ترفيهمسلسل الحب فى زمن الـــ لا حب

مسلسل “الحب فى زمن الـــ لا حب” الحلقة الخامسة

الحلقة الخامسة

ساره وهى وقفه وخايفه شافت كريم معدى من قدامها

ساره : كريم …….يا كريم

كريم بصلها

ساره : كريم الحقنى

كريم جرى نحياتها وجرو الولاد اللى بيضايقوها

بس اللى متعرفهوش ان كريم هو اللى عامل التمثليه دى كلها عشان ساره هى اللى تكلمه ودول اصلا اصحابه

كريم وهو عامل نفسه مخضوض: ساره فى ايه مالك

ساره وهى خايفه: كويس انك هنا انا كنت خايفه اوى

كريم : خلاص اهدى …….هم مشو خلاص …………تعالى نقعد هنا

ساره: شكرا اوى ياكريم مش عارفه لو مكنتش موجود كنت عملت ايه

كريم : ولا يهمك ………….الحمد لله……..انا هقووم بقى

ساره بلهفه : هتروح فين

كريم : مش عاوز اضايقك بوجودى انا هقعد فاى حته

ساره : لاخليك معايا لحد ما نور ومريم يجو ………عشان خاطرى

كريم بايتسامه : وانا مقدرشى ارفضلك طلب

وفضل ساكت

ساره : انت لسه زعلان منى

كريم : لا مش زعلان اللى بيحب حد ميقدرشى يزعل منه بس مش حابب اضايقك

ساره بخجل: ومين قال انى مضايقه

كريم: ساره انا عارف ان كلام على عليه مخوفك منى بس بجد انا بحبك …………..وعلى فكره على قاصد يشوه صورتى قدامك

ساره باستغراب : ليه يعمل كده مش انتم اصحاب

كريم : اه بس هو قالى انه قاصد يتكلم عليه كده قدامكم انتم بالذات عشان خايف عليكم منى …..بصى ياساره مش هخبى عليكى انا فعلا ارتبط كذا مره بس مع كل وحده بشوفها بشكل ولما اقرب منها بحس انها حد تانى فبسبها عشان مخدعهاش وانا مش بحبها على خايف اعمل كده مع حد فيكو وخصوصا انك قريبته وهو بيحب نورهان ونور ومريم بيعتبرهم زى اخواته عشانك فهو خايف عليكم منى ……..صدقينى هو قاصد يتكلم عليه كده قدمكم انتم بالذات

ساره :………. مش عارفه اقولك ايه

كريم : ادينى فرصه تعرفينى بجد بعيد عن كلام على وانا كمان اعرفك

ساره : طيب وبعد متعرفنى تقولى لا مش بحبك زى اللى قابلى

كريم : لو انتى بتمثلى عليا دلوقتى ومش دى ساره الحقيقه قوليلى وانا هبعد

انا حبيت ساره الجريئه المرحه اللى بتحب كل الناس وقد تصرفاتها وقد قرارتها لو ده مش حقيقى قوليلى وانا هبعد من دلوقتى

ساره بكسوف : بس فعلا هى دى ساره الحقيقه

كريم : يعنى هتدينى فرصه

ابتسمت ساره وسكتت

كريم : انا هعتبر دى موافقه

وبص فعنيها اتكسفت ساره وبصت فالارض

كريم : انا بحبك اوى على فكره

ساره عشان تلغوش على الكلمه وقلبها اللى بيدق اوى

ساره : بس انت كنت فين طول الفتره دى

كريم : مفيش كنت فالبيت

ساره : بس على كان بيقول انك مسافر مع باباك

كريم : انا قولتله كده عشان ميسالنيش مكنتش بخروج ليه او باجى الكليه ليه

ساره : وانت مكنتش بتخروج ولا بتيجى الكليه ليه

كريم : كنت بحاول انساكى وابعد عنك عشان مضايقيش

وسكت شويه وبص لساره

كريم : بس عارفه انتى وحشتنيى اوى وحبيتك اكتر مكنتيش بتبعدى عن تفكيرى لحظه وكان نفسى اشوفك ………هو انا ممكن اطلب طلب

ساره : اتفضل

كريم : انا عاوز رقم تليفونك………..عشان اقدر اكلمك ونتعرف اكترعلى بعض بعيد عن الكليه وعلى ………وكمان مش عاوزك تقولى اى حاجه لاى حد دلوقتى حتى نور ومريم

ساره باستغراب : ليه

كريم : بس اسمعى كلامى وانا هكلمك بليل وافهمك ……….ياله هاتى الرقم عشان مريم ونور عند باب النادى

فعلا ساره اداته الرقم وشويه ونور ومريم جم عليهم وهم مستغربين ان كريم قاعد مع ساره

مريم : السلام عليكم ……. ازيك يا كريم …….فينك ؟

كريم : موجود …. ازيك يا نور

نور من غير نفس : الحمد لله

كريم: ياله ياستى انا همشى بقى نور ومريم جم اهم …ومش عاوزك تخافى انا موجود لو فى حاجه حصلت تانى

ومشى كريم بعيد عنهم

ضحك كريم ضحكت نصروهو بيكلم نفسه

” يا سلام عليك ياكيمو انت المفروض تبقى مخرج فالسيما “

” لا مخرج ايه وممثل كمان ده انت ممكن تاخد جائزه الاوسكار”

ومشى بكل غرور وفرحان بذكائه وتمثيله

نوربقلق : فى ايه يا ساره هو ايه اللى حصل

ساره حكتلهم على الولاد اللى ضايقوها وكريم واللى عامله معاها بس طبعا مقلتشى على كلامها مع كريم زى متفقتو

مريم: والله طلع جدع اهوه معلشى يا ساره ان احنا اتاخرنا عليكى

ساره : الحمد لله عدت ولا يهمكو

نور: هم فين الولاد دول وانا اقوم اضربهملك

مريم : خلاص ياحج ده انتى اول وحده هتجرى

وفضلو يضحكو وهزرو زى العاده

واول مروحت ساره دخلت اوضاتها وفضلت ماسكه موبايلها فاديها وكل شويه تفتحه وتبص عليه بس كريم يوميها متصلشى بيها عمل نفسه عم التقيل

 

…………………………………………………………………………..

 

وتانى يوم ساره كانت قاعده على الفيس تكلم نور ومريم لقت تليفونها بيرن

جرت عليه بسرعه لقت رقم غريب توقعت انه كريم

ساره : الو

كريم : تصدقى صوتك حلو اوى فالتليفون

ساره وشها احمر وجاب كل الالوان وحبت تعمل عبيطه وتتقل شويه اشمعنا هو مكلمهاش امبارح

ساره: ايوه مين معايا

كريم : انا واحد بيحبك اوى ………عندك مانع انك تحبيه

ساره: احبه ازاى وانا معرفهوش

كريم :ياستى اعتبرينى كتاب مفتوح قدامك عاوزه تعرفى ايه

ساره : اول حاجه عاوزه اعرف مكلمتنيش ليه امبارح

كريم : ايه وحشتك

ساره ارتبكت : لا بس كنت عاوزه اعرف انت ليه مش عاوزنى اقول لحد؟


———–———-———————-————

ونكمل في الحلقة السادسة .. الى اللقاء في الحلقة السادسة

بقلم الكاتبة :ريم أحمد

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى