الطبخفراخلحوموصفات الطبخ
بالصور كفتة الفراخ بالصلصة مع المكرونة الأسباجتى
بالصور كفتة الفراخ بالصلصة مع المكرونة الأسباجتى
على فكره طريقتها زى كفتة اللحمه المفرومه بالظبط
صدر فرخه ,بصله متوسطه ,قرن فلفل اخضر ممكن حامى لو بتحبى الشطه ,شوية كسبره وشبت
بهارات (ملح , فلفل اسمر , جنزبيل , قرفه , كمون , كسبره ناشفه , بهارات لحمه )
من كل البهارات دى نصف معلقه صغيره ودى صورتهم
حنفرم كل ده مع بعضه فى الكبه وبعد الفرم لو حسيتى انها لينه بتلزق فى ايدك حطى
شوية بقسماط وقلبيها فى بعض كويس وبعدين كوريها زى كده
وبعدين عفرتها بالدقيق كده
وبعد كده حمرتها فى الزيت ودى صورتها
حنيجى بقى عشان نعمل الصلصه حنجيب حله على النار ونحط شوية زيت ونفرم 3 فصوص
توم ونحمرهم وننزل عليهم بطماطمتين معصورين ومعلقتين صلصه لحد ما يتسبكو
نحط نص معلقه صغيره فلفل اسمر وبهارات لحمه وشوية ملح صغيرين و حنزود
شوية مايه صغيرينوبعدين نحط الكفته ونقلبها ونهدى النار عليها اوى ونسبها عشر
دقايق وبعدين نطفى وكده تبقى استوت ودى صورتها
حنسلق المكرونه ونحط فى المايه شوية ملح وشوية زيت وبعدين نصفيها ممكن تقديميها علطول
وعليها الكفته بس انا بحب اطعمها يعنى بجيب حله على النار واحط معلقة سمنه صغيره
وشوية زيت صغيرين واحمر فيهم فص توم مفروم ناعم اوى وانزل بالمكرونه وشويه
فلفل اسمر صغيرين واقلبها وهى النار
وبعدين احطها فى طبق التقديم واحط عليها الكفته وشوية بقدونس ودا شكلها
