفت وهى مش عارفه تقول ايه وبتكلم نفسها” هو ماله ده بيتعصب عليا كده ليه وهو ازاى يكلمنى بالطريقه دى “

وبعد شويه هديت ملك وحست انها فعلا غلطانه وان احمد عنده حق فقررت انها تروح تعتذرله وتهدى الجو شويه مابنهم عشان يعرفو يتعاملو مع

بعض

ملك : احم احم

بصلها احمد وبعدين دير وشه تانى عنها

ملك : انا اسفه بس انا مفكرتش كده انا حصلى موقف وكان لازم اتصرف واصلح العربيه

احمد :ماهو لو انتى مش عنديه من الاول وكنتى ركبتى معايا ماكنشى ده حصل

ملك: انت من ساعة ماشوفتنى وانت بتقولى يا عنديه انت لسه اصلا متعرفنيش عشان تقول عنديه او لاء

احمد بعصبيه: لا انتى عنديه و لمضه كمان

ملك وهى بتتنهد: طيب هو ينفع ننسى كل اللى فات (وبصتله كده با بتسامه) طبعا انت فاهم ونبداء مع بعض صفحه جديد وكانك لسه بتعرفنى

انهارده

احمد ضحك نص ضحكه : ماشى موافق

اعرفك على نفسى انا البشمهندس احمد

ملك وهى بتضحك: اهلا بيك وانا المهندسه ملك

بجد الشغل ده كان حلم من اهم احلامى ومش عاوزه اضيعه واعمل كل مجهودى عشان انجح وزى مانت قولت انا مش هنجح غير بيك وانت كمان

هتنجح بيا يعنى نجحنا معتمد علينا احنا الاتنين اتمنى ان احنا نتفق مع بعض وده مش هيحصل واحنا شيلين من بعض

احمد: وانا موافق وصدقينى مافيش اى حاجه بس انت ياريت تبطلى عند

ملك :برضه بتقول عند

احمد وهو بيضحك : خلاص خلاص

واحمد وملك قرارو يبدأو صفحه جديده واخدها يفرجها الموقع عشان يبدأو الشغل

وتانى يوم الصبح راحت ملك على شغلها قبل المعياد وقعدت تحاول ترسم تصميم مبدائى للموقع بعد ماخدت المقاسات من احمد

وبعد شويه وكل واحد فهيم مندمج في شغله دخل راجل غريب ومعاه ورد ووقف قدام ملك

الراجل : انسه ملك

ملك : اه

الراجل: الورده ده عشان حضرتك

استغربت ملك اوى وكان كل اللى في المكتب بيبصلها باهتمام مين ياترى اللى باعت الورد وطبعا اولهم احمد

ملك اخدت الورد ولسه بتشوف الكارت

“مبروك يا احلى مهندسه فالدنيا ومتنسيش العزومه

ايمووووووووووو”

ملك بصت للكرت وهى بتضحك

ملك : اه يا مجنونه

وفجاءه جه صوت من عند الباب

ايمان: مين دى اللى مجنونه

ملك باستغراب: هيكون مين غيرك يعنى

ايمان : يعنى الحق عليا انى عبرتك وجيبالك ورد ومظبطاكى اهوه

ملك :احم احم

بصت ملك وايمان فالمكتب لقو احمد وعماد ووليد بيصلهوعليهم ومستغربين اللى بيحصل

وهم نسو نفسهم وانهم فالشغل وكان محرجين جدا منهم

ملك : انا اسفه يا جماعه اقدملكم ايمان صاحبتى وتبقى بنت البشمهندس حسن اقدملك المهندس عماد والمهندس وليد وده المهندس احمد

ايمان: اهلا بيكوا انا اسفه على الازعاج

عماد: ليكى حق مش بنت صاحب الشركه

ايمان بضيق: ملهاش علاقه على فكره انا اتصرفت بطبعتى ونسيت نفسى انا اسفه

وليد: ولا يهمك ماحصلشى حاجه اتفضلى تشربى حاجه

ايمان:لا شكرا انا همشى بقى عشان تشوفو شغلكم

مع السلامه يا لوكه والف مبروك

ومشيت ايمان بس وليد كان متنح شكله كده وقع من اول نظره وده بقى اللى هنعرفه بعدين

———–———-———————-————

ونكمل في الحلقة الثامنة .. الى اللقاء في الحلقة الثامنة

بقلم الكاتبة :ريم أحمد

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى